ꠁꠘ꠆ꠎꠤꠟ ২১: ১-ꠙꠤꠔꠞ 2:9 - Siloṭi Asmani Kitab (Nagri lipi)

⁹ ꠅꠁꠟꠦ ꠔꠥꠝꠞꠣ ꠔ ꠁꠟꠣ ꠘꠣꠄ, ꠔꠥꠝꠞꠣ ꠅꠁꠟꠣꠄ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠈꠣꠘ꠆ꠖꠣꠘ, ꠛꠣꠖꠡꠣꠁ ꠁꠝꠣꠝꠞ ꠖꠟ, ꠙꠛꠤꠔ꠆ꠞ ꠎꠣꠔꠤ, ꠔꠣꠘ ꠀꠙꠘ ꠙ꠆ꠞꠎꠣ। ꠔꠣꠁꠘ ꠔꠥꠝꠞꠣꠞꠦ ꠀꠘ꠆ꠖꠣꠁꠞ ꠕꠣꠇꠤ ꠘꠤꠎꠞ ꠘꠥꠞꠞ ꠚꠞꠅ ꠖꠣꠅꠔ ꠇꠞꠤ ꠀꠘꠍꠂꠘ, ꠔꠣꠘ ꠉꠥꠘꠉꠣꠘ ꠇꠞꠣꠞ ꠟꠣꠉꠤ।

ছিলটি আছমানি কিতাব (বাংলা লিপি)

⁹ অইলে তুমরা তো ইলা নায়, তুমরা অইলায় আল্লার পছন্দ করা খান্দান, বাদশাই ইমামর দল, পবিত্র জাতি, তান আপন প্রজা। তাইন তুমরারে আন্দাইর থাকি নিজর নুরর ফরো দাওত করি আনছইন, তান গুনগান করার লাগি।

Siloṭi Asmani Kitab (Latin lipi)

⁹ Oile tumra to ila nae, tumra oilae Allar fosond ḳora ḳandan, bashshai imamor dol, fobitro zati, tan afon proza. Tain tumrare andair taki nizor nuror foro daot ḳori anchoin, tan gunogan ḳorar lagi.

ꠁꠘ꠆ꠎꠤꠟ ২১: ১-ꠙꠤꠔꠞ 2:9 Iomraidhean Croise

ꠎꠛꠥꠞ ꠡꠞꠤꠚ 118:27

ꠀꠟ꠆ꠟꠣꠃ ꠔ ꠝꠣꠛꠥꠖ, ꠀꠝꠞꠣꠞꠦ ꠖꠤꠍꠂꠘ ꠘꠥꠞ, ꠁꠖꠞ ꠇꠥꠞꠛꠣꠘꠤꠞ ꠙꠡꠥ ꠖꠠꠤꠖꠤ ꠛꠣꠘ꠆ꠖꠤꠀ ꠀꠘꠅ, ꠇꠥꠞꠛꠣꠘꠤ ꠈꠣꠘꠣꠞ ꠢꠤꠋ ꠅꠇꠟꠅ ꠅꠉꠥ ꠛꠣꠘ꠆ꠖꠤꠀ ꠞꠣꠈꠅ।

ꠎꠛꠥꠞ ꠡꠞꠤꠚ 22:30

ꠔꠣꠘ ꠄꠛꠣꠖꠔ-ꠛꠘ꠆ꠖꠦꠉꠤ ꠇꠞꠛꠣ ꠍꠣꠝꠘꠞ ꠎꠥꠉꠞ ꠈꠣꠘ꠆ꠖꠣꠘꠦ, ꠝꠣꠟꠤꠇ ꠝꠃꠟꠣꠞ ꠈꠛꠞ ꠢꠥꠘꠛꠣ ꠢꠃ ꠎꠝꠣꠘꠣꠞ ꠢꠇꠟꠦ।

ꠎꠛꠥꠞ ꠡꠞꠤꠚ 33:12

ꠡꠥꠈꠤ ꠢꠃ ꠎꠣꠔꠤ, ꠀꠟ꠆ꠟꠣ ꠎꠣꠞ ꠀꠙꠘ ꠝꠣꠛꠥꠖ, ꠔꠣꠁꠘ ꠎꠣꠞꠦ ꠙꠍꠘ꠆ꠖ ꠇꠞꠍꠂꠘ ꠇꠁꠀ ꠀꠙꠘ ꠖꠃꠟꠔ।

ꠁꠘ꠆ꠎꠤꠟ ১: ꠝꠕꠤ 4:16

ꠎꠦꠔꠣ ꠝꠣꠘꠥꠡ ꠛꠦ-ꠙꠕꠤ ꠛꠘꠤꠀ ꠀꠘ꠆ꠖꠣꠞꠤꠞ ꠝꠣꠎꠦ ꠎꠤꠘ꠆ꠖꠦꠉꠤ ꠇꠣꠐꠣꠁꠞꠣ, ꠔꠣꠞꠣ ꠀꠟ꠆ꠟꠣꠞ ꠘꠥꠞꠞ ꠝꠢꠣ ꠞꠥꠡꠘꠤ ꠖꠦꠈꠛꠣ। ꠀꠞ ꠎꠦꠞꠣ ꠉꠁꠘ ꠀꠘ꠆ꠖꠣꠞꠤꠞ ꠝꠣꠎꠦ ꠛꠡꠔ ꠇꠞꠦ, ꠔꠣꠞꠣꠞ ꠉꠦꠍꠦꠅ ꠀꠟ꠆ꠟꠣꠞ ꠘꠥꠞ ꠎꠣꠁꠞ ꠅꠁꠛ।

ꠁꠘ꠆ꠎꠤꠟ ১: ꠝꠕꠤ 5:16

ꠅꠃ ꠟꠣꠈꠣꠘ ꠔꠥꠝꠞꠣꠞ ꠚꠞꠅ ꠝꠣꠘꠡꠞ ꠍꠣꠝꠘꠦ ꠎꠟꠃꠇ, ꠎꠣꠔꠦ ꠔꠥꠝꠞꠣꠞ ꠜꠣꠟꠣ ꠇꠣꠝ ꠖꠦꠈꠤꠀ ꠝꠣꠘꠡꠦ ꠔꠥꠝꠞꠣꠞ ꠛꠦꠢꠦꠡ꠆ꠔꠤ ꠛꠣꠚ, ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠇꠞꠂꠘ।

Injil 3: Luk 1:79

ꠝꠃꠔ ꠀꠞ ꠀꠘ꠆ꠖꠣꠞꠤꠞ ꠉꠣꠔꠅ ꠎꠦꠞꠣ ꠇꠣꠐꠣꠄ ꠖꠤꠘ, ꠘꠥꠞꠞ ꠙꠕ ꠖꠦꠈꠛꠣ ꠔꠣꠞꠣ ꠇꠞꠤꠀ ꠄꠇꠤꠘ, ꠀꠝꠞꠣꠞꠦꠅ ꠡꠣꠘ꠆ꠔꠤꠞ ꠙꠕꠦ ꠌꠣꠟꠣꠁꠛꠣ ꠅꠃ ꠎꠘ। ꠅꠃ ꠢꠥꠎꠥꠞ ꠘꠣꠎꠤꠟ ꠅꠁꠀ ꠖꠦꠈꠣꠁꠛꠣ ꠇꠥꠖꠞꠔ, ꠔꠣꠁꠘꠃ ꠢꠃ ꠅꠀꠖꠣ ꠇꠞꠣ ꠀꠟ꠆ꠟꠣꠁ ꠞꠢꠝꠔ॥”

