ইঞ্জিল ১৩: ১-থিষল: 2:4 - Siloṭi Asmani Kitab (Nagri lipi)

⁴ ꠈꠣꠟꠤ ꠀꠟ꠆ꠟꠣꠄ ꠀꠝꠞꠣꠞꠦ ꠎꠁꠉ꠆ꠉ ꠝꠘꠅ ꠇꠞꠤꠀ ꠎꠦꠟꠣ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠖꠣꠄꠁꠔ꠆ꠔ ꠖꠤꠍꠂꠘ, ꠀꠝꠞꠣ ꠅꠟꠣꠃ ꠔꠛꠟꠤꠉ ꠇꠞꠞꠣꠝ। ꠇꠥꠘꠥ ꠝꠣꠘꠡꠞꠦ ꠈꠥꠡ ꠇꠞꠣꠞ ꠘꠤꠅꠔꠦ ꠀꠝꠞꠣ ꠁꠔꠣ ꠇꠁꠞꠣꠝ ꠘꠣ, ꠈꠣꠟꠤ ꠎꠦꠁꠘ ꠀꠝꠞꠣꠞ ꠖꠤꠟꠞꠦ ꠎꠣꠌꠣꠁ ꠇꠞꠤꠀ ꠖꠦꠈꠂꠘ, ꠢꠃ ꠀꠟ꠆ꠟꠣꠞꠦ ꠈꠥꠡ ꠇꠞꠣꠞ ꠟꠣꠉꠤꠃ ꠔꠛꠟꠤꠉ ꠇꠞꠞꠣꠝ।

ছিলটি আছমানি কিতাব (বাংলা লিপি)

⁴ খালি আল্লায় আমরারে যোইগ্য মনো করিয়া যেলা খুশ-খবরি তবলিগর দায়িত্ব দিছইন, আমরা অলাউ তবলিগ কররাম। কুনু মানষরে খুশ করার নিয়তে আমরা ইতা কইরাম না, খালি যেইন আমরার দিলরে যাচাই করিয়া দেখইন, হউ আল্লারে খুশ করার লাগিউ তবলিগ কররাম।

Siloṭi Asmani Kitab (Latin lipi)

⁴ Ḳali Allae amrare zoiggo mono ḳoria zela kush-ḳobri tobligor dayitto disoin, amra ola-u toblig korram. Kunu manshore kush ḳorar niote amra ita ḳoiram na, ḳali zein amrar dilre zasai koria deḳoin, hou Allare kush ḳorar lagi-u toblig korram.

ইঞ্জিল ১৩: ১-থিষল: 2:4 Iomraidhean Croise

ꠎꠛꠥꠞ ꠡꠞꠤꠚ 17:3

ꠔꠥꠝꠤ ꠀꠝꠣꠞ ꠖꠤꠟꠞ ꠈꠛꠞ ꠟꠁꠟꠦ, ꠞꠣꠁꠔꠞ ꠛꠣꠟꠣꠅ ꠎꠣꠌꠣꠁ ꠇꠞꠟꠦ, ꠢꠥꠘꠣꠞꠞ ꠟꠣꠈꠣꠘ ꠔꠥꠇꠣꠁꠟꠦꠅ ꠈꠣꠖ ꠙꠣꠁꠔꠣꠄ ꠘꠣꠄ, ꠘꠤꠅꠔ ꠇꠞꠍꠤ ꠝꠥꠈꠖꠤ ꠔ ꠉꠥꠘꠣꠞ ꠇꠣꠝ ꠇꠞꠔꠣꠝ ꠘꠣꠄ।

ꠎꠛꠥꠞ ꠡꠞꠤꠚ 7:9

ꠘꠣꠚꠞꠝꠣꠘꠞ ꠎꠥꠟꠥꠝ ꠛꠘ꠆ꠖ ꠇꠞꠤꠟꠣꠃꠇ꠆ꠇꠣ, ꠙꠞꠦꠎꠉꠣꠞꠞꠦ ꠝꠎꠛꠥꠔ ꠛꠣꠘꠣꠅ ꠅ ꠢꠇ ꠀꠟ꠆ꠟꠣ, ꠖꠤꠟ-ꠝꠘꠞ ꠜꠤꠔꠞ ꠔꠥꠝꠤ ꠎꠣꠌꠣꠁ ꠇꠞꠅ ꠢꠇꠟꠔꠣ।

