ꠁꠘ꠆ꠎꠤꠟ ২১: ১-ꠙꠤꠔꠞ 4:2 - Siloṭi Asmani Kitab (Nagri lipi)

² ꠄꠞꠟꠣꠉꠤ ꠢꠦ ꠎꠔꠖꠤꠘ ꠖꠥꠘꠤꠀꠔ ꠀꠍꠦ, ꠅꠔꠖꠤꠘ ꠛꠖ ꠈꠣꠁꠡꠦ ꠘꠣ ꠌꠟꠤꠀ ꠈꠣꠟꠤ ꠀꠟ꠆ꠟꠣꠁ ꠝꠥꠘꠡꠣꠄ ꠎꠤꠘ꠆ꠖꠦꠉꠤ ꠇꠣꠐꠣꠄ।

ছিলটি আছমানি কিতাব (বাংলা লিপি)

² এরলাগি হে যতদিন দুনিয়াত আছে, অতদিন বদ খাইশে না চলিয়া খালি আল্লাই মুনশায় জিন্দেগি কাটায়।

Siloṭi Asmani Kitab (Latin lipi)

² Erlagi he zotodin duniat ase, otodin bod ḳaishe na solia ḳali Allai munshae zindegi kaṭae.

ꠁꠘ꠆ꠎꠤꠟ ২১: ১-ꠙꠤꠔꠞ 4:2 Iomraidhean Croise

ꠁꠘ꠆ꠎꠤꠟ ১: ꠝꠕꠤ 12:50

ꠎꠣꠞꠣ ꠀꠝꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤ ꠎꠥꠉꠣꠁꠀ ꠌꠟꠂꠘ, ꠔꠣꠞꠣꠃ ꠀꠝꠣꠞ ꠝꠣ ꠀꠞ ꠜꠣꠁ-ꠛꠁꠘ।”

ꠁꠘ꠆ꠎꠤꠟ ১: ꠝꠕꠤ 20:4

ꠖꠦꠈꠤꠀ ꠇꠁꠟꠣ, ‘ꠔꠥꠝꠞꠣꠅ ꠉꠤꠀ ꠀꠝꠣꠞ ꠛꠣꠉꠣꠘꠅ ꠇꠣꠝꠅ ꠟꠣꠉꠅ, ꠀꠝꠤ ꠔꠥꠝꠞꠣꠞꠦ ꠃꠌꠤꠔ ꠐꠦꠇꠣ ꠖꠤꠝꠥ।’

ꠁꠘ꠆ꠎꠤꠟ ১: ꠝꠕꠤ 21:31

ꠔꠦ ꠇꠃꠇ꠆ꠇꠣ ꠌꠣꠁꠘ, ꠅꠃ ꠖꠥꠁꠅ ꠙꠥꠀꠞ ꠝꠣꠎꠦ ꠇꠦ ꠛꠣꠚꠞ ꠢꠥꠇꠥꠝ ꠝꠣꠘꠟ?” ꠔꠣꠞꠣ ꠇꠁꠟꠣ, “ꠛꠠ ꠙꠥꠀꠄ।” ꠔꠦꠃ ꠁꠍꠣꠄ ꠇꠁꠟꠣ, “ꠀꠝꠤ ꠀꠙꠘꠣꠁꠘ꠆ꠔꠞꠦ ꠢꠣꠍꠣ ꠇꠕꠣ ꠇꠁꠞꠣꠝ, ꠊꠥꠡꠈꠥꠞ ꠔꠡꠤꠟꠖꠣꠞ ꠀꠞ ꠍꠤꠟꠣꠘ ꠛꠦꠐꠤꠘ ꠀꠙꠘꠣꠁꠘ꠆ꠔꠞ ꠀꠉꠦ ꠅꠁꠀ ꠀꠟ꠆ꠟꠣꠞ ꠛꠣꠖꠡꠣꠁꠔ ꠢꠣꠝꠣꠁꠎꠤꠞꠣ।

ꠁꠘ꠆ꠎꠤꠟ ১: ꠝꠕꠤ 7:21

“ꠝꠘꠅ ꠞꠣꠈꠤꠅ, ꠀꠝꠣꠞꠦ ‘ꠢꠥꠎꠥꠞ, ꠢꠥꠎꠥꠞ!’ ꠇꠁꠟꠦꠃ ꠎꠦꠘ ꠛꠦꠢꠦꠡ꠆ꠔꠤ ꠛꠣꠖꠡꠣꠁꠔ ꠢꠣꠝꠣꠁꠎꠤꠛꠣꠄ, ꠁꠈꠣꠘ ꠑꠤꠇ ꠘꠣꠄ। ꠛꠞꠋ ꠎꠦ ꠎꠘꠦ ꠀꠝꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤ ꠎꠥꠉꠣꠁꠀ ꠌꠟꠦ, ꠈꠣꠟꠤ ꠢꠦ-ꠃ ꠢꠣꠝꠣꠁꠔ ꠙꠣꠞꠛ।

Injil 2: Markus 3:35

ꠎꠦꠞꠣ ꠀꠟ꠆ꠟꠣꠞ ꠝꠞ꠆ꠎꠤ ꠎꠥꠉꠣꠁꠀ ꠌꠟꠂꠘ, ꠔꠣꠞꠣꠃ ꠔ ꠀꠝꠣꠞ ꠝꠣ, ꠀꠞ ꠜꠣꠁ-ꠛꠁꠘ।”

Injil 2: Markus 7:21

ꠝꠣꠘꠡꠞ ꠖꠤꠟ ꠕꠣꠇꠤꠃ ꠔ ꠢꠇꠟ ꠘꠝꠥꠘꠣꠞ ꠇꠥ-ꠌꠤꠘ꠆ꠔꠣ ꠀꠄ; ꠎꠤꠘꠣ, ꠌꠥꠞꠤ, ꠈꠥꠘ,

Injil 4: Hannan 1:13

ꠀꠍꠟꠦ ꠅꠃ ꠎꠘ ꠅꠇꠟꠞ ꠎꠘꠝ ꠔ ꠝꠣꠘꠡꠞ ꠟꠃ ꠕꠣꠇꠤ ꠅꠁꠍꠦ ꠘꠣ, ꠡꠞꠤꠟꠞ ꠈꠣꠁꠡ ꠛꠣ ꠝꠣꠘꠡꠞ ꠁꠌ꠆ꠍꠣꠄꠅ ꠅꠁꠍꠦ ꠘꠣ, ꠁꠐꠣ ꠈꠣꠟꠤ ꠀꠟ꠆ꠟꠣ ꠕꠣꠇꠤꠃ ꠅꠁꠍꠦ।

Injil 4: Hannan 7:17

ꠇꠦꠃ ꠎꠥꠖꠤ ꠔꠣꠘ ꠝꠞ꠆ꠎꠤ ꠎꠥꠉꠣꠁꠀ ꠌꠟꠔ ꠌꠣꠄ, ꠔꠦ ꠢꠦ ꠛꠥꠎꠛ, ꠁ ꠔꠣꠟꠤꠝ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠀꠁꠍꠦ, ꠘꠣ ꠀꠝꠣꠞ ꠝꠥꠈ ꠕꠣꠇꠤ ꠖꠤꠞꠣꠝ।

Injil 6: Ruman 12:2

ꠀꠞ ꠅꠃ ꠈꠣꠞꠣꠙ ꠎꠝꠣꠘꠣꠞ ꠔꠣꠟꠅ ꠙꠠꠤꠅ ꠘꠣ, ꠛꠞꠋ ꠘꠤꠎꠞ ꠖꠤꠟꠞ ꠜꠣꠛ ꠛꠖꠟꠣꠁꠀ ꠘꠄꠀ ꠝꠣꠘꠥꠡ ꠅꠅ। ꠔꠦꠃ ꠔꠥꠝꠞꠣ ꠀꠟ꠆ꠟꠣꠞ ꠝꠞ꠆ꠎꠤ ꠛꠥꠎꠛꠣꠄ। ꠔꠣꠘ ꠝꠞ꠆ꠎꠤ ꠔ ꠜꠣꠟꠣ ꠀꠞ ꠙꠥꠞꠣꠙꠥꠞ ꠘꠤꠈꠥꠔ, ꠅꠟꠣ ꠇꠞꠟꠦ ꠔꠣꠁꠘ ꠈꠥꠡꠤ ꠅꠁꠘ।

Injil 6: Ruman 14:7

ꠀꠝꠞꠣꠞ ꠝꠣꠎꠞ ꠇꠥꠘꠥ ꠛꠘ꠆ꠖꠣꠃ ꠘꠤꠎꠞ ꠟꠣꠉꠤ ꠘꠤꠎꠦ ꠎꠤꠘ꠆ꠖꠣ ꠞꠄ ꠘꠣ, ꠀꠞ ꠘꠤꠎꠞ ꠟꠣꠉꠤ ꠝꠞꠦꠅ ꠘꠣ।

Injil 6: Ruman 6:11

ꠑꠤꠇ ꠅꠃꠟꠣ, ꠔꠥꠝꠞꠣꠅ ꠝꠘꠅ ꠇꠞꠤꠅ, ꠉꠥꠘꠣꠞ ꠈꠦꠝꠔꠣꠞ ꠛꠦꠙꠣꠞꠦ ꠔꠥꠝꠞꠣꠞ ꠝꠞꠘ ꠅꠁꠉꠦꠍꠦ, ꠅꠈꠘ ꠈꠣꠟꠤ ꠁꠍꠣ ꠀꠟ-ꠝꠍꠤꠞ ꠘꠣꠝꠦ ꠀꠟ꠆ꠟꠣꠞ ꠝꠢꠤꠝꠣꠞ ꠟꠣꠉꠤ ꠎꠤꠘ꠆ꠖꠣ ꠀꠍ।

Injil 6: Ruman 6:2

ꠘꠣꠃꠎꠥꠛꠤꠟ꠆ꠟꠣ, ꠝꠥꠐꠦꠃ ꠘꠣ! ꠉꠥꠘꠣꠞ ꠛꠣꠛꠔꠦ ꠀꠝꠞꠣ ꠔ ꠝꠞꠤꠉꠦꠍꠤ, ꠔꠦ ꠁ ꠝꠥꠞ꠆ꠖꠣ ꠢꠣꠟꠔꠦ ꠅꠈꠘ ꠀꠞ ꠇꠦꠝꠘꠦ ꠉꠥꠘꠣꠞ ꠇꠣꠝꠅ ꠞꠁꠔꠣꠝ?

Injil 6: Ruman 7:4

ꠜꠣꠁꠀꠁꠘꠞꠦ, ꠑꠤꠇ ꠅꠃ ꠟꠣꠈꠣꠘꠃ, ꠀꠟ-ꠝꠍꠤꠞ ꠡꠞꠤꠟꠞ ꠝꠃꠔꠞ ꠝꠣꠎꠖꠤ ꠡꠞꠤꠅꠔꠞ ꠛꠣꠘ꠆ꠖꠘ ꠕꠣꠇꠤ ꠔꠥꠝꠞꠣꠞ ꠝꠃꠔ ꠅꠁꠉꠦꠍꠦ ꠇꠞꠤ, ꠅꠈꠘ ꠔꠥꠝꠞꠣ ꠅꠁꠘ꠆ꠘ ꠎꠘꠞ ꠛꠣꠘ꠆ꠖꠘꠅ ꠎꠣꠁꠔꠣꠄ ꠙꠣꠞ, ꠀꠞ ꠅꠃ ꠅꠁꠘ꠆ꠘ ꠎꠘ ꠅꠁꠟꠣ, ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠅꠀ ꠢꠃ ꠁꠍꠣ ꠀꠟ-ꠝꠍꠤ, ꠎꠣꠔꠦ ꠀꠝꠞꠣꠞ ꠎꠤꠘ꠆ꠖꠦꠉꠤꠔ ꠀꠟ꠆ꠟꠣꠞ ꠘꠣꠝꠦ ꠘꠦꠇ ꠙꠕꠞ ꠚꠟ ꠗꠞꠦ।