Injil 4: Hannan 17:19

ꠀꠝꠤ ꠔꠣꠞꠣꠞ ꠟꠣꠉꠤ ꠘꠤꠎꠞꠦ ꠈꠣꠍ ꠇꠞꠤ ꠞꠣꠈꠍꠤ, ꠎꠣꠔꠦ ꠔꠣꠞꠣꠞꠦꠅ ꠢꠇ ꠖꠤꠀ ꠈꠣꠍ ꠢꠤꠡꠣꠛꠦ ꠞꠣꠈꠣ ꠅꠄ।

Injil 5: Sahabi Nama 20:28

ꠀꠙꠘꠣꠞꠣ ꠎꠣꠞꠎꠤꠞ ꠛꠦꠙꠣꠞꠦ ꠢꠥꠡꠤꠀꠞ ꠅꠃꠇ꠆ꠇꠣ। ꠙꠣꠇ ꠞꠥꠢꠦ ꠀꠙꠘꠣꠞꠣꠞꠦ ꠎꠦꠞꠣꠞ ꠌꠣꠟꠇꠖꠣꠞ ꠛꠣꠘꠣꠁꠍꠂꠘ, ꠔꠣꠞꠣꠞ ꠛꠦꠙꠣꠞꠦ ꠢꠥꠡꠤꠀꠞ ꠅꠃꠇ꠆ꠇꠣ। ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠎꠘꠞꠦꠖꠤ ꠎꠦꠞꠣꠞꠦ ꠈꠞꠤꠖ ꠇꠞꠍꠂꠘ, ꠢꠤ ꠎꠝꠣꠔꠞꠦ ꠙꠥꠞꠣꠙꠥꠞ ꠖꠦꠈꠣ-ꠢꠥꠘꠣ ꠇꠞꠃꠇ꠆ꠇꠣ, ꠎꠦꠟꠣ ꠞꠣꠈꠣꠟꠦ ꠔꠣꠞ ꠝꠦꠠꠣꠞ ꠙꠣꠟꠞ ꠖꠦꠈꠣ-ꠢꠥꠘꠣ ꠇꠞꠦ, ꠁꠝꠣꠝ ꠅꠁꠀ ꠀꠙꠘꠣꠞꠣꠅ ꠅꠃꠟꠣ ꠇꠞꠃꠇ꠆ꠇꠣ।

Injil 5: Sahabi Nama 26:18

ꠔꠥꠝꠤ ꠔꠣꠞꠣꠞ ꠌꠃꠈ ꠈꠥꠟꠤꠀ ꠖꠤꠛꠣꠄ, ꠔꠣꠞꠣ ꠎꠣꠘꠥ ꠀꠘ꠆ꠖꠣꠁꠞ ꠕꠣꠇꠤ ꠘꠥꠞꠞ ꠛꠣꠄ, ꠡꠄꠔꠣꠘꠞ ꠖꠈꠟ ꠕꠣꠇꠤ ꠀꠟ꠆ꠟꠣꠞ ꠛꠣꠄ ꠚꠤꠞꠤꠀ ꠀꠁꠘ, ꠀꠝꠣꠞ ꠃꠙꠞꠦ ꠁꠝꠣꠘ ꠀꠘꠤꠀ ꠉꠥꠘꠣꠞ ꠝꠣꠚꠤ ꠙꠣꠁꠀ, ꠙꠞꠦꠎꠉꠣꠞ ꠛꠘ꠆ꠖꠣ ꠅꠇꠟꠞ ꠝꠣꠎꠦ ꠔꠣꠞꠣꠅ ꠖꠣꠈꠤꠟ ꠅꠁꠘ।

Injil 5: Sahabi Nama 26:28

ꠅꠃ ꠀꠉ꠆ꠞꠤꠙ꠆ꠙꠦ ꠇꠁꠟꠣ, “ꠔꠥꠝꠤ ꠇꠤꠔꠣ ꠅꠔ ꠎꠟꠖꠤ ꠀꠝꠣꠞꠦꠅ ꠀꠟ-ꠝꠍꠤꠞ ꠔꠞꠤꠇꠣꠔ ꠘꠤꠔꠣꠄꠉꠤ ꠌꠣꠁꠞꠣꠄ ꠘꠤ?”

