ꠁꠘ꠆ꠎꠤꠟ ২১: ১-ꠙꠤꠔꠞ 4:7 - Siloṭi Asmani Kitab (Nagri lipi)

⁷ ꠅꠈꠘ ꠔ ꠢꠇ꠆ꠇꠟꠔꠣꠞ ꠢꠦꠡ ꠡꠝꠄ ꠀꠁꠌ꠆ꠍꠦ। ꠄꠞꠟꠣꠉꠤ ꠔꠥꠝꠞꠣꠞ ꠝꠘꠞꠦ ꠑꠤꠇ ꠇꠞꠅ, ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠅ, ꠎꠣꠔꠦ ꠝꠥꠘꠣꠎꠣꠔꠅ ꠇꠣꠝꠤꠀꠛ ꠅꠅ।

ছিলটি আছমানি কিতাব (বাংলা লিপি)

⁷ অখন তো হক্কলতার হেশ সময় আইচ্ছে। এরলাগি তুমরার মনরে ঠিক করো, নিজরে সামলাইয়া রাখো, যাতে মুনাজাতো কামিয়াব অও।

Siloṭi Asmani Kitab (Latin lipi)

⁷ Oḳon to hokkoltar hesh shomoy aichche. Erlagi tumrar monre ṭik koro, nizore shamlaia raḳo, zate munazato kamiab o.

ꠁꠘ꠆ꠎꠤꠟ ২১: ১-ꠙꠤꠔꠞ 4:7 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 19:35

ꠅꠃ ꠟꠣꠈꠣꠘ ꠔꠣꠞꠣ ꠢꠃ ꠞꠣꠁꠔꠅ ꠔꠣꠞꠣꠞ ꠛꠣꠚꠞꠦ ꠡꠞꠣꠛ ꠈꠣꠅꠀꠁꠀ ꠐꠣꠟ ꠛꠣꠘꠣꠁꠟ, ꠀꠞ ꠢꠥꠞꠥ ꠙꠥꠠꠤ ꠔꠣꠁꠞ ꠛꠣꠚꠞ ꠉꠦꠍꠦ ꠢꠥꠔꠤꠟ। ꠔꠣꠁ ꠇꠥꠘ ꠡꠝꠄ ꠢꠥꠔꠤꠟ ꠀꠞ ꠇꠥꠘ ꠡꠝꠄ ꠃꠑꠤꠟ, ꠁꠔꠣ ꠔꠣꠁꠘ ꠇꠥꠘ꠆ꠔꠣꠃ ꠐꠦꠞ ꠙꠣꠁꠟꠣ ꠘꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 6:13

ꠁꠔꠣ ꠖꠦꠈꠤꠀ ꠀꠟ꠆ꠟꠣꠄ ꠘꠥꠢꠞꠦ ꠇꠁꠟꠣ, “ꠔꠣꠝꠣꠝ ꠝꠣꠘꠥꠡ ꠎꠣꠔꠞꠦ ꠀꠝꠤ ꠈꠔꠝ ꠇꠞꠤꠟꠣꠁꠔꠣꠝ ꠑꠤꠇ ꠇꠞꠍꠤ। ꠝꠣꠘꠡꠞ ꠟꠣꠉꠤ ꠖꠥꠘꠤꠀꠁ ꠎꠥꠞ-ꠎꠥꠟꠥꠝꠦ ꠜꠞꠤ ꠉꠦꠍꠦ। ꠝꠣꠘꠡꠞ ꠟꠉꠦ ꠟꠉꠦ ꠖꠥꠘꠤꠀꠞ ꠢꠇꠟꠔꠣ ꠀꠝꠤ ꠡꠦꠡ ꠇꠞꠤꠟꠤꠔꠣꠝ।

