ꠁꠘ꠆ꠎꠤꠟ ২১: ১-ꠙꠤꠔꠞ 2:2 - Siloṭi Asmani Kitab (Nagri lipi)

² ꠉꠦꠖꠣ ꠢꠥꠞꠥꠔ꠆ꠔꠣꠁꠘ꠆ꠔꠞ ꠖꠥꠗꠞ ꠙꠤꠀꠍꠞ ꠟꠣꠈꠣꠘ ꠔꠥꠝꠞꠣ ꠈꠣꠐꠤ ꠞꠥꠢꠣꠘꠤ ꠖꠥꠗꠞ ꠈꠤꠀꠟꠤ ꠅꠅ, ꠀꠞ ꠅꠃ ꠖꠥꠗ ꠈꠣꠁꠀ ꠈꠣꠁꠀ ꠎꠣꠘꠥ ꠔꠥꠝꠞꠣ ꠛꠠ ꠅꠁꠀ ꠘꠣꠎꠣꠔ ꠙꠣꠅ।

ছিলটি আছমানি কিতাব (বাংলা লিপি)

² গেদা হুরুতাইন্তর দুধর পিয়াছর লাখান তুমরা খাটি রুহানি দুধর খিয়ালি অও, আর অউ দুধ খাইয়া খাইয়া যানু তুমরা বড় অইয়া নাজাত পাও।

Siloṭi Asmani Kitab (Latin lipi)

² Geda huruttaintor dudor fiasor laḳan tumra ḳaṭi ruhani dudor kiali o, ar ou dud ḳaia ḳaia zanu tumra boṛo oia nazat fao.

ꠁꠘ꠆ꠎꠤꠟ ২১: ১-ꠙꠤꠔꠞ 2:2 Iomraidhean Croise

ꠁꠘ꠆ꠎꠤꠟ ১: ꠝꠕꠤ 18:3

“ꠀꠝꠤ ꠔꠥꠝꠞꠣꠞꠦ ꠢꠣꠍꠣꠃ ꠇꠁꠞꠣꠝ, ꠔꠥꠝꠞꠣ ꠎꠥꠖꠤ ꠝꠘ ꠚꠤꠞꠣꠁꠀ ꠅꠃ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠘꠣ ꠅꠅ, ꠔꠦ ꠇꠥꠘꠥꠝꠘ꠆ꠔꠦꠃ ꠛꠦꠢꠦꠡ꠆ꠔꠤ ꠛꠣꠖꠡꠣꠁꠔ ꠢꠣꠝꠣꠁꠔꠣꠄ ꠙꠣꠞꠔꠣꠄ ꠘꠣꠄ।

ꠁꠘ꠆ꠎꠤꠟ ১: ꠝꠕꠤ 19:14

ꠁꠔꠣ ꠖꠦꠈꠤꠀ ꠔꠣꠁꠘ ꠇꠁꠟꠣ, “ꠢꠥꠞꠥꠔ꠆ꠔꠣꠁꠘꠞꠦ ꠀꠐꠇꠣꠁꠅ ꠘꠣ, ꠔꠣꠞꠣꠞꠦ ꠀꠝꠣꠞ ꠉꠦꠍꠦ ꠀꠁꠔꠦ ꠖꠦꠅ। ꠀꠟ꠆ꠟꠣꠞ ꠛꠣꠖꠡꠣꠁ ꠔ ꠄꠞꠣꠞ ꠟꠣꠈꠣꠘ ꠝꠣꠘꠡꠞ ꠟꠣꠉꠤꠃ।”

Injil 2: Markus 10:15

ꠀꠝꠤ ꠢꠇ ꠇꠕꠣ ꠇꠁꠞꠣꠝ, ꠢꠥꠞꠥ ꠢꠥꠞꠥꠔ꠆ꠔꠣꠁꠘ꠆ꠔꠦ ꠎꠦꠟꠣ ꠛꠠꠞ ꠡꠣꠡꠘ ꠝꠣꠘꠂꠘ, ꠀꠟ꠆ꠟꠣꠞ ꠡꠣꠡꠘꠞꠦ ꠅꠃ ꠟꠣꠈꠣꠘ ꠘꠣ ꠝꠣꠘꠟꠦ, ꠝꠣꠘꠥꠡ ꠇꠥꠘꠥꠝꠘ꠆ꠔꠦꠃ ꠀꠟ꠆ꠟꠣꠞ ꠛꠣꠖꠡꠣꠁꠔ ꠢꠣꠝꠣꠁꠔ ꠙꠣꠞꠔ ꠘꠣꠄ।”

Injil 3: Luk 18:17

ꠀꠝꠤ ꠢꠇ ꠇꠕꠣ ꠇꠁꠀꠞ, ꠢꠥꠞꠥ ꠢꠥꠞꠥꠔ꠆ꠔꠣ ꠛꠘꠤꠀ ꠀꠟ꠆ꠟꠣꠞ ꠡꠣꠡꠘ ꠘꠣ ꠝꠣꠘꠟꠦ, ꠇꠥꠘꠥ ꠎꠘꠃ ꠀꠟ꠆ꠟꠣꠞ ꠛꠣꠖꠡꠣꠁꠔ ꠢꠣꠝꠣꠁꠔ ꠙꠣꠞꠔ ꠘꠣꠄ।”

