ꠁꠘ꠆ꠎꠤꠟ ২১: ১-ꠙꠤꠔꠞ 2:5 - Siloṭi Asmani Kitab (Nagri lipi)

⁵ ꠀꠞ ꠔꠥꠝꠞꠣ ꠔꠣꠘ ꠔꠞꠤꠇꠣ ꠇꠛꠥꠟ ꠇꠞꠣꠄ, ꠔꠥꠝꠞꠣꠞꠦꠅ ꠎꠤꠘ꠆ꠖꠣ ꠙꠣꠔ꠆ꠔꠞꠞ ꠟꠣꠈꠣꠘ ꠀꠟ꠆ꠟꠣ ꠙꠣꠇ ꠞꠁꠛꠣꠞ ꠙꠛꠤꠔ꠆ꠞ ꠇꠣꠛꠣ ꠊꠞ ꠛꠣꠘꠣꠘꠤ ꠅꠞ। ꠄꠞꠟꠣꠉꠤ ꠀꠟ꠆ꠟꠣꠁ ꠁꠝꠣꠝ ꠍꠣꠛ ꠢꠤꠡꠣꠛꠦ ꠔꠥꠝꠞꠣꠞꠦ ꠀꠟꠣꠖꠣ ꠇꠞꠤ ꠞꠣꠈꠣ ꠅꠁꠍꠦ, ꠎꠣꠔꠦ ꠔꠥꠝꠞꠣ ꠅꠃꠟꠣ ꠞꠥꠢꠣꠘꠤ ꠇꠥꠞꠛꠣꠘꠤ ꠖꠦꠅ, ꠎꠦꠔꠣ ꠁꠍꠣ ꠀꠟ-ꠝꠍꠤꠞ ꠈꠣꠔꠤꠞꠦ ꠀꠟ꠆ꠟꠣꠄ ꠇꠛꠥꠟ ꠇꠞꠂꠘ।

ছিলটি আছমানি কিতাব (বাংলা লিপি)

⁵ আর তুমরা তান তরিকা কবুল করায়, তুমরারেও জিন্দা পাথরর লাখান আল্লা পাক রইবার পবিত্র কাবা ঘর বানানি অর। এরলাগি আল্লাই ইমাম ছাব হিসাবে তুমরারে আলাদা করি রাখা অইছে, যাতে তুমরা অউলা রুহানি কুরবানি দেও, যেতা ইছা আল-মসীর খাতিরে আল্লায় কবুল করইন।

Siloṭi Asmani Kitab (Latin lipi)

⁵ Ar tumra tan torika kobul ḳorae, tumrare-o zinda fattoror laḳan Alla Pak roibar fobitro Kaba gor banani or. Erlagi Allai imam sab hishabe tumrare alada ḳori raḳa oise, zate tumra oula ruhani kurbani deo, zeta Isa al-Mosir ḳatire Allae kobul ḳoroin.

ꠁꠘ꠆ꠎꠤꠟ ২১: ১-ꠙꠤꠔꠞ 2:5 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 19:6

ꠔꠥꠝꠞꠣꠞꠦ ꠖꠤꠀꠃ ꠇꠣꠁꠝ ꠅꠁꠛ ꠀꠝꠣꠞ ꠁꠝꠣꠝ ꠅꠇꠟꠞ ꠛꠣꠖꠡꠣꠁ, ꠔꠥꠝꠞꠣꠃ ꠅꠁꠛꠣꠄ ꠀꠝꠣꠞ ꠙꠛꠤꠔ꠆ꠞ ꠎꠣꠔꠤ। ꠔꠦ ꠀꠝꠣꠞ ꠅꠃ ꠛꠥꠟꠤ ꠈꠣꠘꠣꠁꠘ ꠔꠥꠝꠤ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠅ।”

