ꠁꠘ꠆ꠎꠤꠟ ২১: ১-ꠙꠤꠔꠞ 3:8 - Siloṭi Asmani Kitab (Nagri lipi)

⁸ ꠢꠦꠡꠦ ꠢꠇꠟꠞꠦ ꠇꠁꠞꠣꠝ, ꠔꠥꠝꠞꠣ ꠢꠇꠟ ꠄꠇ-ꠖꠤꠟꠣ ꠅꠅ, ꠄꠇꠦ-ꠅꠁꠘ꠆ꠘꠞ ꠖꠥꠈꠦ ꠖꠥꠈꠤ ꠅꠅ, ꠜꠣꠁꠀꠁꠘ꠆ꠔꠞꠦ ꠝꠣꠄꠀ ꠇꠞꠅ, ꠖꠄꠀꠟꠥ ꠀꠞ ꠘꠞꠝ ꠖꠤꠟꠞ ꠝꠣꠘꠥꠡ ꠅꠅ।

ছিলটি আছমানি কিতাব (বাংলা লিপি)

⁸ হেশে হকলরে কইরাম, তুমরা হকল এক-দিলা অও, একে-অইন্যর দুখে দুখি অও, ভাইয়াইন্তরে মায়া করো, দয়ালু আর নরম দিলর মানুষ অও।

Siloṭi Asmani Kitab (Latin lipi)

⁸ Heshe hoḳolre ḳoiram, tumra hoḳol eḳ-dila o, eḳe-oinnor duke duki o, baiaintore maya ḳoro, doyalu ar norom dilor manush o.

ꠁꠘ꠆ꠎꠤꠟ ২১: ১-ꠙꠤꠔꠞ 3:8 Iomraidhean Croise

ꠁꠘ꠆ꠎꠤꠟ ১: ꠝꠕꠤ 18:33

ꠔꠦ ꠀꠝꠤ ꠎꠦꠟꠣ ꠔꠥꠝꠣꠞꠦ ꠖꠄꠀ ꠇꠞꠍꠟꠣꠝ, ꠔꠥꠝꠤꠅ ꠅꠃꠟꠣ ꠔꠥꠝꠣꠞ ꠟꠉꠞ ꠌꠣꠇꠞꠤꠀꠘꠞꠦ ꠖꠄꠀ ꠇꠞꠣ ꠃꠌꠤꠔ ꠀꠍꠤꠟ ꠘꠣ ꠘꠤ?’

Injil 3: Luk 10:33

ꠢꠦꠡꠦ ꠡꠝꠞꠤꠀ ꠎꠣꠔꠤꠞ ꠄꠇ ꠛꠦꠐꠣ ꠅꠃ ꠙꠕꠦꠖꠤ ꠀꠁꠟ, ꠢꠦ ꠛꠤꠗꠞ꠆ꠝꠤ ꠎꠣꠔꠤꠞ ꠅꠁꠟꠦꠅ ꠄꠞ ꠢꠣꠟꠔ ꠖꠦꠈꠤꠀ ꠔꠣꠞ ꠖꠤꠟꠅ ꠖꠞꠖ ꠢꠣꠝꠣꠁꠟ।

Injil 5: Sahabi Nama 2:1

ꠙꠘ꠆ꠌꠣꠁꠡꠣ ꠁꠖꠞ ꠖꠤꠘ ꠔꠣꠞꠣ ꠢꠇꠟ ꠄꠇ ꠎꠣꠉꠣꠔ ꠖꠟꠣ ꠀꠍꠟꠣ।

Injil 5: Sahabi Nama 27:3

ꠛꠣꠖꠞ ꠖꠤꠘ ꠀꠝꠞꠣꠞ ꠎꠣꠎ ꠉꠤꠀ ꠍꠤꠖꠘꠅ ꠜꠤꠠꠟ। ꠍꠥꠛꠦꠖꠣꠞ ꠎꠥꠟꠤꠅꠄ ꠙꠣꠃꠟꠥꠍꠞ ꠟꠉꠦ ꠈꠥꠛ ꠜꠣꠟꠣ ꠛꠦꠛꠢꠣꠞ ꠇꠞꠟꠣ। ꠔꠣꠁꠘ ꠔꠣꠘ ꠖꠥꠡ꠆ꠔ ꠅꠇꠟꠞ ꠉꠦꠍꠦ ꠉꠤꠀ, ꠘꠤꠎꠞ ꠎꠞꠥꠞꠤ ꠉꠞꠎ ꠇꠥꠟꠣꠘꠤꠞ ꠁꠎꠣꠎꠔ ꠖꠤꠟꠣ।

