ইঞ্জিল ১৩: ১-থিষল: 2:5 - Siloṭi Asmani Kitab (Nagri lipi)

⁵ ꠔꠥꠝꠞꠣ ꠔ ꠎꠣꠘ, ꠀꠝꠞꠣ ꠇꠥꠘꠥ ꠡꠝꠄꠃ ꠇꠦꠃꠞꠞ ꠉꠦꠍꠦ ꠔꠦꠟ-ꠝꠣꠟꠤꠡ ꠇꠞꠤꠀ ꠇꠕꠣ ꠝꠣꠔꠍꠤ ꠘꠣ, ꠀꠞ ꠇꠥꠘꠥ ꠟꠥꠜ-ꠟꠣꠟꠌꠅ ꠙꠠꠤꠀ ꠗꠣꠘ꠆ꠖꠣꠛꠣꠎꠤꠞ ꠇꠣꠝꠅ ꠇꠞꠍꠤ ꠘꠣ, ꠄꠇ ꠀꠟ꠆ꠟꠣꠃ ꠁꠔꠣꠞ ꠡꠣꠇ꠆ꠇꠤ।

ছিলটি আছমানি কিতাব (বাংলা লিপি)

⁵ তুমরা তো জানো, আমরা কুনু সময়উ কেউরর গেছে তেল-মালিশ করিয়া কথা মাতছি না, আর কুনু লোভ-লালছো পড়িয়া ধান্দাবাজির কামও করছি না, এক আল্লাউ ইতার সাক্ষি।

Siloṭi Asmani Kitab (Latin lipi)

⁵ Tumra to zano, amra kunu shomoy-u ḳeuror gese tel-malish ḳoria ḳota matsi na, ar kunu lub-laloso foṛia dandabazir ḳam-o ḳorsi na, eḳ Alla-u itar shakki.

ইঞ্জিল ১৩: ১-থিষল: 2:5 Iomraidhean Croise

ꠁꠘ꠆ꠎꠤꠟ ১: ꠝꠕꠤ 22:16

ꠔꠦꠃ ꠔꠣꠞꠣ ꠘꠤꠎꠞ ꠇꠄꠎꠘ ꠡꠣꠉꠞꠤꠖ ꠀꠞ ꠞꠣꠎꠣ ꠢꠦꠞꠥꠖꠞ ꠖꠟꠞ ꠇꠤꠍꠥ ꠝꠣꠘꠡꠞꠦ ꠁꠍꠣꠞ ꠉꠦꠍꠦ ꠙꠣꠑꠣꠁꠟꠣ। ꠅꠔꠣꠄ ꠀꠁꠀ ꠇꠁꠟꠣ, “ꠢꠥꠎꠥꠞ, ꠀꠝꠞꠣ ꠔ ꠎꠣꠘꠤ, ꠀꠙꠘꠦ ꠄꠇꠎꠘ ꠢꠇ ꠝꠣꠘꠥꠡ। ꠢꠇ-ꠢꠣꠟꠣꠟ ꠙꠕꠦ ꠝꠣꠘꠡꠞꠦ ꠀꠟ꠆ꠟꠣꠞ ꠞꠣꠡ꠆ꠔꠣ ꠛꠣꠔꠣꠁ ꠖꠤꠞꠣ। ꠇꠦ ꠇꠤꠔꠣ ꠝꠘꠅ ꠇꠞꠦ ꠛꠣ ꠘꠣ ꠇꠞꠦ, ꠁꠔꠣꠄ ꠀꠙꠘꠣꠞ ꠇꠥꠘ꠆ꠔꠣꠃ ꠎꠣꠄ ꠀꠄ ꠘꠣ, ꠀꠙꠘꠦ ꠔ ꠝꠥꠈ ꠌꠣꠁꠀ ꠇꠥꠘ꠆ꠔꠣ ꠇꠞꠂꠘ ꠘꠣ।

