ꠁꠘ꠆ꠎꠤꠟ ২১: ১-ꠙꠤꠔꠞ 2:7 - Siloṭi Asmani Kitab (Nagri lipi)

⁷ ꠀꠞ ꠔꠥꠝꠞꠣ ꠁꠝꠣꠘ ꠀꠘꠣꠄ, ꠔꠥꠝꠞꠣꠞ ꠉꠦꠍꠦ ꠢꠃ ꠙꠣꠔ꠆ꠔꠞ ꠝꠢꠣ ꠖꠣꠝꠤ ꠅꠁꠉꠦꠍꠦ। ꠅꠁꠟꠦ ꠎꠦꠞꠣ ꠁꠝꠣꠘ ꠀꠘꠍꠦ ꠘꠣ, ꠔꠣꠞꠣꠞ ꠛꠦꠟꠣꠄ ꠇꠤꠔꠣꠛꠞ ꠅꠃ ꠇꠕꠣꠃ ꠈꠣꠐꠦ: ꠞꠣꠎ ꠝꠦꠡ꠆ꠔꠁꠞ ꠅꠇꠟꠦ ꠎꠦ ꠙꠣꠔ꠆ꠔꠞꠞꠦ ꠛꠦꠇꠣꠝꠣ ꠇꠁꠀ ꠚꠣꠟꠣꠁ ꠖꠤꠍꠤꠟ, ꠅꠇꠐꠣ ꠖꠤꠀꠃ ꠊꠞꠞ ꠁꠀꠘ ꠈꠥꠐꠤ ꠅꠁꠟ।

ছিলটি আছমানি কিতাব (বাংলা লিপি)

⁷ আর তুমরা ইমান আনায়, তুমরার গেছে হউ পাথর মহা দামি অইগেছে। অইলে যেরা ইমান আনছে না, তারার বেলায় কিতাবর অউ কথাউ খাটে: রাজ মেস্তইর অকলে যে পাথররে বেকামা কইয়া ফালাই দিছিল, অকটা দিয়াউ ঘরর ইয়ান খুটি অইলো।

Siloṭi Asmani Kitab (Latin lipi)

⁷ Ar tumra iman anae, tumrar gese hou fattor moha dami oigese. Oile zera iman anche na, tarar belae kitabor ou ḳota-u ḳaṭe: Raz mestoir oḳole ze fattorre beḳama ḳoia falai disil, oḳṭa dia-u goror ian kuṭi oilo.

ꠁꠘ꠆ꠎꠤꠟ ২১: ১-ꠙꠤꠔꠞ 2:7 Iomraidhean Croise

ꠁꠘ꠆ꠎꠤꠟ ১: ꠝꠕꠤ 21:42

ꠢꠎꠞꠔ ꠁꠍꠣꠄ ꠇꠁꠟꠣ, “ꠀꠙꠘꠣꠞꠣ ꠀꠟ꠆ꠟꠣꠞ ꠇꠣꠟꠣꠝꠅ ꠙꠠꠍꠂꠘ ꠘꠣ ꠘꠤ, ꠞꠣꠎ ꠝꠦꠡ꠆ꠔꠁꠞ ꠅꠇꠟꠦ ꠎꠦ ꠙꠣꠔ꠆ꠔꠞꠞꠦ ꠛꠦꠇꠣꠝꠣ ꠇꠁꠀ ꠚꠣꠟꠣꠁ ꠖꠤꠍꠤꠟ, ꠅꠇꠐꠣ ꠖꠤꠀꠃ ꠊꠞꠞ ꠁꠀꠘ ꠈꠥꠐꠤ ꠅꠁꠟ। ꠝꠣꠛꠥꠖꠦ ꠘꠤꠎꠦꠃ ꠁꠔꠣ ꠅꠀꠁꠟꠣ, ꠁꠔꠣ ꠖꠦꠈꠤꠀ ꠔ ꠀꠝꠞꠣꠞ ꠔꠣꠁꠎ꠆ꠎꠥꠛꠤ ꠟꠣꠉꠦꠞ।

