ꠁꠘ꠆ꠎꠤꠟ ২১: ১-ꠙꠤꠔꠞ 3:9 - Siloṭi Asmani Kitab (Nagri lipi)

⁹ ꠅꠁꠘ꠆ꠘꠣꠄꠞ ꠛꠖꠟꠣ ꠅꠁꠘ꠆ꠘꠣꠄ ꠇꠞꠤꠅ ꠘꠣ, ꠇꠦꠃ ꠉꠣꠟꠤ ꠖꠤꠟꠦ ꠚꠤꠞꠤꠀ ꠉꠣꠟꠤ ꠖꠤꠅ ꠘꠣ। ꠛꠞꠋ ꠔꠣꠞꠣꠞ ꠟꠣꠉꠤ ꠖꠥꠀ ꠌꠣꠁꠅ, ꠅꠟꠣ ꠌꠟꠣꠞ ꠟꠣꠉꠤꠃ ꠀꠟ꠆ꠟꠣꠄ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠁꠟꠣ ꠇꠞꠟꠦ ꠔꠥꠝꠞꠣ ꠞꠢꠝꠔ ꠙꠣꠁꠛꠣꠄ।

ছিলটি আছমানি কিতাব (বাংলা লিপি)

⁹ অইন্যায়র বদলা অইন্যায় করিও না, কেউ গালি দিলে ফিরিয়া গালি দিও না। বরং তারার লাগি দোয়া চাইও, অলা চলার লাগিউ আল্লায় তুমরারে দাওত দিছইন, ইলা করলে তুমরা রহমত পাইবায়।

Siloṭi Asmani Kitab (Latin lipi)

⁹ Oinnayor bodla oinnae ḳorio na, ḳeu gali dile firia gali dio na. Borong tarar lagi dua saio, ola solar lagi-u Allae tumrare daot disoin, ila ḳorle tumra rohomot faibae.

ꠁꠘ꠆ꠎꠤꠟ ২১: ১-ꠙꠤꠔꠞ 3:9 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 42:25

ꠛꠣꠖꠦ ꠁꠃꠍꠥꠚꠦ ꠔꠣꠞꠣꠞ ꠛꠡ꠆ꠔꠣꠞ ꠝꠣꠎꠦ ꠗꠣꠘ ꠜꠞꠣꠁꠀ, ꠎꠣꠞꠎꠤꠞ ꠐꠦꠇꠣ ꠔꠣꠞ ꠛꠡ꠆ꠔꠣꠔ ꠚꠤꠞꠣꠁ ꠖꠤꠀ, ꠄꠞꠣꠞ ꠙꠕꠞ ꠈꠣꠘꠤꠞ ꠝꠍꠣ ꠖꠦꠅꠀꠞ ꠟꠣꠉꠤ ꠢꠥꠇꠥꠝ ꠖꠤꠟꠣ। ꠀꠞ ꠅꠃꠟꠣ ꠇꠞꠣ ꠅꠁꠟ।

ꠁꠘ꠆ꠎꠤꠟ ১: ꠝꠕꠤ 19:29

ꠢꠥꠘꠅ, ꠎꠦ ꠝꠣꠘꠡꠦ ꠀꠝꠣꠞ ꠟꠣꠉꠤ ꠘꠤꠎꠞ ꠛꠣꠠꠤ-ꠊꠞ, ꠝꠣ-ꠛꠣꠚ, ꠜꠣꠁ-ꠛꠁꠘ, ꠙꠥꠀ-ꠙꠥꠠꠤ, ꠀꠞ ꠎꠝꠤ-ꠝꠤꠞꠣꠡ ꠚꠣꠟꠣꠁꠀ ꠀꠁꠍꠦ, ꠢꠦ ꠅꠃ ꠖꠥꠘꠤꠀꠔ ꠁꠔꠣꠞ ꠄꠇ-ꠡ ꠉꠥꠘ ꠛꠦꠡꠤ ꠙꠣꠁꠛ, ꠄꠞꠟꠉꠦ ꠀꠈꠦꠞꠅ ꠙꠣꠁꠛ।

