ইঞ্জিল ১৩: ১-থিষল: 2:12 - Siloṭi Asmani Kitab (Nagri lipi)

¹² ꠎꠣꠔꠦ ꠀꠟ꠆ꠟꠣꠞ ꠛꠘ꠆ꠖꠣ ꠢꠤꠡꠣꠛꠦ ꠔꠥꠝꠞꠣ ꠃꠙꠎꠥꠇ꠆ꠔ ꠅꠁꠀ ꠌꠟ। ꠀꠟ꠆ꠟꠣꠄ ꠔꠥꠝꠞꠣꠞꠦ ꠖꠣꠅꠔ ꠖꠤꠞꠣ, ꠔꠣꠘ ꠘꠤꠎꠞ ꠛꠣꠖꠡꠣꠁ ꠀꠞ ꠉꠃꠞꠛꠞ ꠜꠣꠉꠤ ꠅꠀꠞ ꠟꠣꠉꠤ।

ছিলটি আছমানি কিতাব (বাংলা লিপি)

¹² যাতে আল্লার বন্দা হিসাবে তুমরা উপযুক্ত অইয়া চলো। আল্লায় তুমরারে দাওত দিরা, তান নিজর বাদশাই আর গৌরবর ভাগি অওয়ার লাগি।

Siloṭi Asmani Kitab (Latin lipi)

¹² zate Allar bonda hishabe tumra ufozukto oia solo. Allae tumrare daot dira, tan nizor bashshai ar gourobor bagi oar lagi.

ইঞ্জিল ১৩: ১-থিষল: 2:12 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 5:22

ꠝꠣꠔꠥꠡꠣꠟꠣꠈꠞ ꠎꠘꠝꠞ ꠛꠣꠖꠦ ꠔꠤꠘ-ꠡ ꠛꠞꠍ ꠙꠞ꠆ꠎꠘ꠆ꠔ, ꠀꠟ꠆ꠟꠣꠞ ꠟꠉꠦ ꠁꠖ꠆ꠞꠤꠍꠞ ꠈꠣꠍ ꠖꠤꠖꠣꠞ ꠀꠍꠤꠟ। ꠄꠞ ꠝꠣꠎꠦ ꠔꠣꠘ ꠀꠞꠅ ꠙꠥꠀ-ꠙꠥꠠꠤ ꠅꠁꠍꠤꠟ।

Injil 6: Ruman 8:28

ꠀꠝꠞꠣ ꠎꠣꠘꠤ, ꠀꠟ꠆ꠟꠣꠞꠦ ꠎꠦꠞꠣ ꠝꠢꠛ꠆ꠛꠔ ꠇꠞꠂꠘ, ꠝꠣꠘꠤ ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠝꠞ꠆ꠎꠤ ꠝꠣꠚꠤꠇ ꠎꠦꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠣꠞꠣꠞ ꠜꠣꠟꠣꠁꠞ ꠟꠣꠉꠤ ꠢꠇꠟꠔꠣꠄ ꠄꠇꠟꠉꠦ ꠇꠣꠝ ꠇꠞꠦꠞ।

Injil 6: Ruman 8:30

ꠔꠣꠁꠘ ꠀꠉꠦ ꠎꠦꠞꠣꠞꠦ ꠙꠍꠘ꠆ꠖ ꠇꠞꠍꠤꠟꠣ, ꠔꠣꠞꠣꠞꠦꠃ ꠖꠣꠅꠔ ꠖꠤꠟꠣ। ꠀꠞ ꠎꠦꠞꠣꠞꠦ ꠖꠣꠅꠔ ꠖꠤꠟꠣ, ꠔꠣꠞꠣꠞꠦ ꠛꠦ-ꠇꠍꠥꠞ ꠈꠣꠟꠣꠍ ꠇꠁꠀ ꠉꠁꠘ꠆ꠘ ꠇꠞꠟꠣ, ꠀꠞ ꠎꠦꠞꠣꠞꠦ ꠛꠦ-ꠇꠍꠥꠞ ꠉꠁꠘ꠆ꠘ ꠇꠞꠟꠣ, ꠔꠣꠞꠣꠞꠦ ꠔꠣꠘ ꠘꠤꠎꠞ ꠉꠃꠞꠛ-ꠝꠢꠤꠝꠣꠅ ꠖꠣꠘ ꠇꠞꠟꠣ।