ꠔꠃꠞꠣꠔ ৪: ꠡꠥꠝꠣꠞꠤ 27:16

“ꠅ ꠝꠣꠛꠥꠖ, ꠎꠦꠁꠘ ꠢꠇꠟ ꠝꠣꠘꠡꠞ ꠎꠤꠘ꠆ꠖꠦꠉꠤ ꠖꠣꠘ ꠇꠞꠂꠘ, ꠢꠃ ꠀꠟ꠆ꠟꠣ ꠝꠣꠛꠥꠖꠦ ꠛꠘꠤ ꠁꠍꠞꠣꠁꠟꠞ ꠃꠙꠞꠦ ꠅꠟꠣ ꠄꠇꠎꠘ ꠝꠣꠘꠡꠞꠦ ꠛꠅꠀꠁꠟ ꠇꠞꠃꠇ꠆ꠇꠣ,

Injil 3: Luk 12:42

ꠢꠥꠎꠥꠞꠦ ꠎꠥꠀꠙ ꠖꠤꠟꠣ, “ꠀꠈꠟꠖꠣꠞ ꠀꠞ ꠢꠇ-ꠢꠣꠟꠣꠟꠤ ꠅꠃ ꠎꠘ ꠇꠦ, ꠎꠣꠞ ꠀꠔꠅ ꠝꠣꠟꠤꠇꠦ ꠔꠣꠘ ꠉꠥꠟꠣꠝ-ꠛꠣꠘ꠆ꠖꠤꠞꠦ ꠖꠦꠈꠣ-ꠢꠥꠘꠣꠞ ꠜꠣꠞ ꠖꠤꠛꠣ, ꠢꠦ ꠅꠇ꠆ꠔꠞ ꠇꠣꠟꠅ ꠔꠣꠞꠣꠞ ꠈꠣꠘꠤ ꠛꠣꠐꠤꠀ ꠖꠤꠛ?

Injil 3: Luk 16:11

ꠔꠦ ꠔꠥꠝꠞꠣ ꠎꠥꠖꠤ ꠖꠥꠘꠤꠀꠛꠤ ꠗꠘ-ꠍꠣꠝꠣꠘꠣꠞ ꠛꠦꠙꠣꠞꠦ ꠢꠇ ꠘꠣ ꠞꠅ, ꠔꠣꠁꠟꠦ ꠇꠦ ꠔꠥꠝꠞꠣꠞꠦ ꠛꠤꠡ꠆ꠛꠣꠡ ꠇꠞꠤꠀ ꠀꠍꠟ ꠗꠘ ꠖꠤꠛ?

Injil 4: Hannan 21:17

ꠛꠣꠖꠦ ꠔꠣꠁꠘ ꠔꠤꠍꠞꠣ ꠛꠣꠞ ꠎꠤꠇꠣꠁꠟꠣ, “ꠅ ꠍꠣꠁꠝꠘ ꠛꠤꠘ ꠁꠃꠢꠣꠘ꠆ꠘꠣ, ꠢꠣꠍꠣꠃ ꠀꠝꠤ ꠔꠥꠝꠣꠞ ꠝꠣꠄꠀꠞ ꠝꠣꠘꠥꠡ ꠘꠤ?” ꠁꠍꠣꠄ ꠔꠤꠍꠞꠣ ꠛꠣꠞ ꠎꠤꠇꠣꠘꠤꠄ ꠙꠤꠔꠞ ꠝꠘꠦ ꠝꠘꠦ ꠇꠤꠍꠥ ꠖꠥꠈꠤꠔ ꠅꠁꠀ ꠇꠁꠟꠣ, “ꠝꠣꠟꠤꠇ, ꠀꠙꠘꠦ ꠔ ꠢꠇꠟꠔꠣꠃ ꠎꠣꠘꠂꠘ, ꠀꠙꠘꠦ ꠎꠣꠘꠂꠘꠃ ꠀꠙꠘꠦ ꠀꠝꠣꠞ ꠈꠥꠛ ꠝꠣꠄꠀꠞ ꠎꠘ।” ꠔꠦꠃ ꠁꠍꠣꠄ ꠇꠁꠟꠣ, “ꠔꠦ ꠀꠝꠣꠞ ꠝꠦꠠꠣ ꠙꠣꠟꠞ ꠞꠣꠈꠣꠟꠤ ꠇꠞꠅ।

