ꠁꠘ꠆ꠎꠤꠟ ২১: ১-ꠙꠤꠔꠞ 1:7 - Siloṭi Asmani Kitab (Nagri lipi)

⁷ ꠅꠃ ꠙꠞꠤꠇ꠆ꠇꠣ ꠅꠇꠟ ꠌꠟꠦꠞ, ꠔꠥꠝꠞꠣ ꠎꠦꠘ ꠁꠝꠣꠘꠦ ꠈꠣꠐꠤ ꠅꠈꠣꠘ ꠙꠞꠝꠣꠘ ꠇꠞꠣꠞ ꠟꠣꠉꠤ। ꠀꠞ ꠁꠍꠣ ꠀꠟ-ꠝꠍꠤꠞ ꠎꠣꠁꠞ ꠅꠀꠞ ꠡꠝꠄ, ꠔꠥꠝꠞꠣ ꠎꠣꠘꠥ ꠔꠣꠞꠤꠚ, ꠉꠃꠞꠛ ꠀꠞ ꠡꠝ꠆ꠝꠣꠘ ꠙꠣꠅ। ꠎꠦ ꠡꠥꠘꠣ ꠇ꠆ꠇꠄ ꠅꠁꠎꠣꠄ, ꠅꠃ ꠡꠥꠘꠣꠞꠦꠅ ꠀꠉꠥꠘꠤꠔ ꠙꠥꠠꠤꠀ ꠎꠣꠌꠣꠁ ꠇꠞꠣ ꠅꠄ। ꠀꠞ ꠔꠥꠝꠞꠣꠞ ꠁꠝꠣꠘꠞ ꠖꠣꠝ ꠔ ꠅꠃ ꠡꠥꠘꠣꠞ ꠌꠣꠁꠔꠦꠅ ꠛꠃꠔ ꠛꠦꠡꠤ, ꠄꠞꠟꠣꠉꠤ ꠅꠃ ꠙꠞꠤꠇ꠆ꠇꠣ ꠌꠟꠦꠞ।

ছিলটি আছমানি কিতাব (বাংলা লিপি)

⁷ অউ পরিক্ষা অকল চলের, তুমরা যেন ইমানে খাটি অখান পরমান করার লাগি। আর ইছা আল-মসীর জাইর অওয়ার সময়, তুমরা যানু তারিফ, গৌরব আর সম্মান পাও। যে সোনা ক্ষয় অইযায়, অউ সোনারেও আগুনিত পুড়িয়া যাচাই করা অয়। আর তুমরার ইমানর দাম তো অউ সোনার চাইতেও বউত বেশি, এরলাগি অউ পরিক্ষা চলের।

Siloṭi Asmani Kitab (Latin lipi)

⁷ Ou forikka oḳol soler, tumra zen imane ḳaṭi oḳan forman ḳorar lagi. Ar Isa al-Mosir zair oar shomoy, tumra zanu tarif, gourob ar shomman fao. Ze shuna koy oizae, ou shunare-o agunit fuṛia zasai kora oy. Ar tumrar imanor dam to ou shunar saite-o bout beshi, erlagi ou forikka soler.

ꠁꠘ꠆ꠎꠤꠟ ২১: ১-ꠙꠤꠔꠞ 1:7 Iomraidhean Croise

ꠎꠛꠥꠞ ꠡꠞꠤꠚ 17:3

ꠔꠥꠝꠤ ꠀꠝꠣꠞ ꠖꠤꠟꠞ ꠈꠛꠞ ꠟꠁꠟꠦ, ꠞꠣꠁꠔꠞ ꠛꠣꠟꠣꠅ ꠎꠣꠌꠣꠁ ꠇꠞꠟꠦ, ꠢꠥꠘꠣꠞꠞ ꠟꠣꠈꠣꠘ ꠔꠥꠇꠣꠁꠟꠦꠅ ꠈꠣꠖ ꠙꠣꠁꠔꠣꠄ ꠘꠣꠄ, ꠘꠤꠅꠔ ꠇꠞꠍꠤ ꠝꠥꠈꠖꠤ ꠔ ꠉꠥꠘꠣꠞ ꠇꠣꠝ ꠇꠞꠔꠣꠝ ꠘꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 5:28

ꠅꠁꠟꠦ ꠔꠣꠁ ꠎꠥꠖꠤ ꠅꠡꠔꠤ ꠘꠣ ꠅꠁꠀ ꠘꠤ-ꠅꠙꠞꠣꠗꠤ ꠞꠄ, ꠔꠦ ꠔꠣꠁ ꠁ ꠟꠣꠘ꠆ꠘꠔ ꠕꠣꠇꠤ ꠈꠣꠟꠣꠍ ꠙꠣꠁꠛ, ꠀꠞ ꠢꠥꠞꠥꠔ꠆ꠔꠣ ꠎꠘꠝ ꠖꠦꠅꠀꠞ ꠈꠦꠝꠔꠣꠅ ꠎꠣꠞꠤ ꠞꠁꠛ।