ꠁꠘ꠆ꠎꠤꠟ ১: ꠝꠕꠤ 23:13

“ꠢꠣꠄꠞꠦ ꠝꠃꠟꠣꠘꠣ ꠀꠞ ꠚꠞꠤꠡꠤꠞ ꠖꠟ, ꠀꠚꠍꠥꠍ ꠔꠥꠝꠞꠣꠞ ꠟꠣꠉꠤ, ꠔꠥꠝꠞꠣ ꠜꠘ꠆ꠒ! ꠔꠥꠝꠞꠣ ꠝꠣꠘꠡꠞ ꠍꠣꠝꠘꠦ ꠛꠦꠢꠦꠡ꠆ꠔꠤ ꠛꠣꠖꠡꠣꠁꠞ ꠖꠥꠀꠞ ꠛꠘ꠆ꠖ ꠇꠞꠤ ꠕꠁꠍ। ꠔꠥꠝꠞꠣ ꠘꠤꠎꠦꠅ ꠅꠘꠅ ꠢꠣꠝꠣꠁꠞꠣꠄ ꠘꠣ, ꠝꠣꠘꠡꠞꠦꠅ ꠢꠣꠝꠣꠁꠔꠦ ꠖꠤꠞꠣꠄ ꠘꠣ।

Injil 5: Sahabi Nama 20:33

ꠀꠝꠤ ꠔ ꠇꠦꠃꠞꠞ ꠡꠥꠘꠣ-ꠞꠥꠙꠣ ꠛꠣ ꠇꠣꠙꠠ-ꠌꠥꠙꠠꠞ ꠛꠣꠄ ꠟꠣꠟꠌ ꠇꠞꠍꠤ ꠘꠣ।

Injil 6: Ruman 1:9

ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤꠀ, ꠀꠝꠤ ꠖꠤꠟꠦ-ꠎꠣꠘꠦ ꠀꠟ꠆ꠟꠣꠞ ꠄꠛꠣꠖꠔ ꠇꠞꠞꠣꠝ। ꠄꠇ ꠀꠟ꠆ꠟꠣꠃ ꠡꠣꠇ꠆ꠇꠤ ꠀꠍꠂꠘ, ꠀꠝꠤ ꠙꠞꠔꠦꠇ ꠛꠣꠞ ꠝꠥꠘꠣꠎꠣꠔꠞ ꠡꠝꠄ ꠔꠥꠝꠞꠣꠞ ꠇꠕꠣ ꠁꠀꠖ ꠇꠞꠤ।

Injil 6: Ruman 16:18

ꠇꠣꠞꠘ ꠁꠔꠣꠄ ꠀꠝꠞꠣꠞ ꠝꠣꠟꠤꠇ ꠀꠟ-ꠝꠍꠤꠞ ꠉꠥꠟꠣꠝꠤ ꠘꠣ ꠇꠞꠤꠀ, ꠔꠣꠞꠣꠞ ꠙꠦꠐꠞ ꠉꠥꠟꠣꠝꠤ ꠇꠞꠦ। ꠝꠤꠑꠣ ꠝꠤꠑꠣ ꠝꠣꠔ ꠝꠣꠔꠤꠀ ꠀꠞ ꠔꠦꠟ ꠝꠣꠟꠤꠡ ꠇꠞꠤꠀ ꠡꠞꠟ-ꠡꠥꠎꠣ ꠝꠣꠘꠡꠞꠦ ꠛꠦ-ꠙꠕꠤ ꠛꠣꠘꠣꠄ।

Injil 6: Ruman 9:1

ꠀꠝꠤ ꠀꠟ-ꠝꠍꠤꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠄꠇ꠆ꠇꠦꠞꠦ ꠢꠣꠍꠣ ꠇꠕꠣ ꠇꠁꠞꠣꠝ, ꠀꠝꠣꠞ ꠛꠤꠛꠦꠇꠦꠅ ꠙꠣꠇ ꠞꠥꠢꠥꠞ ꠟꠉꠦ ꠅꠁꠀ ꠅꠃ ꠡꠣꠇ꠆ꠇꠤ ꠖꠦꠞ।

Injil 8: 2-Korintia 12:17

ꠀꠞ ꠔꠥꠝꠞꠣꠞ ꠉꠦꠍꠦ ꠀꠝꠤ ꠎꠦꠞꠣꠞꠦ ꠙꠣꠑꠣꠁꠍꠟꠣꠝ, ꠄꠞꠣꠞꠦꠖꠤ ꠔꠥꠝꠞꠣꠞꠦ ꠐꠉꠣꠁꠍꠤ ꠘꠤ?

