ইঞ্জিল ১৩: ১-থিষল: 3:5 - Siloṭi Asmani Kitab (Nagri lipi)

⁵ ꠔꠦ ꠀꠝꠤ ꠎꠦꠛꠟꠣ ꠀꠞ ꠡꠁꠎ꠆ꠎ ꠇꠞꠔꠣꠝ ꠙꠣꠞꠟꠣꠝ ꠘꠣ, ꠅꠃ ꠡꠝꠄ ꠔꠥꠝꠞꠣꠞ ꠁꠝꠣꠘꠞ ꠢꠣꠟꠔ ꠖꠦꠈꠣꠞ ꠟꠣꠉꠤ ꠔꠤꠝꠕꠤ ꠜꠣꠁꠞꠦ ꠙꠣꠑꠣꠁꠟꠣꠝ। ꠀꠝꠣꠞ ꠝꠘꠅ ꠒꠞ ꠀꠍꠤꠟ, ꠇꠤꠎꠣꠘꠥ ꠡꠄꠔꠣꠘꠦ ꠔꠥꠝꠞꠣꠞꠦ ꠟꠣꠟꠌ ꠖꠦꠈꠣꠁꠍꠦ ꠀꠞ ꠀꠝꠞꠣꠞ ꠢꠇꠟ ꠝꠦꠘꠔ ꠛꠦꠇꠣꠝꠣ ꠉꠦꠍꠦꠉꠤ।

ছিলটি আছমানি কিতাব (বাংলা লিপি)

⁵ তে আমি যেবলা আর সইয্য করতাম পারলাম না, অউ সময় তুমরার ইমানর হালত দেখার লাগি তিমথি ভাইরে পাঠাইলাম। আমার মনো ডর আছিল, কিযানু শয়তানে তুমরারে লালছ দেখাইছে আর আমরার হকল মেনত বেকামা গেছেগি।

Siloṭi Asmani Kitab (Latin lipi)

⁵ Te ami zebla ar shoijjo ḳortam farlam na, ou shomoy tumrar imanor halot deḳar lagi Timoti baire faṭailam. Amar mono ḍor asil, kizanu Shoytane tumrare lalos deḳaise ar amrar hoḳol menot beḳama gesegi.

ইঞ্জিল ১৩: ১-থিষল: 3:5 Iomraidhean Croise

ꠁꠘ꠆ꠎꠤꠟ ১: ꠝꠕꠤ 4:3

ꠅꠃ ꠡꠝꠄ ꠁꠛꠟꠤꠍꠦ ꠀꠁꠀ ꠔꠣꠘꠞꠦ ꠇꠁꠟ, “ꠔꠥꠝꠤ ꠎꠥꠖꠤ ꠁꠛꠘꠥꠟ꠆ꠟꠣ, ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠅꠅ, ꠔꠦ ꠅꠔꠣ ꠙꠣꠔ꠆ꠔꠞꠞꠦ ꠇꠅ ꠘꠣ ꠞꠥꠐꠤ ꠅꠁꠎꠤꠔ।”

Injil 5: Sahabi Nama 15:36

ꠇꠄꠖꠤꠘ ꠛꠣꠖꠦ ꠙꠣꠃꠟꠥꠍꠦ ꠛꠣꠞ꠆ꠘꠣꠛꠣꠍꠞꠦ ꠇꠁꠟꠣ, “ꠀꠝꠞꠣ ꠎꠦꠔꠣ ꠎꠣꠉꠣꠁꠘ꠆ꠔꠅ ꠀꠉꠦ ꠝꠣꠟꠤꠇꠞ ꠇꠣꠟꠣꠝ ꠔꠛꠟꠤꠉ ꠇꠞꠍꠟꠣꠝ, ꠀꠅ, ꠢꠃ ꠎꠣꠉꠣꠁꠘ꠆ꠔꠅ ꠢꠤꠞꠛꠣꠞ ꠉꠤꠀ ꠖꠦꠈꠣ ꠇꠞꠤ। ꠖꠦꠈꠤꠀ ꠀꠁ ꠜꠣꠁꠀꠁꠘ꠆ꠔꠞ ꠢꠣꠟ-ꠢꠇꠤꠇꠔ ꠇꠤꠔꠣ।”