Injil 6: Ruman 8:27

ꠇꠣꠞꠘ ꠎꠦꠁꠘ ꠝꠣꠘꠡꠞ ꠖꠤꠟꠞ ꠔꠣꠟ꠆ꠟꠣꠡ ꠇꠞꠂꠘ, ꠔꠣꠁꠘ ꠔ ꠙꠣꠇ ꠞꠥꠢꠥꠞ ꠇꠕꠣꠅ ꠛꠥꠎꠂꠘ। ꠙꠣꠇ ꠞꠥꠢꠦ ꠀꠟ꠆ꠟꠣꠞ ꠝꠞ꠆ꠎꠤ ꠝꠣꠚꠤꠇ ꠔꠣꠘ ꠙꠣꠇ ꠛꠘ꠆ꠖꠣ ꠅꠇꠟꠞ ꠟꠣꠉꠤ ꠝꠤꠘꠔꠤ ꠇꠞꠂꠘ।

Injil 7: 1-Korintia 7:25

ꠅꠈꠘ ꠀꠝꠤ ꠀꠛꠤꠀꠔꠤ ꠙꠥꠠꠤꠘ꠆ꠔꠞ ꠝꠥꠍꠟꠣꠞ ꠛꠦꠙꠣꠞꠦ ꠇꠁꠞꠣꠝ। ꠁ ꠛꠦꠙꠣꠞꠦ ꠝꠣꠟꠤꠇꠞ ꠉꠦꠍ ꠕꠣꠇꠤ ꠀꠝꠤ ꠡꠞꠣꠡꠞꠤ ꠇꠥꠘꠥ ꠢꠥꠇꠥꠝ ꠙꠣꠁꠍꠤ ꠘꠣ, ꠅꠁꠟꠦ ꠀꠟ꠆ꠟꠣꠞ ꠞꠢꠝꠔꠦ ꠢꠇ-ꠢꠣꠟꠣꠟ ꠞꠁꠀ ꠀꠝꠤ ꠀꠝꠣꠞ ꠝꠔꠣꠝꠔ ꠎꠣꠘꠣꠁꠞꠣꠝ।

Injil 7: 1-Korintia 9:17

ꠅꠁꠟꠦ ꠀꠝꠤ ꠎꠥꠖꠤ ꠈꠥꠡꠤ ꠝꠘꠦ ꠔꠛꠟꠤꠉ ꠇꠞꠤ, ꠔꠦ ꠔ ꠀꠝꠣꠞ ꠙꠥꠞꠥꠡ꠆ꠇꠣꠞ ꠀꠍꠦ, ꠀꠞ ꠎꠥꠖꠤ ꠘꠤꠎꠞ ꠈꠥꠡꠤꠄ ꠘꠣ-ꠅ ꠇꠞꠤ, ꠔꠦ ꠝꠣꠟꠤꠇꠞ ꠖꠦꠅꠀ ꠎꠤꠝ꠆ꠝꠣꠖꠣꠞ ꠢꠤꠡꠣꠛꠦ ꠔ ꠇꠞꠤꠀꠞ।

Injil 8: 2-Korintia 2:17

ꠘꠤꠎꠞ ꠟꠣꠜꠞ ꠟꠣꠉꠤ ꠎꠦꠟꠣ ꠛꠃꠔ ꠎꠘꠦ ꠀꠟ꠆ꠟꠣꠞ ꠇꠣꠟꠣꠝ ꠟꠁꠀ ꠛꠦꠛꠡꠣ ꠇꠞꠦ, ꠀꠝꠞꠣ ꠔ ꠁꠔꠣꠞ ꠟꠣꠈꠣꠘ ꠘꠣꠄ। ꠀꠝꠞꠣ ꠛꠞꠋ ꠀꠟ꠆ꠟꠣꠞ ꠙꠣꠑꠣꠁꠟ ꠎꠘ ꠢꠤꠡꠣꠛꠦ ꠡꠞꠟ ꠝꠘꠦ ꠀꠟ-ꠝꠍꠤꠞ ꠘꠣꠝꠦ ꠀꠟ꠆ꠟꠣꠞꠦ ꠀꠎꠤꠞ-ꠘꠣꠎꠤꠞ ꠞꠣꠈꠤꠀ ꠔꠛꠟꠤꠉ ꠇꠞꠤꠀꠞ।

