ꠁꠘ꠆ꠎꠤꠟ ২১: ১-ꠙꠤꠔꠞ 5:1 - Siloṭi Asmani Kitab (Nagri lipi)

¹ ꠅꠈꠘ ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠞꠦ ꠇꠁꠞꠣꠝ, ꠀꠝꠤꠅ ꠔ ꠄꠇꠎꠘ ꠝꠥꠞꠛ꠆ꠛꠤ, ꠀꠝꠤ ꠘꠤꠎꠞ ꠌꠃꠈꠦ ꠀꠟ-ꠝꠍꠤꠞ ꠖꠥꠈ-ꠇꠡ꠆ꠐ ꠖꠦꠈꠍꠤ, ꠀꠞ ꠔꠣꠘ ꠎꠦ ꠝꠢꠤꠝꠣ ꠎꠣꠁꠞ ꠅꠁꠛ, ꠅꠃ ꠝꠢꠤꠝꠣꠔꠅ ꠡꠞꠤꠇ ꠅꠁꠝꠥ। ꠀꠝꠤ ꠝꠤꠘꠔ ꠇꠞꠤ ꠇꠁꠞꠣꠝ,

ছিলটি আছমানি কিতাব (বাংলা লিপি)

¹ অখন জমাতর মুরব্বি অকলরে কইরাম, আমিও তো একজন মুরব্বি, আমি নিজর চউখে আল-মসীর দুখ-কষ্ট দেখছি, আর তান যে মহিমা জাইর অইবো, অউ মহিমাতও শরিক অইমু। আমি মিনত করি কইরাম,

Siloṭi Asmani Kitab (Latin lipi)

¹ Oḳon zomator murobbi oḳolre ḳoiram, ami-o to eḳzon murobbi, ami nizor souke al-Mosir duk-koshṭo deḳsi, ar tan ze mohima zair oibo, ou mohimat-o shorik oimu. Ami minot ḳori koiram,

ꠁꠘ꠆ꠎꠤꠟ ২১: ১-ꠙꠤꠔꠞ 5:1 Iomraidhean Croise

Injil 3: Luk 24:48

ꠔꠥꠝꠞꠣꠃ ꠁ ꠢꠇ꠆ꠇꠟꠔꠣꠞ ꠡꠣꠇ꠆ꠇꠤ।

Injil 5: Sahabi Nama 1:8

ꠅꠁꠟꠦ ꠙꠣꠇ ꠞꠥꠢꠥ ꠔꠥꠝꠞꠣꠞ ꠃꠙꠞꠦ ꠇꠣꠁꠝ ꠅꠁꠀ ꠢꠣꠞꠟꠦ ꠔꠥꠝꠞꠣ ꠉꠣꠁꠛꠤ ꠛꠟ ꠙꠣꠁꠛꠣꠄ, ꠅꠃ ꠛꠟꠦ ꠎꠦꠞꠥꠎꠣꠟꠦꠝ, ꠀꠡ꠆ꠔꠣ ꠄꠢꠥꠖꠤꠀ ꠀꠞ ꠡꠝꠞꠤꠀ ꠄꠟꠣꠇꠣ, ꠀꠞ ꠖꠥꠘꠤꠀꠞ ꠢꠦꠡ ꠡꠤꠝꠣꠘꠣ ꠙꠞ꠆ꠎꠘ꠆ꠔ ꠀꠝꠣꠞ ꠡꠣꠇ꠆ꠇꠤ ꠅꠁꠛꠣꠄ।”

Injil 5: Sahabi Nama 11:30

ꠀꠞ ꠘꠤꠅꠔ ꠝꠣꠚꠤꠇ ꠇꠣꠝꠅ ꠔꠣꠞꠣ ꠇꠞꠟꠣ, ꠔꠣꠞꠣ ꠛꠣꠞ꠆ꠘꠣꠛꠣꠍ ꠀꠞ ꠡꠃꠟꠞ ꠀꠔꠣꠘꠦ ꠄꠢꠥꠖꠤꠀꠞ ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠞ ꠉꠦꠍꠦ ꠡꠣꠁꠎ꠆ꠎ ꠙꠣꠑꠣꠁꠟꠣ।

