ইঞ্জিল ১৩: ১-থিষল: 2:7 - Siloṭi Asmani Kitab (Nagri lipi)

⁷ ꠀꠝꠞꠣ ꠁꠌ꠆ꠍꠣ ꠇꠞꠟꠦ ꠔ ꠀꠟ-ꠝꠍꠤꠞ ꠍꠣꠢꠣꠛꠤ ꠢꠤꠡꠣꠛꠦ ꠔꠥꠝꠞꠣꠞ ꠃꠙꠞꠦ ꠖꠣꠛꠤ ꠈꠣꠐꠣꠁꠔꠣꠝ ꠙꠣꠞꠟꠣꠝ ꠅꠘꠦ। ꠅꠁꠟꠦ ꠄꠞ ꠛꠖꠟꠣ, ꠝꠣʼꠄ ꠎꠦꠟꠣ ꠘꠤꠎꠞ ꠢꠥꠞꠥꠔ꠆ꠔꠣꠁꠘꠞꠦ ꠎꠄ-ꠎꠔꠘ ꠇꠞꠂꠘ, ꠔꠥꠝꠞꠣꠞ ꠟꠉꠦ ꠕꠣꠇꠣꠞ ꠡꠝꠄ ꠀꠝꠞꠣꠅ ꠅꠟꠣ ꠘꠞꠝ ꠛꠦꠛꠢꠣꠞ ꠇꠞꠍꠤ।

ছিলটি আছমানি কিতাব (বাংলা লিপি)

⁷ আমরা ইচ্ছা করলে তো আল-মসীর সাহাবি হিসাবে তুমরার উপরে দাবি খাটাইতাম পারলাম অনে। অইলে এর বদলা, মাʼয় যেলা নিজর হুরুতাইনরে যয়-যতন করইন, তুমরার লগে থাকার সময় আমরাও অলা নরম বেবহার করছি।

Siloṭi Asmani Kitab (Latin lipi)

⁷ Amra ichcha ḳorle to al-Mosir sahabi hishabe tumrar ufre dabi kaṭaitam farlam one. Oile er bodla, maʼe zela nizor huruttainre zoy-zoton ḳoroin, tumrar loge taḳar shomoy amra-o ola norom bebohar ḳorsi.

ইঞ্জিল ১৩: ১-থিষল: 2:7 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 11:12

ꠀꠝꠤ ꠇꠥꠘꠥ ꠔꠣꠞꠣꠞꠦ ꠙꠦꠐꠅ ꠟꠁꠍꠤ ꠘꠤ, ꠛꠣ ꠔꠣꠞꠣ ꠀꠝꠣꠞ ꠙꠦꠐ ꠕꠣꠇꠤ ꠎꠘꠝꠤꠍꠦ ꠘꠤ? ꠔꠥꠝꠤ ꠔꠣꠞꠣꠞ ꠛꠣꠚ-ꠖꠣꠖꠣꠁꠘ꠆ꠔꠞ ꠉꠦꠍꠦ ꠎꠦ ꠖꠦꠡ ꠖꠤꠛꠣꠞ ꠅꠀꠖꠣ ꠇꠞꠍꠤꠟꠣꠄ, ꠔꠣꠞꠣꠞꠦ ꠢꠘꠅ ꠘꠤꠛꠣꠞ ꠟꠣꠉꠤ ꠀꠝꠣꠞꠦ ꠇꠦꠘꠦ ꠔꠣꠞꠣꠞ ꠙꠣꠟꠇ-ꠛꠣꠚꠞ ꠟꠣꠈꠣꠘ ꠛꠣꠘꠣꠁꠍ, ꠀꠞ ꠔꠣꠞꠣꠞꠦ ꠇꠥꠟꠅ ꠇꠞꠤ ꠘꠤꠛꠣꠞ ꠇꠕꠣ ꠇꠦꠘꠦ ꠇꠁꠞꠣꠄ?

