ꠁꠘ꠆ꠎꠤꠟ ২১: ১-ꠙꠤꠔꠞ 3:16 - Siloṭi Asmani Kitab (Nagri lipi)

¹⁶ ꠅꠁꠟꠦ ꠁ ꠎꠥꠀꠙ ꠘꠞꠝ ꠡꠥꠞꠦ ꠖꠤꠅ। ꠔꠥꠝꠞꠣꠞ ꠖꠤꠟ ꠍꠣꠚ ꠞꠣꠈꠤꠅ, ꠁꠍꠣꠄꠁ ꠃꠝ꠆ꠝꠔ ꠢꠤꠡꠣꠛꠦ ꠎꠦꠞꠣ ꠔꠥꠝꠞꠣꠞ ꠜꠣꠟꠣ ꠌꠣꠟ-ꠌꠟꠘꠞ ꠘꠤꠘ꠆ꠖꠣ ꠇꠞꠦ, ꠔꠣꠞꠣ ꠎꠣꠘꠥ ꠡꠞꠝꠤꠘ꠆ꠖꠣ ꠅꠄ।

ছিলটি আছমানি কিতাব (বাংলা লিপি)

¹⁶ অইলে ই জুয়াপ নরম সুরে দিও। তুমরার দিল ছাফ রাখিও, ইছায়ী উম্মত হিসাবে যেরা তুমরার ভালা চাল-চলনর নিন্দা করে, তারা যানু শরমিন্দা অয়।

Siloṭi Asmani Kitab (Latin lipi)

¹⁶ Oile i zuaf norom shure dio. Tumrar dil saf rakio, Isayi ummot hishabe zera tumrar bala sal-cholonor ninda ḳore, tara zanu shorminda oy.

ꠁꠘ꠆ꠎꠤꠟ ২১: ১-ꠙꠤꠔꠞ 3:16 Iomraidhean Croise

ꠁꠘ꠆ꠎꠤꠟ ১: ꠝꠕꠤ 5:11

“ꠀꠞ ꠔꠥꠝꠞꠣꠃ ꠇꠙꠣꠟꠤ ꠎꠣꠞꠣꠞꠦ ꠀꠝꠣꠞ ꠟꠣꠉꠤ ꠝꠣꠘꠡꠦ ꠊꠤꠘ꠆ꠘꠣꠄ, ꠝꠣꠘꠡꠦ ꠔꠥꠝꠞꠣꠞꠦ ꠎꠥꠟꠥꠝ ꠇꠞꠦ ꠀꠞ ꠘꠣꠘꠣꠘ ꠘꠝꠥꠘꠣꠞ ꠝꠤꠍꠣ ꠛꠖꠘꠣꠝ ꠉꠣꠄ।

Injil 5: Sahabi Nama 24:16

ꠄꠞꠖꠣꠄ ꠀꠝꠤ ꠀꠟ꠆ꠟꠣꠞ ꠉꠦꠍꠦ ꠀꠞ ꠝꠣꠘꠡꠞ ꠉꠦꠍꠦꠅ ꠢꠣꠝꠦꠡꠣ ꠀꠝꠣꠞ ꠛꠤꠛꠦꠇ ꠙꠞꠤꠡ꠆ꠇꠣꠞ ꠞꠣꠈꠔꠣꠝ ꠌꠣꠁ।

Injil 5: Sahabi Nama 28:22

ꠅꠁꠟꠦ ꠀꠝꠞꠣ ꠀꠙꠘꠣꠞ ꠝꠥꠈ ꠕꠣꠇꠤ ꠝꠔꠣꠝꠔ ꠢꠥꠘꠔꠣꠝ ꠌꠣꠁꠞꠣꠝ। ꠇꠣꠞꠘ ꠀꠝꠞꠣ ꠎꠣꠘꠤ, ꠢꠇꠟ ꠎꠣꠉꠣꠞ ꠝꠣꠘꠡꠦꠃ ꠁ ꠔꠞꠤꠇꠣꠞ ꠛꠤꠙꠇ꠆ꠇꠦ ꠝꠣꠔꠂꠘ।”

Injil 6: Ruman 9:1

ꠀꠝꠤ ꠀꠟ-ꠝꠍꠤꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠄꠇ꠆ꠇꠦꠞꠦ ꠢꠣꠍꠣ ꠇꠕꠣ ꠇꠁꠞꠣꠝ, ꠀꠝꠣꠞ ꠛꠤꠛꠦꠇꠦꠅ ꠙꠣꠇ ꠞꠥꠢꠥꠞ ꠟꠉꠦ ꠅꠁꠀ ꠅꠃ ꠡꠣꠇ꠆ꠇꠤ ꠖꠦꠞ।

