ꠁꠘ꠆ꠎꠤꠟ ২১: ১-ꠙꠤꠔꠞ 2:4 - Siloṭi Asmani Kitab (Nagri lipi)

⁴ ꠔꠦ ꠔꠥꠝꠞꠣ ꠔꠣꠘ ꠉꠦꠍꠦ ꠀꠅ। ꠔꠣꠁꠘꠃ ꠅꠁꠟꠣ ꠀꠉꠞ ꠘꠛꠤ ꠅꠇꠟꠞ ꠇꠅꠀ ꠢꠃ “ꠎꠤꠘ꠆ꠖꠣ ꠙꠣꠔ꠆ꠔꠞ”, ꠎꠦ ꠙꠣꠔ꠆ꠔꠞꠞꠦ ꠝꠣꠘꠡꠦ ꠖꠣꠝ ꠖꠤꠍꠦ ꠘꠣ, ꠅꠁꠟꠦ ꠀꠟ꠆ꠟꠣꠞ ꠉꠦꠍꠦ ꠁꠇꠐꠣ ꠝꠢꠣ ꠖꠣꠝꠤ ꠀꠞ ꠙꠍꠘ꠆ꠖꠞ ꠙꠣꠔ꠆ꠔꠞ।

ছিলটি আছমানি কিতাব (বাংলা লিপি)

⁴ তে তুমরা তান গেছে আও। তাইনউ অইলা আগর নবী অকলর কওয়া হউ “জিন্দা পাথর”, যে পাথররে মানষে দাম দিছে না, অইলে আল্লার গেছে ইকটা মহা দামি আর পছন্দর পাথর।

Siloṭi Asmani Kitab (Latin lipi)

⁴ Te tumra tan gese ao. Tain-u oila agor nobi oḳlor ḳoa hou “zinda fattor”, ze fattorre manshe dam dise na, oile Allar gese ikṭa moha dami ar fosondor fattor.

ꠁꠘ꠆ꠎꠤꠟ ২১: ১-ꠙꠤꠔꠞ 2:4 Iomraidhean Croise

ꠁꠘ꠆ꠎꠤꠟ ১: ꠝꠕꠤ 11:28

“ꠜꠣꠞ-ꠛꠥꠏꠣ ꠛꠁꠔꠦ ꠛꠁꠔꠦ ꠔꠥꠝꠞꠣ ꠎꠦꠞꠣ ꠢꠦꠞꠣꠘ ꠅꠁꠉꠦꠍ, ꠔꠥꠝꠞꠣ ꠢꠇꠟ ꠀꠝꠣꠞ ꠉꠦꠍꠦ ꠀꠅ, ꠀꠝꠤ ꠔꠥꠝꠞꠣꠞꠦ ꠀꠞꠣꠝ ꠖꠤꠝꠥ।

ꠁꠘ꠆ꠎꠤꠟ ১: ꠝꠕꠤ 12:18

ꠢꠥꠘꠅ, ꠀꠝꠤ ꠀꠝꠣꠞ ꠅꠃ ꠉꠥꠟꠣꠝꠞꠦ ꠙꠍꠘ꠆ꠖ ꠇꠞꠍꠤ। ꠄꠁꠘꠃ ꠀꠝꠣꠞ ꠝꠣꠄꠀꠞ ꠎꠘ, ꠔꠣꠘ ꠃꠙꠞꠦ ꠀꠝꠤ ꠈꠥꠛ ꠈꠥꠡꠤ। ꠄꠘ ꠃꠙꠞꠦ ꠀꠝꠤ ꠀꠝꠣꠞ ꠞꠥꠢꠥ ꠖꠤꠝꠥ, ꠢꠇꠟ ꠎꠣꠔꠤꠞ ꠉꠦꠍꠦ ꠔꠣꠁꠘ ꠀꠝꠣꠞ ꠢꠇ ꠛꠤꠌꠣꠞꠞ ꠇꠕꠣ ꠎꠣꠘꠣꠁꠛꠣ।

ꠁꠘ꠆ꠎꠤꠟ ১: ꠝꠕꠤ 21:42

ꠢꠎꠞꠔ ꠁꠍꠣꠄ ꠇꠁꠟꠣ, “ꠀꠙꠘꠣꠞꠣ ꠀꠟ꠆ꠟꠣꠞ ꠇꠣꠟꠣꠝꠅ ꠙꠠꠍꠂꠘ ꠘꠣ ꠘꠤ, ꠞꠣꠎ ꠝꠦꠡ꠆ꠔꠁꠞ ꠅꠇꠟꠦ ꠎꠦ ꠙꠣꠔ꠆ꠔꠞꠞꠦ ꠛꠦꠇꠣꠝꠣ ꠇꠁꠀ ꠚꠣꠟꠣꠁ ꠖꠤꠍꠤꠟ, ꠅꠇꠐꠣ ꠖꠤꠀꠃ ꠊꠞꠞ ꠁꠀꠘ ꠈꠥꠐꠤ ꠅꠁꠟ। ꠝꠣꠛꠥꠖꠦ ꠘꠤꠎꠦꠃ ꠁꠔꠣ ꠅꠀꠁꠟꠣ, ꠁꠔꠣ ꠖꠦꠈꠤꠀ ꠔ ꠀꠝꠞꠣꠞ ꠔꠣꠁꠎ꠆ꠎꠥꠛꠤ ꠟꠣꠉꠦꠞ।

Injil 4: Hannan 14:19

ꠕꠥꠠꠣ ꠛꠣꠖꠦ ꠖꠥꠘꠤꠀꠞ ꠝꠣꠘꠡꠦ ꠀꠝꠣꠞꠦ ꠀꠞ ꠖꠦꠈꠔ ꠘꠣꠄ, ꠅꠁꠟꠦ ꠔꠥꠝꠞꠣ ꠖꠦꠈꠛꠣꠄ। ꠀꠝꠤ ꠎꠤꠘ꠆ꠖꠣ ꠀꠍꠤ ꠉꠔꠤꠇꠦ ꠔꠥꠝꠞꠣꠅ ꠎꠤꠘ꠆ꠖꠣ ꠞꠁꠛꠣꠄ।

Injil 4: Hannan 14:6

ꠁꠍꠣꠄ ꠇꠁꠟꠣ, “ꠀꠝꠤꠃ ꠙꠕ, ꠀꠝꠤꠃ ꠢꠇ ꠀꠞ ꠀꠝꠤꠃ ꠎꠤꠘ꠆ꠖꠦꠉꠤ। ꠀꠝꠣꠞ ꠃꠍꠤꠟ꠆ꠟꠣ ꠍꠣꠠꠣ ꠇꠥꠘꠥ ꠝꠣꠘꠥꠡꠃ ꠉꠣꠁꠛꠤ ꠛꠣꠚꠞ ꠉꠦꠍꠦ ꠎꠣꠁꠔ ꠙꠣꠞꠦ ꠘꠣ।

Injil 4: Hannan 5:26

ꠁꠔꠣꠞ ꠇꠣꠞꠘ ꠅꠁꠟ, ꠛꠣꠚ ꠘꠤꠎꠦ ꠎꠦꠟꠣ ꠎꠤꠘ꠆ꠖꠦꠉꠤꠞ ꠝꠣꠟꠤꠇ, ꠔꠣꠘ ꠙꠥꠔꠞꠦꠅ ꠅꠃꠟꠣ ꠎꠤꠘ꠆ꠖꠦꠉꠤꠞ ꠝꠣꠟꠤꠇꠣꠘꠣ ꠖꠤꠍꠂꠘ।

Injil 4: Hannan 5:40

ꠄꠞꠛꠣꠖꠦꠅ ꠀꠙꠘꠣꠞꠣ ꠎꠤꠘ꠆ꠖꠦꠉꠤ ꠙꠣꠅꠀꠞ ꠟꠣꠉꠤ ꠀꠝꠣꠞ ꠉꠦꠍꠦ ꠀꠁꠔꠣ ꠌꠣꠁꠘ ꠘꠣ।

Injil 4: Hannan 6:37

ꠀꠝꠣꠞ ꠉꠣꠁꠛꠤ ꠛꠣꠚꠦ ꠎꠦꠞꠣꠞꠦ ꠀꠝꠣꠞ ꠀꠔꠅ ꠖꠦꠁꠘ, ꠔꠣꠞꠣ ꠢꠇꠟꠃ ꠀꠝꠣꠞ ꠉꠦꠍꠦ ꠀꠁꠛ। ꠎꠦ ꠎꠘ ꠀꠝꠣꠞ ꠉꠦꠍꠦ ꠀꠄ, ꠀꠝꠤ ꠇꠥꠘꠥꠝꠘ꠆ꠔꠦꠃ ꠔꠣꠞꠦ ꠛꠣꠞꠦ ꠚꠣꠟꠣꠁꠔꠣꠝ ꠘꠣꠄ।

Injil 4: Hannan 6:57

ꠎꠦꠟꠣ ꠀꠝꠣꠞ ꠉꠣꠁꠛꠤ ꠎꠤꠘ꠆ꠖꠣ ꠛꠣꠚꠦ ꠀꠝꠣꠞꠦ ꠙꠣꠑꠣꠁꠍꠂꠘ, ꠄꠞꠟꠣꠉꠤꠃ ꠀꠝꠤꠅ ꠎꠤꠘ꠆ꠖꠣ ꠀꠍꠤ। ꠅꠃꠟꠣ ꠎꠦ ꠎꠘꠦ ꠀꠝꠣꠞꠦ ꠈꠣꠄ, ꠢꠦ-ꠅ ꠀꠝꠣꠞ ꠟꠣꠉꠤ ꠎꠤꠘ꠆ꠖꠣ ꠞꠁꠛ।

Injil 6: Ruman 5:10

ꠀꠝꠞꠣ ꠀꠉꠦ ꠀꠟ꠆ꠟꠣꠞ ꠖꠥꠡꠝꠘ ꠀꠍꠟꠣꠝ, ꠢꠃ ꠡꠝꠄ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞ ꠝꠃꠔꠞ ꠃꠍꠤꠟ꠆ꠟꠣꠄ, ꠔꠣꠘ ꠟꠉꠦ ꠀꠝꠞꠣꠞ ꠝꠤꠟꠘ ꠅꠁꠍꠦ। ꠔꠦ ꠔ ꠀꠟ-ꠝꠍꠤꠞ ꠎꠤꠘ꠆ꠖꠣ ꠅꠁꠀ ꠃꠑꠣꠞ ꠝꠣꠎꠖꠤ ꠅꠈꠘ ꠀꠞꠅ ꠛꠦꠡꠤ ꠘꠤꠌ꠆ꠌꠤꠔ, ꠀꠝꠞꠣ ꠘꠣꠎꠣꠔ ꠙꠣꠁꠝꠥ।

Injil 7: 1-Korintia 3:11

ꠎꠦ ꠁꠀꠘ ꠈꠥꠐꠤ ꠀꠉꠦꠃ ꠉꠣꠠꠣ ꠅꠁꠉꠦꠍꠦ, ꠝꠣꠟꠤꠇ ꠁꠍꠣ ꠀꠟ-ꠝꠍꠤꠃ ꠅꠁꠟꠣ ꠢꠃ ꠈꠥꠐꠤ, ꠁꠇꠐꠣ ꠛꠣꠖ ꠖꠤꠀ ꠀꠞ ꠇꠥꠘꠥ ꠘꠄꠀ ꠈꠥꠐꠤ ꠇꠦꠃ ꠉꠣꠠꠔ ꠙꠣꠞꠔ ꠘꠣꠄ।

Injil 12: Kolosia 3:4

ꠎꠦꠁꠘ ꠔꠥꠝꠞꠣꠞ ꠎꠤꠘ꠆ꠖꠦꠉꠤ, ꠢꠃ ꠀꠟ-ꠝꠍꠤ ꠎꠦꠛꠟꠣ ꠢꠇꠟꠞ ꠍꠣꠝꠘꠦ ꠎꠣꠁꠞ ꠅꠁꠛꠣ, ꠅꠃ ꠡꠝꠄ ꠔꠥꠝꠞꠣꠅ ꠔꠣꠘ ꠝꠢꠤꠝꠣꠞ ꠜꠣꠉꠤ ꠅꠁꠀ ꠔꠣꠘ ꠟꠉꠦ ꠎꠣꠁꠞ ꠅꠁꠛꠣꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 1:19

ꠛꠞꠋ ꠔꠥꠝꠞꠣꠞꠦ ꠀꠎꠣꠖ ꠇꠞꠣ ꠅꠁꠍꠦ, ꠀꠟ-ꠝꠍꠤꠞ ꠝꠢꠣ ꠖꠣꠝꠤ ꠟꠃ ꠖꠤꠀ, ꠘꠤꠈꠥꠔ-ꠘꠤꠡ꠆ꠇꠟꠋꠇ ꠝꠦꠠꠣ-ꠛꠣꠁꠌ꠆ꠌꠣꠞ ꠟꠃ ꠖꠤꠀ।

