ইঞ্জিল ১৩: ১-থিষল: 2:9 - Siloṭi Asmani Kitab (Nagri lipi)

⁹ ꠜꠣꠁꠀꠁꠘꠞꠦ, ꠀꠍꠟꠦ ꠔ ꠀꠝꠞꠣꠞ ꠝꠦꠘꠔ ꠀꠞ ꠀꠐꠘꠤ-ꠈꠣꠐꠘꠤꠞ ꠇꠕꠣ, ꠘꠤꠌ꠆ꠌꠄ ꠔꠥꠝꠞꠣꠞ ꠝꠘꠅ ꠀꠍꠦ। ꠀꠟ꠆ꠟꠣꠁ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠚꠣꠇꠦ ꠚꠣꠇꠦ ꠀꠝꠞꠣ ꠖꠤꠘꠦ-ꠞꠣꠁꠔꠦ ꠞꠥꠎꠤ-ꠞꠥꠎꠉꠣꠞ ꠇꠞꠍꠤ, ꠎꠣꠔꠦ ꠀꠝꠞꠣꠞ ꠈꠞꠌꠣ-ꠙꠣꠔꠤ ꠔꠥꠝꠞꠣ ꠇꠦꠃꠞꠞ ꠟꠣꠉꠤ ꠛꠥꠏꠣ ꠘꠣ ꠅꠄ।

ছিলটি আছমানি কিতাব (বাংলা লিপি)

⁹ ভাইয়াইনরে, আসলে তো আমরার মেনত আর আটনি-খাটনির কথা, নিচ্চয় তুমরার মনো আছে। আল্লাই খুশ-খবরি তবলিগর ফাকে ফাকে আমরা দিনে-রাইতে রুজি-রুজগার করছি, যাতে আমরার খরচা-পাতি তুমরা কেউরর লাগি বোঝা না অয়।

Siloṭi Asmani Kitab (Latin lipi)

⁹ Baiainre, ashole to amrar menot ar aṭni-ḳaṭnir ḳota, nichchoy tumrar mono ase. Allai kush-ḳobri tobligor faḳe faḳe amra dine-raite ruzi-ruzgar ḳorsi, zate amrar ḳorsa-fati tumra ḳeuror lagi buza na oy.

ইঞ্জিল ১৩: ১-থিষল: 2:9 Iomraidhean Croise

ꠎꠛꠥꠞ ꠡꠞꠤꠚ 32:4

ꠔꠥꠝꠣꠞ ꠀꠔꠦ ꠎꠣꠔꠤꠀ ꠗꠞꠍꠤꠟ ꠖꠤꠘ-ꠞꠣꠁꠔ ꠀꠝꠣꠞꠦ, ꠇꠝꠤ ꠉꠦꠍꠤꠟ ꠝꠞ ꠇꠣꠄꠀꠞ ꠡꠇ꠆ꠔꠤ ꠌꠂꠔ-ꠝꠣꠁꠀ ꠉꠞꠝꠦ। (ꠍꠦꠟꠣ)

Injil 3: Luk 18:7

ꠔꠦ ꠎꠦꠞꠣ ꠢꠣꠝꠦꠡꠣ ꠖꠤꠘꠦ-ꠞꠣꠁꠔꠦ ꠀꠟ꠆ꠟꠣꠞ ꠉꠦꠍꠦ ꠇꠣꠘ꠆ꠖꠦ, ꠀꠟ꠆ꠟꠣꠄ ꠇꠤꠔꠣ ꠔꠣꠘ ꠁ ꠝꠣꠄꠀꠞ ꠛꠘ꠆ꠖꠣ ꠅꠇꠟꠞ ꠢꠇ ꠚꠞꠤꠀꠖ ꠢꠥꠘꠔꠣ ꠘꠣꠄ ꠘꠤ? ꠔꠣꠁꠘ ꠢꠥꠘꠔꠦ ꠇꠥꠘꠥ ꠀꠞ ꠖꠦꠞꠤ ꠇꠞꠛꠣ ꠘꠤ?

