ইঞ্জিল ১৩: ১-থিষল: 3:3 - Siloṭi Asmani Kitab (Nagri lipi)

³ ꠎꠣꠔꠦ ꠅꠃ ꠖꠥꠈ-ꠝꠍꠤꠛꠔꠞ ꠝꠣꠎꠦꠅ ꠔꠥꠝꠞꠣ ꠇꠦꠃ ꠈꠞꠦꠖꠤ ꠘꠣ ꠎꠣꠅ। ꠔꠥꠝꠞꠣꠞ ꠎꠣꠘꠣ ꠀꠍꠦ, ꠖꠥꠈ-ꠝꠍꠤꠛꠔ ꠀꠝꠞꠣꠞ ꠃꠙꠞꠦ ꠑꠤꠇꠃ ꠀꠁꠛ, ꠀꠞ ꠁꠔꠣ ꠡꠁꠎ꠆ꠎ ꠇꠞꠣ ꠟꠣꠉꠛ।

ছিলটি আছমানি কিতাব (বাংলা লিপি)

³ যাতে অউ দুখ-মছিবতর মাজেও তুমরা কেউ খরেদি না যাও। তুমরার জানা আছে, দুখ-মছিবত আমরার উপরে ঠিকউ আইবো, আর ইতা সইয্য করা লাগবো।

Siloṭi Asmani Kitab (Latin lipi)

³ zate ou duḳ-mosibotor maze-o tumra ḳeu ḳoredi na zao. Tumrar zana ase, duḳ-mosibot amrar ufre ṭik-u aibo, ar ita shoijjo ḳora lagbo.

ইঞ্জিল ১৩: ১-থিষল: 3:3 Iomraidhean Croise

Injil 3: Luk 21:12

“ꠅꠁꠟꠦ ꠁꠔꠣ ꠊꠐꠣꠞ ꠀꠉꠦ ꠝꠣꠘꠡꠦ ꠔꠥꠝꠞꠣꠞꠦ ꠈꠦꠖꠣꠁꠛ, ꠗꠞꠛ। ꠛꠤꠌꠣꠞꠞ ꠟꠣꠉꠤ ꠝꠎꠟꠤꠍꠞ ꠍꠣꠝꠘꠦ ꠀꠎꠤꠞ ꠇꠞꠛ, ꠎꠦꠟꠅ ꠢꠣꠞꠣꠁꠛ। ꠀꠝꠣꠞ ꠘꠣꠝꠞ ꠟꠣꠉꠤ ꠔꠥꠝꠞꠣꠞꠦ ꠞꠣꠎꠣ-ꠛꠣꠖꠡꠣ ꠀꠞ ꠢꠣꠇꠤꠝ ꠅꠇꠟꠞ ꠍꠣꠝꠘꠦ ꠘꠦꠅꠀ ꠅꠁꠛ।

Injil 4: Hannan 16:2

ꠝꠣꠘꠡꠦ ꠔꠥꠝꠞꠣꠞꠦ ꠡꠝꠣꠎ ꠕꠣꠇꠤ ꠛꠣꠞ ꠇꠞꠤ ꠖꠤꠛꠣ। ꠅꠟꠣ ꠡꠝꠄ ꠀꠁꠛ, ꠎꠣꠞꠣ ꠔꠥꠝꠞꠣꠞꠦ ꠈꠥꠘ ꠇꠞꠛ, ꠔꠣꠞꠣ ꠝꠘꠅ ꠇꠞꠛ ꠁꠔꠣ ꠀꠟ꠆ꠟꠣꠞ ꠄꠛꠣꠖꠔ ꠇꠞꠦꠞ।