Injil 6: Ruman 9:24

ꠀꠍꠟꠦ ꠀꠝꠞꠣꠃ ꠅꠁꠟꠣꠝ ꠢꠃ ꠖꠄꠀꠞ ꠎꠘ। ꠀꠝꠞꠣꠞꠦ ꠔꠣꠁꠘ ꠈꠣꠟꠤ ꠛꠘꠤ ꠁꠍꠞꠣꠁꠟꠞ ꠝꠣꠎ ꠕꠣꠇꠤꠃ ꠖꠣꠅꠔ ꠖꠤꠀ ꠀꠘꠍꠂꠘ ꠘꠣ, ꠅꠁꠘ꠆ꠘ ꠎꠣꠔꠤꠞ ꠝꠣꠎ ꠕꠣꠇꠤꠅ ꠔ ꠀꠘꠍꠂꠘ।

Injil 7: 1-Korintia 3:17

ꠇꠦꠃ ꠎꠥꠖꠤ ꠀꠟ꠆ꠟꠣꠞ ꠇꠣꠛꠣ ꠊꠞ ꠛꠤꠘꠣꠡ ꠇꠞꠦ, ꠔꠦ ꠀꠟ꠆ꠟꠣꠄꠅ ꠔꠣꠞꠦ ꠛꠤꠘꠣꠡ ꠇꠞꠛꠣ। ꠇꠣꠞꠘ ꠔꠣꠘ ꠕꠣꠇꠣꠞ ꠊꠞ ꠅꠁꠟ ꠙꠛꠤꠔ꠆ꠞ, ꠀꠞ ꠔꠥꠝꠞꠣꠃ ꠅꠁꠟꠣꠄ ꠢꠃ ꠊꠞ।

Injil 10: Ifisia 1:14

ꠔꠦ ꠎꠦꠔꠣ ꠝꠣꠘꠡꠞꠦ ꠀꠟ꠆ꠟꠣ ꠙꠣꠇꠦ ꠔꠣꠘ ꠘꠤꠎꠞ ꠡꠝ꠆ꠙꠖ ꠇꠁꠀ ꠒꠣꠇꠤꠍꠂꠘ, ꠄꠞꠣꠞꠦ ꠔꠣꠁꠘ ꠄꠇꠐꠣ ꠅꠗꠤꠇꠣꠞ ꠖꠤꠛꠣꠞ ꠅꠀꠖꠣ ꠇꠞꠍꠂꠘ। ꠄꠞꠟꠣꠉꠤ ꠎꠔꠖꠤꠘ ꠙꠞ꠆ꠎꠘ꠆ꠔ ꠄꠞꠣ ꠙꠥꠞꠣꠙꠥꠞ ꠈꠣꠟꠣꠍ ꠘꠣ ꠅꠁꠍꠂꠘ, ꠅꠔꠖꠤꠘ ꠙꠞ꠆ꠎꠘ꠆ꠔ ꠅꠃ ꠅꠗꠤꠇꠣꠞꠞ ꠙꠄꠟꠣ ꠇꠤꠡ꠆ꠔꠤ ꠢꠤꠡꠣꠛꠦ ꠄꠞꠣꠞꠦ ꠙꠣꠇ ꠞꠥꠢꠥ ꠖꠣꠘ ꠇꠞꠍꠂꠘ। ꠀꠞ ꠅꠃ ꠢꠇ꠆ꠇꠟꠔꠣꠞ ꠝꠣꠎꠖꠤ ꠀꠟ꠆ꠟꠣꠞ ꠉꠃꠞꠛ-ꠝꠢꠤꠝꠣꠞ ꠔꠣꠞꠤꠚ ꠅꠁꠛ।

Injil 10: Ifisia 1:6

ꠀꠟ꠆ꠟꠣꠄ ꠁꠔꠣ ꠇꠞꠍꠂꠘ, ꠎꠣꠔꠦ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠍꠣꠞ ꠃꠍꠤꠟ꠆ꠟꠣꠄ ꠀꠝꠞꠣꠞꠦ ꠎꠔ ꠙꠞꠤꠝꠣꠘꠦ ꠞꠢꠝꠔ ꠀꠞ ꠝꠢꠤꠝꠣ ꠖꠣꠘ ꠇꠞꠍꠂꠘ, ꠅꠔꠣꠄ ꠔꠣꠘ ꠔꠣꠞꠤꠚ ꠅꠄ।

