ইঞ্জিল ১৩: ১-থিষল: 2:2 - Siloṭi Asmani Kitab (Nagri lipi)

² ꠔꠥꠝꠞꠣ ꠄꠅꠈꠣꠘꠅ ꠎꠣꠘ, ꠄꠞ ꠀꠉꠦ ꠀꠝꠞꠣ ꠚꠤꠟꠤꠙꠤ ꠐꠣꠃꠘꠅ ꠎꠥꠟꠥꠝ-ꠝꠍꠤꠛꠔꠅ ꠙꠠꠍꠟꠣꠝ ꠀꠞ ꠛꠦꠁꠎ꠆ꠎꠔ ꠅꠁꠍꠟꠣꠝ। ꠛꠣꠖꠦ ꠔꠥꠝꠞꠣꠞ ꠅꠘꠅ-ꠅ ꠛꠃꠔ ꠛꠣꠗꠣ-ꠘꠤꠡꠦꠗ ꠇꠣꠐꠣꠁꠀ ꠀꠝꠞꠣ ꠀꠟ꠆ꠟꠣꠁ ꠡꠣꠅꠡꠦ ꠡꠣꠅꠡꠤ ꠅꠁꠀ ꠖꠤꠟꠦ-ꠎꠣꠘꠦ ꠔꠣꠘ ꠈꠥꠡ-ꠈꠛꠞꠤ ꠈꠥꠟꠣ-ꠝꠦꠟꠣ ꠔꠛꠟꠤꠉ ꠇꠞꠍꠤꠟꠣꠝ।

ছিলটি আছমানি কিতাব (বাংলা লিপি)

² তুমরা এওখানও জানো, এর আগে আমরা ফিলিপি টাউনো জুলুম-মছিবতো পড়ছলাম আর বেইজ্জত অইছলাম। বাদে তুমরার অনোও বউত বাধা-নিষেধ কাটাইয়া আমরা আল্লাই সাওসে সাওসি অইয়া দিলে-জানে তান খুশ-খবরি খুলা-মেলা তবলিগ করছিলাম।

Siloṭi Asmani Kitab (Latin lipi)

² Tumra eoḳan-o zano, er age amra Filifi ṭauno zulum-mosiboto foṛslam ar beijjot oislam. Bade tumrar ono-o bout bada-nished ḳaṭaia amra Allai shaoshe shaoshi oia dile-zane tan kush-ḳobri kula-mela toblig korsilam.

ইঞ্জিল ১৩: ১-থিষল: 2:2 Iomraidhean Croise

Injil 5: Sahabi Nama 14:3

ꠙꠣꠃꠟꠥꠍ ꠀꠞ ꠛꠣꠞ꠆ꠘꠣꠛꠣꠍ ꠢꠤ ꠐꠣꠃꠘꠅ ꠛꠃꠔ ꠖꠤꠘ ꠞꠁꠟꠣ, ꠔꠣꠞꠣ ꠡꠣꠅꠡ ꠇꠞꠤꠀ ꠝꠣꠟꠤꠇꠞ ꠛꠦꠙꠣꠞꠦ ꠔꠛꠟꠤꠉ ꠇꠞꠟꠣ। ꠀꠞ ꠝꠣꠟꠤꠇꠦꠅ ꠔꠣꠘ ꠞꠢꠝꠔꠞ ꠇꠣꠟꠣꠝꠞ ꠙꠇ꠆ꠇꠦ ꠙꠣꠃꠟꠥꠍ ꠀꠞ ꠛꠣꠞ꠆ꠘꠣꠛꠣꠍꠞ ꠝꠣꠎꠖꠤ, ꠛꠃꠔ ꠝꠥꠎꠦꠎꠣ ꠀꠞ ꠇꠦꠞꠣꠝꠔꠤ ꠅꠇꠟ ꠎꠣꠁꠞ ꠇꠞꠣꠁꠟꠣ।

