ইঞ্জিল ১৩: ১-থিষল: 1:5 - Siloṭi Asmani Kitab (Nagri lipi)

⁵ ꠀꠝꠞꠣꠞ ꠈꠥꠡ-ꠈꠛꠞꠤꠞ ꠔꠛꠟꠤꠉ ꠇꠣꠝ ꠔ ꠔꠥꠝꠞꠣꠞ ꠉꠦꠍꠦ ꠈꠣꠟꠤ ꠝꠥꠈꠞ ꠇꠕꠣꠃ ꠞꠁꠍꠦ ꠘꠣ, ꠛꠞꠋ ꠀꠟ꠆ꠟꠣꠁ ꠛꠟ, ꠙꠣꠇ ꠞꠥꠢꠥ, ꠀꠞ ꠘꠤꠌ꠆ꠌꠤꠔ ꠜꠞꠡꠣꠞ ꠃꠙꠞꠦ ꠌꠣꠟꠥ ꠅꠁꠍꠦ। ꠔꠥꠝꠞꠣꠞ ꠜꠣꠟꠣꠁꠞ ꠟꠣꠉꠤ ꠀꠝꠞꠣ ꠎꠦꠛꠟꠣ ꠔꠥꠝꠞꠣꠞ ꠟꠉꠦ ꠞꠁꠔꠣꠝ, ꠅꠃ ꠡꠝꠄ ꠇꠤꠟꠣꠘ ꠌꠟꠍꠤ, ꠁꠔꠣ ꠔ ꠔꠥꠝꠞꠣ ꠎꠣꠘꠃ।

ছিলটি আছমানি কিতাব (বাংলা লিপি)

⁵ আমরার খুশ-খবরির তবলিগ কাম তো তুমরার গেছে খালি মুখর কথাউ রইছে না, বরং আল্লাই বল, পাক রুহ, আর নিচ্চিত ভরসার উপরে চালু অইছে। তুমরার ভালাইর লাগি আমরা যেবলা তুমরার লগে রইতাম, অউ সময় কিলান চলছি, ইতা তো তুমরা জানোউ।

Siloṭi Asmani Kitab (Latin lipi)

⁵ Amrar kush-ḳobrir toblig kam to tumrar gese ḳali mukor ḳota-u roise na, borong Allai bol, Pak Ruhu, ar nichchit boroshar ufre salu oise. Tumrar balair lagi amra zebla tumrar loge roitam, ou shomoy kilan solchi, ita to tumra zano-u.

ইঞ্জিল ১৩: ১-থিষল: 1:5 Iomraidhean Croise

Injil 2: Markus 16:20

ꠛꠣꠖꠦ ꠍꠣꠢꠣꠛꠤ ꠅꠇꠟꠦ ꠢꠇꠟ ꠎꠣꠉꠣꠔ ꠉꠤꠀ ꠔꠛꠟꠤꠉ ꠇꠞꠟꠣ। ꠢꠎꠞꠔ ꠁꠍꠣꠄ ꠄꠞꠣꠞ ꠝꠣꠎꠖꠤ ꠇꠣꠝ ꠇꠞꠟꠣ, ꠀꠞ ꠄꠞꠣꠞꠦ ꠇꠦꠞꠣꠝꠔꠤ ꠇꠣꠝꠞ ꠔꠣꠇ꠆ꠇꠔ ꠖꠤꠀ ꠙꠞꠝꠣꠘ ꠖꠦꠈꠣꠁꠟꠣ, ꠄꠞꠣ ꠎꠦꠔꠣ ꠔꠛꠟꠤꠉ ꠇꠞꠞꠣ, ꠁꠔꠣ ꠢꠣꠍꠣ। ꠀꠝꠤꠘ॥

Injil 3: Luk 1:1

ꠝꠢꠣꠝꠣꠁꠘ꠆ꠘ ꠕꠤꠅꠚꠤꠟꠣꠍ, ꠀꠙꠘꠣꠞ ꠔ ꠎꠣꠘꠣ ꠀꠍꠦ, ꠀꠝꠞꠣꠞ ꠝꠣꠎꠦ ꠎꠦꠔꠣ ꠎꠦꠔꠣ ꠊꠐꠤꠍꠦ, ꠁꠔꠣ ꠎꠦꠞꠣ ꠙꠄꠟꠣ ꠕꠣꠇꠤꠃ ꠘꠤꠎꠞ ꠌꠃꠈꠦ ꠖꠦꠈꠍꠂꠘ ꠀꠞ ꠔꠛꠟꠤꠉꠅ ꠇꠞꠍꠂꠘ, ꠄꠞꠣꠞ ꠝꠥꠈꠞ ꠇꠕꠣ ꠢꠥꠘꠤꠀ ꠜꠣꠟꠣꠝꠘ꠆ꠔꠦ ꠡꠝꠎꠤꠀ ꠢꠣꠞꠤ, ꠛꠃꠔ ꠝꠥꠝꠤꠘꠦ ꠟꠦꠈꠣꠔ ꠟꠣꠉꠍꠂꠘ।