Injil 10: Ifisia 3:21

ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠝꠣꠎꠖꠤꠀ ꠀꠞ ꠎꠝꠣꠔꠞ ꠝꠣꠎꠖꠤꠀꠅ ꠎꠥꠉ ꠎꠥꠉ ꠗꠞꠤ ꠢꠞ-ꠢꠣꠝꠦꠡꠣ ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠅꠃꠇ। ꠀꠝꠤꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 10:15

ꠔꠣ-ꠅ ꠔꠥꠝꠞꠣꠞ ꠝꠄ-ꠝꠥꠞꠛ꠆ꠛꠤꠞ ꠛꠣꠄ ꠔꠣꠘ ꠐꠣꠘ ꠕꠣꠇꠣꠄ, ꠔꠣꠁꠘ ꠄꠞꠣꠞꠦ ꠝꠢꠛ꠆ꠛꠔ ꠇꠞꠔꠣ। ꠔꠣꠞꠣꠞ ꠛꠣꠖꠦ ꠔꠣꠞꠣꠞ ꠀꠅꠟꠣꠖ ꠅꠇꠟꠞꠦ ꠝꠣꠘꠤ, ꠅꠈꠘꠇꠥꠞ ꠎꠝꠣꠘꠣꠞ ꠖꠥꠘꠤꠀꠞ ꠢꠇꠟ ꠎꠣꠔꠤꠞ ꠝꠣꠎ ꠕꠣꠇꠤ ꠈꠣꠟꠤ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠂꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 14:2

ꠝꠘꠅ ꠞꠣꠈꠤꠅ, ꠔꠥꠝꠞꠣ ꠅꠁꠟꠣꠄ ꠘꠤꠎꠞ ꠝꠣꠛꠥꠖ ꠀꠟ꠆ꠟꠣꠞ ꠈꠣꠍ ꠙꠛꠤꠔ꠆ꠞ ꠎꠣꠔꠤ। ꠖꠥꠘꠤꠀꠞ ꠢꠇꠟ ꠎꠣꠔꠤꠞ ꠝꠣꠎ ꠕꠣꠇꠤ, ꠝꠣꠛꠥꠖꠦ ꠔꠣꠘ ꠈꠣꠍ ꠙ꠆ꠞꠎꠣ ꠀꠞ ꠔꠣꠘ ꠘꠤꠎꠞ ꠡꠝ꠆ꠙꠖ ꠢꠤꠡꠣꠛꠦ ꠔꠥꠝꠞꠣꠞꠦ ꠀꠟꠉ ꠇꠞꠍꠂꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:2

ꠔꠣꠞꠣ ꠘꠤꠎꠞ ꠛꠘꠤ ꠁꠍꠞꠣꠁꠟꠞ ꠎꠣꠔꠤꠞ ꠜꠣꠁꠀꠁꠘ꠆ꠔꠞ ꠟꠣꠈꠣꠘ ꠇꠥꠘꠥ ꠎꠝꠤ-ꠝꠤꠞꠣꠡ ꠙꠣꠁꠔꠣ ꠘꠣꠄ। ꠡ꠆ꠛꠄꠅꠋ ꠀꠟ꠆ꠟꠣ ꠝꠣꠛꠥꠖꠃ ꠔꠣꠞꠣꠞ ꠝꠤꠞꠣꠡ, ꠔꠣꠁꠘ ꠘꠤꠎꠦꠅ ꠔꠣꠞꠣꠞꠦ ꠁ ꠅꠀꠖꠣ ꠖꠤꠍꠂꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:20

ꠝꠘꠅ ꠞꠣꠈꠤꠅ, ꠝꠣꠛꠥꠖꠦ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠂꠘ ꠟꠥꠀ ꠉꠟꠣꠘꠤꠞ ꠉꠞꠝ ꠀꠉꠥꠘꠤꠞ ꠉꠣꠔꠅ ꠕꠣꠇꠤ, ꠔꠣꠁꠘ ꠝꠤꠡꠞ ꠖꠦꠡ ꠕꠣꠇꠤ ꠔꠥꠝꠞꠣꠞꠦ ꠛꠣꠞ ꠇꠞꠤ ꠀꠘꠍꠂꠘ, ꠎꠣꠔꠦ ꠔꠥꠝꠞꠣ ꠔꠣꠘ ꠀꠙꠘ ꠙ꠆ꠞꠎꠣ ꠅꠅ, ꠀꠞ ꠅꠈꠘ ꠔ ꠢꠣꠍꠣꠃ ꠔꠣꠘ ꠙ꠆ꠞꠎꠣ ꠅꠁꠍ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 7:6

ꠝꠘꠅ ꠞꠣꠈꠤꠅ, ꠔꠥꠝꠞꠣꠃ ꠅꠁꠟꠣꠄ ꠀꠟ꠆ꠟꠣ ꠝꠣꠛꠥꠖꠞ ꠙꠛꠤꠔ꠆ꠞ ꠙ꠆ꠞꠎꠣ। ꠖꠥꠘꠤꠀꠞ ꠢꠇꠟ ꠎꠣꠔꠤꠞ ꠝꠣꠎ ꠕꠣꠇꠤ ꠔꠣꠁꠘꠃ ꠔꠥꠝꠞꠣꠞꠦ ꠘꠤꠎꠞ ꠙ꠆ꠞꠎꠣ ꠀꠞ ꠈꠣꠍ ꠡꠝ꠆ꠙꠖ ꠢꠤꠡꠣꠛꠦ ꠀꠟꠉ ꠇꠞꠍꠂꠘ।

Injil 11: Filifia 3:14

ꠖꠃꠠꠣꠁ ꠖꠃꠠꠣꠁ ꠌꠦꠡ꠆ꠐꠣ ꠇꠞꠤꠀꠞ, ꠁꠍꠣ ꠀꠟ-ꠝꠍꠤꠞ ꠎꠞꠤꠀꠄ ꠀꠟ꠆ꠟꠣ ꠙꠣꠇꠞ ꠎꠦ ꠛꠦꠢꠦꠡ꠆ꠔꠤ ꠖꠣꠅꠔ ꠀꠍꠦ, ꠙꠥꠞꠥꠡ꠆ꠇꠣꠞ ꠢꠤꠡꠣꠛꠦ ꠅꠃ ꠖꠣꠅꠔꠅ ꠢꠣꠝꠣꠁꠔꠣꠝ ꠙꠣꠞꠤ।

Injil 12: Kolosia 1:13

ꠔꠣꠁꠘꠃ ꠀꠝꠞꠣꠞꠦ ꠀꠘ꠆ꠖꠣꠁꠞꠞ ꠛꠣꠖꠡꠣꠁ ꠕꠣꠇꠤ ꠃꠖ꠆ꠖꠣꠞ ꠇꠞꠤꠀ, ꠔꠣꠘ ꠈꠣꠍ ꠝꠣꠄꠀꠞ ꠎꠘꠞ ꠛꠣꠖꠡꠣꠁꠔ ꠀꠘꠍꠂꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:9

ꠀꠟ꠆ꠟꠣꠄ ꠀꠝꠞꠣꠞ ꠎꠣꠘ ꠛꠣꠌꠣꠁꠍꠂꠘ, ꠀꠞ ꠙꠣꠇ-ꠙꠛꠤꠔ꠆ꠞ ꠅꠁꠀ ꠎꠤꠘ꠆ꠖꠦꠉꠤ ꠇꠣꠐꠣꠘꠤꠞ ꠟꠣꠉꠤ ꠖꠣꠅꠔ ꠖꠤꠍꠂꠘ। ꠁꠔꠣ ꠔ ꠀꠝꠞꠣꠞ ꠇꠥꠘꠥ ꠘꠦꠇ ꠇꠣꠝꠞ ꠉꠥꠘꠦ ꠘꠣꠄ, ꠛꠞꠋ ꠔꠣꠘ ꠝꠞ꠆ꠎꠤ ꠀꠞ ꠞꠢꠝꠔꠞ ꠉꠥꠘꠦꠃ ꠇꠞꠍꠂꠘ। ꠀꠝꠞꠣꠞꠦ ꠁ ꠞꠢꠝꠔ ꠖꠣꠘ ꠇꠞꠍꠂꠘ ꠔ, ꠖꠥꠘꠤꠀ ꠙꠄꠖꠣ ꠇꠞꠣꠞ ꠀꠉꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ।