Injil 7: 1-Korintia 1:9

ꠀꠟ꠆ꠟꠣ ꠙꠣꠇ ꠔ ꠢꠇ ꠀꠞ ꠈꠣꠐꠤ, ꠔꠣꠁꠘ ꠎꠦꠟꠣ ꠇꠂꠘ ꠅꠟꠣ ꠅꠄ। ꠔꠣꠁꠘ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠥꠝꠞꠣ ꠎꠣꠘꠥ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠍꠣ ꠁꠛꠘꠥꠟ꠆ꠟꠣꠞ ꠟꠉꠦ ꠈꠣꠔꠤꠞ-ꠡꠝ꠆ꠙꠞ꠆ꠇ ꠞꠣꠈꠅ, ꠄꠁꠘꠃ ꠀꠟ-ꠝꠍꠤ, ꠀꠝꠞꠣꠞ ꠝꠣꠟꠤꠇ।

Injil 8: 2-Korintia 4:6

ꠀꠝꠞꠣ ꠁꠔꠣ ꠔꠛꠟꠤꠉ ꠇꠞꠞꠣꠝ, ꠇꠣꠞꠘ ꠎꠦ ꠀꠟ꠆ꠟꠣꠄ ꠇꠁꠍꠂꠘ, “ꠀꠘ꠆ꠖꠣꠁꠞ ꠕꠣꠇꠤ ꠚꠞ ꠅꠃꠇ,” ꠢꠃ ꠀꠟ꠆ꠟꠣ ꠙꠣꠇꠦ ꠔꠣꠘ ꠘꠥꠞ ꠀꠝꠞꠣꠞ ꠖꠤꠟꠅ ꠎꠣꠟꠣꠁꠍꠂꠘ, ꠎꠣꠔꠦ ꠀꠟ-ꠝꠍꠤꠞ ꠌꠦꠢꠣꠞꠣꠞ ꠝꠣꠎꠦ ꠀꠟ꠆ꠟꠣꠞ ꠘꠥꠞꠞ ꠝꠢꠤꠝꠣ ꠎꠣꠁꠞ ꠅꠄ।

Injil 9: Galatia 5:16

ꠢꠥꠘꠅ, ꠀꠝꠤ ꠔꠥꠝꠞꠣꠞꠦ ꠇꠁꠞꠣꠝ, ꠙꠣꠇ ꠞꠥꠢꠥꠞ ꠛꠟꠦ ꠎꠤꠘ꠆ꠖꠦꠉꠤ ꠇꠣꠐꠣꠅ, ꠔꠦꠃ ꠖꠤꠟꠞ ꠅꠃ ꠈꠣꠁꠡ ꠝꠤꠐꠣꠘꠤꠞ ꠈꠤꠀꠟ ꠅꠁꠔ ꠘꠣꠄ।

Injil 10: Ifisia 4:1

ꠀꠝꠣꠞ ꠝꠣꠟꠤꠇ ꠀꠟ-ꠝꠍꠤꠞ ꠟꠣꠉꠤ ꠀꠝꠤ ꠎꠦꠟꠅ ꠛꠘ꠆ꠖꠤ ꠀꠍꠤ। ꠅꠃ ꠛꠘ꠆ꠖꠤ ꠢꠣꠟꠔꠦ ꠀꠝꠤ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ, ꠎꠦ ꠇꠣꠝꠞ ꠟꠣꠉꠤ ꠀꠟ꠆ꠟꠣꠄ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠥꠝꠞꠣ ꠄꠞ ꠃꠙꠎꠥꠇ꠆ꠔ ꠅꠁꠀ ꠌꠟ।

Injil 10: Ifisia 5:2

ꠀꠟ-ꠝꠍꠤꠄ ꠎꠦꠟꠣ ꠀꠝꠞꠣꠞꠦ ꠝꠢꠛ꠆ꠛꠔ ꠇꠞꠍꠂꠘ, ꠔꠥꠝꠞꠣꠅ ꠅꠟꠣ ꠝꠣꠄꠀ-ꠝꠢꠛ꠆ꠛꠔꠞ ꠙꠕꠦ ꠌꠟꠅ। ꠔꠣꠁꠘ ꠀꠝꠞꠣꠞꠦ ꠛꠣꠌꠣꠁꠔꠣ ꠇꠞꠤ ꠘꠤꠎꠞ ꠎꠣꠘꠞꠦ ꠈꠥꠡꠛꠄꠖꠣꠞ ꠇꠥꠞꠛꠣꠘꠤ ꠢꠤꠡꠣꠛꠦ ꠀꠟ꠆ꠟꠣꠞ ꠘꠣꠝꠦ ꠛꠤꠟꠣꠁ ꠖꠤꠍꠂꠘ।

