ইঞ্জিল ১৩: ১-থিষল: 3:6 - Siloṭi Asmani Kitab (Nagri lipi)

⁶ ꠅꠁꠟꠦ ꠔꠤꠝꠕꠤ ꠜꠣꠁ ꠔꠥꠝꠞꠣꠞ ꠉꠦꠍ ꠕꠣꠇꠤ ꠚꠤꠞꠤꠀ ꠀꠁꠀ ꠀꠝꠞꠣꠞꠦ ꠎꠣꠘꠣꠁꠍꠂꠘ, ꠔꠥꠝꠞꠣꠞ ꠁꠝꠣꠘ ꠀꠞ ꠝꠣꠄꠀ-ꠝꠢꠛ꠆ꠛꠔꠞ ꠢꠣꠟꠔ ꠛꠃꠔ ꠜꠣꠟꠣ। ꠔꠣꠁꠘ ꠇꠁꠍꠂꠘ, ꠔꠥꠝꠞꠣ ꠢꠣꠝꠦꠡꠣ ꠝꠣꠄꠀ-ꠝꠢꠛ꠆ꠛꠔꠦ ꠀꠝꠞꠣꠞꠦ ꠝꠘꠅ ꠇꠞꠅ, ꠀꠞ ꠀꠝꠞꠣ ꠎꠦꠟꠣ ꠔꠥꠝꠞꠣꠞꠦ ꠖꠦꠈꠔꠣꠝ ꠌꠣꠁꠞꠣꠝ, ꠔꠥꠝꠞꠣꠅ ꠅꠃꠟꠣ ꠀꠝꠞꠣꠞꠦ ꠖꠦꠈꠣꠞ ꠀꠡꠣ ꠇꠞꠞꠣꠄ।

ছিলটি আছমানি কিতাব (বাংলা লিপি)

⁶ অইলে তিমথি ভাই তুমরার গেছ থাকি ফিরিয়া আইয়া আমরারে জানাইছইন, তুমরার ইমান আর মায়া-মহব্বতর হালত বউত ভালা। তাইন কইছইন, তুমরা হামেশা মায়া-মহব্বতে আমরারে মনো করো, আর আমরা যেলা তুমরারে দেখতাম চাইরাম, তুমরাও অউলা আমরারে দেখার আশা কররায়।

Siloṭi Asmani Kitab (Latin lipi)

⁶ Oile Timoti bai tumrar ges taki firia aia amrare zanaisoin, tumrar iman ar maya-mohobbotor halot bout bala. Tain ḳoisoin, tumra hamesha maya-mohobbote amrare mono ḳoro, ar amra zela tumrare deḳtam sairam, tumra-o oula amrare deḳar asha ḳorrae.

ইঞ্জিল ১৩: ১-থিষল: 3:6 Iomraidhean Croise

Injil 5: Sahabi Nama 16:1

ꠢꠎꠞꠔ ꠙꠣꠃꠟꠥꠍ ꠙꠄꠟꠣ ꠖꠞ꠆ꠛꠤ ꠀꠞ ꠛꠣꠖꠦ ꠟꠥꠡ꠆ꠞꠣ ꠐꠣꠃꠘꠅ ꠉꠤꠀ ꠀꠎꠤꠟꠣ। ꠟꠥꠡ꠆ꠞꠣꠔ ꠔꠤꠝꠕꠤ ꠘꠣꠝꠦ ꠄꠇꠎꠘ ꠃꠝ꠆ꠝꠔ ꠀꠍꠟꠣ, ꠔꠣꠘ ꠝꠣ ꠁꠝꠣꠘꠖꠣꠞ, ꠝꠣ ꠔ ꠁꠢꠥꠖꠤ ꠎꠣꠔꠞ, ꠅꠁꠟꠦ ꠛꠣꠚ ꠁꠃꠘꠣꠘꠤ ꠎꠣꠔꠞ।