Injil 6: Ruman 6:4

ꠅꠃ ꠉꠥꠍꠟꠞ ꠇꠣꠟꠅ ꠀꠝꠞꠣꠞꠦ ꠔ ꠀꠟ-ꠝꠍꠤꠞ ꠟꠉꠦ ꠇꠄꠛꠞ ꠖꠦꠅꠀ ꠅꠁꠍꠦ। ꠀꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠄ ꠔꠣꠘ ꠝꠢꠣ ꠇꠥꠖꠞꠔꠦ ꠀꠟ-ꠝꠍꠤꠞꠦ ꠎꠦꠟꠣ ꠇꠄꠛꠞ ꠕꠣꠇꠤ ꠎꠤꠘ꠆ꠖꠣ ꠇꠞꠤ ꠔꠥꠟꠍꠂꠘ, ꠑꠤꠇ ꠅꠃꠟꠣ ꠀꠝꠞꠣꠅ ꠎꠣꠘꠥ ꠘꠄꠀ ꠎꠤꠘ꠆ꠖꠦꠉꠤꠄ ꠖꠤꠘ ꠇꠣꠐꠣꠁ।

Injil 7: 1-Korintia 14:20

ꠜꠣꠁꠀꠁꠘꠞꠦ, ꠔꠥꠝꠞꠣꠞ ꠀꠈꠟ-ꠛꠥꠖ꠆ꠖꠤ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠘꠣ ꠅꠁꠀ ꠛꠄꠅꠡ꠆ꠇ ꠝꠣꠘꠡꠞ ꠟꠣꠈꠣꠘ ꠅꠃꠇ। ꠅꠁꠟꠦ ꠁꠋꠡꠣ-ꠘꠤꠘ꠆ꠖꠣꠞ ꠛꠦꠙꠣꠞꠦ ꠔꠥꠝꠞꠣꠞ ꠝꠘ ꠝꠣꠍꠥꠝ ꠛꠣꠁꠌ꠆ꠌꠣꠞ ꠟꠣꠈꠣꠘ ꠅꠃꠇ।

Injil 10: Ifisia 2:21

ꠀꠟ-ꠝꠍꠤꠞ ꠟꠉꠦ ꠎꠥꠠꠣ ꠟꠣꠉꠣꠄ, ꠀꠡ꠆ꠔꠣ ꠊꠞꠞ ꠢꠇꠟ ꠅꠋꠡ ꠄꠇꠟꠉꠦ ꠝꠤꠟꠤꠀ ꠄꠇꠈꠣꠘ ꠙꠛꠤꠔ꠆ꠞ ꠊꠞ ꠔꠤꠀꠞ ꠅꠁꠍꠦ।

Injil 10: Ifisia 4:15

ꠛꠞꠋ ꠀꠝꠞꠣꠞ ꠖꠤꠟꠞ ꠝꠢꠛ꠆ꠛꠔꠦ ꠢꠇ ꠝꠣꠔ ꠝꠣꠔꠤꠝꠥ, ꠢꠇꠟ ꠘꠝꠥꠘꠣꠄ ꠛꠠ ꠅꠁꠀ ꠀꠟ-ꠝꠍꠤꠞ ꠟꠣꠈꠣꠘ ꠅꠁꠝꠥ। ꠔꠣꠁꠘꠃ ꠔ ꠀꠡ꠆ꠔꠣ ꠡꠞꠤꠟꠞ ꠝꠣꠕꠣ।

ইঞ্জিল ১৪: ২-থিষল: 1:3

ꠜꠣꠁ ꠅꠇꠟ, ꠀꠝꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠣ ꠎꠞꠥꠞ। ꠔꠥꠝꠞꠣꠞ ꠁꠝꠣꠘꠤ ꠛꠟ ꠛꠃꠔ ꠛꠣꠠꠦꠞ ꠀꠞ ꠄꠇꠦ-ꠅꠁꠘ꠆ꠘꠦ ꠝꠣꠄꠀ-ꠝꠢꠛ꠆ꠛꠔꠅ ꠛꠣꠁꠀ ꠙꠠꠦꠞ, ꠄꠞꠟꠣꠉꠤ ꠀꠝꠞꠣ ꠡꠥꠇꠞꠤꠀ ꠀꠖꠣꠄ ꠇꠞꠣ ꠖꠞꠇꠣꠞ।

ꠁꠘ꠆ꠎꠤꠟ ২১: ১-ꠙꠤꠔꠞ 1:23

ꠎꠦ ꠛꠤꠌ ꠘꠡ꠆ꠐ ꠅꠁꠎꠣꠄ, ꠔꠥꠝꠞꠣꠞ ꠎꠘꠝ ꠔ ꠁꠟꠣ ꠛꠤꠌꠞ ꠘꠣꠄ। ꠛꠞꠋ ꠎꠦꠔꠣ ꠘꠡ꠆ꠐ ꠅꠄ ꠘꠣ, ꠅꠔꠣ ꠕꠣꠇꠤꠃ ꠔꠥꠝꠞꠣꠞ ꠘꠄꠀ ꠎꠘꠝ ꠅꠁꠍꠦ। ꠅꠃ ꠛꠤꠌ ꠅꠁꠟ ꠀꠟ꠆ꠟꠣꠞ ꠌꠤꠞꠇꠣꠟꠤꠘ ꠎꠤꠘ꠆ꠖꠣ ꠇꠣꠟꠣꠝ।

ꠁꠘ꠆ꠎꠤꠟ ২২: ২-ꠙꠤꠔꠞ 3:18

ꠔꠥꠝꠞꠣ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠞꠢꠝꠔꠦ ꠀꠞ ꠔꠣꠘꠞꠦ ꠌꠤꠘꠣꠞ ꠔꠣꠇ꠆ꠇꠔꠦ ꠛꠣꠠꠤꠀ ꠃꠑꠅ। ꠅꠈꠘ ꠀꠞ ꠢꠞ-ꠢꠣꠝꠦꠡꠣ ꠔꠣꠘ ꠝꠢꠤꠝꠣ ꠎꠣꠞꠤ ꠞꠃꠇ। ꠀꠝꠤꠘ॥