Injil 4: Hannan 16:33

ꠀꠝꠤ ꠔꠥꠝꠞꠣꠞꠦ ꠁꠔꠣ ꠇꠁꠟꠣꠝ, ꠎꠣꠔꠦ ꠔꠥꠝꠞꠣ ꠀꠝꠣꠞ ꠟꠉꠦ ꠝꠤꠡꠤꠀ ꠀꠍ ꠉꠔꠤꠇꠦ ꠝꠘꠅ ꠡꠣꠘ꠆ꠔꠤ ꠙꠣꠅ। ꠁ ꠖꠥꠘꠤꠀꠔ ꠔꠥꠝꠞꠣ ꠖꠥꠈ-ꠝꠍꠤꠛꠔꠅ ꠀꠍ, ꠔꠣ-ꠅ ꠝꠘꠅꠛꠟ ꠞꠣꠈꠤꠅ, ꠀꠝꠤꠃ ꠖꠥꠘꠤꠀꠞꠦ ꠎꠄ ꠇꠞꠍꠤ।”

Injil 5: Sahabi Nama 14:22

ꠢꠘꠅ ꠉꠤꠀ ꠔꠣꠞꠣ ꠝꠥꠝꠤꠘ ꠅꠇꠟꠞ ꠁꠝꠣꠘꠤ ꠛꠟ ꠛꠣꠠꠣꠁꠀ ꠔꠣꠞꠣꠞꠦ ꠁꠝꠣꠘꠦ ꠝꠎꠛꠥꠔ ꠞꠅꠀꠞ ꠟꠣꠉꠤ ꠔꠣꠉꠤꠖ ꠖꠤꠟꠣ, ꠔꠣꠞꠣ ꠇꠁꠟꠣ, ꠛꠃꠔ ꠖꠥꠈ-ꠔꠇꠟꠤꠚꠞ ꠙꠕ ꠙꠣꠞ ꠅꠁꠀ ꠀꠝꠞꠣ ꠀꠟ꠆ꠟꠣꠞ ꠛꠣꠖꠡꠣꠁꠔ ꠢꠣꠝꠣꠘꠤ ꠟꠣꠉꠛ।

Injil 5: Sahabi Nama 2:25

ꠖꠣꠃꠖꠦꠅ ꠔꠣꠘ ꠇꠕꠣ ꠇꠁꠍꠂꠘ: ꠀꠝꠤ ꠢꠣꠝꠦꠡꠣ ꠝꠥꠘꠤꠛꠞꠦ ꠀꠝꠣꠞ ꠍꠣꠝꠘꠦ ꠖꠦꠈꠔꠣꠝ, ꠔꠣꠁꠘ ꠀꠝꠣꠞ ꠒꠣꠁꠘ ꠉꠣꠟꠣꠔ ꠀꠍꠂꠘ, ꠀꠝꠤ ꠎꠣꠘꠥ ꠅꠡ꠆ꠕꠤꠞ ꠘꠣ ꠅꠁ।

Injil 5: Sahabi Nama 21:11

ꠔꠣꠁꠘ ꠀꠁꠀ ꠢꠣꠞꠤ ꠙꠣꠃꠟꠥꠍꠞ ꠇꠝꠞꠞ ꠔꠣꠉꠣ ꠈꠥꠟꠤꠟꠤꠟꠣ, ꠀꠞ ꠁꠐꠣꠖꠤ ꠘꠤꠎꠞ ꠀꠔ-ꠙꠣꠅ ꠛꠣꠘ꠆ꠖꠤꠀ ꠇꠁꠟꠣ, “ꠙꠣꠇ ꠞꠥꠢꠦ ꠅꠃꠟꠣ ꠇꠁꠞꠣ, ꠎꠦꠞꠥꠎꠣꠟꠦꠝꠞ ꠁꠢꠥꠖꠤ ꠅꠇꠟꠦ ꠅꠃ ꠇꠝꠞꠞ ꠔꠣꠉꠣ ꠀꠟꠣꠞꠦ ꠅꠃꠟꠣ ꠛꠣꠘꠛꠣ, ꠀꠞ ꠅ-ꠁꠢꠥꠖꠤ ꠅꠇꠟꠞ ꠀꠔꠅ ꠡꠙꠤꠀ ꠖꠤꠛꠣ।”