Injil 5: Sahabi Nama 18:1

ꠛꠣꠖꠦ ꠢꠎꠞꠔ ꠙꠣꠃꠟꠥꠍ ꠀꠕꠤꠘꠤꠀ ꠍꠣꠠꠤꠀ ꠇꠞꠤꠘ꠆ꠔ ꠐꠣꠃꠘꠅ ꠀꠁꠟꠣ।

Injil 5: Sahabi Nama 18:5

ꠢꠎꠞꠔ ꠍꠤꠟꠣꠍ ꠀꠞ ꠔꠤꠝꠕꠤ ꠝꠣꠇꠤꠖꠘꠤꠀ ꠕꠣꠇꠤ ꠀꠁꠀ ꠢꠣꠞꠟꠦ, ꠙꠣꠃꠟꠥꠍꠦ ꠈꠣꠟꠤ ꠀꠟ꠆ꠟꠣꠞ ꠇꠣꠟꠣꠝꠞ ꠔꠛꠟꠤꠉ ꠇꠞꠔꠣ। ꠔꠣꠁꠘ ꠁꠢꠥꠖꠤ ꠅꠇꠟꠞꠦ ꠛꠥꠎꠣꠁꠔꠣ, ꠢꠎꠞꠔ ꠁꠍꠣꠃ ꠅꠁꠟꠣ ꠀꠟ-ꠝꠍꠤ ꠝꠣꠘꠤ ꠀꠟ꠆ꠟꠣꠞ ꠈꠣꠍ ꠙꠍꠘ꠆ꠖ ꠇꠞꠣ ꠎꠘ।

Injil 7: 1-Korintia 11:2

ꠅ ꠜꠣꠁ ꠅꠇꠟ, ꠔꠥꠝꠞꠣ ꠀꠝꠣꠞ ꠖꠦꠅꠀ ꠔꠣꠟꠤꠝ ꠝꠘꠅ ꠞꠣꠈꠤꠀ ꠌꠟꠞꠣꠄ, ꠀꠞ ꠢꠇꠟ ꠛꠦꠙꠣꠞꠦꠃ ꠀꠝꠣꠞꠦ ꠁꠀꠖ ꠞꠣꠈꠞꠣꠄ, ꠄꠞꠟꠣꠉꠤ ꠀꠝꠤ ꠔꠥꠝꠞꠣꠞ ꠔꠣꠞꠤꠚ ꠇꠞꠤꠀꠞ।

Injil 7: 1-Korintia 13:13

ꠛꠥꠎꠞꠣꠄ ꠘꠤ, ꠁꠝꠣꠘ, ꠀꠡꠣ, ꠀꠞ ꠝꠢꠛ꠆ꠛꠔ, ꠅꠃ ꠔꠤꠘꠅ ꠗꠘ ꠢꠞ-ꠢꠣꠝꠦꠡꠣ ꠞꠁꠛ, ꠁꠔꠣꠞ ꠝꠣꠎꠦ ꠝꠢꠛ꠆ꠛꠔꠃ ꠢꠇꠟ ꠕꠣꠇꠤ ꠛꠠ।

Injil 9: Galatia 5:6

ꠁꠍꠣ ꠀꠟ-ꠝꠍꠤꠞ ꠃꠝ꠆ꠝꠔ ꠛꠘꠤꠀ ꠢꠣꠞꠟꠦ ꠝꠍꠟꠝꠣꠘꠤ ꠇꠣꠝ ꠇꠞꠣꠁꠟꠦꠅ ꠎꠦꠔꠣ, ꠘꠣ ꠇꠞꠣꠁꠟꠦꠅ ꠅꠔꠣ। ꠛꠞꠋ ꠝꠢꠛ꠆ꠛꠔꠞ ꠝꠣꠎꠖꠤ ꠎꠦ ꠁꠝꠣꠘ ꠎꠣꠁꠞ ꠅꠄ, ꠅꠃ ꠁꠝꠣꠘꠃ ꠅꠁꠟ ꠀꠍꠟ।

