ইঞ্জিল ১৩: ১-থিষল: 1:1 - Siloṭi Asmani Kitab (Nagri lipi)

¹ ꠀꠝꠤ ꠙꠣꠃꠟꠥꠍ, ꠜꠣꠁ ꠍꠤꠟꠣꠍ ꠀꠞ ꠔꠤꠝꠕꠤꠄ ꠕꠤꠡꠟꠘꠤꠇꠤ ꠐꠣꠃꠘꠞ ꠎꠝꠣꠔꠞ ꠉꠦꠍꠦ ꠟꠦꠈꠞꠣꠝ। ꠔꠥꠝꠞꠣ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠀꠙꠘ ꠎꠘ ꠅꠁꠍ। ꠔꠥꠝꠞꠣꠞ ꠃꠙꠞꠦ ꠞꠢꠝꠔ ꠀꠞ ꠡꠣꠘ꠆ꠔꠤ ꠘꠣꠎꠤꠟ ꠅꠃꠇ।

ছিলটি আছমানি কিতাব (বাংলা লিপি)

¹ আমি পাউলুছ, ভাই সিলাছ আর তিমথিয়ে থিষলনিকি টাউনর জমাতর গেছে লেখরাম। তুমরা আমরার গাইবি বাফ আল্লা পাক আর হজরত ইছা আল-মসীর আপন জন অইছো। তুমরার উপরে রহমত আর শান্তি নাজিল অউক।

Siloṭi Asmani Kitab (Latin lipi)

¹ Ami Paulus, bai Silas ar Timotie Tisholoniki ṭaunor zomator gese leḳram. Tumra amrar gaibi baf Alla Pak ar Hozrot Isa al-Mosir afon zon oiso. Tumrar ufre rohomot ar shanti nazil ouk.

ইঞ্জিল ১৩: ১-থিষল: 1:1 Iomraidhean Croise

Injil 5: Sahabi Nama 15:22

ꠔꠦꠃ ꠍꠣꠢꠣꠛꠤ ꠅꠇꠟ, ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟ, ꠀꠞ ꠎꠝꠣꠔꠞ ꠢꠇꠟ ꠀꠝ ꠝꠣꠘꠡꠦ ꠄꠇꠝꠔ ꠅꠁꠟꠣ, ꠔꠣꠞꠣꠞ ꠘꠤꠎꠞ ꠝꠣꠎ ꠕꠣꠇꠤ ꠇꠄꠎꠘꠞꠦ ꠙꠍꠘ꠆ꠖ ꠇꠞꠤꠀ ꠙꠣꠃꠟꠥꠍ ꠀꠞ ꠛꠣꠞ꠆ꠘꠣꠛꠣꠍꠞ ꠟꠉꠦ ꠀꠘ꠆ꠔꠤꠅꠈꠤꠀꠔ ꠙꠣꠑꠣꠁ ꠖꠤꠛꠣ। ꠅꠃ ꠔꠣꠞꠣ ꠍꠤꠟꠣꠍ ꠀꠞ ꠄꠢꠥꠖꠣ ꠃꠞꠚꠦ ꠛꠣꠞ꠆ꠡꠣꠛ꠆ꠛꠣ ꠘꠣꠝꠞ ꠅꠃ ꠖꠥꠁ ꠝꠥꠞꠛ꠆ꠛꠤꠞꠦ ꠙꠍꠘ꠆ꠖ ꠇꠞꠟꠣ।

Injil 5: Sahabi Nama 15:27

ꠀꠝꠞꠣ ꠄꠢꠥꠖꠣ ꠀꠞ ꠍꠤꠟꠣꠍꠞꠦꠅ ꠙꠣꠑꠣꠁꠟꠣꠝ, ꠔꠣꠞꠣ ꠁꠔꠣ ꠝꠥꠈꠦ ꠝꠥꠈꠦꠅ ꠎꠣꠘꠣꠁꠛꠣ।

Injil 5: Sahabi Nama 15:40

ꠀꠞ ꠙꠣꠃꠟꠥꠍꠦ ꠍꠤꠟꠣꠍꠞꠦ ꠙꠍꠘ꠆ꠖ ꠇꠞꠤꠀ, ꠀꠘ꠆ꠔꠤꠅꠈꠤꠀꠞ ꠝꠥꠝꠤꠘ ꠅꠇꠟꠞ ꠎꠞꠤꠀꠄ ꠝꠣꠛꠥꠖꠞ ꠞꠢꠝꠔꠞ ꠀꠔꠅ ꠡꠙꠣ ꠅꠁꠀ ꠞꠅꠀꠘꠣ ꠖꠤꠟꠣ।