Injil 3: Luk 2:37

ꠌꠃꠞꠣꠡꠤ ꠛꠍꠞ ꠙꠞ꠆ꠎꠘ꠆ꠔ ꠠꠣꠠꠤ ꠢꠣꠟꠔꠦ ꠀꠍꠟꠣ। ꠔꠣꠁꠘ ꠛꠣꠄꠔꠥꠟ-ꠝꠥꠇꠣꠖ꠆ꠖꠍꠞ ꠜꠤꠔꠞꠦ ꠞꠥꠎꠣ ꠞꠣꠈꠔꠣ ꠀꠞ ꠖꠥꠀ ꠇꠞꠔꠣ। ꠄꠛꠣꠖꠔ-ꠛꠘ꠆ꠖꠦꠉꠤꠞ ꠝꠣꠎꠦ ꠞꠣꠁꠔ-ꠖꠤꠘ ꠇꠣꠐꠣꠁꠔꠣ, ꠛꠣꠞꠦ ꠛꠣꠞ ꠅꠁꠔꠣ ꠘꠣ।

Injil 5: Sahabi Nama 18:3

ꠔꠣꠁꠘꠅ ꠔꠣꠞꠣꠞ ꠟꠣꠈꠣꠘ ꠔꠣꠝ꠆ꠛꠥ ꠛꠣꠘꠣꠘꠤꠞ ꠇꠣꠝ ꠇꠞꠔꠣ ꠉꠔꠤꠇꠦ ꠔꠣꠁꠘ ꠔꠣꠞꠣꠞ ꠟꠉꠦ ꠞꠁꠀ ꠅꠃ ꠇꠣꠝꠅ ꠟꠣꠉꠟꠣ।

Injil 5: Sahabi Nama 20:24

ꠅꠁꠟꠦꠅ ꠀꠝꠣꠞ ꠘꠤꠎꠞ ꠎꠣꠘꠞ ꠙꠞꠥꠀ ꠇꠞꠤ ꠘꠣ, ꠀꠝꠣꠞ ꠎꠣꠘꠞꠦ ꠅꠔ ꠝꠥꠟ꠆ꠟꠛꠣꠘ ꠝꠘꠅ ꠇꠞꠤ ꠘꠣ। ꠀꠝꠤ ꠁꠞꠣꠖꠣ ꠇꠞꠣ ꠙꠕꠞ ꠢꠦꠡ ꠑꠤꠇꠣꠘꠣ ꠙꠞ꠆ꠎꠘ꠆ꠔ ꠖꠃꠠꠣꠁꠔꠣꠝ ꠌꠣꠁꠞꠣꠝ। ꠀꠟ꠆ꠟꠣꠞ ꠞꠢꠝꠔꠞ ꠈꠥꠡ-ꠈꠛꠞꠤꠞ ꠔꠛꠟꠤꠉ ꠀꠞ ꠈꠦꠎꠝꠔꠞ ꠅꠃ ꠎꠦ ꠜꠣꠞ ꠢꠎꠞꠔ ꠁꠍꠣꠞ ꠉꠦꠍ ꠕꠣꠇꠤ ꠙꠣꠁꠍꠤ, ꠄꠞ ꠁꠘ꠆ꠎꠣꠝ ꠖꠤꠔꠣꠝ ꠌꠣꠁꠞꠣꠝ।

Injil 5: Sahabi Nama 20:31

ꠄꠞꠟꠣꠉꠤ ꠀꠙꠘꠣꠞꠣ ꠢꠎꠣꠉ ꠞꠃꠇ꠆ꠇꠣ, ꠀꠞ ꠝꠘꠅ ꠞꠣꠈꠛꠣ, ꠀꠝꠤ ꠔꠤꠘ ꠛꠞꠍ ꠗꠞꠤꠀ ꠞꠣꠁꠔ-ꠖꠤꠘ ꠌꠃꠈꠞ ꠙꠣꠘꠤ ꠚꠣꠟꠣꠁꠀ ꠀꠙꠘꠣꠞꠣꠞꠦ ꠢꠥꠡꠤꠀꠞ ꠇꠞꠔꠦ ꠖꠝ ꠟꠁꠍꠤ ꠘꠣ।

Injil 6: Ruman 1:1

ꠀꠝꠤ ꠙꠣꠃꠟꠥꠍ ꠔ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠞꠥꠝꠣꠘ ꠛꠣꠖꠡꠣꠁꠞ ꠞꠣꠎꠗꠣꠘꠤ ꠞꠥꠝ ꠐꠣꠃꠘꠞ ꠝꠥꠝꠤꠘ ꠅꠇꠟꠞ ꠉꠦꠍꠦ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ। ꠀꠟ꠆ꠟꠣ ꠙꠣꠇꠦ ꠀꠝꠣꠞꠦ ꠙꠍꠘ꠆ꠖ ꠇꠞꠤꠀ ꠀꠘꠍꠂꠘ ꠀꠟ-ꠝꠍꠤꠞ ꠍꠣꠢꠣꠛꠤ ꠅꠀꠞ ꠟꠣꠉꠤ ꠀꠞ ꠔꠣꠘ ꠛꠣꠔꠣꠁꠟ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠞ ꠟꠣꠉꠤ।