ꠁꠘ꠆ꠎꠤꠟ ১: ꠝꠕꠤ 24:42

ꠄꠞꠟꠣꠉꠤ ꠇꠁꠞꠣꠝ, ꠔꠥꠝꠞꠣ ꠢꠥꠡꠤꠀꠞ ꠞꠁꠅ, ꠔꠥꠝꠞꠣꠞ ꠝꠣꠟꠤꠇ ꠇꠥꠘꠖꠤꠘ ꠀꠁꠛꠣ, ꠁꠔꠣ ꠔ ꠔꠥꠝꠞꠣ ꠎꠣꠘ ꠘꠣ।

ꠁꠘ꠆ꠎꠤꠟ ১: ꠝꠕꠤ 25:13

ꠅꠃ ꠇꠤꠌ꠆ꠍꠣꠞ ꠛꠣꠖꠦ ꠁꠍꠣꠄ ꠇꠁꠟꠣ, “ꠄꠞꠖꠣꠄ ꠔꠥꠝꠞꠣ ꠢꠥꠡꠤꠀꠞ ꠞꠁꠅ, ꠢꠤ ꠖꠤꠘ ꠀꠞ ꠢꠤ ꠡꠝꠄꠅꠞ ꠇꠕꠣ ꠔ ꠇꠦꠃꠞꠞ ꠎꠣꠘꠣ ꠘꠣꠁ।”

Injil 3: Luk 21:34

“ꠔꠥꠝꠞꠣ ꠘꠤꠎꠦ ꠢꠥꠡꠤꠀꠞ ꠞꠁꠅ, ꠎꠣꠔꠦ ꠝꠎꠣꠞ ꠝꠎꠣꠞ ꠈꠣꠘꠤ, ꠝꠖ ꠈꠣꠁꠀ ꠐꠣꠟ ꠅꠀ ꠀꠞ ꠞꠥꠎꠤ-ꠞꠥꠎꠉꠣꠞꠞ ꠘꠦꠡꠣꠄ ꠀꠃꠟꠣ-ꠎꠣꠃꠟꠣ ꠘꠣ ꠅꠅ, ꠀꠞꠘꠣꠄ ꠢꠃ ꠖꠤꠘ ꠀꠁꠀ ꠀꠈꠔꠣꠃ ꠔꠥꠝꠞꠣꠞꠦ ꠚꠣꠘ꠆ꠖꠅ ꠢꠣꠞꠣꠁꠔ ꠙꠣꠞꠦ।

Injil 3: Luk 21:36

ꠅꠁꠟꠦ ꠔꠥꠝꠞꠣ ꠢꠣꠝꠦꠡꠣ ꠢꠎꠣꠉ ꠞꠁꠅ, ꠀꠞ ꠖꠥꠀ ꠇꠞꠤꠅ, ꠎꠣꠔꠦ ꠅꠃ ꠎꠦꠔꠣ ꠎꠣꠁꠞ ꠅꠁꠛ ꠅꠔꠣ ꠙꠣꠞ ꠅꠁꠀ ꠢꠣꠞꠤ ꠀꠝꠣꠞ ꠍꠣꠝꠘꠦ ꠃꠛꠣꠘꠤꠞ ꠛꠟ ꠙꠣꠅ।”

Injil 3: Luk 22:46

ꠖꠦꠈꠤꠀ ꠔꠣꠞꠣꠞꠦ ꠇꠁꠟꠣ, “ꠊꠥꠝꠣꠁꠞꠣꠄ ꠇꠦꠘꠦ? ꠃꠑꠤꠀ ꠖꠥꠀ ꠇꠞꠅ, ꠎꠣꠔꠦ ꠙꠞꠤꠇ꠆ꠇꠣꠔ ꠘꠣ ꠙꠠ।”

Injil 6: Ruman 12:12

ꠍꠣꠝꠘꠞ ꠙꠥꠞꠥꠡ꠆ꠇꠣꠞꠞ ꠀꠡꠣꠄ ꠢꠣꠝꠦꠡꠣ ꠈꠥꠡꠤ-ꠛꠣꠡꠤ ꠇꠞꠅ, ꠖꠥꠈ-ꠝꠍꠤꠛꠔꠅ ꠍꠛꠞ ꠇꠞꠅ, ꠢꠞ-ꠢꠣꠝꠦꠡꠣ ꠝꠥꠘꠣꠎꠣꠔ ꠇꠞꠣꠔ ꠞꠅ।

