ইঞ্জিল ১৩: ১-থিষল: 3:2 - Siloṭi Asmani Kitab (Nagri lipi)

² ꠀꠝꠞꠣꠞ ꠜꠣꠁ ꠔꠤꠝꠕꠤꠞꠦ ꠙꠣꠑꠣꠁꠝꠥ, ꠎꠣꠔꠦ ꠔꠣꠁꠘ ꠉꠤꠀ ꠔꠥꠝꠞꠣꠞ ꠁꠝꠣꠘ ꠝꠎꠛꠥꠔ ꠇꠞꠂꠘ ꠀꠞ ꠝꠘꠞ ꠡꠣꠅꠡ ꠎꠥꠉꠣꠁꠘ। ꠔꠣꠁꠘ ꠔ ꠀꠟ-ꠝꠍꠤꠞ ꠈꠥꠡ-ꠈꠛꠞꠤꠞ ꠔꠛꠟꠤꠉ ꠇꠣꠝꠅ ꠀꠟ꠆ꠟꠣꠞ ꠈꠣꠖꠤꠝ, ꠀꠝꠞꠣꠞ ꠟꠉꠞ ꠜꠣꠁ, ꠔꠣꠘꠞꠦ ꠙꠣꠑꠣꠁꠟꠣꠝ,

ছিলটি আছমানি কিতাব (বাংলা লিপি)

² আমরার ভাই তিমথিরে পাঠাইমু, যাতে তাইন গিয়া তুমরার ইমান মজবুত করইন আর মনর সাওস যুগাইন। তাইন তো আল-মসীর খুশ-খবরির তবলিগ কামো আল্লার খাদিম, আমরার লগর ভাই, তানরে পাঠাইলাম,

Siloṭi Asmani Kitab (Latin lipi)

² amrar bai Timotire faṭaimu, zate tain gia tumrar iman mozbut ḳoroin ar monor shaosh zugain. Tain to al-Mosir kush-ḳobrir toblig kamo Allar ḳadim, amrar logor bai, tanre faṭailam,

ইঞ্জিল ১৩: ১-থিষল: 3:2 Iomraidhean Croise

Injil 5: Sahabi Nama 16:1

ꠢꠎꠞꠔ ꠙꠣꠃꠟꠥꠍ ꠙꠄꠟꠣ ꠖꠞ꠆ꠛꠤ ꠀꠞ ꠛꠣꠖꠦ ꠟꠥꠡ꠆ꠞꠣ ꠐꠣꠃꠘꠅ ꠉꠤꠀ ꠀꠎꠤꠟꠣ। ꠟꠥꠡ꠆ꠞꠣꠔ ꠔꠤꠝꠕꠤ ꠘꠣꠝꠦ ꠄꠇꠎꠘ ꠃꠝ꠆ꠝꠔ ꠀꠍꠟꠣ, ꠔꠣꠘ ꠝꠣ ꠁꠝꠣꠘꠖꠣꠞ, ꠝꠣ ꠔ ꠁꠢꠥꠖꠤ ꠎꠣꠔꠞ, ꠅꠁꠟꠦ ꠛꠣꠚ ꠁꠃꠘꠣꠘꠤ ꠎꠣꠔꠞ।

