ꠁꠘ꠆ꠎꠤꠟ ২১: ১-ꠙꠤꠔꠞ 1:4 - Siloṭi Asmani Kitab (Nagri lipi)

⁴ ꠝꠣꠘꠤ ꠀꠝꠞꠣ ꠅꠟꠣ ꠄꠇ ꠗꠘꠞ ꠀꠡꠣ ꠙꠣꠁꠍꠤ, ꠎꠦ ꠗꠘ ꠇꠥꠘꠥꠖꠤꠘ ꠘꠡ꠆ꠐ ꠅꠁꠔ ꠘꠣꠄ, ꠢꠣꠞꠣ ꠎꠤꠛꠘ ꠘꠄꠀ ꠕꠣꠇꠛ, ꠄꠞ ꠝꠣꠎꠦ ꠈꠣꠞꠣꠙ ꠇꠥꠘ꠆ꠔꠣ ꠕꠣꠇꠔ ꠘꠣꠄ। ꠘꠣꠎꠣꠔꠞ ꠁ ꠗꠘ ꠔꠥꠝꠞꠣꠞ ꠟꠣꠉꠤ ꠛꠦꠢꠦꠡ꠆ꠔꠅ ꠞꠣꠈꠣ ꠅꠁꠍꠦ।

ছিলটি আছমানি কিতাব (বাংলা লিপি)

⁴ মানি আমরা অলা এক ধনর আশা পাইছি, যে ধন কুনুদিন নষ্ট অইতো নায়, হারা জীবন নয়া থাকবো, এর মাজে খারাপ কুন্তা থাকতো নায়। নাজাতর ই ধন তুমরার লাগি বেহেস্তো রাখা অইছে।

Siloṭi Asmani Kitab (Latin lipi)

⁴ Mani amra ola eḳ donor asha faisi, ze don kunudin nosṭo oito nae, hara zibon noya taḳbo, ermaze ḳaraf kunta taḳto nae. Nazator i don tumrar lagi behesto raḳa oise.

ꠁꠘ꠆ꠎꠤꠟ ২১: ১-ꠙꠤꠔꠞ 1:4 Iomraidhean Croise

ꠎꠛꠥꠞ ꠡꠞꠤꠚ 31:19

ꠔꠥꠝꠣꠞ ꠀꠡꠤꠇ ꠛꠘ꠆ꠖꠣꠞ ꠟꠣꠉꠤ ꠎꠝꠣ ꠀꠍꠦ ꠇꠔ ꠖꠄꠀ, ꠀꠡꠞꠄ ꠟꠁꠍꠦ ꠎꠣꠞꠣ ꠔꠥꠝꠣꠞ ꠍꠣꠄꠀꠔ ꠀꠁꠀ, ꠢꠇꠟꠞ ꠍꠣꠝꠘꠦ ꠔꠣꠞꠣꠞꠦ ꠖꠦꠈꠣꠁꠍ ꠔꠥꠝꠣꠞ ꠅꠔ ꠝꠣꠄꠀ।

ꠁꠘ꠆ꠎꠤꠟ ১: ꠝꠕꠤ 25:34

“ꠄꠞꠛꠣꠖꠦ ꠛꠣꠖꠡꠣꠄ ꠔꠣꠘ ꠒꠣꠁꠘ ꠉꠣꠟꠣꠞ ꠝꠣꠘꠡꠞꠦ ꠇꠁꠛꠣ, ‘ꠔꠥꠝꠞꠣ ꠎꠣꠞꠣ ꠀꠝꠣꠞ ꠛꠣꠔꠥꠘꠤ ꠛꠣꠚꠞ ꠞꠢꠝ ꠙꠣꠁꠍ, ꠔꠥꠝꠞꠣ ꠀꠅ। ꠀꠞ ꠖꠥꠘꠤꠀꠞ ꠙꠄꠟꠣ ꠕꠣꠇꠤ ꠔꠥꠝꠞꠣꠞ ꠟꠣꠉꠤ ꠎꠦ ꠛꠣꠖꠡꠣꠁ ꠔꠤꠀꠞ ꠇꠞꠤ ꠞꠣꠈꠣ ꠅꠁꠍꠦ, ꠅꠃ ꠛꠣꠖꠡꠣꠁꠞ ꠖꠈꠟ ꠡꠝꠎꠤꠀ ꠘꠦꠅ।