Injil 6: Ruman 15:16

ꠁꠍꠣ ꠀꠟ-ꠝꠍꠤꠞ ꠈꠣꠖꠤꠝ ꠢꠤꠡꠣꠛꠦ ꠀꠟ꠆ꠟꠣꠄ ꠀꠝꠣꠞꠦ ꠔꠥꠝꠞꠣꠞ ꠟꠣꠈꠣꠘ ꠜꠤꠘ ꠎꠣꠔꠤ ꠅꠇꠟꠞ ꠉꠦꠍꠦ ꠙꠣꠑꠣꠁꠍꠂꠘ। ꠄꠞꠟꠣꠉꠤꠃ ꠔꠣꠘ ꠖꠦꠅꠀ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠝꠣꠎꠖꠤ ꠀꠝꠤ ꠁꠝꠣꠝꠔꠤꠞ ꠇꠣꠝ ꠇꠞꠤꠀꠞ, ꠎꠣꠔꠦ ꠅꠃ ꠜꠤꠘ ꠎꠣꠔꠤ ꠅꠇꠟ ꠀꠟ꠆ꠟꠣꠞ ꠙꠣꠇ ꠞꠥꠢꠦ ꠙꠛꠤꠔ꠆ꠞ ꠅꠁꠀ ꠔꠣꠘ ꠖꠞꠛꠣꠞꠅ ꠇꠛꠥꠟ ꠅꠀꠞ ꠎꠥꠇꠣ ꠇꠥꠞꠛꠣꠘꠤ ꠅꠁꠘ।

Injil 6: Ruman 15:19

ꠇꠦꠞꠣꠝꠔꠤ-ꠝꠥꠎꠦꠎꠣ ꠀꠞ ꠀꠟ꠆ꠟꠣꠁ ꠙꠣꠇ ꠞꠥꠢꠥꠞ ꠇꠥꠖꠞꠔꠤ ꠛꠟꠦ ꠜꠤꠘ ꠎꠣꠔꠤ ꠅꠇꠟꠞꠦꠖꠤ ꠀꠟ꠆ꠟꠣꠞ ꠉꠥꠟꠣꠝꠤ ꠇꠞꠣꠁꠍꠂꠘ। ꠄꠞꠟꠣꠉꠤꠃ ꠀꠝꠤ ꠀꠟ-ꠝꠍꠤꠞ ꠈꠥꠡ-ꠈꠛꠞꠤꠞꠦ ꠎꠦꠞꠥꠎꠣꠟꠦꠝ ꠕꠣꠇꠤ ꠁꠟꠥꠞꠤꠇꠣ ꠙꠞ꠆ꠎꠘ꠆ꠔ ꠢꠇꠟ ꠎꠣꠉꠣꠞ ꠝꠣꠎꠦ ꠙꠥꠞꠣꠙꠥꠞ ꠔꠛꠟꠤꠉ ꠇꠞꠍꠤ।

Injil 7: 1-Korintia 4:12

ꠢꠣꠝꠦꠡꠣ ꠘꠤꠎꠞ ꠀꠔꠦ ꠝꠦꠘꠔ ꠇꠞꠤ ꠈꠣꠁꠀꠞ। ꠝꠣꠘꠡꠞ ꠉꠣꠁꠟ-ꠝꠘ꠆ꠖ ꠢꠥꠘꠤꠀꠅ, ꠔꠣꠞꠣꠞ ꠜꠣꠟꠣꠁ ꠌꠣꠁꠀꠞ, ꠎꠥꠟꠥꠝ-ꠘꠤꠞ꠆ꠎꠣꠔꠘ, ꠢꠥꠝꠇꠤ-ꠗꠣꠝꠇꠤꠞꠦ ꠍꠛꠞ ꠇꠞꠤꠀꠞ।

Injil 7: 1-Korintia 9:15

ꠅꠁꠟꠦ ꠀꠝꠤ ꠔ ꠄꠞ ꠇꠥꠘ꠆ꠔꠣꠃ ꠘꠤꠍꠤ ꠘꠣ। ꠀꠞ ꠅꠈꠘ ꠔꠥꠝꠞꠣꠞꠦꠅ ꠁꠔꠣ ꠟꠦꠈꠤꠀꠞ ꠘꠣ, ꠀꠝꠣꠞ ꠟꠣꠉꠤ ꠅꠔꠣꠞ ꠛꠦꠛꠡ꠆ꠔꠣ ꠇꠞꠔꠣꠄ ꠇꠞꠤ। ꠅꠈꠘ ꠀꠝꠣꠞ ꠅꠃ ꠛꠠꠣꠁꠞꠦ ꠎꠥꠖꠤ ꠇꠦꠃ ꠛꠦꠇꠣꠝꠣ ꠛꠣꠘꠣꠁꠟꠣꠄ, ꠔꠦ ꠀꠝꠣꠞ ꠝꠞꠤ ꠎꠣꠅꠀꠃ ꠜꠣꠟꠣ।

Injil 7: 1-Korintia 9:18

ꠅꠈꠘ ꠀꠝꠣꠞ ꠁ ꠇꠣꠝꠞ ꠙꠥꠞꠥꠡ꠆ꠇꠣꠞ ꠇꠤꠔꠣ? ꠁ ꠙꠥꠞꠥꠡ꠆ꠇꠣꠞ ꠅꠁꠟ, ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤꠀ ꠢꠣꠞꠤ ꠙꠣꠅꠘꠣ ꠛꠦꠔꠘ ꠘꠦꠁ ꠘꠣ, ꠛꠤꠘꠣ ꠙꠄꠡꠣꠄ ꠔꠛꠟꠤꠉ ꠇꠞꠣꠃ ꠀꠝꠣꠞ ꠛꠦꠔꠘ।

Injil 7: 1-Korintia 9:4

ꠀꠝꠤ ꠀꠞ ꠍꠣꠢꠣꠛꠤ ꠛꠣꠞ꠆ꠘꠣꠛꠣꠍꠦ ꠇꠤꠔꠣ ꠈꠣꠘꠣ-ꠙꠤꠘꠣꠞ ꠛꠦꠔꠘ ꠙꠣꠁꠛꠣꠞ ꠅꠗꠤꠇꠣꠞ ꠘꠣꠁ ꠘꠤ?

Injil 8: 2-Korintia 11:27

ꠅꠃ ꠖꠥꠈ-ꠝꠍꠤꠛꠔꠞ ꠝꠣꠎꠦꠅ ꠎꠣꠘꠦ-ꠙꠞꠣꠘꠦ ꠝꠦꠘꠔ ꠇꠞꠍꠤ, ꠛꠃꠔ ꠞꠣꠁꠔ ꠃꠎꠣꠉꠞꠤ ꠇꠞꠍꠤ, ꠈꠣꠘꠤ-ꠙꠣꠘꠤꠞ ꠟꠣꠉꠤ ꠇꠡ꠆ꠐ ꠙꠣꠁꠍꠤ, ꠛꠃꠔ ꠃꠙꠣꠡ-ꠈꠣꠙꠣꠡ ꠞꠁꠍꠤ, ꠡꠤꠔ ꠀꠞ ꠇꠣꠙꠠ-ꠌꠥꠙꠠꠞ ꠅꠜꠣꠛꠦꠅ ꠇꠡ꠆ꠐ ꠙꠣꠁꠍꠤ।

Injil 8: 2-Korintia 11:9

ꠔꠥꠝꠞꠣꠞ ꠉꠦꠍꠦ ꠞꠅꠀꠞ ꠇꠣꠟꠅ ꠀꠝꠤ ꠎꠦꠛꠟꠣ ꠅꠜꠣꠛꠅ ꠙꠠꠟꠣꠝ, ꠢꠃ ꠡꠝꠄꠅ ꠀꠝꠤ ꠇꠦꠃꠞꠞ ꠛꠥꠏꠣ ꠅꠁꠍꠤ ꠘꠣ। ꠇꠣꠞꠘ ꠝꠣꠇꠤꠖꠘꠤꠀ ꠕꠣꠇꠤ ꠎꠦꠔꠣ ꠜꠣꠁꠀꠁꠘ ꠀꠁꠍꠟꠣ, ꠔꠣꠞꠣ ꠀꠝꠣꠞꠦ ꠡꠣꠁꠎ꠆ꠎ ꠇꠞꠍꠂꠘ। ꠔꠦ ꠇꠥꠘꠥ ꠢꠣꠟꠔꠦꠃ ꠀꠝꠤ ꠔꠥꠝꠞꠣꠞ ꠛꠥꠏꠣ ꠅꠁꠍꠤ ꠘꠣ, ꠅꠁꠔꠣꠝꠅ ꠘꠣꠄ।

