ꠁꠘ꠆ꠎꠤꠟ ২১: ১-ꠙꠤꠔꠞ 2:6 - Siloṭi Asmani Kitab (Nagri lipi)

⁶ ꠀꠟ꠆ꠟꠣꠞ ꠇꠣꠟꠣꠝꠅ ꠀꠍꠦ: ꠢꠥꠘꠅ, ꠀꠝꠤ ꠄꠇꠐꠣ ꠝꠢꠣ ꠖꠣꠝꠤ ꠙꠣꠔ꠆ꠔꠞ ꠙꠍꠘ꠆ꠖ ꠇꠞꠍꠤ; ꠁꠇꠐꠣꠞꠦ ꠎꠦꠞꠥꠎꠣꠟꠦꠝꠅ ꠁꠀꠘ ꠈꠥꠐꠤ ꠢꠤꠡꠣꠛꠦ ꠉꠣꠠꠤꠍꠤ। ꠎꠦ ꠎꠘꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ, ꠢꠦ ꠇꠥꠘꠥꠝꠘ꠆ꠔꠦꠃ ꠡꠞꠝꠤꠘ꠆ꠖꠣ ꠅꠁꠔ ꠘꠣꠄ।

ছিলটি আছমানি কিতাব (বাংলা লিপি)

⁶ আল্লার কালামো আছে: হুনো, আমি একটা মহা দামি পাথর পছন্দ করছি; ইকটারে জেরুজালেমো ইয়ান খুটি হিসাবে গাড়িছি। যে জনে তান উপরে ইমান আনে, হে কুনুমন্তেউ শরমিন্দা অইতো নায়।

Siloṭi Asmani Kitab (Latin lipi)

⁶ Allar kalamo ase: Huno, ami eḳṭa moha dami fattor fosond ḳorsi; ikṭare Zeruzalemo ian kuṭi hishabe gaṛisi. Ze zone tan ufre iman ane, he kunumonte-u shorminda oito nae.

ꠁꠘ꠆ꠎꠤꠟ ২১: ১-ꠙꠤꠔꠞ 2:6 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 49:24

ꠅꠁꠟꠦ ꠔꠣꠞ ꠗꠘꠥꠇ ꠝꠎꠛꠥꠔ ꠞꠁꠟ, ꠔꠣꠞ ꠀꠔꠞ ꠢꠘꠣꠔ ꠛꠟ ꠞꠁꠟ; ꠁꠀꠇꠥꠛꠞ ꠢꠃ ꠝꠢꠣꠘ ꠡꠇ꠆ꠔꠤꠀꠟꠣꠞ ꠀꠔ ꠖꠤꠀ, ꠎꠦꠁꠘ ꠁꠍꠞꠣꠁꠟꠞ ꠀꠡꠞꠄ ꠐꠤꠟ꠆ꠟꠣ, ꠔꠣꠘꠞꠦ ꠖꠤꠀ।

ꠎꠛꠥꠞ ꠡꠞꠤꠚ 40:14

ꠀꠝꠣꠞ ꠎꠣꠘꠞꠦ ꠎꠦꠔꠣꠄ ꠘꠤꠔꠣ ꠌꠣꠁꠞꠣ ꠇꠣꠠꠤꠀ, ꠘꠤꠌꠣ ꠅꠃꠇ ꠔꠣꠞꠣꠞ ꠝꠣꠕꠣ ꠡꠞꠝꠤꠘ꠆ꠖꠣ ꠛꠘꠤꠀ, ꠀꠝꠣꠞ ꠈꠦꠔꠤ ꠅꠁꠟꠦ ꠎꠦꠔꠣꠄ ꠇꠞꠛꠣ ꠈꠥꠡꠤ, ꠛꠦꠁꠎ꠆ꠎꠔ ꠛꠘꠤꠀ ꠔꠣꠞꠣ ꠜꠣꠉꠤ ꠎꠣꠃꠇ ꠈꠞꠦꠖꠤ।