Injil 7: 1-Korintia 15:24

ꠄꠞꠛꠣꠖꠦ ꠇꠤꠀꠝꠔꠞ ꠇꠣꠟꠅ ꠀꠟ-ꠝꠍꠤꠄ ꠖꠥꠘꠤꠀꠛꠤ ꠢꠇꠟ ꠡꠣꠡꠘ, ꠅꠗꠤꠇꠣꠞ ꠀꠞ ꠈꠦꠝꠔꠣꠞꠦ ꠛꠤꠘꠣꠡ ꠇꠞꠤꠀ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠀꠔꠅ ꠛꠣꠖꠡꠣꠁ ꠡꠝꠎꠣꠁꠛꠣ।

Injil 7: 1-Korintia 7:29

ꠜꠣꠁ ꠅꠇꠟ, ꠀꠝꠤ ꠇꠁꠔꠣꠝ ꠌꠣꠁꠞꠣꠝ, ꠝꠣꠟꠤꠇ ꠁꠍꠣꠄ ꠈꠥꠛ ꠎꠟꠖꠤ ꠔꠡꠞꠤꠚ ꠀꠘꠞꠣ, ꠛꠦꠡꠤ ꠖꠦꠞꠤ ꠘꠣꠄ। ꠄꠞꠟꠣꠉꠤ ꠅꠈꠘ ꠕꠣꠇꠤ ꠅꠃꠟꠣ ꠝꠘꠅ ꠇꠞꠤꠅ, ꠎꠦꠞꠣꠞ ꠛꠃ-ꠛꠣꠁꠌ꠆ꠌꠣ ꠀꠍꠦ, ꠝꠘꠅ ꠇꠞꠤꠅ ꠛꠃ-ꠛꠣꠁꠌ꠆ꠌꠣ ꠘꠣꠁ।

Injil 10: Ifisia 6:18

ꠙꠣꠇ ꠞꠥꠢꠥꠞ ꠛꠟꠦ ꠖꠤꠟꠦ-ꠎꠣꠘꠦ ꠢꠞ-ꠢꠣꠝꠦꠡꠣ ꠝꠥꠘꠣꠎꠣꠔ ꠇꠞꠅ। ꠄꠞꠟꠣꠉꠤ ꠢꠎꠣꠉ ꠞꠁꠀ ꠢꠇꠟ ꠙꠣꠇ ꠛꠘ꠆ꠖꠣ ꠅꠇꠟꠞ ꠟꠣꠉꠤ ꠡꠛ ꠡꠝꠄ ꠝꠥꠘꠣꠎꠣꠔ ꠇꠞꠣꠔ ꠞꠁꠅ।

Injil 11: Filifia 4:5

ꠔꠥꠝꠞꠣꠞ ꠘꠞꠝ ꠛꠦꠛꠢꠣꠞ ꠎꠣꠘꠥ ꠢꠇꠟ ꠝꠣꠘꠡꠞ ꠌꠈꠥꠔ ꠙꠠꠦ। ꠎꠣꠘ ꠔ, ꠀꠝꠞꠣꠞ ꠝꠣꠟꠤꠇ ꠈꠥꠛ ꠎꠟꠖꠤꠃ ꠀꠁꠞꠣ।

Injil 12: Kolosia 4:2

ꠔꠥꠝꠞꠣ ꠝꠘ ꠖꠤꠀ ꠡꠥꠇꠞꠤꠀ ꠀꠖꠣꠄ ꠇꠞꠤꠀ ꠖꠥꠀ ꠇꠞꠣꠔ ꠞꠁꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:5

ꠅꠁꠟꠦ ꠔꠥꠝꠤ ꠢꠇꠟ ꠛꠦꠙꠣꠞꠦ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠅ, ꠖꠥꠈ-ꠇꠡ꠆ꠐ ꠡꠁꠎ꠆ꠎ ꠇꠞꠅ, ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠔ ꠞꠅ, ꠀꠟ꠆ꠟꠣꠞ ꠖꠦꠅꠀ ꠖꠣꠄꠁꠔ꠆ꠔ ꠀꠖꠣꠄ ꠇꠞꠅ।

