ইঞ্জিল ১৩: ১-থিষল: 2:8 - Siloṭi Asmani Kitab (Nagri lipi)

⁸ ꠔꠥꠝꠞꠣꠞ ꠟꠣꠉꠤ ꠈꠥꠛ ꠛꠦꠡꠤ ꠝꠣꠄꠀ-ꠝꠢꠛ꠆ꠛꠔ ꠅꠀꠄ, ꠈꠣꠟꠤ ꠀꠟ꠆ꠟꠣꠁ ꠈꠥꠡ-ꠈꠛꠞꠤ ꠔꠛꠟꠤꠉ ꠘꠣꠄ, ꠀꠝꠞꠣꠞ ꠘꠤꠎꠞ ꠎꠣꠘ ꠖꠤꠔꠦꠅ ꠞꠣꠎꠤ ꠀꠍꠟꠣꠝ। ꠎꠣꠘ ꠔ, ꠔꠥꠝꠞꠣ ꠅꠁꠟꠣꠄ ꠀꠝꠞꠣꠞ ꠈꠥꠛ ꠝꠣꠄꠀꠞ ꠝꠣꠘꠥꠡ।

ছিলটি আছমানি কিতাব (বাংলা লিপি)

⁸ তুমরার লাগি খুব বেশি মায়া-মহব্বত অওয়ায়, খালি আল্লাই খুশ-খবরি তবলিগ নায়, আমরার নিজর জান দিতেও রাজি আছলাম। জানো তো, তুমরা অইলায় আমরার খুব মায়ার মানুষ।

Siloṭi Asmani Kitab (Latin lipi)

⁸ Tumrar lagi kub beshi maya-mohobbot oae, ḳali Allai kush-ḳobri toblig nae, amrar nizor zan dite-o razi aslam. Zano to, tumra oilae amrar kub mayar manush.

ইঞ্জিল ১৩: ১-থিষল: 2:8 Iomraidhean Croise

Injil 3: Luk 7:2

ꠢꠤꠘꠅ ꠞꠥꠝꠣꠘ ꠍꠤꠙꠣꠁꠞ ꠄꠇ ꠍꠥꠛꠦꠖꠣꠞꠞ ꠉꠥꠟꠣꠝ ꠛꠦꠝꠣꠞ ꠙꠠꠤꠀ ꠝꠞꠣꠞ ꠙꠕꠤ ꠅꠁꠉꠦꠍꠤꠟ, ꠍꠥꠛꠦꠖꠣꠞ ꠍꠣꠛꠦ ꠁ ꠉꠥꠟꠣꠝꠞꠦ ꠈꠥꠛ ꠝꠣꠄꠀ ꠇꠞꠔꠣ।

Injil 6: Ruman 1:1

ꠀꠝꠤ ꠙꠣꠃꠟꠥꠍ ꠔ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠞꠥꠝꠣꠘ ꠛꠣꠖꠡꠣꠁꠞ ꠞꠣꠎꠗꠣꠘꠤ ꠞꠥꠝ ꠐꠣꠃꠘꠞ ꠝꠥꠝꠤꠘ ꠅꠇꠟꠞ ꠉꠦꠍꠦ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ। ꠀꠟ꠆ꠟꠣ ꠙꠣꠇꠦ ꠀꠝꠣꠞꠦ ꠙꠍꠘ꠆ꠖ ꠇꠞꠤꠀ ꠀꠘꠍꠂꠘ ꠀꠟ-ꠝꠍꠤꠞ ꠍꠣꠢꠣꠛꠤ ꠅꠀꠞ ꠟꠣꠉꠤ ꠀꠞ ꠔꠣꠘ ꠛꠣꠔꠣꠁꠟ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠞ ꠟꠣꠉꠤ।

Injil 6: Ruman 10:1

ꠔꠦ ꠅ ꠜꠣꠁ ꠅꠇꠟ, ꠛꠘꠤ ꠁꠍꠞꠣꠁꠟꠞ ꠟꠣꠉꠤ ꠀꠝꠣꠞ ꠖꠤꠟꠞ ꠅꠃ ꠚꠞꠤꠀꠖ ꠀꠍꠦ, ꠀꠝꠤ ꠀꠟ꠆ꠟꠣꠞ ꠖꠞꠛꠣꠞꠅ ꠖꠥꠀ ꠇꠞꠤꠀꠞ, ꠔꠣꠞꠣ ꠎꠣꠘꠥ ꠘꠣꠎꠣꠔ ꠙꠣꠁꠘ।