Injil 11: Filifia 1:8

ꠄꠇ ꠀꠟ꠆ꠟꠣꠄ ꠎꠣꠘꠂꠘ, ꠀꠟ-ꠝꠍꠤꠞ ꠝꠢꠛ꠆ꠛꠔꠦ ꠀꠝꠤ ꠔꠥꠝꠞꠣꠞ ꠟꠣꠉꠤ ꠇꠔ ꠀꠡꠤꠇ।

Injil 12: Kolosia 4:18

ꠀꠝꠤ ꠙꠣꠃꠟꠥꠍꠦ ꠘꠤꠎꠞ ꠀꠔꠦ ꠅꠃ ꠍꠣꠟꠣꠝꠞ ꠇꠕꠣ ꠟꠦꠈꠟꠣꠝ। ꠝꠘꠅ ꠞꠣꠈꠤꠅ, ꠀꠝꠤ ꠎꠦꠟꠅ ꠛꠘ꠆ꠖꠤ ꠀꠍꠤ। ꠀꠟ꠆ꠟꠣꠄ ꠔꠥꠝꠞꠣ ꠢꠇꠟꠞ ꠃꠙꠞꠦ ꠞꠢꠝꠔ ꠘꠣꠎꠤꠟ ꠇꠞꠃꠇ꠆ꠇꠣ। ꠀꠝꠤꠘ॥

ইঞ্জিল ১৩: ১-থিষল: 1:3

ꠁꠝꠣꠘꠞ ꠟꠣꠉꠤ ꠔꠥꠝꠞꠣ ꠎꠦ ꠇꠣꠝ ꠇꠞꠞꠣꠄ, ꠝꠢꠛ꠆ꠛꠔꠞ ꠟꠣꠉꠤ ꠔꠥꠝꠞꠣ ꠎꠦ ꠝꠦꠘꠔ ꠇꠞꠞꠣꠄ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠀꠡꠣ-ꠜꠞꠡꠣ ꠇꠞꠤꠀ ꠔꠥꠝꠞꠣ ꠎꠦ ꠍꠛꠞ ꠇꠞꠞꠣꠄ, ꠁꠔꠣ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠖꠞꠛꠣꠞꠅ ꠖꠥꠀ ꠇꠞꠣꠞ ꠡꠝꠄ ꠢꠣꠝꠦꠡꠣ ꠝꠘꠅ ꠇꠞꠤ।

ইঞ্জিল ১৩: ১-থিষল: 2:17

ꠅ ꠜꠣꠁ ꠅꠇꠟ, ꠝꠘꠞ ꠖꠤꠇ ꠕꠣꠇꠤ ꠘꠣ ꠅꠁꠟꠦꠅ, ꠡꠞꠤꠟꠞ ꠖꠤꠇ ꠕꠣꠇꠤ ꠔ ꠀꠝꠞꠣ ꠕꠥꠠꠣ ꠖꠤꠘꠞ ꠟꠣꠉꠤ, ꠔꠥꠝꠞꠣꠞ ꠉꠦꠍ ꠕꠣꠇꠤ ꠢꠞꠣꠁꠟ ꠀꠍꠤ। ꠄꠞꠟꠣꠉꠤ ꠀꠝꠞꠣꠞ ꠈꠥꠛ ꠈꠤꠀꠟ ꠀꠍꠦ, ꠎꠣꠔꠦ ꠔꠥꠝꠞꠣꠞ ꠝꠥꠈꠈꠣꠘ ꠢꠤꠞꠛꠣꠞ ꠖꠦꠈꠔꠣꠝ ꠙꠣꠞꠤ।