Injil 3: Luk 2:32

ꠔꠥꠝꠣꠞ ꠈꠣꠍ ꠙ꠆ꠞꠎꠣ ꠛꠘꠤ ꠁꠍꠞꠣꠁꠟꠞ ꠉꠃꠞꠛ ꠔ ꠄꠁꠘꠃ, ꠛꠣꠖ-ꠛꠣꠇꠤ ꠔꠣꠝꠣꠝ ꠎꠣꠔꠤꠞꠦꠅ ꠙꠕ ꠖꠦꠈꠣꠘꠤꠞ ꠘꠥꠞ।”

Injil 3: Luk 2:34

ꠍꠣꠝꠣꠃꠘꠦ ꠔꠣꠞꠣꠞꠦ ꠖꠥꠀ ꠖꠤꠟꠣ, ꠔꠣꠁꠘ ꠁꠍꠣꠞ ꠝꠣ ꠝꠞꠤꠅꠝꠞꠦ ꠇꠁꠟꠣ, “ꠢꠥꠘꠅ, ꠀꠟ꠆ꠟꠣ ꠙꠣꠇꠞ ꠈꠤꠀꠟ ꠅꠁꠟ, ꠅꠃ ꠢꠥꠞꠥꠔ꠆ꠔꠣꠞ ꠖꠞꠥꠘ ꠛꠘꠤ ꠁꠍꠞꠣꠁꠟꠞ ꠛꠃꠔ ꠎꠘꠦ ꠘꠣꠎꠣꠔ ꠢꠣꠍꠤꠟ ꠇꠞꠛꠣ, ꠀꠞ ꠛꠃꠔ ꠎꠘ ꠟꠣꠘ꠆ꠘꠔꠤ ꠅꠁꠛꠣ। ꠔꠣꠁꠘ ꠅꠃ ꠟꠣꠈꠣꠘ ꠄꠇ ꠘꠤꠡꠣꠘꠣ, ꠔꠣꠘ ꠛꠤꠙꠇ꠆ꠇꠦ ꠛꠃꠔꠦꠃ ꠝꠣꠔꠤꠛ।

Injil 3: Luk 20:17

ꠔꠦꠃ ꠁꠍꠣꠄ ꠔꠣꠞꠣꠞ ꠛꠣꠄ ꠌꠣꠁꠀ ꠇꠁꠟꠣ, “ꠔꠦ ꠀꠟ꠆ꠟꠣꠞ ꠇꠣꠟꠣꠝꠅ ꠇꠦꠘꠦ ꠁꠟꠣ ꠟꠦꠈꠣ ꠀꠍꠦ, ꠞꠣꠎ ꠝꠦꠡ꠆ꠔꠁꠞ ꠅꠇꠟꠦ ꠎꠦ ꠙꠣꠔ꠆ꠔꠞꠞꠦ ꠛꠦꠇꠣꠝꠣ ꠇꠁꠀ ꠚꠣꠟꠣꠁ ꠖꠤꠍꠤꠟ, ꠅꠇꠐꠣ ꠖꠤꠀꠃ ꠊꠞꠞ ꠁꠀꠘ ꠈꠥꠐꠤ ꠅꠁꠟ।

Injil 4: Hannan 4:42

ꠀꠞ ꠉꠣꠃꠞ ꠝꠣꠘꠡꠦ ꠅꠃ ꠛꠦꠐꠤꠞꠦ ꠇꠁꠟꠣ, “ꠔꠥꠝꠣꠞ ꠇꠕꠣꠄ ꠀꠝꠞꠣ ꠁꠝꠣꠘ ꠀꠘꠍꠤ ꠘꠣ, ꠀꠝꠞꠣ ꠘꠤꠎꠦꠃ ꠔꠣꠘ ꠝꠣꠔ ꠢꠥꠘꠤꠀ ꠛꠥꠎꠔꠣꠝ ꠙꠣꠞꠍꠤ, ꠄꠁꠘꠃ ꠎꠉꠔꠞ ꠀꠍꠟ ꠔꠞꠣꠘꠦꠀꠟꠣ।”