ꠁꠘ꠆ꠎꠤꠟ ১: ꠝꠕꠤ 19:28

ꠁꠍꠣꠄ ꠇꠁꠟꠣ, “ꠀꠝꠤ ꠔꠥꠝꠞꠣꠞꠦ ꠢꠣꠍꠣ ꠇꠕꠣ ꠇꠁꠞꠣꠝ, ꠔꠥꠝꠞꠣ ꠎꠣꠞꠣ ꠀꠝꠣꠞ ꠃꠝ꠆ꠝꠔ ꠅꠁꠍ, ꠀꠝꠤ ꠛꠤꠘ-ꠀꠖꠝ ꠎꠤꠘ꠆ꠖꠣ ꠅꠁꠀ ꠎꠦꠛꠟꠣ ꠀꠟ꠆ꠟꠣꠞ ꠛꠣꠖꠡꠣꠁꠞ ꠉꠖꠤꠔ ꠛꠁꠝꠥ, ꠅꠃ ꠡꠝꠄ ꠔꠥꠝꠞꠣꠅ ꠀꠝꠣꠞ ꠟꠉꠦ ꠅꠁꠀ ꠛꠣꠞꠅꠐꠣ ꠔꠈ꠆ꠔꠅ ꠛꠁꠛꠣꠄ, ꠛꠁꠀ ꠛꠘꠤ ꠁꠍꠞꠣꠁꠟꠞ ꠛꠣꠞꠅ ꠉꠥꠡ꠆ꠐꠤꠞ ꠛꠤꠌꠣꠞ ꠇꠞꠛꠣꠄ।

ꠁꠘ꠆ꠎꠤꠟ ১: ꠝꠕꠤ 25:21

ꠁꠈꠣꠘ ꠢꠥꠘꠤꠀ ꠝꠣꠟꠤꠇꠦ ꠇꠁꠟꠣ, ‘ꠡꠣꠛ꠆ꠛꠣꠡ, ꠔꠥꠝꠤ ꠈꠥꠛ ꠢꠇ-ꠢꠣꠟꠣꠟꠤ ꠝꠣꠘꠥꠡ। ꠔꠥꠝꠤ ꠢꠥꠞꠥ-ꠝꠥꠞꠥ ꠛꠦꠙꠣꠞꠦꠃ ꠢꠇ-ꠢꠣꠟꠣꠟ ꠞꠁꠍ, ꠄꠞꠟꠣꠉꠤ ꠀꠝꠤ ꠔꠥꠝꠣꠞꠦ ꠀꠞꠅ ꠛꠃꠔ ꠛꠠ ꠖꠣꠄꠁꠔ꠆ꠔ ꠖꠤꠝꠥ। ꠀꠅ, ꠀꠝꠣꠞ ꠈꠥꠡꠤꠞ ꠜꠣꠉꠤ ꠅꠅ।’

ꠁꠘ꠆ꠎꠤꠟ ১: ꠝꠕꠤ 25:23

ꠔꠦꠃ ꠝꠣꠟꠤꠇꠦ ꠇꠁꠟꠣ, ‘ꠡꠣꠛ꠆ꠛꠣꠡ, ꠔꠥꠝꠤ ꠈꠥꠛ ꠢꠇ-ꠢꠣꠟꠣꠟꠤ ꠝꠣꠘꠥꠡ। ꠔꠥꠝꠤ ꠕꠥꠠꠣ ꠛꠦꠙꠣꠞꠦꠃ ꠢꠇ-ꠢꠣꠟꠣꠟ ꠞꠁꠍ, ꠄꠞꠟꠣꠉꠤ ꠀꠝꠤ ꠔꠥꠝꠣꠞꠦ ꠀꠞꠅ ꠛꠃꠔ ꠛꠠ ꠖꠣꠄꠁꠔ꠆ꠔ ꠖꠤꠝꠥ। ꠀꠅ, ꠀꠝꠣꠞ ꠈꠥꠡꠤꠞ ꠜꠣꠉꠤ ꠅꠅ।’

Injil 3: Luk 12:33

ꠔꠥꠝꠞꠣꠞ ꠎꠔꠔꠣ ꠀꠍꠦ, ꠢꠇ꠆ꠇꠟꠔꠣ ꠛꠦꠌꠤꠀ ꠉꠞꠤꠛ ꠅꠇꠟꠞꠦ ꠛꠤꠟꠣꠁ ꠖꠦꠅ, ꠀꠞ ꠘꠤꠎꠞ ꠟꠣꠉꠤ ꠈꠣꠟꠤ ꠅꠃꠟꠣ ꠄꠇ ꠇꠥꠕꠤ-ꠛꠦꠉ ꠔꠤꠀꠞ ꠇꠞꠅ, ꠎꠦ ꠇꠥꠕꠤ ꠇꠥꠘꠥꠖꠤꠘ ꠙꠥꠞꠣꠘ ꠅꠄ ꠘꠣ। ꠅꠃ ꠛꠦꠢꠦꠡ꠆ꠔꠅ ꠍꠣꠝꠣꠘꠣ ꠎꠝꠣ ꠇꠞꠅ, ꠎꠦꠈꠣꠘꠅ ꠍꠣꠝꠣꠘꠣ ꠇ꠆ꠇꠄ ꠅꠄ ꠘꠣ, ꠌꠥꠞꠦꠅ ꠘꠦꠄ ꠘꠣ, ꠙꠥꠇꠦꠅ ꠈꠣꠄ ꠘꠣ।