ꠁꠘ꠆ꠎꠤꠟ ১: ꠝꠕꠤ 25:34

“ꠄꠞꠛꠣꠖꠦ ꠛꠣꠖꠡꠣꠄ ꠔꠣꠘ ꠒꠣꠁꠘ ꠉꠣꠟꠣꠞ ꠝꠣꠘꠡꠞꠦ ꠇꠁꠛꠣ, ‘ꠔꠥꠝꠞꠣ ꠎꠣꠞꠣ ꠀꠝꠣꠞ ꠛꠣꠔꠥꠘꠤ ꠛꠣꠚꠞ ꠞꠢꠝ ꠙꠣꠁꠍ, ꠔꠥꠝꠞꠣ ꠀꠅ। ꠀꠞ ꠖꠥꠘꠤꠀꠞ ꠙꠄꠟꠣ ꠕꠣꠇꠤ ꠔꠥꠝꠞꠣꠞ ꠟꠣꠉꠤ ꠎꠦ ꠛꠣꠖꠡꠣꠁ ꠔꠤꠀꠞ ꠇꠞꠤ ꠞꠣꠈꠣ ꠅꠁꠍꠦ, ꠅꠃ ꠛꠣꠖꠡꠣꠁꠞ ꠖꠈꠟ ꠡꠝꠎꠤꠀ ꠘꠦꠅ।

ꠁꠘ꠆ꠎꠤꠟ ১: ꠝꠕꠤ 5:39

ꠅꠁꠟꠦ ꠀꠝꠤ ꠇꠁꠞꠣꠝ, ꠇꠦꠃ ꠎꠥꠖꠤ ꠔꠥꠝꠞꠣꠞ ꠟꠉꠦ ꠈꠣꠞꠣꠙ ꠛꠦꠛꠢꠣꠞ ꠇꠞꠦ, ꠔꠦ ꠔꠥꠝꠞꠣ ꠄꠞ ꠛꠖꠟꠣ ꠟꠁꠅ ꠘꠣ, ꠛꠞꠋ ꠇꠥꠘꠥ ꠝꠣꠘꠡꠦ ꠔꠥꠝꠣꠞ ꠒꠣꠁꠘ ꠉꠣꠟꠅ ꠌꠠ ꠝꠣꠞꠟꠦ, ꠔꠣꠞꠦ ꠛꠣꠃ ꠉꠣꠟꠅ ꠙꠣꠔꠤꠀ ꠖꠤꠟꠣꠁꠅ।

ꠁꠘ꠆ꠎꠤꠟ ১: ꠝꠕꠤ 5:44

ꠅꠁꠟꠦ ꠀꠝꠤ ꠔꠥꠝꠞꠣꠞꠦ ꠇꠁꠞꠣꠝ, ꠔꠥꠝꠞꠣꠞ ꠖꠥꠡꠝꠘꠞꠦꠅ ꠝꠣꠄꠀ ꠇꠞꠤꠅ। ꠎꠦꠞꠣ ꠔꠥꠝꠞꠣꠞꠦ ꠎꠥꠟꠥꠝ ꠇꠞꠦ, ꠔꠣꠞꠣꠞ ꠟꠣꠉꠤ ꠖꠥꠀ ꠇꠞꠤꠅ।

