ꠁꠘ꠆ꠎꠤꠟ ২১: ১-ꠙꠤꠔꠞ 5:2 - Siloṭi Asmani Kitab (Nagri lipi)

² ꠀꠟ꠆ꠟꠣꠁ ꠎꠦ ꠝꠦꠠꠣꠞ ꠙꠣꠟ ꠔꠥꠝꠞꠣꠞ ꠀꠅꠔꠣꠄ ꠀꠍꠂꠘ, ꠄꠞꠣꠞ ꠞꠣꠈꠣꠟꠤ ꠇꠞꠅ। ꠔꠣꠞꠣꠞ ꠁꠝꠣꠝꠔꠤ ꠇꠞꠅ, ꠇꠞꠣ ꠟꠣꠉꠛ ꠇꠞꠤ ꠘꠣ ꠇꠞꠤꠀ ꠛꠣ ꠖꠥꠘꠤꠀꠛꠤ ꠟꠣꠜꠞ ꠀꠡꠣꠄ ꠘꠣ ꠇꠞꠤꠀ, ꠈꠥꠡ ꠖꠤꠟꠦ ꠇꠞꠅ। ꠀꠟ꠆ꠟꠣꠄ ꠔ ꠅꠟꠣ ꠁꠝꠣꠝꠔꠤꠃ ꠀꠡꠣ ꠇꠞꠂꠘ।

ছিলটি আছমানি কিতাব (বাংলা লিপি)

² আল্লাই যে মেড়ার পাল তুমরার আওতায় আছইন, এরার রাখালি করো। তারার ইমামতি করো, করা লাগবো করি না করিয়া বা দুনিয়াবি লাভর আশায় না করিয়া, খুশ দিলে করো। আল্লায় তো অলা ইমামতিউ আশা করইন।

Siloṭi Asmani Kitab (Latin lipi)

² Allai ze meṛar fal tumrar aotae asoin, erar raḳali koro. Tarar imamoti koro, ḳora lagbo ḳori na ḳoria ba duniabi labor ashae na ḳoria, kush dile ḳoro. Allae to ola imamoti-u asha ḳoroin.

ꠁꠘ꠆ꠎꠤꠟ ২১: ১-ꠙꠤꠔꠞ 5:2 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 18:7

ꠅꠁꠟꠦ ꠁꠝꠣꠝ ꠢꠤꠡꠣꠛꠦ ꠈꠣꠟꠤ ꠔꠥꠝꠤ ꠀꠞ ꠔꠥꠝꠣꠞ ꠙꠥꠀꠂꠘ꠆ꠔꠦ ꠇꠥꠞꠛꠣꠘꠤ ꠈꠣꠘꠣ ꠀꠞ ꠙꠞ꠆ꠖꠣꠞ ꠜꠤꠔꠞꠞ ꠢꠦꠞꠦꠝ ꠡꠞꠤꠚꠅ ꠈꠦꠎꠝꠔ ꠇꠣꠝ ꠇꠞꠛꠣꠄ। ꠁꠝꠣꠝꠔꠤꠞ ꠙꠖ ꠈꠣꠘ ꠀꠝꠤ ꠃꠙꠢꠣꠞ ꠢꠤꠡꠣꠛꠦ ꠔꠥꠝꠞꠣꠞꠦ ꠖꠤꠟꠣꠝ। ꠈꠣꠟꠤ ꠟꠦꠛꠤ ꠅꠇꠟ ꠍꠣꠠꠣ ꠖꠥꠍꠞꠣ ꠇꠦꠃ ꠎꠥꠖꠤ ꠝꠤꠟꠘ-ꠔꠣꠝ꠆ꠛꠥꠞ ꠡꠤꠝꠣꠘꠣꠔ ꠀꠄ, ꠔꠦ ꠔꠣꠞꠦ ꠎꠣꠘꠦ ꠝꠣꠞꠤꠟꠤꠔꠦ ꠅꠁꠛ।”

Injil 3: Luk 12:32

“ꠔꠥꠝꠞꠣꠃ ꠀꠝꠣꠞ ꠝꠦꠠꠣꠞ ꠙꠣꠟ, ꠔꠥꠝꠞꠣꠞ ꠖꠟ ꠢꠥꠞꠥ-ꠝꠥꠞꠥ ꠅꠁꠟꠦꠅ ꠒꠞꠣꠁꠅ ꠘꠣ, ꠔꠥꠝꠞꠣꠞ ꠛꠣꠔꠥꠘꠤ ꠛꠣꠚꠞ ꠝꠞ꠆ꠎꠤ ꠅꠁꠟ, ꠔꠥꠝꠞꠣ ꠔꠣꠘ ꠛꠣꠖꠡꠣꠁꠞ ꠜꠤꠔꠞꠅ ꠢꠣꠝꠣꠅ।