Injil 10: Ifisia 5:8

ꠇꠣꠞꠘ ꠔꠥꠝꠞꠣ ꠀꠉꠦ ꠀꠘ꠆ꠖꠣꠞꠤꠞ ꠝꠣꠎꠦ ꠕꠣꠇꠟꠦꠅ ꠅꠈꠘ ꠔ ꠀꠟ-ꠝꠍꠤꠞ ꠃꠝ꠆ꠝꠔ ꠛꠘꠤꠀ ꠘꠥꠞꠞ ꠙꠕꠅ ꠀꠁꠍ। ꠄꠞꠟꠣꠉꠤ ꠀꠟ꠆ꠟꠣꠞ ꠘꠥꠞꠦ ꠇꠣꠝꠤꠟ ꠎꠘꠦ ꠎꠦꠟꠣ ꠎꠤꠘ꠆ꠖꠦꠉꠤ ꠇꠣꠐꠣꠘꠤ ꠃꠌꠤꠔ, ꠔꠥꠝꠞꠣ ꠅꠃꠟꠣ ꠌꠟꠅ।

Injil 11: Filifia 1:27

ꠀꠍꠟ ꠛꠦꠙꠣꠞ ꠅꠁꠟ, ꠔꠥꠝꠞꠣ ꠎꠣꠞꠎꠤꠞ ꠎꠤꠘ꠆ꠖꠦꠉꠤꠞꠦ ꠅꠃ ꠘꠝꠥꠘꠣꠄ ꠇꠣꠐꠣꠅ, ꠎꠦ ꠎꠤꠘ꠆ꠖꠦꠉꠤ ꠀꠟ-ꠝꠍꠤꠞ ꠈꠥꠡ-ꠈꠛꠞꠤꠞ ꠟꠣꠈ। ꠔꠦꠃ ꠀꠝꠤ ꠘꠤꠎꠦ ꠀꠁꠀ ꠖꠦꠈꠤ ꠛꠣ ꠖꠥꠞꠁ ꠕꠣꠇꠤ ꠢꠥꠘꠤ, ꠀꠝꠤ ꠛꠥꠎꠝꠥ, ꠔꠥꠝꠞꠣ ꠖꠤꠟꠦ-ꠎꠣꠘꠦ ꠝꠤꠟꠤꠀ ꠝꠎꠛꠥꠔ ꠀꠍ। ꠀꠞ ꠈꠥꠡ-ꠈꠛꠞꠤꠞ ꠝꠣꠎꠖꠤ ꠎꠦ ꠁꠝꠣꠘ ꠙꠄꠖꠣ ꠅꠄ, ꠅꠃ ꠁꠝꠣꠘꠞ ꠟꠣꠉꠤ ꠢꠇꠟꠦ ꠝꠤꠟꠤꠀ ꠄꠇ ꠖꠤꠟꠦ ꠝꠦꠘꠔ ꠇꠞꠞꠣꠄ।

Injil 12: Kolosia 1:10

ꠀꠝꠞꠣ ꠀꠟ꠆ꠟꠣꠞ ꠖꠞꠛꠣꠞꠅ ꠅꠃ ꠖꠥꠀꠃ ꠇꠞꠞꠣꠝ, ꠔꠥꠝꠞꠣ ꠎꠣꠔꠦ ꠢꠇꠟ ꠛꠦꠙꠣꠞꠦ ꠀꠟ-ꠝꠍꠤꠞ ꠝꠞ꠆ꠎꠤ ꠎꠥꠉꠣꠁꠀ ꠌꠟ ꠀꠞ ꠔꠣꠘ ꠃꠙꠎꠥꠇ꠆ꠔ ꠃꠝ꠆ꠝꠔꠞ ꠟꠣꠈꠣꠘ ꠎꠤꠘ꠆ꠖꠦꠉꠤ ꠇꠣꠐꠣꠅ। ꠢꠇ ꠇꠣꠝ ꠇꠞꠤ ꠇꠞꠤ ꠚꠟꠛꠣꠘ ꠅꠅ, ꠀꠞ ꠀꠟ꠆ꠟꠣ ꠙꠣꠇꠞꠦ ꠀꠞꠅ ꠜꠣꠟꠣ ꠇꠞꠤ ꠌꠤꠘꠅ।