Injil 5: Sahabi Nama 13:18

ꠅꠘꠥꠝꠣꠘ ꠌꠣꠟ꠆ꠟꠤꠡ ꠛꠞꠍ ꠗꠞꠤ ꠔꠣꠁꠘ ꠝꠞꠥꠜꠥꠝꠤꠞ ꠝꠣꠎꠦ ꠢꠥꠞꠥꠔ꠆ꠔꠣꠞ ꠝꠣ-ꠛꠣꠚꠞ ꠟꠣꠈꠣꠘ ꠔꠣꠞꠣꠞ ꠛꠦꠀꠖꠛꠤ ꠍꠛꠞ ꠇꠞꠍꠟꠣ।

Injil 7: 1-Korintia 2:3

ꠀꠝꠤ ꠎꠦꠛꠟꠣ ꠔꠥꠝꠞꠣꠞ ꠟꠉꠦ ꠞꠁꠔꠣꠝ, ꠅꠃ ꠡꠝꠄ ꠘꠤꠎꠞꠦ ꠇꠝꠎꠥꠞ ꠝꠘꠅ ꠇꠞꠔꠣꠝ ꠀꠞ ꠒꠞꠣꠁꠀ ꠇꠣꠙꠤꠔꠣꠝ।

Injil 7: 1-Korintia 9:22

ꠎꠦꠞꠣ ꠇꠝꠎꠥꠞ, ꠔꠣꠞꠣꠞ ꠉꠦꠍꠦ ꠀꠝꠤ ꠇꠝꠎꠥꠞꠞ ꠟꠣꠈꠣꠘ ꠅꠁꠍꠤ, ꠔꠣꠞꠣꠞꠦꠅ ꠎꠄ ꠇꠞꠣꠞ ꠟꠣꠉꠤ। ꠛꠦꠙꠣꠞ ꠅꠁꠟ, ꠎꠦꠇꠥꠘꠥ ꠝꠘ꠆ꠔꠦ ꠇꠤꠍꠥ ꠝꠣꠘꠡꠞ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠀꠝꠤ ꠢꠇꠟ ꠡꠝꠣꠎꠞ ꠝꠘ ꠎꠥꠉꠣꠁ ꠌꠟꠤꠀꠞ।

Injil 8: 2-Korintia 10:1

ꠅ ꠝꠥꠝꠤꠘ ꠜꠣꠁꠀꠁꠘ, ꠀꠟ-ꠝꠍꠤꠞ ꠘꠞꠝ ꠀꠞ ꠖꠄꠀꠟꠥ ꠜꠣꠛꠞ ꠇꠕꠣ ꠁꠀꠖ ꠇꠞꠤꠀ, ꠀꠝꠤ ꠙꠣꠃꠟꠥꠍꠦ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ, ꠝꠣꠘꠡꠦ ꠇꠂꠘ, ꠀꠝꠤ ꠎꠦꠛꠟꠣ ꠔꠥꠝꠞꠣꠞ ꠟꠉꠦ ꠞꠁ, ꠅꠃ ꠡꠝꠄ ꠀꠝꠤ ꠛꠥꠟꠦ ꠒꠞꠣꠁ ꠒꠞꠣꠁ ꠕꠣꠇꠤ, ꠀꠞ ꠢꠞꠤꠀ ꠉꠤꠀ ꠢꠣꠞꠟꠦ ꠡꠣꠅꠡꠤ ꠅꠁꠎꠣꠁ।