Injil 5: Sahabi Nama 14:23

ꠔꠣꠞꠣ ꠎꠝꠣꠔꠞꠦ ꠌꠣꠟꠣꠘꠤꠞ ꠟꠣꠉꠤ ꠙꠞꠔꠦꠇ ꠎꠝꠣꠔꠞ ꠝꠥꠞꠛ꠆ꠛꠤ-ꠇꠝꠤꠐꠤ ꠛꠣꠘꠣꠁꠟꠣ। ꠀꠞ ꠎꠦ ꠝꠣꠟꠤꠇꠞ ꠃꠙꠞꠦ ꠔꠣꠞꠣ ꠁꠝꠣꠘ ꠀꠘꠍꠂꠘ, ꠄꠘ ꠘꠣꠝꠦ ꠞꠥꠎꠣ ꠞꠣꠈꠤꠀ ꠖꠥꠀ ꠇꠞꠤꠀ ꠅꠃ ꠁꠍꠣꠞ ꠀꠔꠅ ꠄꠞꠣꠞꠦ ꠡꠙꠤꠀ ꠖꠤꠟꠣ।

Injil 5: Sahabi Nama 15:4

ꠙꠣꠃꠟꠥꠍ ꠀꠞ ꠛꠣꠞ꠆ꠘꠣꠛꠣꠍ ꠎꠦꠞꠥꠎꠣꠟꠦꠝꠅ ꠀꠁꠀ ꠙꠃꠍꠣꠞ ꠛꠣꠖꠦ ꠎꠝꠣꠔꠞ ꠝꠣꠘꠡꠦ, ꠍꠣꠢꠣꠛꠤ ꠀꠞ ꠝꠥꠞꠛ꠆ꠛꠤ ꠅꠇꠟꠦꠅ ꠔꠣꠞꠣꠞꠦ ꠝꠣꠄꠀꠞ ꠘꠎꠞꠦ ꠇꠛꠥꠟ ꠇꠞꠟꠣ। ꠀꠞ ꠔꠣꠞꠣꠞ ꠃꠍꠤꠟ꠆ꠟꠣꠄ ꠀꠟ꠆ꠟꠣꠄ ꠎꠦꠔꠣ ꠇꠣꠝ ꠇꠞꠍꠂꠘ, ꠁꠔꠣ ꠢꠇꠟꠞ ꠉꠦꠍꠦ ꠎꠣꠘꠣꠁꠟꠣ।

Injil 5: Sahabi Nama 15:6

ꠔꠦꠃ ꠁ ꠛꠤꠡꠄꠅꠞ ꠚꠄꠍꠣꠟꠣ ꠇꠞꠣꠞ ꠟꠣꠉꠤ ꠍꠣꠢꠣꠛꠤ ꠅꠇꠟ ꠀꠞ ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟ ꠄꠇ ꠎꠣꠉꠣꠔ ꠖꠟꠣ ꠅꠁꠟꠣ।

Injil 5: Sahabi Nama 2:32

ꠀꠟ꠆ꠟꠣꠄ ꠅꠃ ꠁꠍꠣꠞꠦꠃ ꠎꠤꠘ꠆ꠖꠣ ꠇꠞꠤꠀ ꠔꠥꠟꠍꠤꠟꠣ, ꠀꠝꠞꠣ ꠢꠇ꠆ꠇꠟ ꠄꠞ ꠡꠣꠇ꠆ꠇꠤ।

Injil 5: Sahabi Nama 20:17

ꠝꠤꠟꠤꠔꠣ ꠕꠣꠇꠤ ꠙꠣꠃꠟꠥꠍꠦ ꠈꠛꠞꠤꠀ ꠙꠣꠑꠣꠁꠀ ꠁꠚꠤꠍꠞ ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠞꠦ ꠀꠘꠣꠁꠟꠣ।

Injil 5: Sahabi Nama 20:28

ꠀꠙꠘꠣꠞꠣ ꠎꠣꠞꠎꠤꠞ ꠛꠦꠙꠣꠞꠦ ꠢꠥꠡꠤꠀꠞ ꠅꠃꠇ꠆ꠇꠣ। ꠙꠣꠇ ꠞꠥꠢꠦ ꠀꠙꠘꠣꠞꠣꠞꠦ ꠎꠦꠞꠣꠞ ꠌꠣꠟꠇꠖꠣꠞ ꠛꠣꠘꠣꠁꠍꠂꠘ, ꠔꠣꠞꠣꠞ ꠛꠦꠙꠣꠞꠦ ꠢꠥꠡꠤꠀꠞ ꠅꠃꠇ꠆ꠇꠣ। ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠎꠘꠞꠦꠖꠤ ꠎꠦꠞꠣꠞꠦ ꠈꠞꠤꠖ ꠇꠞꠍꠂꠘ, ꠢꠤ ꠎꠝꠣꠔꠞꠦ ꠙꠥꠞꠣꠙꠥꠞ ꠖꠦꠈꠣ-ꠢꠥꠘꠣ ꠇꠞꠃꠇ꠆ꠇꠣ, ꠎꠦꠟꠣ ꠞꠣꠈꠣꠟꠦ ꠔꠣꠞ ꠝꠦꠠꠣꠞ ꠙꠣꠟꠞ ꠖꠦꠈꠣ-ꠢꠥꠘꠣ ꠇꠞꠦ, ꠁꠝꠣꠝ ꠅꠁꠀ ꠀꠙꠘꠣꠞꠣꠅ ꠅꠃꠟꠣ ꠇꠞꠃꠇ꠆ꠇꠣ।

Injil 5: Sahabi Nama 21:18

ꠛꠣꠖꠞ ꠖꠤꠘ ꠙꠣꠃꠟꠥꠍꠦ ꠀꠝꠞꠣꠞꠦ ꠟꠁꠀ ꠢꠎꠞꠔ ꠁꠍꠣꠞ ꠜꠣꠁ ꠁꠀꠇꠥꠛꠞ ꠟꠉꠦ ꠝꠥꠟꠣꠇꠣꠔ ꠇꠞꠟꠣ। ꠢꠤꠈꠣꠘꠅ ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠅ ꠀꠁꠟꠣ।

Injil 5: Sahabi Nama 3:15

ꠎꠦꠁꠘ ꠎꠤꠘ꠆ꠖꠦꠉꠤ ꠖꠣꠘ ꠇꠞꠂꠘ ꠔꠣꠘꠞꠦ ꠀꠙꠘꠣꠞꠣ ꠎꠣꠘꠦ ꠝꠣꠞꠤꠟꠤꠍꠂꠘ, ꠅꠁꠟꠦ ꠀꠟ꠆ꠟꠣꠄ ꠔꠣꠘꠞꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠇꠞꠍꠂꠘ, ꠀꠝꠞꠣ ꠄꠞ ꠡꠣꠇ꠆ꠇꠤ।

Injil 8: 2-Korintia 5:1

ꠀꠝꠞꠣ ꠎꠣꠘꠤ, ꠀꠝꠞꠣ ꠁ ꠖꠥꠘꠤꠀꠛꠤ ꠎꠦ ꠒꠦꠞꠣ-ꠊꠞꠅ ꠛꠡꠔ ꠇꠞꠤ, ꠝꠣꠘꠤ ꠎꠦ ꠇꠝꠎꠥꠞ ꠡꠞꠤꠟ ꠟꠁꠀ ꠀꠍꠤ, ꠁꠈꠣꠘ ꠎꠥꠖꠤ ꠛꠤꠘꠣꠡꠅ ꠅꠁꠎꠣꠄ, ꠔꠦꠛꠃ ꠀꠟ꠆ꠟꠣꠞ ꠖꠦꠅꠀ ꠄꠇꠈꠣꠘ ꠊꠞ ꠀꠝꠞꠣꠞ ꠀꠍꠦ। ꠁ ꠊꠞ ꠇꠥꠘꠥ ꠝꠣꠘꠡꠞ ꠀꠔꠞ ꠛꠣꠘꠣꠁꠟ ꠘꠣꠄ, ꠁꠈꠣꠘ ꠔ ꠢꠣꠝꠦꠡꠣ ꠛꠦꠢꠦꠡ꠆ꠔꠅ ꠀꠍꠦ।