Injil 5: Sahabi Nama 16:19

ꠅꠁꠟꠦ ꠔꠣꠁꠞ ꠝꠥꠘꠤꠛ ꠅꠇꠟꠦ ꠔꠣꠞꠣꠞ ꠟꠣꠜ ꠚꠥꠠꠣꠁꠉꠦꠟ ꠖꠦꠈꠤꠀ, ꠙꠣꠃꠟꠥꠍ ꠀꠞ ꠍꠤꠟꠣꠍꠞꠦ ꠗꠞꠤꠀ ꠐꠣꠘꠤꠀ ꠡꠖꠞꠅ ꠟꠁꠀ ꠉꠦꠟꠣ।

Injil 5: Sahabi Nama 16:25

ꠀꠗꠣ ꠞꠣꠁꠔꠇꠥꠞ ꠛꠣꠟꠣ ꠙꠣꠃꠟꠥꠍ ꠀꠞ ꠍꠤꠟꠣꠍꠦ ꠀꠟ꠆ꠟꠣꠞ ꠢꠣꠝꠖ-ꠉꠎꠟ ꠉꠣꠁꠔꠦ ꠉꠣꠁꠔꠦ ꠖꠥꠀ ꠇꠞꠣꠔ ꠀꠍꠟꠣ, ꠎꠦꠟꠞ ꠇꠄꠖꠤ ꠅꠇꠟꠦ ꠇꠣꠘ ꠙꠣꠔꠤꠀ ꠔꠣꠞꠣꠞ ꠉꠎꠟ ꠢꠥꠘꠟꠣ।

Injil 5: Sahabi Nama 16:29

ꠔꠦꠃ ꠅꠚꠤꠡꠣꠞꠦ ꠄꠇꠎꠘꠞꠦ ꠛꠣꠔ꠆ꠔꠤ ꠀꠘꠣꠞ ꠢꠥꠇꠥꠝ ꠖꠤꠀ, ꠔꠣꠁꠘ ꠖꠃꠠꠣꠁꠀ ꠉꠤꠀ ꠜꠤꠔꠞꠦ ꠢꠣꠝꠣꠁꠟꠣ, ꠀꠞ ꠒꠞꠞ ꠌꠥꠐꠦ ꠇꠣꠙꠤ ꠇꠣꠙꠤ ꠙꠣꠃꠟꠥꠍ ꠀꠞ ꠍꠤꠟꠣꠍꠞ ꠙꠣꠅꠔ ꠙꠠꠟꠣ;

Injil 5: Sahabi Nama 17:11

ꠕꠤꠡꠟꠘꠤꠇꠤꠞ ꠁꠢꠥꠖꠤ ꠅꠇꠟ ꠕꠣꠇꠤ ꠛꠤꠞꠄꠀ ꠐꠣꠃꠘꠞ ꠁꠢꠥꠖꠤ ꠅꠇꠟ ꠛꠃꠔ ꠈꠥꠟꠣ-ꠝꠦꠟꠣ ꠀꠍꠟꠣ। ꠔꠣꠞꠣ ꠀꠟ꠆ꠟꠣꠞ ꠇꠣꠟꠣꠝ ꠢꠥꠘꠤꠀ ꠈꠥꠛ ꠉꠞꠎꠤ ꠅꠁꠀ ꠇꠛꠥꠟ ꠇꠞꠟꠣ, ꠀꠞ ꠙꠣꠃꠟꠥꠍꠦ ꠎꠦꠔꠣ ꠔꠣꠟꠤꠝ ꠖꠤꠞꠣ ꠁꠔꠣ ꠢꠣꠍꠣ ꠇꠤ ꠘꠣ ꠖꠦꠈꠣꠞ ꠟꠣꠉꠤ ꠔꠣꠞꠣ ꠙꠞꠔꠦꠇ ꠖꠤꠘ ꠀꠍꠝꠣꠘꠤ ꠇꠤꠔꠣꠛ ꠈꠥꠟꠤꠀ ꠝꠤꠟꠣꠁꠔꠣ।