Injil 3: Luk 17:30

ꠑꠤꠇ ꠅꠃꠟꠣ, ꠀꠝꠤ ꠛꠤꠘ-ꠀꠖꠝ ꠎꠦꠖꠤꠘ ꠎꠣꠁꠞꠣ ꠅꠁꠝꠥ, ꠢꠃ ꠖꠤꠘꠅ ꠅꠟꠣ ꠀꠈꠔꠣ ꠀꠁꠛ।

Injil 4: Hannan 12:26

ꠇꠦꠃ ꠎꠥꠖꠤ ꠀꠝꠣꠞ ꠈꠦꠎꠝꠔ ꠇꠞꠔ ꠌꠣꠄ, ꠔꠦ ꠀꠝꠣꠞ ꠙꠕꠦ ꠌꠟꠃꠇ। ꠔꠦꠃ ꠀꠝꠤ ꠎꠦꠈꠣꠘꠅ ꠞꠁꠝꠥ ꠀꠝꠣꠞ ꠈꠦꠎꠝꠔꠇꠣꠞꠤꠅ ꠅꠘꠅ ꠞꠁꠛ। ꠎꠦ ꠎꠘꠦ ꠀꠝꠣꠞ ꠈꠦꠎꠝꠔ ꠇꠞꠦ, ꠀꠝꠣꠞ ꠉꠣꠁꠛꠤ ꠛꠣꠚꠦ ꠔꠣꠞꠦ ꠁꠎ꠆ꠎꠔ ꠖꠤꠛꠣ।

Injil 4: Hannan 5:44

ꠀꠙꠘꠣꠞꠣ ꠄꠇꠦ-ꠅꠁꠘ꠆ꠘꠞ ꠉꠦꠍ ꠕꠣꠇꠤ ꠔꠣꠞꠤꠚ ꠙꠣꠁꠔꠣ ꠌꠣꠁꠘ, ꠅꠁꠟꠦ ꠎꠦ ꠔꠣꠞꠤꠚ ꠀꠟ꠆ꠟꠣꠞ ꠉꠦꠍ ꠕꠘꠦ ꠙꠣꠅꠀ ꠎꠣꠄ, ꠁꠔꠣꠞ ꠟꠣꠉꠤ ꠇꠥꠘꠥ ꠌꠦꠡ꠆ꠐꠣ ꠇꠞꠂꠘ ꠘꠣ। ꠔꠦ ꠀꠙꠘꠣꠞꠣ ꠇꠦꠝꠘꠦ ꠄꠇꠤꠘ ꠇꠞꠛꠣ?

Injil 5: Sahabi Nama 8:20

ꠙꠤꠔꠞꠦ ꠔꠣꠞꠦ ꠇꠁꠟꠣ, “ꠔꠥꠝꠣꠞ ꠞꠥꠙꠣ ꠔꠥꠝꠣꠞ ꠟꠉꠦꠃ ꠛꠤꠘꠣꠡ ꠅꠃꠇ, ꠔꠥꠝꠤ ꠝꠘꠅ ꠇꠞꠍ ꠀꠟ꠆ꠟꠣꠞ ꠖꠣꠘ ꠐꠦꠇꠣꠖꠤ ꠈꠞꠤꠖ ꠇꠞꠣ ꠎꠣꠄ।

Injil 6: Ruman 2:10

ꠅꠁꠟꠦ ꠎꠦꠞꠣ ꠘꠦꠇ ꠇꠣꠝ ꠇꠞꠦ, ꠔꠣꠞꠣ ꠙꠞꠔꠦꠇꠦ ꠔꠣꠞꠤꠚ, ꠁꠎ꠆ꠎꠔ ꠀꠞ ꠡꠣꠘ꠆ꠔꠤ ꠙꠣꠁꠛ। ꠙꠄꠟꠣ ꠛꠘꠤ ꠁꠍꠞꠣꠁꠟꠦ, ꠛꠣꠖꠦ ꠜꠤꠘ ꠎꠣꠔꠤꠄ ꠙꠣꠁꠛꠣ।