Injil 8: 2-Korintia 2:17

ꠘꠤꠎꠞ ꠟꠣꠜꠞ ꠟꠣꠉꠤ ꠎꠦꠟꠣ ꠛꠃꠔ ꠎꠘꠦ ꠀꠟ꠆ꠟꠣꠞ ꠇꠣꠟꠣꠝ ꠟꠁꠀ ꠛꠦꠛꠡꠣ ꠇꠞꠦ, ꠀꠝꠞꠣ ꠔ ꠁꠔꠣꠞ ꠟꠣꠈꠣꠘ ꠘꠣꠄ। ꠀꠝꠞꠣ ꠛꠞꠋ ꠀꠟ꠆ꠟꠣꠞ ꠙꠣꠑꠣꠁꠟ ꠎꠘ ꠢꠤꠡꠣꠛꠦ ꠡꠞꠟ ꠝꠘꠦ ꠀꠟ-ꠝꠍꠤꠞ ꠘꠣꠝꠦ ꠀꠟ꠆ꠟꠣꠞꠦ ꠀꠎꠤꠞ-ꠘꠣꠎꠤꠞ ꠞꠣꠈꠤꠀ ꠔꠛꠟꠤꠉ ꠇꠞꠤꠀꠞ।

Injil 8: 2-Korintia 4:2

ꠔꠛꠟꠤꠉ ꠇꠣꠝꠅ ꠝꠣꠘꠡꠦ ꠟꠥꠇꠣꠁꠀ ꠎꠦꠔꠣ ꠛꠦꠢꠣꠄꠀꠝꠤ ꠇꠞꠂꠘ, ꠁꠔꠣ ꠀꠝꠞꠣ ꠝꠥꠐꠦꠃ ꠇꠞꠤ ꠘꠣ। ꠀꠝꠞꠣ ꠇꠥꠘꠥ ꠇꠣꠝꠅ ꠍꠟ-ꠌꠔꠥꠞꠤ ꠇꠞꠤ ꠘꠣ, ꠀꠟ꠆ꠟꠣꠞ ꠇꠣꠟꠣꠝꠅ ꠜꠦꠎꠣꠟ ꠝꠤꠡꠣꠁ ꠘꠣ। ꠛꠞꠋ ꠢꠇ ꠇꠕꠣꠞꠦ ꠈꠥꠟꠣ-ꠝꠦꠟꠣ ꠇꠁꠀ ꠢꠇꠟ ꠝꠣꠘꠡꠞ ꠉꠦꠍꠦ ꠀꠞ ꠀꠟ꠆ꠟꠣꠞ ꠖꠞꠛꠣꠞꠅ ꠀꠝꠞꠣꠞꠦ ꠎꠁꠉ꠆ꠉ ꠢꠤꠡꠣꠛꠦ ꠙꠞꠝꠣꠘ ꠇꠞꠤ।

Injil 8: 2-Korintia 7:2

ꠜꠣꠁ ꠅꠇꠟ, ꠀꠝꠞꠣ ꠔ ꠇꠥꠘꠥ ꠝꠣꠘꠡꠞ ꠟꠉꠦ ꠅꠁꠘ꠆ꠘꠣꠄ ꠇꠞꠍꠤ ꠘꠣ, ꠇꠦꠃꠞꠞ ꠈꠦꠔꠤꠅ ꠇꠞꠍꠤ ꠘꠣ ꠀꠞ ꠇꠦꠃꠞꠞꠦ ꠐꠉꠣꠁꠍꠤꠅ ꠘꠣ। ꠄꠞꠟꠣꠉꠤ ꠀꠝꠞꠣꠞꠦ ꠔꠥꠝꠞꠣꠞ ꠖꠤꠟꠞ ꠝꠣꠎꠦ ꠑꠣꠁ ꠖꠦꠅ।

Injil 9: Galatia 1:20

ꠄꠇ ꠀꠟ꠆ꠟꠣ ꠡꠣꠇ꠆ꠇꠤ ꠀꠍꠂꠘ, ꠀꠝꠤ ꠅꠃ ꠎꠦꠔꠣ ꠟꠦꠈꠟꠣꠝ, ꠄꠞ ꠄꠇꠐꠣ ꠢꠞꠚꠅ ꠝꠤꠍꠣ ꠘꠣꠄ। ꠝꠘꠅ ꠞꠣꠈꠛꠣ, ꠅꠃ ꠈꠥꠡ-ꠈꠛꠞꠤ ꠔ ꠇꠥꠘꠥ ꠝꠣꠘꠡꠞ ꠉꠦꠍ ꠕꠣꠇꠤ ꠙꠣꠁꠍꠤ ꠘꠣ, ꠈꠣꠟꠤ ꠁꠍꠣ ꠀꠟ-ꠝꠍꠤꠄ ꠘꠤꠎꠦ ꠀꠝꠣꠞ ꠉꠦꠍꠦ ꠎꠣꠁꠞ ꠇꠞꠍꠂꠘ।