Injil 8: 2-Korintia 13:4

ꠎꠥꠖꠤꠅ ꠔꠣꠘꠞꠦ ꠇꠝꠎꠥꠞ ꠢꠣꠟꠔꠦ ꠍꠟꠤꠛꠞ ꠃꠙꠞꠦ ꠟꠐꠇꠣꠁꠀ ꠎꠣꠘꠦ ꠝꠣꠞꠣ ꠅꠁꠍꠤꠟ, ꠔꠣ-ꠅ ꠀꠟ꠆ꠟꠣꠞ ꠇꠥꠖꠞꠔꠤ ꠛꠟꠦ ꠔꠣꠁꠘ ꠅꠈꠘ ꠎꠤꠘ꠆ꠖꠣ ꠀꠍꠂꠘ। ꠀꠞ ꠀꠝꠞꠣꠅ ꠅꠟꠣ ꠔꠣꠘ ꠟꠣꠈꠣꠘ ꠇꠝꠎꠥꠞ ꠀꠍꠤ, ꠅꠁꠟꠦ ꠔꠣꠘ ꠟꠉꠦ ꠎꠤꠘ꠆ꠖꠣ ꠞꠅꠀꠄ ꠀꠟ꠆ꠟꠣꠁ ꠇꠥꠖꠞꠔꠤ ꠛꠟꠦ ꠔꠥꠝꠞꠣꠞ ꠉꠦꠍꠦ ꠀꠁꠀ ꠝꠥꠇꠣꠛꠤꠟꠣ ꠅꠁꠝꠥ।

Injil 9: Galatia 4:19

ꠅ ꠀꠝꠣꠞ ꠙꠤꠀꠞꠣ ꠀꠅꠟꠣꠖ ꠅꠇꠟ, ꠔꠥꠝꠞꠣ ꠎꠔꠖꠤꠘ ꠀꠟ-ꠝꠍꠤꠞ ꠟꠣꠈꠣꠘ ꠘꠣ ꠛꠘꠍ, ꠅꠔꠖꠤꠘ ꠀꠝꠤ ꠢꠤꠞꠛꠣꠞ ꠔꠥꠝꠞꠣꠞ ꠟꠣꠉꠤ ꠢꠥꠞꠥꠔ꠆ꠔꠣ ꠙꠄꠖꠣꠞ ꠛꠤꠡꠞ ꠟꠣꠈꠣꠘ ꠍꠐꠚꠐ ꠇꠞꠞꠣꠝ।

ইঞ্জিল ১৩: ১-থিষল: 2:11

ꠔꠥꠝꠞꠣ ꠔ ꠎꠣꠘ, ꠛꠣꠚꠦ ꠎꠦꠟꠣ ꠘꠤꠎꠞ ꠙꠞꠔꠦꠇ ꠀꠅꠟꠣꠖꠞꠦ ꠃꠔꠡꠣꠢ, ꠡꠣꠘ꠆ꠔꠘꠣ ꠀꠞ ꠝꠎꠛꠥꠔ ꠙꠞꠣꠝꠤꠡ ꠖꠦꠁꠘ, ꠀꠝꠞꠣꠅ ꠔꠥꠝꠞꠣ ꠢꠇꠟꠞꠦ ꠅꠃꠟꠣ ꠙꠞꠣꠝꠤꠡ ꠖꠤꠔꠣꠝ,

Injil 20: Iakub 3:17

ꠅꠁꠟꠦ ꠛꠦꠢꠦꠡ꠆ꠔ ꠕꠣꠇꠤ ꠎꠦ ꠢꠦꠇꠝꠔ ꠀꠄ, ꠁꠇꠐꠣ ꠅꠁꠟ ꠈꠣꠐꠤ। ꠁꠇꠐꠣ ꠡꠣꠘ꠆ꠔꠤꠄ ꠜꠞꠣ, ꠍꠛꠞꠀꠟꠣ ꠀꠞ ꠘꠞꠝ ꠝꠤꠎꠣꠎꠤ, ꠖꠄꠀ ꠀꠞ ꠢꠇ ꠇꠣꠝꠦ ꠜꠞꠣ, ꠔꠣꠞ ꠝꠣꠎꠦ ꠇꠥꠘꠥ ꠢꠣꠞ-ꠙꠞ ꠛꠣ ꠜꠘ꠆ꠒꠣꠝꠤ ꠘꠣꠁ।