ꠁꠘ꠆ꠎꠤꠟ ২১: ১-ꠙꠤꠔꠞ 3:3 - Siloṭi Asmani Kitab (Nagri lipi)

³ ꠘꠣꠘꠣꠘ ꠘꠝꠥꠘꠣꠄ ꠢꠣꠎꠤ-ꠙꠣꠠꠤ ꠌꠥꠟꠞ ꠈꠥꠙꠣ ꠛꠣꠘ꠆ꠖꠤꠀ, ꠡꠥꠘꠣ-ꠞꠥꠙꠣꠞ ꠉꠄꠘꠣ ꠟꠣꠉꠣꠁꠀ, ꠀꠞ ꠖꠣꠝꠤ ꠖꠣꠝꠤ ꠇꠣꠙꠠ ꠚꠤꠘ꠆ꠖꠤꠀ ꠘꠤꠎꠞꠦ ꠢꠣꠎꠣꠘꠤꠔ ꠞꠁꠅ ꠘꠣ।

ছিলটি আছমানি কিতাব (বাংলা লিপি)

³ নানান নমুনায় হাজি-পাড়ি চুলর খোপা বান্দিয়া, সোনা-রুপার গয়না লাগাইয়া, আর দামি দামি কাপড় ফিন্দিয়া নিজরে হাজানিত রইও না।

Siloṭi Asmani Kitab (Latin lipi)

³ Nanan nomunae hazi-faṛi sulor kufa bandia, shuna-rufar goyna lagaia, ar dami dami kafoṛ findia nizore hazanit roio na.

ꠁꠘ꠆ꠎꠤꠟ ২১: ১-ꠙꠤꠔꠞ 3:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 24:22

ꠃꠐ ꠅꠇꠟꠦ ꠙꠣꠘꠤ ꠈꠣꠁꠀ ꠢꠣꠞꠟꠦ, ꠔꠣꠁꠘ ꠀꠗꠣ ꠔꠟꠣꠞ ꠄꠇꠐꠣ ꠡꠥꠘꠣꠞ ꠘꠣꠇꠞ ꠘꠕ ꠀꠞ ꠖꠥꠁ ꠀꠔꠅ ꠖꠡ ꠔꠟꠣꠞ ꠖꠥꠁꠐꠣ ꠡꠥꠘꠣꠞ ꠛꠣꠟꠣ ꠞꠦꠛꠦꠇꠣꠞꠦ ꠖꠤꠀ ꠎꠤꠇꠣꠁꠟꠣ,

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 24:47

ꠛꠣꠖꠦ ꠀꠝꠤ ꠔꠣꠘꠦ ꠎꠤꠇꠣꠁꠟꠣꠝ, ‘ꠀꠙꠘꠦ ꠇꠣꠞ ꠙꠥꠠꠤ?’ ꠔꠣꠁꠘ ꠇꠁꠟꠣ, ‘ꠀꠝꠤ ꠛꠕꠥꠄꠟꠞ ꠙꠥꠠꠤ, ꠀꠝꠣꠞ ꠖꠣꠖꠣꠞ ꠘꠣꠝ ꠘꠣꠢꠥꠞ ꠀꠞ ꠖꠣꠖꠤꠞ ꠘꠣꠝ ꠝꠤꠟꠇꠣ।’ ꠅꠃ ꠀꠝꠤ ꠔꠣꠘ ꠘꠣꠇꠅ ꠘꠕ ꠀꠞ ꠀꠔꠅ ꠛꠣꠟꠣ ꠚꠤꠘ꠆ꠖꠣꠁꠀ ꠖꠤꠟꠣꠝ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 24:53