Injil 6: Ruman 12:1

ꠄꠞꠟꠣꠉꠤ ꠅ ꠜꠣꠁ ꠅꠇꠟ, ꠀꠟ꠆ꠟꠣꠄ ꠔꠥꠝꠞꠣꠞꠦ ꠅꠟꠣ ꠝꠦꠢꠦꠞꠛꠣꠘꠤ ꠇꠞꠣꠄ, ꠀꠝꠤ ꠔꠥꠝꠞꠣꠞꠦ ꠈꠣꠍ ꠝꠤꠘꠔꠤ ꠇꠞꠤꠀꠞ, ꠔꠥꠝꠞꠣ ꠎꠣꠞꠎꠤꠞ ꠡꠞꠤꠟꠞꠦ ꠀꠟ꠆ꠟꠣꠞ ꠀꠔꠅ ꠡꠙꠤ ꠖꠦꠅ, ꠁꠟꠣ ꠎꠤꠘ꠆ꠖꠣ ꠙꠛꠤꠔ꠆ꠞ ꠇꠥꠞꠛꠣꠘꠤ ꠀꠟ꠆ꠟꠣꠞ ꠖꠞꠛꠣꠞꠅ ꠇꠛꠥꠟ ꠅꠄ, ꠅꠇꠐꠣꠃ ꠅꠁꠛ ꠔꠥꠝꠞꠣꠞ ꠍꠢꠤ-ꠡꠥꠖ꠆ꠖ ꠄꠛꠣꠖꠔ।

Injil 6: Ruman 15:16

ꠁꠍꠣ ꠀꠟ-ꠝꠍꠤꠞ ꠈꠣꠖꠤꠝ ꠢꠤꠡꠣꠛꠦ ꠀꠟ꠆ꠟꠣꠄ ꠀꠝꠣꠞꠦ ꠔꠥꠝꠞꠣꠞ ꠟꠣꠈꠣꠘ ꠜꠤꠘ ꠎꠣꠔꠤ ꠅꠇꠟꠞ ꠉꠦꠍꠦ ꠙꠣꠑꠣꠁꠍꠂꠘ। ꠄꠞꠟꠣꠉꠤꠃ ꠔꠣꠘ ꠖꠦꠅꠀ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠝꠣꠎꠖꠤ ꠀꠝꠤ ꠁꠝꠣꠝꠔꠤꠞ ꠇꠣꠝ ꠇꠞꠤꠀꠞ, ꠎꠣꠔꠦ ꠅꠃ ꠜꠤꠘ ꠎꠣꠔꠤ ꠅꠇꠟ ꠀꠟ꠆ꠟꠣꠞ ꠙꠣꠇ ꠞꠥꠢꠦ ꠙꠛꠤꠔ꠆ꠞ ꠅꠁꠀ ꠔꠣꠘ ꠖꠞꠛꠣꠞꠅ ꠇꠛꠥꠟ ꠅꠀꠞ ꠎꠥꠇꠣ ꠇꠥꠞꠛꠣꠘꠤ ꠅꠁꠘ।

Injil 7: 1-Korintia 3:16

ꠔꠥꠝꠞꠣ ꠎꠣꠘ ꠘꠣ ꠘꠤ, ꠔꠥꠝꠞꠣ ꠅꠁꠟꠣꠄ ꠀꠟ꠆ꠟꠣꠞ ꠇꠣꠛꠣ ꠊꠞ, ꠔꠥꠝꠞꠣꠞ ꠝꠣꠎꠦ ꠔꠣꠘ ꠙꠣꠇ ꠞꠥꠢꠥ ꠛꠡꠔ ꠇꠞꠂꠘ?

Injil 7: 1-Korintia 3:9

ꠅꠁꠟꠦ ꠀꠝꠞꠣ ꠖꠥꠁꠅꠎꠘꠦꠃ ꠀꠟ꠆ꠟꠣꠞ ꠇꠣꠝ ꠇꠞꠤꠀꠞ। ꠔꠥꠝꠞꠣ ꠀꠟ꠆ꠟꠣꠞꠃ ꠈꠦꠔ, ꠔꠣꠘ ꠛꠣꠘꠣꠁꠟ ꠛꠤꠟꠒꠤꠋ।

Injil 7: 1-Korintia 6:19

ꠔꠥꠝꠞꠣ ꠛꠥꠎ ꠘꠣ ꠘꠤ, ꠔꠥꠝꠞꠣꠞ ꠡꠞꠤꠟ ꠅꠁꠟ ꠀꠟ꠆ꠟꠣꠁ ꠙꠣꠇ ꠞꠥꠢꠥꠞ ꠇꠣꠛꠣ ꠊꠞ, ꠅꠃ ꠞꠥꠢꠥꠞꠦ ꠔꠥꠝꠞꠣ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠙꠣꠁꠍ, ꠄꠁꠘ ꠔꠥꠝꠞꠣꠞ ꠖꠤꠟꠅ ꠛꠡꠔ ꠇꠞꠂꠘ। ꠔꠥꠝꠣꠞ ꠡꠞꠤꠟ ꠔ ꠔꠥꠝꠣꠞ ꠘꠤꠎꠞ ꠡꠝ꠆ꠙꠖ ꠘꠣꠄ।