Injil 8: 2-Korintia 1:12

ꠀꠝꠞꠣ ꠎꠦꠔꠣ ꠟꠁꠀ ꠉꠃꠞꠛ ꠇꠞꠤꠀꠞ, ꠀꠝꠞꠣꠞ ꠛꠤꠛꠦꠇꠦꠅ ꠅꠟꠣ ꠇꠄ, ꠀꠟ꠆ꠟꠣꠞ ꠖꠦꠅꠀ ꠙꠛꠤꠔ꠆ꠞ ꠀꠞ ꠡꠞꠟ ꠝꠘ ꠟꠁꠀ ꠢꠇꠟ ꠝꠣꠘꠡꠞ ꠝꠣꠎꠦ ꠎꠤꠘ꠆ꠖꠦꠉꠤ ꠇꠣꠐꠣꠁꠍꠤ, ꠈꠣꠍ ꠇꠞꠤ ꠔꠥꠝꠞꠣꠞ ꠝꠣꠎꠦꠃ ꠇꠣꠐꠣꠁꠍꠤ। ꠁ ꠎꠤꠘ꠆ꠖꠦꠉꠤ ꠀꠝꠞꠣ ꠖꠥꠘꠤꠀꠛꠤ ꠀꠈꠟ-ꠢꠦꠇꠝꠔꠦ ꠘꠣꠄ, ꠈꠣꠟꠤ ꠀꠟ꠆ꠟꠣꠞ ꠞꠢꠝꠔꠞ ꠛꠟꠦ ꠇꠣꠐꠣꠁꠍꠤ।

Injil 8: 2-Korintia 4:2

ꠔꠛꠟꠤꠉ ꠇꠣꠝꠅ ꠝꠣꠘꠡꠦ ꠟꠥꠇꠣꠁꠀ ꠎꠦꠔꠣ ꠛꠦꠢꠣꠄꠀꠝꠤ ꠇꠞꠂꠘ, ꠁꠔꠣ ꠀꠝꠞꠣ ꠝꠥꠐꠦꠃ ꠇꠞꠤ ꠘꠣ। ꠀꠝꠞꠣ ꠇꠥꠘꠥ ꠇꠣꠝꠅ ꠍꠟ-ꠌꠔꠥꠞꠤ ꠇꠞꠤ ꠘꠣ, ꠀꠟ꠆ꠟꠣꠞ ꠇꠣꠟꠣꠝꠅ ꠜꠦꠎꠣꠟ ꠝꠤꠡꠣꠁ ꠘꠣ। ꠛꠞꠋ ꠢꠇ ꠇꠕꠣꠞꠦ ꠈꠥꠟꠣ-ꠝꠦꠟꠣ ꠇꠁꠀ ꠢꠇꠟ ꠝꠣꠘꠡꠞ ꠉꠦꠍꠦ ꠀꠞ ꠀꠟ꠆ꠟꠣꠞ ꠖꠞꠛꠣꠞꠅ ꠀꠝꠞꠣꠞꠦ ꠎꠁꠉ꠆ꠉ ꠢꠤꠡꠣꠛꠦ ꠙꠞꠝꠣꠘ ꠇꠞꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:19

ꠄꠞꠟꠉꠦ ꠘꠤꠎꠞ ꠁꠝꠣꠘ ꠀꠞ ꠙꠞꠤꠡ꠆ꠇꠣꠞ ꠛꠤꠛꠦꠇꠞꠦ ꠛꠣꠌꠣꠁꠅ। ꠇꠥꠘꠥ ꠇꠥꠘꠥ ꠝꠣꠘꠡꠦ ꠛꠤꠛꠦꠇꠞ ꠛꠥꠟꠤ ꠘꠣ ꠝꠣꠘꠤꠀ, ꠘꠤꠎꠞ ꠁꠝꠣꠘꠞꠦ ꠘꠡ꠆ꠐ ꠇꠞꠤꠟꠤꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:5

ꠛꠞꠋ ꠡꠑꠤꠇ ꠔꠣꠟꠤꠝꠞ ꠚꠟ ꠅꠁꠟ, ꠝꠣꠄꠀ-ꠝꠢꠛ꠆ꠛꠔ, ꠁꠔꠣ ꠔ ꠈꠣꠐꠤ ꠖꠤꠟ, ꠙꠞꠤꠡ꠆ꠇꠣꠞ ꠛꠤꠛꠦꠇ ꠀꠞ ꠢꠣꠍꠣꠞꠞ ꠁꠝꠣꠘ ꠕꠣꠇꠤ ꠙꠄꠖꠣ ꠅꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:3