Injil 5: Sahabi Nama 16:5

ꠅꠃꠟꠣ ꠎꠝꠣꠔꠞ ꠝꠥꠝꠤꠘ ꠅꠇꠟꠞ ꠁꠝꠣꠘ ꠝꠎꠛꠥꠔ ꠅꠁꠟ, ꠀꠞ ꠖꠤꠘꠦ ꠖꠤꠘꠦ ꠔꠣꠞꠣꠞ ꠙꠞꠤꠝꠣꠘ ꠀꠞꠅ ꠛꠣꠠꠤꠟ।

Injil 5: Sahabi Nama 18:5

ꠢꠎꠞꠔ ꠍꠤꠟꠣꠍ ꠀꠞ ꠔꠤꠝꠕꠤ ꠝꠣꠇꠤꠖꠘꠤꠀ ꠕꠣꠇꠤ ꠀꠁꠀ ꠢꠣꠞꠟꠦ, ꠙꠣꠃꠟꠥꠍꠦ ꠈꠣꠟꠤ ꠀꠟ꠆ꠟꠣꠞ ꠇꠣꠟꠣꠝꠞ ꠔꠛꠟꠤꠉ ꠇꠞꠔꠣ। ꠔꠣꠁꠘ ꠁꠢꠥꠖꠤ ꠅꠇꠟꠞꠦ ꠛꠥꠎꠣꠁꠔꠣ, ꠢꠎꠞꠔ ꠁꠍꠣꠃ ꠅꠁꠟꠣ ꠀꠟ-ꠝꠍꠤ ꠝꠣꠘꠤ ꠀꠟ꠆ꠟꠣꠞ ꠈꠣꠍ ꠙꠍꠘ꠆ꠖ ꠇꠞꠣ ꠎꠘ।

Injil 6: Ruman 16:21

ꠀꠝꠣꠞ ꠟꠉꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠂꠘ ꠎꠦ ꠔꠤꠝꠕꠤ ꠜꠣꠁ, ꠄꠁꠘ ꠔꠥꠝꠞꠣꠞꠦ ꠍꠣꠟꠣꠝ ꠎꠣꠘꠣꠁꠞꠣ। ꠀꠝꠣꠞ ꠎꠣꠔꠤ ꠜꠣꠁ ꠟꠥꠇꠤꠀꠍ, ꠎꠣꠍꠥꠘ ꠀꠞ ꠍꠥꠙꠣꠔꠍꠦꠅ ꠔꠥꠝꠞꠣꠞꠦ ꠍꠣꠟꠣꠝ ꠇꠁꠞꠣ।

Injil 7: 1-Korintia 3:10

ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠎꠦ ꠈꠣꠍ ꠞꠢꠝꠔ ꠀꠝꠤ ꠙꠣꠁꠍꠤ, ꠅꠃ ꠞꠢꠝꠔꠞ ꠛꠟꠦꠃ ꠀꠝꠤ ꠀꠈꠟꠖꠣꠞ ꠞꠣꠎ ꠝꠦꠡ꠆ꠔꠞꠤꠞ ꠟꠣꠈꠣꠘ ꠁꠀꠘ ꠈꠥꠐꠤ ꠉꠣꠠꠍꠤ। ꠀꠞ ꠅꠃ ꠈꠥꠐꠤꠞ ꠃꠙꠞꠦ ꠅꠁꠘ꠆ꠘ ꠎꠘꠦ ꠛꠤꠟꠒꠤꠋ ꠛꠣꠘꠣꠁꠞꠣ। ꠅꠁꠟꠦ ꠇꠦ ꠇꠤꠟꠣ ꠛꠣꠘꠣꠁꠞꠣ, ꠁ ꠛꠦꠙꠣꠞꠦ ꠔꠣꠞꠣ ꠢꠥꠡꠤꠀꠞ ꠅꠃꠇ।

Injil 7: 1-Korintia 4:17

ꠅꠃ ꠘꠤꠅꠔꠦ ꠀꠝꠤ ꠔꠤꠝꠕꠤꠞꠦ ꠔꠥꠝꠞꠣꠞ ꠉꠦꠍꠦ ꠙꠣꠑꠣꠁꠟꠣꠝ, ꠝꠣꠟꠤꠇꠞ ꠘꠣꠝꠦ ꠄꠁꠘ ꠔ ꠀꠝꠣꠞ ꠝꠣꠄꠀꠞ ꠢꠇ-ꠢꠣꠟꠣꠟ ꠙꠥꠔ। ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞꠦ ꠀꠝꠤ ꠇꠤꠟꠣ ꠝꠣꠘꠤꠀ ꠌꠟꠤꠀꠞ, ꠀꠞ ꠢꠇꠟ ꠎꠣꠉꠣꠞ ꠢꠇꠟ ꠎꠝꠣꠔꠅ ꠇꠤꠟꠣ ꠔꠣꠟꠤꠝ ꠖꠤꠀꠞ, ꠁꠔꠣ ꠔꠣꠁꠘ ꠝꠘꠅ ꠇꠞꠣꠁ ꠖꠤꠛꠣ।