Injil 2: Markus 10:17

ꠢꠎꠞꠔ ꠁꠍꠣ ꠎꠦꠛꠟꠣ ꠛꠣꠞ ꠅꠁꠀ ꠞꠅꠀꠘꠣ ꠅꠁꠟꠣ, ꠅꠃ ꠡꠝꠄ ꠄꠇ ꠛꠦꠐꠣ ꠖꠃꠠꠣꠁꠀ ꠀꠁꠀ ꠀꠐꠥ ꠉꠣꠠꠤꠀ ꠔꠣꠘ ꠍꠣꠝꠘꠦ ꠛꠁꠀ ꠇꠁꠟ, “ꠃꠡ꠆ꠔꠣꠖ, ꠀꠙꠘꠦ ꠔ ꠝꠦꠢꠦꠞꠛꠣꠘ। ꠔꠦ ꠀꠝꠣꠞꠦ ꠛꠣꠔꠣꠁ ꠖꠦꠃꠇ꠆ꠇꠣ, ꠀꠈꠦꠞ ꠙꠣꠅꠀꠞ ꠟꠣꠉꠤ ꠀꠝꠤ ꠇꠤꠔꠣ ꠇꠞꠔꠣꠝ?”

Injil 5: Sahabi Nama 20:32

ꠅꠈꠘ ꠀꠟ꠆ꠟꠣ ꠀꠞ ꠔꠣꠘ ꠞꠢꠝꠔꠞ ꠇꠣꠟꠣꠝꠞ ꠎꠤꠝ꠆ꠝꠣꠄ ꠀꠝꠤ ꠀꠙꠘꠣꠞꠣꠞꠦ ꠡꠙꠤꠟꠣꠝ। ꠀꠟ꠆ꠟꠣꠞ ꠁ ꠇꠣꠟꠣꠝꠦ ꠀꠙꠘꠣꠞꠣꠞꠦ ꠉꠠꠤꠀ ꠔꠥꠟꠛ ꠀꠞ ꠔꠣꠘ ꠙꠣꠇ ꠛꠘ꠆ꠖꠣ ꠅꠇꠟꠞ ꠟꠣꠉꠤ ꠅꠀꠖꠣ ꠇꠞꠣ ꠛꠦꠢꠦꠡ꠆ꠔꠤ ꠝꠘ꠆ꠎꠤꠟꠅ ꠙꠃꠍꠣꠁ ꠖꠤꠛ।

Injil 5: Sahabi Nama 26:18

ꠔꠥꠝꠤ ꠔꠣꠞꠣꠞ ꠌꠃꠈ ꠈꠥꠟꠤꠀ ꠖꠤꠛꠣꠄ, ꠔꠣꠞꠣ ꠎꠣꠘꠥ ꠀꠘ꠆ꠖꠣꠁꠞ ꠕꠣꠇꠤ ꠘꠥꠞꠞ ꠛꠣꠄ, ꠡꠄꠔꠣꠘꠞ ꠖꠈꠟ ꠕꠣꠇꠤ ꠀꠟ꠆ꠟꠣꠞ ꠛꠣꠄ ꠚꠤꠞꠤꠀ ꠀꠁꠘ, ꠀꠝꠣꠞ ꠃꠙꠞꠦ ꠁꠝꠣꠘ ꠀꠘꠤꠀ ꠉꠥꠘꠣꠞ ꠝꠣꠚꠤ ꠙꠣꠁꠀ, ꠙꠞꠦꠎꠉꠣꠞ ꠛꠘ꠆ꠖꠣ ꠅꠇꠟꠞ ꠝꠣꠎꠦ ꠔꠣꠞꠣꠅ ꠖꠣꠈꠤꠟ ꠅꠁꠘ।