Injil 5: Sahabi Nama 11:21

ꠀꠞ ꠀꠟ꠆ꠟꠣꠄ ꠔꠣꠘ ꠇꠥꠖꠞꠔꠤ ꠛꠟꠦ ꠔꠣꠞꠣꠞꠦ ꠡꠣꠁꠎ꠆ꠎ ꠇꠞꠟꠣ, ꠔꠦꠃ ꠛꠃꠔ ꠝꠣꠘꠥꠡ ꠁꠝꠣꠘ ꠀꠘꠤꠀ ꠔꠣꠘ ꠝꠥꠈꠤ ꠅꠁꠟꠣ।

Injil 5: Sahabi Nama 16:14

ꠀꠞ ꠄꠞꠣꠞ ꠝꠣꠎꠦ ꠕꠥꠀꠔꠤꠞꠣ ꠐꠣꠃꠘꠞ ꠟꠥꠖꠤꠀ ꠘꠣꠝꠞ ꠅ-ꠁꠢꠥꠖꠤ ꠀꠟ꠆ꠟꠣꠞꠣꠁꠀ ꠄꠇ ꠛꠦꠐꠤ ꠝꠣꠘꠥꠡ ꠀꠍꠟꠣ, ꠄꠁꠘ ꠛꠣꠁꠋꠉꠘꠤ ꠞꠋꠉꠞ ꠈꠣꠘ꠆ꠖꠣꠘꠤ ꠇꠣꠙꠠꠞ ꠇꠣꠞꠛꠣꠞ ꠇꠞꠔꠣ। ꠔꠣꠁꠘ ꠀꠝꠞꠣꠞ ꠛꠄꠀꠘ ꠢꠥꠘꠣꠔ ꠀꠍꠟꠣ, ꠀꠞ ꠝꠣꠛꠥꠖꠦ ꠔꠣꠘ ꠖꠤꠟꠞ ꠖꠥꠀꠞ ꠈꠥꠟꠤꠀ ꠖꠤꠟꠣꠁꠟꠣ, ꠎꠣꠔꠦ ꠔꠣꠁꠘ ꠙꠣꠃꠟꠥꠍꠞ ꠛꠄꠀꠘ ꠖꠤꠟ ꠖꠤꠀ ꠢꠥꠘꠂꠘ।

Injil 5: Sahabi Nama 2:33

ꠀꠟ꠆ꠟꠣꠞ ꠒꠣꠁꠘꠞ ꠔꠈ꠆ꠔꠅ ꠛꠁꠛꠣꠞ ꠔꠣꠇ꠆ꠇꠔ ꠔꠣꠘꠞꠦꠃ ꠖꠦꠅꠀ ꠅꠁꠍꠦ, ꠉꠣꠁꠛꠤ ꠛꠣꠚꠞ ꠅꠀꠖꠣ ꠇꠞꠣ ꠙꠣꠇ ꠞꠥꠢꠥ ꠔꠣꠁꠘꠃ ꠙꠣꠁꠍꠟꠣ, ꠀꠞ ꠅꠈꠘ ꠀꠙꠘꠣꠞꠣ ꠎꠦꠔꠣ ꠖꠦꠈꠞꠣ ꠀꠞ ꠢꠥꠘꠞꠣ ꠁꠔꠣ ꠔꠣꠁꠘꠃ ꠇꠞꠍꠂꠘ।

Injil 6: Ruman 1:16

ꠇꠣꠞꠘ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠔꠦ ꠀꠝꠤ ꠇꠥꠘꠥ ꠡꠞꠝ ꠝꠘꠅ ꠇꠞꠤ ꠘꠣ, ꠅꠃ ꠈꠥꠡ-ꠈꠛꠞꠤ ꠢꠥꠘꠤꠀ ꠎꠦꠞꠣ ꠁꠝꠣꠘ ꠀꠘꠦ, ꠔꠣꠞꠣꠞ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠁꠐꠣ ꠅꠁꠟ ꠀꠟ꠆ꠟꠣꠁ ꠛꠟ। ꠙꠄꠟꠣ ꠛꠘꠤ ꠁꠍꠞꠣꠁꠟꠞ ꠟꠣꠉꠤ ꠎꠦꠞꠣ ꠄꠇ ꠀꠟ꠆ꠟꠣ ꠝꠣꠘꠂꠘ, ꠛꠣꠖꠦ ꠛꠦ-ꠖꠤꠘ ꠜꠤꠘ ꠎꠣꠔꠤ ꠅꠇꠟꠞ ꠟꠣꠉꠤ।

Injil 6: Ruman 15:13

ꠔꠦ ꠖꠤꠟꠞ ꠝꠣꠎꠦ ꠀꠡꠣ ꠖꠦꠅꠞꠣ ꠀꠟ꠆ꠟꠣꠄ ꠁꠝꠣꠘꠞ ꠛꠟꠦ, ꠔꠥꠝꠞꠣꠞꠦ ꠢꠇꠟ ꠟꠣꠈꠣꠘ ꠈꠥꠡꠤ-ꠛꠣꠡꠤ ꠀꠞ ꠡꠣꠘ꠆ꠔꠤꠞ ꠝꠣꠎꠦ ꠢꠣꠛꠥꠒꠥꠛꠥ ꠈꠣꠅꠀꠃꠇ꠆ꠇꠣ। ꠔꠦꠃ ꠀꠟ꠆ꠟꠣꠁ ꠙꠣꠇ ꠞꠥꠢꠥꠞ ꠇꠥꠖꠞꠔꠤꠄ ꠔꠥꠝꠞꠣꠞ ꠀꠡꠣ-ꠜꠞꠡꠣ ꠛꠣꠁꠀ ꠙꠠꠛ।

Injil 6: Ruman 2:16

ꠔꠦ ꠀꠟ꠆ꠟꠣꠄ ꠎꠦꠖꠤꠘ ꠁꠍꠣ ꠀꠟ-ꠝꠍꠤꠞ ꠝꠣꠎꠖꠤ ꠢꠇꠟ ꠝꠣꠘꠡꠞ ꠟꠥꠇꠣꠁꠟ ꠀꠝꠟꠞ ꠛꠤꠌꠣꠞ ꠇꠞꠛꠣ, ꠢꠃ ꠖꠤꠘꠃ ꠁꠔꠣ ꠎꠣꠁꠞ ꠅꠁꠛ। ꠀꠞ ꠀꠝꠤ ꠅꠈꠘ ꠎꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤꠀꠞ, ꠅꠃ ꠝꠣꠚꠤꠇꠃ ꠛꠤꠌꠣꠞ ꠅꠁꠛ।

Injil 7: 1-Korintia 1:24

ꠅꠁꠟꠦ ꠛꠘꠤ ꠁꠍꠞꠣꠁꠟ ꠅꠃꠇ꠆ꠇꠣ ꠛꠣ ꠁꠃꠘꠣꠘꠤ ꠅꠃꠇ꠆ꠇꠣ, ꠀꠟ꠆ꠟꠣꠞ ꠖꠣꠅꠔꠤ ꠛꠘ꠆ꠖꠣ ꠅꠇꠟꠞ ꠉꠦꠍꠦ ꠅꠃ ꠀꠟ-ꠝꠍꠤꠃ ꠅꠁꠟꠣ ꠀꠟ꠆ꠟꠣꠁ ꠀꠈꠟ ꠀꠞ ꠀꠟ꠆ꠟꠣꠁ ꠛꠟ।

Injil 7: 1-Korintia 10:33

ꠀꠝꠤ ꠎꠦꠟꠣ ꠢꠇꠟ ꠘꠝꠥꠘꠣꠞ ꠝꠣꠘꠡꠞꠦ ꠢꠇꠟ ꠛꠦꠙꠣꠞꠦ ꠈꠥꠡ ꠞꠣꠈꠣꠞ ꠌꠦꠡ꠆ꠐꠣ ꠇꠞꠤ, ꠔꠥꠝꠞꠣꠅ ꠅꠃꠟꠣ ꠇꠞꠤꠅ। ꠀꠝꠤ ꠔ ꠘꠤꠎꠞ ꠡ꠆ꠛꠣꠞꠕꠞ ꠌꠤꠘ꠆ꠔꠣ ꠇꠞꠤ ꠘꠣ, ꠡꠛ ꠝꠣꠘꠡꠞ ꠜꠣꠟꠣꠁꠞ ꠌꠦꠡ꠆ꠐꠣ ꠇꠞꠤ, ꠎꠣꠔꠦ ꠔꠣꠞꠣ ꠘꠣꠎꠣꠔ ꠢꠣꠍꠤꠟ ꠇꠞꠂꠘ।

Injil 7: 1-Korintia 3:16

ꠔꠥꠝꠞꠣ ꠎꠣꠘ ꠘꠣ ꠘꠤ, ꠔꠥꠝꠞꠣ ꠅꠁꠟꠣꠄ ꠀꠟ꠆ꠟꠣꠞ ꠇꠣꠛꠣ ꠊꠞ, ꠔꠥꠝꠞꠣꠞ ꠝꠣꠎꠦ ꠔꠣꠘ ꠙꠣꠇ ꠞꠥꠢꠥ ꠛꠡꠔ ꠇꠞꠂꠘ?