Injil 5: Sahabi Nama 14:5

ꠅꠁꠟꠦ ꠁꠢꠥꠖꠤ ꠀꠞ ꠅ-ꠁꠢꠥꠖꠤ ꠇꠤꠍꠥ ꠝꠣꠘꠡꠦ ꠔꠣꠞꠣꠞ ꠘꠦꠔꠣ ꠅꠇꠟꠞ ꠟꠉꠦ ꠝꠤꠟꠤꠀ, ꠛꠣꠞ꠆ꠘꠣꠛꠣꠍ ꠀꠞ ꠙꠣꠃꠟꠥꠍꠞꠦ ꠝꠣꠁꠞ-ꠗꠁꠞ ꠀꠞ ꠙꠣꠔ꠆ꠔꠞ ꠝꠣꠞꠣꠞ ꠚꠘ꠆ꠖꠤ ꠇꠞꠟꠣ।

Injil 5: Sahabi Nama 16:12

ꠘꠤꠀꠙꠟꠤ ꠕꠣꠇꠤ ꠀꠝꠞꠣ ꠚꠤꠟꠤꠙꠤ ꠐꠣꠃꠘꠅ ꠉꠦꠟꠣꠝ। ꠁꠐꠣ ꠅꠁꠟ ꠝꠣꠇꠤꠖꠘꠤꠀꠞ ꠢꠇꠟ ꠕꠣꠇꠤ ꠛꠠ ꠐꠣꠃꠘ, ꠁꠘꠅ ꠞꠥꠝꠣꠘ ꠞꠣꠎꠣꠞ ꠝꠣꠘꠥꠡ ꠛꠡꠔ ꠇꠞꠔꠣ। ꠀꠝꠞꠣ ꠇꠄꠖꠤꠘ ꠅꠘꠅ ꠞꠁꠟꠣꠝ।

Injil 5: Sahabi Nama 16:19

ꠅꠁꠟꠦ ꠔꠣꠁꠞ ꠝꠥꠘꠤꠛ ꠅꠇꠟꠦ ꠔꠣꠞꠣꠞ ꠟꠣꠜ ꠚꠥꠠꠣꠁꠉꠦꠟ ꠖꠦꠈꠤꠀ, ꠙꠣꠃꠟꠥꠍ ꠀꠞ ꠍꠤꠟꠣꠍꠞꠦ ꠗꠞꠤꠀ ꠐꠣꠘꠤꠀ ꠡꠖꠞꠅ ꠟꠁꠀ ꠉꠦꠟꠣ।

Injil 5: Sahabi Nama 16:37

ꠙꠣꠃꠟꠥꠍꠦ ꠔꠣꠞꠣꠞꠦ ꠇꠁꠟꠣ, “ꠀꠝꠞꠣ ꠞꠥꠝꠣꠘ ꠝꠣꠘꠥꠡ, ꠀꠝꠞꠣꠞ ꠇꠥꠘꠥ ꠛꠤꠌꠣꠞ ꠘꠣ ꠇꠞꠤꠀ ꠢꠇꠟꠞ ꠍꠣꠝꠘꠦ ꠍꠤꠋꠟꠣꠖꠤ ꠝꠣꠞꠍꠂꠘ ꠀꠞ ꠎꠦꠟꠅ ꠢꠣꠞꠣꠁꠍꠂꠘ। ꠅꠈꠘ ꠢꠣꠇꠤꠝ ꠅꠇꠟꠦ ꠀꠝꠞꠣꠞꠦ ꠟꠥꠇꠣꠁꠀ ꠍꠣꠠꠤ ꠖꠤꠔꠣ ꠌꠣꠁꠞꠣ? ꠁꠔꠣ ꠅꠁꠔ ꠘꠣꠄ, ꠔꠣꠞꠣ ꠘꠤꠎꠦ ꠀꠁꠀ ꠀꠝꠞꠣꠞꠦ ꠛꠣꠞ ꠇꠞꠤ ꠘꠦꠃꠇ꠆ꠇꠣ।”

Injil 5: Sahabi Nama 17:1

ꠢꠎꠞꠔ ꠙꠣꠃꠟꠥꠍ ꠀꠞ ꠍꠤꠟꠣꠍ ꠀꠝꠚꠤꠙꠥꠟꠤ ꠀꠞ ꠀꠙꠟ꠆ꠟꠥꠘꠤꠀ ꠐꠣꠃꠘꠞ ꠝꠣꠎꠦꠖꠤ ꠉꠤꠀ ꠕꠤꠡꠟꠘꠤꠇꠤꠔ ꠀꠁꠟꠣ। ꠢꠤꠘꠅ ꠁꠢꠥꠖꠤ ꠅꠇꠟꠞ ꠄꠇꠈꠣꠘ ꠝꠍꠤꠖ ꠀꠍꠤꠟ;