ইঞ্জিল ১৩: ১-থিষল: 2:9

ꠜꠣꠁꠀꠁꠘꠞꠦ, ꠀꠍꠟꠦ ꠔ ꠀꠝꠞꠣꠞ ꠝꠦꠘꠔ ꠀꠞ ꠀꠐꠘꠤ-ꠈꠣꠐꠘꠤꠞ ꠇꠕꠣ, ꠘꠤꠌ꠆ꠌꠄ ꠔꠥꠝꠞꠣꠞ ꠝꠘꠅ ꠀꠍꠦ। ꠀꠟ꠆ꠟꠣꠁ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠚꠣꠇꠦ ꠚꠣꠇꠦ ꠀꠝꠞꠣ ꠖꠤꠘꠦ-ꠞꠣꠁꠔꠦ ꠞꠥꠎꠤ-ꠞꠥꠎꠉꠣꠞ ꠇꠞꠍꠤ, ꠎꠣꠔꠦ ꠀꠝꠞꠣꠞ ꠈꠞꠌꠣ-ꠙꠣꠔꠤ ꠔꠥꠝꠞꠣ ꠇꠦꠃꠞꠞ ꠟꠣꠉꠤ ꠛꠥꠏꠣ ꠘꠣ ꠅꠄ।

ইঞ্জিল ১৩: ১-থিষল: 3:7

ꠅ ꠜꠣꠁ ꠅꠇꠟ, ꠄꠞꠟꠣꠉꠤꠃ ꠔꠥꠝꠞꠣꠞ ꠁꠝꠣꠘꠞ ꠝꠎꠛꠥꠔꠤꠞ ꠇꠕꠣ ꠢꠥꠘꠤꠀ, ꠀꠝꠞꠣꠞ ꠅꠔ ꠖꠥꠈ-ꠝꠍꠤꠛꠔꠞ ꠝꠣꠎꠦꠅ ꠖꠤꠟꠅ ꠡꠣꠘ꠆ꠔꠤ ꠙꠣꠁꠍꠤ।

ইঞ্জিল ১৪: ২-থিষল: 1:3

ꠜꠣꠁ ꠅꠇꠟ, ꠀꠝꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠣ ꠎꠞꠥꠞ। ꠔꠥꠝꠞꠣꠞ ꠁꠝꠣꠘꠤ ꠛꠟ ꠛꠃꠔ ꠛꠣꠠꠦꠞ ꠀꠞ ꠄꠇꠦ-ꠅꠁꠘ꠆ꠘꠦ ꠝꠣꠄꠀ-ꠝꠢꠛ꠆ꠛꠔꠅ ꠛꠣꠁꠀ ꠙꠠꠦꠞ, ꠄꠞꠟꠣꠉꠤ ꠀꠝꠞꠣ ꠡꠥꠇꠞꠤꠀ ꠀꠖꠣꠄ ꠇꠞꠣ ꠖꠞꠇꠣꠞ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:5

ꠛꠞꠋ ꠡꠑꠤꠇ ꠔꠣꠟꠤꠝꠞ ꠚꠟ ꠅꠁꠟ, ꠝꠣꠄꠀ-ꠝꠢꠛ꠆ꠛꠔ, ꠁꠔꠣ ꠔ ꠈꠣꠐꠤ ꠖꠤꠟ, ꠙꠞꠤꠡ꠆ꠇꠣꠞ ꠛꠤꠛꠦꠇ ꠀꠞ ꠢꠣꠍꠣꠞꠞ ꠁꠝꠣꠘ ꠕꠣꠇꠤ ꠙꠄꠖꠣ ꠅꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:3

ꠅ ꠔꠤꠝꠕꠤ, ꠢꠥꠘꠅ, ꠀꠝꠣꠞ ꠝꠄ-ꠝꠥꠞꠛ꠆ꠛꠤꠄ ꠎꠦꠟꠣ ꠄꠇ ꠀꠟ꠆ꠟꠣꠞ ꠄꠛꠣꠖꠔ ꠇꠞꠔꠣ, ꠀꠝꠤꠅ ꠅꠃꠟꠣ ꠙꠞꠤꠡ꠆ꠇꠣꠞ ꠛꠤꠛꠦꠇꠦ ꠀꠟ꠆ꠟꠣꠞ ꠄꠛꠣꠖꠔ ꠇꠞꠤ। ꠀꠝꠤ ꠖꠥꠀ ꠇꠞꠣꠞ ꠛꠣꠟꠣ ꠖꠤꠘꠦ-ꠞꠣꠁꠔꠦ ꠢꠣꠝꠦꠡꠣ ꠔꠥꠝꠣꠞ ꠟꠣꠉꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤ।

