ইঞ্জিল ১৩: ১-থিষল: 1:8 - Siloṭi Asmani Kitab (Nagri lipi)

⁸ ꠝꠣꠟꠤꠇꠞ ꠇꠣꠟꠣꠝ ꠔꠥꠝꠞꠣꠞ ꠝꠣꠎꠖꠤ ꠈꠣꠟꠤ ꠝꠣꠇꠤꠖꠘꠤꠀ ꠀꠞ ꠉ꠆ꠞꠤꠍ ꠖꠦꠡꠅꠃ ꠍꠤꠔ꠆ꠞꠤꠍꠦ ꠘꠣ, ꠛꠞꠋ ꠀꠟ꠆ꠟꠣꠞ ꠃꠙꠞꠦ ꠔꠥꠝꠞꠣꠞ ꠁꠝꠣꠘꠞ ꠇꠕꠣ ꠢꠇꠟ ꠎꠣꠉꠣꠔꠃ ꠍꠤꠔ꠆ꠞꠤꠉꠦꠍꠦ। ꠁ ꠛꠦꠙꠣꠞꠦ ꠀꠝꠞꠣ ꠇꠥꠘ꠆ꠔꠣ ꠝꠣꠔꠣꠞ ꠎꠞꠥꠞ ꠘꠣꠄ।

ছিলটি আছমানি কিতাব (বাংলা লিপি)

⁸ মালিকর কালাম তুমরার মাজদি খালি মাকিদনিয়া আর গ্রীস দেশোউ ছিতরিছে না, বরং আল্লার উপরে তুমরার ইমানর কথা হকল জাগাতউ ছিতরিগেছে। ই বেয়াপারে আমরা কুন্তা মাতার জরুর নায়।

Siloṭi Asmani Kitab (Latin lipi)

⁸ Malikor kalam tumrar mazdi kali Makidonia ar Gris desho-u sitrise na, borong Allar ufre tumrar imanor ḳota hoḳol zagat-u sitrigese. I befare amra kunta matar zorur nae.

ইঞ্জিল ১৩: ১-থিষল: 1:8 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 18:9

ꠀꠞ ꠝꠣꠛꠥꠖꠦ ꠝꠤꠡꠞꠤ ꠅꠇꠟꠞ ꠀꠔ ꠕꠣꠇꠤ ꠛꠘꠤ ꠁꠍꠞꠣꠁꠟꠞꠦ ꠀꠎꠣꠖ ꠇꠞꠤꠀ ꠔꠣꠞꠣꠞꠦ ꠎꠔ ꠟꠣꠈꠣꠘ ꠀꠍꠣꠘ ꠇꠞꠍꠂꠘ, ꠁꠔꠣ ꠢꠥꠘꠤꠀ ꠔꠣꠘ ꠢꠃꠞ ꠈꠥꠛ ꠈꠥꠡꠤ ꠅꠁꠟꠣ।

Injil 5: Sahabi Nama 18:12

ꠛꠣꠖꠦ ꠉꠣꠟꠤꠅꠘ ꠎꠦꠛꠟꠣ ꠉ꠆ꠞꠤꠍ ꠖꠦꠡꠞ ꠢꠣꠇꠤꠝ ꠀꠍꠟꠣ, ꠅꠃ ꠡꠝꠄ ꠁꠢꠥꠖꠤ ꠅꠇꠟ ꠄꠇꠟꠉꠦ ꠝꠤꠟꠤꠀ ꠙꠣꠃꠟꠥꠍꠞꠦ ꠗꠞꠤꠀ ꠛꠤꠌꠣꠞ ꠇꠞꠣꠘꠤꠞ ꠟꠣꠉꠤ ꠞꠣꠎ ꠖꠞꠛꠣꠞꠅ ꠘꠤꠀ ꠇꠁꠟꠣ,

Injil 6: Ruman 1:8

ꠀꠝꠤ ꠙꠄꠟꠣꠃ ꠇꠁꠞꠣꠝ, ꠔꠥꠝꠞꠣꠞ ꠝꠎꠛꠥꠔ ꠁꠝꠣꠘꠞ ꠇꠕꠣ ꠀꠡ꠆ꠔꠣ ꠖꠥꠘꠤꠀꠁꠞ ꠝꠣꠎꠦ ꠞꠐꠤꠉꠦꠍꠦ ꠇꠞꠤ, ꠀꠝꠤ ꠁꠍꠣ ꠀꠟ-ꠝꠍꠤꠞ ꠘꠣꠝꠦ ꠀꠝꠣꠞ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠞꠣꠝ।