Injil 5: Sahabi Nama 26:19

“ꠝꠣꠘꠘꠤꠅ ꠞꠣꠎꠣ ꠘꠣꠝꠖꠣꠞ, ꠛꠦꠢꠦꠡ꠆ꠔꠤ ꠁ ꠖꠞꠡꠘꠞꠦ ꠀꠝꠤ ꠚꠣꠟꠣꠁꠔꠣꠝ ꠙꠣꠞꠟꠣꠝ ꠘꠣ।

Injil 6: Ruman 10:21

ꠅꠁꠟꠦ ꠛꠘꠤ ꠁꠍꠞꠣꠁꠟꠞ ꠛꠦꠙꠣꠞꠦ ꠔꠣꠁꠘ ꠇꠁꠞꠣ, ꠀꠝꠤ ꠀꠔ ꠛꠣꠠꠣꠁꠀ ꠒꠣꠇꠤꠞꠣꠝ, ꠢꠣꠞꠣ ꠖꠤꠘ ꠗꠞꠤ ꠖꠥꠁꠅ ꠀꠔꠦ ꠒꠣꠇꠤꠞꠣꠝ, ꠘꠣꠚꠞꠝꠣꠘ ꠀꠞ ꠙꠣꠡꠣꠘ ꠄꠇ ꠎꠣꠔꠤꠞꠦ ꠒꠣꠇꠤꠞꠣꠝ।

Injil 6: Ruman 15:31

ꠖꠥꠀ ꠇꠞꠤꠅ, ꠄꠢꠥꠖꠤꠀ ꠎꠤꠟꠣꠔ ꠁꠍꠣꠄꠁ ꠔꠞꠤꠇꠣꠞ ꠛꠤꠞꠥꠗꠤ ꠝꠣꠘꠡꠞ ꠀꠔ ꠕꠣꠇꠤ ꠀꠝꠤ ꠎꠣꠘꠥ ꠞꠦꠢꠣꠁ ꠙꠣꠁ, ꠀꠞ ꠀꠝꠣꠞ ꠀꠘꠣ ꠁ ꠞꠤꠟꠤꠚ ꠈꠣꠘꠣꠁꠘ ꠎꠣꠘꠥ ꠎꠦꠞꠥꠎꠣꠟꠦꠝ ꠐꠣꠃꠘꠅ ꠀꠟ꠆ꠟꠣꠞ ꠙꠣꠇ ꠛꠘ꠆ꠖꠣ ꠅꠇꠟꠦ ꠡꠝꠎꠂꠘ।

Injil 8: 2-Korintia 2:16

ꠎꠦꠞꠣ ꠛꠤꠘꠣꠡ ꠅꠁꠎꠣꠞ, ꠔꠣꠞꠣꠞ ꠉꠦꠍꠦ ꠀꠝꠞꠣꠞ ꠊꠦꠞꠣꠘ ꠅꠁꠟ ꠝꠞꠣꠞ ꠉꠘ꠆ꠖ, ꠎꠣꠞ ꠚꠟ ꠅꠁꠟ ꠘꠤꠌ꠆ꠌꠤꠔ ꠝꠞꠘ। ꠀꠞ ꠎꠦꠞꠣ ꠘꠣꠎꠣꠔ ꠢꠣꠍꠤꠟ ꠇꠞꠞꠣ, ꠔꠣꠞꠣꠞ ꠉꠦꠍꠦ ꠀꠝꠞꠣ ꠅꠁꠟꠣꠝ ꠎꠤꠘ꠆ꠖꠦꠉꠤꠞ ꠊꠦꠞꠣꠘ, ꠄꠞ ꠚꠟ ꠅꠁꠟ ꠀꠈꠦꠞꠣꠔꠞ ꠎꠤꠘ꠆ꠖꠦꠉꠤ। ꠁ ꠅꠔ ꠛꠠ ꠘꠦꠇ ꠇꠣꠝ ꠇꠞꠣꠞ ꠟꠣꠈ ꠇꠥꠘ ꠎꠘ?

Injil 12: Kolosia 2:10

ꠄꠞꠟꠣꠉꠤ ꠀꠟ-ꠝꠍꠤꠞ ꠟꠉꠦ ꠡꠞꠤꠇ ꠅꠁꠀ ꠔꠥꠝꠞꠣꠅ ꠢꠇꠟ ꠉꠥꠘꠦ ꠇꠣꠝꠤꠟ ꠅꠁꠍ, ꠔꠣꠘ ꠀꠡꠘ ꠔ ꠢꠇꠟ ꠘꠝꠥꠘꠣꠞ ꠡꠣꠡꠘꠇꠣꠞꠤ ꠀꠞ ꠈꠦꠝꠔꠣꠀꠟꠣ ꠢꠇ꠆ꠇꠟꠔꠣꠞ ꠃꠙꠞꠦ।

Injil 17: Titas 3:3

ꠀꠝꠞꠣꠅ ꠀꠉꠦ ꠛꠦꠀꠈꠟ ꠀꠞ ꠘꠣꠚꠞꠝꠣꠘ ꠀꠍꠟꠣꠝ, ꠛꠦ-ꠙꠕꠦ ꠌꠟꠔꠣꠝ, ꠖꠥꠘꠤꠀꠛꠤ ꠀꠞꠣꠝ-ꠀꠄꠄꠡ ꠀꠞ ꠘꠣꠘꠣꠘ ꠘꠝꠥꠘꠣꠞ ꠛꠖ ꠈꠣꠁꠡꠞ ꠉꠥꠟꠣꠝ ꠀꠍꠟꠣꠝ। ꠅꠁꠘ꠆ꠘ ꠝꠣꠘꠡꠞꠦ ꠁꠋꠡꠣ ꠇꠞꠔꠣꠝ, ꠔꠣꠞꠣꠞ ꠈꠦꠔꠤ ꠇꠞꠣꠞ ꠗꠣꠘ꠆ꠖꠣꠄ ꠖꠤꠘ ꠇꠣꠐꠣꠁꠔꠣꠝ। ꠀꠞ ꠘꠤꠎꠦ ꠊꠤꠘ꠆ꠘꠣꠞ ꠎꠁꠉ꠆ꠉ ꠅꠁꠟꠦꠅ ꠄꠇꠦ-ꠅꠁꠘ꠆ꠘꠞꠦ ꠊꠤꠘ꠆ꠘꠣꠁꠔꠣꠝ।

Injil 19: Ibrani 11:31

ꠁꠝꠣꠘꠞ ꠛꠟꠦꠃ ꠅꠃ ꠐꠣꠃꠘꠞ ꠞꠣꠢꠛꠣ ꠘꠣꠝꠞ ꠛꠖꠝꠣꠁꠡ ꠛꠦꠐꠤꠄ ꠛꠘꠤ ꠁꠍꠞꠣꠁꠟꠞ ꠉꠥꠁꠀ ꠅꠇꠟꠞꠦ ꠝꠦꠝꠣꠘꠖꠣꠞꠤ ꠇꠞꠣꠄ, ꠢꠤꠘꠞ ꠘꠣꠚꠞꠝꠣꠘ ꠅꠇꠟꠞ ꠟꠉꠦ ꠁ ꠛꠦꠐꠤ ꠛꠤꠘꠣꠡ ꠅꠁꠟꠣ ꠘꠣ।