Injil 2: Markus 10:17

ꠢꠎꠞꠔ ꠁꠍꠣ ꠎꠦꠛꠟꠣ ꠛꠣꠞ ꠅꠁꠀ ꠞꠅꠀꠘꠣ ꠅꠁꠟꠣ, ꠅꠃ ꠡꠝꠄ ꠄꠇ ꠛꠦꠐꠣ ꠖꠃꠠꠣꠁꠀ ꠀꠁꠀ ꠀꠐꠥ ꠉꠣꠠꠤꠀ ꠔꠣꠘ ꠍꠣꠝꠘꠦ ꠛꠁꠀ ꠇꠁꠟ, “ꠃꠡ꠆ꠔꠣꠖ, ꠀꠙꠘꠦ ꠔ ꠝꠦꠢꠦꠞꠛꠣꠘ। ꠔꠦ ꠀꠝꠣꠞꠦ ꠛꠣꠔꠣꠁ ꠖꠦꠃꠇ꠆ꠇꠣ, ꠀꠈꠦꠞ ꠙꠣꠅꠀꠞ ꠟꠣꠉꠤ ꠀꠝꠤ ꠇꠤꠔꠣ ꠇꠞꠔꠣꠝ?”

Injil 3: Luk 10:25

ꠄꠇꠛꠣꠞ ꠄꠇ ꠀꠟꠤꠝ ꠍꠣꠛ ꠁꠍꠣꠞ ꠉꠦꠍꠦ ꠀꠁꠟꠣ। ꠀꠁꠀ ꠔꠣꠘꠞꠦ ꠙꠞꠤꠇ꠆ꠇꠣ ꠇꠞꠣꠞ ꠟꠣꠉꠤ ꠎꠤꠇꠣꠁꠟꠣ, “ꠢꠥꠎꠥꠞ, ꠇꠤꠔꠣ ꠇꠣꠝ ꠇꠞꠟꠦ ꠀꠝꠤ ꠛꠦꠢꠦꠡ꠆ꠔ ꠙꠣꠁꠝꠥ?”

Injil 3: Luk 18:18

ꠢꠎꠞꠔ ꠁꠍꠣꠞ ꠉꠦꠍꠦ ꠙꠣꠁꠘ꠆ꠌꠣꠁꠔꠞ ꠄꠇ ꠝꠥꠞꠛ꠆ꠛꠤ ꠀꠁꠟꠣ, ꠀꠁꠀ ꠇꠁꠟꠣ, “ꠅ ꠢꠇ ꠃꠡ꠆ꠔꠣꠖ, ꠀꠝꠣꠞꠦ ꠛꠣꠔꠣꠁ ꠖꠦꠃꠇ꠆ꠇꠣ, ꠇꠤꠔꠣ ꠇꠞꠟꠦ ꠀꠝꠤ ꠀꠈꠦꠞ ꠙꠣꠁꠝꠥ?”

Injil 6: Ruman 12:14

ꠔꠥꠝꠞꠣꠞ ꠃꠙꠞꠦ ꠎꠦꠞꠣ ꠎꠥꠟꠥꠝ ꠇꠞꠦ, ꠔꠣꠞꠣꠞ ꠟꠣꠉꠤ ꠘꠦꠇ ꠖꠥꠀ ꠇꠞꠤꠅ, ꠛꠖ꠆ꠖꠥꠀ ꠖꠤꠅ ꠘꠣ।

Injil 6: Ruman 12:17

ꠈꠣꠞꠣꠙꠤꠞ ꠛꠖꠟꠣ ꠢꠤꠡꠣꠛꠦ ꠇꠦꠃꠞꠞ ꠈꠣꠞꠣꠙꠤ ꠇꠞꠤꠅ ꠘꠣ, ꠢꠇꠟ ꠝꠣꠘꠡꠦ ꠎꠦꠔꠣꠞꠦ ꠜꠣꠟꠣ ꠝꠘꠅ ꠇꠞꠂꠘ, ꠔꠥꠝꠞꠣ ꠌꠤꠘ꠆ꠔꠣ-ꠜꠣꠛꠘꠣ ꠇꠞꠤꠀ ꠅꠔꠣꠃ ꠇꠞꠅ।