Injil 6: Ruman 8:17

ꠀꠝꠞꠣ ꠎꠦꠛꠟꠣ ꠀꠅꠟꠣꠖ, ꠔꠦ ꠀꠝꠞꠣ ꠝꠃꠞꠡꠤ ꠛꠣꠐ ꠙꠣꠁꠝꠥ। ꠀꠟ-ꠝꠍꠤꠄ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠝꠃꠞꠡꠤ ꠛꠣꠐ ꠙꠣꠁꠛꠣ, ꠀꠞ ꠔꠣꠘ ꠟꠉꠦ ꠀꠝꠞꠣꠅ ꠙꠣꠁꠝꠥ। ꠈꠣꠟꠤ ꠀꠝꠞꠣ ꠔꠣꠘ ꠟꠉꠦ ꠖꠥꠈ-ꠇꠡ꠆ꠐ ꠡꠁꠎ꠆ꠎ ꠇꠞꠟꠦ, ꠔꠣꠘ ꠟꠉꠦ ꠉꠃꠞꠛ-ꠝꠢꠤꠝꠣꠞꠅ ꠜꠣꠉ ꠙꠣꠁꠝꠥ।

Injil 7: 1-Korintia 9:25

ꠖꠃꠠꠞ ꠈꠦꠟꠣꠔ ꠖꠃꠠꠣꠁꠀ ꠢꠣꠞꠤ ꠝꠣꠘꠡꠦ ꠅꠟꠣ ꠄꠇ ꠝꠣꠟꠣ ꠙꠣꠄ, ꠎꠦ ꠝꠣꠟꠣ ꠛꠣꠖꠦ ꠘꠡ꠆ꠐ ꠅꠁꠎꠣꠄ, ꠀꠞ ꠅꠃ ꠝꠣꠟꠣ ꠙꠣꠅꠀꠞ ꠟꠣꠉꠤ ꠄꠞꠣ ꠛꠃꠔ ꠇꠑꠤꠘ ꠘꠤꠅꠝ-ꠇꠣꠘꠥꠘꠅ ꠝꠣꠘꠦ। ꠅꠁꠟꠦ ꠀꠝꠞꠣ ꠔ ꠀꠍꠟ ꠅꠇ꠆ꠇꠄ ꠝꠣꠟꠣ ꠙꠣꠅꠀꠞ ꠟꠣꠉꠤ ꠁꠔꠣ ꠇꠞꠞꠣꠝ।

Injil 9: Galatia 3:18

ꠀꠞ ꠀꠟ꠆ꠟꠣꠞ ꠛꠞꠇꠔ ꠙꠣꠅꠀ ꠎꠥꠖꠤ ꠡꠞꠤꠅꠔ ꠀꠝꠟꠞ ꠃꠙꠞꠦ ꠘꠤꠞꠜꠞ ꠇꠞꠔ, ꠔꠦ ꠅꠀꠖꠣꠞ ꠃꠙꠞꠦ ꠘꠤꠞꠜꠞ ꠞꠁꠟ ꠘꠣ ꠅꠘꠦ। ꠅꠁꠟꠦ ꠀꠟ꠆ꠟꠣꠄ ꠅꠀꠖꠣꠞ ꠝꠣꠎꠖꠤꠃ ꠁꠛ꠆ꠞꠣꠢꠤꠝꠞꠦ ꠛꠞꠇꠔ ꠖꠣꠘ ꠇꠞꠍꠟꠣ।

Injil 10: Ifisia 1:11

ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠀꠈꠟ-ꠁꠘꠍꠣꠚ ꠖꠤꠀ ꠘꠤꠎꠞ ꠝꠞ꠆ꠎꠤ ꠝꠣꠚꠤꠇ ꠢꠇꠟ ꠇꠣꠝ ꠇꠞꠂꠘ। ꠔꠣꠘ ꠝꠥꠘꠡꠣ ꠝꠣꠚꠤꠇ ꠔꠣꠁꠘ ꠀꠉꠦꠃ ꠎꠦꠔꠣ ꠑꠤꠇ ꠇꠞꠤꠀ ꠞꠣꠈꠍꠤꠟꠣ, ꠢꠃ ꠝꠥꠘꠡꠣ ꠝꠣꠚꠤꠇ ꠔꠣꠁꠘ ꠀꠝꠞꠣꠞꠦꠅ ꠙꠍꠘ꠆ꠖ ꠇꠞꠍꠂꠘ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠔꠣꠘ ꠈꠣꠍ ꠛꠘ꠆ꠖꠣ ꠅꠀꠞ ꠟꠣꠉꠤ।