Injil 17: Titas 2:12

ꠅꠃ ꠞꠢꠝꠔꠦꠃ ꠀꠝꠞꠣꠞꠦ ꠔꠣꠟꠤꠝ ꠖꠤꠞꠣ, ꠎꠣꠔꠦ ꠀꠝꠞꠣ ꠛꠦ-ꠖꠤꠘꠤ ꠇꠣꠝ-ꠇꠣꠎ ꠕꠣꠇꠤ ꠀꠞ ꠖꠥꠘꠤꠀꠞ ꠢꠇꠟ ꠛꠖ ꠈꠣꠁꠡ ꠕꠣꠇꠤ ꠖꠥꠞꠁ ꠞꠁꠀ, ꠁ ꠎꠉꠔꠅ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠤ, ꠀꠞ ꠘꠦꠇ ꠙꠕꠦ ꠞꠁꠀ ꠙꠞꠦꠎꠉꠣꠞ ꠎꠤꠘ꠆ꠖꠦꠉꠤ ꠇꠣꠐꠣꠁ।

Injil 19: Ibrani 10:25

ꠇꠥꠘꠥ ꠇꠥꠘꠥ ꠎꠘꠞ ꠡ꠆ꠛꠜꠣꠛ ꠅꠁꠟ, ꠔꠣꠞꠣ ꠎꠝꠣꠔꠅ ꠀꠁꠀ ꠡꠞꠤꠇ ꠅꠄ ꠘꠣ, ꠅꠁꠟꠦ ꠀꠝꠞꠣ ꠎꠣꠘꠥ ꠅꠃ ꠟꠣꠈꠣꠘ ꠘꠣ ꠅꠁ। ꠀꠟ-ꠝꠍꠤꠄ ꠖꠥꠍꠞꠣꠛꠣꠞ ꠔꠡꠞꠤꠚ ꠀꠘꠣꠞ ꠅꠇ꠆ꠔ ꠎꠔ ꠊꠘꠣꠁꠀ ꠀꠁꠅꠞ, ꠀꠝꠞꠣ ꠅꠔ ꠛꠦꠡꠤ ꠇꠞꠤ ꠄꠇꠦ-ꠅꠁꠘ꠆ꠘꠞꠦ ꠡꠣꠅꠡ-ꠙꠞꠣꠝꠤꠡ ꠖꠦꠅꠀꠔ ꠞꠁ।

Injil 19: Ibrani 9:26

ꠁ ꠟꠣꠈꠣꠘ ꠅꠁꠟꠦ ꠔ ꠖꠥꠘꠤꠀ ꠙꠄꠖꠣ ꠕꠣꠇꠤ ꠅꠈꠘ ꠙꠞ꠆ꠎꠘ꠆ꠔ ꠔꠣꠁꠘ ꠛꠣꠞꠦ ꠛꠣꠞꠦ ꠇꠡ꠆ꠐ ꠙꠣꠁꠀ ꠇꠥꠞꠛꠣꠘꠤ ꠅꠁꠔꠦ ꠅꠁꠟ ꠅꠘꠦ। ꠅꠁꠟꠦ ꠔꠣꠁꠘ ꠔ ꠀꠈꠦꠞꠤ ꠎꠝꠣꠘꠣꠔ ꠀꠁꠀ ꠈꠣꠟꠤ ꠄꠇꠛꠣꠞꠃ ꠎꠣꠁꠞ ꠅꠁꠍꠂꠘ, ꠎꠣꠔꠦ ꠘꠤꠎꠞꠦ ꠇꠥꠞꠛꠣꠘꠤ ꠖꠤꠀ ꠔꠣꠝꠣꠝ ꠉꠥꠘꠣꠞ ꠇꠚꠞꠣ ꠅꠁꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 1:13