Injil 8: 2-Korintia 4:2

ꠔꠛꠟꠤꠉ ꠇꠣꠝꠅ ꠝꠣꠘꠡꠦ ꠟꠥꠇꠣꠁꠀ ꠎꠦꠔꠣ ꠛꠦꠢꠣꠄꠀꠝꠤ ꠇꠞꠂꠘ, ꠁꠔꠣ ꠀꠝꠞꠣ ꠝꠥꠐꠦꠃ ꠇꠞꠤ ꠘꠣ। ꠀꠝꠞꠣ ꠇꠥꠘꠥ ꠇꠣꠝꠅ ꠍꠟ-ꠌꠔꠥꠞꠤ ꠇꠞꠤ ꠘꠣ, ꠀꠟ꠆ꠟꠣꠞ ꠇꠣꠟꠣꠝꠅ ꠜꠦꠎꠣꠟ ꠝꠤꠡꠣꠁ ꠘꠣ। ꠛꠞꠋ ꠢꠇ ꠇꠕꠣꠞꠦ ꠈꠥꠟꠣ-ꠝꠦꠟꠣ ꠇꠁꠀ ꠢꠇꠟ ꠝꠣꠘꠡꠞ ꠉꠦꠍꠦ ꠀꠞ ꠀꠟ꠆ꠟꠣꠞ ꠖꠞꠛꠣꠞꠅ ꠀꠝꠞꠣꠞꠦ ꠎꠁꠉ꠆ꠉ ꠢꠤꠡꠣꠛꠦ ꠙꠞꠝꠣꠘ ꠇꠞꠤ।

Injil 8: 2-Korintia 5:11

ꠀꠝꠞꠣ ꠔ ꠀꠟ꠆ꠟꠣ ꠙꠣꠇꠞꠦ ꠒꠞꠣꠁꠀ ꠌꠟꠤ, ꠄꠞꠟꠣꠉꠤ ꠝꠣꠘꠡꠞꠦ ꠛꠥꠎꠣꠘꠤꠞ ꠌꠦꠡ꠆ꠐꠣ ꠇꠞꠞꠣꠝ। ꠀꠝꠞꠣꠞ ꠛꠦꠙꠣꠞ ꠔ ꠀꠟ꠆ꠟꠣꠞ ꠖꠞꠛꠣꠞꠅ ꠙꠞꠤꠡ꠆ꠇꠣꠞ, ꠀꠡꠣ ꠇꠞꠤ ꠔꠥꠝꠞꠣꠞ ꠉꠦꠍꠦꠅ ꠅꠟꠣ ꠙꠞꠤꠡ꠆ꠇꠣꠞ ꠀꠍꠤ।

Injil 8: 2-Korintia 5:16

ꠄꠞꠟꠣꠉꠤ ꠅꠈꠘ ꠕꠣꠇꠤ ꠀꠝꠞꠣ ꠀꠞ ꠝꠣꠘꠡꠞ ꠛꠣꠁꠞꠞ ꠍꠥꠞꠔ ꠖꠦꠈꠤꠀ ꠛꠤꠌꠣꠞ ꠇꠞꠤ ꠘꠣ। ꠀꠝꠞꠣ ꠔ ꠀꠉꠦ ꠀꠟ-ꠝꠍꠤꠞꠦ ꠅꠟꠣꠈꠣꠘ ꠝꠘꠅ ꠇꠞꠍꠟꠣꠝ, ꠅꠁꠟꠦ ꠅꠈꠘ ꠀꠞ ꠁꠟꠣ ꠇꠞꠤ ꠘꠣ।