Injil 5: Sahabi Nama 18:5

ꠢꠎꠞꠔ ꠍꠤꠟꠣꠍ ꠀꠞ ꠔꠤꠝꠕꠤ ꠝꠣꠇꠤꠖꠘꠤꠀ ꠕꠣꠇꠤ ꠀꠁꠀ ꠢꠣꠞꠟꠦ, ꠙꠣꠃꠟꠥꠍꠦ ꠈꠣꠟꠤ ꠀꠟ꠆ꠟꠣꠞ ꠇꠣꠟꠣꠝꠞ ꠔꠛꠟꠤꠉ ꠇꠞꠔꠣ। ꠔꠣꠁꠘ ꠁꠢꠥꠖꠤ ꠅꠇꠟꠞꠦ ꠛꠥꠎꠣꠁꠔꠣ, ꠢꠎꠞꠔ ꠁꠍꠣꠃ ꠅꠁꠟꠣ ꠀꠟ-ꠝꠍꠤ ꠝꠣꠘꠤ ꠀꠟ꠆ꠟꠣꠞ ꠈꠣꠍ ꠙꠍꠘ꠆ꠖ ꠇꠞꠣ ꠎꠘ।

Injil 5: Sahabi Nama 19:22

ꠛꠣꠖꠦ ꠔꠣꠁꠘ ꠔꠤꠝꠕꠤ ꠀꠞ ꠁꠞꠣꠡ꠆ꠔꠣꠍ ꠘꠣꠝꠞ ꠔꠣꠘ ꠖꠥꠁꠅ ꠈꠣꠖꠤꠝꠞꠦ ꠝꠣꠇꠤꠖꠘꠤꠀꠔ ꠙꠣꠑꠣꠁꠀ, ꠘꠤꠎꠦ ꠀꠞꠅ ꠇꠄꠖꠤꠘ ꠀꠍꠤꠀ ꠖꠦꠡꠅ ꠞꠁꠟꠣ।

Injil 5: Sahabi Nama 20:4

ꠀꠞ ꠛꠤꠞꠄꠀ ꠐꠣꠃꠘꠞ ꠙꠥꠞꠍꠞ ꠙꠥꠀ ꠍꠥꠙꠣꠔꠍ, ꠕꠤꠡꠟꠘꠤꠇꠤꠞ ꠀꠞꠤꠡ꠆ꠔꠣꠇꠥꠍ ꠀꠞ ꠍꠤꠇꠥꠘ꠆ꠖꠍ, ꠖꠞ꠆ꠛꠤ ꠡꠢꠞꠞ ꠉꠃꠍ, ꠔꠤꠝꠕꠤ, ꠀꠞ ꠀꠍꠤꠀ ꠖꠦꠡꠞ ꠔꠥꠈꠤꠇ ꠀꠞ ꠔꠚꠤꠝ, ꠄꠞꠣ ꠢꠇ꠆ꠇꠟ ꠙꠣꠃꠟꠥꠍꠞ ꠟꠉꠦ ꠉꠦꠟꠣ।

Injil 6: Ruman 1:7

ꠔꠦ ꠅꠃ ꠞꠥꠝ ꠐꠣꠃꠘꠅ ꠀꠟ꠆ꠟꠣꠞ ꠎꠔ ꠝꠣꠄꠀꠞ ꠛꠘ꠆ꠖꠣ ꠅꠇꠟ ꠀꠍꠂꠘ, ꠀꠟ꠆ꠟꠣꠄ ꠔꠣꠘ ꠙꠣꠇ ꠛꠘ꠆ꠖꠣ ꠅꠀꠞ ꠟꠣꠉꠤ ꠎꠦꠞꠣꠞꠦ ꠖꠣꠅꠔ ꠇꠞꠤꠀ ꠀꠘꠍꠂꠘ, ꠔꠥꠝꠞꠣ ꠢꠇꠟꠞ ꠉꠦꠍꠦ ꠀꠝꠤ ꠅꠃ ꠌꠤꠑꠤꠈꠣꠘ ꠟꠦꠈꠞꠣꠝ। ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔꠥꠝꠞꠣꠞꠦ ꠞꠢꠝꠔ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