Injil 7: 1-Korintia 7:5

ꠎꠣꠝꠣꠁ-ꠛꠃꠄ ꠄꠇꠦ-ꠅꠁꠘ꠆ꠘꠞꠦ ꠘꠤꠞꠣꠡ ꠇꠞꠤꠅ ꠘꠣ, ꠈꠣꠟꠤ ꠈꠣꠍ ꠇꠥꠘꠥ ꠖꠥꠀ-ꠝꠥꠘꠣꠎꠣꠔꠞ ꠟꠣꠉꠤ ꠖꠥꠁꠅꠎꠘꠦ ꠙꠞꠣꠝꠤꠡ ꠇꠞꠤꠀ ꠇꠤꠍꠥ ꠡꠝꠄ ꠀꠟꠣꠖꠣ ꠞꠁꠔꠣꠄ ꠙꠣꠞ। ꠛꠣꠖꠦ ꠢꠤꠞꠛꠣꠞ ꠝꠤꠟꠤꠎꠤꠅ, ꠎꠣꠔꠦ ꠡꠞꠤꠟꠞ ꠈꠣꠁꠡꠞ ꠟꠣꠉꠤ ꠡꠄꠔꠣꠘꠦ ꠔꠥꠝꠞꠣꠞꠦ ꠉꠥꠘꠣꠞ ꠙꠕꠦ ꠐꠣꠘꠣꠞ ꠡꠥꠎꠥꠉ ꠘꠣ ꠙꠣꠄ।

Injil 8: 2-Korintia 2:11

ꠎꠣꠔꠦ ꠡꠄꠔꠣꠘꠦ ꠀꠝꠞꠣꠞꠦ ꠗꠥꠇꠣ ꠖꠤꠔ ꠘꠣ ꠙꠣꠞꠦ। ꠔꠣꠞ ꠇꠥ-ꠝꠔꠟꠛꠞ ꠇꠕꠣ ꠔ ꠀꠝꠞꠣꠞ ꠅꠎꠣꠘꠣ ꠘꠣꠄ।

Injil 8: 2-Korintia 6:1

ꠀꠟ꠆ꠟꠣꠞ ꠈꠣꠖꠤꠝ ꠢꠤꠡꠣꠛꠦ ꠀꠝꠞꠣ ꠅꠃ ꠝꠤꠘꠔ ꠇꠞꠤꠀꠞ, ꠔꠥꠝꠞꠣ ꠎꠦꠛꠟꠣ ꠀꠟ꠆ꠟꠣꠞ ꠞꠢꠝꠔ ꠙꠣꠁꠍ, ꠔꠦ ꠁꠇꠐꠣꠞꠦ ꠛꠤꠚꠟ ꠅꠁꠔꠦ ꠖꠤꠅ ꠘꠣ।

Injil 9: Galatia 2:2

ꠀꠟ꠆ꠟꠣꠁ ꠢꠥꠇꠥꠝꠦ ꠀꠝꠤ ꠢꠘꠅ ꠉꠦꠟꠣꠝ। ꠉꠤꠀ ꠢꠘꠞ ꠜꠣꠁꠀꠁꠘꠞꠦ ꠇꠁꠟꠣꠝ, ꠅꠁꠘ꠆ꠘꠣꠁꠘ꠆ꠘ ꠎꠣꠔꠤꠞ ꠉꠦꠍꠦ ꠀꠝꠤ ꠇꠥꠘ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤ। ꠅꠁꠟꠦ ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠞꠦ ꠁꠔꠣ ꠘꠤꠞꠣꠟꠣꠄ ꠇꠁꠟꠣꠝ, ꠀꠝꠣꠞ ꠌꠤꠘ꠆ꠔꠣ ꠀꠍꠤꠟ, ꠀꠝꠣꠞ ꠅꠔ ꠖꠃꠠꠞ ꠇꠣꠝ ꠎꠣꠔꠦ ꠛꠦꠇꠣꠝꠣ ꠘꠣ ꠎꠣꠄ।