Injil 8: 2-Korintia 6:16

ꠎꠣꠘ ꠔ, ꠙꠣꠇ ꠇꠣꠟꠣꠝꠅ ꠀꠟ꠆ꠟꠣꠄ ꠇꠁꠞꠣ, ꠀꠝꠤ ꠔꠣꠞꠣꠞ ꠜꠤꠔꠞꠦ ꠛꠡꠔ ꠇꠞꠝꠥ, ꠔꠣꠞꠣꠞ ꠟꠉꠦꠃ ꠌꠟꠣ-ꠚꠤꠞꠣ ꠇꠞꠝꠥ। ꠀꠝꠤ ꠅꠁꠝꠥ ꠔꠣꠞꠣꠞ ꠀꠟ꠆ꠟꠣ, ꠔꠣꠞꠣ ꠅꠁꠛꠣ ꠀꠝꠣꠞ ꠙ꠆ꠞꠎꠣ। ꠔꠦ ꠀꠝꠞꠣꠃ ꠅꠁꠟꠣꠝ ꠎꠤꠘ꠆ꠖꠣ ꠀꠟ꠆ꠟꠣꠞ ꠛꠡꠔ ꠈꠣꠘꠣ। ꠀꠟ꠆ꠟꠣꠞ ꠇꠣꠛꠣ ꠊꠞꠞ ꠜꠤꠔꠞꠦ ꠝꠥꠞ꠆ꠔꠤꠞ ꠇꠥꠘꠥ ꠎꠣꠉꠣ ꠀꠍꠦ ꠘꠤ?

Injil 9: Galatia 6:10

ꠡꠥꠎꠥꠉ ꠙꠣꠁꠟꠦꠃ ꠀꠝꠞꠣ ꠎꠣꠘꠥ ꠢꠇꠟ ꠝꠣꠘꠡꠞ, ꠈꠣꠍ ꠇꠞꠤ ꠀꠟ꠆ꠟꠣꠞ ꠙꠞꠤꠛꠣꠞꠞ ꠝꠣꠘꠡꠞ ꠀꠍꠣꠘ ꠇꠞꠤ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:2

ꠔꠣꠞꠣ ꠘꠤꠎꠞ ꠛꠘꠤ ꠁꠍꠞꠣꠁꠟꠞ ꠎꠣꠔꠤꠞ ꠜꠣꠁꠀꠁꠘ꠆ꠔꠞ ꠟꠣꠈꠣꠘ ꠇꠥꠘꠥ ꠎꠝꠤ-ꠝꠤꠞꠣꠡ ꠙꠣꠁꠔꠣ ꠘꠣꠄ। ꠡ꠆ꠛꠄꠅꠋ ꠀꠟ꠆ꠟꠣ ꠝꠣꠛꠥꠖꠃ ꠔꠣꠞꠣꠞ ꠝꠤꠞꠣꠡ, ꠔꠣꠁꠘ ꠘꠤꠎꠦꠅ ꠔꠣꠞꠣꠞꠦ ꠁ ꠅꠀꠖꠣ ꠖꠤꠍꠂꠘ।

Injil 11: Filifia 1:11

ꠔꠣꠘ ꠛꠟꠦ ꠔꠥꠝꠞꠣ ꠘꠦꠇ ꠇꠣꠝ-ꠇꠣꠎ ꠇꠞꠤꠀ ꠈꠣꠐꠤ ꠙꠕꠦ ꠘꠤꠈꠥꠔ ꠅꠁꠀ ꠞꠁꠛꠣꠄ। ꠔꠦꠃ ꠀꠟ꠆ꠟꠣ ꠙꠣꠇꠞ ꠉꠃꠞꠛ ꠀꠞ ꠔꠣꠞꠤꠚ ꠎꠣꠁꠞ ꠅꠁꠛ।

Injil 11: Filifia 2:17

ꠢꠥꠘꠅ, ꠎꠦ ꠁꠝꠣꠘꠞ ꠇꠥꠞꠛꠣꠘꠤꠞ ꠝꠣꠎꠖꠤ ꠔꠥꠝꠞꠣ ꠀꠟ꠆ꠟꠣꠞ ꠄꠛꠣꠖꠔ ꠇꠞꠞꠣꠄ, ꠄꠞ ꠃꠙꠞꠦ ꠎꠥꠖꠤ ꠀꠝꠣꠞ ꠘꠤꠎꠞ ꠟꠃꠞꠦ ꠇꠥꠞꠛꠣꠘꠤ ꠢꠤꠡꠣꠛꠦ ꠓꠣꠟꠤ ꠖꠦꠅꠀ ꠅꠄ, ꠔꠣ-ꠅ ꠀꠝꠤ ꠈꠥꠡ ꠀꠍꠤ, ꠔꠥꠝꠞꠣꠞꠦ ꠟꠁꠀ ꠈꠥꠡꠤ ꠇꠞꠞꠣꠝ।

Injil 11: Filifia 4:18

ꠀꠝꠣꠞ ꠢꠇꠟ ꠙꠣꠅꠘꠣꠃ ꠀꠝꠤ ꠙꠣꠁꠟꠤꠍꠤ। ꠀꠍꠟꠦ ꠀꠝꠣꠞ ꠎꠔꠈꠣꠘ ꠎꠞꠥꠞ, ꠄꠞ ꠌꠣꠁꠔꠦꠅ ꠛꠦꠡꠤ ꠀꠍꠦ। ꠃꠍꠣꠁꠖ ꠜꠣꠁꠞ ꠀꠔ ꠕꠣꠇꠤ ꠔꠥꠝꠞꠣꠞ ꠃꠙꠢꠣꠞ ꠙꠣꠁꠀ ꠅꠈꠘ ꠀꠝꠣꠞ ꠛꠃꠔ ꠅꠁꠍꠦ। ꠅꠃ ꠃꠙꠢꠣꠞ ꠔ ꠀꠟ꠆ꠟꠣꠁ ꠈꠥꠡꠛꠄ ꠀꠟꠣ, ꠀꠟ꠆ꠟꠣꠞ ꠖꠞꠛꠣꠞꠅ ꠇꠛꠥꠟ ꠅꠀꠞ ꠎꠥꠇꠣ ꠇꠥꠞꠛꠣꠘꠤ। ꠀꠟ꠆ꠟꠣ ꠙꠣꠇ ꠁꠔꠣꠄ ꠈꠥꠡꠤ ꠅꠁꠘ।

Injil 12: Kolosia 3:17

ꠔꠥꠝꠞꠣ ꠝꠥꠈꠖꠤ ꠎꠦꠔꠣ ꠝꠣꠔ ꠀꠞ ꠡꠞꠤꠟ ꠖꠤꠀ ꠎꠔꠔꠣ ꠇꠞ, ꠁꠔꠣ ꠢꠎꠞꠔ ꠁꠍꠣꠞ ꠘꠣꠝꠦ ꠇꠞꠅ, ꠔꠣꠘ ꠃꠍꠤꠟ꠆ꠟꠣ ꠟꠁꠀ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠡꠥꠇꠞꠤꠀ ꠎꠣꠘꠣꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:15

ꠎꠥꠖꠤ ꠇꠥꠘꠥ ꠇꠣꠞꠘꠦ ꠀꠝꠣꠞ ꠀꠁꠔꠦ ꠖꠦꠞꠤ ꠅꠁꠎꠣꠄ, ꠔꠦ ꠁ ꠟꠦꠈꠣ ꠙꠠꠟꠦ ꠔꠥꠝꠤ ꠛꠥꠎꠛꠣꠄ, ꠀꠟ꠆ꠟꠣꠞ ꠙꠞꠤꠛꠣꠞꠞ ꠝꠣꠘꠡꠞ ꠌꠣꠟ-ꠌꠟꠘ ꠇꠤꠟꠣ ꠅꠁꠔ। ꠁ ꠙꠞꠤꠛꠣꠞ ꠔ ꠎꠤꠘ꠆ꠖꠣ ꠀꠟ꠆ꠟꠣꠞ ꠎꠝꠣꠔ, ꠀꠟ꠆ꠟꠣꠁ ꠢꠇꠤꠇꠔꠞ ꠜꠤꠔ ꠀꠞ ꠁꠀꠘ ꠈꠥꠐꠤ।