Injil 5: Sahabi Nama 20:29

ꠀꠝꠤ ꠎꠣꠘꠤ, ꠀꠝꠤ ꠎꠣꠅꠀꠞ ꠛꠣꠖꠦ ꠔꠥꠝꠞꠣꠞ ꠝꠣꠎꠦ ꠙꠣꠉꠟꠣ ꠛꠣꠊꠞ ꠍꠥꠞꠔꠞ ꠝꠣꠘꠥꠡ ꠀꠁꠀ ꠢꠣꠝꠣꠁꠛꠣ, ꠔꠣꠞꠣ ꠘꠤꠞ꠆ꠖꠄ ꠅꠁꠀ ꠙꠣꠟꠞ ꠛꠃꠔ ꠈꠦꠔꠤ ꠇꠞꠛꠣ।

Injil 5: Sahabi Nama 21:13

ꠙꠣꠃꠟꠥꠍꠦ ꠇꠁꠟꠣ, “ꠔꠥꠝꠞꠣ ꠁꠔꠣ ꠇꠤꠔꠣ ꠟꠣꠉꠣꠁꠟꠣꠄ? ꠇꠣꠘ꠆ꠖꠤꠀ ꠀꠝꠣꠞ ꠝꠘ ꠜꠣꠋꠉꠤ ꠖꠤꠞꠣꠄ ꠇꠦꠘꠦ? ꠢꠎꠞꠔ ꠁꠍꠣꠞ ꠟꠣꠉꠤ ꠀꠝꠤ ꠎꠦꠞꠥꠎꠣꠟꠦꠝꠅ ꠈꠣꠟꠤ ꠛꠘ꠆ꠖꠤ ꠅꠀꠃ ꠘꠣꠄ, ꠝꠞꠔꠦꠅ ꠔꠤꠀꠞ ꠀꠍꠤ।”

Injil 6: Ruman 1:15

ꠄꠞꠟꠣꠉꠤ ꠔꠥꠝꠞꠣ ꠎꠦꠞꠣ ꠞꠥꠝ ꠐꠣꠃꠘꠅ ꠛꠡꠔ ꠇꠞꠞꠣꠄ, ꠀꠝꠤ ꠀꠝꠣꠞ ꠡꠣꠁꠖ꠆ꠖ ꠝꠣꠚꠤꠇ ꠔꠥꠝꠞꠣꠞ ꠉꠦꠍꠦꠅ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠞ ꠟꠣꠉꠤ ꠈꠤꠀꠟꠤ।

Injil 7: 1-Korintia 9:7

ꠘꠤꠎꠞ ꠉꠣꠐ꠆ꠐꠤꠞ ꠐꠦꠇꠣ ꠜꠣꠋꠉꠤꠀ ꠇꠦꠃ ꠍꠤꠙꠣꠁꠞ ꠌꠣꠇꠞꠤ ꠇꠞꠦ ꠘꠤ? ꠎꠦ ꠉꠤꠞꠡ꠆ꠔꠦ ꠚꠟꠞ ꠛꠣꠉꠣꠘ ꠇꠞꠦ, ꠢꠦ ꠁꠔꠣꠞ ꠚꠟ ꠈꠣꠄ ꠘꠣ ꠘꠤ? ꠎꠦ ꠞꠣꠈꠣꠟꠦ ꠙꠡꠥꠙꠣꠟ ꠞꠣꠈꠦ, ꠢꠦ ꠁꠔꠣꠞ ꠖꠥꠗ ꠈꠣꠄ ꠘꠣ ꠘꠤ?