Injil 7: 1-Korintia 3:6

ꠀꠝꠤ ꠛꠤꠌ ꠟꠣꠉꠣꠁꠍꠤ, ꠀꠙꠟ꠆ꠟꠍꠦ ꠙꠣꠘꠤ ꠖꠤꠍꠂꠘ, ꠀꠞ ꠀꠟ꠆ꠟꠣꠄ ꠁꠔꠣꠞꠦ ꠛꠠ ꠇꠞꠍꠂꠘ।

Injil 7: 1-Korintia 4:20

ꠀꠟ꠆ꠟꠣꠞ ꠛꠣꠖꠡꠣꠁ ꠔ ꠝꠣꠔ-ꠇꠕꠣꠞ ꠛꠦꠙꠣꠞ ꠘꠣꠄ, ꠁꠔꠣ ꠅꠁꠟ ꠇꠥꠖꠞꠔꠤ ꠈꠦꠝꠔꠣꠞ ꠛꠦꠙꠣꠞ।

Injil 7: 1-Korintia 9:14

ꠑꠤꠇ ꠅꠟꠣꠈꠣꠘ ꠝꠣꠟꠤꠇ ꠁꠍꠣꠞ ꠢꠥꠇꠥꠝ ꠀꠍꠦ, ꠎꠣꠞꠣ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠂꠘ, ꠔꠣꠞꠣ ꠎꠣꠘꠥ ꠅꠃ ꠇꠣꠝꠞ ꠃꠍꠤꠟ꠆ꠟꠣꠄ ꠈꠣꠅꠀ-ꠚꠤꠘ꠆ꠖꠣ ꠙꠣꠁꠘ।

Injil 8: 2-Korintia 3:6

ꠀꠟ꠆ꠟꠣꠞ ꠟꠉꠦ ꠝꠤꠟꠘꠞ ꠘꠄꠀ ꠃꠍꠤꠟ꠆ꠟꠣꠞ ꠇꠕꠣ ꠎꠣꠘꠣꠘꠤꠞ ꠟꠣꠉꠤ, ꠔꠣꠁꠘꠃ ꠀꠝꠞꠣꠞꠦ ꠁ ꠈꠦꠎꠝꠔꠤ ꠉꠥꠘ ꠖꠣꠘ ꠇꠞꠍꠂꠘ। ꠁ ꠃꠍꠤꠟ꠆ꠟꠣ ꠔ ꠅꠇ꠆ꠇꠞꠦ ꠅꠇ꠆ꠇꠞꠦ ꠡꠞꠤꠅꠔ ꠝꠣꠘꠣꠞ ꠛꠦꠙꠣꠞ ꠘꠣꠄ, ꠛꠞꠋ ꠙꠣꠇ ꠞꠥꠢꠥꠞ ꠙꠞꠤꠌꠣꠟꠘꠣꠄ ꠖꠤꠟꠞ ꠁꠝꠣꠘ-ꠀꠇꠤꠖꠣꠞ ꠛꠦꠙꠣꠞ। ꠇꠣꠞꠘ ꠅꠇ꠆ꠇꠞꠦ ꠝꠃꠔ, ꠀꠞ ꠞꠥꠢꠦ ꠎꠤꠘ꠆ꠖꠦꠉꠤ।

Injil 9: Galatia 2:2

ꠀꠟ꠆ꠟꠣꠁ ꠢꠥꠇꠥꠝꠦ ꠀꠝꠤ ꠢꠘꠅ ꠉꠦꠟꠣꠝ। ꠉꠤꠀ ꠢꠘꠞ ꠜꠣꠁꠀꠁꠘꠞꠦ ꠇꠁꠟꠣꠝ, ꠅꠁꠘ꠆ꠘꠣꠁꠘ꠆ꠘ ꠎꠣꠔꠤꠞ ꠉꠦꠍꠦ ꠀꠝꠤ ꠇꠥꠘ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤ। ꠅꠁꠟꠦ ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠞꠦ ꠁꠔꠣ ꠘꠤꠞꠣꠟꠣꠄ ꠇꠁꠟꠣꠝ, ꠀꠝꠣꠞ ꠌꠤꠘ꠆ꠔꠣ ꠀꠍꠤꠟ, ꠀꠝꠣꠞ ꠅꠔ ꠖꠃꠠꠞ ꠇꠣꠝ ꠎꠣꠔꠦ ꠛꠦꠇꠣꠝꠣ ꠘꠣ ꠎꠣꠄ।