Injil 5: Sahabi Nama 21:13

ꠙꠣꠃꠟꠥꠍꠦ ꠇꠁꠟꠣ, “ꠔꠥꠝꠞꠣ ꠁꠔꠣ ꠇꠤꠔꠣ ꠟꠣꠉꠣꠁꠟꠣꠄ? ꠇꠣꠘ꠆ꠖꠤꠀ ꠀꠝꠣꠞ ꠝꠘ ꠜꠣꠋꠉꠤ ꠖꠤꠞꠣꠄ ꠇꠦꠘꠦ? ꠢꠎꠞꠔ ꠁꠍꠣꠞ ꠟꠣꠉꠤ ꠀꠝꠤ ꠎꠦꠞꠥꠎꠣꠟꠦꠝꠅ ꠈꠣꠟꠤ ꠛꠘ꠆ꠖꠤ ꠅꠀꠃ ꠘꠣꠄ, ꠝꠞꠔꠦꠅ ꠔꠤꠀꠞ ꠀꠍꠤ।”

Injil 5: Sahabi Nama 9:16

ꠀꠝꠤ ꠔꠣꠞꠦ ꠖꠦꠈꠣꠁꠝꠥ, ꠀꠝꠣꠞ ꠘꠣꠝꠞ ꠟꠣꠉꠤ ꠔꠣꠞꠦ ꠇꠔ ꠎꠣꠟꠣ-ꠎꠘꠔ꠆ꠞꠘꠣ ꠡꠁꠎ꠆ꠎ ꠇꠞꠣ ꠟꠣꠉꠛ।”

Injil 6: Ruman 5:3

ꠈꠣꠟꠤ ꠁꠈꠣꠘ ꠘꠣꠄ, ꠀꠝꠞꠣ ꠖꠥꠈ-ꠇꠡ꠆ꠐꠞ ꠝꠣꠎꠦꠅ ꠈꠥꠡꠤ-ꠛꠣꠡꠤ ꠇꠞꠞꠣꠝ। ꠇꠣꠞꠘ ꠖꠥꠈ-ꠇꠡ꠆ꠐꠄ ꠍꠛꠞ ꠀꠘꠦ,

Injil 7: 1-Korintia 15:58

ꠔꠦ, ꠅ ꠀꠝꠣꠞ ꠝꠣꠄꠀꠞ ꠜꠣꠁꠀꠁꠘ, ꠔꠥꠝꠞꠣ ꠁꠝꠣꠘꠦ ꠝꠎꠛꠥꠔ ꠅꠅ, ꠎꠣꠔꠦ ꠇꠥꠘ꠆ꠔꠣꠄ ꠔꠥꠝꠞꠣꠞꠦ ꠀꠟꠣꠁꠔ ꠘꠣ ꠙꠣꠞꠦ। ꠝꠣꠟꠤꠇꠞ ꠈꠦꠎꠝꠔꠞ ꠟꠣꠉꠤ ꠘꠤꠎꠞꠦ ꠢꠞ-ꠢꠣꠝꠦꠡꠣ ꠙꠥꠞꠣꠙꠥꠞ ꠛꠤꠟꠣꠁ ꠖꠦꠅ, ꠔꠥꠝꠞꠣ ꠔ ꠎꠣꠘ, ꠔꠣꠘ ꠟꠣꠉꠤ ꠝꠦꠘꠔ ꠇꠞꠟꠦ ꠁ ꠝꠦꠘꠔ ꠇꠥꠘꠥꠝꠘ꠆ꠔꠦꠃ ꠛꠦꠇꠣꠝꠣ ꠎꠣꠄ ꠘꠣ।