Injil 19: Ibrani 4:11

ꠔꠦ ꠀꠅ, ꠀꠝꠞꠣꠅ ꠢꠤ ꠀꠞꠣꠝꠞ ꠝꠣꠎꠦ ꠢꠣꠝꠣꠘꠤꠞ ꠟꠣꠉꠤ ꠈꠣꠍ ꠖꠤꠟꠦ ꠀꠉꠥꠀꠁ, ꠎꠣꠔꠦ ꠢꠃ ꠘꠣꠚꠞꠝꠣꠘ ꠛꠘꠤ ꠁꠍꠞꠣꠁꠟꠞ ꠟꠣꠈꠣꠘ ꠀꠟ꠆ꠟꠣꠞ ꠢꠥꠇꠥꠝꠞ ꠛꠤꠞꠥꠖ꠆ꠖꠦ ꠉꠤꠀ, ꠁ ꠀꠞꠣꠝ ꠕꠣꠇꠤ ꠛꠣꠖ ꠘꠣ ꠙꠠꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 1:8

ꠎꠥꠖꠤꠅ ꠀꠟ-ꠝꠍꠤꠞꠦ ꠔꠥꠝꠞꠣ ꠖꠦꠈꠍ ꠘꠣ, ꠔꠦꠛꠃ ꠔꠥꠝꠞꠣ ꠔꠣꠘꠞꠦ ꠝꠢꠛ꠆ꠛꠔ ꠇꠞꠞꠣꠄ। ꠀꠞ ꠅꠈꠘꠅ ꠔꠣꠘꠞꠦ ꠌꠃꠈꠦ ꠘꠣ ꠖꠦꠈꠟꠦꠅ, ꠈꠥꠡꠤ ꠅꠁꠀ ꠔꠣꠘꠞꠦ ꠄꠇꠤꠘ ꠇꠞꠞꠣꠄ, ꠁ ꠈꠥꠡꠤ ꠔ ꠜꠣꠡꠣꠄ ꠇꠅꠀ ꠎꠣꠄ ꠘꠣ, ꠁꠔꠣ ꠈꠣꠟꠤ ꠛꠦꠢꠦꠡ꠆ꠔꠤ ꠈꠥꠡꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 2:4

ꠔꠦ ꠔꠥꠝꠞꠣ ꠔꠣꠘ ꠉꠦꠍꠦ ꠀꠅ। ꠔꠣꠁꠘꠃ ꠅꠁꠟꠣ ꠀꠉꠞ ꠘꠛꠤ ꠅꠇꠟꠞ ꠇꠅꠀ ꠢꠃ “ꠎꠤꠘ꠆ꠖꠣ ꠙꠣꠔ꠆ꠔꠞ”, ꠎꠦ ꠙꠣꠔ꠆ꠔꠞꠞꠦ ꠝꠣꠘꠡꠦ ꠖꠣꠝ ꠖꠤꠍꠦ ꠘꠣ, ꠅꠁꠟꠦ ꠀꠟ꠆ꠟꠣꠞ ꠉꠦꠍꠦ ꠁꠇꠐꠣ ꠝꠢꠣ ꠖꠣꠝꠤ ꠀꠞ ꠙꠍꠘ꠆ꠖꠞ ꠙꠣꠔ꠆ꠔꠞ।

ꠁꠘ꠆ꠎꠤꠟ ২১: ১-ꠙꠤꠔꠞ 2:8

ꠀꠞ, ꠁꠇꠐꠣ ꠅꠃꠟꠣ ꠙꠣꠔ꠆ꠔꠞ, ꠎꠦ ꠙꠣꠔ꠆ꠔꠞꠅ ꠝꠣꠘꠡꠦ ꠃꠡ꠆ꠐꠣ ꠈꠣꠁꠛ, ꠔꠣꠞꠣꠞ ꠀꠍꠣꠠ ꠈꠣꠁꠀ ꠙꠠꠣꠞ ꠇꠣꠞꠘ ꠅꠁꠛ। ꠝꠣꠘꠡꠦ ꠀꠟ꠆ꠟꠣꠞ ꠇꠣꠟꠣꠝ ꠝꠣꠘꠦ ꠘꠣ, ꠉꠔꠤꠇꠦꠃ ꠃꠡ꠆ꠐꠣ ꠈꠣꠄ। ꠁꠔꠣ ꠔ ꠔꠣꠞꠣꠞ ꠇꠙꠣꠟꠤ ꠖꠡꠣ।