Injil 9: Galatia 5:5

ꠅꠁꠟꠦ ꠀꠝꠞꠣꠞꠦ ꠖꠤꠘꠖꠣꠞ ꠇꠁꠀ ꠇꠛꠥꠟ ꠇꠞꠣ ꠅꠁꠛ, ꠁꠝꠣꠘꠦ ꠅꠃ ꠘꠤꠌꠄꠅꠔꠣ ꠙꠣꠁꠀ ꠙꠣꠇ ꠞꠥꠢꠥꠞ ꠛꠟꠦ ꠀꠝꠞꠣ ꠛꠣꠞ ꠌꠣꠁꠞꠣꠝ।

Injil 10: Ifisia 2:10

ꠀꠝꠞꠣ ꠔ ꠀꠟ꠆ꠟꠣ ꠙꠣꠇꠞ ꠀꠔꠞ ꠙꠄꠖꠣ। ꠔꠣꠁꠘ ꠀꠟ-ꠝꠍꠤꠞ ꠃꠝ꠆ꠝꠔ ꠢꠤꠡꠣꠛꠦ ꠀꠝꠞꠣꠞꠦ ꠢꠤꠞꠛꠣꠞ ꠘꠄꠀ ꠇꠞꠤ ꠙꠄꠖꠣ ꠇꠞꠍꠂꠘ, ꠎꠣꠔꠦ ꠀꠝꠞꠣ ꠘꠦꠇ ꠇꠣꠝ ꠇꠞꠤ। ꠅꠃ ꠘꠦꠇ ꠇꠣꠝ ꠔꠣꠁꠘ ꠀꠉꠦ ꠕꠣꠇꠤꠃ ꠑꠤꠇ ꠇꠞꠤꠀ ꠞꠣꠈꠍꠤꠟꠣ ꠎꠣꠔꠦ ꠀꠝꠞꠣ ꠅꠟꠣ ꠎꠤꠘ꠆ꠖꠦꠉꠤ ꠇꠣꠐꠣꠁ।

Injil 10: Ifisia 3:20

ꠀꠍꠟꠦ ꠀꠟ꠆ꠟꠣꠞ ꠎꠦ ꠇꠥꠖꠞꠔꠤ ꠛꠟꠦ ꠀꠝꠞꠣꠞ ꠖꠤꠟꠞ ꠝꠣꠎꠦ ꠇꠣꠝ ꠇꠞꠦ, ꠢꠃ ꠛꠟꠞ ꠃꠍꠤꠟ꠆ꠟꠣꠄ ꠀꠝꠞꠣꠞ ꠌꠤꠘ꠆ꠔꠣ-ꠜꠣꠛꠘꠣ ꠛꠣ ꠌꠣꠅꠀ-ꠙꠣꠅꠀ ꠕꠣꠇꠤ ꠀꠞꠅ ꠛꠃꠔ ꠛꠦꠡꠤ ꠇꠣꠝ ꠔꠣꠁꠘ ꠇꠞꠔꠣ ꠙꠣꠞꠂꠘ।

Injil 11: Filifia 2:13

ꠛꠥꠎꠞꠣꠄ ꠘꠤ, ꠀꠟ꠆ꠟꠣꠄ ꠔꠥꠝꠞꠣꠞ ꠖꠤꠟꠞ ꠝꠣꠎꠦ ꠅꠟꠣ ꠄꠇ ꠜꠣꠛ ꠖꠣꠘ ꠇꠞꠍꠂꠘ, ꠁꠔꠣ ꠀꠝꠟ ꠇꠞꠟꠦ ꠔꠣꠁꠘ ꠈꠥꠡꠤ ꠅꠁꠘ, ꠅꠃ ꠀꠝꠟ ꠇꠞꠣꠞ ꠘꠤꠅꠔ ꠀꠞ ꠔꠣꠇ꠆ꠇꠔꠅ ꠔꠣꠁꠘ ꠔꠥꠝꠞꠣꠞꠦ ꠖꠤꠍꠂꠘ।

Injil 11: Filifia 4:9

ꠔꠥꠝꠞꠣ ꠀꠝꠣꠞ ꠉꠦꠍ ꠕꠣꠇꠤ ꠎꠦ ꠔꠣꠟꠤꠝ ꠙꠣꠁꠍ, ꠎꠦꠔꠣ ꠢꠥꠘꠍ, ꠎꠦꠔꠣ ꠖꠦꠈꠍ, ꠀꠞ ꠎꠦꠔꠣ ꠇꠛꠥꠟ ꠇꠞꠍ ꠅꠔꠣ ꠅꠈꠘ ꠀꠝꠟ ꠇꠞꠅ। ꠔꠦꠃ ꠡꠣꠘ꠆ꠔꠤ ꠖꠦꠅꠞꠣ ꠀꠟ꠆ꠟꠣꠅ ꠔꠥꠝꠞꠣꠞ ꠟꠉꠦ ꠟꠉꠦ ꠞꠁꠛꠣ।