Injil 8: 2-Korintia 6:5

ꠀꠝꠞꠣꠞꠦ ꠛꠃꠔ ꠛꠣꠞ ꠝꠣꠁꠞ-ꠗꠁꠞ ꠇꠞꠣ ꠅꠁꠍꠦ, ꠛꠃꠔ ꠛꠣꠞ ꠎꠦꠟꠅ ꠢꠣꠞꠣꠘꠤ ꠅꠁꠍꠦ, ꠛꠃꠔ ꠖꠣꠋꠉꠣ-ꠢꠣꠋꠉꠣꠝꠣ ꠀꠝꠞꠣꠞ ꠃꠙꠞꠦꠖꠤ ꠉꠦꠍꠦ, ꠛꠃꠔ ꠝꠦꠘꠔ ꠇꠞꠍꠤ, ꠘꠣ ꠊꠥꠝꠣꠁꠀ ꠞꠣꠁꠔ ꠇꠣꠐꠣꠁꠍꠤ ꠀꠞ ꠃꠙꠣꠡ-ꠈꠣꠙꠣꠡ ꠞꠁꠍꠤ।

Injil 11: Filifia 4:16

ꠀꠝꠤ ꠎꠦꠛꠟꠣ ꠕꠤꠡꠟꠘꠤꠇꠤ ꠐꠣꠃꠘꠅ ꠀꠍꠟꠣꠝ, ꠅꠃ ꠡꠝꠄ ꠀꠝꠣꠞ ꠅꠜꠣꠛꠞ ꠇꠣꠟꠅ ꠔꠥꠝꠞꠣ ꠇꠄꠛꠣꠞ ꠡꠣꠁꠎ꠆ꠎ ꠙꠣꠑꠣꠁꠍ।

ইঞ্জিল ১৩: ১-থিষল: 1:3

ꠁꠝꠣꠘꠞ ꠟꠣꠉꠤ ꠔꠥꠝꠞꠣ ꠎꠦ ꠇꠣꠝ ꠇꠞꠞꠣꠄ, ꠝꠢꠛ꠆ꠛꠔꠞ ꠟꠣꠉꠤ ꠔꠥꠝꠞꠣ ꠎꠦ ꠝꠦꠘꠔ ꠇꠞꠞꠣꠄ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠀꠡꠣ-ꠜꠞꠡꠣ ꠇꠞꠤꠀ ꠔꠥꠝꠞꠣ ꠎꠦ ꠍꠛꠞ ꠇꠞꠞꠣꠄ, ꠁꠔꠣ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠖꠞꠛꠣꠞꠅ ꠖꠥꠀ ꠇꠞꠣꠞ ꠡꠝꠄ ꠢꠣꠝꠦꠡꠣ ꠝꠘꠅ ꠇꠞꠤ।

ইঞ্জিল ১৩: ১-থিষল: 2:2

ꠔꠥꠝꠞꠣ ꠄꠅꠈꠣꠘꠅ ꠎꠣꠘ, ꠄꠞ ꠀꠉꠦ ꠀꠝꠞꠣ ꠚꠤꠟꠤꠙꠤ ꠐꠣꠃꠘꠅ ꠎꠥꠟꠥꠝ-ꠝꠍꠤꠛꠔꠅ ꠙꠠꠍꠟꠣꠝ ꠀꠞ ꠛꠦꠁꠎ꠆ꠎꠔ ꠅꠁꠍꠟꠣꠝ। ꠛꠣꠖꠦ ꠔꠥꠝꠞꠣꠞ ꠅꠘꠅ-ꠅ ꠛꠃꠔ ꠛꠣꠗꠣ-ꠘꠤꠡꠦꠗ ꠇꠣꠐꠣꠁꠀ ꠀꠝꠞꠣ ꠀꠟ꠆ꠟꠣꠁ ꠡꠣꠅꠡꠦ ꠡꠣꠅꠡꠤ ꠅꠁꠀ ꠖꠤꠟꠦ-ꠎꠣꠘꠦ ꠔꠣꠘ ꠈꠥꠡ-ꠈꠛꠞꠤ ꠈꠥꠟꠣ-ꠝꠦꠟꠣ ꠔꠛꠟꠤꠉ ꠇꠞꠍꠤꠟꠣꠝ।