Injil 6: Ruman 2:29

ꠅꠁꠟꠦ ꠝꠘ ꠕꠣꠇꠤ ꠎꠦꠞꠣ ꠛꠘꠤ ꠁꠍꠞꠣꠁꠟ, ꠔꠣꠞꠣꠃ ꠀꠍꠟ ꠛꠘꠤ ꠁꠍꠞꠣꠁꠟ। ꠁꠔꠣ ꠇꠥꠘꠥ ꠟꠤꠈꠤꠔ ꠀꠁꠘ-ꠇꠣꠘꠥꠘꠞ ꠛꠦꠙꠣꠞ ꠘꠣꠄ, ꠖꠤꠟꠞ ꠜꠤꠔꠞꠞ ꠞꠥꠢꠣꠘꠤ ꠛꠦꠙꠣꠞ। ꠖꠤꠟꠞ ꠝꠍꠟꠝꠣꠘꠤꠃ ꠅꠁꠟ ꠀꠍꠟ ꠝꠍꠟꠝꠣꠘꠤ। ꠎꠉꠔꠞ ꠝꠣꠘꠡꠦ ꠄꠞꠣꠞ ꠔꠣꠞꠤꠚ ꠘꠣ ꠇꠞꠟꠦꠅ, ꠀꠟ꠆ꠟꠣꠄ ꠔꠣꠞꠤꠚ ꠇꠞꠂꠘ।

Injil 6: Ruman 2:7

ꠎꠦꠞꠣ ꠗꠂꠎ꠆ꠎ ꠗꠞꠤꠀ ꠘꠦꠇ ꠇꠣꠝꠞ ꠝꠣꠎꠖꠤ ꠀꠟ꠆ꠟꠣꠁ ꠔꠣꠞꠤꠚ, ꠁꠎ꠆ꠎꠔ, ꠀꠞ ꠇ꠆ꠇꠄꠢꠤꠘ ꠎꠤꠘ꠆ꠖꠦꠉꠤ ꠔꠣꠟ꠆ꠟꠣꠡ ꠇꠞꠦ, ꠀꠟ꠆ꠟꠣꠄ ꠔꠣꠞꠣꠞꠦꠃ ꠀꠈꠦꠞꠤ ꠎꠤꠘ꠆ꠖꠦꠉꠤ ꠖꠣꠘ ꠇꠞꠛꠣ।

Injil 6: Ruman 8:19

ꠢꠃ ꠡꠝꠄ ꠀꠁꠟꠦ ꠖꠦꠈꠣ ꠎꠣꠁꠛ ꠇꠦ ꠇꠦ ꠔꠣꠘ ꠀꠍꠟ ꠀꠅꠟꠣꠖ, ꠄꠞꠣꠞꠦ ꠖꠦꠈꠣꠞ ꠟꠣꠉꠤꠃ ꠀꠟ꠆ꠟꠣꠞ ꠙꠄꠖꠣ ꠇꠞꠣ ꠢꠇꠟꠔꠣꠄ ꠎꠣꠘꠦ-ꠙꠞꠣꠘꠦ ꠛꠣꠞ ꠌꠣꠁꠞꠣ।

Injil 7: 1-Korintia 3:13

ꠔꠦ ꠇꠦ ꠇꠤꠟꠣ ꠛꠣꠘꠣꠁꠍꠂꠘ, ꠁꠔꠣ ꠜꠣꠟꠣ ꠇꠞꠤ ꠖꠦꠈꠣ ꠎꠣꠁꠛ। ꠞꠥꠎ ꠢꠣꠡꠞꠞ ꠖꠤꠘ ꠁꠔꠣ ꠎꠣꠁꠞ ꠅꠁꠛ, ꠢꠃ ꠖꠤꠘ ꠅꠉ꠆ꠘꠤ-ꠙꠞꠤꠇ꠆ꠇꠣꠞ ꠝꠣꠎꠖꠤ ꠁꠔꠣ ꠈꠥꠟꠣ-ꠝꠦꠟꠣ ꠅꠁꠛ।

Injil 7: 1-Korintia 4:5

ꠄꠞꠟꠣꠉꠤ ꠡꠑꠤꠇ ꠡꠝꠄꠅꠞ ꠀꠉ ꠙꠞ꠆ꠎꠘ꠆ꠔ, ꠝꠣꠘꠤ ꠝꠣꠟꠤꠇ ꠁꠍꠣ ꠢꠤꠞꠛꠣꠞ ꠘꠣ ꠀꠅꠀ ꠙꠞ꠆ꠎꠘ꠆ꠔ ꠔꠥꠝꠞꠣ ꠇꠥꠘꠥ ꠛꠤꠌꠣꠞ ꠇꠞꠤꠅ ꠘꠣ। ꠀꠘ꠆ꠖꠣꠁꠞꠅ ꠎꠦꠔꠣ ꠟꠥꠇꠣꠁꠟ ꠀꠍꠦ, ꠔꠣꠁꠘ ꠀꠁꠀ ꠁꠔꠣꠞꠦ ꠚꠞꠅ ꠀꠘꠛꠣ ꠀꠞ ꠝꠣꠘꠡꠞ ꠖꠤꠟꠞ ꠉꠥꠙꠘ ꠘꠤꠅꠔ ꠅꠇꠟ ꠎꠣꠁꠞ ꠇꠞꠛꠣ। ꠢꠃ ꠡꠝꠄ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠢꠇꠟꠦ ꠎꠣꠞꠎꠤꠞ ꠙꠣꠅꠘꠣ ꠔꠣꠞꠤꠚ ꠙꠣꠁꠛꠣ।