Injil 7: 1-Korintia 1:2

ꠇꠞꠤꠘ꠆ꠔ ꠐꠣꠃꠘꠞ ꠀꠟ꠆ꠟꠣꠞ ꠎꠝꠣꠔꠞ ꠝꠣꠘꠡꠞ ꠉꠦꠍꠦ, ꠝꠣꠘꠤ ꠔꠥꠝꠞꠣꠞ ꠉꠦꠍꠦ ꠟꠦꠈꠞꠣꠝ। ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠔꠞꠤꠇꠣ ꠇꠛꠥꠟ ꠇꠞꠣꠄ ꠀꠟ꠆ꠟꠣꠄ ꠔꠥꠝꠞꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠍꠂꠘ ꠀꠞ ꠔꠣꠘ ꠀꠙꠘ ꠛꠘ꠆ꠖꠣ ꠅꠁꠛꠣꠞ ꠟꠣꠉꠤ ꠖꠣꠅꠔ ꠖꠤꠍꠂꠘ। ꠔꠥꠝꠞꠣꠞ ꠉꠦꠍꠦ ꠀꠞ ꠅꠁꠘ꠆ꠘꠣꠁꠘ꠆ꠘ ꠎꠣꠉꠣꠞ ꠎꠔ ꠝꠣꠘꠡꠦ ꠀꠝꠞꠣꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞꠦ ꠝꠣꠟꠤꠇ ꠇꠁꠀ ꠝꠣꠘꠂꠘ, ꠔꠣꠞꠣ ꠢꠇꠟꠞ ꠉꠦꠍꠦ ꠀꠝꠞꠣ ꠅꠃ ꠌꠤꠑꠤꠈꠣꠘ ꠟꠦꠈꠞꠣꠝ। ꠔꠣꠁꠘ ꠔꠣꠞꠣꠞꠅ ꠝꠣꠟꠤꠇ, ꠀꠝꠞꠣꠞꠅ ꠝꠣꠟꠤꠇ।

Injil 8: 2-Korintia 1:1

ꠀꠝꠤ ꠙꠣꠃꠟꠥꠍ, ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤ ꠝꠣꠚꠤꠇ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠍꠣꠢꠣꠛꠤ। ꠇꠞꠤꠘ꠆ꠔ ꠐꠣꠃꠘꠞ ꠁꠍꠣꠄꠁ ꠎꠝꠣꠔ ꠀꠞ ꠀꠡ꠆ꠔꠣ ꠉ꠆ꠞꠤꠍ ꠖꠦꠡꠞ ꠝꠣꠎꠦ ꠀꠟ꠆ꠟꠣꠞ ꠎꠔ ꠙꠣꠇ ꠛꠘ꠆ꠖꠣ ꠅꠇꠟ ꠛꠡꠔ ꠇꠞꠂꠘ, ꠄꠞꠣꠞ ꠉꠦꠍꠦ ꠀꠝꠤ ꠀꠞ ꠀꠝꠞꠣꠞ ꠝꠥꠝꠤꠘ ꠜꠣꠁ ꠔꠤꠝꠕꠤꠄ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ।

Injil 8: 2-Korintia 1:19

ꠀꠝꠤ, ꠍꠤꠟꠣꠍ, ꠀꠞ ꠜꠣꠁ ꠔꠤꠝꠕꠤꠄ ꠔꠥꠝꠞꠣꠞ ꠉꠦꠍꠦ ꠎꠣꠞ ꠇꠕꠣ ꠔꠛꠟꠤꠉ ꠇꠞꠍꠤ, ꠢꠃ ꠁꠍꠣ ꠀꠟ-ꠝꠍꠤꠃ ꠅꠁꠟꠣ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ, ꠔꠣꠁꠘ ꠄꠇꠛꠣꠞ “ꠅꠄ” ꠀꠞ ꠄꠇꠛꠣꠞ “ꠘꠣ” ꠘꠣꠄ, ꠔꠣꠁꠘ ꠔ ꠢꠇꠟ ꠡꠝꠄꠃ “ꠅꠄ।”

Injil 9: Galatia 1:2

ꠀꠝꠤ ꠀꠞ ꠀꠝꠣꠞ ꠟꠉꠞ ꠢꠇꠟ ꠝꠥꠝꠤꠘ ꠜꠣꠁꠀꠁꠘ꠆ꠔꠦ ꠝꠤꠟꠤꠀ, ꠉꠣꠟꠣꠔꠤꠀ ꠖꠦꠡꠞ ꠁꠍꠣꠄꠁ ꠎꠝꠣꠔ ꠅꠇꠟꠞ ꠉꠦꠍꠦ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ।