ꠄꠞꠟꠣꠉꠤ ꠔꠥꠝꠞꠣꠞ ꠝꠘꠞꠦ ꠢꠎꠣꠉ ꠇꠞꠅ ꠀꠞ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠅ। ꠀꠟ-ꠝꠍꠤ ꠎꠣꠁꠞ ꠅꠀꠞ ꠛꠣꠖꠦ ꠎꠦ ꠞꠢꠝꠔ ꠔꠥꠝꠞꠣ ꠙꠣꠁꠛꠣꠄ, ꠅꠃ ꠞꠢꠝꠔꠤ ꠘꠣꠎꠣꠔ ꠙꠣꠅꠀꠞ ꠟꠣꠉꠤ ꠙꠥꠞꠣꠙꠥꠞ ꠀꠡꠣ ꠟꠁꠀ ꠔꠥꠝꠞꠣ ꠛꠣꠞ ꠌꠣꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 3:7

ꠀꠞ ꠎꠣꠝꠣꠁ ꠅꠇꠟꠞꠦꠅ ꠇꠁꠞꠣꠝ, ꠔꠥꠝꠞꠣ ꠛꠤꠛꠦꠇ-ꠛꠥꠖ꠆ꠖꠤ ꠈꠣꠐꠣꠁꠀ ꠛꠃꠞ ꠟꠉꠦ ꠌꠟꠅ। ꠔꠣꠞꠣꠅ ꠔ ꠔꠥꠝꠞꠣꠞ ꠟꠉꠞ ꠇꠝꠎꠥꠞ ꠝꠣꠘꠥꠡ ꠀꠞ ꠀꠟ꠆ꠟꠣꠞ ꠞꠢꠝꠔꠞ ꠖꠣꠘ ꠢꠤꠡꠣꠛꠦ ꠔꠣꠞꠣꠅ ꠔꠥꠝꠞꠣꠞ ꠟꠉꠦ ꠎꠤꠘ꠆ꠖꠦꠉꠤ ꠙꠣꠁꠛ। ꠄꠞꠟꠣꠉꠤ ꠔꠣꠞꠣꠞꠦ ꠁꠎ꠆ꠎꠔ ꠖꠦꠅ, ꠎꠣꠔꠦ ꠀꠟ꠆ꠟꠣꠞ ꠖꠞꠛꠣꠞꠅ ꠔꠥꠝꠞꠣꠞ ꠝꠥꠘꠣꠎꠣꠔ ꠛꠦꠇꠣꠝꠣ ꠘꠣ ꠎꠣꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 5:8

ꠔꠥꠝꠞꠣ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠅ ꠀꠞ ꠢꠥꠡꠤꠀꠞ ꠅꠅ। ꠇꠣꠞꠘ ꠔꠥꠝꠞꠣꠞ ꠖꠥꠡꠝꠘ ꠁꠛꠟꠤꠍꠦ ꠉꠞ꠆ꠎꠘ ꠇꠞꠞꠣ ꠛꠣꠊꠞ ꠟꠣꠈꠣꠘ, ꠔꠥꠝꠞꠣꠞꠦ ꠈꠣꠁꠟꠤꠔ ꠇꠞꠤ ꠈꠣꠙ ꠗꠞꠤꠀ ꠊꠥꠞꠦꠞ।

Injil 27: Zaira Kalam 16:15

ꠝꠘꠅ ꠞꠣꠈꠤꠅ, ꠢꠎꠞꠔ ꠁꠍꠣꠄ ꠇꠁꠞꠣ, “ꠢꠥꠘꠅ, ꠀꠝꠤ ꠔ ꠌꠥꠞꠞ ꠟꠣꠈꠣꠘ ꠘꠤꠞꠣꠟꠣꠄ ꠀꠁꠝꠥ। ꠔꠦ ꠗꠁꠘ꠆ꠘ ꠢꠃ ꠎꠘ, ꠎꠦ ꠎꠘ ꠢꠎꠣꠉ ꠞꠁꠛ ꠀꠞ ꠘꠤꠎꠞ ꠟꠦꠛꠣꠍ ꠚꠤꠘ꠆ꠖꠤꠀ ꠞꠁꠛ, ꠎꠣꠔꠦ ꠢꠦ ꠟꠦꠝꠐꠣ ꠅꠁꠀ ꠊꠥꠞꠣ ꠘꠣ ꠟꠣꠉꠦ, ꠀꠞ ꠝꠣꠘꠡꠦ ꠔꠣꠞ ꠡꠞꠝ ꠘꠣ ꠖꠦꠈꠦ।”