Injil 8: 2-Korintia 5:8

ꠀꠍꠟꠦ ꠀꠝꠞꠣꠞ ꠜꠤꠔꠞ ꠜꠞꠣ ꠡꠣꠅꠡ ꠀꠍꠦ, ꠀꠞ ꠀꠝꠞꠣ ꠞꠇ꠆ꠔ-ꠝꠣꠋꠡꠞ ꠡꠞꠤꠟꠅ ꠞꠅꠀ ꠕꠣꠇꠤ ꠝꠣꠟꠤꠇꠞ ꠟꠉꠦ ꠛꠡꠔ ꠇꠞꠣꠈꠣꠘꠃ ꠜꠣꠟꠣ ꠝꠘꠅ ꠇꠞꠤ।

Injil 11: Filifia 1:19

ꠀꠝꠤ ꠔ ꠎꠣꠘꠤ, ꠀꠝꠣꠞ ꠃꠙꠞꠦ ꠎꠦꠔꠣ ꠊꠐꠤꠍꠦ, ꠁꠔꠣꠞ ꠢꠦꠡ ꠚꠟ ꠅꠁꠟ, ꠀꠝꠤ ꠘꠤꠡ꠆ꠔꠣꠞ ꠙꠣꠁꠝꠥ। ꠔꠥꠝꠞꠣꠞ ꠖꠥꠀ ꠀꠞ ꠁꠍꠣ ꠀꠟ-ꠝꠍꠤꠞ ꠞꠥꠢꠥꠞ ꠛꠟꠦ ꠁꠔꠣ ꠅꠁꠛ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:1

ꠅ ꠔꠤꠝꠕꠤ, ꠢꠥꠘꠅ, ꠇꠥꠘꠥ ꠝꠥꠞꠛ꠆ꠛꠤ ꠝꠣꠘꠡꠞ ꠖꠥꠡ ꠖꠦꠈꠣꠘꠤꠔ ꠉꠤꠀ ꠇꠠꠣ ꠜꠣꠡꠣꠄ ꠝꠣꠔꠤꠅ ꠘꠣ। ꠔꠣꠞꠣꠞ ꠟꠉꠦ ꠘꠤꠎꠞ ꠛꠣꠚꠞ ꠟꠣꠈꠣꠘ ꠛꠦꠛꠢꠣꠞ ꠇꠞꠤꠅ। ꠀꠞ ꠎꠥꠀꠘ ꠅꠇꠟꠞꠦ ꠘꠤꠎꠞ ꠜꠣꠁ ꠝꠘꠅ ꠇꠞꠤꠀ ꠢꠦꠖꠣꠄꠅꠔ ꠇꠞꠤꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:19

ꠝꠘꠅ ꠞꠣꠈꠤꠅ, ꠖꠥꠁ ꠛꠣ ꠔꠤꠘ ꠎꠘ ꠡꠣꠇ꠆ꠇꠤꠞ ꠇꠕꠣ ꠍꠣꠠꠣ, ꠎꠝꠣꠔꠞ ꠝꠥꠞꠛ꠆ꠛꠤꠞ ꠛꠤꠞꠥꠖ꠆ꠖꠦ ꠇꠥꠘꠥ ꠘꠣꠟꠤꠡ ꠡꠝꠎꠤꠅ ꠘꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:8

ꠔꠦ ꠀꠝꠣꠞ ꠙꠞꠦꠎꠉꠣꠞꠤꠞ ꠙꠥꠞꠥꠡ꠆ꠇꠣꠞ ꠔ ꠎꠝꠣ ꠀꠍꠦ, ꠢꠃ ꠢꠇ-ꠁꠘꠍꠣꠚꠇꠣꠞꠤ ꠝꠣꠟꠤꠇꠦ ꠞꠥꠎ ꠢꠣꠡꠞꠞ ꠖꠤꠘ ꠀꠝꠣꠞꠦ ꠎꠄꠅꠞ ꠝꠣꠟꠣ ꠙꠥꠞꠥꠡ꠆ꠇꠣꠞ ꠖꠤꠛꠣ। ꠁꠔꠣ ꠈꠣꠟꠤ ꠀꠝꠣꠞꠦ ꠘꠣꠄ, ꠎꠔ ꠝꠣꠘꠥꠡ ꠀꠡꠤꠇ ꠅꠁꠀ ꠔꠣꠘ ꠟꠣꠉꠤ ꠛꠣꠞ ꠌꠣꠁꠞꠣ, ꠔꠣꠞꠣ ꠢꠇꠟꠞꠦꠃ ꠖꠤꠛꠣ।

Injil 17: Titas 1:5

ꠔꠤꠔꠣꠍ ꠢꠥꠘꠅ, ꠀꠝꠤ ꠔꠥꠝꠣꠞꠦ ꠅꠃ ꠇ꠆ꠞꠤꠔꠤ ꠖꠤꠙꠅ ꠕꠁꠀ ꠀꠁꠍꠤ, ꠎꠣꠔꠦ ꠎꠦꠔꠣ ꠇꠣꠝ ꠅꠈꠘꠅ ꠛꠣꠇꠤ ꠞꠁꠍꠦ, ꠔꠥꠝꠤ ꠅꠔꠣ ꠙꠥꠞꠣꠙꠥꠞ ꠀꠖꠣꠄ ꠇꠞ। ꠀꠞ ꠀꠝꠤ ꠎꠦꠟꠣ ꠢꠥꠇꠥꠝ ꠖꠤꠍꠟꠣꠝ, ꠑꠤꠇ ꠅꠃꠟꠣ ꠔꠥꠝꠤ ꠙꠞꠔꠦꠇ ꠐꠣꠃꠘꠞ ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠞꠦ ꠇꠣꠝꠅ ꠛꠅꠀꠁꠟ ꠇꠞꠅ।

ꠁꠘ꠆ꠎꠤꠟ ১৮: ꠚꠤꠟꠤꠝꠘ 1:9

ꠅꠁꠟꠦ ꠝꠢꠛ꠆ꠛꠔꠞ ꠈꠣꠔꠤꠞꠦ ꠢꠥꠇꠥꠝ ꠘꠣ ꠖꠤꠀ ꠔꠥꠝꠣꠞꠦ ꠝꠤꠘꠔ ꠇꠞꠤꠀꠞ। ꠀꠝꠤ ꠙꠣꠃꠟꠥꠍ ꠅꠃ ꠝꠥꠞꠛ꠆ꠛꠤ ꠛꠄꠅꠡꠅ ꠀꠟ-ꠝꠍꠤꠞ ꠟꠣꠉꠤ ꠛꠘ꠆ꠖꠤ ꠢꠣꠟꠔꠦ ꠔꠥꠝꠣꠞ ꠉꠦꠍꠦ ꠁ ꠝꠤꠘꠔꠤ ꠇꠞꠞꠣꠝ।