Injil 12: Kolosia 2:6

ꠁꠍꠣ ꠀꠟ-ꠝꠍꠤꠞꠦ ꠔꠥꠝꠞꠣ ꠝꠣꠟꠤꠇ ꠢꠤꠡꠣꠛꠦ ꠎꠦꠟꠣ ꠇꠛꠥꠟ ꠇꠞꠍ, ꠅꠃ ꠟꠣꠈꠣꠘ ꠔꠣꠘ ꠟꠉꠦ ꠞꠁꠀ ꠎꠤꠘ꠆ꠖꠦꠉꠤꠅ ꠇꠣꠐꠣꠅ।

ইঞ্জিল ১৩: ১-থিষল: 4:1

ꠅ ꠜꠣꠁꠀꠁꠘ ꠢꠥꠘꠅ, ꠀꠟ꠆ꠟꠣꠞꠦ ꠈꠥꠡꠤ ꠇꠞꠣꠞ ꠟꠣꠉꠤ ꠇꠦꠝꠘꠦ ꠎꠤꠘ꠆ꠖꠦꠉꠤ ꠇꠣꠐꠣꠘꠤ ꠟꠣꠉꠦ, ꠁ ꠔꠣꠟꠤꠝ ꠔ ꠔꠥꠝꠞꠣ ꠀꠝꠞꠣꠞ ꠉꠦꠍ ꠕꠣꠇꠤ ꠀꠉꠦꠃ ꠙꠣꠁꠍ ꠀꠞ ꠔꠥꠝꠞꠣ ꠅꠟꠣ ꠌꠟꠞꠣꠄꠅ। ꠄꠞꠛꠣꠖꠦꠅ ꠢꠎꠞꠔ ꠁꠍꠣꠞ ꠅꠁꠀ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ ꠀꠞ ꠢꠥꠡꠤꠀꠞ ꠇꠞꠤꠀꠞ, ꠔꠥꠝꠞꠣ ꠎꠦꠟꠣ ꠌꠟꠞꠣꠄ, ꠅꠃꠟꠣ ꠀꠞꠅ ꠛꠦꠡ ꠇꠞꠤ ꠌꠟꠅ।

ইঞ্জিল ১৩: ১-থিষল: 4:12

ꠔꠦꠃ ꠛꠣꠁꠞꠣ ꠝꠣꠘꠡꠞ ꠌꠈꠥꠔ ꠔꠥꠝꠞꠣꠞ ꠌꠣꠟ-ꠌꠟꠘ ꠜꠖ꠆ꠞ ꠅꠁꠛ, ꠀꠞ ꠅꠁꠘ꠆ꠘ ꠎꠘꠞ ꠞꠥꠎꠤꠞ ꠃꠙꠞꠦ ꠔꠥꠝꠞꠣꠞ ꠜꠞꠡꠣ ꠇꠞꠣ ꠟꠣꠉꠔ ꠘꠣꠄ।

ইঞ্জিল ১৩: ১-থিষল: 5:24

ꠀꠞ ꠔꠣꠁꠘ ꠘꠤꠌ꠆ꠌꠤꠔ ꠅꠟꠣꠃ ꠇꠞꠛꠣ। ꠎꠣꠘ ꠔ, ꠎꠦꠁꠘ ꠔꠥꠝꠞꠣꠞꠦ ꠖꠣꠅꠔ ꠇꠞꠤ ꠀꠘꠍꠂꠘ, ꠔꠣꠘ ꠃꠙꠞꠦ ꠙꠥꠞꠣꠙꠥꠞ ꠜꠞꠡꠣ ꠇꠞꠣ ꠎꠣꠄ।