ইঞ্জিল ১৩: ১-থিষল: 2:10

ꠀꠞ ꠔꠥꠝꠞꠣ ꠎꠦꠞꠣ ꠁꠝꠣꠘ ꠀꠘꠍ, ꠔꠥꠝꠞꠣꠞ ꠟꠉꠦ ꠔ ꠀꠝꠞꠣꠞ ꠀꠌꠣꠞ-ꠛꠦꠛꠢꠣꠞ ꠀꠍꠤꠟ ꠙꠛꠤꠔ꠆ꠞ, ꠢꠇ ꠀꠞ ꠘꠤꠈꠥꠔ। ꠔꠥꠝꠞꠣꠃ ꠁꠔꠣꠞ ꠡꠣꠇ꠆ꠇꠤ, ꠀꠞ ꠀꠟ꠆ꠟꠣ ꠙꠣꠇꠅ ꠡꠣꠇ꠆ꠇꠤ ꠀꠍꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:3

ꠔꠣꠁꠘ ꠎꠣꠘꠥ ꠝꠖꠈꠥꠞ ꠀꠞ ꠛꠖ-ꠝꠤꠎꠣꠎꠤ ꠘꠣ ꠅꠁꠘ, ꠛꠞꠋ ꠔꠣꠘ ꠡ꠆ꠛꠜꠣꠛ ꠅꠁꠛ ꠘꠞꠝ, ꠔꠣꠁꠘ ꠎꠣꠘꠥ ꠝꠣꠁꠞ-ꠖꠣꠋꠉꠣ ꠇꠞꠞꠣ ꠛꠣ ꠐꠦꠇꠣ-ꠙꠄꠡꠣꠞ ꠟꠣꠟꠌꠤ ꠘꠣ ꠅꠁꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:8

ꠅꠃꠟꠣ ꠎꠝꠣꠔꠞ ꠈꠣꠖꠤꠝ ꠅꠇꠟꠅ ꠁꠎ꠆ꠎꠔꠤ ꠀꠞ ꠄꠇ ꠇꠕꠣꠞ ꠝꠣꠘꠥꠡ ꠅꠀ ꠎꠞꠥꠞꠤ। ꠄꠞꠣ ꠎꠣꠔꠦ ꠝꠖꠈꠥꠞ ꠀꠞ ꠢꠣꠞꠣꠝ ꠟꠥꠜ-ꠟꠣꠟꠌꠤ ꠘꠣ ꠅꠁꠘ।

Injil 17: Titas 1:7

ꠀꠟ꠆ꠟꠣꠁ ꠇꠣꠝꠞ ꠎꠤꠝ꠆ꠝꠣꠖꠣꠞꠤ ꠙꠣꠅꠀꠄ ꠎꠦꠇꠥꠘꠥ ꠌꠣꠟꠇꠖꠣꠞ ꠎꠣꠘꠥ ꠛꠖꠘꠣꠝ ꠍꠣꠠꠣ ꠘꠤꠈꠥꠔ ꠅꠁꠘ। ꠔꠣꠁꠘ ꠎꠣꠘꠥ ꠡ꠆ꠛꠂꠞꠣꠌꠣꠞ, ꠛꠖꠞꠣꠉꠤ, ꠘꠤꠡꠣꠈꠥꠞ, ꠝꠣꠞꠣ-ꠝꠣꠞꠤ ꠇꠞꠞꠣ ꠛꠣ ꠢꠣꠞꠣꠝ ꠞꠥꠎꠤ-ꠞꠥꠎꠉꠣꠞꠞ ꠟꠣꠟꠌꠤ ꠘꠣ ꠅꠁꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 5:2