Injil 10: Ifisia 1:14

ꠔꠦ ꠎꠦꠔꠣ ꠝꠣꠘꠡꠞꠦ ꠀꠟ꠆ꠟꠣ ꠙꠣꠇꠦ ꠔꠣꠘ ꠘꠤꠎꠞ ꠡꠝ꠆ꠙꠖ ꠇꠁꠀ ꠒꠣꠇꠤꠍꠂꠘ, ꠄꠞꠣꠞꠦ ꠔꠣꠁꠘ ꠄꠇꠐꠣ ꠅꠗꠤꠇꠣꠞ ꠖꠤꠛꠣꠞ ꠅꠀꠖꠣ ꠇꠞꠍꠂꠘ। ꠄꠞꠟꠣꠉꠤ ꠎꠔꠖꠤꠘ ꠙꠞ꠆ꠎꠘ꠆ꠔ ꠄꠞꠣ ꠙꠥꠞꠣꠙꠥꠞ ꠈꠣꠟꠣꠍ ꠘꠣ ꠅꠁꠍꠂꠘ, ꠅꠔꠖꠤꠘ ꠙꠞ꠆ꠎꠘ꠆ꠔ ꠅꠃ ꠅꠗꠤꠇꠣꠞꠞ ꠙꠄꠟꠣ ꠇꠤꠡ꠆ꠔꠤ ꠢꠤꠡꠣꠛꠦ ꠄꠞꠣꠞꠦ ꠙꠣꠇ ꠞꠥꠢꠥ ꠖꠣꠘ ꠇꠞꠍꠂꠘ। ꠀꠞ ꠅꠃ ꠢꠇ꠆ꠇꠟꠔꠣꠞ ꠝꠣꠎꠖꠤ ꠀꠟ꠆ꠟꠣꠞ ꠉꠃꠞꠛ-ꠝꠢꠤꠝꠣꠞ ꠔꠣꠞꠤꠚ ꠅꠁꠛ।

Injil 10: Ifisia 1:18

ꠀꠝꠤ ꠀꠞꠅ ꠝꠥꠘꠣꠎꠣꠔ ꠇꠞꠤꠀꠞ, ꠀꠙꠘꠣꠞꠣꠞ ꠖꠤꠟꠞ ꠌꠃꠈ ꠈꠥꠟꠤ ꠎꠣꠃꠇ, ꠔꠦꠃ ꠀꠟ꠆ꠟꠣꠁ ꠖꠣꠅꠔ ꠙꠣꠁꠀ ꠀꠙꠘꠣꠞꠣꠞ ꠖꠤꠟꠞ ꠝꠣꠎꠦ ꠎꠦ ꠄꠡꠇꠤ ꠙꠄꠖꠣ ꠅꠁꠍꠦ ꠅꠔꠣ ꠀꠞꠅ ꠜꠣꠟꠣꠝꠘ꠆ꠔꠦ ꠛꠥꠎꠛꠣ। ꠄꠞꠟꠉꠦ ꠄꠅꠈꠣꠘꠅ ꠛꠥꠎꠔꠣ ꠙꠣꠞꠛꠣ, ꠀꠟ꠆ꠟꠣꠞ ꠖꠞꠛꠣꠞꠅ ꠔꠣꠘ ꠙꠣꠇ ꠛꠘ꠆ꠖꠣ ꠅꠇꠟ ꠇꠔ ꠛꠠ ꠡꠝ꠆ꠙꠔ꠆ꠔꠤ।