Injil 19: Ibrani 12:1

ꠔꠦ ꠀꠝꠞꠣ ꠖꠦꠈꠞꠣꠝ, ꠁꠝꠣꠘꠤ ꠔꠦꠎꠞ ꠛꠃꠔ ꠡꠣꠇ꠆ꠇꠤ ꠀꠝꠞꠣꠞ ꠌꠣꠁꠞꠅꠛꠣꠄ ꠀꠍꠦ। ꠄꠞꠟꠣꠉꠤ ꠀꠅ, ꠀꠝꠞꠣꠅ ꠢꠇꠟ ꠎꠣꠄ-ꠎꠣꠝꠦꠟꠣ ꠢꠞꠣꠁ, ꠎꠦ ꠉꠥꠘꠣꠄ ꠀꠝꠞꠣꠞꠦ ꠙꠦꠌꠣꠁꠀ ꠞꠣꠈꠦ, ꠅꠔꠣꠞꠦ ꠢꠞꠣꠁꠀ ꠚꠣꠟꠣꠁ, ꠀꠞ ꠖꠃꠠꠣꠅꠞꠣ ꠖꠟꠞ ꠟꠉꠦ ꠅꠁꠀ ꠗꠂꠎ꠆ꠎ ꠗꠞꠤ ꠢꠦꠡ ꠙꠞ꠆ꠎꠘ꠆ꠔ ꠖꠃꠠꠣꠁ।

ꠁꠘ꠆ꠎꠤꠟ ২১: ১-ꠙꠤꠔꠞ 1:12

ꠅꠁꠟꠦ ꠀꠟ꠆ꠟꠣꠄ ꠔꠣꠞꠣꠞꠦ ꠖꠦꠈꠣꠁꠀ ꠖꠤꠍꠂꠘ, ꠔꠣꠞꠣ ꠎꠦꠔꠣ ꠛꠣꠔꠣꠁꠞꠣ ꠁꠔꠣ ꠖꠤꠀ ꠔꠣꠞꠣꠞ ꠘꠤꠎꠞ ꠈꠦꠎꠝꠔ ꠘꠣ ꠇꠞꠤꠀ, ꠔꠥꠝꠞꠣꠞ ꠈꠦꠎꠝꠔ ꠇꠞꠞꠣ। ꠀꠍꠝꠣꠘ ꠕꠣꠇꠤ ꠙꠣꠑꠣꠁꠟ ꠙꠣꠇ ꠞꠥꠢꠥ ꠖꠤꠀ, ꠎꠦꠞꠣ ꠔꠥꠝꠞꠣꠞ ꠉꠦꠍꠦ ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠍꠂꠘ, ꠔꠣꠞꠣ ꠔꠥꠝꠞꠣꠞꠦ ꠘꠛꠤ ꠅꠇꠟꠞ ꠇꠕꠣꠃ ꠎꠣꠘꠣꠁꠍꠂꠘ। ꠚꠤꠞꠤꠡ꠆ꠔꠣ ꠅꠇꠟꠦꠅ ꠁꠔꠣ ꠛꠦꠙꠣꠞ ꠎꠣꠘꠣꠞ ꠟꠣꠉꠤ ꠈꠤꠀꠟꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 1:7

ꠅꠃ ꠙꠞꠤꠇ꠆ꠇꠣ ꠅꠇꠟ ꠌꠟꠦꠞ, ꠔꠥꠝꠞꠣ ꠎꠦꠘ ꠁꠝꠣꠘꠦ ꠈꠣꠐꠤ ꠅꠈꠣꠘ ꠙꠞꠝꠣꠘ ꠇꠞꠣꠞ ꠟꠣꠉꠤ। ꠀꠞ ꠁꠍꠣ ꠀꠟ-ꠝꠍꠤꠞ ꠎꠣꠁꠞ ꠅꠀꠞ ꠡꠝꠄ, ꠔꠥꠝꠞꠣ ꠎꠣꠘꠥ ꠔꠣꠞꠤꠚ, ꠉꠃꠞꠛ ꠀꠞ ꠡꠝ꠆ꠝꠣꠘ ꠙꠣꠅ। ꠎꠦ ꠡꠥꠘꠣ ꠇ꠆ꠇꠄ ꠅꠁꠎꠣꠄ, ꠅꠃ ꠡꠥꠘꠣꠞꠦꠅ ꠀꠉꠥꠘꠤꠔ ꠙꠥꠠꠤꠀ ꠎꠣꠌꠣꠁ ꠇꠞꠣ ꠅꠄ। ꠀꠞ ꠔꠥꠝꠞꠣꠞ ꠁꠝꠣꠘꠞ ꠖꠣꠝ ꠔ ꠅꠃ ꠡꠥꠘꠣꠞ ꠌꠣꠁꠔꠦꠅ ꠛꠃꠔ ꠛꠦꠡꠤ, ꠄꠞꠟꠣꠉꠤ ꠅꠃ ꠙꠞꠤꠇ꠆ꠇꠣ ꠌꠟꠦꠞ।