ꠄꠞꠛꠣꠖꠦ ꠔꠣꠁꠘ ꠡꠥꠘꠣ-ꠞꠥꠙꠣꠞ ꠉꠄꠘꠣ-ꠉꠣꠐꠤ ꠀꠞ ꠇꠣꠙꠠ-ꠌꠥꠙꠠ ꠛꠣꠞ ꠇꠞꠤꠀ ꠞꠦꠛꠦꠇꠣꠞꠦ ꠖꠤꠟꠣ, ꠄꠞ ꠟꠉꠦ ꠞꠦꠛꠦꠇꠣꠞ ꠝꠣ-ꠜꠣꠁꠞꠦꠅ ꠛꠃꠔ ꠖꠣꠝꠤ ꠖꠣꠝꠤ ꠃꠙꠢꠣꠞ ꠖꠤꠟꠣ।

ꠔꠃꠞꠣꠔ ২: ꠢꠤꠎꠞꠔ 3:22

ꠢꠇꠟ ꠁꠍꠞꠣꠁꠟꠤ ꠛꠦꠐꠤꠘ꠆ꠔꠦ ꠔꠣꠞꠣꠞ ꠀꠞꠤ-ꠚꠞꠤ ꠛꠣ ꠎꠦꠞꠣꠞ ꠛꠣꠠꠤꠔ ꠔꠣꠞꠣ ꠞꠂꠘ, ꠅꠃꠟꠣ ꠝꠤꠡꠞꠤ ꠛꠦꠐꠤꠘ꠆ꠔꠞ ꠉꠦꠍ ꠕꠣꠇꠤ ꠔꠣꠞꠣꠞ ꠡꠥꠘꠣ-ꠞꠥꠙꠣꠞ ꠉꠄꠘꠣ-ꠉꠣꠐꠤ ꠀꠞ ꠜꠣꠟꠣ ꠇꠣꠙꠠ-ꠌꠥꠙꠠ ꠈꠥꠎꠤꠀ ꠘꠤꠅ। ꠅꠔꠣ ꠖꠤꠀ ꠔꠥꠝꠞꠣꠞ ꠙꠥꠀ-ꠙꠥꠠꠤꠘꠞꠦꠅ ꠢꠣꠎꠣꠁꠅ, ꠅꠃ ꠘꠝꠥꠘꠣꠄ ꠔꠥꠝꠞꠣ ꠝꠤꠡꠞꠤꠘ꠆ꠔꠞ ꠗꠘ-ꠍꠣꠝꠣꠘꠣ ꠖꠈꠟ ꠇꠞꠛꠣꠄ।”

ꠔꠃꠞꠣꠔ ২: ꠢꠤꠎꠞꠔ 32:2

ꠁꠈꠣꠘ ꠢꠥꠘꠤꠀ ꠢꠣꠞꠥꠘꠦ ꠔꠣꠞꠣꠞꠦ ꠇꠁꠟꠣ, “ꠔꠥꠝꠞꠣ ꠎꠣꠞꠎꠤꠞ ꠛꠃ ꠀꠞ ꠙꠥꠀ-ꠙꠥꠠꠤꠘ꠆ꠔꠞ ꠇꠣꠘꠅ ꠕꠣꠇꠤ ꠡꠥꠘꠣꠞ ꠉꠄꠘꠣ ꠈꠥꠟꠤꠀ ꠀꠝꠣꠞ ꠉꠦꠍꠦ ꠀꠘꠅ।”

ꠔꠃꠞꠣꠔ ২: ꠢꠤꠎꠞꠔ 33:4

ꠁ ꠛꠤꠙꠖꠞ ꠇꠕꠣ ꠢꠥꠘꠤꠀ ꠝꠣꠘꠡꠦ ꠇꠣꠘ꠆ꠖꠣ-ꠇꠣꠐꠤ ꠟꠣꠉꠣꠁꠟꠣ। ꠔꠣꠞꠣ ꠇꠦꠃ ꠇꠥꠘꠥꠎꠣꠔ ꠉꠄꠘꠣ-ꠉꠣꠐꠤ ꠚꠤꠘꠟꠣ ꠘꠣ।