ꠅ ꠔꠤꠝꠕꠤ, ꠢꠥꠘꠅ, ꠀꠝꠣꠞ ꠝꠄ-ꠝꠥꠞꠛ꠆ꠛꠤꠄ ꠎꠦꠟꠣ ꠄꠇ ꠀꠟ꠆ꠟꠣꠞ ꠄꠛꠣꠖꠔ ꠇꠞꠔꠣ, ꠀꠝꠤꠅ ꠅꠃꠟꠣ ꠙꠞꠤꠡ꠆ꠇꠣꠞ ꠛꠤꠛꠦꠇꠦ ꠀꠟ꠆ꠟꠣꠞ ꠄꠛꠣꠖꠔ ꠇꠞꠤ। ꠀꠝꠤ ꠖꠥꠀ ꠇꠞꠣꠞ ꠛꠣꠟꠣ ꠖꠤꠘꠦ-ꠞꠣꠁꠔꠦ ꠢꠣꠝꠦꠡꠣ ꠔꠥꠝꠣꠞ ꠟꠣꠉꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤ।

Injil 17: Titas 2:8

ꠇꠦꠃ ꠎꠣꠘꠥ ꠔꠥꠝꠣꠞ ꠎꠛꠣꠘꠞ ꠇꠥꠘꠥ ꠖꠥꠡ ꠘꠣ ꠙꠣꠄ। ꠔꠥꠝꠣꠞ ꠅꠃꠟꠣ ꠌꠣꠟ-ꠌꠟꠘ ꠖꠦꠈꠤꠀ ꠖꠥꠡꠝꠘ ꠅꠇꠟ ꠡꠞꠝꠤꠘ꠆ꠖꠣ ꠅꠁꠛꠣ ꠀꠞ ꠀꠝꠞꠣꠞ ꠛꠖꠘꠣꠝ ꠇꠞꠣꠞ ꠇꠥꠘꠥ ꠈꠥꠔ ꠙꠣꠁꠔꠣ ꠘꠣꠄ।

Injil 19: Ibrani 13:18

ꠀꠝꠞꠣꠞ ꠟꠣꠉꠤ ꠖꠥꠀ ꠇꠞꠤꠅ। ꠀꠝꠞꠣ ꠔ ꠎꠣꠘꠤ, ꠀꠝꠞꠣꠞ ꠛꠤꠛꠦꠇ ꠍꠣꠚ-ꠍꠚꠣ ꠀꠍꠦ, ꠢꠇ꠆ꠇꠟ ꠛꠦꠙꠣꠞꠦ ꠢꠇ ꠙꠕꠦ ꠌꠟꠔꠣꠝ ꠌꠣꠁ।

Injil 19: Ibrani 9:14

ꠔꠦ ꠎꠦꠁꠘ ꠢꠞ-ꠢꠣꠝꠦꠡꠣꠇꠥꠞ ꠎꠤꠘ꠆ꠖꠣ ꠞꠥꠢꠥꠞ ꠝꠣꠎꠖꠤꠀ, ꠛꠦ-ꠉꠥꠘꠣ ꠇꠥꠞꠛꠣꠘꠤ ꠅꠁꠀ ꠔꠣꠘ ꠘꠤꠎꠞ ꠎꠣꠘꠞꠦ ꠀꠟ꠆ꠟꠣꠞ ꠘꠣꠝꠦ ꠡꠙꠤꠀ ꠖꠤꠟꠣꠁꠍꠂꠘ, ꠢꠤ ꠀꠟ-ꠝꠍꠤꠞ ꠟꠃꠄ ꠀꠝꠞꠣꠞ ꠖꠤꠟꠞꠦ ꠘꠣꠙꠣꠇꠤ ꠇꠣꠝ-ꠇꠣꠎ ꠕꠣꠇꠤ ꠀꠞꠅ ꠇꠔ ꠛꠦꠡꠤ ꠙꠞꠤꠝꠣꠘꠦ ꠙꠣꠇ-ꠍꠣꠚ ꠇꠞꠛ, ꠎꠣꠔꠦ ꠀꠝꠞꠣ ꠎꠤꠘ꠆ꠖꠣ ꠀꠟ꠆ꠟꠣꠞ ꠄꠛꠣꠖꠔ-ꠛꠘ꠆ꠖꠦꠉꠤ ꠇꠞꠔꠣꠝ ꠙꠣꠞꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 2:12