ꠁꠘ꠆ꠎꠤꠟ ২১: ১-ꠙꠤꠔꠞ 4:13

ꠛꠞꠋ ꠔꠥꠝꠞꠣ ꠀꠟ-ꠝꠍꠤꠞ ꠇꠡ꠆ꠐꠞ ꠜꠣꠉꠤ ꠅꠁꠞꠣꠄ ꠇꠞꠤ ꠈꠥꠡꠤ ꠇꠞꠅ, ꠎꠣꠔꠦ ꠔꠣꠘ ꠝꠢꠤꠝꠣ ꠎꠣꠁꠞ ꠅꠀꠞ ꠡꠝꠄꠅ ꠔꠥꠝꠞꠣ ꠀꠝꠥꠖ-ꠚꠥꠞ꠆ꠔꠤꠄ ꠈꠥꠡꠤ-ꠛꠣꠡꠤ ꠇꠞꠔꠣꠄ ꠙꠣꠞ।

ꠁꠘ꠆ꠎꠤꠟ ২১: ১-ꠙꠤꠔꠞ 5:4

ꠔꠦꠃ ꠢꠃ ꠙꠞꠗꠣꠘ ꠞꠣꠈꠣꠟ ꠁꠍꠣꠄ ꠎꠦꠛꠟꠣ ꠖꠥꠘꠤꠀꠔ ꠢꠤꠞꠛꠣꠞ ꠔꠡꠞꠤꠚ ꠀꠘꠛꠣ, ꠅꠃ ꠡꠝꠄ ꠔꠥꠝꠞꠣ ꠙꠥꠞꠥꠡ꠆ꠇꠣꠞ ꠢꠤꠡꠣꠛꠦ ꠅꠟꠣ ꠄꠇ ꠎꠄꠅꠞ ꠝꠣꠟꠣ ꠙꠣꠁꠛꠣꠄ ꠎꠦꠔꠣ ꠇꠥꠘꠥꠖꠤꠘ ꠛꠤꠘꠣꠡ ꠅꠁꠔ ꠘꠣꠄ।

Injil 23: 1-Hannan 3:2

ꠅ ꠡꠥꠘꠣ ꠅꠇꠟ, ꠅꠈꠘ ꠔ ꠀꠝꠞꠣ ꠀꠟ꠆ꠟꠣꠞ ꠀꠅꠟꠣꠖ ꠛꠘꠍꠤ, ꠄꠞꠛꠣꠖꠦ ꠇꠤꠔꠣ ꠛꠘꠝꠥ, ꠁꠈꠣꠘ ꠅꠈꠘꠅ ꠎꠣꠘꠤ ꠘꠣ। ꠈꠣꠟꠤ ꠎꠣꠘꠤ, ꠀꠟ-ꠝꠍꠤ ꠎꠦꠛꠟꠣ ꠖꠥꠍꠞꠣꠛꠣꠞ ꠎꠣꠁꠞ ꠅꠁꠛꠣ, ꠢꠃ ꠡꠝꠄ ꠀꠝꠞꠣꠅ ꠔꠣꠘ ꠟꠣꠈꠣꠘ ꠅꠁꠝꠥ। ꠀꠝꠞꠣ ꠔ ꠔꠣꠘꠞꠦ ꠔꠣꠘ ꠀꠍꠟ ꠍꠥꠞꠔꠦ ꠖꠦꠈꠣꠞ ꠡꠥꠎꠥꠉ ꠙꠣꠁꠝꠥ।