Injil 12: Kolosia 2:2

ꠀꠝꠤ ꠌꠣꠁꠞꠣꠝ, ꠔꠣꠞꠣꠞ ꠖꠤꠟꠅ ꠜꠞꠡꠣ ꠙꠣꠁꠀ ꠝꠢꠛ꠆ꠛꠔꠦ ꠄꠇ ꠅꠃꠇ। ꠀꠞ ꠙꠥꠞꠣꠙꠥꠞ ꠀꠈꠟꠦ ꠀꠈꠟꠖꠣꠞ ꠛꠘꠤꠀ ꠘꠤꠌ꠆ꠌꠤꠔ ꠅꠃꠇ। ꠔꠦꠃ ꠀꠟ꠆ꠟꠣꠞ ꠟꠥꠇꠣꠁꠟ ꠛꠣꠔꠥꠘꠤ ꠜꠦꠖ ꠛꠥꠎꠛ, ꠝꠣꠘꠤ ꠀꠟ-ꠝꠍꠤꠞꠦ ꠔꠣꠞꠣ ꠌꠤꠘꠛ।

ইঞ্জিল ১৩: ১-থিষল: 2:13

ꠝꠘꠅ ꠞꠣꠈꠤꠅ, ꠀꠝꠞꠣ ꠢꠣꠝꠦꠡꠣ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠞꠣꠝ, ꠇꠣꠞꠘ ꠀꠝꠞꠣꠞ ꠉꠦꠍ ꠕꠣꠇꠤ ꠀꠟ꠆ꠟꠣꠞ ꠇꠣꠟꠣꠝ ꠢꠥꠘꠤꠀ ꠔꠥꠝꠞꠣ ꠎꠦꠛꠟꠣ ꠁꠝꠣꠘ ꠀꠘꠍꠤꠟꠣꠄ, ꠢꠃ ꠡꠝꠄ ꠇꠥꠘꠥ ꠝꠣꠘꠡꠞ ꠝꠥꠈꠞ ꠇꠕꠣ ꠘꠣꠄ, ꠛꠞꠋ ꠀꠟ꠆ꠟꠣꠞ ꠇꠣꠟꠣꠝ ꠢꠤꠡꠣꠛꠦꠃ ꠔꠥꠝꠞꠣ ꠁꠔꠣ ꠇꠛꠥꠟ ꠇꠞꠍꠤꠟꠣꠄ, ꠀꠞ ꠢꠣꠍꠣꠃ ꠁꠔꠣ ꠀꠟ꠆ꠟꠣꠞ ꠇꠣꠟꠣꠝ। ꠔꠥꠝꠞꠣ ꠎꠦꠞꠣ ꠁꠝꠣꠘ ꠀꠘꠍ, ꠢꠃ ꠇꠣꠟꠣꠝꠦꠃ ꠔꠥꠝꠞꠣꠞ ꠖꠤꠟꠅ ꠇꠣꠝ ꠇꠞꠦꠞ।

ইঞ্জিল ১৪: ২-থিষল: 2:14

ꠀꠝꠞꠣ ꠎꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠍꠤ, ꠄꠞ ꠃꠍꠤꠟ꠆ꠟꠣꠄ ꠘꠣꠎꠣꠔ ꠙꠣꠅꠀꠞ ꠟꠣꠉꠤ ꠀꠟ꠆ꠟꠣꠄ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠂꠘ, ꠎꠣꠔꠦ ꠔꠥꠝꠞꠣ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠝꠢꠤꠝꠣꠔ ꠡꠞꠤꠇ ꠅꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:10

ꠀꠟ꠆ꠟꠣꠄ ꠎꠦꠞꠣꠞꠦ ꠙꠍꠘ꠆ꠖ ꠇꠞꠤꠀ ꠀꠟꠉ ꠇꠞꠍꠂꠘ, ꠔꠣꠞꠣꠞ ꠟꠣꠉꠤ ꠀꠝꠤ ꠢꠇ꠆ꠇꠟꠔꠣ ꠡꠁꠎ꠆ꠎ ꠇꠞꠤꠀꠞ, ꠎꠣꠔꠦ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠔꠣꠞꠣ ꠘꠣꠎꠣꠔ ꠙꠣꠁꠘ, ꠟꠉꠦ ꠌꠤꠞꠇꠣꠟꠤꠘ ꠉꠃꠞꠛ-ꠝꠢꠤꠝꠣꠅ ꠙꠣꠁꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:8