Injil 5: Sahabi Nama 28:7

ꠁ ꠎꠣꠉꠣꠞ ꠇꠣꠘ꠆ꠖꠣꠔ ꠢꠃ ꠖꠤꠙꠞ ꠙꠥꠛꠟꠤꠅ ꠘꠣꠝꠞ ꠄꠇ ꠈꠣꠘ꠆ꠖꠣꠘꠤ ꠝꠣꠘꠡꠞ ꠎꠝꠤꠖꠣꠞꠤ ꠀꠍꠤꠟ। ꠔꠣꠁꠘ ꠀꠝꠞꠣꠞꠦ ꠔꠣꠘ ꠛꠣꠠꠤꠔ ꠖꠣꠅꠔ ꠖꠤꠟꠣ ꠀꠞ ꠔꠤꠘꠖꠤꠘ ꠗꠞꠤ ꠀꠝꠞꠣꠞꠦ ꠈꠥꠛ ꠈꠣꠔꠤꠞ-ꠎꠔꠘ ꠇꠞꠟꠣ।

Injil 5: Sahabi Nama 4:32

ꠎꠦꠞꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠍꠤꠟꠣ, ꠔꠣꠞꠣꠞ ꠄꠇ ꠝꠘ ꠀꠞ ꠄꠇ ꠖꠤꠟ ꠀꠍꠤꠟ। ꠔꠣꠞꠣ ꠄꠇꠎꠘꠦꠅ ꠘꠤꠎꠞ ꠗꠘ-ꠖꠃꠟꠔꠞꠦ ꠘꠤꠎꠞ ꠇꠁꠀ ꠖꠣꠛꠤ ꠇꠞꠔꠣ ꠘꠣ, ꠢꠇ꠆ꠇꠟꠔꠣꠃ ꠢꠇꠟꠞ ꠖꠞꠇꠣꠞ ꠝꠔ ꠈꠞꠌ ꠇꠞꠔꠣ।

Injil 6: Ruman 12:10

ꠄꠇꠦ-ꠅꠁꠘ꠆ꠘꠞꠦ ꠀꠙꠘ ꠜꠣꠁꠞ ꠟꠣꠈꠣꠘ ꠖꠤꠟꠦ-ꠎꠣꠘꠦ ꠝꠣꠄꠀ ꠇꠞꠅ, ꠘꠤꠎ ꠕꠣꠇꠤ ꠅꠁꠘ꠆ꠘꠞꠦ ꠛꠦꠡꠤ ꠖꠣꠝ ꠖꠦꠅ।

Injil 6: Ruman 15:5

ꠅꠈꠘ ꠍꠛꠞ ꠀꠞ ꠡꠣꠘ꠆ꠔꠘꠣ ꠖꠦꠅꠞꠣ ꠀꠟ꠆ꠟꠣꠄ ꠁꠍꠣ ꠀꠟ-ꠝꠍꠤꠞ ꠙꠕꠦ ꠌꠟꠣꠞ ꠟꠣꠉꠤ, ꠔꠥꠝꠞꠣ ꠢꠇꠟꠞ ꠝꠘ ꠄꠇ ꠇꠞꠃꠇ꠆ꠇꠣ।

Injil 7: 1-Korintia 1:10

ꠔꠦ ꠜꠣꠁ ꠅꠇꠟ, ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠅꠁꠀ ꠀꠝꠤ ꠔꠥꠝꠞꠣꠞꠦ ꠎꠥꠠ ꠀꠔꠦ ꠝꠤꠘꠔ ꠇꠞꠤꠀꠞ, ꠔꠥꠝꠞꠣ ꠢꠇꠟ ꠄꠇ ꠅꠅ। ꠔꠥꠝꠞꠣꠞ ꠝꠣꠎꠦ ꠇꠥꠘꠥ ꠖꠟꠣꠖꠟꠤ ꠘꠣ ꠞꠃꠇ, ꠄꠇ ꠝꠘ ꠀꠞ ꠄꠇ ꠝꠔ ꠅꠅ।

