ইঞ্জিল ১৩: ১-থিষল: 3:12 - Siloṭi Asmani Kitab (Nagri lipi)

¹² ꠀꠝꠞꠣ ꠎꠦꠟꠣ ꠔꠥꠝꠞꠣꠞ ꠛꠣꠄ ꠝꠣꠄꠀ-ꠝꠢꠛ꠆ꠛꠔꠞ ꠝꠣꠎꠦ ꠒꠥꠛꠤ ꠉꠦꠍꠤ, ꠑꠤꠇ ꠅꠃꠟꠣ ꠝꠣꠟꠤꠇ ꠁꠍꠣꠄ ꠔꠥꠝꠞꠣꠞꠦꠅ ꠄꠇꠦ-ꠅꠁꠘ꠆ꠘꠦ, ꠀꠞ ꠢꠇꠟꠞ ꠛꠣꠄ ꠝꠣꠄꠀ-ꠝꠢꠛ꠆ꠛꠔꠦ ꠢꠣꠛꠥꠒꠥꠛꠥ ꠈꠣꠅꠀꠃꠇ꠆ꠇꠣ।

ছিলটি আছমানি কিতাব (বাংলা লিপি)

¹² আমরা যেলা তুমরার বায় মায়া-মহব্বতর মাজে ডুবি গেছি, ঠিক অউলা মালিক ইছায় তুমরারেও একে-অইন্যে, আর হকলর বায় মায়া-মহব্বতে হাবু-ডুবু খাওয়াউক্কা।

Siloṭi Asmani Kitab (Latin lipi)

¹² Amra zela tumrar bae maya-mohobbotor maze ḍubi gesi, ṭik oula Malik Isae tumrare-o eḳe-oinne, ar hoḳlor bae maya-mohobbote habuḍubu ḳaoaukka.

ইঞ্জিল ১৩: ১-থিষল: 3:12 Iomraidhean Croise

ꠁꠘ꠆ꠎꠤꠟ ১: ꠝꠕꠤ 22:39

ꠖꠥꠍꠞꠣ ꠢꠥꠇꠥꠝꠅ ꠅꠃ ꠟꠣꠈꠣꠘ, ‘ꠔꠥꠝꠞꠣꠞ ꠀꠞꠤ-ꠚꠞꠤꠞꠦ ꠘꠤꠎꠞ ꠟꠣꠈꠣꠘ ꠝꠣꠄꠀ ꠇꠞꠤꠅ।’

ꠁꠘ꠆ꠎꠤꠟ ১: ꠝꠕꠤ 7:12

ꠢꠥꠘꠅ, ꠔꠥꠝꠞꠣ ꠝꠣꠘꠡꠞ ꠉꠦꠍ ꠕꠣꠇꠤ ꠎꠦꠟꠣꠈꠣꠘ ꠛꠦꠛꠢꠣꠞ ꠙꠣꠁꠔꠣꠄ ꠌꠣꠅ, ꠔꠥꠝꠞꠣꠅ ꠢꠇꠟꠞ ꠟꠉꠦ ꠅꠃ ꠟꠣꠈꠣꠘ ꠛꠦꠛꠢꠣꠞ ꠇꠞꠅ। ꠅꠔꠣꠃ ꠅꠁꠟ ꠔꠃꠞꠣꠔ ꠇꠤꠔꠣꠛ ꠀꠞ ꠘꠛꠤ ꠅꠇꠟꠞ ꠍꠢꠤꠚꠣꠞ ꠝꠥꠟ ꠔꠣꠟꠤꠝ।

Injil 3: Luk 17:5

ꠍꠣꠢꠣꠛꠤ ꠅꠇꠟꠦ ꠢꠎꠞꠔ ꠁꠍꠣꠞ ꠉꠦꠍꠦ ꠀꠛꠖꠣꠞ ꠇꠞꠟꠣ, “ꠢꠥꠎꠥꠞ, ꠀꠝꠞꠣꠞ ꠁꠝꠣꠘꠤ ꠛꠟ ꠛꠣꠠꠣꠁ ꠖꠦꠃꠇ꠆ꠇꠣ।”

