ꠁꠘ꠆ꠎꠤꠟ ২১: ১-ꠙꠤꠔꠞ 3:1 - Siloṭi Asmani Kitab (Nagri lipi)

¹ ꠅꠟꠣꠈꠣꠘ, ꠎꠣꠝꠣꠁꠞ ꠊꠞꠞ ꠢꠇꠟ ꠛꠃꠀꠁꠘ꠆ꠔꠞꠦ ꠇꠁꠞꠣꠝ, ꠔꠥꠝꠞꠣ ꠎꠣꠞꠎꠤꠞ ꠎꠣꠝꠣꠁꠞ ꠇꠕꠣꠄ ꠌꠟꠅ। ꠎꠥꠖꠤꠅ ꠇꠥꠘꠥ ꠇꠥꠘꠥ ꠎꠣꠝꠣꠁꠄ ꠀꠟ꠆ꠟꠣꠞ ꠇꠣꠟꠣꠝꠞꠦ ꠖꠣꠝ ꠖꠦꠄ ꠘꠣ, ꠔꠣ-ꠅ ꠔꠥꠝꠞꠣꠞ ꠌꠣꠟ-ꠌꠟꠘꠦ ꠎꠣꠘꠥ ꠔꠣꠞꠣꠞꠦ ꠀꠟ-ꠝꠍꠤꠞ ꠛꠣꠄ ꠐꠣꠘꠤꠀ ꠀꠘꠦ। ꠔꠦꠃ ꠁ ꠛꠦꠙꠣꠞꠦ ꠔꠥꠝꠞꠣꠞ ꠄꠇꠈꠣꠘ ꠇꠕꠣꠅ ꠝꠣꠔꠣ ꠟꠣꠉꠔ ꠘꠣꠄ।

ছিলটি আছমানি কিতাব (বাংলা লিপি)

¹ অলাখান, জামাইর ঘরর হকল বউয়াইন্তরে কইরাম, তুমরা যারযির জামাইর কথায় চলো। যুদিও কুনু কুনু জামাইয়ে আল্লার কালামরে দাম দেয় না, তা-ও তুমরার চাল-চলনে যানু তারারে আল-মসীর বায় টানিয়া আনে। তেউ ই বেয়াপারে তুমরার একখান কথাও মাতা লাগতো নায়।

Siloṭi Asmani Kitab (Latin lipi)

¹ Olaḳan, zamair goror hoḳol bouaintore ḳoiram, tumra zarzir zamair ḳotae solo. Zudio kunu kunu zamaie Allar kalamre dam dey na, ta-o tumrar sal-cholone zanu tarare al-Mosir bae ṭania ane. Teu i befare tumrar ekkan ḳota-o mata lagto nae.

ꠁꠘ꠆ꠎꠤꠟ ২১: ১-ꠙꠤꠔꠞ 3:1 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 3:16

ꠀꠞ ꠔꠣꠁꠘ ꠛꠦꠐꠤꠞꠦ ꠇꠁꠟꠣ, “ꠔꠥꠝꠣꠞ ꠢꠥꠞꠥꠔ꠆ꠔꠣ ꠅꠁꠛꠣꠞ ꠡꠝꠄ ꠔꠥꠝꠣꠞ ꠝꠍꠤꠛꠔ ꠈꠥꠛ ꠛꠣꠠꠣꠁ ꠖꠤꠝꠥ, ꠔꠥꠝꠤ ꠈꠥꠛ ꠇꠡ꠆ꠐ ꠇꠞꠤꠀ ꠢꠥꠞꠥꠔ꠆ꠔꠣ ꠙꠄꠖꠣ ꠇꠞꠛꠣꠄ। ꠎꠣꠝꠣꠁꠞ ꠛꠣꠄ ꠔꠥꠝꠣꠞ ꠈꠥꠛ ꠈꠣꠁꠡ ꠕꠣꠇꠛ, ꠀꠞ ꠢꠦ ꠔꠥꠝꠣꠞ ꠃꠙꠞꠦ ꠛꠦꠐꠣꠉꠤꠞꠤ ꠇꠞꠛ।”

ꠁꠘ꠆ꠎꠤꠟ ১: ꠝꠕꠤ 18:15

“ꠔꠥꠝꠣꠞ ꠇꠥꠘꠥ ꠜꠣꠁꠄ ꠎꠥꠖꠤ ꠔꠥꠝꠣꠞ ꠉꠦꠍꠦ ꠖꠥꠡ ꠇꠞꠤꠟꠣꠄ, ꠔꠦ ꠢꠦ ꠎꠦꠛꠟꠣ ꠘꠤꠞꠣꠟꠣꠄ ꠕꠣꠇꠦ, ꠅꠃ ꠡꠝꠄ ꠔꠥꠝꠤ ꠄꠇꠟꠣ ꠉꠤꠀ ꠔꠣꠞꠦ ꠛꠥꠎꠣꠁꠅ। ꠔꠥꠝꠣꠞ ꠛꠥꠎ ꠎꠥꠖꠤ ꠝꠣꠘꠤꠟꠣꠄ, ꠔꠦ ꠅꠃ ꠜꠣꠁꠞ ꠟꠉꠦ ꠔꠥꠝꠣꠞ ꠜꠣꠁꠀꠟꠤ ꠛꠣꠌꠣꠁꠟꠤꠟꠣꠄ।

Injil 6: Ruman 10:16

ꠅꠁꠟꠦ ꠢꠇꠟ ꠝꠣꠘꠡꠦ ꠔ ꠁ ꠈꠥꠡ-ꠈꠛꠞꠤꠞꠦ ꠇꠣꠘꠅ ꠑꠣꠁ ꠖꠦꠄ ꠘꠣ। ꠢꠎꠞꠔ ꠁꠡꠣꠄꠀ ꠘꠛꠤꠄ ꠇꠁꠍꠂꠘ, “ꠅ ꠝꠣꠛꠥꠖ, ꠀꠝꠞꠣꠞ ꠔꠛꠟꠤꠉ ꠢꠥꠘꠤꠀ ꠇꠦ ꠁꠝꠣꠘ ꠀꠘꠍꠦ?”

Injil 6: Ruman 6:17

ꠀꠟ꠆ꠟꠣ ꠙꠣꠇꠞ ꠡꠥꠇꠥꠞ, ꠀꠉꠦ ꠎꠥꠖꠤꠅ ꠔꠥꠝꠞꠣ ꠉꠥꠘꠣꠞ ꠉꠥꠟꠣꠝ ꠀꠍꠟꠣꠄ, ꠔꠣ-ꠅ ꠁꠍꠣꠄꠁ ꠔꠞꠤꠇꠣꠞ ꠔꠣꠟꠤꠝ ꠙꠣꠁꠀ ꠢꠣꠞꠤ, ꠖꠤꠟꠦ-ꠎꠣꠘꠦ ꠁꠔꠣꠞ ꠀꠡꠤꠇ ꠅꠁꠍ।

Injil 6: Ruman 7:2

ꠎꠦꠟꠣ, ꠎꠣꠝꠣꠁ ꠎꠔꠖꠤꠘ ꠎꠤꠔꠣ ꠀꠍꠦ, ꠅꠔꠖꠤꠘ ꠔꠣꠞ ꠛꠃ ꠔꠣꠞ ꠀꠅꠔꠣꠄ ꠛꠣꠘ꠆ꠖꠣ ꠞꠄ, ꠀꠞ ꠎꠣꠝꠣꠁꠞ ꠝꠃꠔꠞ ꠛꠣꠖꠦ ꠔꠣꠞ ꠛꠃ ꠁ ꠛꠣꠘ꠆ꠖꠘ ꠕꠣꠇꠤ ꠈꠣꠟꠣꠍ ꠙꠣꠄ।

Injil 7: 1-Korintia 11:3

ꠔꠦ ꠀꠝꠤ ꠌꠣꠁꠞꠣꠝ, ꠔꠥꠝꠞꠣ ꠅꠈꠣꠘ ꠛꠥꠎ, ꠀꠟ-ꠝꠍꠤꠃ ꠅꠁꠟꠣ ꠢꠇꠟ ꠛꠦꠐꠣꠁꠘ꠆ꠔꠞ ꠝꠣꠕꠣ, ꠛꠦꠐꠣꠁꠘ ꠅꠁꠟꠣ ꠛꠦꠐꠤꠘ꠆ꠔꠞ ꠝꠣꠕꠣ, ꠀꠞ ꠀꠟ꠆ꠟꠣ ꠙꠣꠇ ꠅꠁꠟꠣ ꠀꠟ-ꠝꠍꠤꠞ ꠝꠣꠕꠣ।

Injil 7: 1-Korintia 14:34

ꠀꠟ꠆ꠟꠣꠞ ꠙꠣꠇ ꠛꠘ꠆ꠖꠣ ꠅꠇꠟꠞ ꠢꠇꠟ ꠎꠝꠣꠔꠞ ꠘꠤꠅꠝ-ꠇꠣꠘꠥꠘ ꠅꠁꠟ, ꠎꠝꠣꠔꠞ ꠝꠣꠎꠦ ꠛꠦꠐꠤ ꠝꠣꠘꠥꠡ ꠘꠤꠞꠣꠁ ꠞꠅꠀ ꠃꠌꠤꠔ, ꠉꠚ-ꠡꠚ ꠇꠞꠣ ꠔꠣꠞꠣꠞ ꠟꠣꠉꠤ ꠑꠤꠇ ꠘꠣꠄ। ꠡꠞꠤꠅꠔꠞ ꠘꠤꠅꠝ ꠝꠣꠚꠤꠇ ꠔꠣꠞꠣ ꠅꠗꠤꠘꠔꠣ ꠝꠣꠘꠃꠇ।

Injil 7: 1-Korintia 7:16

ꠅ ꠛꠃ ꠅꠇꠟ, ꠔꠥꠝꠤ ꠇꠤꠟꠣ ꠛꠥꠎꠟꠣꠄ, ꠔꠥꠝꠣꠞ ꠎꠣꠝꠣꠁꠞ ꠎꠣꠘ ꠔꠥꠝꠤ ꠛꠣꠌꠣꠁꠔꠣꠄ ꠙꠣꠞꠔꠣꠄ ꠘꠣꠄ? ꠅ ꠎꠣꠝꠣꠁ ꠅꠇꠟ, ꠔꠥꠝꠤꠃ ꠛꠣ ꠇꠤꠟꠣ ꠛꠥꠎꠟꠣꠄ, ꠔꠥꠝꠣꠞ ꠛꠃꠞ ꠎꠣꠘ ꠔꠥꠝꠤ ꠛꠣꠌꠣꠁꠔꠣꠄ ꠙꠣꠞꠔꠣꠄ ꠘꠣꠄ?

Injil 10: Ifisia 5:33

ꠎꠣꠁ ꠅꠃꠇ, ꠔꠥꠝꠞꠣ ꠢꠇꠟꠦꠃ ꠎꠣꠞꠎꠤꠞ ꠛꠃꠞꠦ ꠘꠤꠎꠞ ꠟꠣꠈꠣꠘ ꠝꠣꠄꠀ ꠇꠞꠤꠅ, ꠀꠞ ꠛꠃ ꠅꠇꠟꠦꠅ ꠎꠣꠞꠎꠤꠞ ꠎꠣꠝꠣꠁꠞꠦ ꠁꠎ꠆ꠎꠔ ꠇꠞꠣ ꠎꠞꠥꠞ।

Injil 12: Kolosia 3:18

ꠔꠥꠝꠞꠣ ꠎꠦꠞꠣ ꠛꠃ ꠅꠁꠍ, ꠔꠥꠝꠞꠣ ꠙꠞꠔꠦꠇꠦ ꠎꠣꠞꠎꠤꠞ ꠎꠣꠝꠣꠁꠞ ꠢꠥꠇꠥꠝ ꠝꠣꠘꠤꠀ ꠌꠟꠅ, ꠝꠣꠟꠤꠇꠞ ꠛꠘ꠆ꠖꠣ ꠢꠤꠡꠣꠛꠦ ꠔ ꠅꠟꠣ ꠌꠟꠣ ꠎꠞꠥꠞ।

Injil 12: Kolosia 4:5

ꠀꠟ-ꠝꠍꠤꠞ ꠔꠞꠤꠇꠣꠞ ꠛꠣꠁꠞꠞ ꠝꠣꠘꠡꠞ ꠟꠉꠦ ꠀꠈꠟ ꠈꠣꠐꠣꠁꠀ ꠌꠟꠤꠅ, ꠀꠞ ꠔꠛꠟꠤꠉ ꠇꠞꠣꠞ ꠢꠇ꠆ꠇꠟ ꠡꠥꠎꠥꠉ ꠇꠣꠝꠅ ꠟꠣꠉꠣꠁꠅ।

Injil 19: Ibrani 11:8

ꠁꠝꠣꠘꠞ ꠛꠟꠦ ꠁꠛ꠆ꠞꠣꠢꠤꠝ ꠘꠛꠤꠄ ꠀꠟ꠆ꠟꠣꠞ ꠢꠥꠇꠥꠝ ꠙꠣꠁꠀꠃ ꠘꠤꠎꠞ ꠜꠤꠐꠣ-ꠝꠣꠐꠤ ꠍꠣꠠꠤꠀ ꠞꠅꠀꠘꠣ ꠖꠤꠟꠣ। ꠀꠟ꠆ꠟꠣꠄ ꠔꠣꠘꠞꠦ ꠎꠦ ꠖꠦꠡ ꠖꠤꠔꠣ ꠇꠞꠤ ꠅꠀꠖꠣ ꠇꠞꠍꠂꠘ, ꠢꠤ ꠖꠦꠡꠈꠣꠘ ꠇꠥꠘ ꠎꠣꠉꠣꠔ, ꠁꠈꠣꠘ ꠘꠣ ꠎꠣꠘꠤꠀꠅ ꠔꠣꠁꠘ ꠞꠅꠀꠘꠣ ꠅꠁꠉꠦꠟꠣ।

Injil 19: Ibrani 5:9

ꠀꠞ ꠅꠃ ꠟꠣꠈꠣꠘ ꠞꠁꠀ ꠔꠣꠁꠘ ꠎꠦꠛꠟꠣ ꠙꠥꠞꠣꠙꠥꠞ ꠇꠣꠝꠤꠟ ꠛꠘꠤꠉꠦꠟꠣ, ꠀꠟ꠆ꠟꠣꠄ ꠔꠣꠘꠞꠦ ꠝꠣꠟꠇꠤ-ꠍꠤꠖ꠆ꠖꠤꠇꠞ ꠘꠝꠥꠘꠣꠄ ꠙꠞꠗꠣꠘ ꠁꠝꠣꠝꠞ ꠈꠦꠔꠣꠛ ꠖꠤꠟꠣ, ꠅꠃ ꠘꠝꠥꠘꠣꠄ ꠔꠣꠘ ꠛꠣꠁꠖ꠆ꠖ ꠃꠝ꠆ꠝꠔ ꠅꠇꠟꠞ ꠟꠣꠉꠤ ꠀꠟ꠆ꠟꠣꠁ ꠘꠣꠎꠣꠔꠞ ꠙꠕ ꠈꠥꠟꠤꠀ ꠖꠤꠍꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 1:22

ꠅꠈꠘ ꠢꠇ-ꠢꠣꠟꠣꠟꠤ ꠝꠣꠘꠤꠀ, ꠔꠥꠝꠞꠣꠞ ꠖꠤꠟꠞꠦ ꠙꠣꠇ-ꠍꠣꠚ ꠇꠞꠍ ꠀꠞ ꠁꠝꠣꠘꠖꠣꠞ ꠜꠣꠁ ꠅꠇꠟ ꠎꠦꠛꠟꠣ ꠔꠥꠝꠞꠣꠞ ꠉꠦꠍꠦ ꠝꠣꠄꠀꠞ ꠝꠣꠘꠥꠡ ꠅꠁꠍꠂꠘ, ꠔꠦ ꠀꠝꠤ ꠇꠁꠞꠣꠝ, ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞꠦ ꠖꠤꠟꠦ-ꠎꠣꠘꠦ ꠝꠣꠄꠀ ꠇꠞꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 3:2

ꠔꠥꠝꠞꠣꠞ ꠙꠛꠤꠔ꠆ꠞ ꠎꠤꠘ꠆ꠖꠦꠉꠤꠞ ꠢꠣꠟꠔ ꠖꠦꠈꠤꠀ, ꠀꠞ ꠀꠟ꠆ꠟꠣꠞ ꠒꠞ-ꠈꠚꠦ ꠌꠟꠣ ꠖꠦꠈꠤꠀ ꠔꠣꠞꠣ ꠘꠤꠎꠦꠃ ꠀꠁꠛ।

ꠁꠘ꠆ꠎꠤꠟ ২১: ১-ꠙꠤꠔꠞ 3:7

ꠀꠞ ꠎꠣꠝꠣꠁ ꠅꠇꠟꠞꠦꠅ ꠇꠁꠞꠣꠝ, ꠔꠥꠝꠞꠣ ꠛꠤꠛꠦꠇ-ꠛꠥꠖ꠆ꠖꠤ ꠈꠣꠐꠣꠁꠀ ꠛꠃꠞ ꠟꠉꠦ ꠌꠟꠅ। ꠔꠣꠞꠣꠅ ꠔ ꠔꠥꠝꠞꠣꠞ ꠟꠉꠞ ꠇꠝꠎꠥꠞ ꠝꠣꠘꠥꠡ ꠀꠞ ꠀꠟ꠆ꠟꠣꠞ ꠞꠢꠝꠔꠞ ꠖꠣꠘ ꠢꠤꠡꠣꠛꠦ ꠔꠣꠞꠣꠅ ꠔꠥꠝꠞꠣꠞ ꠟꠉꠦ ꠎꠤꠘ꠆ꠖꠦꠉꠤ ꠙꠣꠁꠛ। ꠄꠞꠟꠣꠉꠤ ꠔꠣꠞꠣꠞꠦ ꠁꠎ꠆ꠎꠔ ꠖꠦꠅ, ꠎꠣꠔꠦ ꠀꠟ꠆ꠟꠣꠞ ꠖꠞꠛꠣꠞꠅ ꠔꠥꠝꠞꠣꠞ ꠝꠥꠘꠣꠎꠣꠔ ꠛꠦꠇꠣꠝꠣ ꠘꠣ ꠎꠣꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 4:17

ꠛꠤꠌꠣꠞꠞ ꠡꠝꠄ ꠀꠁꠌ꠆ꠍꠦ, ꠀꠞ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦꠖꠤꠃ ꠛꠤꠌꠣꠞ ꠡꠥꠞꠥ ꠅꠁꠛ। ꠁꠔꠣ ꠎꠥꠖꠤ ꠀꠝꠞꠣꠞ ꠝꠣꠎ ꠕꠣꠇꠤꠃ ꠡꠥꠞꠥ ꠅꠄ, ꠔꠦ ꠎꠦꠞꠣ ꠀꠟ꠆ꠟꠣꠞ ꠈꠥꠡ-ꠈꠛꠞꠤ ꠝꠣꠘꠍꠦ ꠘꠣ, ꠔꠣꠞꠣꠞ ꠖꠡꠣ ꠇꠤꠟꠣꠘ ꠅꠁꠛ?