Injil 20: Iakub 1:12

ꠝꠥꠛꠣꠞꠇ ꠢꠃ ꠎꠘ, ꠎꠦ ꠎꠘ ꠙꠞꠤꠇ꠆ꠇꠣꠞ ꠡꠝꠄ ꠝꠎꠛꠥꠔ ꠞꠄ। ꠙꠞꠤꠇ꠆ꠇꠣꠔ ꠇꠣꠝꠤꠀꠛ ꠅꠁꠟꠦ ꠎꠄꠅꠞ ꠝꠣꠟꠣ ꠢꠤꠡꠣꠛꠦ ꠢꠦ ꠀꠈꠦꠞ ꠙꠣꠁꠛ। ꠅꠃ ꠝꠣꠟꠣ ꠔꠣꠘ ꠀꠡꠤꠇ ꠅꠇꠟꠞꠦ ꠖꠤꠛꠣ ꠇꠞꠤ ꠡ꠆ꠛꠄꠅꠋ ꠀꠟ꠆ꠟꠣ ꠙꠣꠇꠦ ꠅꠀꠖꠣ ꠇꠞꠍꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 1:13

ꠄꠞꠟꠣꠉꠤ ꠔꠥꠝꠞꠣꠞ ꠝꠘꠞꠦ ꠢꠎꠣꠉ ꠇꠞꠅ ꠀꠞ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠅ। ꠀꠟ-ꠝꠍꠤ ꠎꠣꠁꠞ ꠅꠀꠞ ꠛꠣꠖꠦ ꠎꠦ ꠞꠢꠝꠔ ꠔꠥꠝꠞꠣ ꠙꠣꠁꠛꠣꠄ, ꠅꠃ ꠞꠢꠝꠔꠤ ꠘꠣꠎꠣꠔ ꠙꠣꠅꠀꠞ ꠟꠣꠉꠤ ꠙꠥꠞꠣꠙꠥꠞ ꠀꠡꠣ ꠟꠁꠀ ꠔꠥꠝꠞꠣ ꠛꠣꠞ ꠌꠣꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 1:5

ꠔꠥꠝꠞꠣ ꠙꠥꠞꠣꠙꠥꠞ ꠘꠣꠎꠣꠔ ꠘꠣ ꠙꠣꠅꠀ ꠙꠞ꠆ꠎꠘ꠆ꠔ, ꠀꠟ꠆ꠟꠣꠁ ꠡꠇ꠆ꠔꠤꠄ ꠁꠝꠣꠘꠞ ꠝꠣꠎꠖꠤ ꠔꠥꠝꠞꠣꠞꠦ ꠢꠦꠚꠣꠎꠔꠦ ꠞꠣꠈꠣ ꠅꠁꠍꠦ। ꠅꠃ ꠘꠣꠎꠣꠔ ꠑꠤꠇ ꠇꠞꠣ ꠅꠁꠍꠦ, ꠀꠈꠦꠞꠣꠔꠞ ꠡꠝꠄ ꠎꠣꠁꠞ ꠅꠀꠞ ꠟꠣꠉꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 2:4

ꠔꠦ ꠔꠥꠝꠞꠣ ꠔꠣꠘ ꠉꠦꠍꠦ ꠀꠅ। ꠔꠣꠁꠘꠃ ꠅꠁꠟꠣ ꠀꠉꠞ ꠘꠛꠤ ꠅꠇꠟꠞ ꠇꠅꠀ ꠢꠃ “ꠎꠤꠘ꠆ꠖꠣ ꠙꠣꠔ꠆ꠔꠞ”, ꠎꠦ ꠙꠣꠔ꠆ꠔꠞꠞꠦ ꠝꠣꠘꠡꠦ ꠖꠣꠝ ꠖꠤꠍꠦ ꠘꠣ, ꠅꠁꠟꠦ ꠀꠟ꠆ꠟꠣꠞ ꠉꠦꠍꠦ ꠁꠇꠐꠣ ꠝꠢꠣ ꠖꠣꠝꠤ ꠀꠞ ꠙꠍꠘ꠆ꠖꠞ ꠙꠣꠔ꠆ꠔꠞ।