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:3

ꠔꠣꠁꠘ ꠎꠣꠘꠥ ꠝꠖꠈꠥꠞ ꠀꠞ ꠛꠖ-ꠝꠤꠎꠣꠎꠤ ꠘꠣ ꠅꠁꠘ, ꠛꠞꠋ ꠔꠣꠘ ꠡ꠆ꠛꠜꠣꠛ ꠅꠁꠛ ꠘꠞꠝ, ꠔꠣꠁꠘ ꠎꠣꠘꠥ ꠝꠣꠁꠞ-ꠖꠣꠋꠉꠣ ꠇꠞꠞꠣ ꠛꠣ ꠐꠦꠇꠣ-ꠙꠄꠡꠣꠞ ꠟꠣꠟꠌꠤ ꠘꠣ ꠅꠁꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:8

ꠅꠃꠟꠣ ꠎꠝꠣꠔꠞ ꠈꠣꠖꠤꠝ ꠅꠇꠟꠅ ꠁꠎ꠆ꠎꠔꠤ ꠀꠞ ꠄꠇ ꠇꠕꠣꠞ ꠝꠣꠘꠥꠡ ꠅꠀ ꠎꠞꠥꠞꠤ। ꠄꠞꠣ ꠎꠣꠔꠦ ꠝꠖꠈꠥꠞ ꠀꠞ ꠢꠣꠞꠣꠝ ꠟꠥꠜ-ꠟꠣꠟꠌꠤ ꠘꠣ ꠅꠁꠘ।

Injil 17: Titas 1:11

ꠁꠔꠣꠞ ꠝꠥꠈ ꠛꠘ꠆ꠖ ꠇꠞꠣ ꠎꠞꠥꠞ। ꠁꠔꠣꠄ ꠇꠥ-ꠙꠕꠦ ꠐꠦꠇꠣ ꠇꠣꠝꠣꠘꠤꠞ ꠀꠡꠣꠄ ꠅꠟꠣ ꠔꠣꠟꠤꠝ ꠖꠦꠁꠘ, ꠎꠦ ꠔꠣꠟꠤꠝ ꠖꠦꠅꠀ ꠔꠣꠞꠣꠞ ꠟꠣꠉꠤ ꠑꠤꠇ ꠘꠣꠄ। ꠁ ꠔꠣꠟꠤꠝ ꠖꠤꠀ ꠇꠥꠘꠥ ꠇꠥꠘꠥ ꠙꠞꠤꠛꠣꠞꠞꠦ ꠛꠤꠉꠠꠣꠁꠟꠤꠞꠣ।

Injil 17: Titas 1:7

ꠀꠟ꠆ꠟꠣꠁ ꠇꠣꠝꠞ ꠎꠤꠝ꠆ꠝꠣꠖꠣꠞꠤ ꠙꠣꠅꠀꠄ ꠎꠦꠇꠥꠘꠥ ꠌꠣꠟꠇꠖꠣꠞ ꠎꠣꠘꠥ ꠛꠖꠘꠣꠝ ꠍꠣꠠꠣ ꠘꠤꠈꠥꠔ ꠅꠁꠘ। ꠔꠣꠁꠘ ꠎꠣꠘꠥ ꠡ꠆ꠛꠂꠞꠣꠌꠣꠞ, ꠛꠖꠞꠣꠉꠤ, ꠘꠤꠡꠣꠈꠥꠞ, ꠝꠣꠞꠣ-ꠝꠣꠞꠤ ꠇꠞꠞꠣ ꠛꠣ ꠢꠣꠞꠣꠝ ꠞꠥꠎꠤ-ꠞꠥꠎꠉꠣꠞꠞ ꠟꠣꠟꠌꠤ ꠘꠣ ꠅꠁꠘ।

Injil 17: Titas 2:14

ꠁꠍꠣ ꠀꠟ-ꠝꠍꠤꠄ ꠔ ꠀꠝꠞꠣꠞꠦ ꠛꠣꠌꠣꠘꠤꠞ ꠟꠣꠉꠤ ꠔꠣꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠟꠣꠁꠍꠂꠘ, ꠎꠣꠔꠦ ꠢꠇꠟ ꠉꠥꠘꠣ ꠕꠣꠇꠤ ꠀꠝꠞꠣꠞꠦ ꠈꠣꠟꠣꠍ ꠇꠞꠤ ꠀꠘꠔꠣ ꠙꠣꠞꠂꠘ, ꠀꠞ ꠅꠃ ꠟꠣꠈꠣꠘ ꠄꠇꠖꠟ ꠝꠣꠘꠡꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠂꠘ, ꠎꠦꠞꠣ ꠈꠣꠟꠤ ꠔꠣꠘ ꠘꠤꠎꠞ ꠅꠁꠛꠣ, ꠎꠦꠞꠣ ꠘꠦꠇ ꠇꠣꠝꠞ ꠀꠡꠤꠇ ꠅꠁꠛꠣ।