Injil 7: 1-Korintia 4:9

ꠎꠥꠖ꠆ꠖ-ꠛꠘ꠆ꠖꠤ ꠅꠇꠟꠞꠦ ꠝꠣꠞꠤꠟꠤꠛꠣꠞ ꠘꠤꠅꠔꠦ, ꠎꠥꠖ꠆ꠖꠞ ꠛꠤꠎꠄ ꠝꠤꠍꠤꠟꠞ ꠈꠞꠞ ꠇꠣꠔꠣꠞꠅ ꠎꠣꠞꠣꠞꠦ ꠞꠣꠈꠣ ꠅꠄ, ꠀꠝꠣꠞ ꠝꠘꠅ ꠅꠄ ꠀꠟ꠆ꠟꠣꠄ ꠀꠝꠞꠣꠞ ꠟꠣꠈꠣꠘ ꠍꠣꠢꠣꠛꠤ ꠅꠇꠟꠞꠦꠅ ꠅꠟꠣ ꠢꠇꠟꠞ ꠈꠞꠦ ꠞꠣꠈꠍꠂꠘ। ꠀꠝꠞꠣ ꠀꠡ꠆ꠔꠣ ꠎꠉꠔꠞ ꠉꠦꠍꠦ, ꠢꠇꠟ ꠝꠣꠘꠡꠞ ꠉꠦꠍꠦ, ꠀꠞ ꠚꠤꠞꠤꠡ꠆ꠔꠣ ꠅꠇꠟꠞ ꠉꠦꠍꠦꠅ ꠔꠣꠝꠡꠣꠞ ꠘꠣꠄꠅꠇ ꠛꠘꠤꠉꠦꠍꠤ।

Injil 10: Ifisia 3:13

ꠄꠞꠟꠣꠉꠤ ꠀꠝꠤ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ, ꠀꠝꠤ ꠖꠥꠈ-ꠝꠍꠤꠛꠔ ꠡꠁꠎ꠆ꠎ ꠇꠞꠤꠀꠞ ꠖꠦꠈꠤꠀ ꠔꠥꠝꠞꠣ ꠘꠤꠞꠣꠡ ꠅꠁꠅ ꠘꠣ। ꠁꠔꠣ ꠔ ꠔꠥꠝꠞꠣꠞ ꠟꠣꠉꠤꠃ ꠡꠁꠎ꠆ꠎ ꠇꠞꠤꠀꠞ, ꠄꠞꠟꠣꠉꠤ ꠉꠃꠞꠛ ꠇꠞꠅ।

Injil 11: Filifia 1:28

ꠎꠦꠔꠣꠄ ꠔꠥꠝꠞꠣꠞ ꠛꠤꠞꠥꠗꠤꠔꠣ ꠇꠞꠂꠘ, ꠇꠥꠘꠥ ꠛꠦꠙꠣꠞꠦꠃ ꠔꠥꠝꠞꠣ ꠁꠔꠣꠞꠦ ꠒꠞꠣꠁꠅ ꠘꠣ। ꠔꠦꠃ ꠙꠞꠝꠣꠘ ꠅꠁꠎꠤꠛ, ꠔꠣꠞꠣ ꠛꠤꠘꠣꠡꠞ ꠙꠕꠦ ꠎꠣꠁꠞꠣꠉꠤ ꠀꠞ ꠔꠥꠝꠞꠣ ꠞꠦꠢꠣꠁ ꠙꠣꠁꠞꠣꠄ। ꠁ ꠞꠦꠢꠣꠁ ꠈꠣꠟꠤ ꠀꠟ꠆ꠟꠣꠞ ꠉꠦꠍ ꠕꠣꠇꠤꠃ ꠝꠤꠟꠦ।

Injil 12: Kolosia 1:23

ꠔꠦ ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠕꠣꠇꠤ ꠎꠦ ꠘꠤꠌ꠆ꠌꠤꠔ ꠀꠡꠣ ꠔꠥꠝꠞꠣ ꠙꠣꠁꠍ, ꠈꠣꠟꠤ ꠅꠃ ꠀꠡꠣꠞ ꠃꠙꠞꠦ ꠁꠝꠣꠘꠦ ꠕꠤꠞ ꠞꠁꠅ, ꠁꠘ ꠕꠣꠇꠤ ꠟꠠꠤꠅ ꠘꠣ। ꠔꠥꠝꠞꠣ ꠔ ꠎꠣꠘ, ꠁ ꠈꠥꠡ-ꠈꠛꠞꠤ ꠢꠣꠞꠣ ꠖꠥꠘꠤꠀꠔ ꠔꠛꠟꠤꠉ ꠇꠞꠣ ꠅꠁꠍꠦ, ꠀꠝꠤ ꠙꠣꠃꠟꠥꠍꠅ ꠅꠃ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠈꠣꠖꠤꠝ ꠅꠁꠍꠤ।