Injil 6: Ruman 15:26

ꠢꠤꠘꠅ ꠅꠜꠣꠛ-ꠅꠘꠐꠘꠞ ꠝꠣꠎꠦ ꠀꠟ꠆ꠟꠣꠞ ꠎꠦ ꠛꠘ꠆ꠖꠣ ꠅꠇꠟ ꠀꠍꠂꠘ, ꠔꠣꠞꠣꠞ ꠉꠦꠍꠦ ꠛꠣꠐꠤꠀ ꠖꠤꠛꠣꠞ ꠟꠣꠉꠤ ꠝꠣꠇꠤꠖꠘꠤꠀ ꠀꠞ ꠉ꠆ꠞꠤꠍ ꠖꠦꠡꠞ ꠎꠝꠣꠔ ꠅꠇꠟꠦ ꠇꠤꠍꠥ ꠡꠣꠁꠎ꠆ꠎ ꠔꠥꠟꠍꠂꠘ।

Injil 6: Ruman 16:19

ꠀꠞ ꠔꠥꠝꠞꠣ ꠎꠦꠘ ꠀꠟ꠆ꠟꠣꠞ ꠢꠥꠇꠥꠝ ꠝꠣꠚꠤꠇ ꠌꠟꠞꠣꠄ, ꠁꠔꠣ ꠔ ꠢꠇꠟꠦꠃ ꠎꠣꠘꠦ, ꠁ ꠈꠛꠞ ꠢꠥꠘꠤꠀ ꠀꠝꠤꠅ ꠈꠥꠛ ꠈꠥꠡꠤ ꠅꠁꠍꠤ। ꠔꠦ ꠀꠝꠤ ꠌꠣꠁꠞꠣꠝ, ꠔꠥꠝꠞꠣ ꠘꠦꠇ ꠙꠕꠦ ꠇꠣꠝꠤꠟ ꠅꠅ, ꠛꠖ ꠙꠕ ꠕꠣꠇꠤ ꠛꠣꠌꠤꠀ ꠞꠅ।

Injil 7: 1-Korintia 14:36

ꠀꠁꠌ꠆ꠍꠣ ꠇꠅ ꠌꠣꠁꠘ, ꠀꠟ꠆ꠟꠣꠞ ꠇꠣꠟꠣꠝ ꠇꠥꠘꠥ ꠔꠥꠝꠞꠣꠞ ꠉꠦꠍ ꠕꠣꠇꠤ ꠛꠣꠞ ꠅꠁꠍꠦ ꠘꠤ? ꠈꠣꠟꠤ ꠔꠥꠝꠞꠣꠞ ꠉꠦꠍꠦꠃ ꠀꠁꠍꠦ ꠘꠤ?

Injil 8: 2-Korintia 2:14

ꠅꠁꠟꠦ ꠀꠝꠞꠣ ꠀꠟ꠆ꠟꠣꠞ ꠡꠥꠇꠞꠤꠀ ꠎꠣꠘꠣꠁ, ꠔꠣꠁꠘ ꠀꠝꠞꠣꠞꠦ ꠢꠣꠝꠦꠡꠣ ꠀꠟ-ꠝꠍꠤꠞ ꠛꠤꠎꠄꠅꠞ ꠝꠢꠣ ꠚꠥꠞ꠆ꠔꠤꠞ ꠝꠤꠍꠤꠟꠞ ꠟꠉꠦ ꠌꠣꠟꠣꠁꠞꠣ। ꠀꠟ-ꠝꠍꠤꠞꠦ ꠌꠤꠘꠣ ꠔ ꠄꠇ ꠊꠦꠞꠣꠘꠞ ꠟꠣꠈꠣꠘ। ꠀꠟ꠆ꠟꠣꠄ ꠔꠣꠘ ꠎꠄ-ꠎꠣꠔ꠆ꠞꠣꠄ ꠅꠃ ꠊꠦꠞꠣꠘ ꠀꠝꠞꠣꠞ ꠝꠣꠎꠖꠤ ꠢꠇꠟ ꠎꠣꠉꠣꠔ ꠍꠤꠔ꠆ꠞꠣꠁ ꠖꠦꠁꠘ।

