ꠁꠘ꠆ꠎꠤꠟ ২১: ১-ꠙꠤꠔꠞ 4:3 - Siloṭi Asmani Kitab (Nagri lipi)

³ ꠀꠟ꠆ꠟꠣꠞꠦ ꠎꠦꠞꠣ ꠌꠤꠘꠦ ꠘꠣ, ꠔꠣꠞꠣꠞ ꠟꠣꠈꠣꠘ ꠔꠥꠝꠞꠣꠅ ꠀꠉꠦ ꠎꠤꠘꠣ-ꠛꠖꠝꠣꠁꠡꠤ, ꠝꠃꠎ-ꠚꠥꠞ꠆ꠔꠤ, ꠝꠣꠔꠟꠣꠝꠤ, ꠢꠂ-ꠢꠥꠟ꠆ꠟꠣ ꠀꠞ ꠎꠊꠁꠘ꠆ꠘ ꠝꠥꠞ꠆ꠔꠤꠙꠥꠎꠣ ꠇꠞꠤꠀ ꠖꠤꠘ ꠇꠣꠐꠣꠁꠔꠣꠄ।

ছিলটি আছমানি কিতাব (বাংলা লিপি)

³ আল্লারে যেরা চিনে না, তারার লাখান তুমরাও আগে জিনা-বদমাইশি, মউজ-ফুর্তি, মাতলামি, হৈ-হুল্লা আর জঘইন্য মুর্তিপুজা করিয়া দিন কাটাইতায়।

Siloṭi Asmani Kitab (Latin lipi)

³ Allare zera sine na, tarar laḳan tumra-o age zina-bodmaishi, mouz-furti, matlami, hoi-hulla ar zogoinno murtipuja ḳoria din ḳaṭaitae.

ꠁꠘ꠆ꠎꠤꠟ ২১: ১-ꠙꠤꠔꠞ 4:3 Iomraidhean Croise

Injil 2: Markus 7:22

ꠟꠥꠜ-ꠟꠣꠟꠌ, ꠙꠞꠞ ꠈꠦꠔꠤ ꠇꠞꠣꠞ ꠗꠣꠘ꠆ꠖꠣ, ꠍꠟ-ꠌꠔꠥꠞꠤ, ꠛꠖꠝꠣꠁꠡꠤ, ꠛꠖ-ꠘꠎꠞ, ꠁꠋꠡꠣ-ꠘꠤꠘ꠆ꠖꠣ, ꠛꠠꠣꠁ-ꠛꠦꠐꠣꠉꠤꠞꠤ ꠀꠞ ꠡꠄꠔꠣꠘꠤ ꠛꠣꠞꠅꠄ।

Injil 5: Sahabi Nama 17:30

ꠀꠉꠞ ꠎꠝꠣꠘꠣꠞ ꠝꠣꠘꠡꠦ ꠁꠔꠣ ꠎꠣꠘꠔꠣ ꠘꠣ ꠉꠔꠤꠇꠦ ꠀꠟ꠆ꠟꠣꠄ ꠁꠔꠣꠞꠦ ꠇꠍꠥꠞ ꠝꠘꠅ ꠇꠞꠍꠂꠘ ꠘꠣ, ꠅꠁꠟꠦ ꠅꠈꠘ ꠔꠣꠁꠘ ꠢꠇꠟ ꠎꠣꠉꠣꠞ ꠢꠇ꠆ꠇꠟ ꠝꠣꠘꠡꠞꠦ ꠝꠘ ꠛꠖꠟꠣꠁꠀ ꠔꠃꠛꠣ ꠇꠞꠣꠞ ꠟꠣꠉꠤ ꠢꠥꠇꠥꠝ ꠖꠤꠞꠣ।

Injil 6: Ruman 13:13

ꠢꠂ-ꠢꠥꠟ꠆ꠟꠣ ꠇꠞꠤ ꠝꠖ ꠈꠣꠁꠀ ꠐꠣꠟ ꠅꠀ, ꠎꠤꠘꠣ-ꠛꠖꠝꠣꠁꠡꠤ ꠛꠣ ꠝꠘꠉꠠꠣ ꠌꠟꠣ, ꠁꠋꠡꠣ ꠀꠞ ꠇꠣꠁꠎ꠆ꠎꠣ-ꠚꠍꠣꠖ ꠛꠣꠖ ꠖꠤꠀ, ꠀꠅ, ꠀꠝꠞꠣ ꠖꠤꠘꠞ ꠚꠞꠦ ꠌꠟꠞꠣ ꠝꠣꠘꠡꠞ ꠟꠣꠈꠣꠘ ꠌꠟꠤ।