ꠁꠘ꠆ꠎꠤꠟ ১৮: ꠚꠤꠟꠤꠝꠘ 1:5

ꠇꠣꠞꠘ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠔꠥꠝꠣꠞ ꠁꠝꠣꠘ ꠀꠞ ꠙꠣꠇ ꠛꠘ꠆ꠖꠣ ꠅꠇꠟꠞ ꠛꠣꠄ ꠔꠥꠝꠣꠞ ꠝꠢꠛ꠆ꠛꠔꠞ ꠇꠕꠣ ꠀꠝꠤ ꠢꠥꠘꠍꠤ।

Injil 19: Ibrani 13:3

ꠎꠦꠟ ꠈꠣꠘꠣꠔ ꠎꠦꠔꠣ ꠝꠣꠘꠥꠡ ꠛꠘ꠆ꠖꠤ ꠀꠍꠂꠘ, ꠘꠤꠎꠞꠦꠅ ꠅꠟꠣ ꠛꠘ꠆ꠖꠤ ꠝꠘꠅ ꠇꠞꠤꠀ ꠔꠣꠞꠣꠞꠦ ꠡꠣꠁꠎ꠆ꠎ ꠇꠞꠤꠅ, ꠀꠞ ꠎꠦꠞꠣꠞ ꠃꠙꠞꠦ ꠎꠥꠟꠥꠝ-ꠝꠍꠤꠛꠔ ꠇꠞꠣ ꠅꠞ, ꠘꠤꠎꠦ ꠅꠃ ꠝꠍꠤꠛꠔꠅ ꠙꠠꠍ ꠝꠘꠅ ꠇꠞꠤꠀ, ꠔꠣꠞꠣꠞꠦ ꠈꠤꠀꠟ ꠇꠞꠤꠅ।

Injil 19: Ibrani 13:7

ꠢꠥꠘꠅ, ꠎꠦ ꠛꠥꠎꠥꠞ꠆ꠉ ꠅꠇꠟꠦ ꠔꠥꠝꠞꠣꠞꠦ ꠀꠟ꠆ꠟꠣꠞ ꠇꠣꠟꠣꠝ ꠔꠣꠟꠤꠝ ꠖꠤꠍꠂꠘ, ꠔꠣꠞꠣꠞ ꠇꠕꠣ ꠁꠀꠖ ꠇꠞꠤꠅ। ꠔꠣꠞꠣꠞ ꠎꠤꠘ꠆ꠖꠦꠉꠤꠞ ꠢꠣꠟꠔꠞ ꠇꠕꠣ ꠜꠣꠟꠣꠝꠘ꠆ꠔꠦ ꠌꠤꠘ꠆ꠔꠣ ꠇꠞꠤꠀ, ꠔꠥꠝꠞꠣꠅ ꠔꠣꠞꠣꠞ ꠟꠣꠈꠣꠘ ꠁꠝꠣꠘꠦ ꠝꠎꠛꠥꠔ ꠅꠅ।

Injil 23: 1-Hannan 3:23

ꠔꠣꠘ ꠢꠥꠇꠥꠝ ꠅꠁꠟ, ꠀꠝꠞꠣ ꠎꠣꠘꠥ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠤ, ꠀꠞ ꠄꠇꠦ-ꠅꠁꠘ꠆ꠘꠞꠦ ꠝꠢꠛ꠆ꠛꠔ ꠇꠞꠤ। ꠅꠃ ꠢꠥꠇꠥꠝꠃ ꠔꠣꠁꠘ ꠀꠝꠞꠣꠞꠦ ꠖꠤꠍꠂꠘ।