Injil 6: Ruman 8:28

ꠀꠝꠞꠣ ꠎꠣꠘꠤ, ꠀꠟ꠆ꠟꠣꠞꠦ ꠎꠦꠞꠣ ꠝꠢꠛ꠆ꠛꠔ ꠇꠞꠂꠘ, ꠝꠣꠘꠤ ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠝꠞ꠆ꠎꠤ ꠝꠣꠚꠤꠇ ꠎꠦꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠣꠞꠣꠞ ꠜꠣꠟꠣꠁꠞ ꠟꠣꠉꠤ ꠢꠇꠟꠔꠣꠄ ꠄꠇꠟꠉꠦ ꠇꠣꠝ ꠇꠞꠦꠞ।

Injil 6: Ruman 8:30

ꠔꠣꠁꠘ ꠀꠉꠦ ꠎꠦꠞꠣꠞꠦ ꠙꠍꠘ꠆ꠖ ꠇꠞꠍꠤꠟꠣ, ꠔꠣꠞꠣꠞꠦꠃ ꠖꠣꠅꠔ ꠖꠤꠟꠣ। ꠀꠞ ꠎꠦꠞꠣꠞꠦ ꠖꠣꠅꠔ ꠖꠤꠟꠣ, ꠔꠣꠞꠣꠞꠦ ꠛꠦ-ꠇꠍꠥꠞ ꠈꠣꠟꠣꠍ ꠇꠁꠀ ꠉꠁꠘ꠆ꠘ ꠇꠞꠟꠣ, ꠀꠞ ꠎꠦꠞꠣꠞꠦ ꠛꠦ-ꠇꠍꠥꠞ ꠉꠁꠘ꠆ꠘ ꠇꠞꠟꠣ, ꠔꠣꠞꠣꠞꠦ ꠔꠣꠘ ꠘꠤꠎꠞ ꠉꠃꠞꠛ-ꠝꠢꠤꠝꠣꠅ ꠖꠣꠘ ꠇꠞꠟꠣ।

Injil 9: Galatia 3:14

ꠀꠟ꠆ꠟꠣꠄ ꠁꠛ꠆ꠞꠣꠢꠤꠝ ꠘꠛꠤꠞꠦ ꠎꠦ ꠛꠞꠇꠔ ꠖꠣꠘ ꠇꠞꠍꠂꠘ, ꠁꠍꠣ ꠀꠟ-ꠝꠍꠤꠞ ꠎꠞꠤꠀꠄ ꠅꠃ ꠛꠞꠇꠔ ꠎꠣꠔꠦ ꠅꠁꠘ꠆ꠘ ꠎꠣꠔꠤ ꠅꠇꠟꠦꠅ ꠙꠣꠁꠘ, ꠀꠞ ꠀꠝꠞꠣꠅ ꠎꠣꠔꠦ ꠁꠝꠣꠘꠞ ꠝꠣꠎꠖꠤ ꠅꠀꠖꠣ ꠇꠞꠣ ꠢꠃ ꠙꠣꠇ ꠞꠥꠢꠥ ꠙꠣꠁ, ꠅꠔꠣꠞ ꠖꠣꠄꠃ ꠀꠟ-ꠝꠍꠤꠄ ꠁ ꠟꠣꠘ꠆ꠘꠔ ꠘꠤꠎꠞ ꠇꠣꠘ꠆ꠖꠅ ꠘꠤꠍꠂꠘ।

Injil 10: Ifisia 4:32

ꠛꠞꠋ ꠔꠥꠝꠞꠣ ꠄꠇꠦ-ꠅꠁꠘ꠆ꠘꠦ ꠖꠄꠀ ꠇꠞꠅ, ꠅꠁꠘ꠆ꠘꠞ ꠖꠥꠈꠦ ꠖꠥꠈꠤ ꠅꠅ, ꠀꠟ-ꠝꠍꠤꠞ ꠝꠣꠎꠖꠤ ꠀꠟ꠆ꠟꠣꠄ ꠎꠦꠟꠣ ꠔꠥꠝꠞꠣꠞꠦ ꠝꠣꠚ ꠇꠞꠍꠂꠘ, ꠔꠥꠝꠞꠣꠅ ꠅꠟꠣ ꠄꠇꠦ-ꠅꠁꠘ꠆ꠘꠞꠦ ꠝꠣꠚ ꠇꠞꠅ।

