ইঞ্জিল ১৩: ১-থিষল: 1:2 - Siloṭi Asmani Kitab (Nagri lipi)

² ꠀꠝꠞꠣ ꠖꠥꠀ ꠇꠞꠣꠞ ꠛꠣꠟꠣ ꠢꠣꠝꠦꠡꠣ ꠔꠥꠝꠞꠣꠞ ꠎꠝꠣꠔꠞ ꠢꠇꠟꠞ ꠘꠣꠝ ꠝꠘꠅ ꠇꠞꠤꠀ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤ।

ছিলটি আছমানি কিতাব (বাংলা লিপি)

² আমরা দোয়া করার বালা হামেশা তুমরার জমাতর হকলর নাম মনো করিয়া আল্লার শুকরিয়া আদায় করি।

Siloṭi Asmani Kitab (Latin lipi)

² Amra dua ḳorar bala hamesha tumrar zomator hoḳlor nam mono ḳoria Allar shukria adae ḳori.

ইঞ্জিল ১৩: ১-থিষল: 1:2 Iomraidhean Croise

Injil 6: Ruman 6:17

ꠀꠟ꠆ꠟꠣ ꠙꠣꠇꠞ ꠡꠥꠇꠥꠞ, ꠀꠉꠦ ꠎꠥꠖꠤꠅ ꠔꠥꠝꠞꠣ ꠉꠥꠘꠣꠞ ꠉꠥꠟꠣꠝ ꠀꠍꠟꠣꠄ, ꠔꠣ-ꠅ ꠁꠍꠣꠄꠁ ꠔꠞꠤꠇꠣꠞ ꠔꠣꠟꠤꠝ ꠙꠣꠁꠀ ꠢꠣꠞꠤ, ꠖꠤꠟꠦ-ꠎꠣꠘꠦ ꠁꠔꠣꠞ ꠀꠡꠤꠇ ꠅꠁꠍ।

Injil 7: 1-Korintia 1:4

ꠀꠝꠤ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠀꠝꠣꠞ ꠀꠟ꠆ꠟꠣꠞ ꠖꠞꠛꠣꠞꠅ ꠡꠥꠇꠞꠤꠀ ꠀꠖꠣꠄ ꠇꠞꠤ, ꠇꠣꠞꠘ ꠁꠍꠣ ꠀꠟ-ꠝꠍꠤꠞ ꠔꠞꠤꠇꠣ ꠇꠛꠥꠟ ꠇꠞꠣꠄ ꠔꠥꠝꠞꠣ ꠀꠟ꠆ꠟꠣꠞ ꠞꠢꠝꠔꠞ ꠔꠟꠦ ꠀꠁꠍ।

Injil 12: Kolosia 1:3

ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠔꠥꠝꠞꠣꠞ ꠁꠝꠣꠘ ꠀꠞ ꠀꠟ꠆ꠟꠣꠞ ꠙꠣꠇ ꠛꠘ꠆ꠖꠣ ꠅꠇꠟꠞꠦ ꠝꠣꠄꠀ ꠇꠞꠣꠞ ꠇꠕꠣ ꠀꠝꠞꠣ ꠢꠥꠘꠍꠤ। ꠄꠞꠟꠣꠉꠤ ꠎꠦꠛꠟꠣꠃ ꠔꠥꠝꠞꠣꠞ ꠟꠣꠉꠤ ꠖꠥꠀ ꠇꠞꠤ, ꠅꠃ ꠡꠝꠄ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠡꠥꠇꠞꠤꠀ ꠀꠖꠣꠄ ꠇꠞꠤ।

ইঞ্জিল ১৩: ১-থিষল: 2:13

ꠝꠘꠅ ꠞꠣꠈꠤꠅ, ꠀꠝꠞꠣ ꠢꠣꠝꠦꠡꠣ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠞꠣꠝ, ꠇꠣꠞꠘ ꠀꠝꠞꠣꠞ ꠉꠦꠍ ꠕꠣꠇꠤ ꠀꠟ꠆ꠟꠣꠞ ꠇꠣꠟꠣꠝ ꠢꠥꠘꠤꠀ ꠔꠥꠝꠞꠣ ꠎꠦꠛꠟꠣ ꠁꠝꠣꠘ ꠀꠘꠍꠤꠟꠣꠄ, ꠢꠃ ꠡꠝꠄ ꠇꠥꠘꠥ ꠝꠣꠘꠡꠞ ꠝꠥꠈꠞ ꠇꠕꠣ ꠘꠣꠄ, ꠛꠞꠋ ꠀꠟ꠆ꠟꠣꠞ ꠇꠣꠟꠣꠝ ꠢꠤꠡꠣꠛꠦꠃ ꠔꠥꠝꠞꠣ ꠁꠔꠣ ꠇꠛꠥꠟ ꠇꠞꠍꠤꠟꠣꠄ, ꠀꠞ ꠢꠣꠍꠣꠃ ꠁꠔꠣ ꠀꠟ꠆ꠟꠣꠞ ꠇꠣꠟꠣꠝ। ꠔꠥꠝꠞꠣ ꠎꠦꠞꠣ ꠁꠝꠣꠘ ꠀꠘꠍ, ꠢꠃ ꠇꠣꠟꠣꠝꠦꠃ ꠔꠥꠝꠞꠣꠞ ꠖꠤꠟꠅ ꠇꠣꠝ ꠇꠞꠦꠞ।

ইঞ্জিল ১৩: ১-থিষল: 3:9

ꠔꠥꠝꠞꠣꠞꠦ ꠟꠁꠀ ꠀꠟ꠆ꠟꠣꠞ ꠖꠞꠛꠣꠞꠅ ꠀꠝꠞꠣ ꠎꠦ ꠈꠥꠡꠤ-ꠛꠣꠡꠤ ꠇꠞꠤꠀꠞ, ꠁꠔꠣꠞ ꠟꠣꠉꠤ ꠀꠝꠞꠣ ꠇꠤꠟꠣ ꠀꠟ꠆ꠟꠣꠞ ꠡꠥꠇꠞꠤꠀ ꠎꠣꠘꠣꠁꠔꠣꠝ, ꠎꠣꠘꠞꠣꠝ ꠘꠣ।

ইঞ্জিল ১৪: ২-থিষল: 1:3

ꠜꠣꠁ ꠅꠇꠟ, ꠀꠝꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠣ ꠎꠞꠥꠞ। ꠔꠥꠝꠞꠣꠞ ꠁꠝꠣꠘꠤ ꠛꠟ ꠛꠃꠔ ꠛꠣꠠꠦꠞ ꠀꠞ ꠄꠇꠦ-ꠅꠁꠘ꠆ꠘꠦ ꠝꠣꠄꠀ-ꠝꠢꠛ꠆ꠛꠔꠅ ꠛꠣꠁꠀ ꠙꠠꠦꠞ, ꠄꠞꠟꠣꠉꠤ ꠀꠝꠞꠣ ꠡꠥꠇꠞꠤꠀ ꠀꠖꠣꠄ ꠇꠞꠣ ꠖꠞꠇꠣꠞ।

ꠁꠘ꠆ꠎꠤꠟ ১৮: ꠚꠤꠟꠤꠝꠘ 1:4

ꠀꠝꠤ ꠢꠣꠝꠦꠡꠣ ꠝꠥꠘꠣꠎꠣꠔꠞ ꠡꠝꠄ ꠔꠥꠝꠣꠞ ꠇꠕꠣ ꠁꠀꠖ ꠇꠞꠤꠀ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤ।