ꠁꠘ꠆ꠎꠤꠟ ২১: ১-ꠙꠤꠔꠞ 4:11 - Siloṭi Asmani Kitab (Nagri lipi)

¹¹ ꠇꠦꠃ ꠎꠥꠖꠤ ꠔꠛꠟꠤꠉ ꠇꠞꠂꠘ, ꠔꠦ ꠅꠃ ꠟꠣꠈꠣꠘ ꠇꠞꠃꠇ꠆ꠇꠣ ꠎꠣꠔꠦ ꠛꠥꠎꠣ ꠎꠣꠄ, ꠁꠔꠣ ꠀꠟ꠆ꠟꠣꠁ ꠛꠥꠟꠤ। ꠀꠞ ꠎꠦꠁꠘ ꠈꠦꠎꠝꠔ ꠇꠞꠂꠘ, ꠄꠁꠘ ꠀꠟ꠆ꠟꠣꠞ ꠖꠦꠅꠀ ꠛꠟ-ꠡꠇ꠆ꠔꠤꠄ ꠈꠦꠎꠝꠔ ꠇꠞꠃꠇ꠆ꠇꠣ, ꠎꠣꠔꠦ ꠢꠇ꠆ꠇꠟꠔꠣꠔꠃ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠟ꠆ꠟꠣꠞ ꠔꠣꠞꠤꠚ ꠅꠄ। ꠔꠣꠞꠤꠚ ꠀꠞ ꠇꠥꠖꠞꠔꠤ ꠈꠦꠝꠔꠣ ꠢꠞ-ꠢꠣꠝꠦꠡꠣ ꠔꠣꠘꠃ। ꠀꠝꠤꠘ।

ছিলটি আছমানি কিতাব (বাংলা লিপি)

¹¹ কেউ যুদি তবলিগ করইন, তে অউ লাখান করউক্কা যাতে বুজা যায়, ইতা আল্লাই বুলি। আর যেইন খেজমত করইন, এইন আল্লার দেওয়া বল-শক্তিয়ে খেজমত করউক্কা, যাতে হক্কলতাতউ আল-মসীর উছিলায় আল্লার তারিফ অয়। তারিফ আর কুদরতি খেমতা হর-হামেশা তানউ। আমিন।

Siloṭi Asmani Kitab (Latin lipi)

¹¹ Ḳeu zudi toblig koroin, te ou laḳan ḳoroukka zate buza zae, ita Allai buli. Ar zein kezmot ḳoroin, ein Allar deoa bol-shoktie kezmot ḳoroukka, zate hokkoltat-u al-Mosir usillae Allar tarif oy. Tarif ar kudroti kemota hor-hamesha tan-u. Amin.

ꠁꠘ꠆ꠎꠤꠟ ২১: ১-ꠙꠤꠔꠞ 4:11 Iomraidhean Croise

ꠁꠘ꠆ꠎꠤꠟ ১: ꠝꠕꠤ 6:13

ꠚꠣꠟꠣꠁꠅ ꠘꠣ ꠀꠝꠞꠣꠞꠦ ꠙꠞꠤꠇ꠆ꠇꠣꠔ, ꠡꠄꠔꠣꠘꠞ ꠇꠛꠎꠣ ꠕꠣꠇꠤ ꠇꠞꠅ ꠈꠣꠟꠣꠍ॥

Injil 4: Hannan 13:31

ꠁꠢꠥꠖꠣ ꠛꠣꠞꠦ ꠉꠤꠀ ꠢꠣꠞꠟꠦ ꠁꠍꠣꠄ ꠇꠁꠟꠣ, “ꠛꠤꠘ-ꠀꠖꠝꠞ ꠝꠢꠤꠝꠣ ꠎꠣꠁꠞ ꠇꠞꠣꠞ ꠡꠝꠄ ꠀꠁꠌ꠆ꠍꠦ, ꠔꠣꠘ ꠝꠣꠎꠖꠤ ꠀꠟ꠆ꠟꠣꠞ ꠝꠢꠤꠝꠣ ꠎꠣꠁꠞ ꠅꠁꠛ।

Injil 5: Sahabi Nama 7:38

ꠅꠃ ꠝꠥꠍꠣꠃ ꠔ ꠝꠞꠥꠜꠥꠝꠤꠔ ꠀꠝꠞꠣꠞ ꠛꠣꠚ-ꠖꠣꠖꠣ ꠛꠘꠤ ꠁꠍꠞꠣꠁꠟꠞ ꠟꠉꠦ ꠀꠍꠟꠣ। ꠀꠞ ꠎꠦ ꠚꠤꠞꠤꠡ꠆ꠔꠣꠄ ꠔꠥꠞ ꠙꠣꠠꠅ ꠛꠣꠔꠌꠤꠔ ꠇꠞꠍꠤꠟꠣ, ꠅꠃ ꠝꠥꠍꠣꠞ ꠟꠉꠦꠃ ꠔꠣꠁꠘ ꠝꠣꠔꠤꠍꠟꠣ। ꠀꠞ ꠀꠝꠞꠣꠞꠦ ꠖꠤꠛꠣꠞ ꠟꠣꠉꠤ ꠎꠤꠘ꠆ꠖꠣ-ꠇꠣꠟꠣꠝ ꠅꠃ ꠝꠥꠍꠣꠞ ꠉꠦꠍꠦꠃ ꠖꠦꠅꠀ ꠅꠁꠍꠤꠟ।

Injil 6: Ruman 11:36

ꠀꠍꠟꠦ ꠢꠇꠟꠔꠣꠃ ꠔ ꠔꠣꠘ ꠉꠦꠍ ꠕꠣꠇꠤ, ꠔꠣꠘ ꠝꠣꠎꠖꠤꠃ ꠀꠄ, ꠔꠣꠘ ꠘꠤꠎꠞ ꠟꠣꠉꠤ ꠙꠄꠖꠣ ꠇꠞꠍꠂꠘ। ꠎꠥꠉꠦ ꠎꠥꠉꠦ ꠌꠤꠞꠇꠣꠟ ꠔꠣꠘ ꠔꠣꠞꠤꠚ ꠅꠃꠇ। ꠀꠝꠤꠘ।

Injil 6: Ruman 12:3

ꠔꠣꠟꠤꠝ ꠖꠤꠛꠣꠞ ꠟꠣꠉꠤ ꠀꠟ꠆ꠟꠣꠄ ꠀꠝꠣꠞꠦ ꠎꠦ ꠈꠣꠍ ꠘꠤꠀꠝꠔ ꠖꠤꠍꠂꠘ, ꠅꠃ ꠘꠤꠀꠝꠔꠞ ꠛꠟꠦ ꠀꠝꠤ ꠔꠥꠝꠞꠣ ꠙꠞꠔꠦꠇ ꠎꠘꠞꠦ ꠇꠁꠞꠣꠝ, ꠘꠤꠎꠞꠦ ꠎꠔꠈꠣꠘ ꠛꠠ ꠝꠘꠅ ꠇꠞꠣ ꠃꠌꠤꠔ, ꠄꠞ ꠌꠣꠁꠔꠦ ꠛꠦꠡꠤ ꠝꠘꠅ ꠇꠞꠤꠅ ꠘꠣ। ꠀꠟ꠆ꠟꠣꠄ ꠎꠣꠞꠦ ꠎꠔꠈꠣꠘ ꠁꠝꠣꠘꠤ ꠛꠟ ꠖꠤꠍꠂꠘ, ꠢꠦ ꠎꠣꠘꠥ ꠘꠤꠎꠞꠦ ꠄꠞ ꠕꠣꠇꠤ ꠛꠦꠡꠤ ꠇꠥꠘ꠆ꠔꠣ ꠝꠘꠅ ꠘꠣ ꠇꠞꠦ।

Injil 6: Ruman 16:27

ꠔꠣꠁꠘꠃ ꠄꠇꠝꠣꠔ꠆ꠞ ꠀꠟ꠆ꠟꠣ, ꠔꠣꠁꠘꠃ ꠀꠈꠟꠖꠣꠞ, ꠎꠥꠉꠦ ꠎꠥꠉꠦ ꠌꠤꠞꠇꠣꠟ ꠁꠍꠣ ꠀꠟ-ꠝꠍꠤꠞ ꠝꠣꠎꠖꠤ ꠔꠣꠘ ꠔꠣꠞꠤꠚ ꠅꠃꠇ। ꠀꠝꠤꠘ॥

Injil 6: Ruman 3:2

ꠘꠤꠌ꠆ꠌꠄ ꠀꠍꠦ। ꠛꠃꠔ ꠘꠝꠥꠘꠣꠞ ꠚꠣꠄꠖꠣ ꠀꠍꠦ। ꠙꠄꠟꠣ ꠚꠣꠄꠖꠣ: ꠀꠟ꠆ꠟꠣ ꠙꠣꠇꠦ ꠔꠣꠘ ꠢꠇ꠆ꠇꠟ ꠇꠣꠟꠣꠝ ꠘꠣꠎꠤꠟ ꠇꠞꠍꠂꠘ ꠛꠘꠤ ꠁꠍꠞꠣꠁꠟꠞ ꠉꠦꠍꠦ।

Injil 7: 1-Korintia 10:31

ꠄꠞꠟꠣꠉꠤ ꠔꠥꠝꠞꠣ ꠈꠣꠘꠣ-ꠙꠤꠘꠣ ꠇꠞ ꠛꠣ ꠎꠦꠔꠣꠃ ꠇꠞ ꠘꠣ ꠇꠦꠘꠦ, ꠢꠇꠟꠔꠣꠃ ꠀꠟ꠆ꠟꠣꠞ ꠉꠃꠞꠛꠞ ꠘꠤꠅꠔꠦ ꠇꠞꠤꠅ।

Injil 7: 1-Korintia 12:4

ꠅꠃ ꠄꠇꠁ ꠙꠣꠇ ꠞꠥꠢꠥꠞ ꠘꠣꠘꠣꠘ ꠘꠝꠥꠘꠣꠞ ꠖꠣꠘ-ꠘꠤꠀꠝꠔ ꠀꠍꠦ।

Injil 7: 1-Korintia 3:10

ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠎꠦ ꠈꠣꠍ ꠞꠢꠝꠔ ꠀꠝꠤ ꠙꠣꠁꠍꠤ, ꠅꠃ ꠞꠢꠝꠔꠞ ꠛꠟꠦꠃ ꠀꠝꠤ ꠀꠈꠟꠖꠣꠞ ꠞꠣꠎ ꠝꠦꠡ꠆ꠔꠞꠤꠞ ꠟꠣꠈꠣꠘ ꠁꠀꠘ ꠈꠥꠐꠤ ꠉꠣꠠꠍꠤ। ꠀꠞ ꠅꠃ ꠈꠥꠐꠤꠞ ꠃꠙꠞꠦ ꠅꠁꠘ꠆ꠘ ꠎꠘꠦ ꠛꠤꠟꠒꠤꠋ ꠛꠣꠘꠣꠁꠞꠣ। ꠅꠁꠟꠦ ꠇꠦ ꠇꠤꠟꠣ ꠛꠣꠘꠣꠁꠞꠣ, ꠁ ꠛꠦꠙꠣꠞꠦ ꠔꠣꠞꠣ ꠢꠥꠡꠤꠀꠞ ꠅꠃꠇ।

Injil 7: 1-Korintia 6:20

ꠛꠃꠔ ꠖꠣꠝ ꠖꠤꠀ ꠔꠥꠝꠣꠞꠦ ꠈꠞꠤꠖ ꠇꠞꠣ ꠅꠁꠍꠦ। ꠄꠞꠟꠣꠉꠤ ꠔꠥꠝꠣꠞ ꠡꠞꠤꠟꠞꠦ ꠀꠟ꠆ꠟꠣꠞ ꠉꠃꠞꠛꠞ ꠇꠣꠝꠅ ꠟꠣꠉꠣꠅ।

Injil 8: 2-Korintia 2:17

ꠘꠤꠎꠞ ꠟꠣꠜꠞ ꠟꠣꠉꠤ ꠎꠦꠟꠣ ꠛꠃꠔ ꠎꠘꠦ ꠀꠟ꠆ꠟꠣꠞ ꠇꠣꠟꠣꠝ ꠟꠁꠀ ꠛꠦꠛꠡꠣ ꠇꠞꠦ, ꠀꠝꠞꠣ ꠔ ꠁꠔꠣꠞ ꠟꠣꠈꠣꠘ ꠘꠣꠄ। ꠀꠝꠞꠣ ꠛꠞꠋ ꠀꠟ꠆ꠟꠣꠞ ꠙꠣꠑꠣꠁꠟ ꠎꠘ ꠢꠤꠡꠣꠛꠦ ꠡꠞꠟ ꠝꠘꠦ ꠀꠟ-ꠝꠍꠤꠞ ꠘꠣꠝꠦ ꠀꠟ꠆ꠟꠣꠞꠦ ꠀꠎꠤꠞ-ꠘꠣꠎꠤꠞ ꠞꠣꠈꠤꠀ ꠔꠛꠟꠤꠉ ꠇꠞꠤꠀꠞ।

Injil 8: 2-Korintia 9:13

ꠔꠥꠝꠞꠣ ꠀꠟ-ꠝꠍꠤꠞ ꠈꠥꠡ-ꠈꠛꠞꠤꠞ ꠃꠙꠎꠥꠇ꠆ꠔ ꠅꠃ ꠈꠦꠎꠝꠔ ꠇꠞꠍ ꠖꠦꠈꠤꠀ, ꠔꠣꠞꠣ ꠀꠟ꠆ꠟꠣꠞ ꠡꠥꠇꠥꠞ-ꠉꠥꠎꠣꠞ ꠀꠖꠣꠄ ꠇꠞꠛꠣ। ꠔꠥꠝꠞꠣ ꠖꠥꠁꠅ ꠀꠔꠦ ꠖꠣꠘ-ꠈꠄꠞꠣꠔ ꠛꠤꠟꠣꠘꠤꠄ, ꠝꠣꠇꠤꠖꠘꠤꠀꠞ ꠝꠣꠘꠡꠦ ꠀꠞ ꠛꠣꠇꠤ ꠢꠇꠟꠦꠃ ꠀꠟ꠆ꠟꠣꠞ ꠉꠃꠞꠛ ꠇꠞꠛꠣ।

Injil 10: Ifisia 1:19

ꠀꠞ ꠀꠝꠞꠣ ꠎꠦꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠍꠤ, ꠀꠝꠞꠣꠞ ꠖꠤꠟꠞ ꠝꠣꠎꠦ ꠇꠔ ꠛꠠ ꠡꠇ꠆ꠔꠤꠄ ꠇꠣꠝ ꠇꠞꠦꠞ। ꠁ ꠡꠇ꠆ꠔꠤ ꠅꠁꠟ, ꠔꠣꠘ ꠇꠥꠖꠞꠔꠞ ꠝꠢꠣꠡꠇ꠆ꠔꠤ।

Injil 10: Ifisia 4:29

ꠔꠥꠝꠞꠣꠞ ꠝꠥꠈꠖꠤ ꠎꠣꠘꠥ ꠛꠣꠖ ꠇꠕꠣ ꠘꠣ ꠛꠣꠞꠅꠄ, ꠛꠞꠋ ꠀꠞꠇ ꠎꠘꠞ ꠃꠙꠇꠣꠞꠤ ꠔꠣꠟꠤꠝꠞ ꠟꠣꠉꠤ ꠜꠣꠟꠣ ꠝꠣꠔ ꠝꠣꠔꠤꠅ, ꠎꠣꠔꠦ ꠁꠔꠣ ꠢꠥꠘꠤꠀ ꠢꠥꠘꠞꠣ ꠎꠘꠞ ꠜꠣꠟꠣꠁ ꠅꠄ।

Injil 10: Ifisia 5:20

ꠢꠣꠝꠦꠡꠣ ꠢꠇꠟ ꠛꠦꠙꠣꠞꠦ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠘꠣꠝꠦ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠅ।

Injil 10: Ifisia 6:10

ꠢꠦꠡ-ꠝꠦꠡ ꠇꠁꠞꠣꠝ, ꠔꠥꠝꠞꠣ ꠀꠍꠝꠣꠘꠤ ꠝꠣꠟꠤꠇꠞ ꠟꠉꠦ ꠝꠤꠟꠤꠀ ꠞꠁꠀ ꠔꠣꠘ ꠇꠥꠖꠞꠔꠤ ꠛꠟꠦ ꠛꠟꠀꠟꠣ ꠅꠅ।

Injil 11: Filifia 1:11

ꠔꠣꠘ ꠛꠟꠦ ꠔꠥꠝꠞꠣ ꠘꠦꠇ ꠇꠣꠝ-ꠇꠣꠎ ꠇꠞꠤꠀ ꠈꠣꠐꠤ ꠙꠕꠦ ꠘꠤꠈꠥꠔ ꠅꠁꠀ ꠞꠁꠛꠣꠄ। ꠔꠦꠃ ꠀꠟ꠆ꠟꠣ ꠙꠣꠇꠞ ꠉꠃꠞꠛ ꠀꠞ ꠔꠣꠞꠤꠚ ꠎꠣꠁꠞ ꠅꠁꠛ।

Injil 11: Filifia 2:11

ꠀꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠉꠃꠞꠛꠞ ꠟꠣꠉꠤ ꠡ꠆ꠛꠤꠇꠣꠞ ꠇꠞꠂꠘ, ꠁꠍꠣ ꠀꠟ-ꠝꠍꠤꠃ ꠝꠣꠟꠤꠇ।

Injil 12: Kolosia 4:6

ꠔꠥꠝꠞꠣꠞ ꠝꠥꠈꠞ ꠎꠛꠣꠘ ꠢꠣꠝꠦꠡꠣ ꠝꠤꠑꠣ ꠀꠞ ꠞꠡꠣꠁꠟ ꠅꠃꠇ, ꠎꠣꠔꠦ ꠇꠣꠞꠦ ꠇꠤꠟꠣ ꠎꠥꠀꠙ ꠖꠤꠔꠣꠄ, ꠁꠔꠣ ꠔꠥꠝꠞꠣ ꠛꠥꠎ।

ইঞ্জিল ১৩: ১-থিষল: 2:4

ꠈꠣꠟꠤ ꠀꠟ꠆ꠟꠣꠄ ꠀꠝꠞꠣꠞꠦ ꠎꠁꠉ꠆ꠉ ꠝꠘꠅ ꠇꠞꠤꠀ ꠎꠦꠟꠣ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠖꠣꠄꠁꠔ꠆ꠔ ꠖꠤꠍꠂꠘ, ꠀꠝꠞꠣ ꠅꠟꠣꠃ ꠔꠛꠟꠤꠉ ꠇꠞꠞꠣꠝ। ꠇꠥꠘꠥ ꠝꠣꠘꠡꠞꠦ ꠈꠥꠡ ꠇꠞꠣꠞ ꠘꠤꠅꠔꠦ ꠀꠝꠞꠣ ꠁꠔꠣ ꠇꠁꠞꠣꠝ ꠘꠣ, ꠈꠣꠟꠤ ꠎꠦꠁꠘ ꠀꠝꠞꠣꠞ ꠖꠤꠟꠞꠦ ꠎꠣꠌꠣꠁ ꠇꠞꠤꠀ ꠖꠦꠈꠂꠘ, ꠢꠃ ꠀꠟ꠆ꠟꠣꠞꠦ ꠈꠥꠡ ꠇꠞꠣꠞ ꠟꠣꠉꠤꠃ ꠔꠛꠟꠤꠉ ꠇꠞꠞꠣꠝ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:17

ꠎꠦꠁꠘ ꠌꠤꠞꠇꠣꠟꠤꠘ ꠛꠣꠖꠡꠣ, ꠎꠦꠁꠘ ꠘꠤꠞꠣꠇꠣꠞ, ꠄꠇꠝꠣꠔ꠆ꠞ ꠀꠟ꠆ꠟꠣ, ꠎꠣꠘ ꠇꠥꠘꠥ ꠇ꠆ꠇꠄ ꠘꠣꠁ, ꠔꠣꠘ ꠁꠎ꠆ꠎꠔ ꠀꠞ ꠉꠃꠞꠛ ꠢꠞ-ꠢꠣꠝꠦꠡꠣ ꠎꠣꠞꠤ ꠞꠃꠇ। ꠀꠝꠤꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:16

ꠈꠣꠟꠤ ꠀꠟ꠆ꠟꠣ ꠙꠣꠇꠞꠦꠃ ꠝꠃꠔꠦ ꠇꠛꠎꠣ ꠇꠞꠔ ꠙꠣꠞꠦ ꠘꠣ। ꠔꠣꠁꠘ ꠅꠟꠣ ꠄꠇ ꠘꠥꠞꠞ ꠚꠞꠅ ꠛꠡꠔ ꠇꠞꠂꠘ, ꠢꠤꠘꠅ ꠇꠥꠘꠥ ꠀꠖꠝ ꠎꠣꠔ ꠎꠣꠁꠔ ꠙꠣꠞꠦ ꠘꠣ। ꠇꠥꠘꠥ ꠀꠖꠝꠦ ꠇꠥꠘꠥꠖꠤꠘ ꠔꠣꠘꠞꠦ ꠖꠦꠈꠍꠦꠅ ꠘꠣ, ꠖꠦꠈꠣꠞ ꠔꠣꠇ꠆ꠇꠔꠅ ꠘꠣꠁ। ꠁꠎ꠆ꠎꠔ ꠀꠞ ꠈꠦꠝꠔꠣ ꠌꠤꠞꠇꠣꠟ ꠈꠣꠟꠤ ꠔꠣꠘꠃ। ꠀꠝꠤꠘ।

Injil 17: Titas 2:1

ꠔꠤꠔꠣꠍ ꠢꠥꠘꠅ, ꠔꠥꠝꠤ ꠝꠣꠘꠡꠞꠦ ꠅꠟꠣꠈꠣꠘ ꠔꠣꠟꠤꠝ ꠖꠦꠅ, ꠎꠣꠔꠦ ꠔꠥꠝꠣꠞ ꠝꠣꠔꠞ ꠝꠣꠎꠦ ꠘꠤꠈꠥꠔ ꠢꠇ ꠔꠣꠟꠤꠝ ꠕꠣꠇꠦ।

Injil 17: Titas 2:15

ꠔꠥꠝꠤ ꠙꠥꠞꠣꠙꠥꠞ ꠛꠟ ꠈꠣꠐꠣꠁꠀ ꠅꠔꠣ ꠛꠦꠙꠣꠞꠦ ꠔꠣꠟꠤꠝ ꠖꠦꠅ, ꠝꠣꠘꠡꠞꠦ ꠘꠍꠤꠅꠔ ꠇꠞꠅ ꠀꠞ ꠔꠣꠞꠣꠞ ꠖꠥꠡ-ꠇꠍꠥꠞꠤ ꠖꠦꠈꠣꠁꠀ ꠖꠦꠅ। ꠔꠥꠝꠣꠞꠦ ꠢꠦꠄ ꠇꠞꠣꠞ ꠡꠥꠎꠥꠉ ꠇꠦꠃꠞꠞꠦ ꠖꠤꠅ ꠘꠣ।

Injil 19: Ibrani 13:7

ꠢꠥꠘꠅ, ꠎꠦ ꠛꠥꠎꠥꠞ꠆ꠉ ꠅꠇꠟꠦ ꠔꠥꠝꠞꠣꠞꠦ ꠀꠟ꠆ꠟꠣꠞ ꠇꠣꠟꠣꠝ ꠔꠣꠟꠤꠝ ꠖꠤꠍꠂꠘ, ꠔꠣꠞꠣꠞ ꠇꠕꠣ ꠁꠀꠖ ꠇꠞꠤꠅ। ꠔꠣꠞꠣꠞ ꠎꠤꠘ꠆ꠖꠦꠉꠤꠞ ꠢꠣꠟꠔꠞ ꠇꠕꠣ ꠜꠣꠟꠣꠝꠘ꠆ꠔꠦ ꠌꠤꠘ꠆ꠔꠣ ꠇꠞꠤꠀ, ꠔꠥꠝꠞꠣꠅ ꠔꠣꠞꠣꠞ ꠟꠣꠈꠣꠘ ꠁꠝꠣꠘꠦ ꠝꠎꠛꠥꠔ ꠅꠅ।