ꠁꠘ꠆ꠎꠤꠟ ১: ꠝꠕꠤ 12:18

ꠢꠥꠘꠅ, ꠀꠝꠤ ꠀꠝꠣꠞ ꠅꠃ ꠉꠥꠟꠣꠝꠞꠦ ꠙꠍꠘ꠆ꠖ ꠇꠞꠍꠤ। ꠄꠁꠘꠃ ꠀꠝꠣꠞ ꠝꠣꠄꠀꠞ ꠎꠘ, ꠔꠣꠘ ꠃꠙꠞꠦ ꠀꠝꠤ ꠈꠥꠛ ꠈꠥꠡꠤ। ꠄꠘ ꠃꠙꠞꠦ ꠀꠝꠤ ꠀꠝꠣꠞ ꠞꠥꠢꠥ ꠖꠤꠝꠥ, ꠢꠇꠟ ꠎꠣꠔꠤꠞ ꠉꠦꠍꠦ ꠔꠣꠁꠘ ꠀꠝꠣꠞ ꠢꠇ ꠛꠤꠌꠣꠞꠞ ꠇꠕꠣ ꠎꠣꠘꠣꠁꠛꠣ।

Injil 2: Markus 12:10

ꠀꠙꠘꠣꠞꠣ ꠀꠟ꠆ꠟꠣꠞ ꠇꠣꠟꠣꠝꠅ ꠙꠠꠍꠂꠘ ꠘꠣ ꠘꠤ, ꠞꠣꠎ ꠝꠦꠡ꠆ꠔꠁꠞ ꠅꠇꠟꠦ ꠎꠦ ꠙꠣꠔ꠆ꠔꠞꠞꠦ ꠛꠦꠇꠣꠝꠣ ꠇꠁꠀ ꠚꠣꠟꠣꠁ ꠖꠤꠍꠤꠟ, ꠅꠇꠐꠣ ꠖꠤꠀꠃ ꠊꠞꠞ ꠁꠀꠘ ꠈꠥꠐꠤ ꠅꠁꠟ।

Injil 3: Luk 20:17

ꠔꠦꠃ ꠁꠍꠣꠄ ꠔꠣꠞꠣꠞ ꠛꠣꠄ ꠌꠣꠁꠀ ꠇꠁꠟꠣ, “ꠔꠦ ꠀꠟ꠆ꠟꠣꠞ ꠇꠣꠟꠣꠝꠅ ꠇꠦꠘꠦ ꠁꠟꠣ ꠟꠦꠈꠣ ꠀꠍꠦ, ꠞꠣꠎ ꠝꠦꠡ꠆ꠔꠁꠞ ꠅꠇꠟꠦ ꠎꠦ ꠙꠣꠔ꠆ꠔꠞꠞꠦ ꠛꠦꠇꠣꠝꠣ ꠇꠁꠀ ꠚꠣꠟꠣꠁ ꠖꠤꠍꠤꠟ, ꠅꠇꠐꠣ ꠖꠤꠀꠃ ꠊꠞꠞ ꠁꠀꠘ ꠈꠥꠐꠤ ꠅꠁꠟ।

Injil 3: Luk 23:35

ꠛꠃꠔ ꠝꠣꠘꠡꠦ ꠃꠛꠣꠁꠀ ꠁꠔꠣ ꠖꠦꠈꠟꠣ, ꠅꠁꠟꠦ ꠔꠣꠞꠣꠞ ꠝꠥꠞꠛ꠆ꠛꠤ ꠅꠇꠟꠦ ꠁꠍꠣꠞꠦ ꠐꠤꠐꠇꠣꠞꠤ ꠝꠣꠞꠤꠀ ꠇꠁꠟꠣ, “ꠢꠦ ꠔ ꠛꠃꠔ ꠝꠣꠘꠡꠞ ꠎꠣꠘ ꠛꠣꠌꠣꠁꠔ, ꠢꠦ ꠎꠥꠖꠤ ꠢꠣꠍꠣꠃ ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠢꠃ ꠀꠟ-ꠝꠍꠤ ꠅꠄ, ꠔꠦ ꠅꠈꠘ ꠔꠣꠞ ꠘꠤꠎꠞ ꠎꠣꠘꠅ ꠛꠣꠌꠣꠃꠇ।”

Injil 4: Hannan 7:38

ꠎꠦ ꠎꠘꠦ ꠀꠝꠣꠞ ꠃꠙꠞꠦ ꠁꠝꠣꠘ ꠀꠘꠦ, ꠙꠣꠇ ꠇꠤꠔꠣꠛꠞ ꠀꠄꠀꠔ ꠝꠣꠚꠤꠇ ꠔꠣꠞ ꠖꠤꠟ ꠕꠣꠇꠤ ꠎꠤꠘ꠆ꠖꠣ ꠙꠣꠘꠤꠞ ꠉꠣꠋ ꠛꠣꠞ ꠅꠁꠛ।”

