ꠁꠘ꠆ꠎꠤꠟ ২১: ১-ꠙꠤꠔꠞ 1:3 - Siloṭi Asmani Kitab (Nagri lipi)

³ ꠢꠃ ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠅꠃꠇ, ꠎꠦꠁꠘ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠝꠣꠛꠥꠖ ꠀꠞ ꠉꠣꠁꠛꠤ ꠛꠣꠚ। ꠔꠣꠁꠘ ꠁꠍꠣ ꠀꠟ-ꠝꠍꠤꠞꠦ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠇꠞꠤꠀ, ꠔꠣꠘ ꠝꠢꠣ ꠖꠄꠀꠄ ꠀꠝꠞꠣꠞꠦ ꠘꠄꠀ ꠎꠘꠝ ꠖꠣꠘ ꠇꠞꠍꠂꠘ, ꠄꠔꠦ ꠀꠝꠞꠣ ꠄꠇ ꠎꠤꠘ꠆ꠖꠣ ꠀꠡꠣ ꠙꠣꠁꠍꠤ।

ছিলটি আছমানি কিতাব (বাংলা লিপি)

³ হউ আল্লা পাকর তারিফ অউক, যেইন আমরার মালিক ইছা আল-মসীর মাবুদ আর গাইবি বাফ। তাইন ইছা আল-মসীরে মরা থাকি জিন্দা করিয়া, তান মহা দয়ায় আমরারে নয়া জনম দান করছইন, এতে আমরা এক জিন্দা আশা পাইছি।

Siloṭi Asmani Kitab (Latin lipi)

³ Hou Alla Pakor tarif ouk, zein amrar Malik Isa al-Mosir Mabud ar gaibi baf. Tain Isa al-Mosire mora taki zinda ḳoria, tan moha doyae amrare noya zonom dan ḳorsoin, ete amra eḳ zinda asha faisi.

ꠁꠘ꠆ꠎꠤꠟ ২১: ১-ꠙꠤꠔꠞ 1:3 Iomraidhean Croise

ꠎꠛꠥꠞ ꠡꠞꠤꠚ 41:13

ꠢꠇ꠆ꠇꠟ ꠙ꠆ꠞꠡꠋꠡꠣ ꠛꠘꠤ ꠁꠍꠞꠣꠁꠟꠞ ꠝꠣꠛꠥꠖ ꠀꠟ꠆ꠟꠣꠞ ꠅꠃꠇ, ꠡꠥꠞꠥ ꠕꠣꠇꠤ ꠀꠈꠦꠞ ꠙꠞ꠆ꠎꠘ꠆ꠔ ꠌꠤꠞꠇꠣꠟ ꠎꠣꠞꠤ ꠞꠃꠇ। ꠀꠝꠤꠘ ꠍꠥꠝ꠆ꠝꠣ-ꠀꠝꠤꠘ॥

ꠔꠃꠞꠣꠔ ২: ꠢꠤꠎꠞꠔ 34:6

ꠔꠣꠁꠘ ꠝꠥꠍꠣꠞ ꠍꠣꠝꠘꠣ ꠖꠤꠀ ꠔꠡꠞꠤꠚ ꠘꠤꠟꠣ, ꠀꠞ ꠅꠃ ꠇꠣꠟꠣꠝ ꠄꠟꠣꠘ ꠇꠞꠤ ꠇꠞꠤ ꠉꠦꠟꠣ, “ꠝꠣꠛꠥꠖ, ꠎꠦꠁꠘ ꠀꠍꠂꠘ, ꠞꠢꠝꠣꠘ ꠀꠞ ꠞꠢꠤꠝ ꠀꠟ꠆ꠟꠣ, ꠔꠣꠁꠘ ꠉꠥꠍꠣ ꠇꠞꠂꠘ ꠗꠤꠞ ꠉꠔꠤꠄ, ꠔꠣꠘ ꠅꠛꠤꠞꠣꠝ ꠝꠣꠄꠀ-ꠝꠢꠛ꠆ꠛꠔ ꠀꠞ ꠢꠇ-ꠢꠣꠟꠣꠟꠤꠞ ꠇꠥꠘꠥ ꠡꠤꠝꠣ ꠘꠣꠁ।

ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ 4:2

ꠔꠣꠁꠘ ꠝꠣꠛꠥꠖꠞ ꠖꠞꠛꠣꠞꠅ ꠚꠞꠤꠀꠖ ꠇꠞꠟꠣ, “ꠅ ꠝꠣꠛꠥꠖ, ꠀꠝꠤ ꠖꠦꠡꠅ ꠕꠣꠇꠔꠦꠃ ꠔ ꠎꠣꠘꠔꠣꠝ ꠁꠟꠣꠈꠣꠘ ꠅꠁꠛ। ꠄꠞꠖꠣꠄ ꠀꠝꠤ ꠀꠉꠦꠃ ꠡ꠆ꠙꠦꠘ ꠖꠦꠡꠅ ꠢꠞꠤꠀ ꠎꠣꠁꠔꠣꠝꠉꠤ ꠌꠣꠁꠍꠟꠣꠝ। ꠀꠝꠤ ꠔ ꠎꠣꠘꠤ, ꠔꠥꠝꠤ ꠖꠄꠀ-ꠝꠝꠔꠣꠄ ꠜꠞꠣ ꠀꠟ꠆ꠟꠣ, ꠉꠥꠍꠣ ꠇꠞ ꠗꠤꠞ ꠉꠔꠤꠄ, ꠞꠢꠝ ꠇꠞ ꠛꠦꠢꠤꠡꠣꠛ, ꠀꠞ ꠉꠎꠛ ꠘꠣꠎꠤꠟꠞ ꠛꠦꠙꠣꠞꠦ ꠔꠥꠝꠣꠞ ꠝꠞ꠆ꠎꠤ ꠛꠖꠟꠣꠁꠟꠣꠅ।

Injil 4: Hannan 1:13

ꠀꠍꠟꠦ ꠅꠃ ꠎꠘ ꠅꠇꠟꠞ ꠎꠘꠝ ꠔ ꠝꠣꠘꠡꠞ ꠟꠃ ꠕꠣꠇꠤ ꠅꠁꠍꠦ ꠘꠣ, ꠡꠞꠤꠟꠞ ꠈꠣꠁꠡ ꠛꠣ ꠝꠣꠘꠡꠞ ꠁꠌ꠆ꠍꠣꠄꠅ ꠅꠁꠍꠦ ꠘꠣ, ꠁꠐꠣ ꠈꠣꠟꠤ ꠀꠟ꠆ꠟꠣ ꠕꠣꠇꠤꠃ ꠅꠁꠍꠦ।

Injil 6: Ruman 12:12

ꠍꠣꠝꠘꠞ ꠙꠥꠞꠥꠡ꠆ꠇꠣꠞꠞ ꠀꠡꠣꠄ ꠢꠣꠝꠦꠡꠣ ꠈꠥꠡꠤ-ꠛꠣꠡꠤ ꠇꠞꠅ, ꠖꠥꠈ-ꠝꠍꠤꠛꠔꠅ ꠍꠛꠞ ꠇꠞꠅ, ꠢꠞ-ꠢꠣꠝꠦꠡꠣ ꠝꠥꠘꠣꠎꠣꠔ ꠇꠞꠣꠔ ꠞꠅ।

Injil 6: Ruman 15:13

ꠔꠦ ꠖꠤꠟꠞ ꠝꠣꠎꠦ ꠀꠡꠣ ꠖꠦꠅꠞꠣ ꠀꠟ꠆ꠟꠣꠄ ꠁꠝꠣꠘꠞ ꠛꠟꠦ, ꠔꠥꠝꠞꠣꠞꠦ ꠢꠇꠟ ꠟꠣꠈꠣꠘ ꠈꠥꠡꠤ-ꠛꠣꠡꠤ ꠀꠞ ꠡꠣꠘ꠆ꠔꠤꠞ ꠝꠣꠎꠦ ꠢꠣꠛꠥꠒꠥꠛꠥ ꠈꠣꠅꠀꠃꠇ꠆ꠇꠣ। ꠔꠦꠃ ꠀꠟ꠆ꠟꠣꠁ ꠙꠣꠇ ꠞꠥꠢꠥꠞ ꠇꠥꠖꠞꠔꠤꠄ ꠔꠥꠝꠞꠣꠞ ꠀꠡꠣ-ꠜꠞꠡꠣ ꠛꠣꠁꠀ ꠙꠠꠛ।

Injil 6: Ruman 4:25

ꠀꠝꠞꠣꠞ ꠉꠥꠘꠣꠞ ꠇꠚꠞꠣ ꠢꠤꠡꠣꠛꠦ ꠅꠃ ꠁꠍꠣꠞꠦ ꠝꠃꠔꠞ ꠀꠔꠅ ꠔꠥꠟꠤ ꠖꠦꠅꠀ ꠅꠁꠍꠤꠟ, ꠀꠞ ꠀꠝꠞꠣꠞꠦ ꠛꠦ-ꠇꠍꠥꠞ ꠈꠣꠟꠣꠍ ꠇꠁꠀ ꠉꠁꠘ꠆ꠘ ꠇꠞꠣꠞ ꠟꠣꠉꠤ ꠔꠣꠘꠞꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠇꠞꠣ ꠅꠁꠍꠤꠟ।