Injil 17: Titas 3:1

ꠀꠟ꠆ꠟꠣꠞ ꠛꠘ꠆ꠖꠣ ꠅꠇꠟꠞꠦ ꠝꠘꠅ ꠇꠞꠣꠁ ꠖꠦꠅ, ꠔꠣꠞꠣ ꠎꠣꠘꠥ ꠖꠦꠡꠞ ꠞꠣꠎꠣ ꠀꠞ ꠡꠞꠇꠣꠞꠤ ꠘꠤꠅꠝꠞ ꠅꠗꠤꠘꠦ ꠞꠂꠘ, ꠔꠣꠞꠣ ꠅꠛꠣꠁꠖ꠆ꠖ ꠘꠣ ꠅꠁꠘ, ꠝꠣꠘꠡꠞ ꠢꠇꠟ ꠘꠝꠥꠘꠣꠞ ꠃꠙꠇꠣꠞ ꠇꠞꠣꠞ ꠟꠣꠉꠤ ꠎꠥꠁꠔ ꠕꠣꠇꠂꠘ।

ꠁꠘ꠆ꠎꠤꠟ ১৮: ꠚꠤꠟꠤꠝꠘ 1:14

ꠅꠁꠟꠦ ꠔꠥꠝꠣꠞ ꠁꠎꠣꠎꠔ ꠍꠣꠠꠣ ꠀꠝꠤ ꠇꠥꠘ꠆ꠔꠣ ꠇꠞꠟꠣꠝ ꠘꠣ, ꠎꠣꠔꠦ ꠎꠥꠞ ꠇꠞꠤꠀ ꠔꠥꠝꠣꠞ ꠜꠣꠟꠣ ꠇꠣꠝ ꠀꠖꠣꠄ ꠇꠞꠣ ꠘꠣ ꠟꠣꠉꠦ। ꠀꠝꠤ ꠌꠣꠁꠞꠣꠝ, ꠔꠥꠝꠤ ꠘꠤꠎ ꠕꠣꠇꠤꠃ ꠅꠃ ꠇꠣꠝ ꠇꠞ।

Injil 19: Ibrani 12:15

ꠢꠥꠡꠤꠀꠞ ꠞꠁꠅ, ꠎꠣꠔꠦ ꠇꠦꠃ ꠀꠟ꠆ꠟꠣꠞ ꠞꠢꠝꠔ ꠕꠣꠇꠤ ꠛꠣꠖ ꠘꠣ ꠙꠠꠅ। ꠈꠤꠀꠟ ꠞꠣꠈꠤꠅ, ꠔꠥꠝꠞꠣꠞ ꠝꠣꠎꠞ ꠇꠦꠃ ꠎꠣꠘꠥ ꠛꠤꠡꠣꠇ꠆ꠔ ꠔꠤꠔ꠆ꠔꠣ ꠉꠣꠍꠞ ꠎꠠꠞ ꠟꠣꠈꠣꠘ ꠛꠣꠞ ꠅꠁꠀ ꠘꠣ ꠍꠣꠔꠣꠄ, ꠀꠞ ꠛꠃꠔ ꠝꠣꠘꠡꠞꠦ ꠘꠣꠙꠣꠇ ꠘꠣ ꠛꠣꠘꠣꠄ।

ꠁꠘ꠆ꠎꠤꠟ ২২: ২-ꠙꠤꠔꠞ 2:3

ꠟꠥꠜ-ꠟꠣꠟꠌ ꠇꠞꠤꠀ ꠍꠟ-ꠌꠔꠥꠞꠤꠞ ꠝꠣꠔ ꠝꠣꠔꠤꠀ, ꠘꠤꠎꠞ ꠟꠣꠜꠞ ꠀꠡꠣꠄ ꠔꠣꠞꠣ ꠔꠥꠝꠞꠣꠞꠦ ꠇꠣꠝꠅ ꠟꠣꠉꠣꠁꠛ। ꠔꠣꠞꠣꠞ ꠙꠣꠅꠘꠣ ꠡꠣꠎꠣ ꠔ ꠛꠃꠔ ꠖꠤꠘ ꠕꠣꠇꠤ ꠛꠣꠞ ꠌꠣꠞ, ꠔꠣꠞꠣꠞ ꠛꠤꠘꠣꠡꠅ ꠛꠦꠡꠤ ꠖꠦꠞꠤ ꠘꠣꠄ।