Injil 5: Sahabi Nama 1:16

“ꠜꠣꠁ ꠅꠇꠟ, ꠁꠍꠣꠞꠦ ꠎꠦꠞꠣ ꠗꠞꠣꠔ ꠀꠁꠍꠤꠟ ꠔꠣꠞꠣꠞꠦ ꠙꠕ ꠌꠤꠘꠣꠁꠀ ꠘꠤꠍꠤꠟ ꠁꠢꠥꠖꠣ, ꠔꠣꠞ ꠛꠦꠙꠣꠞꠦ ꠛꠃꠔ ꠀꠉꠦ ꠖꠣꠃꠖ ꠘꠛꠤꠞ ꠝꠥꠈꠅ ꠙꠣꠇ ꠞꠥꠢꠦ ꠎꠦꠔꠣ ꠇꠁꠍꠟꠣ, ꠙꠣꠇ ꠇꠣꠟꠣꠝꠞ ꠁ ꠇꠕꠣ ꠙꠥꠞꠣ ꠅꠀꠞ ꠖꠞꠇꠣꠞ ꠀꠍꠤꠟ।

Injil 6: Ruman 10:11

ꠀꠟ꠆ꠟꠣꠞ ꠇꠣꠟꠣꠝꠦ ꠛꠣꠔꠣꠄ, “ꠎꠦ ꠎꠘꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠛ, ꠢꠦ ꠇꠥꠘꠥꠝꠘ꠆ꠔꠦꠃ ꠡꠞꠝꠤꠘ꠆ꠖꠣ ꠅꠁꠔ ꠘꠣꠄ।”

Injil 10: Ifisia 1:4

ꠀꠟ꠆ꠟꠣ ꠙꠣꠇꠞ ꠖꠞꠛꠣꠞꠅ ꠀꠝꠞꠣ ꠎꠣꠔꠦ ꠙꠣꠇ-ꠙꠛꠤꠔ꠆ꠞ ꠀꠞ ꠘꠤꠈꠥꠔ ꠅꠁꠔꠣꠝ ꠙꠣꠞꠤ, ꠅꠃ ꠈꠤꠀꠟꠦ ꠔꠣꠁꠘ ꠁ ꠖꠥꠘꠤꠀ ꠙꠄꠖꠣꠞ ꠀꠉꠦꠃ, ꠘꠤꠎꠞ ꠝꠣꠄꠀ-ꠝꠢꠛ꠆ꠛꠔꠦ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠝꠞꠣꠞꠦ ꠙꠍꠘ꠆ꠖ ꠇꠞꠍꠂꠘ।

Injil 10: Ifisia 2:20

ꠍꠣꠢꠣꠛꠤ ꠀꠞ ꠘꠛꠤ ꠅꠇꠟ ꠅꠁꠟꠣ ꠔꠣꠘ ꠊꠞꠞ ꠈꠥꠐꠤ, ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤ ꠅꠁꠟꠣ ꠝꠥꠟ ꠁꠀꠘ ꠈꠥꠐꠤ। ꠅꠃ ꠈꠥꠐꠤꠞ ꠃꠙꠞꠦꠃ ꠔꠥꠝꠞꠣꠞꠦ ꠉꠠꠣ ꠅꠁꠍꠦ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:16

ꠢꠥꠘꠅ, ꠀꠟ꠆ꠟꠣꠞ ꠇꠣꠟꠣꠝꠞ ꠙꠞꠔꠦꠇꠐꠣ ꠢꠞꠚ ꠀꠟ꠆ꠟꠣꠞ ꠉꠦꠍ ꠕꠣꠇꠤꠃ ꠀꠁꠍꠦ। ꠁꠔꠣ ꠔ ꠔꠣꠟꠤꠝ, ꠢꠥꠡꠤꠀꠞꠤ, ꠢꠦꠖꠣꠄꠅꠔ, ꠀꠞ ꠢꠇ ꠎꠤꠘ꠆ꠖꠦꠉꠤ ꠉꠠꠤꠛꠣꠞ ꠈꠥꠞꠣꠇ,