ইঞ্জিল ১৪: ২-থিষল: 1:10

ꠢꠃ ꠖꠤꠘ ꠔꠣꠘ ꠘꠤꠎꠞ ꠙꠣꠇ ꠛꠘ꠆ꠖꠣ ꠅꠇꠟ, ꠎꠦꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠍꠦ ꠔꠣꠞꠣꠞ ꠝꠣꠎꠖꠤ, ꠔꠣꠘ ꠉꠃꠞꠛ-ꠝꠢꠤꠝꠣ ꠎꠣꠁꠞ ꠅꠁꠛ। ꠄꠞꠣꠞ ꠝꠣꠎꠦ ꠔꠥꠝꠞꠣꠅ ꠀꠍ, ꠇꠣꠞꠘ ꠀꠝꠞꠣꠞ ꠔꠛꠟꠤꠉ ꠢꠥꠘꠤꠀ ꠔꠥꠝꠞꠣ ꠁꠝꠣꠘ ꠀꠘꠍ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:9

ꠀꠟ꠆ꠟꠣꠄ ꠀꠝꠞꠣꠞ ꠎꠣꠘ ꠛꠣꠌꠣꠁꠍꠂꠘ, ꠀꠞ ꠙꠣꠇ-ꠙꠛꠤꠔ꠆ꠞ ꠅꠁꠀ ꠎꠤꠘ꠆ꠖꠦꠉꠤ ꠇꠣꠐꠣꠘꠤꠞ ꠟꠣꠉꠤ ꠖꠣꠅꠔ ꠖꠤꠍꠂꠘ। ꠁꠔꠣ ꠔ ꠀꠝꠞꠣꠞ ꠇꠥꠘꠥ ꠘꠦꠇ ꠇꠣꠝꠞ ꠉꠥꠘꠦ ꠘꠣꠄ, ꠛꠞꠋ ꠔꠣꠘ ꠝꠞ꠆ꠎꠤ ꠀꠞ ꠞꠢꠝꠔꠞ ꠉꠥꠘꠦꠃ ꠇꠞꠍꠂꠘ। ꠀꠝꠞꠣꠞꠦ ꠁ ꠞꠢꠝꠔ ꠖꠣꠘ ꠇꠞꠍꠂꠘ ꠔ, ꠖꠥꠘꠤꠀ ꠙꠄꠖꠣ ꠇꠞꠣꠞ ꠀꠉꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 2:9

ꠅꠁꠟꠦ ꠔꠥꠝꠞꠣ ꠔ ꠁꠟꠣ ꠘꠣꠄ, ꠔꠥꠝꠞꠣ ꠅꠁꠟꠣꠄ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠈꠣꠘ꠆ꠖꠣꠘ, ꠛꠣꠖꠡꠣꠁ ꠁꠝꠣꠝꠞ ꠖꠟ, ꠙꠛꠤꠔ꠆ꠞ ꠎꠣꠔꠤ, ꠔꠣꠘ ꠀꠙꠘ ꠙ꠆ꠞꠎꠣ। ꠔꠣꠁꠘ ꠔꠥꠝꠞꠣꠞꠦ ꠀꠘ꠆ꠖꠣꠁꠞ ꠕꠣꠇꠤ ꠘꠤꠎꠞ ꠘꠥꠞꠞ ꠚꠞꠅ ꠖꠣꠅꠔ ꠇꠞꠤ ꠀꠘꠍꠂꠘ, ꠔꠣꠘ ꠉꠥꠘꠉꠣꠘ ꠇꠞꠣꠞ ꠟꠣꠉꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 3:9

ꠅꠁꠘ꠆ꠘꠣꠄꠞ ꠛꠖꠟꠣ ꠅꠁꠘ꠆ꠘꠣꠄ ꠇꠞꠤꠅ ꠘꠣ, ꠇꠦꠃ ꠉꠣꠟꠤ ꠖꠤꠟꠦ ꠚꠤꠞꠤꠀ ꠉꠣꠟꠤ ꠖꠤꠅ ꠘꠣ। ꠛꠞꠋ ꠔꠣꠞꠣꠞ ꠟꠣꠉꠤ ꠖꠥꠀ ꠌꠣꠁꠅ, ꠅꠟꠣ ꠌꠟꠣꠞ ꠟꠣꠉꠤꠃ ꠀꠟ꠆ꠟꠣꠄ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠁꠟꠣ ꠇꠞꠟꠦ ꠔꠥꠝꠞꠣ ꠞꠢꠝꠔ ꠙꠣꠁꠛꠣꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 5:10