Injil 6: Ruman 15:29

ꠀꠝꠤ ꠛꠥꠎꠤꠀꠞ, ꠀꠝꠤ ꠎꠦꠛꠟꠣ ꠔꠥꠝꠞꠣꠞ ꠉꠦꠍꠦ ꠀꠁꠝꠥ, ꠅꠃ ꠡꠝꠄ ꠀꠟ-ꠝꠍꠤꠞ ꠡꠥꠟ꠆ꠟꠀꠘꠣ ꠞꠢꠝ-ꠘꠤꠀꠝꠔ ꠟꠁꠀ ꠀꠁꠝꠥ।

Injil 8: 2-Korintia 12:15

ꠔꠦ ꠀꠝꠤ ꠈꠥꠛ ꠈꠥꠡꠤ ꠅꠁꠀꠃ ꠔꠥꠝꠞꠣꠞ ꠟꠣꠉꠤ ꠀꠝꠣꠞ ꠢꠇꠟꠔꠣ ꠈꠞꠌ ꠇꠞꠝꠥ, ꠀꠝꠣꠞ ꠘꠤꠎꠞꠦꠅ ꠛꠤꠟꠣꠁ ꠖꠤꠝꠥ। ꠀꠝꠤ ꠎꠦꠛꠟꠣ ꠔꠥꠝꠞꠣꠞꠦ ꠛꠦꠡ ꠇꠞꠤ ꠝꠣꠄꠀ-ꠝꠢꠛ꠆ꠛꠔ ꠇꠞꠤꠀꠞ, ꠔꠦ ꠔꠥꠝꠞꠣ ꠇꠦꠘꠦ ꠀꠝꠣꠞꠦ ꠇꠝ ꠝꠣꠄꠀ ꠇꠞꠞꠣꠄ?

Injil 8: 2-Korintia 6:1

ꠀꠟ꠆ꠟꠣꠞ ꠈꠣꠖꠤꠝ ꠢꠤꠡꠣꠛꠦ ꠀꠝꠞꠣ ꠅꠃ ꠝꠤꠘꠔ ꠇꠞꠤꠀꠞ, ꠔꠥꠝꠞꠣ ꠎꠦꠛꠟꠣ ꠀꠟ꠆ꠟꠣꠞ ꠞꠢꠝꠔ ꠙꠣꠁꠍ, ꠔꠦ ꠁꠇꠐꠣꠞꠦ ꠛꠤꠚꠟ ꠅꠁꠔꠦ ꠖꠤꠅ ꠘꠣ।

Injil 9: Galatia 4:19

ꠅ ꠀꠝꠣꠞ ꠙꠤꠀꠞꠣ ꠀꠅꠟꠣꠖ ꠅꠇꠟ, ꠔꠥꠝꠞꠣ ꠎꠔꠖꠤꠘ ꠀꠟ-ꠝꠍꠤꠞ ꠟꠣꠈꠣꠘ ꠘꠣ ꠛꠘꠍ, ꠅꠔꠖꠤꠘ ꠀꠝꠤ ꠢꠤꠞꠛꠣꠞ ꠔꠥꠝꠞꠣꠞ ꠟꠣꠉꠤ ꠢꠥꠞꠥꠔ꠆ꠔꠣ ꠙꠄꠖꠣꠞ ꠛꠤꠡꠞ ꠟꠣꠈꠣꠘ ꠍꠐꠚꠐ ꠇꠞꠞꠣꠝ।

Injil 11: Filifia 1:8

ꠄꠇ ꠀꠟ꠆ꠟꠣꠄ ꠎꠣꠘꠂꠘ, ꠀꠟ-ꠝꠍꠤꠞ ꠝꠢꠛ꠆ꠛꠔꠦ ꠀꠝꠤ ꠔꠥꠝꠞꠣꠞ ꠟꠣꠉꠤ ꠇꠔ ꠀꠡꠤꠇ।

Injil 11: Filifia 2:17

ꠢꠥꠘꠅ, ꠎꠦ ꠁꠝꠣꠘꠞ ꠇꠥꠞꠛꠣꠘꠤꠞ ꠝꠣꠎꠖꠤ ꠔꠥꠝꠞꠣ ꠀꠟ꠆ꠟꠣꠞ ꠄꠛꠣꠖꠔ ꠇꠞꠞꠣꠄ, ꠄꠞ ꠃꠙꠞꠦ ꠎꠥꠖꠤ ꠀꠝꠣꠞ ꠘꠤꠎꠞ ꠟꠃꠞꠦ ꠇꠥꠞꠛꠣꠘꠤ ꠢꠤꠡꠣꠛꠦ ꠓꠣꠟꠤ ꠖꠦꠅꠀ ꠅꠄ, ꠔꠣ-ꠅ ꠀꠝꠤ ꠈꠥꠡ ꠀꠍꠤ, ꠔꠥꠝꠞꠣꠞꠦ ꠟꠁꠀ ꠈꠥꠡꠤ ꠇꠞꠞꠣꠝ।