ইঞ্জিল ১৩: ১-থিষল: 5:15

ꠈꠤꠀꠟ ꠞꠣꠈꠤꠅ, ꠅꠁꠘ꠆ꠘꠣꠄꠞ ꠛꠖꠟꠣ ꠇꠦꠃ ꠎꠣꠘꠥ ꠅꠁꠘ꠆ꠘꠣꠄ ꠘꠣ ꠇꠞꠦ। ꠔꠥꠝꠞꠣ ꠢꠣꠝꠦꠡꠣ ꠄꠇꠦ-ꠅꠁꠘ꠆ꠘꠞ, ꠀꠞ ꠢꠇꠟꠞꠃ ꠜꠣꠟꠣꠁ ꠇꠞꠣꠞ ꠌꠦꠡ꠆ꠐꠣ ꠇꠞꠤꠅ।

Injil 19: Ibrani 12:17

ꠔꠥꠝꠞꠣꠞ ꠔ ꠎꠣꠘꠣꠃ ꠀꠍꠦ, ꠎꠥꠖꠤꠅ ꠛꠣꠖꠦ ꠢꠦ ꠌꠈꠥꠞ ꠙꠣꠘꠤ ꠚꠣꠟꠣꠁꠀ ꠇꠣꠘ꠆ꠖꠤ ꠇꠣꠘ꠆ꠖꠤ ꠖꠥꠀ ꠝꠣꠋꠉꠤꠍꠤꠟ, ꠅꠁꠟꠦ ꠔꠃꠛꠣ ꠇꠞꠣꠞ ꠡꠥꠎꠥꠉ ꠀꠞ ꠢꠦ ꠙꠣꠁꠍꠦ ꠘꠣ।

Injil 19: Ibrani 6:14

ꠀꠝꠤ ꠘꠤꠌꠄ ꠔꠥꠝꠣꠞꠦ ꠛꠞꠇꠔ ꠘꠣꠎꠤꠟ ꠇꠞꠝꠥ, ꠔꠥꠝꠣꠞ ꠀꠅꠟꠣꠖ ꠛꠃꠔ ꠙꠞꠤꠝꠣꠘꠦ ꠛꠣꠠꠣꠁ ꠖꠤꠝꠥ।

ꠁꠘ꠆ꠎꠤꠟ ২১: ১-ꠙꠤꠔꠞ 5:10

ꠞꠢꠝꠣꠘꠥꠞ ꠞꠢꠤꠝ ꠀꠟ꠆ꠟꠣ ꠙꠣꠇꠦ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ ꠀꠟ-ꠝꠍꠤꠞ ꠟꠉꠦ ꠅꠁꠀ ꠔꠣꠘ ꠌꠤꠞꠡ꠆ꠕꠣꠄꠁ ꠝꠢꠤꠝꠣꠞ ꠜꠣꠉꠤ ꠅꠀꠞ ꠟꠣꠉꠤ। ꠕꠥꠠꠣ ꠇꠄꠖꠤꠘ ꠖꠥꠈ-ꠇꠡ꠆ꠐ ꠇꠞꠤꠀ ꠢꠣꠞꠟꠦ, ꠔꠣꠁꠘ ꠘꠤꠎꠦꠃ ꠔꠥꠝꠞꠣꠞꠦ ꠑꠤꠇ-ꠑꠣꠇ ꠇꠞꠛꠣ ꠀꠞ ꠕꠤꠞ ꠞꠣꠈꠛꠣ, ꠔꠥꠝꠞꠣꠞꠦ ꠛꠟꠛꠣꠘ ꠇꠞꠤꠀ ꠝꠎꠛꠥꠔ ꠈꠥꠐꠤꠞ ꠃꠙꠞꠦ ꠈꠣꠠꠣ ꠇꠞꠣꠁꠛꠣ।