Injil 9: Galatia 1:22

ꠅꠃ ꠡꠝꠄ ꠄꠢꠥꠖꠤꠀ ꠎꠤꠟꠣꠞ ꠁꠍꠣꠄꠁ ꠎꠝꠣꠔ ꠅꠇꠟꠦꠅ ꠀꠝꠣꠞꠦ ꠌꠤꠘꠔꠣ ꠘꠣ।

Injil 10: Ifisia 1:2

ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠦ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠀꠙꠘꠣꠞꠣ ꠢꠇꠟꠞ ꠃꠙꠞꠦ ꠞꠢꠝꠔ ꠀꠞ ꠡꠣꠘ꠆ꠔꠤ ꠘꠣꠎꠤꠟ ꠇꠞꠃꠇ꠆ꠇꠣ।

Injil 11: Filifia 1:1

ꠀꠝꠤ ꠙꠣꠃꠟꠥꠍ ꠀꠞ ꠔꠤꠝꠕꠤ ꠅꠁꠟꠣꠝ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠅꠃ ꠚꠤꠟꠤꠙꠤ ꠐꠣꠃꠘꠅ ꠛꠡꠔ ꠇꠞꠞꠣ, ꠎꠦ ꠙꠣꠇ ꠛꠘ꠆ꠖꠣ ꠅꠇꠟꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠍꠂꠘ ꠄꠞꠣꠞꠦ, ꠄꠞꠣꠞ ꠃꠡ꠆ꠔꠣꠖ ꠅꠇꠟꠞꠦ ꠀꠞ ꠈꠣꠖꠤꠝꠖꠣꠞ ꠅꠇꠟꠞ ꠉꠦꠍꠦ ꠟꠦꠈꠞꠣꠝ।

Injil 12: Kolosia 1:1

ꠀꠝꠤ ꠙꠣꠃꠟꠥꠍ, ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤꠄ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠍꠣꠢꠣꠛꠤ। ꠇꠟ꠆ꠟꠍꠤ ꠐꠣꠃꠘꠞ ꠝꠣꠎꠦ ꠀꠟ-ꠝꠍꠤꠞ ꠔꠞꠤꠇꠣꠞ ꠙꠣꠇ ꠛꠘ꠆ꠖꠣ ꠀꠞ ꠝꠥꠝꠤꠘ ꠅꠇꠟꠞ ꠉꠦꠍꠦ ꠀꠝꠤ ꠀꠞ ꠜꠣꠁ ꠔꠤꠝꠕꠤꠄ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ। ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠦ ꠔꠥꠝꠞꠣꠞ ꠃꠙꠞꠦ ꠞꠢꠝꠔ ꠀꠞ ꠡꠣꠘ꠆ꠔꠤ ꠘꠣꠎꠤꠟ ꠇꠞꠃꠇ꠆ꠇꠣ।

ইঞ্জিল ১৪: ২-থিষল: 1:1

ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠟꠉꠦ ꠡꠞꠤꠇ, ꠕꠤꠡꠟꠘꠤꠇꠤ ꠐꠣꠃꠘꠞ ꠎꠝꠣꠔꠞ ꠉꠦꠍꠦ ꠀꠝꠤ ꠙꠣꠃꠟꠥꠍ, ꠜꠣꠁ ꠍꠤꠟꠣꠍ ꠀꠞ ꠔꠤꠝꠕꠤꠄ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:2

ꠝꠥꠝꠤꠘ ꠢꠤꠡꠣꠛꠦ ꠀꠝꠣꠞ ꠈꠣꠍ ꠀꠅꠟꠣꠖ, ꠔꠤꠝꠕꠤꠞ ꠉꠦꠍꠦ ꠟꠦꠈꠞꠣꠝ। ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠦ ꠀꠞ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠄ ꠔꠥꠝꠣꠞꠦ ꠞꠢꠝꠔ, ꠝꠦꠢꠦꠞꠛꠣꠘꠤ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:2

ꠀꠝꠤ ꠀꠝꠣꠞ ꠝꠣꠄꠀꠞ ꠀꠅꠟꠣꠖ ꠔꠤꠝꠕꠤꠞ ꠉꠦꠍꠦ ꠟꠦꠈꠞꠣꠝ। ꠉꠣꠁꠛꠤ ꠛꠣꠚ ꠀꠟ꠆ꠟꠣꠄ ꠀꠞ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠄ ꠔꠥꠝꠣꠞꠦ ꠞꠢꠝꠔ, ꠝꠦꠢꠦꠞꠛꠣꠘꠤ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