ইঞ্জিল ১৩: ১-থিষল: 5:9

ꠝꠘꠅ ꠞꠣꠈꠤꠅ, ꠀꠟ꠆ꠟꠣꠄ ꠀꠝꠞꠣꠞꠦ ꠡꠣꠎꠣ ꠖꠤꠛꠣꠞ ꠟꠣꠉꠤ ꠒꠣꠇꠤꠀ ꠀꠘꠍꠂꠘ ꠘꠣ, ꠛꠞꠋ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠘꠣꠎꠣꠔ ꠙꠣꠅꠀꠞ ꠟꠣꠉꠤꠃ ꠒꠣꠇꠤꠍꠂꠘ।

ইঞ্জিল ১৪: ২-থিষল: 1:4

ꠀꠝꠞꠣ ꠔ ꠀꠟ꠆ꠟꠣꠞ ꠎꠝꠣꠔ ꠅꠇꠟꠞ ꠍꠣꠝꠘꠦ ꠔꠥꠝꠞꠣꠞꠦ ꠟꠁꠀ ꠛꠠꠣꠁ ꠇꠞꠤꠀꠞ, ꠇꠣꠞꠘ ꠅꠔ ꠎꠥꠟꠥꠝ-ꠝꠍꠤꠛꠔ ꠀꠞ ꠖꠥꠈ-ꠇꠡ꠆ꠐ ꠙꠣꠁꠀꠅ ꠔꠥꠝꠞꠣ ꠍꠛꠞ ꠇꠞꠍ ꠀꠞ ꠁꠝꠣꠘꠦ ꠐꠤꠇꠤꠀ ꠞꠁꠍ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:8

ꠄꠞꠟꠣꠉꠤ ꠀꠝꠞꠣꠞ ꠝꠣꠟꠤꠇ ꠁꠍꠣꠞ ꠛꠦꠙꠣꠞꠦ ꠡꠣꠇ꠆ꠇꠤ ꠖꠤꠔꠦ ꠡꠞꠝꠣꠁꠅ ꠘꠣ, ꠀꠞ ꠔꠣꠘ ꠘꠣꠝꠞ ꠟꠣꠉꠤ ꠀꠝꠤ ꠎꠦꠘ ꠎꠦꠟꠅ ꠛꠘ꠆ꠖꠤ ꠀꠍꠤ, ꠀꠝꠣꠞꠦ ꠟꠁꠀꠅ ꠡꠞꠝꠣꠁꠅ ꠘꠣ। ꠛꠞꠋ ꠀꠟ꠆ꠟꠣꠞ ꠖꠦꠅꠀ ꠛꠟꠦ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠇꠣꠝꠅ ꠀꠝꠣꠞ ꠟꠉꠦ ꠞꠁꠀ ꠖꠥꠈ-ꠇꠡ꠆ꠐ ꠡꠁꠎ꠆ꠎ ꠇꠞꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 2:21

ꠀꠟ꠆ꠟꠣꠄ ꠔꠥꠝꠞꠣꠞꠦ ꠅꠔꠣꠞ ꠟꠣꠉꠤꠃ ꠖꠣꠅꠔ ꠖꠤꠍꠂꠘ। ꠀꠟ-ꠝꠍꠤꠄꠅ ꠇꠡ꠆ꠐ ꠡꠁꠎ꠆ꠎ ꠇꠞꠤꠀ ꠘꠝꠥꠘꠣ ꠖꠦꠈꠣꠁꠍꠂꠘ, ꠔꠦ ꠔꠥꠝꠞꠣꠅ ꠔꠣꠘ ꠙꠣꠅꠞ ꠔꠣꠟꠦ ꠔꠣꠟꠦ ꠌꠟꠅ।