Injil 8: 2-Korintia 1:1

ꠀꠝꠤ ꠙꠣꠃꠟꠥꠍ, ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤ ꠝꠣꠚꠤꠇ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠍꠣꠢꠣꠛꠤ। ꠇꠞꠤꠘ꠆ꠔ ꠐꠣꠃꠘꠞ ꠁꠍꠣꠄꠁ ꠎꠝꠣꠔ ꠀꠞ ꠀꠡ꠆ꠔꠣ ꠉ꠆ꠞꠤꠍ ꠖꠦꠡꠞ ꠝꠣꠎꠦ ꠀꠟ꠆ꠟꠣꠞ ꠎꠔ ꠙꠣꠇ ꠛꠘ꠆ꠖꠣ ꠅꠇꠟ ꠛꠡꠔ ꠇꠞꠂꠘ, ꠄꠞꠣꠞ ꠉꠦꠍꠦ ꠀꠝꠤ ꠀꠞ ꠀꠝꠞꠣꠞ ꠝꠥꠝꠤꠘ ꠜꠣꠁ ꠔꠤꠝꠕꠤꠄ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ।

Injil 8: 2-Korintia 1:19

ꠀꠝꠤ, ꠍꠤꠟꠣꠍ, ꠀꠞ ꠜꠣꠁ ꠔꠤꠝꠕꠤꠄ ꠔꠥꠝꠞꠣꠞ ꠉꠦꠍꠦ ꠎꠣꠞ ꠇꠕꠣ ꠔꠛꠟꠤꠉ ꠇꠞꠍꠤ, ꠢꠃ ꠁꠍꠣ ꠀꠟ-ꠝꠍꠤꠃ ꠅꠁꠟꠣ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ, ꠔꠣꠁꠘ ꠄꠇꠛꠣꠞ “ꠅꠄ” ꠀꠞ ꠄꠇꠛꠣꠞ “ꠘꠣ” ꠘꠣꠄ, ꠔꠣꠁꠘ ꠔ ꠢꠇꠟ ꠡꠝꠄꠃ “ꠅꠄ।”

Injil 8: 2-Korintia 2:12

ꠀꠝꠤ ꠔꠞꠥꠀꠍ ꠐꠣꠃꠘꠅ ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠔ ꠉꠤꠀ ꠖꠦꠈꠟꠣꠝ, ꠢꠘꠅ ꠇꠣꠝ ꠇꠞꠣꠞ ꠟꠣꠉꠤ ꠝꠣꠟꠤꠇꠦ ꠀꠝꠣꠞꠦ ꠄꠇꠐꠣ ꠡꠥꠎꠥꠉ ꠇꠞꠤ ꠖꠤꠍꠂꠘ।

Injil 8: 2-Korintia 2:13

ꠅꠁꠟꠦ ꠀꠝꠣꠞ ꠁꠝꠣꠘꠖꠣꠞ ꠜꠣꠁ ꠔꠤꠔꠣꠍꠞꠦ ꠢꠘꠅ ꠘꠣ ꠙꠣꠅꠀꠄ ꠀꠝꠣꠞ ꠝꠘꠅ ꠈꠥꠛ ꠅꠡꠣꠘ꠆ꠔꠤ ꠀꠍꠤꠟ। ꠄꠞꠟꠣꠉꠤ ꠔꠞꠥꠀꠍ ꠐꠣꠃꠘꠞ ꠝꠣꠘꠡꠞ ꠉꠦꠍ ꠕꠣꠇꠤ ꠛꠤꠖꠣꠄ ꠟꠁꠀ ꠝꠣꠇꠤꠖꠘꠤꠀꠔ ꠉꠦꠟꠣꠝꠉꠤ।