Injil 11: Filifia 2:20

ꠔꠤꠝꠕꠤꠞ ꠟꠣꠈꠣꠘ ꠁꠟꠣ ꠀꠞ ꠇꠦꠃ ꠀꠝꠣꠞ ꠉꠦꠍꠦ ꠘꠣꠁ, ꠎꠦꠁꠘ ꠔꠥꠝꠞꠣꠞ ꠟꠣꠉꠤ ꠌꠤꠘ꠆ꠔꠣ ꠇꠞꠂꠘ।

Injil 11: Filifia 4:1

ꠅ ꠀꠝꠣꠞ ꠝꠣꠄꠀꠞ ꠜꠣꠁ ꠅꠇꠟ, ꠀꠝꠤ ꠔꠥꠝꠞꠣꠞꠦ ꠖꠦꠈꠔꠣꠝ ꠌꠣꠁ। ꠔꠥꠝꠞꠣꠃ ꠀꠝꠣꠞ ꠈꠥꠡꠤ, ꠀꠝꠣꠞ ꠎꠄꠅꠞ ꠝꠣꠟꠣ। ꠀꠝꠞꠣꠞ ꠝꠣꠟꠤꠇꠞ ꠟꠉꠦ ꠔꠥꠝꠞꠣ ꠝꠎꠛꠥꠔ ꠅꠁꠀ ꠟꠣꠉꠤꠀ ꠞꠅ।

Injil 12: Kolosia 1:28

ꠀꠞ ꠅꠃ ꠀꠟ-ꠝꠍꠤꠞ ꠛꠦꠙꠣꠞꠦ ꠀꠝꠞꠣ ꠔꠛꠟꠤꠉ ꠇꠞꠤꠀꠞ, ꠀꠟ꠆ꠟꠣꠞ ꠖꠦꠅꠀ ꠀꠈꠟ-ꠢꠦꠇꠝꠔ ꠖꠤꠀ ꠝꠣꠘꠡꠞꠦ ꠢꠥꠡꠤꠀꠞ ꠇꠞꠤꠀꠞ ꠀꠞ ꠔꠣꠟꠤꠝ ꠖꠤꠀꠞ ꠎꠣꠔꠦ ꠀꠟ-ꠝꠍꠤꠞ ꠔꠞꠤꠇꠣꠔ ꠙꠥꠞꠣꠙꠥꠞ ꠇꠣꠝꠤꠟ ꠢꠣꠟꠔꠦ ꠔꠣꠞꠣꠞꠦ ꠀꠟ꠆ꠟꠣꠞ ꠖꠞꠛꠣꠞꠅ ꠀꠎꠤꠞ ꠇꠞꠔꠣꠝ ꠙꠣꠞꠤ।

Injil 12: Kolosia 1:7

ꠅꠃ ꠈꠥꠡ-ꠈꠛꠞꠤꠞ ꠇꠕꠣ ꠔꠥꠝꠞꠣ ꠀꠝꠣꠞ ꠟꠉꠞ ꠝꠣꠄꠀꠞ ꠜꠣꠁ ꠀꠛꠥ-ꠚꠣꠞꠣꠍꠞ ꠉꠦꠍꠦ ꠢꠥꠘꠍ। ꠔꠣꠁꠘ ꠔꠥꠝꠞꠣꠞ ꠔꠞꠚ ꠕꠣꠇꠤ ꠀꠟ-ꠝꠍꠤꠞ ꠄꠇꠎꠘ ꠢꠇ ꠈꠦꠎꠝꠔꠇꠣꠞꠤ।