Injil 27: Zaira Kalam 2:10

ꠔꠥꠝꠞꠣ ꠎꠦ ꠝꠍꠤꠛꠔꠞ ꠝꠣꠎꠦ ꠙꠠꠛꠣꠄ, ꠁ ꠝꠍꠤꠛꠔꠞꠦ ꠄꠇꠖꠝ ꠒꠞꠣꠁꠅ ꠘꠣ। ꠎꠣꠘ ꠘꠤ, ꠁꠛꠟꠤꠍꠦ ꠙꠞꠤꠇ꠆ꠇꠣ ꠇꠞꠣꠞ ꠘꠤꠅꠔꠦ ꠔꠥꠝꠞꠣꠞ ꠝꠣꠎꠞ ꠇꠄꠎꠘꠞꠦ ꠎꠦꠟꠅ ꠖꠤꠛ, ꠢꠘꠅ ꠔꠥꠝꠞꠣ ꠖꠡ ꠖꠤꠘ ꠇꠡ꠆ꠐ ꠙꠣꠁꠛꠣꠄ। ꠢꠥꠘꠅ, ꠁꠝꠣꠘꠞ ꠙꠕꠦ ꠔꠥꠝꠞꠣ ꠝꠞꠘ ꠙꠞ꠆ꠎꠘ꠆ꠔ ꠢꠇ-ꠢꠣꠟꠣꠟ ꠞꠁꠅ, ꠔꠦꠃ ꠎꠄꠅꠞ ꠝꠣꠟꠣ ꠢꠤꠡꠣꠛꠦ ꠀꠝꠤ ꠔꠥꠝꠞꠣꠞꠦ ꠀꠈꠦꠞꠞ ꠎꠤꠘ꠆ꠖꠦꠉꠤ ꠖꠤꠝꠥ।

Injil 27: Zaira Kalam 2:13

“ꠔꠥꠝꠞꠣ ꠇꠥꠘ ꠎꠣꠉꠣꠔ ꠛꠡꠔ ꠇꠞꠞꠣꠄ ꠁꠔꠣ ꠔ ꠀꠝꠤ ꠎꠣꠘꠤ, ꠁꠈꠣꠘꠅ ꠁꠛꠟꠤꠍꠞ ꠡꠤꠋꠢꠣꠡꠘ ꠀꠍꠦ। ꠅꠁꠟꠦ ꠀꠝꠣꠞ ꠛꠦꠙꠣꠞꠦ ꠔꠥꠝꠞꠣ ꠢꠇ-ꠢꠣꠟꠣꠟ ꠀꠍ, ꠀꠝꠣꠞ ꠃꠙꠞꠞ ꠁꠝꠣꠘꠞꠦ ꠅꠡ꠆ꠛꠤꠇꠣꠞ ꠇꠞꠍ ꠘꠣ। ꠀꠝꠣꠞ ꠔꠛꠟꠤꠉ ꠇꠞꠞꠣ ꠢꠃ ꠢꠇ-ꠢꠣꠟꠣꠟ ꠎꠘ ꠀꠘ꠆ꠔꠤꠙꠣꠍꠞꠦ ꠎꠦꠛꠟꠣ ꠡꠢꠤꠖ ꠇꠞꠣ ꠅꠁꠍꠤꠟ, ꠁꠛꠟꠤꠍꠞ ꠀꠈꠠꠣꠞ ꠝꠣꠎꠦ, ꠔꠥꠝꠞꠣꠞ ꠐꠣꠃꠘꠅ ꠔꠣꠞꠦ ꠈꠥꠘ ꠇꠞꠣ ꠅꠁꠍꠤꠟ, ꠢꠃ ꠡꠝꠄꠅ ꠔꠥꠝꠞꠣꠞ ꠁꠝꠣꠘꠞꠦ ꠅꠡ꠆ꠛꠤꠇꠣꠞ ꠇꠞꠍ ꠘꠣ।