ꠞꠢꠝꠣꠘꠥꠞ ꠞꠢꠤꠝ ꠀꠟ꠆ꠟꠣ ꠙꠣꠇꠦ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ ꠀꠟ-ꠝꠍꠤꠞ ꠟꠉꠦ ꠅꠁꠀ ꠔꠣꠘ ꠌꠤꠞꠡ꠆ꠕꠣꠄꠁ ꠝꠢꠤꠝꠣꠞ ꠜꠣꠉꠤ ꠅꠀꠞ ꠟꠣꠉꠤ। ꠕꠥꠠꠣ ꠇꠄꠖꠤꠘ ꠖꠥꠈ-ꠇꠡ꠆ꠐ ꠇꠞꠤꠀ ꠢꠣꠞꠟꠦ, ꠔꠣꠁꠘ ꠘꠤꠎꠦꠃ ꠔꠥꠝꠞꠣꠞꠦ ꠑꠤꠇ-ꠑꠣꠇ ꠇꠞꠛꠣ ꠀꠞ ꠕꠤꠞ ꠞꠣꠈꠛꠣ, ꠔꠥꠝꠞꠣꠞꠦ ꠛꠟꠛꠣꠘ ꠇꠞꠤꠀ ꠝꠎꠛꠥꠔ ꠈꠥꠐꠤꠞ ꠃꠙꠞꠦ ꠈꠣꠠꠣ ꠇꠞꠣꠁꠛꠣ।

ꠁꠘ꠆ꠎꠤꠟ ২২: ২-ꠙꠤꠔꠞ 1:3

ꠎꠦꠁꠘ ꠔꠣꠘ ꠘꠤꠎꠞ ꠝꠢꠤꠝꠣ ꠀꠞ ꠉꠥꠘꠦ ꠀꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠣꠘꠞꠦ ꠙꠥꠞꠣꠙꠥꠞ ꠌꠤꠘꠣꠞ ꠝꠣꠎꠖꠤ ꠔꠣꠘ ꠇꠥꠖꠞꠔꠦ ꠀꠝꠞꠣ ꠅꠟꠣ ꠘꠤꠀꠝꠔ ꠙꠣꠁꠍꠤ, ꠎꠣꠔꠦ ꠀꠝꠞꠣ ꠙꠞꠦꠎꠉꠣꠞ ꠛꠘꠤꠀ ꠎꠤꠘ꠆ꠖꠦꠉꠤ ꠇꠣꠐꠣꠁ।

Injil 23: 1-Hannan 2:6

ꠀꠞ ꠔꠣꠘ ꠝꠣꠎꠦ ꠛꠡꠔ ꠇꠞꠤ ꠇꠁꠟꠦ, ꠀꠝꠞꠣꠞ ꠟꠣꠉꠤ ꠎꠞꠥꠞ ꠅꠁꠟ, ꠔꠣꠁꠘ ꠎꠦꠟꠣ ꠌꠟꠍꠂꠘ, ꠀꠝꠞꠣꠅ ꠅꠟꠣ ꠌꠟꠣ।

Injil 25: 3-Hannan 1:6

ꠔꠥꠝꠣꠞ ꠝꠣꠄꠀ-ꠝꠢꠛ꠆ꠛꠔꠞ ꠇꠕꠣ ꠔꠣꠞꠣ ꠎꠝꠣꠔꠞ ꠢꠥꠞꠥ-ꠛꠠ ꠢꠇꠟꠞ ꠍꠣꠝꠘꠦ ꠇꠁꠍꠦ। ꠅꠈꠘ ꠀꠟ꠆ꠟꠣꠞ ꠈꠥꠡꠤ ꠝꠣꠚꠤꠇ ꠔꠣꠞꠣꠞꠦ ꠍꠢꠤ-ꠍꠣꠟꠣꠝꠔꠦ ꠙꠣꠑꠣꠘꠤꠞ ꠛꠦꠛꠡ꠆ꠔꠣ ꠇꠞꠤ ꠖꠦꠅ, ꠔꠦ ꠀꠞꠅ ꠜꠣꠟꠣ ꠅꠁꠛ।