Injil 8: 2-Korintia 8:23

ꠅꠈꠘ ꠔꠤꠔꠣꠍ ꠜꠣꠁꠞ ꠛꠦꠙꠣꠞꠦ ꠀꠝꠤ ꠇꠁꠞꠣꠝ, ꠄꠁꠘ ꠔ ꠀꠝꠣꠞ ꠟꠉꠦ ꠞꠂꠘ, ꠀꠞ ꠔꠥꠝꠞꠣꠞ ꠟꠣꠉꠤ ꠇꠣꠝ ꠇꠞꠂꠘ। ꠛꠣꠖ-ꠛꠣꠇꠤ ꠢꠇꠟ ꠜꠣꠁꠀꠁꠘ꠆ꠔꠞ ꠛꠦꠙꠣꠞꠦ ꠇꠁꠞꠣꠝ, ꠢꠇꠟ ꠎꠝꠣꠔꠞ ꠝꠣꠘꠡꠦ ꠙꠍꠘ꠆ꠖ ꠇꠞꠤꠀ ꠔꠣꠞꠣꠞꠦ ꠙꠣꠑꠣꠁꠞꠣ, ꠔꠣꠞꠣꠞ ꠝꠣꠎꠖꠤ ꠀꠟ-ꠝꠍꠤꠞ ꠉꠃꠞꠛ ꠅꠄ।

Injil 11: Filifia 1:25

ꠀꠞ ꠅꠃ ꠝꠘꠅꠛꠟꠦ ꠀꠝꠤ ꠜꠣꠟꠣ ꠇꠞꠤ ꠎꠣꠘꠤ, ꠀꠝꠤ ꠛꠣꠌꠝꠥ ꠀꠞ ꠔꠥꠝꠞꠣꠞ ꠟꠉꠦ ꠞꠁꠝꠥ, ꠎꠣꠔꠦ ꠔꠥꠝꠞꠣꠞ ꠁꠝꠣꠘ ꠀꠞꠅ ꠝꠎꠛꠥꠔ ꠅꠁꠀ ꠔꠥꠝꠞꠣꠞ ꠈꠥꠡꠤ ꠛꠣꠠꠦ।

Injil 12: Kolosia 1:1

ꠀꠝꠤ ꠙꠣꠃꠟꠥꠍ, ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤꠄ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠍꠣꠢꠣꠛꠤ। ꠇꠟ꠆ꠟꠍꠤ ꠐꠣꠃꠘꠞ ꠝꠣꠎꠦ ꠀꠟ-ꠝꠍꠤꠞ ꠔꠞꠤꠇꠣꠞ ꠙꠣꠇ ꠛꠘ꠆ꠖꠣ ꠀꠞ ꠝꠥꠝꠤꠘ ꠅꠇꠟꠞ ꠉꠦꠍꠦ ꠀꠝꠤ ꠀꠞ ꠜꠣꠁ ꠔꠤꠝꠕꠤꠄ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ। ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠦ ꠔꠥꠝꠞꠣꠞ ꠃꠙꠞꠦ ꠞꠢꠝꠔ ꠀꠞ ꠡꠣꠘ꠆ꠔꠤ ꠘꠣꠎꠤꠟ ꠇꠞꠃꠇ꠆ꠇꠣ।

Injil 12: Kolosia 1:7

ꠅꠃ ꠈꠥꠡ-ꠈꠛꠞꠤꠞ ꠇꠕꠣ ꠔꠥꠝꠞꠣ ꠀꠝꠣꠞ ꠟꠉꠞ ꠝꠣꠄꠀꠞ ꠜꠣꠁ ꠀꠛꠥ-ꠚꠣꠞꠣꠍꠞ ꠉꠦꠍꠦ ꠢꠥꠘꠍ। ꠔꠣꠁꠘ ꠔꠥꠝꠞꠣꠞ ꠔꠞꠚ ꠕꠣꠇꠤ ꠀꠟ-ꠝꠍꠤꠞ ꠄꠇꠎꠘ ꠢꠇ ꠈꠦꠎꠝꠔꠇꠣꠞꠤ।