Injil 12: Kolosia 1:12

ꠀꠞ ꠢꠇꠟ ꠡꠝꠄ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠡꠥꠇꠞꠤꠀ ꠎꠣꠘꠣꠅ। ꠀꠟ꠆ꠟꠣꠞ ꠙꠣꠇ ꠛꠘ꠆ꠖꠣ ꠅꠇꠟꠦ ꠘꠥꠞꠞ ꠛꠣꠖꠡꠣꠁꠔ ꠎꠦ ꠅꠗꠤꠇꠣꠞ ꠙꠣꠁꠛꠣ, ꠁꠔꠣꠞ ꠜꠣꠉꠤ ꠅꠀꠞ ꠟꠣꠉꠤ ꠔ ꠔꠣꠁꠘꠃ ꠔꠥꠝꠞꠣꠞꠦ ꠃꠙꠎꠥꠇ꠆ꠔ ꠛꠣꠘꠣꠁꠍꠂꠘ।

Injil 12: Kolosia 1:5

ꠔꠥꠝꠞꠣ ꠀꠉꠦ ꠎꠦ ꠈꠥꠡ-ꠈꠛꠞꠤ ꠝꠣꠘꠤ ꠀꠟ꠆ꠟꠣꠞ ꠢꠇ ꠇꠣꠟꠣꠝ ꠙꠣꠁꠍ, ꠅꠃ ꠇꠣꠟꠣꠝ ꠢꠥꠘꠤꠀꠃ ꠔꠥꠝꠞꠣꠞ ꠝꠘꠅ ꠄꠇ ꠀꠡꠣ ꠎꠘꠝꠤꠍꠦ। ꠅꠃ ꠀꠡꠣ ꠕꠣꠇꠤꠃ ꠔꠥꠝꠞꠣꠞ ꠁꠝꠣꠘ ꠀꠞ ꠝꠣꠄꠀ ꠙꠄꠖꠣ ꠅꠁꠍꠦ। ꠀꠞ ꠔꠥꠝꠞꠣ ꠀꠡꠣ ꠇꠞꠞꠣꠄ ꠎꠦ ꠍꠣꠝꠣꠘ ꠙꠣꠁꠔꠣꠄ, ꠁꠔꠣ ꠔ ꠛꠦꠢꠦꠡ꠆ꠔꠅ ꠞꠣꠈꠣ ꠀꠍꠦ।

Injil 12: Kolosia 3:24

ꠝꠘꠅ ꠞꠣꠈꠤꠅ, ꠝꠣꠟꠤꠇꠦ ꠔꠣꠘ ꠛꠘ꠆ꠖꠣ ꠅꠇꠟꠞ ꠟꠣꠉꠤ ꠎꠦꠔꠣ ꠞꠣꠈꠍꠂꠘ, ꠁꠔꠣ ꠔ ꠙꠥꠞꠥꠡ꠆ꠇꠣꠞ ꠢꠤꠡꠣꠛꠦ ꠔꠣꠘ ꠉꠦꠍ ꠕꠣꠇꠤꠃ ꠔꠥꠝꠞꠣ ꠙꠣꠁꠛꠣꠄ। ꠔꠥꠝꠞꠣ ꠔ ꠈꠣꠟꠤ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠈꠦꠎꠝꠔ ꠇꠞꠞꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:8

ꠔꠦ ꠀꠝꠣꠞ ꠙꠞꠦꠎꠉꠣꠞꠤꠞ ꠙꠥꠞꠥꠡ꠆ꠇꠣꠞ ꠔ ꠎꠝꠣ ꠀꠍꠦ, ꠢꠃ ꠢꠇ-ꠁꠘꠍꠣꠚꠇꠣꠞꠤ ꠝꠣꠟꠤꠇꠦ ꠞꠥꠎ ꠢꠣꠡꠞꠞ ꠖꠤꠘ ꠀꠝꠣꠞꠦ ꠎꠄꠅꠞ ꠝꠣꠟꠣ ꠙꠥꠞꠥꠡ꠆ꠇꠣꠞ ꠖꠤꠛꠣ। ꠁꠔꠣ ꠈꠣꠟꠤ ꠀꠝꠣꠞꠦ ꠘꠣꠄ, ꠎꠔ ꠝꠣꠘꠥꠡ ꠀꠡꠤꠇ ꠅꠁꠀ ꠔꠣꠘ ꠟꠣꠉꠤ ꠛꠣꠞ ꠌꠣꠁꠞꠣ, ꠔꠣꠞꠣ ꠢꠇꠟꠞꠦꠃ ꠖꠤꠛꠣ।