Injil 7: 1-Korintia 12:26

ꠡꠞꠤꠟꠞ ꠄꠇ ꠅꠋꠉꠞ ꠎꠥꠖꠤ ꠇꠡ꠆ꠐ ꠅꠄ, ꠔꠦ ꠡꠣꠞꠣ ꠡꠞꠤꠟꠦ ꠇꠡ꠆ꠐ ꠙꠣꠄ, ꠀꠞ ꠄꠇ ꠅꠋꠉꠦ ꠁꠎ꠆ꠎꠔ ꠙꠣꠁꠟꠦ, ꠀꠡ꠆ꠔꠣ ꠡꠞꠤꠟꠦ ꠈꠥꠡꠤ-ꠛꠣꠡꠤ ꠇꠞꠦ।

Injil 10: Ifisia 4:2

ꠔꠥꠝꠞꠣꠞ ꠀꠌꠣꠞ-ꠛꠦꠛꠢꠣꠞ ꠎꠣꠘꠥ ꠙꠥꠞꠣꠙꠥꠞ ꠝꠤꠑꠣ ꠀꠞ ꠘꠞꠝ ꠅꠄ। ꠙꠞꠔꠦꠇꠦ ꠍꠛꠞ ꠇꠞꠅ ꠀꠞ ꠖꠤꠟꠅ ꠝꠢꠛ꠆ꠛꠔ ꠞꠣꠈꠤꠀ ꠄꠇꠦ-ꠅꠁꠘ꠆ꠘꠞꠦ ꠡꠁꠎ꠆ꠎ ꠇꠞꠅ।

Injil 10: Ifisia 4:31

ꠢꠇꠟ ꠘꠝꠥꠘꠣꠞ ꠛꠤꠞꠇ꠆ꠔꠤ ꠜꠣꠛ, ꠝꠤꠎꠣꠎ ꠖꠦꠈꠣꠘꠤ, ꠞꠣꠉ-ꠉꠥꠍꠣ, ꠌꠤꠟ꠆ꠟꠣꠁꠀ ꠇꠣꠁꠎ꠆ꠎꠣ ꠇꠞꠣ, ꠉꠣꠟꠣ-ꠉꠣꠟꠤ, ꠀꠞ ꠢꠇꠟ ꠘꠝꠥꠘꠣꠞ ꠁꠋꠡꠣ-ꠘꠤꠘ꠆ꠖꠣ ꠔꠥꠝꠞꠣꠞ ꠉꠦꠍ ꠕꠣꠇꠤ ꠢꠞꠣꠁꠟꠣꠅ।

Injil 10: Ifisia 4:32

ꠛꠞꠋ ꠔꠥꠝꠞꠣ ꠄꠇꠦ-ꠅꠁꠘ꠆ꠘꠦ ꠖꠄꠀ ꠇꠞꠅ, ꠅꠁꠘ꠆ꠘꠞ ꠖꠥꠈꠦ ꠖꠥꠈꠤ ꠅꠅ, ꠀꠟ-ꠝꠍꠤꠞ ꠝꠣꠎꠖꠤ ꠀꠟ꠆ꠟꠣꠄ ꠎꠦꠟꠣ ꠔꠥꠝꠞꠣꠞꠦ ꠝꠣꠚ ꠇꠞꠍꠂꠘ, ꠔꠥꠝꠞꠣꠅ ꠅꠟꠣ ꠄꠇꠦ-ꠅꠁꠘ꠆ꠘꠞꠦ ꠝꠣꠚ ꠇꠞꠅ।

Injil 11: Filifia 2:3

ꠘꠤꠎꠞ ꠟꠣꠜꠞ ꠀꠡꠣ ꠛꠣ ꠛꠦꠐꠣꠉꠤꠞꠤ ꠖꠦꠈꠣꠘꠤꠞ ꠟꠣꠉꠤ ꠇꠥꠘ꠆ꠔꠣ ꠇꠞꠤꠅ ꠘꠣ, ꠛꠞꠋ ꠘꠔ ꠅꠁꠀ ꠘꠤꠎꠞ ꠌꠣꠁꠔꠦ ꠅꠁꠘ꠆ꠘꠞꠦ ꠛꠦꠡꠤ ꠖꠣꠝ ꠖꠦꠅ।