Injil 6: Ruman 13:8

ꠈꠣꠟꠤ ꠝꠣꠄꠀꠞ ꠞꠤꠘ ꠍꠣꠠꠣ ꠖꠥꠍꠞꠣ ꠇꠥꠘꠥ ꠛꠦꠙꠣꠞꠦ ꠇꠦꠃꠞꠞ ꠉꠦꠍꠦ ꠞꠤꠘꠤ ꠅꠁꠅ ꠘꠣ। ꠎꠣꠘ ꠘꠤ, ꠎꠦ ꠝꠣꠘꠡꠦ ꠅꠁꠘ꠆ꠘ ꠎꠘꠞꠦ ꠝꠣꠄꠀ ꠇꠞꠦ, ꠢꠦ ꠔ ꠡꠞꠤꠅꠔꠞ ꠢꠥꠇꠥꠝ-ꠀꠢꠇꠣꠝ ꠡꠥꠟ꠆ꠟꠀꠘꠣ ꠀꠖꠣꠄ ꠇꠞꠍꠦ।

Injil 8: 2-Korintia 9:10

ꠝꠘꠅ ꠞꠣꠈꠤꠅ, ꠉꠤꠞꠡ꠆ꠔꠞ ꠟꠣꠉꠤ ꠎꠦꠁꠘ ꠛꠤꠌ ꠎꠥꠉꠣꠁꠀ ꠖꠦꠁꠘ, ꠀꠞ ꠈꠣꠁꠛꠣꠞ ꠟꠣꠉꠤ ꠎꠦꠁꠘ ꠖꠣꠘꠣ-ꠙꠣꠘꠤ ꠎꠥꠉꠣꠁꠀ ꠖꠦꠁꠘ, ꠔꠣꠁꠘ ꠔꠥꠝꠞꠣꠞꠦꠅ ꠛꠤꠌ ꠎꠥꠉꠣꠁ ꠖꠤꠛꠣ, ꠁꠔꠣꠔ ꠛꠞꠇꠔ ꠖꠤꠛꠣ, ꠔꠥꠝꠞꠣꠞ ꠘꠦꠇ ꠇꠣꠝꠞ ꠚꠡꠟ ꠛꠃꠔ ꠛꠣꠠꠣꠁ ꠖꠤꠛꠣ।

Injil 9: Galatia 5:22

ꠅꠁꠟꠦ ꠙꠣꠇ ꠞꠥꠢꠦ ꠌꠟꠣ ꠎꠤꠘ꠆ꠖꠦꠉꠤꠞ ꠚꠟ ꠅꠁꠟ ꠝꠢꠛ꠆ꠛꠔ, ꠈꠥꠡꠤ-ꠛꠣꠡꠤ, ꠡꠣꠘ꠆ꠔꠤ, ꠍꠛꠞ ꠇꠞꠣ, ꠖꠄꠀꠟꠥ ꠜꠣꠛ, ꠜꠣꠟꠣ-ꠝꠣꠘꠡꠤ ꠇꠞꠣ, ꠢꠇ-ꠢꠣꠟꠣꠟꠤ ꠞꠅꠀ,

Injil 9: Galatia 5:6

ꠁꠍꠣ ꠀꠟ-ꠝꠍꠤꠞ ꠃꠝ꠆ꠝꠔ ꠛꠘꠤꠀ ꠢꠣꠞꠟꠦ ꠝꠍꠟꠝꠣꠘꠤ ꠇꠣꠝ ꠇꠞꠣꠁꠟꠦꠅ ꠎꠦꠔꠣ, ꠘꠣ ꠇꠞꠣꠁꠟꠦꠅ ꠅꠔꠣ। ꠛꠞꠋ ꠝꠢꠛ꠆ꠛꠔꠞ ꠝꠣꠎꠖꠤ ꠎꠦ ꠁꠝꠣꠘ ꠎꠣꠁꠞ ꠅꠄ, ꠅꠃ ꠁꠝꠣꠘꠃ ꠅꠁꠟ ꠀꠍꠟ।