Injil 19: Ibrani 3:6

ꠅꠁꠟꠦ ꠀꠟ-ꠝꠍꠤ ꠔ ꠀꠟ꠆ꠟꠣꠞ ꠊꠞ-ꠡꠋꠡꠣꠞꠞ ꠎꠤꠝ꠆ꠝꠣꠖꠣꠞ ꠢꠤꠡꠣꠛꠦ ꠘꠤꠞꠜꠞ ꠇꠞꠣꠞ ꠎꠥꠇꠣ ꠙꠥꠔꠞ ꠟꠣꠈꠣꠘ ꠀꠍꠟꠣ। ꠅꠈꠘ ꠀꠝꠞꠣꠅ ꠎꠥꠖꠤ ꠎꠣꠞꠎꠤꠞ ꠖꠤꠟꠞ ꠀꠡꠣ ꠀꠞ ꠢꠤꠝ꠆ꠝꠔ ꠞꠣꠈꠤꠀ ꠝꠃꠔ ꠙꠞ꠆ꠎꠘ꠆ꠔ ꠇꠣꠁꠝ ꠞꠁ, ꠔꠦ ꠖꠦꠈꠣ ꠎꠣꠁꠛ ꠎꠦꠘ, ꠀꠝꠞꠣꠅ ꠀꠟ꠆ꠟꠣꠞ ꠊꠞ-ꠡꠋꠡꠣꠞꠞ ꠜꠣꠉꠤ ꠅꠁꠍꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 2:9

ꠅꠁꠟꠦ ꠔꠥꠝꠞꠣ ꠔ ꠁꠟꠣ ꠘꠣꠄ, ꠔꠥꠝꠞꠣ ꠅꠁꠟꠣꠄ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠈꠣꠘ꠆ꠖꠣꠘ, ꠛꠣꠖꠡꠣꠁ ꠁꠝꠣꠝꠞ ꠖꠟ, ꠙꠛꠤꠔ꠆ꠞ ꠎꠣꠔꠤ, ꠔꠣꠘ ꠀꠙꠘ ꠙ꠆ꠞꠎꠣ। ꠔꠣꠁꠘ ꠔꠥꠝꠞꠣꠞꠦ ꠀꠘ꠆ꠖꠣꠁꠞ ꠕꠣꠇꠤ ꠘꠤꠎꠞ ꠘꠥꠞꠞ ꠚꠞꠅ ꠖꠣꠅꠔ ꠇꠞꠤ ꠀꠘꠍꠂꠘ, ꠔꠣꠘ ꠉꠥꠘꠉꠣꠘ ꠇꠞꠣꠞ ꠟꠣꠉꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 4:11

ꠇꠦꠃ ꠎꠥꠖꠤ ꠔꠛꠟꠤꠉ ꠇꠞꠂꠘ, ꠔꠦ ꠅꠃ ꠟꠣꠈꠣꠘ ꠇꠞꠃꠇ꠆ꠇꠣ ꠎꠣꠔꠦ ꠛꠥꠎꠣ ꠎꠣꠄ, ꠁꠔꠣ ꠀꠟ꠆ꠟꠣꠁ ꠛꠥꠟꠤ। ꠀꠞ ꠎꠦꠁꠘ ꠈꠦꠎꠝꠔ ꠇꠞꠂꠘ, ꠄꠁꠘ ꠀꠟ꠆ꠟꠣꠞ ꠖꠦꠅꠀ ꠛꠟ-ꠡꠇ꠆ꠔꠤꠄ ꠈꠦꠎꠝꠔ ꠇꠞꠃꠇ꠆ꠇꠣ, ꠎꠣꠔꠦ ꠢꠇ꠆ꠇꠟꠔꠣꠔꠃ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠟ꠆ꠟꠣꠞ ꠔꠣꠞꠤꠚ ꠅꠄ। ꠔꠣꠞꠤꠚ ꠀꠞ ꠇꠥꠖꠞꠔꠤ ꠈꠦꠝꠔꠣ ꠢꠞ-ꠢꠣꠝꠦꠡꠣ ꠔꠣꠘꠃ। ꠀꠝꠤꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 4:17

ꠛꠤꠌꠣꠞꠞ ꠡꠝꠄ ꠀꠁꠌ꠆ꠍꠦ, ꠀꠞ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦꠖꠤꠃ ꠛꠤꠌꠣꠞ ꠡꠥꠞꠥ ꠅꠁꠛ। ꠁꠔꠣ ꠎꠥꠖꠤ ꠀꠝꠞꠣꠞ ꠝꠣꠎ ꠕꠣꠇꠤꠃ ꠡꠥꠞꠥ ꠅꠄ, ꠔꠦ ꠎꠦꠞꠣ ꠀꠟ꠆ꠟꠣꠞ ꠈꠥꠡ-ꠈꠛꠞꠤ ꠝꠣꠘꠍꠦ ꠘꠣ, ꠔꠣꠞꠣꠞ ꠖꠡꠣ ꠇꠤꠟꠣꠘ ꠅꠁꠛ?

Injil 27: Zaira Kalam 1:6

ꠔꠣꠁꠘ ꠀꠝꠞꠣꠞꠦ ꠟꠁꠀ ꠄꠇ ꠛꠣꠖꠡꠣꠁ ꠔꠤꠀꠞ ꠇꠞꠤꠀ, ꠔꠣꠘ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠄꠛꠣꠖꠔꠤꠞ ꠟꠣꠉꠤ ꠁꠝꠣꠝ ꠛꠣꠘꠣꠁꠍꠂꠘ। ꠔꠣꠘ ꠝꠢꠤꠝꠣ ꠀꠞ ꠇꠥꠖꠞꠔꠤ ꠛꠟ ꠢꠞ-ꠢꠣꠝꠦꠡꠣ ꠛꠅꠀꠁꠟ ꠞꠃꠇ। ꠀꠝꠤꠘ।

Injil 27: Zaira Kalam 3:12

ꠎꠦ ꠎꠘ ꠎꠄꠁ ꠅꠁꠛ, ꠔꠣꠞꠦ ꠀꠝꠤ ꠀꠝꠣꠞ ꠀꠟ꠆ꠟꠣꠞ ꠊꠞꠞ ꠄꠇꠐꠣ ꠈꠥꠐꠤ ꠛꠣꠘꠣꠁꠝꠥ, ꠢꠦ ꠀꠞ ꠇꠥꠘꠥꠖꠤꠘ ꠛꠣꠞ ꠅꠁꠀ ꠎꠣꠁꠔ ꠘꠣꠄ। ꠀꠝꠤ ꠔꠣꠞ ꠃꠙꠞꠦ ꠀꠝꠣꠞ ꠀꠟ꠆ꠟꠣꠞ ꠘꠣꠝ ꠀꠞ ꠀꠟ꠆ꠟꠣꠞ ꠐꠣꠃꠘꠞ ꠘꠣꠝꠅ ꠟꠦꠈꠝꠥ। ꠢꠃ ꠐꠣꠃꠘ ꠅꠁꠟꠉꠤ ꠘꠄꠀ ꠎꠦꠞꠥꠎꠣꠟꠦꠝ। ꠛꠦꠢꠦꠡ꠆ꠔꠞ ꠝꠣꠎ ꠕꠣꠇꠤ, ꠀꠝꠣꠞ ꠀꠟ꠆ꠟꠣꠞ ꠗꠣꠞꠅ ꠕꠣꠇꠤ ꠢꠃ ꠐꠣꠃꠘ ꠟꠣꠝꠤꠀ ꠀꠁꠛ। ꠀꠞ ꠎꠦ ꠎꠘ ꠎꠄꠁ ꠅꠁꠛ, ꠔꠣꠞ ꠃꠙꠞꠦ ꠀꠝꠤ ꠀꠝꠣꠞ ꠘꠄꠀ ꠘꠣꠝꠈꠣꠘꠅ ꠟꠦꠈꠝꠥ।

Injil 27: Zaira Kalam 5:10

ꠄꠞꠣꠞꠦ ꠟꠁꠀ ꠔꠥꠝꠤ ꠄꠇ ꠛꠣꠖꠡꠣꠁ ꠇꠣꠁꠝ ꠇꠞꠍ, ꠀꠝꠞꠣꠞ ꠀꠟ꠆ꠟꠣꠞ ꠄꠛꠣꠖꠔꠤꠞ ꠟꠣꠉꠤ ꠁꠝꠣꠝ ꠛꠣꠘꠣꠁꠍ, ꠄꠞꠣꠃ ꠀꠡ꠆ꠔꠣ ꠎꠉꠔꠅ ꠛꠣꠖꠡꠣꠁ ꠇꠞꠛꠣ।”