ইঞ্জিল ১৩: ১-থিষল: 2:6

ꠇꠥꠘꠥ ꠝꠣꠘꠡꠞ ꠉꠦꠍ ꠕꠣꠇꠤ ꠁꠎ꠆ꠎꠔ ꠙꠣꠁꠔꠦ ꠀꠡꠣ ꠇꠞꠍꠤ ꠘꠣ, ꠔꠥꠝꠞꠣꠞ ꠉꠦꠍ ꠕꠣꠇꠤꠅ ꠘꠣ, ꠛꠣ ꠛꠣꠁꠞꠣ ꠝꠣꠘꠡꠞ ꠉꠦꠍ ꠕꠣꠇꠤꠅ ꠘꠣ।

ইঞ্জিল ১৩: ১-থিষল: 3:10

ꠀꠝꠞꠣ ꠝꠘ ꠖꠤꠀ ꠖꠤꠘꠦ-ꠞꠣꠁꠔꠦ ꠢꠣꠝꠦꠡꠣ ꠖꠥꠀ ꠇꠞꠞꠣꠝ, ꠎꠣꠔꠦ ꠔꠥꠝꠞꠣꠞ ꠝꠥꠈꠈꠣꠘ ꠢꠤꠞꠛꠣꠞ ꠖꠦꠈꠣꠞ ꠡꠥꠎꠥꠉ ꠙꠣꠁ, ꠀꠞ ꠔꠥꠝꠞꠣꠞ ꠁꠝꠣꠘꠞ ꠛꠣꠖ-ꠛꠣꠇꠤ ꠢꠇꠟꠔꠣ ꠙꠥꠞꠣ ꠇꠞꠔꠣꠝ ꠙꠣꠞꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:10

ꠄꠞꠟꠣꠉꠤꠃ ꠀꠝꠞꠣ ꠎꠣꠘꠦ-ꠙꠞꠣꠘꠦ ꠁꠝꠣꠘꠞ ꠝꠦꠘꠔ ꠇꠞꠤꠀꠞ ꠀꠞ ꠈꠤꠀꠟꠤ ꠅꠁꠀ ꠇꠣꠝ ꠇꠞꠤꠀꠞ। ꠇꠣꠞꠘ ꠀꠝꠞꠣ ꠔ ꠎꠤꠘ꠆ꠖꠣ ꠀꠟ꠆ꠟꠣꠞ ꠃꠙꠞꠦ ꠜꠞꠡꠣ ꠇꠞꠤ। ꠔꠣꠁꠘꠃ ꠢꠇꠟ ꠝꠣꠘꠡꠞ ꠔꠞꠣꠘꠦꠀꠟꠣ, ꠈꠣꠍ ꠇꠞꠤ ꠎꠦꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:5

ꠎꠦ ꠠꠣꠠꠤ ꠛꠦꠐꠤꠘ꠆ꠔꠞ ꠇꠦꠃ ꠘꠣꠁ, ꠔꠣꠞꠣ ꠈꠣꠟꠤ ꠀꠟ꠆ꠟꠣꠞ ꠃꠙꠞꠦ ꠜꠞꠡꠣ ꠞꠣꠈꠤꠀ, ꠖꠤꠘꠦ-ꠞꠣꠁꠔꠦ ꠔꠣꠘ ꠖꠞꠛꠣꠞꠅ ꠝꠥꠘꠣꠎꠣꠔ ꠀꠞ ꠇꠣꠘ꠆ꠖꠣ-ꠇꠣꠐꠤ ꠇꠞꠣꠔ ꠞꠂꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:3

ꠅ ꠔꠤꠝꠕꠤ, ꠢꠥꠘꠅ, ꠀꠝꠣꠞ ꠝꠄ-ꠝꠥꠞꠛ꠆ꠛꠤꠄ ꠎꠦꠟꠣ ꠄꠇ ꠀꠟ꠆ꠟꠣꠞ ꠄꠛꠣꠖꠔ ꠇꠞꠔꠣ, ꠀꠝꠤꠅ ꠅꠃꠟꠣ ꠙꠞꠤꠡ꠆ꠇꠣꠞ ꠛꠤꠛꠦꠇꠦ ꠀꠟ꠆ꠟꠣꠞ ꠄꠛꠣꠖꠔ ꠇꠞꠤ। ꠀꠝꠤ ꠖꠥꠀ ꠇꠞꠣꠞ ꠛꠣꠟꠣ ꠖꠤꠘꠦ-ꠞꠣꠁꠔꠦ ꠢꠣꠝꠦꠡꠣ ꠔꠥꠝꠣꠞ ꠟꠣꠉꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤ।