ꠁꠘ꠆ꠎꠤꠟ ২১: ১-ꠙꠤꠔꠞ 2:8 - Siloṭi Asmani Kitab (Nagri lipi)

⁸ ꠀꠞ, ꠁꠇꠐꠣ ꠅꠃꠟꠣ ꠙꠣꠔ꠆ꠔꠞ, ꠎꠦ ꠙꠣꠔ꠆ꠔꠞꠅ ꠝꠣꠘꠡꠦ ꠃꠡ꠆ꠐꠣ ꠈꠣꠁꠛ, ꠔꠣꠞꠣꠞ ꠀꠍꠣꠠ ꠈꠣꠁꠀ ꠙꠠꠣꠞ ꠇꠣꠞꠘ ꠅꠁꠛ। ꠝꠣꠘꠡꠦ ꠀꠟ꠆ꠟꠣꠞ ꠇꠣꠟꠣꠝ ꠝꠣꠘꠦ ꠘꠣ, ꠉꠔꠤꠇꠦꠃ ꠃꠡ꠆ꠐꠣ ꠈꠣꠄ। ꠁꠔꠣ ꠔ ꠔꠣꠞꠣꠞ ꠇꠙꠣꠟꠤ ꠖꠡꠣ।

ছিলটি আছমানি কিতাব (বাংলা লিপি)

⁸ আর, ইকটা অউলা পাথর, যে পাথরো মানষে উষ্টা খাইবো, তারার আছাড় খাইয়া পড়ার কারন অইবো। মানষে আল্লার কালাম মানে না, গতিকেউ উষ্টা খায়। ইতা তো তারার কপালি দশা।

Siloṭi Asmani Kitab (Latin lipi)

⁸ Ar, Ikṭa oula fattor, ze fattoro manshe usṭa ḳaibo, tarar asaṛ ḳaia foṛar ḳaron oibo. Manshe Allar kalam mane na, gotike-u usṭa ḳae. Ita to tarar ḳofali dosha.

ꠁꠘ꠆ꠎꠤꠟ ২১: ১-ꠙꠤꠔꠞ 2:8 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 9:16

ꠀꠍꠟꠦ ꠄꠞꠟꠣꠉꠤꠃ ꠀꠝꠤ ꠔꠥꠝꠣꠞꠦ ꠖꠥꠘꠤꠀꠁꠔ ꠅꠔꠖꠤꠘ ꠛꠣꠌꠣꠁꠍꠤ, ꠎꠣꠔꠦ ꠔꠥꠝꠣꠞꠦ ꠀꠝꠣꠞ ꠟꠤꠟꠣ-ꠈꠦꠟꠣ ꠖꠦꠈꠣꠁ, ꠀꠞ ꠢꠣꠞꠣ ꠖꠥꠘꠤꠀꠁꠔ ꠀꠝꠣꠞ ꠘꠣꠝ ꠎꠣꠁꠞ ꠅꠄ।

Injil 3: Luk 2:34

ꠍꠣꠝꠣꠃꠘꠦ ꠔꠣꠞꠣꠞꠦ ꠖꠥꠀ ꠖꠤꠟꠣ, ꠔꠣꠁꠘ ꠁꠍꠣꠞ ꠝꠣ ꠝꠞꠤꠅꠝꠞꠦ ꠇꠁꠟꠣ, “ꠢꠥꠘꠅ, ꠀꠟ꠆ꠟꠣ ꠙꠣꠇꠞ ꠈꠤꠀꠟ ꠅꠁꠟ, ꠅꠃ ꠢꠥꠞꠥꠔ꠆ꠔꠣꠞ ꠖꠞꠥꠘ ꠛꠘꠤ ꠁꠍꠞꠣꠁꠟꠞ ꠛꠃꠔ ꠎꠘꠦ ꠘꠣꠎꠣꠔ ꠢꠣꠍꠤꠟ ꠇꠞꠛꠣ, ꠀꠞ ꠛꠃꠔ ꠎꠘ ꠟꠣꠘ꠆ꠘꠔꠤ ꠅꠁꠛꠣ। ꠔꠣꠁꠘ ꠅꠃ ꠟꠣꠈꠣꠘ ꠄꠇ ꠘꠤꠡꠣꠘꠣ, ꠔꠣꠘ ꠛꠤꠙꠇ꠆ꠇꠦ ꠛꠃꠔꠦꠃ ꠝꠣꠔꠤꠛ।

Injil 6: Ruman 9:22

ꠑꠤꠇ ꠅꠟꠣꠈꠣꠘ, ꠀꠟ꠆ꠟꠣꠄ ꠔꠣꠘ ꠟꠣꠘ꠆ꠘꠔ ꠀꠞ ꠇꠥꠖꠞꠔꠤ ꠈꠦꠝꠔꠣ ꠖꠦꠈꠣꠁꠔꠣ ꠌꠣꠁꠍꠟꠣ, ꠀꠞ ꠎꠦꠞꠣꠞ ꠃꠙꠞꠦ ꠁ ꠟꠣꠘ꠆ꠘꠔ ꠓꠣꠟꠤꠔꠣ ꠌꠣꠁꠍꠟꠣ, ꠄꠞꠣꠞ ꠙꠣꠅꠘꠣ ꠀꠍꠤꠟ ꠈꠣꠟꠤ ꠛꠤꠘꠣꠡꠤ ꠉꠎꠛ, ꠔꠣ-ꠅ ꠔꠣꠁꠘ ꠛꠃꠔ ꠛꠠ ꠍꠛꠞ ꠇꠞꠤꠀ ꠔꠣꠞꠣꠞ ꠁꠔꠣ ꠡꠁꠎ꠆ꠎ ꠇꠞꠟꠣ।

Injil 7: 1-Korintia 1:23

ꠅꠁꠟꠦ ꠀꠝꠞꠣ ꠔꠛꠟꠤꠉ ꠇꠞꠤ ꠍꠟꠤꠛꠞ ꠃꠙꠞꠦ ꠇꠥꠞꠛꠣꠘꠤ ꠅꠀ ꠀꠟ-ꠝꠍꠤꠞ ꠇꠕꠣ। ꠁꠔꠣ ꠅꠁꠟ ꠛꠘꠤ ꠁꠍꠞꠣꠁꠟꠞ ꠉꠦꠍꠦ ꠄꠇꠐꠣ ꠛꠦ-ꠖꠤꠘꠤ ꠇꠣꠝ ꠀꠞ ꠜꠤꠘ ꠎꠣꠔꠤ ꠅꠇꠟꠦ ꠝꠘꠅ ꠇꠞꠂꠘ ꠛꠦꠀꠈꠟꠤ ꠇꠣꠝ।

Injil 8: 2-Korintia 2:16

ꠎꠦꠞꠣ ꠛꠤꠘꠣꠡ ꠅꠁꠎꠣꠞ, ꠔꠣꠞꠣꠞ ꠉꠦꠍꠦ ꠀꠝꠞꠣꠞ ꠊꠦꠞꠣꠘ ꠅꠁꠟ ꠝꠞꠣꠞ ꠉꠘ꠆ꠖ, ꠎꠣꠞ ꠚꠟ ꠅꠁꠟ ꠘꠤꠌ꠆ꠌꠤꠔ ꠝꠞꠘ। ꠀꠞ ꠎꠦꠞꠣ ꠘꠣꠎꠣꠔ ꠢꠣꠍꠤꠟ ꠇꠞꠞꠣ, ꠔꠣꠞꠣꠞ ꠉꠦꠍꠦ ꠀꠝꠞꠣ ꠅꠁꠟꠣꠝ ꠎꠤꠘ꠆ꠖꠦꠉꠤꠞ ꠊꠦꠞꠣꠘ, ꠄꠞ ꠚꠟ ꠅꠁꠟ ꠀꠈꠦꠞꠣꠔꠞ ꠎꠤꠘ꠆ꠖꠦꠉꠤ। ꠁ ꠅꠔ ꠛꠠ ꠘꠦꠇ ꠇꠣꠝ ꠇꠞꠣꠞ ꠟꠣꠈ ꠇꠥꠘ ꠎꠘ?

Injil 9: Galatia 5:11

ꠅ ꠜꠣꠁ ꠅꠇꠟ, ꠀꠝꠤ ꠎꠥꠖꠤ ꠅꠈꠘꠅ ꠅꠈꠣꠘ ꠇꠁ, ꠝꠣꠘꠡꠦ ꠝꠍꠟꠝꠣꠘꠤ ꠇꠣꠝ ꠇꠞꠣꠘꠤ ꠎꠞꠥꠞ, ꠔꠦ ꠀꠝꠣꠞ ꠃꠙꠞꠦ ꠇꠦꠘꠦ ꠅꠈꠘꠅ ꠎꠥꠟꠥꠝ ꠅꠞ? ꠔꠦ ꠖꠥꠈ-ꠇꠡ꠆ꠐꠞ ꠍꠟꠤꠛꠞ ꠃꠙꠞꠦ ꠀꠟ-ꠝꠍꠤꠞ ꠝꠃꠔꠞ ꠇꠕꠣ ꠢꠥꠘꠟꠦ ꠎꠦꠔꠣꠄ ꠝꠥꠈ ꠟꠥꠇꠣꠁꠘ, ꠔꠣꠞꠣꠞ ꠝꠥꠈ ꠟꠥꠇꠣꠘꠤ ꠔ ꠛꠘ꠆ꠖ ꠅꠁꠉꠦꠟ ꠅꠘꠦ।

ইঞ্জিল ১৩: ১-থিষল: 5:9

ꠝꠘꠅ ꠞꠣꠈꠤꠅ, ꠀꠟ꠆ꠟꠣꠄ ꠀꠝꠞꠣꠞꠦ ꠡꠣꠎꠣ ꠖꠤꠛꠣꠞ ꠟꠣꠉꠤ ꠒꠣꠇꠤꠀ ꠀꠘꠍꠂꠘ ꠘꠣ, ꠛꠞꠋ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠘꠣꠎꠣꠔ ꠙꠣꠅꠀꠞ ꠟꠣꠉꠤꠃ ꠒꠣꠇꠤꠍꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 2:6

ꠀꠟ꠆ꠟꠣꠞ ꠇꠣꠟꠣꠝꠅ ꠀꠍꠦ: ꠢꠥꠘꠅ, ꠀꠝꠤ ꠄꠇꠐꠣ ꠝꠢꠣ ꠖꠣꠝꠤ ꠙꠣꠔ꠆ꠔꠞ ꠙꠍꠘ꠆ꠖ ꠇꠞꠍꠤ; ꠁꠇꠐꠣꠞꠦ ꠎꠦꠞꠥꠎꠣꠟꠦꠝꠅ ꠁꠀꠘ ꠈꠥꠐꠤ ꠢꠤꠡꠣꠛꠦ ꠉꠣꠠꠤꠍꠤ। ꠎꠦ ꠎꠘꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ, ꠢꠦ ꠇꠥꠘꠥꠝꠘ꠆ꠔꠦꠃ ꠡꠞꠝꠤꠘ꠆ꠖꠣ ꠅꠁꠔ ꠘꠣꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 2:7

ꠀꠞ ꠔꠥꠝꠞꠣ ꠁꠝꠣꠘ ꠀꠘꠣꠄ, ꠔꠥꠝꠞꠣꠞ ꠉꠦꠍꠦ ꠢꠃ ꠙꠣꠔ꠆ꠔꠞ ꠝꠢꠣ ꠖꠣꠝꠤ ꠅꠁꠉꠦꠍꠦ। ꠅꠁꠟꠦ ꠎꠦꠞꠣ ꠁꠝꠣꠘ ꠀꠘꠍꠦ ꠘꠣ, ꠔꠣꠞꠣꠞ ꠛꠦꠟꠣꠄ ꠇꠤꠔꠣꠛꠞ ꠅꠃ ꠇꠕꠣꠃ ꠈꠣꠐꠦ: ꠞꠣꠎ ꠝꠦꠡ꠆ꠔꠁꠞ ꠅꠇꠟꠦ ꠎꠦ ꠙꠣꠔ꠆ꠔꠞꠞꠦ ꠛꠦꠇꠣꠝꠣ ꠇꠁꠀ ꠚꠣꠟꠣꠁ ꠖꠤꠍꠤꠟ, ꠅꠇꠐꠣ ꠖꠤꠀꠃ ꠊꠞꠞ ꠁꠀꠘ ꠈꠥꠐꠤ ꠅꠁꠟ।

ꠁꠘ꠆ꠎꠤꠟ ২২: ২-ꠙꠤꠔꠞ 2:3

ꠟꠥꠜ-ꠟꠣꠟꠌ ꠇꠞꠤꠀ ꠍꠟ-ꠌꠔꠥꠞꠤꠞ ꠝꠣꠔ ꠝꠣꠔꠤꠀ, ꠘꠤꠎꠞ ꠟꠣꠜꠞ ꠀꠡꠣꠄ ꠔꠣꠞꠣ ꠔꠥꠝꠞꠣꠞꠦ ꠇꠣꠝꠅ ꠟꠣꠉꠣꠁꠛ। ꠔꠣꠞꠣꠞ ꠙꠣꠅꠘꠣ ꠡꠣꠎꠣ ꠔ ꠛꠃꠔ ꠖꠤꠘ ꠕꠣꠇꠤ ꠛꠣꠞ ꠌꠣꠞ, ꠔꠣꠞꠣꠞ ꠛꠤꠘꠣꠡꠅ ꠛꠦꠡꠤ ꠖꠦꠞꠤ ꠘꠣꠄ।

Injil 26: Ehuda 1:4

ꠁꠔꠣꠞ ꠎꠞꠥꠞ ꠅꠁꠍꠦ, ꠇꠣꠞꠘ ꠎꠦꠔꠣ ꠝꠣꠘꠡꠦ ꠛꠦ-ꠖꠤꠘꠤ ꠇꠣꠝꠞ ꠡꠣꠎꠣ ꠙꠣꠁꠛꠣꠞ ꠇꠕꠣ ꠀꠉ ꠕꠣꠇꠤꠃ ꠟꠦꠈꠣ ꠀꠍꠤꠟ, ꠔꠟꠦ ꠔꠟꠦ ꠅꠔꠣ ꠝꠣꠘꠥꠡ ꠀꠁꠀ ꠔꠥꠝꠞꠣꠞ ꠖꠟꠅ ꠢꠣꠝꠣꠁ ꠉꠦꠍꠦ। ꠀꠝꠞꠣꠞ ꠀꠟ꠆ꠟꠣꠞ ꠞꠢꠝꠔꠞꠦ ꠔꠣꠞꠣꠞ ꠛꠖ ꠈꠣꠁꠡ ꠝꠤꠐꠣꠘꠤꠞ ꠀꠔꠤꠀꠞ ꠛꠣꠘꠣꠁꠍꠦ, ꠀꠞ ꠀꠝꠞꠣꠞ ꠄꠇꠝꠣꠔ꠆ꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠟꠐꠣ ꠌꠟꠦ।