Injil 17: Titas 2:14

ꠁꠍꠣ ꠀꠟ-ꠝꠍꠤꠄ ꠔ ꠀꠝꠞꠣꠞꠦ ꠛꠣꠌꠣꠘꠤꠞ ꠟꠣꠉꠤ ꠔꠣꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠟꠣꠁꠍꠂꠘ, ꠎꠣꠔꠦ ꠢꠇꠟ ꠉꠥꠘꠣ ꠕꠣꠇꠤ ꠀꠝꠞꠣꠞꠦ ꠈꠣꠟꠣꠍ ꠇꠞꠤ ꠀꠘꠔꠣ ꠙꠣꠞꠂꠘ, ꠀꠞ ꠅꠃ ꠟꠣꠈꠣꠘ ꠄꠇꠖꠟ ꠝꠣꠘꠡꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠂꠘ, ꠎꠦꠞꠣ ꠈꠣꠟꠤ ꠔꠣꠘ ꠘꠤꠎꠞ ꠅꠁꠛꠣ, ꠎꠦꠞꠣ ꠘꠦꠇ ꠇꠣꠝꠞ ꠀꠡꠤꠇ ꠅꠁꠛꠣ।

ꠁꠘ꠆ꠎꠤꠟ ২১: ১-ꠙꠤꠔꠞ 1:2

ꠉꠣꠁꠛꠤ ꠛꠣꠚ ꠀꠟ꠆ꠟꠣꠄ ꠔꠣꠘ ꠝꠥꠘꠡꠣꠄ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠂꠘ ꠀꠞ ꠙꠣꠇ ꠞꠥꠢꠦ ꠙꠛꠤꠔ꠆ꠞ ꠇꠞꠍꠂꠘ। ꠄꠞ ꠃꠖ꠆ꠖꠦꠡ꠆ꠡ ꠅꠁꠟ, ꠔꠥꠝꠞꠣ ꠎꠣꠔꠦ ꠁꠍꠣ ꠀꠟ-ꠝꠍꠤꠞ ꠛꠣꠁꠖ꠆ꠖ ꠅꠅ ꠀꠞ ꠔꠣꠘ ꠟꠃ ꠍꠤꠐꠣꠁꠀ ꠔꠥꠝꠞꠣꠞꠦ ꠙꠣꠇ-ꠍꠣꠚ ꠇꠞꠣ ꠅꠄ। ꠀꠟ꠆ꠟꠣꠄ ꠔꠥꠝꠞꠣꠞꠦ ꠛꠦꠡ ꠇꠞꠤ ꠞꠢꠝꠔ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