Injil 5: Sahabi Nama 17:17

ꠅꠃ ꠔꠣꠁꠘ ꠁꠢꠥꠖꠤ ꠝꠍꠤꠖꠅ ꠉꠤꠀ ꠁꠢꠥꠖꠤ ꠀꠞ ꠀꠟ꠆ꠟꠣꠞꠣꠁꠀ ꠁꠃꠘꠣꠘꠤ ꠅꠇꠟꠞꠦ, ꠀꠞ ꠙꠞꠔꠤꠖꠤꠘ ꠛꠣꠎꠣꠞꠅ ꠉꠤꠀꠅ ꠎꠦꠞꠣꠞ ꠟꠉꠦ ꠖꠦꠈꠣ ꠅꠁꠔ, ꠔꠣꠞꠣꠞ ꠟꠉꠦꠅ ꠢꠎꠞꠔ ꠁꠍꠣꠞ ꠛꠦꠙꠣꠞꠦ ꠛꠣꠔꠌꠤꠔ ꠇꠞꠔꠣ।

Injil 5: Sahabi Nama 19:8

ꠛꠣꠖꠦ ꠔꠣꠁꠘ ꠁꠢꠥꠖꠤꠞ ꠝꠍꠤꠖꠅ ꠉꠤꠀ ꠄꠇꠟꠣꠉꠣꠞꠦ ꠔꠤꠘ ꠝꠣꠡ ꠢꠤꠝ꠆ꠝꠔ ꠇꠞꠤꠀ ꠔꠛꠟꠤꠉ ꠇꠞꠟꠣ, ꠀꠟ꠆ꠟꠣꠞ ꠛꠣꠖꠡꠣꠁꠞ ꠛꠦꠙꠣꠞꠦ ꠎꠥꠇ꠆ꠔꠤ-ꠔꠞ꠆ꠇ ꠖꠦꠈꠣꠁꠀ ꠔꠣꠞꠣꠞꠦ ꠛꠥꠎꠣꠁꠟꠣ।

Injil 5: Sahabi Nama 4:13

ꠙꠤꠔꠞ ꠀꠞ ꠢꠣꠘ꠆ꠘꠣꠘꠞ ꠡꠣꠅꠡ ꠖꠦꠈꠤꠀ, ꠄꠞꠣ ꠎꠦꠘ ꠅꠡꠤꠇ꠆ꠇꠤꠔ ꠡꠣꠝꠣꠁꠘ꠆ꠘ ꠝꠣꠘꠥꠡ ꠁꠔꠣ ꠎꠣꠘꠤꠀ ꠔꠣꠞꠣ ꠔꠣꠁꠎ꠆ꠎꠥꠛ ꠅꠁꠉꠦꠟꠣ, ꠀꠞ ꠄꠞꠣ ꠁꠍꠣꠞ ꠟꠉꠦ ꠀꠍꠟꠣ ꠇꠞꠤꠅ ꠌꠤꠘꠟꠣ।

Injil 5: Sahabi Nama 4:20

ꠀꠝꠞꠣ ꠎꠦꠔꠣ ꠖꠦꠈꠍꠤ ꠀꠞ ꠢꠥꠘꠍꠤ, ꠁꠔꠣ ꠘꠣ ꠇꠁꠀ ꠔ ꠕꠣꠇꠔꠣꠝ ꠙꠣꠞꠤ ꠘꠣ।”

Injil 5: Sahabi Nama 4:31

ꠔꠣꠞꠣꠞ ꠖꠥꠀ ꠇꠞꠣꠞ ꠛꠣꠖꠦ ꠎꠦ ꠎꠣꠉꠣꠔ ꠔꠣꠞꠣ ꠖꠟꠣ ꠅꠁꠍꠟꠣ, ꠢꠤ ꠎꠣꠉꠣ ꠇꠣꠙꠤꠀ ꠃꠑꠟ। ꠀꠞ ꠔꠣꠞꠣ ꠢꠇꠟꠦ ꠙꠣꠇ ꠞꠥꠢꠦ ꠇꠣꠝꠤꠟ ꠅꠁꠀ ꠡꠣꠅꠡ ꠇꠞꠤꠀ ꠀꠟ꠆ꠟꠣꠞ ꠇꠣꠟꠣꠝ ꠔꠛꠟꠤꠉ ꠇꠞꠣꠔ ꠞꠁꠟꠣ।