Injil 12: Kolosia 4:12

ꠀꠛꠥ-ꠚꠣꠞꠣꠍꠦꠅ ꠔꠥꠝꠞꠣꠞꠦ ꠍꠣꠟꠣꠝ ꠖꠤꠍꠂꠘ, ꠔꠣꠁꠘ ꠔ ꠔꠥꠝꠞꠣꠞ ꠀꠙꠘ ꠝꠣꠘꠥꠡ ꠀꠞ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠄꠁꠘ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠖꠤꠟꠦ-ꠎꠣꠘꠦ ꠝꠥꠘꠣꠎꠣꠔ ꠇꠞꠞꠣ, ꠔꠥꠝꠞꠣ ꠎꠣꠔꠦ ꠇꠣꠝꠤꠟ ꠅꠅ, ꠀꠞ ꠀꠟ꠆ꠟꠣꠞ ꠝꠞ꠆ꠎꠤ-ꠝꠥꠘꠡꠣ ꠛꠥꠎꠤꠀ ꠝꠎꠛꠥꠔ ꠅꠁꠀ ꠃꠛꠣꠅ।

ꠁꠘ꠆ꠎꠤꠟ ১৮: ꠚꠤꠟꠤꠝꠘ 1:1

ꠀꠝꠤ ꠙꠣꠃꠟꠥꠍ, ꠁꠍꠣ ꠀꠟ-ꠝꠍꠤꠞ ꠟꠣꠉꠤ ꠛꠘ꠆ꠖꠤ ꠀꠍꠤ। ꠀꠝꠤ ꠀꠞ ꠀꠝꠞꠣꠞ ꠜꠣꠁ ꠔꠤꠝꠕꠤꠄ, ꠀꠝꠞꠣꠞ ꠟꠉꠞ ꠔꠛꠟꠤꠉ ꠇꠞꠞꠣ ꠝꠣꠄꠀꠞ ꠖꠥꠡ꠆ꠔ ꠚꠤꠟꠤꠝꠘꠞ ꠉꠦꠍꠦ ꠟꠦꠈꠞꠣꠝ।

Injil 19: Ibrani 13:17

ꠔꠥꠝꠞꠣꠞ ꠝꠥꠞꠛ꠆ꠛꠤ ꠅꠇꠟꠞ ꠢꠥꠇꠥꠝ ꠝꠣꠘꠤꠀ ꠔꠣꠞꠣꠞ ꠉꠦꠍꠦ ꠝꠣꠕꠣ ꠘꠥꠀꠁꠀ ꠞꠁꠅ, ꠀꠟ꠆ꠟꠣꠞ ꠖꠞꠛꠣꠞꠅ ꠢꠤꠡꠣꠛ ꠖꠦꠅꠀ ꠟꠣꠉꠛ ꠇꠞꠤ ꠔꠣꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠎꠣꠘꠞ ꠙꠣꠞꠣꠖꠣꠞ ꠅꠁꠀ ꠇꠣꠝ ꠇꠞꠞꠣ। ꠅꠈꠘ ꠔꠣꠞꠣ ꠎꠣꠔꠦ ꠈꠥꠡꠤ ꠝꠘꠦ ꠁꠔꠣ ꠇꠞꠂꠘ, ꠄꠞꠟꠣꠉꠤ ꠔꠥꠝꠞꠣ ꠛꠣꠁꠖ꠆ꠖ ꠞꠁꠅ। ꠔꠣꠞꠣ ꠎꠥꠖꠤ ꠝꠘꠅ ꠖꠥꠈ ꠙꠣꠁꠀ ꠔꠥꠝꠞꠣꠞ ꠟꠣꠉꠤ ꠇꠣꠝ ꠇꠞꠂꠘ, ꠔꠦ ꠔꠥꠝꠞꠣꠞ ꠜꠣꠟꠣꠁ ꠅꠁꠔ ꠘꠣꠄ।

Injil 23: 1-Hannan 3:16

ꠀꠟ-ꠝꠍꠤꠄ ꠀꠝꠞꠣꠞ ꠟꠣꠉꠤ ꠔꠣꠘ ꠘꠤꠎꠞ ꠎꠣꠘ ꠛꠤꠟꠣꠁ ꠖꠤꠍꠟꠣ, ꠅꠈꠣꠘ ꠕꠣꠇꠤꠃ ꠀꠝꠞꠣ ꠛꠥꠎꠍꠤ, ꠝꠢꠛ꠆ꠛꠔ ꠇꠣꠞꠦ ꠇꠄ। ꠅꠈꠘ ꠀꠝꠞꠣꠞ ꠜꠣꠁꠞ ꠟꠣꠉꠤꠅ ꠀꠝꠞꠣꠞ ꠎꠣꠘ ꠛꠤꠟꠣꠁ ꠖꠦꠅꠀ ꠎꠞꠥꠞ।