Injil 11: Filifia 3:16

ꠎꠣꠁ ꠅꠃꠇ, ꠀꠝꠞꠣ ꠎꠔꠈꠣꠘ ꠀꠉꠥꠀꠁꠍꠤ, ꠅꠃ ꠟꠣꠈꠣꠘ ꠎꠤꠘ꠆ꠖꠦꠉꠤꠅ ꠇꠣꠐꠣꠘꠤ ꠃꠌꠤꠔ।

Injil 12: Kolosia 3:12

ꠔꠦ ꠀꠟ꠆ꠟꠣꠄ ꠎꠣꠞꠣꠞꠦ ꠙꠍꠘ꠆ꠖ ꠇꠞꠤꠀ ꠔꠣꠘ ꠘꠤꠎꠞ ꠟꠣꠉꠤ ꠀꠟꠉ ꠇꠞꠍꠂꠘ, ꠔꠣꠘ ꠢꠃ ꠝꠣꠄꠀꠞ ꠛꠘ꠆ꠖꠣ ꠢꠤꠡꠣꠛꠦ ꠔꠥꠝꠞꠣꠞ ꠖꠤꠟꠞ ꠝꠣꠄꠀ-ꠝꠝꠔꠣ, ꠖꠄꠀ, ꠘꠞꠝ ꠛꠦꠛꠢꠣꠞ, ꠘꠞꠝ ꠡ꠆ꠛꠜꠣꠛ ꠀꠞ ꠍꠛꠞ ꠖꠤꠀ ꠘꠤꠎꠞꠦ ꠢꠣꠎꠣꠅ।

Injil 19: Ibrani 13:1

ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞꠦ ꠀꠙꠘ ꠜꠣꠁꠞ ꠟꠣꠈꠣꠘ ꠢꠣꠝꠦꠡꠣ ꠝꠣꠄꠀ ꠇꠞꠤꠅ।

Injil 20: Iakub 2:13

ꠝꠘꠅ ꠞꠣꠈꠤꠅ, ꠎꠦ ꠝꠣꠘꠡꠦ ꠖꠄꠀ ꠇꠞꠍꠦ ꠘꠣ, ꠛꠤꠌꠣꠞꠞ ꠡꠝꠄ ꠔꠣꠞꠦꠅ ꠖꠄꠀ ꠇꠞꠣ ꠅꠁꠔ ꠘꠣꠄ। ꠢꠣꠡꠞꠞ ꠝꠄꠖꠣꠘꠅ ꠖꠄꠀꠉꠤꠞ ꠅꠇꠟꠦꠃ ꠖꠄꠀ ꠙꠣꠁꠛ।

Injil 20: Iakub 3:17

ꠅꠁꠟꠦ ꠛꠦꠢꠦꠡ꠆ꠔ ꠕꠣꠇꠤ ꠎꠦ ꠢꠦꠇꠝꠔ ꠀꠄ, ꠁꠇꠐꠣ ꠅꠁꠟ ꠈꠣꠐꠤ। ꠁꠇꠐꠣ ꠡꠣꠘ꠆ꠔꠤꠄ ꠜꠞꠣ, ꠍꠛꠞꠀꠟꠣ ꠀꠞ ꠘꠞꠝ ꠝꠤꠎꠣꠎꠤ, ꠖꠄꠀ ꠀꠞ ꠢꠇ ꠇꠣꠝꠦ ꠜꠞꠣ, ꠔꠣꠞ ꠝꠣꠎꠦ ꠇꠥꠘꠥ ꠢꠣꠞ-ꠙꠞ ꠛꠣ ꠜꠘ꠆ꠒꠣꠝꠤ ꠘꠣꠁ।

Injil 20: Iakub 5:11

ꠔꠣꠞꠣ ꠔ ꠇꠡ꠆ꠐ ꠙꠣꠁꠀꠅ ꠕꠤꠞ ꠞꠁꠍꠂꠘ, ꠄꠞꠟꠣꠉꠤ ꠀꠝꠞꠣ ꠔꠣꠞꠣꠞ ꠉꠥꠘꠉꠣꠘ ꠉꠣꠁ। ꠔꠥꠝꠞꠣ ꠔ ꠀꠁꠃꠛ ꠘꠛꠤꠞ ꠍꠛꠞꠞ ꠇꠕꠣ ꠜꠣꠟꠣ ꠇꠞꠤ ꠎꠣꠘ, ꠀꠞ ꠄꠅꠈꠣꠘ ꠎꠣꠘ, ꠀꠟ꠆ꠟꠣꠄ ꠛꠣꠖꠦ ꠔꠣꠘꠞꠦ ꠇꠤꠟꠣ ꠞꠢꠝ ꠇꠞꠍꠟꠣ। ꠀꠟ꠆ꠟꠣ ꠔ ꠖꠄꠀ-ꠝꠣꠄꠀꠞ ꠡꠣꠉꠞ।