Injil 11: Filifia 1:9

ꠀꠝꠤ ꠖꠥꠀ ꠇꠞꠤ, ꠔꠥꠝꠞꠣꠞ ꠝꠢꠛ꠆ꠛꠔ ꠎꠣꠘꠥ ꠇꠣꠝꠤꠟ ꠛꠤꠛꠦꠇ ꠀꠞ ꠀꠈꠟꠦ ꠖꠤꠘ ꠖꠤꠘ ꠛꠣꠠꠦ।

ইঞ্জিল ১৩: ১-থিষল: 2:8

ꠔꠥꠝꠞꠣꠞ ꠟꠣꠉꠤ ꠈꠥꠛ ꠛꠦꠡꠤ ꠝꠣꠄꠀ-ꠝꠢꠛ꠆ꠛꠔ ꠅꠀꠄ, ꠈꠣꠟꠤ ꠀꠟ꠆ꠟꠣꠁ ꠈꠥꠡ-ꠈꠛꠞꠤ ꠔꠛꠟꠤꠉ ꠘꠣꠄ, ꠀꠝꠞꠣꠞ ꠘꠤꠎꠞ ꠎꠣꠘ ꠖꠤꠔꠦꠅ ꠞꠣꠎꠤ ꠀꠍꠟꠣꠝ। ꠎꠣꠘ ꠔ, ꠔꠥꠝꠞꠣ ꠅꠁꠟꠣꠄ ꠀꠝꠞꠣꠞ ꠈꠥꠛ ꠝꠣꠄꠀꠞ ꠝꠣꠘꠥꠡ।

ইঞ্জিল ১৩: ১-থিষল: 4:1

ꠅ ꠜꠣꠁꠀꠁꠘ ꠢꠥꠘꠅ, ꠀꠟ꠆ꠟꠣꠞꠦ ꠈꠥꠡꠤ ꠇꠞꠣꠞ ꠟꠣꠉꠤ ꠇꠦꠝꠘꠦ ꠎꠤꠘ꠆ꠖꠦꠉꠤ ꠇꠣꠐꠣꠘꠤ ꠟꠣꠉꠦ, ꠁ ꠔꠣꠟꠤꠝ ꠔ ꠔꠥꠝꠞꠣ ꠀꠝꠞꠣꠞ ꠉꠦꠍ ꠕꠣꠇꠤ ꠀꠉꠦꠃ ꠙꠣꠁꠍ ꠀꠞ ꠔꠥꠝꠞꠣ ꠅꠟꠣ ꠌꠟꠞꠣꠄꠅ। ꠄꠞꠛꠣꠖꠦꠅ ꠢꠎꠞꠔ ꠁꠍꠣꠞ ꠅꠁꠀ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ ꠀꠞ ꠢꠥꠡꠤꠀꠞ ꠇꠞꠤꠀꠞ, ꠔꠥꠝꠞꠣ ꠎꠦꠟꠣ ꠌꠟꠞꠣꠄ, ꠅꠃꠟꠣ ꠀꠞꠅ ꠛꠦꠡ ꠇꠞꠤ ꠌꠟꠅ।

ইঞ্জিল ১৩: ১-থিষল: 5:15

ꠈꠤꠀꠟ ꠞꠣꠈꠤꠅ, ꠅꠁꠘ꠆ꠘꠣꠄꠞ ꠛꠖꠟꠣ ꠇꠦꠃ ꠎꠣꠘꠥ ꠅꠁꠘ꠆ꠘꠣꠄ ꠘꠣ ꠇꠞꠦ। ꠔꠥꠝꠞꠣ ꠢꠣꠝꠦꠡꠣ ꠄꠇꠦ-ꠅꠁꠘ꠆ꠘꠞ, ꠀꠞ ꠢꠇꠟꠞꠃ ꠜꠣꠟꠣꠁ ꠇꠞꠣꠞ ꠌꠦꠡ꠆ꠐꠣ ꠇꠞꠤꠅ।