ꠁꠍꠣ ꠀꠟ-ꠝꠍꠤꠞ ꠛꠦꠙꠣꠞꠦ ꠔꠥꠝꠤ ꠅꠈꠣꠘ ꠝꠘꠅ ꠞꠣꠈꠤꠅ, ꠔꠣꠘꠞꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠇꠞꠣ ꠅꠁꠍꠤꠟ, ꠔꠣꠁꠘ ꠅꠁꠟꠣ ꠛꠣꠖꠡꠣ ꠖꠣꠃꠖ ꠘꠛꠤꠞ ꠛꠋꠡꠗꠞ, ꠀꠝꠣꠞ ꠇꠅꠀ ꠈꠥꠡ-ꠈꠛꠞꠤꠞ ꠝꠣꠎꠦꠅ ꠁꠈꠣꠘ ꠀꠍꠦ।

Injil 19: Ibrani 10:22

ꠄꠞꠟꠣꠉꠤ ꠀꠅ, ꠁꠝꠣꠘꠞ ꠝꠣꠎꠖꠤ ꠀꠝꠞꠣ ꠙꠥꠞꠣꠙꠥꠞ ꠘꠤꠌ꠆ꠌꠤꠔ ꠛꠘꠤꠀ ꠈꠣꠐꠤ ꠖꠤꠟꠦ ꠀꠟ꠆ꠟꠣꠞ ꠖꠞꠛꠣꠞꠅ ꠀꠎꠤꠞ ꠅꠁ; ꠇꠣꠞꠘ ꠖꠥꠡꠤ ꠛꠤꠛꠦꠇꠞ ꠀꠔ ꠕꠣꠇꠤ ꠀꠝꠞꠣꠞ ꠖꠤꠟꠞꠦ ꠀꠟ-ꠝꠍꠤꠞ ꠟꠃꠄ ꠙꠣꠇ-ꠍꠣꠚ ꠛꠣꠘꠣꠁꠍꠦ, ꠀꠞ ꠙꠞꠤꠡ꠆ꠇꠣꠞ ꠙꠣꠘꠤ ꠖꠤꠀ ꠀꠝꠞꠣꠞꠦ ꠘꠣꠅꠀꠁꠟ ꠅꠁꠍꠦ।

Injil 19: Ibrani 6:11

ꠀꠝꠞꠣꠞ ꠈꠥꠛ ꠁꠌ꠆ꠍꠣ ꠅꠁꠟ, ꠔꠥꠝꠞꠣ ꠙꠞꠔꠦꠇ ꠎꠘꠦꠃ ꠢꠦꠡ ꠙꠞ꠆ꠎꠘ꠆ꠔ ꠄꠇꠁ ꠟꠣꠈꠣꠘ ꠇꠣꠝ ꠇꠞꠣꠔ ꠀꠉꠥꠀꠁ ꠀꠁꠛꠣꠄ, ꠎꠣꠔꠦ ꠔꠥꠝꠞꠣꠞ ꠀꠡꠣ ꠙꠥꠞꠣ ꠅꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 1:12

ꠅꠁꠟꠦ ꠀꠟ꠆ꠟꠣꠄ ꠔꠣꠞꠣꠞꠦ ꠖꠦꠈꠣꠁꠀ ꠖꠤꠍꠂꠘ, ꠔꠣꠞꠣ ꠎꠦꠔꠣ ꠛꠣꠔꠣꠁꠞꠣ ꠁꠔꠣ ꠖꠤꠀ ꠔꠣꠞꠣꠞ ꠘꠤꠎꠞ ꠈꠦꠎꠝꠔ ꠘꠣ ꠇꠞꠤꠀ, ꠔꠥꠝꠞꠣꠞ ꠈꠦꠎꠝꠔ ꠇꠞꠞꠣ। ꠀꠍꠝꠣꠘ ꠕꠣꠇꠤ ꠙꠣꠑꠣꠁꠟ ꠙꠣꠇ ꠞꠥꠢꠥ ꠖꠤꠀ, ꠎꠦꠞꠣ ꠔꠥꠝꠞꠣꠞ ꠉꠦꠍꠦ ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠍꠂꠘ, ꠔꠣꠞꠣ ꠔꠥꠝꠞꠣꠞꠦ ꠘꠛꠤ ꠅꠇꠟꠞ ꠇꠕꠣꠃ ꠎꠣꠘꠣꠁꠍꠂꠘ। ꠚꠤꠞꠤꠡ꠆ꠔꠣ ꠅꠇꠟꠦꠅ ꠁꠔꠣ ꠛꠦꠙꠣꠞ ꠎꠣꠘꠣꠞ ꠟꠣꠉꠤ ꠈꠤꠀꠟꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 1:3