Injil 9: Galatia 4:11

ꠄꠞꠖꠣꠄ ꠀꠝꠣꠞ ꠒꠞ ꠇꠞꠦꠞ, ꠔꠥꠝꠞꠣꠞ ꠔꠟꠦ ꠀꠝꠣꠞ ꠅꠔ ꠝꠦꠘꠔ ꠘꠤ ꠝꠣꠐꠤ ꠅꠁꠎꠣꠄ।

Injil 10: Ifisia 4:14

ꠔꠦꠃ ꠀꠝꠞꠣ ꠀꠞ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠞꠁꠔꠣꠝ ꠘꠣꠄ। ꠝꠣꠘꠡꠦ ꠡꠄꠔꠣꠘꠤ ꠀꠈꠟ ꠈꠣꠐꠣꠁꠀ ꠛꠦ-ꠙꠕꠦ ꠘꠤꠛꠣꠞ ꠟꠣꠉꠤ ꠝꠣꠘꠡꠞꠦ ꠎꠦ ꠜꠥꠟ ꠔꠣꠟꠤꠝ ꠖꠦꠄ, ꠅꠃ ꠜꠥꠟ ꠔꠣꠟꠤꠝꠦ ꠎꠣꠘꠥ ꠀꠝꠞꠣꠞꠦ ꠙꠣꠘꠤꠞ ꠀꠃꠟꠣ-ꠎꠣꠃꠟꠣ ꠓꠦꠃꠞ ꠟꠣꠈꠣꠘ ꠖꠥ-ꠖꠤꠟꠣ ꠘꠣ ꠛꠣꠘꠣꠄ।

Injil 11: Filifia 2:19

ꠀꠝꠤ ꠀꠡꠣ ꠇꠞꠤ, ꠢꠎꠞꠔ ꠁꠍꠣꠞ ꠝꠞ꠆ꠎꠤ ꠅꠁꠟꠦ ꠀꠝꠤ ꠔꠤꠝꠕꠤꠞꠦ ꠈꠥꠛ ꠎꠟꠖꠤ ꠇꠞꠤ ꠔꠥꠝꠞꠣꠞ ꠉꠦꠍꠦ ꠙꠣꠑꠣꠁꠝꠥ, ꠔꠦꠃ ꠔꠥꠝꠞꠣꠞ ꠢꠣꠟꠔ ꠎꠣꠘꠤꠀ ꠀꠝꠤ ꠡꠣꠘ꠆ꠔꠤ ꠅꠁꠝꠥ।

ইঞ্জিল ১৩: ১-থিষল: 2:1

ꠜꠣꠁ ꠅꠇꠟ, ꠔꠥꠝꠞꠣ ꠔ ꠘꠤꠎꠦꠃ ꠎꠣꠘ, ꠔꠥꠝꠞꠣꠞ ꠉꠦꠍꠦ ꠀꠝꠞꠣꠞ ꠎꠣꠅꠀꠈꠣꠘ ꠛꠦꠇꠣꠝꠣ ꠉꠦꠍꠦ ꠘꠣ।

ইঞ্জিল ১৩: ১-থিষল: 3:6

ꠅꠁꠟꠦ ꠔꠤꠝꠕꠤ ꠜꠣꠁ ꠔꠥꠝꠞꠣꠞ ꠉꠦꠍ ꠕꠣꠇꠤ ꠚꠤꠞꠤꠀ ꠀꠁꠀ ꠀꠝꠞꠣꠞꠦ ꠎꠣꠘꠣꠁꠍꠂꠘ, ꠔꠥꠝꠞꠣꠞ ꠁꠝꠣꠘ ꠀꠞ ꠝꠣꠄꠀ-ꠝꠢꠛ꠆ꠛꠔꠞ ꠢꠣꠟꠔ ꠛꠃꠔ ꠜꠣꠟꠣ। ꠔꠣꠁꠘ ꠇꠁꠍꠂꠘ, ꠔꠥꠝꠞꠣ ꠢꠣꠝꠦꠡꠣ ꠝꠣꠄꠀ-ꠝꠢꠛ꠆ꠛꠔꠦ ꠀꠝꠞꠣꠞꠦ ꠝꠘꠅ ꠇꠞꠅ, ꠀꠞ ꠀꠝꠞꠣ ꠎꠦꠟꠣ ꠔꠥꠝꠞꠣꠞꠦ ꠖꠦꠈꠔꠣꠝ ꠌꠣꠁꠞꠣꠝ, ꠔꠥꠝꠞꠣꠅ ꠅꠃꠟꠣ ꠀꠝꠞꠣꠞꠦ ꠖꠦꠈꠣꠞ ꠀꠡꠣ ꠇꠞꠞꠣꠄ।