ꠁꠘ꠆ꠎꠤꠟ ২১: ১-ꠙꠤꠔꠞ 3:7 - Siloṭi Asmani Kitab (Nagri lipi)

⁷ ꠀꠞ ꠎꠣꠝꠣꠁ ꠅꠇꠟꠞꠦꠅ ꠇꠁꠞꠣꠝ, ꠔꠥꠝꠞꠣ ꠛꠤꠛꠦꠇ-ꠛꠥꠖ꠆ꠖꠤ ꠈꠣꠐꠣꠁꠀ ꠛꠃꠞ ꠟꠉꠦ ꠌꠟꠅ। ꠔꠣꠞꠣꠅ ꠔ ꠔꠥꠝꠞꠣꠞ ꠟꠉꠞ ꠇꠝꠎꠥꠞ ꠝꠣꠘꠥꠡ ꠀꠞ ꠀꠟ꠆ꠟꠣꠞ ꠞꠢꠝꠔꠞ ꠖꠣꠘ ꠢꠤꠡꠣꠛꠦ ꠔꠣꠞꠣꠅ ꠔꠥꠝꠞꠣꠞ ꠟꠉꠦ ꠎꠤꠘ꠆ꠖꠦꠉꠤ ꠙꠣꠁꠛ। ꠄꠞꠟꠣꠉꠤ ꠔꠣꠞꠣꠞꠦ ꠁꠎ꠆ꠎꠔ ꠖꠦꠅ, ꠎꠣꠔꠦ ꠀꠟ꠆ꠟꠣꠞ ꠖꠞꠛꠣꠞꠅ ꠔꠥꠝꠞꠣꠞ ꠝꠥꠘꠣꠎꠣꠔ ꠛꠦꠇꠣꠝꠣ ꠘꠣ ꠎꠣꠄ।

ছিলটি আছমানি কিতাব (বাংলা লিপি)

⁷ আর জামাই অকলরেও কইরাম, তুমরা বিবেক-বুদ্ধি খাটাইয়া বউর লগে চলো। তারাও তো তুমরার লগর কমজুর মানুষ আর আল্লার রহমতর দান হিসাবে তারাও তুমরার লগে জিন্দেগি পাইবো। এরলাগি তারারে ইজ্জত দেও, যাতে আল্লার দরবারো তুমরার মুনাজাত বেকামা না যায়।

Siloṭi Asmani Kitab (Latin lipi)

⁷ Ar zamai oḳolre-o ḳoiram, tumra bibeḳ-buddi kaṭaia bour loge solo. Tara-o to tumrar logor ḳomzur manush ar Allar rohomotor dan hishabe tara-o tumrar loge zindegi faibo. Erlagi tarare ijjot deo, zate Allar dorbaro tumrar munazat beḳama na zae.

ꠁꠘ꠆ꠎꠤꠟ ২১: ১-ꠙꠤꠔꠞ 3:7 Iomraidhean Croise

ꠁꠘ꠆ꠎꠤꠟ ১: ꠝꠕꠤ 18:19

“ꠢꠥꠘꠅ, ꠀꠝꠤ ꠔꠥꠝꠞꠣꠞꠦ ꠀꠞꠅ ꠇꠁꠞꠣꠝ, ꠔꠥꠝꠞꠣꠞ ꠝꠣꠎꠞ ꠖꠥꠁꠎꠘ ꠎꠥꠖꠤ ꠄꠇꠝꠔ ꠅꠁꠀ ꠇꠥꠘꠥ ꠛꠦꠙꠣꠞꠦ ꠖꠥꠀ ꠇꠞꠦ, ꠔꠦ ꠀꠝꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣꠄ ꠅꠃ ꠖꠥꠀ ꠇꠛꠥꠟ ꠇꠞꠛꠣ।