Injil 19: Ibrani 5:12

ꠅꠔꠖꠤꠘꠞ ꠝꠣꠎꠦ ꠔꠥꠝꠞꠣꠅ ꠃꠡ꠆ꠔꠣꠖ ꠅꠁꠎꠤꠔꠣꠄ ꠀꠍꠤꠟ, ꠅꠁꠟꠦ ꠅꠈꠘꠅ ꠖꠦꠈꠣ ꠎꠣꠞ ꠔꠥꠝꠞꠣꠞꠦ ꠀꠟ꠆ꠟꠣꠞ ꠇꠣꠟꠣꠝꠞ ꠙꠄꠟꠣ ꠍꠛꠇ ꠢꠤꠇꠣꠘꠤ ꠟꠣꠉꠛ। ꠔꠥꠝꠞꠣꠞꠦ ꠅꠈꠘꠅ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠖꠥꠗ ꠈꠣꠅꠀꠘꠤ ꠟꠣꠉꠦꠞ, ꠡꠇ꠆ꠔ ꠈꠣꠘꠣ ꠢꠎꠝ ꠇꠞꠔꠣꠄ ꠙꠣꠞꠞꠣꠄ ꠘꠣ।

Injil 20: Iakub 1:19

ꠅ ꠀꠝꠣꠞ ꠝꠣꠄꠀꠞ ꠜꠣꠁ ꠅꠇꠟ, ꠝꠘꠅ ꠞꠣꠈꠤꠅ, ꠔꠥꠝꠞꠣ ꠀꠉꠦ ꠢꠥꠘꠅ ꠛꠣꠖꠦ ꠝꠣꠔꠅ, ꠎꠟꠖꠤ ꠉꠥꠍꠣ ꠇꠞꠤꠅ ꠘꠣ।

Injil 20: Iakub 1:26

ꠎꠦ ꠝꠣꠘꠡꠦ ꠘꠤꠎꠞꠦ ꠙꠞꠦꠎꠉꠣꠞ ꠝꠘꠅ ꠇꠞꠦ, ꠅꠁꠟꠦ ꠘꠤꠎꠞ ꠎꠤꠚꠞꠣꠞꠦ ꠡꠣꠝꠟꠣꠄ ꠘꠣ, ꠢꠦ ꠔ ꠔꠣꠞ ꠘꠤꠎꠞꠦ ꠐꠉꠦ, ꠔꠣꠞ ꠢꠇ꠆ꠇꠟ ꠄꠛꠣꠖꠔꠤꠃ ꠝꠤꠍꠣ।

ꠁꠘ꠆ꠎꠤꠟ ২১: ১-ꠙꠤꠔꠞ 2:12

ꠎꠦꠞꠣ ꠀꠟ꠆ꠟꠣꠞꠦ ꠌꠤꠘꠦ ꠘꠣ, ꠔꠣꠞꠣꠞ ꠝꠣꠎꠦ ꠔꠥꠝꠞꠣ ꠢꠇ ꠙꠕꠦ ꠌꠟꠅ। ꠔꠦꠃ ꠔꠣꠞꠣ ꠔꠥꠝꠞꠣꠞꠦ ꠖꠥꠡꠤ ꠇꠁꠀ ꠘꠤꠘ꠆ꠖꠣ ꠇꠞꠟꠦꠅ, ꠔꠥꠝꠞꠣꠞ ꠢꠇꠟ ꠜꠣꠟꠣ ꠇꠣꠝ ꠖꠦꠈꠤꠀ ꠇꠤꠀꠝꠔꠞ ꠖꠤꠘ ꠀꠟ꠆ꠟꠣꠞ ꠉꠃꠞꠛ ꠇꠞꠛ।