ꠔꠃꠞꠣꠔ ২: ꠢꠤꠎꠞꠔ 35:22

ꠛꠦꠐꠣꠁꠘ ꠛꠣ ꠛꠦꠐꠤꠘ꠆ꠔꠞ ꠝꠣꠎꠦ ꠎꠣꠞꠣꠞ ꠝꠘꠦ ꠌꠣꠁꠟ, ꠔꠣꠞꠣ ꠁꠔꠣ ꠖꠤꠟꠣ। ꠔꠣꠞꠣ ꠎꠣꠞꠎꠤꠞ ꠇꠣꠙꠠꠞ ꠙꠤꠋ, ꠇꠣꠘꠞ ꠁꠀꠞꠤꠋ, ꠀꠋꠐꠤ, ꠉꠟꠣꠞ ꠢꠣꠞ, ꠀꠞ ꠢꠇꠟ ꠎꠣꠔꠞ ꠡꠥꠘꠣꠞ ꠉꠄꠘꠣ ꠀꠘꠤꠀ ꠝꠣꠛꠥꠖꠞ ꠘꠣꠝꠦ ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠖꠤꠟꠣ।

ꠔꠃꠞꠣꠔ ২: ꠢꠤꠎꠞꠔ 38:8

ꠅꠎꠥꠞ ꠙꠣꠘꠤ ꠕꠅꠀꠞ ꠟꠣꠉꠤ ꠙꠤꠔꠟꠞ ꠄꠇ ꠉꠣꠝꠟꠣ ꠛꠣꠘꠣꠁꠟꠣ। ꠄꠛꠣꠖꠔꠤ ꠇꠣꠝꠞ ꠟꠣꠉꠤ ꠎꠦꠔꠣ ꠛꠦꠐꠤꠘ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠍꠣꠔ ꠀꠁꠔꠣ, ꠔꠣꠞꠣꠞ ꠙꠤꠔꠟꠞ ꠀꠄꠘꠣꠖꠤ ꠁ ꠉꠣꠝꠟꠣ ꠀꠞ ꠄꠞ ꠌꠇꠤ-ꠈꠣꠐ ꠔꠂꠀꠞ ꠇꠞꠣ ꠅꠁꠟ।

Injil 6: Ruman 12:2

ꠀꠞ ꠅꠃ ꠈꠣꠞꠣꠙ ꠎꠝꠣꠘꠣꠞ ꠔꠣꠟꠅ ꠙꠠꠤꠅ ꠘꠣ, ꠛꠞꠋ ꠘꠤꠎꠞ ꠖꠤꠟꠞ ꠜꠣꠛ ꠛꠖꠟꠣꠁꠀ ꠘꠄꠀ ꠝꠣꠘꠥꠡ ꠅꠅ। ꠔꠦꠃ ꠔꠥꠝꠞꠣ ꠀꠟ꠆ꠟꠣꠞ ꠝꠞ꠆ꠎꠤ ꠛꠥꠎꠛꠣꠄ। ꠔꠣꠘ ꠝꠞ꠆ꠎꠤ ꠔ ꠜꠣꠟꠣ ꠀꠞ ꠙꠥꠞꠣꠙꠥꠞ ꠘꠤꠈꠥꠔ, ꠅꠟꠣ ꠇꠞꠟꠦ ꠔꠣꠁꠘ ꠈꠥꠡꠤ ꠅꠁꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 3:2

ꠔꠥꠝꠞꠣꠞ ꠙꠛꠤꠔ꠆ꠞ ꠎꠤꠘ꠆ꠖꠦꠉꠤꠞ ꠢꠣꠟꠔ ꠖꠦꠈꠤꠀ, ꠀꠞ ꠀꠟ꠆ꠟꠣꠞ ꠒꠞ-ꠈꠚꠦ ꠌꠟꠣ ꠖꠦꠈꠤꠀ ꠔꠣꠞꠣ ꠘꠤꠎꠦꠃ ꠀꠁꠛ।