Injil 5: Sahabi Nama 5:41

ꠔꠦꠃ ꠍꠣꠢꠣꠛꠤ ꠅꠇꠟꠦ, ꠁꠍꠣꠞ ꠘꠣꠝꠞ ꠟꠣꠉꠤ ꠛꠦꠁꠎ꠆ꠎꠔꠤ ꠇꠣꠝꠣꠘꠤꠞ ꠎꠥꠇꠣ ꠅꠁꠍꠂꠘ ꠉꠔꠤꠇꠦ ꠈꠥꠡꠤ ꠅꠁꠀ ꠚꠥꠞ꠆ꠔꠤ ꠇꠞꠤ ꠇꠞꠤ ꠝꠎꠟꠤꠍ ꠕꠣꠇꠤ ꠛꠣꠞ ꠅꠁꠀ ꠉꠦꠟꠣ।

Injil 6: Ruman 1:1

ꠀꠝꠤ ꠙꠣꠃꠟꠥꠍ ꠔ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠞꠥꠝꠣꠘ ꠛꠣꠖꠡꠣꠁꠞ ꠞꠣꠎꠗꠣꠘꠤ ꠞꠥꠝ ꠐꠣꠃꠘꠞ ꠝꠥꠝꠤꠘ ꠅꠇꠟꠞ ꠉꠦꠍꠦ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ। ꠀꠟ꠆ꠟꠣ ꠙꠣꠇꠦ ꠀꠝꠣꠞꠦ ꠙꠍꠘ꠆ꠖ ꠇꠞꠤꠀ ꠀꠘꠍꠂꠘ ꠀꠟ-ꠝꠍꠤꠞ ꠍꠣꠢꠣꠛꠤ ꠅꠀꠞ ꠟꠣꠉꠤ ꠀꠞ ꠔꠣꠘ ꠛꠣꠔꠣꠁꠟ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠞ ꠟꠣꠉꠤ।

Injil 8: 2-Korintia 3:12

ꠀꠝꠞꠣꠞ ꠝꠘꠅ ꠅꠟꠣꠈꠣꠘ ꠀꠡꠣ ꠀꠍꠦ ꠉꠔꠤꠇꠦꠃ ꠀꠝꠞꠣ ꠈꠥꠟꠣ-ꠈꠥꠟꠤ ꠝꠣꠔꠤ।

Injil 12: Kolosia 2:1

ꠀꠝꠤ ꠔꠥꠝꠞꠣꠞꠦ ꠎꠣꠘꠣꠁꠔꠣꠝ ꠌꠣꠁꠞꠣꠝ, ꠀꠝꠤ ꠔ ꠔꠥꠝꠞꠣꠞ ꠟꠣꠉꠤ, ꠟꠣꠅꠖꠤꠇꠦꠀ ꠐꠣꠃꠘꠞ ꠎꠝꠣꠔꠞ ꠟꠣꠉꠤ, ꠀꠞ ꠎꠦꠞꠣ ꠀꠝꠣꠞꠦ ꠖꠦꠈꠍꠦ ꠘꠣ ꠔꠣꠞꠣꠞ ꠟꠣꠉꠤꠅ ꠇꠔ ꠝꠦꠘꠔ ꠇꠞꠞꠣꠝ।

ইঞ্জিল ১৩: ১-থিষল: 1:5

ꠀꠝꠞꠣꠞ ꠈꠥꠡ-ꠈꠛꠞꠤꠞ ꠔꠛꠟꠤꠉ ꠇꠣꠝ ꠔ ꠔꠥꠝꠞꠣꠞ ꠉꠦꠍꠦ ꠈꠣꠟꠤ ꠝꠥꠈꠞ ꠇꠕꠣꠃ ꠞꠁꠍꠦ ꠘꠣ, ꠛꠞꠋ ꠀꠟ꠆ꠟꠣꠁ ꠛꠟ, ꠙꠣꠇ ꠞꠥꠢꠥ, ꠀꠞ ꠘꠤꠌ꠆ꠌꠤꠔ ꠜꠞꠡꠣꠞ ꠃꠙꠞꠦ ꠌꠣꠟꠥ ꠅꠁꠍꠦ। ꠔꠥꠝꠞꠣꠞ ꠜꠣꠟꠣꠁꠞ ꠟꠣꠉꠤ ꠀꠝꠞꠣ ꠎꠦꠛꠟꠣ ꠔꠥꠝꠞꠣꠞ ꠟꠉꠦ ꠞꠁꠔꠣꠝ, ꠅꠃ ꠡꠝꠄ ꠇꠤꠟꠣꠘ ꠌꠟꠍꠤ, ꠁꠔꠣ ꠔ ꠔꠥꠝꠞꠣ ꠎꠣꠘꠃ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:12