Injil 9: Galatia 1:10

ꠁꠔꠣ ꠇꠞꠤꠀ ꠀꠝꠤ ꠇꠣꠞ ꠉꠦꠍ ꠕꠣꠇꠤ ꠔꠣꠞꠤꠚ ꠙꠣꠁꠔꠣꠝ ꠌꠣꠁꠀꠞ, ꠇꠥꠘꠥ ꠝꠣꠘꠡꠞ ꠉꠦꠍ ꠕꠣꠇꠤ ꠘꠣ ꠀꠟ꠆ꠟꠣꠞ ꠉꠦꠍ ꠕꠣꠇꠤ? ꠀꠝꠤ ꠇꠥꠘꠥ ꠝꠣꠘꠡꠞꠦ ꠈꠥꠡ ꠇꠞꠣꠞ ꠌꠦꠡ꠆ꠐꠣ ꠇꠞꠤꠀꠞ ꠘꠤ? ꠀꠝꠤ ꠎꠥꠖꠤ ꠅꠈꠘꠅ ꠝꠣꠘꠡꠞꠦ ꠈꠥꠡ ꠇꠞꠣꠞ ꠌꠦꠡ꠆ꠐꠣ ꠇꠞꠔꠣꠝ, ꠔꠦ ꠀꠝꠤ ꠀꠟ-ꠝꠍꠤꠞ ꠈꠣꠖꠤꠝ ꠅꠁꠟꠣꠝ ꠘꠣ ꠅꠘꠦ।

Injil 9: Galatia 2:7

ꠛꠞꠋ ꠔꠣꠞꠣ ꠛꠥꠎꠤꠟꠤꠟꠣ, ꠁꠢꠥꠖꠤ ꠡꠝꠣꠎꠞ ꠉꠦꠍꠦ ꠈꠥꠡ-ꠈꠛꠞꠤ ꠔꠛꠟꠤꠉꠅ ꠙꠤꠔꠞꠞꠦ ꠎꠦꠟꠣ ꠖꠣꠄꠁꠔ꠆ꠔ ꠖꠦꠅꠀ ꠅꠁꠍꠤꠟ, ꠅꠃ ꠟꠣꠈꠣꠘ ꠅꠁꠘ꠆ꠘꠣꠁꠘ꠆ꠘ ꠎꠣꠔꠤꠞ ꠉꠦꠍꠦ ꠔꠛꠟꠤꠉꠞ ꠖꠣꠄꠁꠔ꠆ꠔ ꠀꠝꠣꠞꠦ ꠖꠦꠅꠀ ꠅꠁꠍꠦ।

Injil 10: Ifisia 3:8

ꠀꠟ꠆ꠟꠣꠞ ꠢꠇ꠆ꠇꠟ ꠛꠘ꠆ꠖꠣꠞ ꠝꠣꠎꠦ ꠀꠝꠣ ꠕꠣꠇꠤ ꠢꠥꠞꠥ ꠀꠞ ꠇꠦꠃ ꠘꠣꠁ, ꠔꠣ-ꠅ ꠀꠟ-ꠝꠍꠤꠞ ꠎꠦ ꠗꠘꠞ ꠇꠕꠣ ꠡꠥꠟ꠆ꠟꠀꠘꠣ ꠛꠥꠎꠣ ꠎꠣꠄ ꠘꠣ, ꠅꠃ ꠝꠥꠟ꠆ꠟꠛꠣꠘ ꠗꠘꠞ ꠈꠥꠡ-ꠈꠛꠞꠤ ꠜꠤꠘ ꠎꠣꠔꠤꠞ ꠉꠦꠍꠦ ꠔꠛꠟꠤꠉꠞ ꠖꠣꠄꠁꠔ꠆ꠔ ꠀꠝꠣꠞ ꠃꠙꠞꠦ ꠖꠤꠍꠂꠘ, ꠁꠐꠣꠃ ꠀꠟ꠆ꠟꠣꠞ ꠞꠢꠝꠔ।

Injil 10: Ifisia 6:6

ꠈꠣꠟꠤ ꠝꠣꠘꠡꠞꠦ ꠈꠥꠡꠤ ꠇꠞꠣꠞ ꠘꠤꠅꠔꠦ ꠝꠥꠘꠤꠛꠞ ꠍꠣꠝꠘꠦ ꠛꠣꠁꠖ꠆ꠖ ꠞꠁꠅ ꠘꠣ, ꠛꠞꠋ ꠀꠟ-ꠝꠍꠤꠞ ꠉꠥꠟꠣꠝ ꠢꠤꠡꠣꠛꠦ ꠖꠤꠟꠦ-ꠎꠣꠘꠦ ꠀꠟ꠆ꠟꠣꠞ ꠝꠞ꠆ꠎꠤ ꠝꠣꠚꠤꠇ ꠌꠟꠞꠣꠄ ꠇꠞꠤꠀ ꠔꠥꠝꠞꠣꠞ ꠝꠥꠘꠤꠛꠞ ꠛꠣꠁꠖ꠆ꠖ ꠞꠁꠅ।