Injil 7: 1-Korintia 12:2

ꠔꠥꠝꠞꠣꠞ ꠎꠣꠘꠣ ꠀꠍꠦ, ꠀꠉꠦ ꠎꠦꠛꠟꠣ ꠔꠥꠝꠞꠣ ꠀꠟ꠆ꠟꠣꠞ ꠄꠛꠣꠖꠔ ꠇꠞꠔꠣꠄ ꠘꠣ, ꠢꠃ ꠡꠝꠄ ꠔꠥꠝꠞꠣꠞꠦ ꠅꠟꠣꠈꠣꠘ ꠖꠦꠛ-ꠖꠦꠛꠤꠞ ꠛꠣꠄ ꠐꠣꠘꠤꠀ ꠘꠦꠅꠀ ꠅꠁꠔ, ꠎꠦꠔꠣꠄ ꠇꠥꠘ꠆ꠔꠣ ꠝꠣꠔꠤꠔ ꠙꠣꠞꠦ ꠘꠣ।

Injil 7: 1-Korintia 6:11

ꠔꠥꠝꠞꠣꠞ ꠝꠣꠎꠞ ꠇꠥꠘꠥ ꠇꠥꠘꠥ ꠎꠘꠅ ꠀꠉꠦ ꠅꠟꠣ ꠀꠍꠟꠣꠄ, ꠅꠁꠟꠦ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠞ ꠀꠝꠞꠣꠞ ꠀꠟ꠆ꠟꠣꠞ ꠞꠥꠢꠦ ꠔꠥꠝꠞꠣꠞꠦ ꠗꠁꠀ ꠍꠣꠚ ꠇꠞꠍꠦ, ꠔꠥꠝꠞꠣꠞꠦ ꠙꠛꠤꠔ꠆ꠞ ꠇꠞꠣ ꠅꠁꠍꠦ ꠀꠞ ꠛꠦ-ꠇꠍꠥꠞ ꠈꠣꠟꠣꠍ ꠇꠁꠀ ꠉꠁꠘ꠆ꠘ ꠇꠞꠣ ꠅꠁꠍꠦ।

Injil 8: 2-Korintia 12:21

ꠀꠝꠣꠞ ꠜꠤꠔꠞꠦ ꠒꠞ ꠇꠞꠦꠞ, ꠀꠝꠤ ꠀꠞꠇꠛꠣꠞ ꠎꠦꠛꠟꠣ ꠔꠥꠝꠞꠣꠞ ꠉꠦꠍꠦ ꠀꠁꠝꠥ, ꠅꠃ ꠡꠝꠄ ꠀꠝꠣꠞ ꠀꠟ꠆ꠟꠣꠄ ꠘꠤ ꠔꠥꠝꠞꠣꠞ ꠍꠣꠝꠘꠦ ꠀꠝꠣꠞꠦ ꠡꠞꠝꠤꠘ꠆ꠖꠣ ꠛꠣꠘꠣꠁꠟꠣꠁꠘ, ꠎꠦꠔꠣ ꠝꠣꠘꠡꠦ ꠉꠥꠘꠣ ꠇꠞꠍꠂꠘ, ꠎꠦꠔꠣꠄ ꠘꠣꠙꠣꠇꠤ ꠇꠣꠝ, ꠎꠤꠘꠣ, ꠀꠞ ꠛꠖꠝꠣꠁꠡꠤ ꠇꠞꠤꠀ ꠔꠃꠛꠣ ꠇꠞꠍꠦ ꠘꠣ, ꠅꠔꠣꠞꠦ ꠖꠦꠈꠤꠀ ꠘꠤ ꠀꠝꠤ ꠝꠘꠞ ꠝꠣꠎꠦ ꠇꠡ꠆ꠐ ꠙꠣꠁ।

Injil 9: Galatia 5:19

ꠖꠤꠟꠞ ꠛꠖ ꠈꠣꠁꠡꠞ ꠇꠣꠝ-ꠇꠣꠎ ꠔ ꠈꠥꠟꠣ-ꠝꠦꠟꠣꠃ ꠌꠤꠘꠣ ꠎꠣꠄ, ꠁꠔꠣ ꠅꠁꠟꠉꠤ ꠎꠤꠘꠣ, ꠘꠣꠙꠣꠇꠤ, ꠛꠖꠝꠣꠁꠡꠤ,

Injil 9: Galatia 5:21

ꠁꠋꠡꠣ, ꠝꠣꠔꠟꠣꠝꠤ, ꠢꠂ-ꠢꠥꠟ꠆ꠟꠣ ꠇꠞꠤ ꠛꠎ꠆ꠎꠣꠔꠤ ꠇꠞꠣ, ꠀꠞ ꠅꠃ ꠘꠝꠥꠘꠣꠞ ꠀꠞꠅ ꠛꠃꠔ ꠇꠣꠝ। ꠔꠦ ꠀꠝꠤ ꠀꠉꠦ ꠎꠦꠟꠣ ꠢꠥꠡꠤꠀꠞ ꠇꠞꠍꠟꠣꠝ, ꠅꠈꠘ ꠢꠤꠞꠛꠣꠞ ꠅꠃꠟꠣ ꠇꠁꠞꠣꠝ, ꠖꠤꠟꠞ ꠅꠃ ꠛꠖ ꠈꠣꠁꠡꠞ ꠉꠥꠟꠣꠝꠤ ꠎꠦꠞꠣ ꠇꠞꠦ, ꠀꠟ꠆ꠟꠣꠞ ꠛꠣꠖꠡꠣꠁꠔ ꠔꠣꠞꠣꠞ ꠇꠥꠘꠥ ꠑꠣꠁ ꠘꠣꠁ।