Injil 8: 2-Korintia 5:15

ꠔꠣꠁꠘ ꠢꠇꠟꠞ ꠟꠣꠉꠤ ꠝꠣꠞꠣ ꠉꠦꠍꠟꠣ, ꠎꠣꠔꠦ ꠎꠦꠞꠣ ꠎꠤꠘ꠆ꠖꠣ ꠀꠍꠂꠘ, ꠔꠣꠞꠣ ꠎꠣꠘꠥ ꠀꠞ ꠘꠤꠎꠞ ꠟꠣꠉꠤ ꠘꠣ ꠛꠣꠌꠂꠘ। ꠛꠞꠋ ꠔꠣꠞꠣꠞ ꠟꠣꠉꠤ ꠎꠦꠁꠘ ꠝꠣꠞꠣ ꠉꠦꠍꠟꠣ ꠀꠞ ꠢꠤꠞꠛꠣꠞ ꠎꠤꠘ꠆ꠖꠣ ꠅꠁꠍꠟꠣ, ꠔꠣꠘ ꠟꠣꠉꠤꠃ ꠔꠣꠞꠣ ꠛꠣꠌꠂꠘ।

Injil 10: Ifisia 2:3

ꠀꠝꠞꠣ ꠢꠇꠟꠦꠃ ꠄꠇ ꠡꠝꠄ ꠉꠥꠘꠣꠞ ꠡ꠆ꠛꠜꠣꠛꠞ ꠉꠥꠟꠣꠝ ꠛꠘꠤꠀ, ꠅꠔꠣ ꠘꠣꠚꠞꠝꠣꠘ ꠝꠣꠘꠡꠞ ꠟꠣꠈꠣꠘ ꠎꠤꠘ꠆ꠖꠦꠉꠤ ꠇꠣꠐꠣꠁꠔꠣꠝ। ꠅꠃ ꠛꠖ ꠡ꠆ꠛꠜꠣꠛ ꠕꠣꠇꠤ ꠎꠦ ꠛꠖ ꠈꠣꠁꠡ ꠀꠝꠞꠣꠞ ꠖꠤꠟꠅ ꠀꠁꠔ, ꠀꠝꠞꠣ ꠅꠟꠣ ꠇꠣꠝ ꠇꠞꠔꠣꠝ। ꠀꠞ ꠅꠃ ꠇꠣꠝ-ꠇꠣꠎꠞ ꠟꠣꠉꠤ ꠢꠔꠣ ꠝꠣꠘꠡꠞ ꠟꠣꠈꠣꠘ ꠀꠝꠞꠣꠅ ꠀꠟ꠆ꠟꠣꠞ ꠉꠎꠛꠞ ꠟꠣꠈ ꠀꠍꠟꠣꠝ।

Injil 10: Ifisia 4:17

ꠄꠞꠟꠣꠉꠤ ꠀꠝꠤ ꠀꠝꠣꠞ ꠝꠣꠟꠤꠇꠞ ꠘꠣꠝꠦ ꠔꠥꠝꠞꠣꠞꠦ ꠢꠥꠡꠤꠀꠞ ꠇꠞꠤ ꠖꠤꠀꠞ, ꠜꠤꠘ ꠗꠞ꠆ꠝꠞ ꠝꠣꠘꠡꠦ ꠎꠦꠟꠣ ꠛꠣꠎꠦ ꠌꠤꠘ꠆ꠔꠣ ꠇꠞꠤꠀ ꠎꠤꠘ꠆ꠖꠦꠉꠤ ꠇꠣꠐꠣꠁꠘ, ꠔꠥꠝꠞꠣ ꠀꠞ ꠁꠟꠣ ꠎꠤꠘ꠆ꠖꠦꠉꠤ ꠇꠣꠐꠣꠁꠅ ꠘꠣ।