ꠄꠞꠟꠣꠉꠤꠃ ꠀꠝꠤ ꠅꠟꠣ ꠖꠥꠈ-ꠇꠡ꠆ꠐ ꠙꠣꠁꠀꠞ, ꠔꠣ-ꠅ ꠀꠝꠤ ꠡꠞꠝꠤꠘ꠆ꠖꠣ ꠘꠣꠄ। ꠇꠣꠞꠘ ꠀꠝꠤ ꠎꠣꠘꠤ, ꠀꠝꠤ ꠇꠣꠞ ꠃꠙꠞꠦ ꠜꠞꠡꠣ ꠇꠞꠍꠤ। ꠀꠝꠣꠞ ꠙꠥꠞꠣꠙꠥꠞ ꠄꠇꠤꠘ ꠀꠍꠦ, ꠀꠝꠤ ꠔꠣꠘ ꠖꠞꠛꠣꠞꠅ ꠎꠦꠔꠣ ꠎꠝꠣ ꠇꠞꠍꠤ, ꠁꠔꠣꠞꠦ ꠢꠦꠚꠣꠎꠔꠦ ꠞꠣꠈꠣꠞ ꠈꠦꠝꠔꠣ ꠔꠣꠘ ꠀꠍꠦ, ꠀꠟ-ꠝꠍꠤꠄ ꠖꠥꠍꠞꠣꠛꠣꠞ ꠔꠡꠞꠤꠚ ꠀꠘꠣꠞ ꠖꠤꠘ ꠙꠞ꠆ꠎꠘ꠆ꠔ ꠁꠔꠣ ꠞꠁꠛ।

Injil 26: Ehuda 1:3

ꠅ ꠝꠣꠄꠀꠞ ꠖꠥꠡ꠆ꠔ ꠅꠇꠟ, ꠀꠝꠞꠣ ꠢꠇꠟꠦ ꠝꠤꠟꠤ ꠎꠦ ꠘꠣꠎꠣꠔꠞ ꠜꠣꠉꠤ ꠅꠁꠍꠤ, ꠅꠃ ꠘꠣꠎꠣꠔꠞ ꠛꠦꠙꠣꠞꠦ ꠀꠝꠤ ꠈꠥꠛ ꠈꠤꠀꠟꠤ ꠅꠁꠀ ꠔꠥꠝꠞꠣꠞ ꠉꠦꠍꠦ ꠟꠦꠈꠔꠣꠝ ꠌꠣꠁꠍꠤ। ꠄꠞꠝꠣꠎꠦ ꠛꠥꠎꠟꠣꠝ, ꠀꠞꠅ ꠖꠞꠇꠣꠞ ꠀꠍꠦ ꠁꠝꠣꠘꠞ ꠟꠣꠉꠤ ꠟꠣꠠꠣꠁꠞ ꠛꠦꠙꠣꠞꠦ ꠟꠦꠈꠤꠀ ꠔꠥꠝꠞꠣꠞꠦ ꠃꠔꠡꠣꠢ ꠖꠦꠅꠀ। ꠀꠟ꠆ꠟꠣꠄ ꠔꠣꠘ ꠙꠣꠇ ꠛꠘ꠆ꠖꠣ ꠅꠇꠟꠞꠦ ꠌꠤꠞꠇꠣꠟꠞ ꠟꠣꠉꠤ ꠎꠦ ꠁꠝꠣꠘꠤ ꠗꠘ ꠖꠤꠍꠂꠘ, ꠅꠃ ꠁꠍꠣꠄꠁ ꠁꠝꠣꠘꠞ ꠙꠇ꠆ꠇꠦ ꠖꠤꠟꠦ-ꠎꠣꠘꠦ ꠟꠣꠠꠣꠁ ꠇꠞꠣ ꠔ ꠎꠞꠥꠞ।