Injil 12: Kolosia 3:22

ꠔꠥꠝꠞꠣ ꠎꠦꠞꠣ ꠉꠥꠟꠣꠝ, ꠔꠥꠝꠞꠣ ꠢꠇꠟ ꠛꠦꠙꠣꠞꠦ ꠔꠥꠝꠞꠣꠞ ꠎꠉꠔꠞ ꠝꠥꠘꠤꠛ ꠅꠇꠟꠞ ꠛꠣꠁꠖ꠆ꠖ ꠞꠁꠅ। ꠔꠣꠞꠣ ꠍꠣꠝꠘꠦ ꠞꠁꠀ ꠎꠦꠛꠟꠣ ꠔꠥꠝꠞꠣꠞ ꠇꠣꠝ-ꠇꠣꠎ ꠖꠦꠈꠂꠘ, ꠈꠣꠟꠤ ꠅꠃ ꠡꠝꠄ ꠔꠣꠞꠣꠞꠦ ꠈꠥꠡꠤ ꠞꠣꠈꠣꠞ ꠌꠦꠡ꠆ꠐꠣ ꠘꠣ ꠇꠞꠤꠀ, ꠛꠞꠋ ꠝꠣꠟꠤꠇꠞ ꠒꠞ-ꠈꠚ ꠜꠤꠔꠞꠦ ꠞꠣꠈꠤꠀ ꠈꠣꠐꠤ ꠖꠤꠟꠦ ꠔꠣꠞꠣꠞ ꠛꠣꠁꠖ꠆ꠖ ꠞꠁꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:20

ꠅ ꠔꠤꠝꠕꠤ, ꠔꠥꠝꠣꠞ ꠎꠤꠝ꠆ꠝꠣꠄ ꠎꠦ ꠡꠝ꠆ꠙꠖ ꠖꠦꠅꠀ ꠅꠁꠍꠦ, ꠁ ꠡꠝ꠆ꠙꠖ ꠔꠥꠝꠤ ꠜꠣꠟꠣꠝꠘ꠆ꠔꠦ ꠢꠦꠚꠣꠎꠔ ꠇꠞꠅ। ꠀꠎꠦ-ꠛꠣꠎꠦ ꠀꠈꠟꠞ ꠛꠦꠇꠣꠝꠣ ꠛꠤꠖ꠆ꠖꠣꠞ ꠛꠥꠟꠤꠞ ꠖꠥ-ꠘꠍꠟꠣ ꠔꠣꠟꠤꠝ ꠕꠣꠇꠤ ꠢꠞꠤꠀ ꠞꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:14

ꠀꠟ꠆ꠟꠣꠄ ꠎꠦ ꠍꠣꠝꠣꠘꠣ ꠢꠦꠚꠣꠎꠔꠦ ꠞꠣꠈꠣꠞ ꠟꠣꠉꠤ ꠔꠥꠝꠣꠞ ꠎꠤꠝ꠆ꠝꠣꠄ ꠖꠤꠍꠂꠘ, ꠀꠝꠞꠣꠞ ꠖꠤꠟꠞ ꠝꠣꠎꠞ ꠀꠟ꠆ꠟꠣꠁ ꠙꠣꠇ ꠞꠥꠢꠥꠞ ꠛꠟꠦ ꠔꠥꠝꠤ ꠁꠔꠣꠞ ꠢꠦꠚꠣꠎꠔ ꠇꠞꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:2

ꠀꠞ ꠛꠃꠔ ꠡꠣꠇ꠆ꠇꠤꠞ ꠍꠣꠝꠘꠦ ꠀꠝꠣꠞ ꠝꠥꠈꠞ ꠎꠦꠔꠣ ꠔꠣꠟꠤꠝ ꠢꠥꠘꠍ, ꠅꠃ ꠔꠣꠟꠤꠝꠞꠦ ꠅꠟꠣꠈꠣꠘ ꠢꠇ-ꠢꠣꠟꠣꠟ ꠝꠣꠘꠡꠞ ꠀꠔꠅ ꠖꠦꠅ, ꠎꠦꠞꠣ ꠅꠁꠘ꠆ꠘ ꠝꠣꠘꠡꠞꠦꠅ ꠔꠣꠟꠤꠝ ꠖꠦꠅꠀꠞ ꠃꠙꠎꠥꠇ꠆ꠔ।