ꠁꠘ꠆ꠎꠤꠟ ২১: ১-ꠙꠤꠔꠞ 2:5

ꠀꠞ ꠔꠥꠝꠞꠣ ꠔꠣꠘ ꠔꠞꠤꠇꠣ ꠇꠛꠥꠟ ꠇꠞꠣꠄ, ꠔꠥꠝꠞꠣꠞꠦꠅ ꠎꠤꠘ꠆ꠖꠣ ꠙꠣꠔ꠆ꠔꠞꠞ ꠟꠣꠈꠣꠘ ꠀꠟ꠆ꠟꠣ ꠙꠣꠇ ꠞꠁꠛꠣꠞ ꠙꠛꠤꠔ꠆ꠞ ꠇꠣꠛꠣ ꠊꠞ ꠛꠣꠘꠣꠘꠤ ꠅꠞ। ꠄꠞꠟꠣꠉꠤ ꠀꠟ꠆ꠟꠣꠁ ꠁꠝꠣꠝ ꠍꠣꠛ ꠢꠤꠡꠣꠛꠦ ꠔꠥꠝꠞꠣꠞꠦ ꠀꠟꠣꠖꠣ ꠇꠞꠤ ꠞꠣꠈꠣ ꠅꠁꠍꠦ, ꠎꠣꠔꠦ ꠔꠥꠝꠞꠣ ꠅꠃꠟꠣ ꠞꠥꠢꠣꠘꠤ ꠇꠥꠞꠛꠣꠘꠤ ꠖꠦꠅ, ꠎꠦꠔꠣ ꠁꠍꠣ ꠀꠟ-ꠝꠍꠤꠞ ꠈꠣꠔꠤꠞꠦ ꠀꠟ꠆ꠟꠣꠄ ꠇꠛꠥꠟ ꠇꠞꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 4:10

ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠎꠦꠁꠘ ꠎꠦꠟꠣꠈꠣꠘ ꠘꠤꠀꠝꠔ ꠙꠣꠁꠍ, ꠅꠃ ꠗꠘꠞ ꠈꠣꠐꠤ ꠈꠣꠎꠣꠘ꠆ꠌꠤ ꠢꠤꠡꠣꠛꠦ ꠁꠔꠣꠞꠦ ꠄꠇꠦ-ꠅꠁꠘ꠆ꠘꠞ ꠈꠦꠎꠝꠔꠅ ꠟꠣꠉꠣꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 4:16

ꠅꠁꠟꠦ ꠇꠦꠃ ꠎꠥꠖꠤ ꠁꠍꠣꠄꠁ ꠁꠝꠣꠘꠖꠣꠞ ꠢꠤꠡꠣꠛꠦ ꠖꠥꠈ-ꠇꠡ꠆ꠐ ꠇꠞꠦ, ꠔꠦ ꠢꠦ ꠡꠞꠝꠤꠘ꠆ꠖꠣ ꠘꠣ ꠅꠃꠇ, ꠛꠞꠋ ꠁꠍꠣꠄꠁ ꠙꠞꠤꠌꠄꠞ ꠟꠣꠉꠤ ꠀꠟ꠆ꠟꠣꠞ ꠔꠣꠞꠤꠚ ꠇꠞꠃꠇ।

ꠁꠘ꠆ꠎꠤꠟ ২১: ১-ꠙꠤꠔꠞ 5:11

ꠔꠣꠘ ꠞꠣꠎ-ꠈꠦꠝꠔꠣ ꠢꠞ-ꠢꠣꠝꠦꠡꠣ ꠎꠣꠞꠤ ꠞꠃꠇ। ꠀꠝꠤꠘ।

Injil 26: Ehuda 1:25

ꠢꠃ ꠄꠇꠝꠣꠔ꠆ꠞ ꠀꠟ꠆ꠟꠣ ꠎꠦꠁꠘ ꠀꠝꠞꠣꠞ ꠎꠣꠘ ꠛꠣꠌꠣꠁꠘ, ꠔꠣꠘ ꠎꠣꠟꠣꠟ-ꠡꠣꠘ, ꠝꠢꠤꠝꠣ, ꠇꠥꠖꠞꠔꠤ ꠛꠟ-ꠡꠇ꠆ꠔꠤ, ꠀꠞ ꠞꠣꠎ-ꠈꠦꠝꠔꠣ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠎꠣꠁꠞ ꠅꠃꠇ, ꠢꠇ꠆ꠇꠟ ꠎꠥꠉꠞ ꠀꠉ ꠕꠣꠇꠤ ꠅꠈꠘ ꠙꠞ꠆ꠎꠘ꠆ꠔ ꠀꠞ ꠎꠥꠉꠦ ꠎꠥꠉꠦ ꠢꠞ-ꠢꠣꠝꠦꠡꠣꠃ ꠅꠟꠣ ꠅꠃꠇ। ꠀꠝꠤꠘ॥