Injil 19: Ibrani 10:34

ꠔꠥꠝꠞꠣꠞ ꠝꠣꠎꠞ ꠎꠦꠞꠣ ꠎꠦꠟ ꠈꠣꠐꠤꠍꠟꠣ, ꠔꠣꠞꠣꠞ ꠖꠥꠈꠦ ꠔꠥꠝꠞꠣꠅ ꠖꠥꠈꠤ ꠅꠁꠍꠟꠣꠄ। ꠔꠥꠝꠞꠣꠞ ꠗꠘ-ꠍꠣꠝꠣꠘꠣ ꠟꠥꠐ-ꠙꠣꠐ ꠇꠞꠣ ꠅꠁꠟꠦꠅ ꠈꠥꠡꠤ ꠀꠍꠟꠣꠄ, ꠀꠍꠟꠦ ꠛꠥꠎꠔꠣꠄ ꠙꠣꠞꠍꠟꠣꠄ, ꠔꠥꠝꠞꠣꠞ ꠟꠣꠉꠤ ꠀꠞꠅ ꠛꠃꠔ ꠜꠣꠟꠣ ꠜꠣꠟꠣ ꠍꠣꠝꠣꠘꠣ ꠎꠝꠣ ꠀꠍꠦ, ꠎꠦ ꠍꠣꠝꠣꠘꠣ ꠌꠤꠞꠇꠣꠟ ꠞꠁꠛ।

Injil 19: Ibrani 9:15

ꠀꠞ ꠙꠄꠟꠣ ꠃꠍꠤꠟ꠆ꠟꠣ ꠌꠣꠟꠥ ꠕꠣꠇꠔꠦ ꠝꠣꠘꠡꠦ ꠎꠦꠔꠣ ꠉꠥꠘꠣ ꠇꠞꠍꠟꠣ, ꠅꠃ ꠉꠥꠘꠣꠞ ꠀꠔ ꠕꠣꠇꠤ ꠈꠣꠟꠣꠍ ꠇꠞꠣꠞ ꠘꠤꠅꠔꠦ, ꠇꠚꠞꠣ ꠢꠤꠡꠣꠛꠦ ꠀꠟ-ꠝꠍꠤꠞ ꠝꠃꠔ ꠅꠁꠍꠦ। ꠀꠟ꠆ꠟꠣꠄ ꠎꠦꠞꠣꠞꠦ ꠖꠣꠅꠔꠖꠤ ꠀꠘꠤꠀ ꠌꠤꠞꠇꠣꠟꠤꠘ ꠝꠃꠞꠡꠤ ꠡꠝ꠆ꠙꠖ ꠖꠤꠛꠣꠞ ꠅꠀꠖꠣ ꠇꠞꠍꠂꠘ, ꠀꠟ-ꠝꠍꠤ ꠔ ꠄꠞꠣꠞ ꠟꠣꠉꠤꠃ ꠘꠄꠀ ꠃꠍꠤꠟ꠆ꠟꠣꠞ ꠎꠤꠝ꠆ꠝꠣꠖꠣꠞ ꠅꠁꠍꠂꠘ। ꠅꠃ ꠝꠃꠞꠡꠤ ꠡꠝ꠆ꠙꠖ ꠅꠈꠘ ꠝꠣꠘꠡꠦ ꠙꠣꠁꠛꠣꠞ ꠡꠥꠎꠥꠉ ꠅꠁꠍꠦ,