ꠁꠘ꠆ꠎꠤꠟ ২১: ১-ꠙꠤꠔꠞ 1:7

ꠅꠃ ꠙꠞꠤꠇ꠆ꠇꠣ ꠅꠇꠟ ꠌꠟꠦꠞ, ꠔꠥꠝꠞꠣ ꠎꠦꠘ ꠁꠝꠣꠘꠦ ꠈꠣꠐꠤ ꠅꠈꠣꠘ ꠙꠞꠝꠣꠘ ꠇꠞꠣꠞ ꠟꠣꠉꠤ। ꠀꠞ ꠁꠍꠣ ꠀꠟ-ꠝꠍꠤꠞ ꠎꠣꠁꠞ ꠅꠀꠞ ꠡꠝꠄ, ꠔꠥꠝꠞꠣ ꠎꠣꠘꠥ ꠔꠣꠞꠤꠚ, ꠉꠃꠞꠛ ꠀꠞ ꠡꠝ꠆ꠝꠣꠘ ꠙꠣꠅ। ꠎꠦ ꠡꠥꠘꠣ ꠇ꠆ꠇꠄ ꠅꠁꠎꠣꠄ, ꠅꠃ ꠡꠥꠘꠣꠞꠦꠅ ꠀꠉꠥꠘꠤꠔ ꠙꠥꠠꠤꠀ ꠎꠣꠌꠣꠁ ꠇꠞꠣ ꠅꠄ। ꠀꠞ ꠔꠥꠝꠞꠣꠞ ꠁꠝꠣꠘꠞ ꠖꠣꠝ ꠔ ꠅꠃ ꠡꠥꠘꠣꠞ ꠌꠣꠁꠔꠦꠅ ꠛꠃꠔ ꠛꠦꠡꠤ, ꠄꠞꠟꠣꠉꠤ ꠅꠃ ꠙꠞꠤꠇ꠆ꠇꠣ ꠌꠟꠦꠞ।

ꠁꠘ꠆ꠎꠤꠟ ২১: ১-ꠙꠤꠔꠞ 2:7

ꠀꠞ ꠔꠥꠝꠞꠣ ꠁꠝꠣꠘ ꠀꠘꠣꠄ, ꠔꠥꠝꠞꠣꠞ ꠉꠦꠍꠦ ꠢꠃ ꠙꠣꠔ꠆ꠔꠞ ꠝꠢꠣ ꠖꠣꠝꠤ ꠅꠁꠉꠦꠍꠦ। ꠅꠁꠟꠦ ꠎꠦꠞꠣ ꠁꠝꠣꠘ ꠀꠘꠍꠦ ꠘꠣ, ꠔꠣꠞꠣꠞ ꠛꠦꠟꠣꠄ ꠇꠤꠔꠣꠛꠞ ꠅꠃ ꠇꠕꠣꠃ ꠈꠣꠐꠦ: ꠞꠣꠎ ꠝꠦꠡ꠆ꠔꠁꠞ ꠅꠇꠟꠦ ꠎꠦ ꠙꠣꠔ꠆ꠔꠞꠞꠦ ꠛꠦꠇꠣꠝꠣ ꠇꠁꠀ ꠚꠣꠟꠣꠁ ꠖꠤꠍꠤꠟ, ꠅꠇꠐꠣ ꠖꠤꠀꠃ ꠊꠞꠞ ꠁꠀꠘ ꠈꠥꠐꠤ ꠅꠁꠟ।

ꠁꠘ꠆ꠎꠤꠟ ২২: ২-ꠙꠤꠔꠞ 1:1

ꠀꠝꠤ ꠍꠣꠁꠝꠘ-ꠙꠤꠔꠞ, ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠉꠥꠟꠣꠝ ꠀꠞ ꠍꠣꠢꠣꠛꠤ। ꠔꠥꠝꠞꠣ ꠎꠦꠞꠣ ꠀꠝꠞꠣꠞ ꠟꠣꠈꠣꠘ, ꠀꠝꠞꠣꠞ ꠀꠟ꠆ꠟꠣ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠙꠣꠇ-ꠙꠞꠦꠎꠉꠣꠞꠤꠄ ꠄꠇꠁ ꠟꠣꠈꠣꠘ ꠝꠢꠣ ꠖꠣꠝꠤ ꠁꠝꠣꠘ ꠢꠣꠍꠤꠟ ꠇꠞꠍ, ꠀꠝꠤ ꠔꠥꠝꠞꠣꠞ ꠉꠦꠍꠦ ꠟꠦꠈꠞꠣꠝ।

ꠁꠘ꠆ꠎꠤꠟ ২২: ২-ꠙꠤꠔꠞ 1:4

ꠔꠣꠘ ꠝꠢꠤꠝꠣ ꠀꠞ ꠉꠥꠘꠦ ꠀꠝꠞꠣꠞ ꠟꠉꠦ ꠝꠢꠣ ꠖꠣꠝꠤ ꠀꠞ ꠛꠃꠔ ꠛꠠ ꠛꠠ ꠅꠀꠖꠣ ꠇꠞꠍꠂꠘ, ꠎꠣꠔꠦ ꠔꠥꠝꠞꠣ ꠖꠥꠘꠤꠀꠛꠤ ꠢꠇꠟ ꠛꠖ ꠈꠣꠁꠡ ꠕꠣꠇꠤ ꠛꠣꠌꠤꠀ ꠀꠟ꠆ꠟꠣꠁ ꠉꠥꠘꠞ ꠜꠣꠉꠤ ꠅꠅ।