ꠁꠘ꠆ꠎꠤꠟ ২১: ১-ꠙꠤꠔꠞ 2:4

ꠔꠦ ꠔꠥꠝꠞꠣ ꠔꠣꠘ ꠉꠦꠍꠦ ꠀꠅ। ꠔꠣꠁꠘꠃ ꠅꠁꠟꠣ ꠀꠉꠞ ꠘꠛꠤ ꠅꠇꠟꠞ ꠇꠅꠀ ꠢꠃ “ꠎꠤꠘ꠆ꠖꠣ ꠙꠣꠔ꠆ꠔꠞ”, ꠎꠦ ꠙꠣꠔ꠆ꠔꠞꠞꠦ ꠝꠣꠘꠡꠦ ꠖꠣꠝ ꠖꠤꠍꠦ ꠘꠣ, ꠅꠁꠟꠦ ꠀꠟ꠆ꠟꠣꠞ ꠉꠦꠍꠦ ꠁꠇꠐꠣ ꠝꠢꠣ ꠖꠣꠝꠤ ꠀꠞ ꠙꠍꠘ꠆ꠖꠞ ꠙꠣꠔ꠆ꠔꠞ।

ꠁꠘ꠆ꠎꠤꠟ ২১: ১-ꠙꠤꠔꠞ 2:8

ꠀꠞ, ꠁꠇꠐꠣ ꠅꠃꠟꠣ ꠙꠣꠔ꠆ꠔꠞ, ꠎꠦ ꠙꠣꠔ꠆ꠔꠞꠅ ꠝꠣꠘꠡꠦ ꠃꠡ꠆ꠐꠣ ꠈꠣꠁꠛ, ꠔꠣꠞꠣꠞ ꠀꠍꠣꠠ ꠈꠣꠁꠀ ꠙꠠꠣꠞ ꠇꠣꠞꠘ ꠅꠁꠛ। ꠝꠣꠘꠡꠦ ꠀꠟ꠆ꠟꠣꠞ ꠇꠣꠟꠣꠝ ꠝꠣꠘꠦ ꠘꠣ, ꠉꠔꠤꠇꠦꠃ ꠃꠡ꠆ꠐꠣ ꠈꠣꠄ। ꠁꠔꠣ ꠔ ꠔꠣꠞꠣꠞ ꠇꠙꠣꠟꠤ ꠖꠡꠣ।

ꠁꠘ꠆ꠎꠤꠟ ২২: ২-ꠙꠤꠔꠞ 1:20

ꠀꠞ ꠈꠣꠍ ꠇꠞꠤ ꠝꠘꠅ ꠞꠣꠈꠤꠅ, ꠇꠤꠔꠣꠛꠞ ꠝꠣꠎꠞ ꠇꠥꠘꠥ ꠇꠕꠣ ꠘꠛꠤ ꠅꠇꠟꠞ ꠝꠘꠉꠠꠣ ꠘꠣꠄ।

ꠁꠘ꠆ꠎꠤꠟ ২২: ২-ꠙꠤꠔꠞ 3:16

ꠔꠣꠘ ꠢꠇ꠆ꠇꠟ ꠌꠤꠑꠤꠔꠃ ꠅꠃ ꠛꠦꠙꠣꠞꠦ ꠟꠦꠈꠂꠘ। ꠄꠞ ꠝꠣꠎꠦ ꠇꠤꠍꠥ ꠛꠦꠙꠣꠞ ꠀꠍꠦ ꠎꠦꠔꠣ ꠛꠥꠎꠣ ꠇꠑꠤꠘ, ꠈꠣꠟꠤ ꠛꠦꠀꠈꠟ ꠀꠞ ꠛꠦꠖꠤꠡꠣ ꠎꠘꠦ ꠅꠁꠘ꠆ꠘꠣꠁꠘ꠆ꠘ ꠇꠤꠔꠣꠛꠞ ꠟꠣꠈꠣꠘ ꠁꠔꠣꠞ ꠝꠣꠘꠤꠅ ꠛꠖꠟꠣꠁꠀ, ꠘꠤꠎꠞ ꠡꠞ꠆ꠛꠘꠣꠡ ꠒꠣꠇꠤꠀ ꠀꠘꠦ।