Injil 20: Iakub 1:11

ꠡꠥꠞꠥꠎ ꠎꠦꠛꠟꠣ ꠃꠑꠦ, ꠁ ꠡꠝꠄ ꠔꠣꠞ ꠔꠦꠎꠦ ꠊꠣꠡ ꠢꠥꠇꠣꠁ ꠎꠣꠄ, ꠚꠥꠟ ꠏꠞꠤꠀ ꠙꠠꠤꠎꠣꠄ, ꠀꠞ ꠔꠣꠞ ꠡꠥꠘ꠆ꠖꠞ ꠘꠡ꠆ꠐ ꠅꠁꠎꠣꠄ। ꠗꠘꠤ ꠝꠣꠘꠥꠡꠅ ꠅꠟꠣꠈꠣꠘ ꠔꠣꠞ ꠛꠦꠡ꠆ꠔꠔꠣꠞ ꠝꠣꠎꠦ ꠏꠞꠤꠀ ꠙꠠꠤꠎꠤꠛ।

ꠁꠘ꠆ꠎꠤꠟ ২১: ১-ꠙꠤꠔꠞ 3:9

ꠅꠁꠘ꠆ꠘꠣꠄꠞ ꠛꠖꠟꠣ ꠅꠁꠘ꠆ꠘꠣꠄ ꠇꠞꠤꠅ ꠘꠣ, ꠇꠦꠃ ꠉꠣꠟꠤ ꠖꠤꠟꠦ ꠚꠤꠞꠤꠀ ꠉꠣꠟꠤ ꠖꠤꠅ ꠘꠣ। ꠛꠞꠋ ꠔꠣꠞꠣꠞ ꠟꠣꠉꠤ ꠖꠥꠀ ꠌꠣꠁꠅ, ꠅꠟꠣ ꠌꠟꠣꠞ ꠟꠣꠉꠤꠃ ꠀꠟ꠆ꠟꠣꠄ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠁꠟꠣ ꠇꠞꠟꠦ ꠔꠥꠝꠞꠣ ꠞꠢꠝꠔ ꠙꠣꠁꠛꠣꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 5:4

ꠔꠦꠃ ꠢꠃ ꠙꠞꠗꠣꠘ ꠞꠣꠈꠣꠟ ꠁꠍꠣꠄ ꠎꠦꠛꠟꠣ ꠖꠥꠘꠤꠀꠔ ꠢꠤꠞꠛꠣꠞ ꠔꠡꠞꠤꠚ ꠀꠘꠛꠣ, ꠅꠃ ꠡꠝꠄ ꠔꠥꠝꠞꠣ ꠙꠥꠞꠥꠡ꠆ꠇꠣꠞ ꠢꠤꠡꠣꠛꠦ ꠅꠟꠣ ꠄꠇ ꠎꠄꠅꠞ ꠝꠣꠟꠣ ꠙꠣꠁꠛꠣꠄ ꠎꠦꠔꠣ ꠇꠥꠘꠥꠖꠤꠘ ꠛꠤꠘꠣꠡ ꠅꠁꠔ ꠘꠣꠄ।

Injil 27: Zaira Kalam 21:27

ꠘꠣꠙꠣꠇ ꠇꠥꠘꠥ ꠌꠤꠎ, ꠢꠣꠞꠣꠝꠈꠥꠞ ꠛꠣ ꠝꠤꠍꠣ ꠝꠣꠔꠞꠣ ꠇꠥꠘꠥ ꠝꠣꠘꠥꠡ, ꠇꠥꠘꠥꠖꠤꠘꠅ ꠁꠘꠅ ꠢꠣꠝꠣꠁꠔ ꠙꠣꠞꠔ ꠘꠣꠄ। ꠈꠣꠟꠤ ꠝꠦꠠꠣ-ꠛꠣꠁꠌ꠆ꠌꠣꠞ ꠎꠤꠘ꠆ꠖꠦꠉꠤ ꠈꠣꠔꠣꠞ ꠝꠣꠎꠦ ꠎꠦꠞꠣꠞ ꠘꠣꠝ ꠟꠦꠈꠣ ꠀꠍꠦ, ꠔꠣꠞꠣꠃ ꠢꠣꠝꠣꠁꠛꠣ।