ꠀꠟ꠆ꠟꠣꠁ ꠎꠦ ꠝꠦꠠꠣꠞ ꠙꠣꠟ ꠔꠥꠝꠞꠣꠞ ꠀꠅꠔꠣꠄ ꠀꠍꠂꠘ, ꠄꠞꠣꠞ ꠞꠣꠈꠣꠟꠤ ꠇꠞꠅ। ꠔꠣꠞꠣꠞ ꠁꠝꠣꠝꠔꠤ ꠇꠞꠅ, ꠇꠞꠣ ꠟꠣꠉꠛ ꠇꠞꠤ ꠘꠣ ꠇꠞꠤꠀ ꠛꠣ ꠖꠥꠘꠤꠀꠛꠤ ꠟꠣꠜꠞ ꠀꠡꠣꠄ ꠘꠣ ꠇꠞꠤꠀ, ꠈꠥꠡ ꠖꠤꠟꠦ ꠇꠞꠅ। ꠀꠟ꠆ꠟꠣꠄ ꠔ ꠅꠟꠣ ꠁꠝꠣꠝꠔꠤꠃ ꠀꠡꠣ ꠇꠞꠂꠘ।

ꠁꠘ꠆ꠎꠤꠟ ২২: ২-ꠙꠤꠔꠞ 2:18

ꠔꠣꠞꠣ ꠛꠠ ꠛꠠ ꠛꠦꠇꠣꠝꠣ ꠝꠣꠔ ꠝꠣꠔꠦ। ꠀꠞ ꠎꠦꠞꠣ ꠕꠥꠠꠣ ꠀꠉꠦ ꠇꠥ-ꠙꠕ ꠍꠣꠠꠤꠀ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠜꠣꠉꠤꠍꠂꠘ, ꠅꠔꠣ ꠝꠣꠘꠡꠞꠦ ꠡꠞꠤꠟꠞ ꠈꠣꠁꠡꠦ ꠌꠟꠤꠀ ꠛꠖꠝꠣꠁꠡꠤ ꠇꠞꠣꠞ ꠁꠘ꠆ꠗꠘ ꠖꠦꠄ।

ꠁꠘ꠆ꠎꠤꠟ ২২: ২-ꠙꠤꠔꠞ 2:3

ꠟꠥꠜ-ꠟꠣꠟꠌ ꠇꠞꠤꠀ ꠍꠟ-ꠌꠔꠥꠞꠤꠞ ꠝꠣꠔ ꠝꠣꠔꠤꠀ, ꠘꠤꠎꠞ ꠟꠣꠜꠞ ꠀꠡꠣꠄ ꠔꠣꠞꠣ ꠔꠥꠝꠞꠣꠞꠦ ꠇꠣꠝꠅ ꠟꠣꠉꠣꠁꠛ। ꠔꠣꠞꠣꠞ ꠙꠣꠅꠘꠣ ꠡꠣꠎꠣ ꠔ ꠛꠃꠔ ꠖꠤꠘ ꠕꠣꠇꠤ ꠛꠣꠞ ꠌꠣꠞ, ꠔꠣꠞꠣꠞ ꠛꠤꠘꠣꠡꠅ ꠛꠦꠡꠤ ꠖꠦꠞꠤ ꠘꠣꠄ।

Injil 26: Ehuda 1:11

ꠁꠔꠣ ꠔ ꠟꠣꠘ꠆ꠘꠔꠤ! ꠁꠉꠥꠁꠘ ꠛꠣꠛꠣ ꠀꠖꠝꠞ ꠟꠣꠘ꠆ꠘꠔꠤ ꠙꠥꠔ ꠇꠣꠛꠤꠟꠞ ꠟꠣꠈꠣꠘ ꠛꠘꠍꠂꠘ। ꠖꠥꠘꠤꠀꠛꠤ ꠟꠣꠜꠞ ꠀꠡꠣꠄ ꠔꠣꠞꠣ ꠢꠃ ꠜꠘ꠆ꠒ ꠘꠛꠤ ꠛꠣꠟꠣꠝꠞ ꠈꠣꠁꠡꠞ ꠀꠔꠅ ꠘꠤꠎꠞꠦ ꠡꠙꠤ ꠖꠤꠍꠦ। ꠀꠞ ꠝꠥꠍꠣ ꠘꠛꠤꠞ ꠛꠣꠄ ꠛꠤꠉꠠꠤ ꠎꠣꠅꠞꠣ ꠢꠃ ꠘꠦꠔꠣ ꠇꠥꠞꠣꠢꠞ ꠟꠣꠈꠣꠘ ꠔꠣꠞꠣꠞ ꠛꠤꠘꠣꠡ ꠀꠍꠦ।