ꠁꠘ꠆ꠎꠤꠟ ২১: ১-ꠙꠤꠔꠞ 2:7

ꠀꠞ ꠔꠥꠝꠞꠣ ꠁꠝꠣꠘ ꠀꠘꠣꠄ, ꠔꠥꠝꠞꠣꠞ ꠉꠦꠍꠦ ꠢꠃ ꠙꠣꠔ꠆ꠔꠞ ꠝꠢꠣ ꠖꠣꠝꠤ ꠅꠁꠉꠦꠍꠦ। ꠅꠁꠟꠦ ꠎꠦꠞꠣ ꠁꠝꠣꠘ ꠀꠘꠍꠦ ꠘꠣ, ꠔꠣꠞꠣꠞ ꠛꠦꠟꠣꠄ ꠇꠤꠔꠣꠛꠞ ꠅꠃ ꠇꠕꠣꠃ ꠈꠣꠐꠦ: ꠞꠣꠎ ꠝꠦꠡ꠆ꠔꠁꠞ ꠅꠇꠟꠦ ꠎꠦ ꠙꠣꠔ꠆ꠔꠞꠞꠦ ꠛꠦꠇꠣꠝꠣ ꠇꠁꠀ ꠚꠣꠟꠣꠁ ꠖꠤꠍꠤꠟ, ꠅꠇꠐꠣ ꠖꠤꠀꠃ ꠊꠞꠞ ꠁꠀꠘ ꠈꠥꠐꠤ ꠅꠁꠟ।

ꠁꠘ꠆ꠎꠤꠟ ২১: ১-ꠙꠤꠔꠞ 4:12

ꠜꠣꠁ ꠅꠇꠟ, ꠔꠥꠝꠞꠣ ꠅꠈꠘ ꠎꠤꠛꠘ-ꠝꠞꠘ ꠙꠞꠤꠇ꠆ꠇꠣꠔ ꠙꠠꠤꠀ ꠔꠣꠁꠎ꠆ꠎꠥꠛ ꠅꠁꠅ ꠘꠣ, ꠝꠘꠅ ꠇꠞꠤꠅ ꠘꠣ ꠁꠔꠣ ꠀꠌꠣꠘꠇ ꠇꠥꠘ꠆ꠔꠣ ꠊꠐꠦꠞ।

ꠁꠘ꠆ꠎꠤꠟ ২১: ১-ꠙꠤꠔꠞ 4:13

ꠛꠞꠋ ꠔꠥꠝꠞꠣ ꠀꠟ-ꠝꠍꠤꠞ ꠇꠡ꠆ꠐꠞ ꠜꠣꠉꠤ ꠅꠁꠞꠣꠄ ꠇꠞꠤ ꠈꠥꠡꠤ ꠇꠞꠅ, ꠎꠣꠔꠦ ꠔꠣꠘ ꠝꠢꠤꠝꠣ ꠎꠣꠁꠞ ꠅꠀꠞ ꠡꠝꠄꠅ ꠔꠥꠝꠞꠣ ꠀꠝꠥꠖ-ꠚꠥꠞ꠆ꠔꠤꠄ ꠈꠥꠡꠤ-ꠛꠣꠡꠤ ꠇꠞꠔꠣꠄ ꠙꠣꠞ।

ꠁꠘ꠆ꠎꠤꠟ ২১: ১-ꠙꠤꠔꠞ 5:1

ꠅꠈꠘ ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠞꠦ ꠇꠁꠞꠣꠝ, ꠀꠝꠤꠅ ꠔ ꠄꠇꠎꠘ ꠝꠥꠞꠛ꠆ꠛꠤ, ꠀꠝꠤ ꠘꠤꠎꠞ ꠌꠃꠈꠦ ꠀꠟ-ꠝꠍꠤꠞ ꠖꠥꠈ-ꠇꠡ꠆ꠐ ꠖꠦꠈꠍꠤ, ꠀꠞ ꠔꠣꠘ ꠎꠦ ꠝꠢꠤꠝꠣ ꠎꠣꠁꠞ ꠅꠁꠛ, ꠅꠃ ꠝꠢꠤꠝꠣꠔꠅ ꠡꠞꠤꠇ ꠅꠁꠝꠥ। ꠀꠝꠤ ꠝꠤꠘꠔ ꠇꠞꠤ ꠇꠁꠞꠣꠝ,

ꠁꠘ꠆ꠎꠤꠟ ২২: ২-ꠙꠤꠔꠞ 1:1

ꠀꠝꠤ ꠍꠣꠁꠝꠘ-ꠙꠤꠔꠞ, ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠉꠥꠟꠣꠝ ꠀꠞ ꠍꠣꠢꠣꠛꠤ। ꠔꠥꠝꠞꠣ ꠎꠦꠞꠣ ꠀꠝꠞꠣꠞ ꠟꠣꠈꠣꠘ, ꠀꠝꠞꠣꠞ ꠀꠟ꠆ꠟꠣ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠙꠣꠇ-ꠙꠞꠦꠎꠉꠣꠞꠤꠄ ꠄꠇꠁ ꠟꠣꠈꠣꠘ ꠝꠢꠣ ꠖꠣꠝꠤ ꠁꠝꠣꠘ ꠢꠣꠍꠤꠟ ꠇꠞꠍ, ꠀꠝꠤ ꠔꠥꠝꠞꠣꠞ ꠉꠦꠍꠦ ꠟꠦꠈꠞꠣꠝ।