ꠁꠘ꠆ꠎꠤꠟ ২১: ১-ꠙꠤꠔꠞ 1:22

ꠅꠈꠘ ꠢꠇ-ꠢꠣꠟꠣꠟꠤ ꠝꠣꠘꠤꠀ, ꠔꠥꠝꠞꠣꠞ ꠖꠤꠟꠞꠦ ꠙꠣꠇ-ꠍꠣꠚ ꠇꠞꠍ ꠀꠞ ꠁꠝꠣꠘꠖꠣꠞ ꠜꠣꠁ ꠅꠇꠟ ꠎꠦꠛꠟꠣ ꠔꠥꠝꠞꠣꠞ ꠉꠦꠍꠦ ꠝꠣꠄꠀꠞ ꠝꠣꠘꠥꠡ ꠅꠁꠍꠂꠘ, ꠔꠦ ꠀꠝꠤ ꠇꠁꠞꠣꠝ, ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞꠦ ꠖꠤꠟꠦ-ꠎꠣꠘꠦ ꠝꠣꠄꠀ ꠇꠞꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 2:17

ꠢꠇꠟ ꠝꠣꠘꠡꠞꠦ ꠁꠎ꠆ꠎꠔ ꠇꠞꠅ, ꠔꠥꠝꠞꠣꠞ ꠁꠝꠣꠘꠖꠣꠞ ꠜꠣꠁ ꠅꠇꠟꠞꠦ ꠝꠢꠛ꠆ꠛꠔ ꠇꠞꠅ, ꠀꠟ꠆ꠟꠣꠞꠦ ꠒꠞꠣꠅ ꠀꠞ ꠖꠦꠡꠞ ꠞꠣꠎꠣꠞꠦ ꠁꠎ꠆ꠎꠔ ꠖꠦꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 5:5

ꠅꠃ ꠟꠣꠈꠣꠘ ꠎꠥꠀꠘ ꠅꠇꠟꠦꠅ ꠔꠥꠝꠞꠣꠞ ꠝꠥꠞꠛ꠆ꠛꠤꠞꠦ ꠝꠣꠘꠤꠀ ꠌꠟꠅ। ꠉꠥꠟꠣꠝꠤꠞ ꠛꠦꠡꠦ ꠢꠇꠟꠦꠃ ꠄꠇꠦ-ꠅꠁꠘ꠆ꠘꠞ ꠈꠦꠎꠝꠔ ꠇꠞꠅ, ꠎꠦꠟꠣ ꠀꠟ꠆ꠟꠣꠞ ꠇꠣꠟꠣꠝꠅ ꠀꠍꠦ, ꠀꠟ꠆ꠟꠣꠄ ꠅꠢꠋꠇꠣꠞꠤꠞ ꠛꠤꠞꠥꠖ꠆ꠖꠦ ꠕꠣꠇꠂꠘ, ꠘꠞꠝ ꠖꠤꠟꠞ ꠝꠣꠘꠡꠞꠦ ꠞꠢꠝ ꠇꠞꠂꠘ।

ꠁꠘ꠆ꠎꠤꠟ ২২: ২-ꠙꠤꠔꠞ 1:7

ꠙꠞꠦꠎꠉꠣꠞꠤꠞ ꠟꠉꠦ ꠄꠇꠦ-ꠅꠁꠘ꠆ꠘꠦ ꠝꠣꠄꠀ, ꠀꠞ ꠄꠇꠦ-ꠅꠁꠘ꠆ꠘꠦ ꠝꠣꠄꠀꠞ ꠟꠉꠦ ꠀꠟ꠆ꠟꠣꠁ ꠝꠢꠛ꠆ꠛꠔꠦ ꠛꠣꠠꠅ।

Injil 23: 1-Hannan 3:14

ꠀꠝꠞꠣ ꠔ ꠀꠝꠞꠣꠞ ꠝꠥꠝꠤꠘ ꠜꠣꠁꠞꠦ ꠝꠢꠛ꠆ꠛꠔ ꠇꠞꠤ, ꠄꠞꠟꠣꠉꠤ ꠛꠥꠎꠞꠣꠝ, ꠀꠝꠞꠣ ꠝꠞꠘ ꠕꠣꠇꠤ ꠛꠣꠌꠤꠀ ꠎꠤꠘ꠆ꠖꠦꠉꠤꠔ ꠀꠁꠍꠤ। ꠎꠦꠞꠣ ꠝꠢꠛ꠆ꠛꠔ ꠇꠞꠦ ꠘꠣ, ꠔꠣꠞꠣ ꠔ ꠝꠞꠘꠞ ꠉꠣꠔꠅ ꠙꠠꠤ ꠞꠁꠍꠦ।