ইঞ্জিল ১৪: ২-থিষল: 1:3

ꠜꠣꠁ ꠅꠇꠟ, ꠀꠝꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠣ ꠎꠞꠥꠞ। ꠔꠥꠝꠞꠣꠞ ꠁꠝꠣꠘꠤ ꠛꠟ ꠛꠃꠔ ꠛꠣꠠꠦꠞ ꠀꠞ ꠄꠇꠦ-ꠅꠁꠘ꠆ꠘꠦ ꠝꠣꠄꠀ-ꠝꠢꠛ꠆ꠛꠔꠅ ꠛꠣꠁꠀ ꠙꠠꠦꠞ, ꠄꠞꠟꠣꠉꠤ ꠀꠝꠞꠣ ꠡꠥꠇꠞꠤꠀ ꠀꠖꠣꠄ ꠇꠞꠣ ꠖꠞꠇꠣꠞ।

Injil 20: Iakub 1:17

ꠢꠇ꠆ꠇꠟ ꠜꠣꠟꠣ ꠀꠞ ꠘꠤꠈꠥꠔ ꠖꠣꠘ ꠔ ꠛꠦꠢꠦꠡ꠆ꠔ ꠕꠘꠦ ꠟꠣꠝꠤꠀ ꠀꠄ, ꠎꠦꠁꠘ ꠀꠍꠝꠣꠘꠤ ꠘꠥꠞ ꠅꠇꠟ ꠙꠄꠖꠣ ꠇꠞꠍꠂꠘ, ꠢꠃ ꠀꠟ꠆ꠟꠣꠞ ꠉꠦꠍ ꠕꠘꠦ ꠀꠄ। ꠅꠃ ꠘꠥꠞ ꠅꠇꠟ ꠍꠦꠛꠣꠞ ꠟꠣꠈꠣꠘ ꠒꠥꠟꠣꠒꠥꠟꠤ ꠇꠞꠟꠦꠅ, ꠔꠣꠁꠘ ꠁꠟꠣ ꠇꠞꠂꠘ ꠘꠣ।

ꠁꠘ꠆ꠎꠤꠟ ২২: ২-ꠙꠤꠔꠞ 1:7

ꠙꠞꠦꠎꠉꠣꠞꠤꠞ ꠟꠉꠦ ꠄꠇꠦ-ꠅꠁꠘ꠆ꠘꠦ ꠝꠣꠄꠀ, ꠀꠞ ꠄꠇꠦ-ꠅꠁꠘ꠆ꠘꠦ ꠝꠣꠄꠀꠞ ꠟꠉꠦ ꠀꠟ꠆ꠟꠣꠁ ꠝꠢꠛ꠆ꠛꠔꠦ ꠛꠣꠠꠅ।

ꠁꠘ꠆ꠎꠤꠟ ২২: ২-ꠙꠤꠔꠞ 3:18

ꠔꠥꠝꠞꠣ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠞꠢꠝꠔꠦ ꠀꠞ ꠔꠣꠘꠞꠦ ꠌꠤꠘꠣꠞ ꠔꠣꠇ꠆ꠇꠔꠦ ꠛꠣꠠꠤꠀ ꠃꠑꠅ। ꠅꠈꠘ ꠀꠞ ꠢꠞ-ꠢꠣꠝꠦꠡꠣ ꠔꠣꠘ ꠝꠢꠤꠝꠣ ꠎꠣꠞꠤ ꠞꠃꠇ। ꠀꠝꠤꠘ॥