ꠁꠘ꠆ꠎꠤꠟ ২২: ২-ꠙꠤꠔꠞ 1:4

ꠔꠣꠘ ꠝꠢꠤꠝꠣ ꠀꠞ ꠉꠥꠘꠦ ꠀꠝꠞꠣꠞ ꠟꠉꠦ ꠝꠢꠣ ꠖꠣꠝꠤ ꠀꠞ ꠛꠃꠔ ꠛꠠ ꠛꠠ ꠅꠀꠖꠣ ꠇꠞꠍꠂꠘ, ꠎꠣꠔꠦ ꠔꠥꠝꠞꠣ ꠖꠥꠘꠤꠀꠛꠤ ꠢꠇꠟ ꠛꠖ ꠈꠣꠁꠡ ꠕꠣꠇꠤ ꠛꠣꠌꠤꠀ ꠀꠟ꠆ꠟꠣꠁ ꠉꠥꠘꠞ ꠜꠣꠉꠤ ꠅꠅ।

ꠁꠘ꠆ꠎꠤꠟ ২২: ২-ꠙꠤꠔꠞ 3:14

ꠄꠞꠟꠣꠉꠤ ꠜꠣꠁ ꠅꠇꠟ, ꠔꠥꠝꠞꠣ ꠎꠦꠛꠟꠣ ꠅꠃ ꠖꠤꠘꠞ ꠟꠣꠉꠤ ꠛꠣꠞ ꠌꠣꠅꠀꠔ ꠀꠍ, ꠔꠦ ꠈꠥꠛ ꠈꠤꠀꠟ ꠇꠞꠅ, ꠅꠃ ꠖꠤꠘ ꠔꠣꠁꠘ ꠎꠣꠘꠥ ꠔꠥꠝꠞꠣꠞꠦ ꠘꠤꠈꠥꠔ-ꠘꠤꠡ꠆ꠇꠟꠋꠇ ꠢꠣꠟꠔꠦ ꠡꠣꠘ꠆ꠔꠤꠞ ꠝꠣꠎꠦ ꠖꠦꠈꠂꠘ।

Injil 26: Ehuda 1:24

ꠀꠞ ꠎꠦ ꠀꠟ꠆ꠟꠣꠄ ꠔꠥꠝꠞꠣꠞꠦ ꠃꠡ꠆ꠐꠣ ꠈꠣꠅꠀ ꠕꠣꠇꠤ ꠛꠣꠌꠣꠁꠘ, ꠎꠦꠁꠘ ꠘꠤꠈꠥꠔ ꠢꠣꠟꠔꠦ ꠔꠥꠝꠞꠣꠞꠦ ꠈꠥꠡꠤ-ꠛꠣꠡꠤꠄ ꠔꠣꠘ ꠡꠣꠘ-ꠔꠎꠟ꠆ꠟꠤꠞ ꠍꠣꠝꠘꠦ ꠀꠎꠤꠞ ꠇꠞꠔꠣ ꠙꠣꠞꠂꠘ,

Injil 27: Zaira Kalam 1:7

ꠢꠥꠘꠅ, ꠔꠣꠁꠘ ꠝꠦꠊꠞ ꠌꠣꠇꠣꠔ ꠅꠁꠀ ꠔꠡꠞꠤꠚ ꠀꠘꠞꠣ, ꠙꠞꠔꠦꠇꠦ ꠔꠣꠘꠞꠦ ꠌꠃꠈꠖꠤ ꠖꠦꠈꠛ, ꠎꠣꠞꠣ ꠟꠣꠇꠠꠤꠖꠤ ꠛꠣꠘꠣꠁꠟ ꠍꠟꠤꠛꠅ ꠉꠣꠕꠤꠀ ꠔꠣꠘꠞꠦ ꠎꠣꠘꠦ ꠝꠣꠞꠤꠟꠤꠍꠤꠟ ꠔꠣꠞꠣꠅ ꠖꠦꠈꠛ, ꠀꠞ ꠔꠣꠘ ꠟꠣꠉꠤ ꠖꠥꠘꠤꠀꠞ ꠢꠇꠟ ꠎꠣꠔꠤꠄ ꠎꠥꠞꠦ ꠎꠥꠞꠦ ꠇꠣꠘ꠆ꠖꠤꠛꠣ। ꠅꠃꠟꠣꠃ ꠅꠃꠇ, ꠀꠝꠤꠘ।