Injil 19: Ibrani 13:23

ꠢꠥꠘꠅ, ꠀꠝꠞꠣꠞ ꠜꠣꠁ ꠔꠤꠝꠕꠤꠄ ꠈꠣꠟꠣꠍ ꠙꠣꠁꠍꠂꠘ, ꠔꠣꠁꠘ ꠎꠥꠖꠤ ꠡꠝꠄ ꠝꠔ ꠀꠝꠣꠞ ꠅꠘꠅ ꠀꠁꠘ, ꠔꠦ ꠀꠝꠤ ꠔꠥꠝꠞꠣꠞ ꠉꠦꠍꠦ ꠀꠅꠀꠞ ꠡꠝꠄ ꠔꠣꠘꠦ ꠟꠉꠦ ꠟꠁꠀ ꠀꠁꠝꠥ।

ꠁꠘ꠆ꠎꠤꠟ ২১: ১-ꠙꠤꠔꠞ 5:12

ꠅꠃ ꠌꠤꠑꠤꠈꠣꠘ ꠀꠝꠤ ꠍꠤꠟꠣꠍ ꠝꠢꠞꠤꠞ ꠍꠣꠛꠞꠦꠖꠤ ꠈꠥꠛ ꠇꠝ ꠇꠕꠣꠄ ꠔꠥꠝꠞꠣꠞ ꠉꠦꠍꠦ ꠟꠦꠈꠣꠁꠍꠤ, ꠀꠝꠤ ꠔꠣꠘꠞꠦ ꠢꠇ-ꠢꠣꠟꠣꠟ ꠜꠣꠁ ꠝꠘꠅ ꠇꠞꠤ। ꠀꠝꠤ ꠌꠣꠁꠞꠣꠝ ꠀꠟ꠆ꠟꠣꠞ ꠈꠣꠍ ꠞꠢꠝꠔꠞ ꠅꠃ ꠡꠣꠇ꠆ꠇꠤ ꠢꠥꠘꠤꠀ ꠔꠥꠝꠞꠣꠞ ꠡꠣꠅꠡ ꠛꠣꠠꠃꠇ, ꠀꠞ ꠔꠥꠝꠞꠣ ꠅꠘꠅ ꠕꠤꠞ ꠅꠁꠀ ꠞꠅ।

Injil 23: 1-Hannan 1:3

ꠅꠃ ꠎꠦ ꠎꠘꠞꠦ ꠀꠝꠞꠣ ꠖꠦꠈꠍꠤ, ꠎꠣꠘ ꠝꠥꠈꠞ ꠛꠥꠟꠤ ꠢꠥꠘꠍꠤ, ꠔꠣꠘ ꠛꠦꠙꠣꠞꠦꠃ ꠔꠥꠝꠞꠣꠞꠦ ꠇꠁꠞꠣꠝ। ꠎꠣꠔꠦ ꠅꠔꠣ ꠢꠥꠘꠣꠞ ꠛꠣꠖꠦ ꠀꠝꠞꠣꠞ ꠟꠉꠦ ꠔꠥꠝꠞꠣꠞꠅ ꠈꠣꠔꠤꠞ-ꠖꠥꠡ꠆ꠔꠤ ꠅꠄ। ꠀꠝꠞꠣꠞ ꠅꠃ ꠈꠣꠔꠤꠞ ꠅꠁꠟꠉꠤ, ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇ ꠀꠞ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ ꠁꠍꠣ ꠀꠟ-ꠝꠍꠤꠞ ꠟꠉꠦ।

Injil 26: Ehuda 1:1

ꠀꠝꠤ ꠄꠢꠥꠖꠣ ꠔ ꠍꠣꠢꠣꠛꠤ ꠁꠀꠇꠥꠛꠞ ꠜꠣꠁ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠦ ꠎꠦꠞꠣꠞꠦ ꠝꠢꠛ꠆ꠛꠔ ꠇꠞꠂꠘ, ꠎꠦꠞꠣ ꠀꠟ꠆ꠟꠣꠁ ꠖꠣꠅꠔ ꠙꠣꠁꠍꠂꠘ, ꠀꠞ ꠁꠍꠣ ꠀꠟ-ꠝꠍꠤꠄ ꠎꠦꠞꠣꠞ ꠢꠦꠚꠣꠎꠔ ꠇꠞꠂꠘ, ꠅꠃ ꠍꠢꠤꠚꠣꠈꠣꠘ ꠀꠝꠤ ꠄꠞꠣꠞ ꠉꠦꠍꠦ ꠟꠦꠈꠞꠣꠝ।