Injil 17: Titas 1:3

ꠔꠣꠁꠘ ꠔꠣꠘ ꠇꠣꠟꠣꠝ ꠡꠑꠤꠇ ꠡꠝꠄꠄ ꠎꠣꠁꠞ ꠇꠞꠍꠂꠘ, ꠀꠞ ꠀꠝꠞꠣꠞ ꠔꠞꠣꠘꠦꠀꠟꠣ ꠀꠟ꠆ꠟꠣꠞ ꠢꠥꠇꠥꠝ ꠝꠣꠚꠤꠇ ꠁꠔꠣ ꠔꠛꠟꠤꠉ ꠇꠞꠣꠞ ꠜꠣꠞ ꠀꠝꠣꠞ ꠀꠔꠅ ꠖꠦꠅꠀ ꠅꠁꠍꠦ।

Injil 19: Ibrani 4:13

ꠀꠟ꠆ꠟꠣꠞ ꠙꠄꠖꠣ ꠇꠞꠣ ꠇꠥꠘꠥ ꠝꠈꠟꠥꠇꠣꠔꠃ ꠔꠣꠘ ꠉꠦꠍꠦ ꠟꠥꠇꠣꠁꠟ ꠘꠣꠄ। ꠔꠣꠘ ꠌꠃꠈꠞ ꠍꠣꠝꠘꠦ ꠢꠇ꠆ꠇꠟꠔꠣꠃ ꠈꠥꠟꠣ-ꠝꠦꠟꠣ ꠎꠣꠁꠞ ꠀꠍꠦ, ꠔꠣꠘ ꠉꠦꠍꠦꠃ ꠀꠝꠞꠣꠞ ꠢꠤꠡꠣꠛ ꠖꠤꠔꠦ ꠅꠁꠛ।

ꠁꠘ꠆ꠎꠤꠟ ২১: ১-ꠙꠤꠔꠞ 4:11

ꠇꠦꠃ ꠎꠥꠖꠤ ꠔꠛꠟꠤꠉ ꠇꠞꠂꠘ, ꠔꠦ ꠅꠃ ꠟꠣꠈꠣꠘ ꠇꠞꠃꠇ꠆ꠇꠣ ꠎꠣꠔꠦ ꠛꠥꠎꠣ ꠎꠣꠄ, ꠁꠔꠣ ꠀꠟ꠆ꠟꠣꠁ ꠛꠥꠟꠤ। ꠀꠞ ꠎꠦꠁꠘ ꠈꠦꠎꠝꠔ ꠇꠞꠂꠘ, ꠄꠁꠘ ꠀꠟ꠆ꠟꠣꠞ ꠖꠦꠅꠀ ꠛꠟ-ꠡꠇ꠆ꠔꠤꠄ ꠈꠦꠎꠝꠔ ꠇꠞꠃꠇ꠆ꠇꠣ, ꠎꠣꠔꠦ ꠢꠇ꠆ꠇꠟꠔꠣꠔꠃ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠟ꠆ꠟꠣꠞ ꠔꠣꠞꠤꠚ ꠅꠄ। ꠔꠣꠞꠤꠚ ꠀꠞ ꠇꠥꠖꠞꠔꠤ ꠈꠦꠝꠔꠣ ꠢꠞ-ꠢꠣꠝꠦꠡꠣ ꠔꠣꠘꠃ। ꠀꠝꠤꠘ।

Injil 27: Zaira Kalam 2:23

ꠔꠣꠁꠞ ꠙꠥꠀ-ꠙꠥꠠꠤꠘꠞꠦꠅ ꠀꠝꠤ ꠝꠣꠞꠤꠟꠤꠝꠥ। ꠔꠦꠃ ꠢꠇꠟ ꠎꠝꠣꠔꠦ ꠎꠣꠘꠤꠟꠤꠛꠣ, ꠀꠝꠤ ꠔ ꠝꠣꠘꠡꠞ ꠖꠤꠟꠞ ꠀꠞ ꠝꠘꠞ ꠈꠛꠞ ꠞꠣꠈꠤ। ꠀꠝꠤ ꠀꠝꠟ-ꠘꠣꠝꠣ ꠖꠦꠈꠤꠀ ꠔꠥꠝꠞꠣ ꠙꠞꠔꠦꠇ ꠎꠘꠞ ꠚꠟ ꠖꠤꠝꠥ।