Injil 27: Zaira Kalam 2:10

ꠔꠥꠝꠞꠣ ꠎꠦ ꠝꠍꠤꠛꠔꠞ ꠝꠣꠎꠦ ꠙꠠꠛꠣꠄ, ꠁ ꠝꠍꠤꠛꠔꠞꠦ ꠄꠇꠖꠝ ꠒꠞꠣꠁꠅ ꠘꠣ। ꠎꠣꠘ ꠘꠤ, ꠁꠛꠟꠤꠍꠦ ꠙꠞꠤꠇ꠆ꠇꠣ ꠇꠞꠣꠞ ꠘꠤꠅꠔꠦ ꠔꠥꠝꠞꠣꠞ ꠝꠣꠎꠞ ꠇꠄꠎꠘꠞꠦ ꠎꠦꠟꠅ ꠖꠤꠛ, ꠢꠘꠅ ꠔꠥꠝꠞꠣ ꠖꠡ ꠖꠤꠘ ꠇꠡ꠆ꠐ ꠙꠣꠁꠛꠣꠄ। ꠢꠥꠘꠅ, ꠁꠝꠣꠘꠞ ꠙꠕꠦ ꠔꠥꠝꠞꠣ ꠝꠞꠘ ꠙꠞ꠆ꠎꠘ꠆ꠔ ꠢꠇ-ꠢꠣꠟꠣꠟ ꠞꠁꠅ, ꠔꠦꠃ ꠎꠄꠅꠞ ꠝꠣꠟꠣ ꠢꠤꠡꠣꠛꠦ ꠀꠝꠤ ꠔꠥꠝꠞꠣꠞꠦ ꠀꠈꠦꠞꠞ ꠎꠤꠘ꠆ꠖꠦꠉꠤ ꠖꠤꠝꠥ।

Injil 27: Zaira Kalam 3:10

ꠔꠥꠝꠞꠣꠞꠦ ꠍꠛꠞ ꠇꠞꠣꠞ ꠟꠣꠉꠤ ꠀꠝꠤ ꠎꠦ ꠢꠥꠇꠥꠝ ꠖꠤꠍꠟꠣꠝ ꠁꠔꠣ ꠔꠥꠝꠞꠣ ꠝꠣꠘꠍ; ꠄꠞꠟꠣꠉꠤ ꠁ ꠖꠥꠘꠤꠀꠞ ꠃꠙꠞꠦ ꠝꠍꠤꠛꠔꠞ ꠎꠦ ꠡꠝꠄ ꠀꠁꠀ ꠀꠎꠦꠞ, ꠢꠃ ꠡꠝꠄ ꠕꠣꠇꠤ ꠀꠝꠤ ꠔꠥꠝꠞꠣꠞꠦ ꠢꠦꠚꠣꠎꠔ ꠇꠞꠝꠥ। ꠖꠥꠘꠤꠀꠞ ꠝꠣꠘꠡꠞꠦ ꠙꠞꠤꠇ꠆ꠇꠣ ꠇꠞꠣꠞ ꠟꠣꠉꠤ ꠅꠃ ꠝꠍꠤꠛꠔꠞ ꠡꠝꠄ ꠀꠁꠛ।

Injil 27: Zaira Kalam 3:18

ꠄꠞꠟꠣꠉꠤ ꠀꠝꠤ ꠔꠥꠝꠞꠣꠞꠦ ꠅꠃ ꠃꠙꠖꠦꠡ ꠖꠤꠞꠣꠝ, ꠀꠉꠥꠁꠘꠖꠤ ꠎꠣꠟꠣꠁꠟ ꠈꠣꠐꠤ ꠡꠥꠘꠣ ꠔꠥꠝꠞꠣ ꠀꠝꠣꠞ ꠉꠦꠍ ꠕꠣꠇꠤ ꠟꠁꠀ ꠘꠦꠅ, ꠎꠣꠔꠦ ꠔꠥꠝꠞꠣ ꠢꠣꠍꠣꠞꠞ ꠗꠘꠤ ꠅꠁꠔꠣꠄ ꠙꠣꠞ। ꠀꠝꠣꠞ ꠉꠦꠍ ꠕꠣꠇꠤ ꠗꠟꠣ ꠟꠦꠛꠣꠍ ꠟꠁꠀ ꠘꠤꠀ ꠚꠤꠘ꠆ꠖꠅ, ꠔꠦꠃ ꠔꠥꠝꠞꠣꠞꠦ ꠀꠞ ꠟꠦꠝꠐꠣ ꠖꠦꠈꠣ ꠎꠣꠁꠔ ꠘꠣꠄ। ꠀꠝꠣꠞ ꠉꠦꠍ ꠕꠣꠇꠤ ꠌꠈꠥꠔ ꠟꠣꠉꠣꠘꠤꠞ ꠡꠥꠞꠝꠣ ꠟꠁꠀ ꠘꠦꠅ, ꠔꠦꠃ ꠔꠥꠝꠞꠣ ꠢꠣꠍꠣꠞꠞ ꠌꠃꠈꠦ ꠖꠦꠈꠛꠣꠄ।