Injil 24: 2-Hannan 1:1

ꠀꠝꠤ ꠢꠃ ꠝꠥꠞꠛ꠆ꠛꠤꠄ ꠁꠔꠣ ꠟꠦꠈꠞꠣꠝ, ꠀꠟ꠆ꠟꠣꠞ ꠙꠍꠘ꠆ꠖꠞ ꠢꠃ ꠛꠦꠉꠝ ꠍꠣꠄꠛꠣꠘꠤ ꠀꠞ ꠔꠣꠘ ꠀꠅꠟꠣꠖ ꠅꠇꠟꠞ ꠉꠦꠍꠦ। ꠀꠟ꠆ꠟꠣꠁ ꠢꠇꠞ ꠈꠣꠔꠤꠞꠦ ꠀꠝꠤ ꠎꠣꠞꠣꠞꠦ ꠝꠢꠛ꠆ꠛꠔ ꠇꠞꠤ, ꠈꠣꠟꠤ ꠀꠝꠤ ꠘꠣꠄ, ꠀꠞꠅ ꠎꠔ ꠝꠣꠘꠡꠦ ꠀꠟ꠆ꠟꠣꠁ ꠢꠇ ꠎꠣꠘꠍꠂꠘ ꠔꠣꠞꠣ ꠢꠇꠟꠦ ꠎꠣꠞꠦ ꠝꠢꠛ꠆ꠛꠔ ꠇꠞꠂꠘ, ꠅꠃ ꠔꠥꠝꠞꠣꠞ ꠉꠦꠍꠦ ꠟꠦꠈꠞꠣꠝ।

Injil 25: 3-Hannan 1:1

ꠀꠟ꠆ꠟꠣꠁ ꠢꠇꠞ ꠈꠣꠔꠤꠞꠦ ꠀꠝꠤ ꠎꠣꠞꠦ ꠝꠢꠛ꠆ꠛꠔ ꠇꠞꠤ, ꠀꠝꠣꠞ ꠝꠣꠄꠀꠞ ꠖꠥꠡ꠆ꠔ ꠉꠃꠍꠞ ꠉꠦꠍꠦ, ꠀꠝꠤ ꠢꠃ ꠝꠥꠞꠛ꠆ꠛꠤꠄ ꠁꠔꠣ ꠟꠦꠈꠞꠣꠝ।

Injil 27: Zaira Kalam 1:9

ꠀꠝꠤ ꠔ ꠔꠥꠝꠞꠣꠞ ꠜꠣꠁ ꠢꠣꠘ꠆ꠘꠣꠘ, ꠢꠎꠞꠔ ꠁꠍꠣꠞ ꠃꠝ꠆ꠝꠔ ꠅꠀꠄ ꠀꠝꠤꠅ ꠔꠥꠝꠞꠣꠞ ꠟꠣꠈꠣꠘ ꠄꠇꠁ ꠇꠡ꠆ꠐ, ꠄꠇꠁ ꠛꠣꠖꠡꠣꠁ ꠀꠞ ꠄꠇꠁ ꠍꠛꠞꠞ ꠜꠣꠉꠤ ꠅꠁꠍꠤ। ꠀꠟ꠆ꠟꠣꠞ ꠇꠣꠟꠣꠝ ꠔꠛꠟꠤꠉ ꠇꠞꠣꠄ ꠀꠞ ꠁꠍꠣꠞ ꠙꠇ꠆ꠇꠦ ꠎꠛꠣꠘꠛꠘ꠆ꠖꠤ ꠖꠦꠅꠀꠄ ꠀꠝꠣꠞꠦ ꠙꠣꠔꠝꠥꠍ ꠘꠣꠝꠞ ꠖꠤꠙꠅ ꠘꠤꠀ ꠛꠘꠛꠣꠡ ꠖꠦꠅꠀ ꠅꠁꠍꠤꠟ।