Injil 10: Ifisia 5:17

ꠄꠞꠟꠣꠉꠤꠃ ꠇꠁꠞꠣꠝ, ꠔꠥꠝꠞꠣ ꠛꠦꠀꠈꠟ ꠛꠘꠤꠅ ꠘꠣ, ꠛꠞꠋ ꠝꠣꠟꠤꠇꠞ ꠝꠞ꠆ꠎꠤꠞꠦ ꠛꠥꠎꠅ।

Injil 10: Ifisia 6:6

ꠈꠣꠟꠤ ꠝꠣꠘꠡꠞꠦ ꠈꠥꠡꠤ ꠇꠞꠣꠞ ꠘꠤꠅꠔꠦ ꠝꠥꠘꠤꠛꠞ ꠍꠣꠝꠘꠦ ꠛꠣꠁꠖ꠆ꠖ ꠞꠁꠅ ꠘꠣ, ꠛꠞꠋ ꠀꠟ-ꠝꠍꠤꠞ ꠉꠥꠟꠣꠝ ꠢꠤꠡꠣꠛꠦ ꠖꠤꠟꠦ-ꠎꠣꠘꠦ ꠀꠟ꠆ꠟꠣꠞ ꠝꠞ꠆ꠎꠤ ꠝꠣꠚꠤꠇ ꠌꠟꠞꠣꠄ ꠇꠞꠤꠀ ꠔꠥꠝꠞꠣꠞ ꠝꠥꠘꠤꠛꠞ ꠛꠣꠁꠖ꠆ꠖ ꠞꠁꠅ।

Injil 12: Kolosia 1:9

ꠄꠞꠟꠣꠉꠤ ꠔꠥꠝꠞꠣꠞ ꠛꠦꠙꠣꠞꠦ ꠢꠥꠘꠣꠞ ꠛꠣꠖ ꠕꠣꠇꠤꠃ ꠀꠝꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠖꠥꠀ ꠇꠞꠤ। ꠞꠥꠢꠣꠘꠤ ꠁꠟꠤꠝ ꠀꠞ ꠛꠥꠖ꠆ꠖꠤ ꠖꠤꠀ ꠔꠥꠝꠞꠣ ꠎꠣꠘꠥ ꠀꠟ꠆ꠟꠣꠞ ꠝꠥꠘꠡꠣ ꠙꠥꠞꠣꠙꠥꠞ ꠛꠥꠎꠔꠣꠄ ꠙꠣꠞ।

Injil 12: Kolosia 3:3

ꠔꠥꠝꠞꠣ ꠔ ꠝꠣꠞꠣ ꠉꠦꠍ, ꠔꠥꠝꠞꠣꠞ ꠎꠤꠘ꠆ꠖꠦꠉꠤ ꠀꠟ-ꠝꠍꠤꠞ ꠟꠉꠦ ꠀꠟ꠆ꠟꠣꠞ ꠖꠞꠛꠣꠞꠅ ꠟꠥꠇꠣꠁꠟ ꠀꠍꠦ।

Injil 12: Kolosia 4:12

ꠀꠛꠥ-ꠚꠣꠞꠣꠍꠦꠅ ꠔꠥꠝꠞꠣꠞꠦ ꠍꠣꠟꠣꠝ ꠖꠤꠍꠂꠘ, ꠔꠣꠁꠘ ꠔ ꠔꠥꠝꠞꠣꠞ ꠀꠙꠘ ꠝꠣꠘꠥꠡ ꠀꠞ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠄꠁꠘ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠖꠤꠟꠦ-ꠎꠣꠘꠦ ꠝꠥꠘꠣꠎꠣꠔ ꠇꠞꠞꠣ, ꠔꠥꠝꠞꠣ ꠎꠣꠔꠦ ꠇꠣꠝꠤꠟ ꠅꠅ, ꠀꠞ ꠀꠟ꠆ꠟꠣꠞ ꠝꠞ꠆ꠎꠤ-ꠝꠥꠘꠡꠣ ꠛꠥꠎꠤꠀ ꠝꠎꠛꠥꠔ ꠅꠁꠀ ꠃꠛꠣꠅ।

ইঞ্জিল ১৩: ১-থিষল: 5:18

ꠀꠞ ꠢꠇꠟ ꠢꠣꠟꠔꠅ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤꠅ। ꠇꠣꠞꠘ ꠀꠟ꠆ꠟꠣ ꠙꠣꠇꠞ ꠈꠤꠀꠟ ꠅꠁꠟ, ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠟꠉꠦ ꠁꠝꠣꠘꠦ ꠔꠥꠝꠞꠣ ꠅꠟꠣꠈꠣꠘ ꠌꠟ।