ꠎꠦꠞꠣ ꠀꠟ꠆ꠟꠣꠞꠦ ꠌꠤꠘꠦ ꠘꠣ, ꠔꠣꠞꠣꠞ ꠝꠣꠎꠦ ꠔꠥꠝꠞꠣ ꠢꠇ ꠙꠕꠦ ꠌꠟꠅ। ꠔꠦꠃ ꠔꠣꠞꠣ ꠔꠥꠝꠞꠣꠞꠦ ꠖꠥꠡꠤ ꠇꠁꠀ ꠘꠤꠘ꠆ꠖꠣ ꠇꠞꠟꠦꠅ, ꠔꠥꠝꠞꠣꠞ ꠢꠇꠟ ꠜꠣꠟꠣ ꠇꠣꠝ ꠖꠦꠈꠤꠀ ꠇꠤꠀꠝꠔꠞ ꠖꠤꠘ ꠀꠟ꠆ꠟꠣꠞ ꠉꠃꠞꠛ ꠇꠞꠛ।

ꠁꠘ꠆ꠎꠤꠟ ২১: ১-ꠙꠤꠔꠞ 2:15

ꠀꠟ꠆ꠟꠣꠞ ꠝꠥꠘꠡꠣ ꠅꠁꠟ, ꠔꠥꠝꠞꠣ ꠜꠣꠟꠣ ꠇꠣꠝ ꠇꠞꠤꠀ ꠛꠥꠠꠛꠇ ꠝꠣꠘꠡꠞ ꠛꠦꠇꠣꠝꠣ ꠝꠣꠔ-ꠇꠕꠣ ꠛꠘ꠆ꠖ ꠇꠞꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 2:19

ꠅꠟꠣ ꠇꠦꠃ ꠎꠥꠖꠤ ꠈꠣꠝꠈꠣ ꠖꠥꠈ-ꠇꠡ꠆ꠐ ꠙꠣꠄ ꠀꠞ ꠀꠟ꠆ꠟꠣꠞꠦ ꠝꠘꠅ ꠞꠣꠈꠤꠀ ꠁꠔꠣ ꠡꠁꠎ꠆ꠎ ꠇꠞꠤꠟꠣꠄ, ꠔꠦ ꠙꠥꠞꠥꠡ꠆ꠇꠣꠞ ꠙꠣꠁꠛ।

ꠁꠘ꠆ꠎꠤꠟ ২১: ১-ꠙꠤꠔꠞ 3:21

ꠁ ꠙꠣꠘꠤ ꠅꠁꠟ ꠀꠟ-ꠝꠍꠤꠞ ꠘꠣꠝꠦ ꠔꠞꠤꠇꠣꠛꠘ꠆ꠖꠤꠞ ꠄꠇꠐꠣ ꠘꠤꠡꠣꠘꠣ, ꠎꠦꠔꠣꠄ ꠅꠈꠘ ꠔꠥꠝꠞꠣꠞ ꠎꠣꠘ ꠛꠣꠌꠦ। ꠔꠞꠤꠇꠣꠛꠘ꠆ꠖꠤꠄ ꠔꠥꠝꠞꠣꠞ ꠡꠞꠤꠟꠞ ꠝꠄꠟꠣ ꠍꠣꠚ ꠅꠄ ꠘꠣ, ꠈꠣꠟꠤ ꠀꠟ꠆ꠟꠣꠞ ꠖꠞꠛꠣꠞꠅ ꠍꠣꠚ ꠖꠤꠟꠞ ꠡꠣꠄ ꠖꠦꠄ। ꠢꠎꠞꠔ ꠁꠍꠣ ꠀꠟ-ꠝꠍꠤ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠅꠁꠀ ꠃꠑꠣꠄ ꠔꠥꠝꠞꠣꠞ ꠎꠣꠘ ꠛꠣꠌꠦ,

ꠁꠘ꠆ꠎꠤꠟ ২১: ১-ꠙꠤꠔꠞ 4:4

ꠅꠁꠟꠦ ꠅꠈꠘ ꠔꠥꠝꠞꠣ ꠔꠣꠞꠣꠞ ꠟꠉꠦ ꠅꠁꠀ ꠅꠟꠣꠈꠣꠘ ꠛꠦꠡꠣꠝꠣꠟ ꠘꠣꠚꠞꠝꠣꠘꠤ ꠇꠞꠞꠣꠄ ꠘꠣ ꠖꠦꠈꠤꠀ, ꠔꠣꠞꠣ ꠔꠣꠁꠎ꠆ꠎꠥꠛ ꠛꠘꠤꠀ ꠔꠥꠝꠞꠣꠞ ꠘꠤꠘ꠆ꠖꠣ ꠉꠣꠁꠞꠣ।