Injil 7: 1-Korintia 7:3

ꠢꠇꠟ ꠎꠣꠝꠣꠁꠄ ꠔꠣꠞ ꠛꠃꠞ ꠙꠣꠅꠘꠣ ꠢꠇ ꠀꠖꠣꠄ ꠇꠞꠃꠇ, ꠀꠞ ꠛꠃꠄꠅ ꠅꠟꠣ ꠎꠣꠝꠣꠁꠞ ꠙꠣꠅꠘꠣ ꠀꠖꠣꠄ ꠇꠞꠃꠇ।

Injil 10: Ifisia 3:6

ꠀꠞ ꠁ ꠛꠣꠔꠥꠘꠤ ꠛꠦꠙꠣꠞ ꠅꠁꠟ, ꠁꠘ꠆ꠎꠤꠟꠞ ꠈꠥꠡ-ꠈꠛꠞꠤꠞ ꠝꠣꠎꠖꠤ ꠜꠤꠘ ꠎꠣꠔꠤ ꠅꠇꠟꠅ ꠁꠍꠣ ꠀꠟ-ꠝꠍꠤꠞ ꠟꠉꠦ ꠄꠇ ꠅꠁꠀ, ꠛꠘꠤ ꠁꠍꠞꠣꠁꠟꠞ ꠟꠉꠦ ꠀꠟ꠆ꠟꠣꠁ ꠅꠗꠤꠇꠣꠞꠅ ꠡꠞꠤꠇ ꠅꠄ, ꠢꠇꠟ ꠄꠇ ꠡꠞꠤꠟꠞ ꠅꠋꠡ ꠅꠄ, ꠄꠇꠁ ꠅꠀꠖꠣꠞ ꠖꠥꠀꠞ ꠜꠣꠉꠤ ꠅꠄ।

Injil 10: Ifisia 4:30

ꠔꠥꠝꠞꠣ ꠀꠟ꠆ꠟꠣꠞ ꠙꠣꠇ ꠞꠥꠢꠥꠞꠦ ꠖꠥꠈ ꠖꠤꠅ ꠘꠣ, ꠀꠈꠦꠞꠤ ꠘꠣꠎꠣꠔꠞ ꠀꠉ ꠙꠞ꠆ꠎꠘ꠆ꠔ ꠅꠃ ꠞꠥꠢꠥ ꠖꠤꠀꠃ ꠀꠟ꠆ꠟꠣꠄ ꠔꠥꠝꠞꠣꠞꠦ ꠡꠤꠟ-ꠌꠣꠙ꠆ꠙꠠ ꠝꠣꠞꠤꠀ ꠕꠁꠍꠂꠘ।

Injil 10: Ifisia 5:33

ꠎꠣꠁ ꠅꠃꠇ, ꠔꠥꠝꠞꠣ ꠢꠇꠟꠦꠃ ꠎꠣꠞꠎꠤꠞ ꠛꠃꠞꠦ ꠘꠤꠎꠞ ꠟꠣꠈꠣꠘ ꠝꠣꠄꠀ ꠇꠞꠤꠅ, ꠀꠞ ꠛꠃ ꠅꠇꠟꠦꠅ ꠎꠣꠞꠎꠤꠞ ꠎꠣꠝꠣꠁꠞꠦ ꠁꠎ꠆ꠎꠔ ꠇꠞꠣ ꠎꠞꠥꠞ।

Injil 10: Ifisia 6:18

ꠙꠣꠇ ꠞꠥꠢꠥꠞ ꠛꠟꠦ ꠖꠤꠟꠦ-ꠎꠣꠘꠦ ꠢꠞ-ꠢꠣꠝꠦꠡꠣ ꠝꠥꠘꠣꠎꠣꠔ ꠇꠞꠅ। ꠄꠞꠟꠣꠉꠤ ꠢꠎꠣꠉ ꠞꠁꠀ ꠢꠇꠟ ꠙꠣꠇ ꠛꠘ꠆ꠖꠣ ꠅꠇꠟꠞ ꠟꠣꠉꠤ ꠡꠛ ꠡꠝꠄ ꠝꠥꠘꠣꠎꠣꠔ ꠇꠞꠣꠔ ꠞꠁꠅ।

Injil 12: Kolosia 3:19

ꠔꠥꠝꠞꠣ ꠎꠦꠞꠣ ꠎꠣꠝꠣꠁ ꠅꠁꠍ, ꠔꠥꠝꠞꠣꠅ ꠎꠣꠞꠎꠤꠞ ꠛꠃꠞꠦ ꠝꠢꠛ꠆ꠛꠔ ꠇꠞꠤꠅ, ꠛꠃꠞ ꠟꠉꠦ ꠇꠐꠥ ꠛꠦꠛꠢꠣꠞ ꠇꠞꠤꠅ ꠘꠣ।