Injil 19: Ibrani 13:21

ꠢꠇꠟ ꠘꠦꠇ ꠇꠣꠝꠞ ꠔꠚꠤꠇ ꠖꠦꠃꠇ꠆ꠇꠣ, ꠔꠣꠘ ꠝꠞ꠆ꠎꠤ ꠎꠥꠉꠣꠁꠀ ꠌꠟꠣꠞ, ꠀꠞ ꠔꠣꠁꠘ ꠎꠦꠔꠣ ꠙꠍꠘ꠆ꠖ ꠇꠞꠂꠘ, ꠖꠤꠟꠅ ꠅꠔꠣꠞ ꠄꠡꠇꠤ ꠖꠦꠃꠇ꠆ꠇꠣ, ꠁꠍꠣ ꠀꠟ-ꠝꠍꠤꠞ ꠎꠞꠤꠀꠄ, ꠄꠘ ꠝꠢꠤꠝꠣ ꠢꠞ-ꠢꠣꠝꠦꠡꠣ ꠞꠃꠇ, ꠀꠝꠤꠘ।

Injil 20: Iakub 1:18

ꠔꠣꠁꠘ ꠘꠤꠎꠞ ꠈꠥꠡꠤꠄ ꠀꠝꠞꠣꠞꠦ ꠢꠇ ꠇꠣꠟꠣꠝ ꠖꠤꠀ ꠔꠣꠘ ꠛꠘ꠆ꠖꠣ ꠛꠣꠘꠣꠁꠍꠂꠘ, ꠀꠝꠞꠣ ꠎꠣꠘꠥ ꠀꠡꠞꠣꠚꠥꠟ ꠝꠈꠟꠥꠇꠣꠔ, ꠡ꠆ꠞꠤꠡ꠆ꠐꠤꠞ ꠡꠦꠞꠣ ꠝꠣꠘꠥꠡ ꠅꠁ।

ꠁꠘ꠆ꠎꠤꠟ ২১: ১-ꠙꠤꠔꠞ 1:14

ꠔꠥꠝꠞꠣꠞ ꠀꠉꠞ ꠅꠛꠥꠎ ꠢꠣꠟꠔꠞ ꠈꠣꠞꠣꠙ ꠇꠣꠝ-ꠇꠣꠎ ꠝꠣꠚꠤꠇ ꠎꠤꠘ꠆ꠖꠦꠉꠤ ꠇꠣꠐꠣꠁꠅ ꠘꠣ, ꠛꠞꠋ ꠀꠟ꠆ꠟꠣꠞ ꠢꠥꠇꠥꠝ ꠝꠣꠘꠞꠣ ꠀꠅꠟꠣꠖ ꠢꠤꠡꠣꠛꠦ ꠖꠤꠘ ꠇꠣꠐꠣꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 2:1

ꠄꠞꠟꠣꠉꠤ ꠅꠁꠘ꠆ꠘ ꠝꠣꠘꠡꠞ ꠈꠦꠔꠤ ꠇꠞꠣꠞ ꠢꠇꠟ ꠎꠣꠔ ꠇꠥ-ꠝꠔꠟꠛ, ꠍꠟ-ꠌꠔꠥꠞꠤ, ꠜꠘ꠆ꠒꠣꠝꠤ, ꠁꠋꠡꠣ, ꠀꠞ ꠢꠇꠟ ꠎꠣꠔ ꠘꠤꠘ꠆ꠖꠣꠞ ꠝꠣꠔ-ꠇꠕꠣ ꠔꠥꠝꠞꠣꠞ ꠖꠤꠟ ꠕꠣꠇꠤ ꠢꠞꠣꠁ ꠖꠦꠅ।

Injil 23: 1-Hannan 2:17

ꠔꠦ ꠖꠥꠘꠤꠀꠛꠤ ꠎꠉꠔ-ꠡꠋꠡꠣꠞꠞ ꠢꠇ꠆ꠇꠟ ꠛꠣꠢꠣꠖꠥꠞꠤꠞ ꠖꠤꠘ ꠚꠥꠠꠣꠁ ꠎꠣꠞ, ꠅꠁꠟꠦ ꠎꠦ ꠛꠘ꠆ꠖꠣꠄ ꠀꠟ꠆ꠟꠣꠞ ꠝꠞ꠆ꠎꠤ ꠎꠥꠉꠣꠁ ꠌꠟꠦ, ꠢꠦ ꠔ ꠌꠤꠞꠇꠣꠟ ꠐꠤꠇꠤꠀ ꠞꠁꠛ।