Injil 8: 2-Korintia 3:4

ꠅꠃ ꠛꠦꠙꠣꠞꠦ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠟ꠆ꠟꠣꠞ ꠖꠞꠛꠣꠞꠅ ꠀꠝꠞꠣꠞ ꠙꠥꠞꠣꠙꠥꠞ ꠘꠤꠌ꠆ꠌꠄꠅꠔꠣ ꠀꠍꠦ,

Injil 12: Kolosia 3:16

ꠀꠟ-ꠝꠍꠤꠞ ꠇꠣꠟꠣꠝꠞꠦ ꠔꠥꠝꠞꠣꠞ ꠖꠤꠟꠞ ꠝꠣꠎꠦ ꠙꠥꠞꠣꠙꠥꠞ ꠛꠡꠔ ꠇꠞꠔꠦ ꠖꠦꠅ। ꠀꠟ꠆ꠟꠣꠞ ꠖꠦꠅꠀ ꠀꠈꠟ ꠈꠣꠐꠣꠁꠀ ꠄꠇꠦ-ꠅꠁꠘ꠆ꠘꠞꠦ ꠔꠣꠟꠤꠝ ꠀꠞ ꠙꠞꠣꠝꠤꠡ ꠖꠦꠅ। ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠣꠞ ꠝꠣꠎꠖꠤ ꠔꠣꠘ ꠘꠣꠝꠦ ꠢꠣꠝꠖ, ꠇꠣꠅꠀꠟꠤ ꠀꠞ ꠎꠛꠥꠞ ꠡꠞꠤꠚꠞ ꠉꠎꠟ ꠉꠣꠅ।

ইঞ্জিল ১৪: ২-থিষল: 1:4

ꠀꠝꠞꠣ ꠔ ꠀꠟ꠆ꠟꠣꠞ ꠎꠝꠣꠔ ꠅꠇꠟꠞ ꠍꠣꠝꠘꠦ ꠔꠥꠝꠞꠣꠞꠦ ꠟꠁꠀ ꠛꠠꠣꠁ ꠇꠞꠤꠀꠞ, ꠇꠣꠞꠘ ꠅꠔ ꠎꠥꠟꠥꠝ-ꠝꠍꠤꠛꠔ ꠀꠞ ꠖꠥꠈ-ꠇꠡ꠆ꠐ ꠙꠣꠁꠀꠅ ꠔꠥꠝꠞꠣ ꠍꠛꠞ ꠇꠞꠍ ꠀꠞ ꠁꠝꠣꠘꠦ ꠐꠤꠇꠤꠀ ꠞꠁꠍ।

ইঞ্জিল ১৪: ২-থিষল: 3:1

ꠅ ꠜꠣꠁ ꠅꠇꠟ, ꠢꠦꠡ-ꠝꠦꠡ ꠇꠁꠞꠣꠝ, ꠀꠝꠞꠣꠞ ꠟꠣꠉꠤ ꠖꠥꠀ ꠇꠞꠤꠅ, ꠢꠎꠞꠔ ꠁꠍꠣꠞ ꠈꠥꠡ-ꠈꠛꠞꠤ ꠔꠥꠝꠞꠣꠞ ꠝꠣꠎꠦ ꠎꠦꠟꠣ ꠎꠟꠖꠤ ꠎꠟꠖꠤ ꠍꠤꠔ꠆ꠞꠤꠍꠤꠟ, ꠅꠃꠟꠣ ꠎꠣꠘꠥ ꠖꠤꠘ ꠖꠤꠘ ꠍꠤꠔ꠆ꠞꠣꠔ ꠞꠄ ꠀꠞ ꠉꠃꠞꠛ ꠙꠣꠅꠀꠔ ꠞꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:8

ꠀꠝꠤ ꠌꠣꠁꠞꠣꠝ, ꠢꠇꠟ ꠎꠣꠉꠣꠞ ꠛꠦꠐꠣꠁꠘ꠆ꠔꠦ ꠈꠣꠟꠤꠍ ꠘꠤꠅꠔꠦ ꠖꠥꠁꠅ ꠀꠔ ꠔꠥꠟꠤꠀ ꠝꠥꠘꠣꠎꠣꠔ ꠇꠞꠃꠇ। ꠔꠣꠞꠣꠞ ꠝꠘꠞ ꠝꠣꠎꠦ ꠇꠥꠘꠥꠎꠣꠔ ꠞꠣꠉ-ꠉꠥꠍꠣ ꠛꠣ ꠇꠣꠁꠎ꠆ꠎꠣ-ꠚꠍꠣꠖꠞ ꠜꠣꠛ ꠘꠣ ꠞꠃꠇ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:9