ইঞ্জিল ১৩: ১-থিষল: 4:4

ꠀꠞ ꠎꠦꠔꠣ ꠝꠣꠘꠡꠦ ꠀꠟ꠆ꠟꠣꠞꠦ ꠌꠤꠘꠂꠘ ꠘꠣ, ꠢꠃ ꠜꠤꠘ-ꠗꠞ꠆ꠝꠤꠞ ꠟꠣꠈꠣꠘ ꠡꠞꠤꠟꠞ ꠈꠣꠁꠡꠞ ꠛꠡꠦ ꠘꠣ ꠌꠟꠤꠀ, ꠔꠥꠝꠞꠣ ꠙꠞꠔꠦꠇ ꠎꠘꠦ ꠎꠣꠞꠎꠤꠞ ꠡꠞꠤꠟꠞꠦ ꠙꠣꠇ-ꠙꠛꠤꠔ꠆ꠞ ꠞꠣꠈꠤꠀ ꠝꠣꠘ-ꠡꠝ꠆ꠝꠣꠘꠦ ꠎꠤꠘꠣ ꠕꠣꠇꠤ ꠢꠥꠡꠤꠀꠞ ꠞꠅ।

Injil 17: Titas 3:7

ꠎꠣꠔꠦ ꠀꠈꠦꠞꠤ ꠎꠤꠘ꠆ꠖꠦꠉꠤꠞ ꠀꠡꠣ-ꠜꠞꠡꠣ ꠙꠣꠁꠀ, ꠀꠟ꠆ꠟꠣꠁ ꠢꠇ꠆ꠇꠟꠔꠣꠞ ꠅꠗꠤꠇꠣꠞꠤ ꠅꠁ। ꠀꠟ꠆ꠟꠣꠞ ꠞꠢꠝꠔꠦ ꠀꠝꠞꠣꠞꠦ ꠛꠦ-ꠇꠍꠥꠞ ꠈꠣꠟꠣꠍ ꠢꠤꠡꠣꠛꠦ ꠇꠛꠥꠟ ꠇꠞꠣꠄꠃ ꠔ ꠀꠝꠞꠣ ꠁꠔꠣ ꠙꠣꠁꠍꠤ।

Injil 19: Ibrani 1:14

ꠚꠤꠞꠤꠡ꠆ꠔꠣ ꠅꠇꠟ ꠔ ꠈꠣꠟꠤ ꠈꠦꠎꠝꠔ ꠇꠞꠞꠣ ꠞꠥꠢꠥ ꠘꠣꠄ ꠘꠤ? ꠎꠦꠞꠣ ꠘꠣꠎꠣꠔ ꠢꠣꠍꠤꠟ ꠇꠞꠛꠣ, ꠔꠣꠞꠣꠞ ꠃꠙꠇꠣꠞ ꠇꠞꠣꠞ ꠟꠣꠉꠤꠃ ꠄꠞꠣꠞꠦ ꠛꠦꠎꠣ ꠅꠁꠍꠦ।

ꠁꠘ꠆ꠎꠤꠟ ২১: ১-ꠙꠤꠔꠞ 3:1

ꠅꠟꠣꠈꠣꠘ, ꠎꠣꠝꠣꠁꠞ ꠊꠞꠞ ꠢꠇꠟ ꠛꠃꠀꠁꠘ꠆ꠔꠞꠦ ꠇꠁꠞꠣꠝ, ꠔꠥꠝꠞꠣ ꠎꠣꠞꠎꠤꠞ ꠎꠣꠝꠣꠁꠞ ꠇꠕꠣꠄ ꠌꠟꠅ। ꠎꠥꠖꠤꠅ ꠇꠥꠘꠥ ꠇꠥꠘꠥ ꠎꠣꠝꠣꠁꠄ ꠀꠟ꠆ꠟꠣꠞ ꠇꠣꠟꠣꠝꠞꠦ ꠖꠣꠝ ꠖꠦꠄ ꠘꠣ, ꠔꠣ-ꠅ ꠔꠥꠝꠞꠣꠞ ꠌꠣꠟ-ꠌꠟꠘꠦ ꠎꠣꠘꠥ ꠔꠣꠞꠣꠞꠦ ꠀꠟ-ꠝꠍꠤꠞ ꠛꠣꠄ ꠐꠣꠘꠤꠀ ꠀꠘꠦ। ꠔꠦꠃ ꠁ ꠛꠦꠙꠣꠞꠦ ꠔꠥꠝꠞꠣꠞ ꠄꠇꠈꠣꠘ ꠇꠕꠣꠅ ꠝꠣꠔꠣ ꠟꠣꠉꠔ ꠘꠣꠄ।