Injil 10: Ifisia 5:18

ꠝꠖꠞ ꠘꠤꠡꠣꠄ ꠐꠣꠟ ꠅꠁꠅ ꠘꠣ, ꠁꠔꠣꠄ ꠎꠤꠘ꠆ꠖꠦꠉꠤ ꠘꠡ꠆ꠐ ꠇꠞꠤꠟꠣꠄ। ꠛꠞꠋ ꠙꠥꠞꠣꠙꠥꠞ ꠙꠣꠇ ꠞꠥꠢꠥꠞ ꠛꠡꠦ ꠞꠅ,

Injil 17: Titas 3:3

ꠀꠝꠞꠣꠅ ꠀꠉꠦ ꠛꠦꠀꠈꠟ ꠀꠞ ꠘꠣꠚꠞꠝꠣꠘ ꠀꠍꠟꠣꠝ, ꠛꠦ-ꠙꠕꠦ ꠌꠟꠔꠣꠝ, ꠖꠥꠘꠤꠀꠛꠤ ꠀꠞꠣꠝ-ꠀꠄꠄꠡ ꠀꠞ ꠘꠣꠘꠣꠘ ꠘꠝꠥꠘꠣꠞ ꠛꠖ ꠈꠣꠁꠡꠞ ꠉꠥꠟꠣꠝ ꠀꠍꠟꠣꠝ। ꠅꠁꠘ꠆ꠘ ꠝꠣꠘꠡꠞꠦ ꠁꠋꠡꠣ ꠇꠞꠔꠣꠝ, ꠔꠣꠞꠣꠞ ꠈꠦꠔꠤ ꠇꠞꠣꠞ ꠗꠣꠘ꠆ꠖꠣꠄ ꠖꠤꠘ ꠇꠣꠐꠣꠁꠔꠣꠝ। ꠀꠞ ꠘꠤꠎꠦ ꠊꠤꠘ꠆ꠘꠣꠞ ꠎꠁꠉ꠆ꠉ ꠅꠁꠟꠦꠅ ꠄꠇꠦ-ꠅꠁꠘ꠆ꠘꠞꠦ ꠊꠤꠘ꠆ꠘꠣꠁꠔꠣꠝ।

ꠁꠘ꠆ꠎꠤꠟ ২১: ১-ꠙꠤꠔꠞ 1:14

ꠔꠥꠝꠞꠣꠞ ꠀꠉꠞ ꠅꠛꠥꠎ ꠢꠣꠟꠔꠞ ꠈꠣꠞꠣꠙ ꠇꠣꠝ-ꠇꠣꠎ ꠝꠣꠚꠤꠇ ꠎꠤꠘ꠆ꠖꠦꠉꠤ ꠇꠣꠐꠣꠁꠅ ꠘꠣ, ꠛꠞꠋ ꠀꠟ꠆ꠟꠣꠞ ꠢꠥꠇꠥꠝ ꠝꠣꠘꠞꠣ ꠀꠅꠟꠣꠖ ꠢꠤꠡꠣꠛꠦ ꠖꠤꠘ ꠇꠣꠐꠣꠅ।

Injil 26: Ehuda 1:4

ꠁꠔꠣꠞ ꠎꠞꠥꠞ ꠅꠁꠍꠦ, ꠇꠣꠞꠘ ꠎꠦꠔꠣ ꠝꠣꠘꠡꠦ ꠛꠦ-ꠖꠤꠘꠤ ꠇꠣꠝꠞ ꠡꠣꠎꠣ ꠙꠣꠁꠛꠣꠞ ꠇꠕꠣ ꠀꠉ ꠕꠣꠇꠤꠃ ꠟꠦꠈꠣ ꠀꠍꠤꠟ, ꠔꠟꠦ ꠔꠟꠦ ꠅꠔꠣ ꠝꠣꠘꠥꠡ ꠀꠁꠀ ꠔꠥꠝꠞꠣꠞ ꠖꠟꠅ ꠢꠣꠝꠣꠁ ꠉꠦꠍꠦ। ꠀꠝꠞꠣꠞ ꠀꠟ꠆ꠟꠣꠞ ꠞꠢꠝꠔꠞꠦ ꠔꠣꠞꠣꠞ ꠛꠖ ꠈꠣꠁꠡ ꠝꠤꠐꠣꠘꠤꠞ ꠀꠔꠤꠀꠞ ꠛꠣꠘꠣꠁꠍꠦ, ꠀꠞ ꠀꠝꠞꠣꠞ ꠄꠇꠝꠣꠔ꠆ꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠟꠐꠣ ꠌꠟꠦ।