Injil 12: Kolosia 4:12

ꠀꠛꠥ-ꠚꠣꠞꠣꠍꠦꠅ ꠔꠥꠝꠞꠣꠞꠦ ꠍꠣꠟꠣꠝ ꠖꠤꠍꠂꠘ, ꠔꠣꠁꠘ ꠔ ꠔꠥꠝꠞꠣꠞ ꠀꠙꠘ ꠝꠣꠘꠥꠡ ꠀꠞ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠄꠁꠘ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠖꠤꠟꠦ-ꠎꠣꠘꠦ ꠝꠥꠘꠣꠎꠣꠔ ꠇꠞꠞꠣ, ꠔꠥꠝꠞꠣ ꠎꠣꠔꠦ ꠇꠣꠝꠤꠟ ꠅꠅ, ꠀꠞ ꠀꠟ꠆ꠟꠣꠞ ꠝꠞ꠆ꠎꠤ-ꠝꠥꠘꠡꠣ ꠛꠥꠎꠤꠀ ꠝꠎꠛꠥꠔ ꠅꠁꠀ ꠃꠛꠣꠅ।

Injil 12: Kolosia 4:9

ꠔꠥꠈꠤꠇꠞ ꠟꠉꠦ ꠀꠝꠞꠣꠞ ꠝꠣꠄꠀꠞ ꠁꠝꠣꠘꠖꠣꠞ ꠜꠣꠁ ꠅꠘꠤꠍꠤꠝꠞꠦꠅ ꠙꠣꠑꠣꠁꠟꠣꠝ। ꠄꠁꠘ ꠔ ꠔꠥꠝꠞꠣꠞꠃ ꠄꠇꠎꠘ। ꠔꠣꠞꠣ ꠁꠘꠞ ꠢꠇꠟ ꠈꠛꠞ-ꠀꠘ꠆ꠔꠞ ꠔꠥꠝꠞꠣꠞꠦ ꠎꠣꠘꠣꠁꠛꠣ।

ইঞ্জিল ১৩: ১-থিষল: 3:13

ꠅꠃ ꠟꠣꠈꠣꠘ ꠔꠣꠁꠘ ꠔꠥꠝꠞꠣꠞ ꠖꠤꠟ ꠙꠥꠞꠣꠙꠥꠞ ꠝꠎꠛꠥꠔ ꠇꠞꠃꠇ꠆ꠇꠣ, ꠎꠣꠔꠦ ꠀꠝꠞꠣꠞ ꠢꠎꠞꠔ ꠁꠍꠣꠄ ꠎꠦꠛꠟꠣ ꠔꠣꠘ ꠘꠤꠎꠞ ꠙꠣꠇ ꠛꠘ꠆ꠖꠣ ꠅꠇꠟ ꠟꠁꠀ ꠔꠡꠞꠤꠚ ꠀꠘꠛꠣ, ꠅꠃ ꠡꠝꠄ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠘꠎꠞꠅ ꠔꠥꠝꠞꠣ ꠙꠛꠤꠔ꠆ꠞ ꠀꠞ ꠘꠤꠈꠥꠔ ꠞꠅ।

ইঞ্জিল ১৩: ১-থিষল: 3:5

ꠔꠦ ꠀꠝꠤ ꠎꠦꠛꠟꠣ ꠀꠞ ꠡꠁꠎ꠆ꠎ ꠇꠞꠔꠣꠝ ꠙꠣꠞꠟꠣꠝ ꠘꠣ, ꠅꠃ ꠡꠝꠄ ꠔꠥꠝꠞꠣꠞ ꠁꠝꠣꠘꠞ ꠢꠣꠟꠔ ꠖꠦꠈꠣꠞ ꠟꠣꠉꠤ ꠔꠤꠝꠕꠤ ꠜꠣꠁꠞꠦ ꠙꠣꠑꠣꠁꠟꠣꠝ। ꠀꠝꠣꠞ ꠝꠘꠅ ꠒꠞ ꠀꠍꠤꠟ, ꠇꠤꠎꠣꠘꠥ ꠡꠄꠔꠣꠘꠦ ꠔꠥꠝꠞꠣꠞꠦ ꠟꠣꠟꠌ ꠖꠦꠈꠣꠁꠍꠦ ꠀꠞ ꠀꠝꠞꠣꠞ ꠢꠇꠟ ꠝꠦꠘꠔ ꠛꠦꠇꠣꠝꠣ ꠉꠦꠍꠦꠉꠤ।