ꠀꠞ ꠅꠃ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠄꠃ ꠀꠝꠤ ꠖꠥꠈ-ꠇꠡ꠆ꠐ ꠙꠣꠁꠀꠞ। ꠖꠣꠉꠤ ꠀꠡꠣꠝꠤꠞ ꠟꠣꠈꠣꠘ ꠀꠝꠣꠞꠦ ꠛꠘ꠆ꠖꠤ ꠞꠣꠈꠣ ꠅꠁꠍꠦ, ꠅꠁꠟꠦ ꠀꠟ꠆ꠟꠣꠞ ꠇꠣꠟꠣꠝ ꠔ ꠛꠘ꠆ꠖꠤ ꠅꠁꠍꠦ ꠘꠣ।

Injil 25: 3-Hannan 1:12

ꠎꠣꠘ ꠘꠤ, ꠢꠇꠟꠦꠃ ꠖꠤꠝꠤꠔ꠆ꠞꠤ ꠜꠣꠁꠞ ꠡꠥꠘꠣꠝ ꠉꠣꠁꠞꠣ, ꠄꠝꠘꠇꠤ ꠡ꠆ꠛꠄꠅꠋ ꠀꠟ꠆ꠟꠣꠞ ꠢꠇꠦꠅ ꠄꠘ ꠔꠣꠞꠤꠚ ꠇꠞꠞꠣ। ꠀꠝꠞꠣꠅ ꠄꠘ ꠔꠣꠞꠤꠚ ꠇꠞꠞꠣꠝ, ꠀꠞ ꠔꠥꠝꠤ ꠔ ꠎꠣꠘ ꠀꠝꠞꠣꠞ ꠝꠥꠈꠞ ꠇꠕꠣ ꠢꠣꠍꠣ।

Injil 27: Zaira Kalam 14:6

ꠛꠣꠖꠦ ꠀꠝꠤ ꠀꠞꠇ ꠎꠘ ꠚꠤꠞꠤꠡ꠆ꠔꠣ ꠖꠦꠈꠟꠣꠝ, ꠄꠁꠘ ꠀꠍꠝꠣꠘꠞ ꠝꠣꠎꠦꠖꠤ ꠃꠠꠤꠞꠣ। ꠖꠥꠘꠤꠀꠔ ꠛꠡꠔ ꠇꠞꠞꠣ ꠙꠞꠔꠦꠇ ꠖꠦꠡ, ꠙꠞꠔꠦꠇ ꠈꠣꠘ꠆ꠖꠣꠘ, ꠙꠞꠔꠦꠇ ꠜꠣꠡꠣꠄ ꠝꠣꠔꠞꠣ ꠀꠞ ꠙꠞꠔꠦꠇ ꠎꠣꠔꠤꠞ ꠝꠣꠘꠡꠞ ꠟꠣꠉꠤ ꠌꠤꠞꠇꠣꠟꠤꠘ ꠈꠥꠡꠤꠞ ꠈꠛꠞ ꠔꠣꠘ ꠉꠦꠍꠦ ꠀꠍꠦ।

Injil 27: Zaira Kalam 22:17

ꠙꠣꠇ ꠞꠥꠢꠦ ꠀꠞ ꠇꠁꠘꠣꠄ ꠇꠁꠞꠣ, “ꠀꠅ।” ꠀꠞ ꠎꠦ ꠎꠘꠦ ꠅꠃ ꠇꠕꠣ ꠢꠥꠘꠦꠞ, ꠢꠦ-ꠅ ꠇꠃꠇ, “ꠀꠅ।” ꠙꠣꠘꠤꠞ ꠙꠤꠀꠍꠦ ꠎꠣꠞꠦ ꠗꠞꠍꠦ, ꠢꠦ ꠀꠃꠇ। ꠎꠦ ꠎꠘꠦ ꠙꠣꠘꠤ ꠈꠣꠁꠔ ꠌꠣꠄ, ꠢꠦ ꠛꠤꠘꠣ ꠙꠄꠡꠣꠄ ꠎꠤꠘ꠆ꠖꠦꠉꠤ-ꠙꠣꠘꠤ ꠈꠣꠃꠇ।