ꠁꠘ꠆ꠎꠤꠟ ২১: ১-ꠙꠤꠔꠞ 2:5

ꠀꠞ ꠔꠥꠝꠞꠣ ꠔꠣꠘ ꠔꠞꠤꠇꠣ ꠇꠛꠥꠟ ꠇꠞꠣꠄ, ꠔꠥꠝꠞꠣꠞꠦꠅ ꠎꠤꠘ꠆ꠖꠣ ꠙꠣꠔ꠆ꠔꠞꠞ ꠟꠣꠈꠣꠘ ꠀꠟ꠆ꠟꠣ ꠙꠣꠇ ꠞꠁꠛꠣꠞ ꠙꠛꠤꠔ꠆ꠞ ꠇꠣꠛꠣ ꠊꠞ ꠛꠣꠘꠣꠘꠤ ꠅꠞ। ꠄꠞꠟꠣꠉꠤ ꠀꠟ꠆ꠟꠣꠁ ꠁꠝꠣꠝ ꠍꠣꠛ ꠢꠤꠡꠣꠛꠦ ꠔꠥꠝꠞꠣꠞꠦ ꠀꠟꠣꠖꠣ ꠇꠞꠤ ꠞꠣꠈꠣ ꠅꠁꠍꠦ, ꠎꠣꠔꠦ ꠔꠥꠝꠞꠣ ꠅꠃꠟꠣ ꠞꠥꠢꠣꠘꠤ ꠇꠥꠞꠛꠣꠘꠤ ꠖꠦꠅ, ꠎꠦꠔꠣ ꠁꠍꠣ ꠀꠟ-ꠝꠍꠤꠞ ꠈꠣꠔꠤꠞꠦ ꠀꠟ꠆ꠟꠣꠄ ꠇꠛꠥꠟ ꠇꠞꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 4:11

ꠇꠦꠃ ꠎꠥꠖꠤ ꠔꠛꠟꠤꠉ ꠇꠞꠂꠘ, ꠔꠦ ꠅꠃ ꠟꠣꠈꠣꠘ ꠇꠞꠃꠇ꠆ꠇꠣ ꠎꠣꠔꠦ ꠛꠥꠎꠣ ꠎꠣꠄ, ꠁꠔꠣ ꠀꠟ꠆ꠟꠣꠁ ꠛꠥꠟꠤ। ꠀꠞ ꠎꠦꠁꠘ ꠈꠦꠎꠝꠔ ꠇꠞꠂꠘ, ꠄꠁꠘ ꠀꠟ꠆ꠟꠣꠞ ꠖꠦꠅꠀ ꠛꠟ-ꠡꠇ꠆ꠔꠤꠄ ꠈꠦꠎꠝꠔ ꠇꠞꠃꠇ꠆ꠇꠣ, ꠎꠣꠔꠦ ꠢꠇ꠆ꠇꠟꠔꠣꠔꠃ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠟ꠆ꠟꠣꠞ ꠔꠣꠞꠤꠚ ꠅꠄ। ꠔꠣꠞꠤꠚ ꠀꠞ ꠇꠥꠖꠞꠔꠤ ꠈꠦꠝꠔꠣ ꠢꠞ-ꠢꠣꠝꠦꠡꠣ ꠔꠣꠘꠃ। ꠀꠝꠤꠘ।

Injil 27: Zaira Kalam 1:6

ꠔꠣꠁꠘ ꠀꠝꠞꠣꠞꠦ ꠟꠁꠀ ꠄꠇ ꠛꠣꠖꠡꠣꠁ ꠔꠤꠀꠞ ꠇꠞꠤꠀ, ꠔꠣꠘ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠄꠛꠣꠖꠔꠤꠞ ꠟꠣꠉꠤ ꠁꠝꠣꠝ ꠛꠣꠘꠣꠁꠍꠂꠘ। ꠔꠣꠘ ꠝꠢꠤꠝꠣ ꠀꠞ ꠇꠥꠖꠞꠔꠤ ꠛꠟ ꠢꠞ-ꠢꠣꠝꠦꠡꠣ ꠛꠅꠀꠁꠟ ꠞꠃꠇ। ꠀꠝꠤꠘ।

Injil 27: Zaira Kalam 5:10

ꠄꠞꠣꠞꠦ ꠟꠁꠀ ꠔꠥꠝꠤ ꠄꠇ ꠛꠣꠖꠡꠣꠁ ꠇꠣꠁꠝ ꠇꠞꠍ, ꠀꠝꠞꠣꠞ ꠀꠟ꠆ꠟꠣꠞ ꠄꠛꠣꠖꠔꠤꠞ ꠟꠣꠉꠤ ꠁꠝꠣꠝ ꠛꠣꠘꠣꠁꠍ, ꠄꠞꠣꠃ ꠀꠡ꠆ꠔꠣ ꠎꠉꠔꠅ ꠛꠣꠖꠡꠣꠁ ꠇꠞꠛꠣ।”