ꠢꠃ ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠅꠃꠇ, ꠎꠦꠁꠘ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠝꠣꠛꠥꠖ ꠀꠞ ꠉꠣꠁꠛꠤ ꠛꠣꠚ। ꠔꠣꠁꠘ ꠁꠍꠣ ꠀꠟ-ꠝꠍꠤꠞꠦ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠇꠞꠤꠀ, ꠔꠣꠘ ꠝꠢꠣ ꠖꠄꠀꠄ ꠀꠝꠞꠣꠞꠦ ꠘꠄꠀ ꠎꠘꠝ ꠖꠣꠘ ꠇꠞꠍꠂꠘ, ꠄꠔꠦ ꠀꠝꠞꠣ ꠄꠇ ꠎꠤꠘ꠆ꠖꠣ ꠀꠡꠣ ꠙꠣꠁꠍꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 5:3

ꠔꠥꠝꠞꠣꠞ ꠀꠅꠔꠣꠄ ꠎꠦꠞꠣ ꠀꠍꠦ, ꠄꠞꠣꠞ ꠃꠙꠞꠦ ꠝꠥꠍꠖ꠆ꠖꠞꠤ ꠇꠞꠤꠅ ꠘꠣ, ꠛꠞꠋ ꠙꠣꠟꠞ ꠞꠣꠈꠣꠟꠤ ꠇꠞꠤꠀ ꠔꠣꠞꠣꠞ ꠉꠦꠍꠦ ꠘꠝꠥꠘꠣ ꠛꠘꠅ।

ꠁꠘ꠆ꠎꠤꠟ ২২: ২-ꠙꠤꠔꠞ 1:10

ꠄꠞꠟꠣꠉꠤ ꠜꠣꠁ ꠅꠇꠟ ꠢꠥꠘꠅ, ꠀꠟ꠆ꠟꠣꠄ ꠎꠦꠘ ꠢꠣꠍꠣꠃ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ ꠀꠞ ꠙꠍꠘ꠆ꠖ ꠇꠞꠍꠂꠘ, ꠁꠔꠣ ꠘꠤꠌ꠆ꠌꠤꠔ ꠇꠞꠣꠞ ꠟꠣꠉꠤ ꠀꠞꠅ ꠛꠦꠡꠤ ꠈꠤꠀꠟꠤ ꠅꠅ। ꠁꠟꠣ ꠇꠞꠟꠦ ꠔꠥꠝꠞꠣ ꠇꠥꠘꠥ ꠡꠝꠄ ꠃꠡ꠆ꠐꠣ ꠈꠣꠁꠔꠣꠄ ꠘꠣꠄ।

ꠁꠘ꠆ꠎꠤꠟ ২২: ২-ꠙꠤꠔꠞ 1:19

ꠀꠞ ꠀꠝꠞꠣꠞ ꠟꠣꠉꠤ ꠀꠞꠅ ꠛꠠ ꠙꠞꠝꠣꠘ ꠅꠁꠟ, ꠙꠣꠇ ꠇꠤꠔꠣꠛꠅ ꠘꠛꠤ ꠅꠇꠟꠦ ꠎꠔꠔꠣ ꠛꠣꠔꠣꠁ ꠉꠦꠍꠂꠘ। ꠀꠘ꠆ꠖꠣꠞꠤꠞ ꠝꠣꠎꠦ ꠔꠥꠝꠞꠣꠞ ꠌꠃꠈ ꠎꠦꠟꠣꠈꠣꠘ ꠞꠥꠡꠘꠤꠞ ꠛꠣꠄ ꠕꠣꠇꠦ, ꠑꠤꠇ ꠅꠟꠣꠈꠣꠘ ꠎꠔ ꠡꠝꠄ ꠛꠤꠀꠘ ꠅꠁꠍꠦ ꠘꠣ ꠀꠞ ꠔꠥꠝꠞꠣꠞ ꠖꠤꠟꠅ ꠚꠎꠞꠞ ꠡꠥꠇ-ꠔꠦꠞꠣ ꠃꠑꠍꠦ ꠘꠣ, ꠅꠔ ꠡꠝꠄ ꠔꠥꠝꠞꠣ ꠘꠛꠤ ꠅꠇꠟꠞ ꠇꠕꠣꠄ ꠈꠤꠀꠟꠤ ꠅꠅ, ꠔꠦꠃ ꠔꠥꠝꠞꠣꠞ ꠜꠣꠟꠣ ꠅꠁꠛ।