Injil 6: Ruman 5:10

ꠀꠝꠞꠣ ꠀꠉꠦ ꠀꠟ꠆ꠟꠣꠞ ꠖꠥꠡꠝꠘ ꠀꠍꠟꠣꠝ, ꠢꠃ ꠡꠝꠄ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞ ꠝꠃꠔꠞ ꠃꠍꠤꠟ꠆ꠟꠣꠄ, ꠔꠣꠘ ꠟꠉꠦ ꠀꠝꠞꠣꠞ ꠝꠤꠟꠘ ꠅꠁꠍꠦ। ꠔꠦ ꠔ ꠀꠟ-ꠝꠍꠤꠞ ꠎꠤꠘ꠆ꠖꠣ ꠅꠁꠀ ꠃꠑꠣꠞ ꠝꠣꠎꠖꠤ ꠅꠈꠘ ꠀꠞꠅ ꠛꠦꠡꠤ ꠘꠤꠌ꠆ꠌꠤꠔ, ꠀꠝꠞꠣ ꠘꠣꠎꠣꠔ ꠙꠣꠁꠝꠥ।

Injil 6: Ruman 8:11

ꠀꠞ ꠢꠃ ꠁꠍꠣꠞꠦ ꠎꠦꠁꠘ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠇꠞꠍꠂꠘ, ꠅꠃ ꠀꠟ꠆ꠟꠣꠞ ꠞꠥꠢꠥ ꠎꠦꠛꠟꠣ ꠔꠥꠝꠞꠣꠞ ꠖꠤꠟꠅ ꠛꠡꠔ ꠇꠞꠂꠘ, ꠔꠦ ꠔꠣꠘ ꠅꠃ ꠞꠥꠢꠥꠞ ꠛꠟꠦ ꠝꠃꠔꠞ ꠀꠅꠔꠣꠄ ꠕꠣꠇꠣ ꠔꠥꠝꠞꠣꠞ ꠡꠞꠤꠟꠞꠦꠅ ꠎꠤꠘ꠆ꠖꠦꠉꠤ ꠖꠣꠘ ꠇꠞꠛꠣ।

Injil 6: Ruman 8:24

ꠀꠝꠞꠣ ꠈꠣꠟꠣꠍ ꠅꠀꠞ ꠅꠃ ꠀꠡꠣ ꠙꠣꠁꠍꠤ, ꠁꠝꠣꠘ ꠀꠘꠣꠞ ꠇꠣꠟꠅ। ꠔꠦ ꠎꠦꠔꠣ ꠎꠤꠘꠤꠡ ꠝꠣꠘꠡꠦ ꠖꠦꠈꠤꠟꠣꠄ, ꠁꠔꠣ ꠖꠦꠈꠣꠞ ꠟꠣꠉꠤ ꠢꠦ ꠀꠞ ꠀꠡꠣ ꠇꠞꠦ ꠘꠣ, ꠎꠦꠔꠣ ꠖꠦꠈꠣ ꠅꠁꠉꠦꠍꠦ, ꠁꠔꠣꠞꠦ ꠖꠦꠈꠣꠞ ꠀꠡꠣ ꠀꠞ ꠇꠦꠘꠦ ꠇꠞꠔ?

Injil 7: 1-Korintia 13:13

ꠛꠥꠎꠞꠣꠄ ꠘꠤ, ꠁꠝꠣꠘ, ꠀꠡꠣ, ꠀꠞ ꠝꠢꠛ꠆ꠛꠔ, ꠅꠃ ꠔꠤꠘꠅ ꠗꠘ ꠢꠞ-ꠢꠣꠝꠦꠡꠣ ꠞꠁꠛ, ꠁꠔꠣꠞ ꠝꠣꠎꠦ ꠝꠢꠛ꠆ꠛꠔꠃ ꠢꠇꠟ ꠕꠣꠇꠤ ꠛꠠ।

Injil 7: 1-Korintia 15:20

ꠅꠁꠟꠦ ꠀꠍꠟ ꠇꠕꠣ ꠅꠁꠟ, ꠀꠟ-ꠝꠍꠤꠞꠦ ꠔ ꠢꠣꠍꠣꠃ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠇꠞꠣ ꠅꠁꠍꠦ। ꠔꠣꠁꠘꠃ ꠙꠄꠟꠣ ꠚꠡꠟ, ꠝꠥꠞ꠆ꠖꠣ ꠕꠣꠇꠤ ꠎꠔ ꠎꠘꠞꠦ ꠎꠤꠘ꠆ꠖꠣ ꠇꠞꠣ ꠅꠁꠛ, ꠄꠞꠣꠞ ꠝꠣꠎꠦ ꠔꠣꠘꠞꠦꠃ ꠙꠄꠟꠣ ꠎꠤꠘ꠆ꠖꠣ ꠇꠞꠣ ꠅꠁꠍꠦ।

Injil 8: 2-Korintia 1:3

ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠅꠃꠇ। ꠔꠣꠁꠘꠃ ꠞꠢꠝꠣꠘꠥꠞ ꠞꠢꠤꠝ ꠀꠟ꠆ꠟꠣ, ꠢꠇ꠆ꠇꠟꠞ ꠖꠤꠟꠞ ꠛꠥꠎ ꠖꠦꠅꠞꠣ ꠀꠟ꠆ꠟꠣ।

Injil 9: Galatia 6:16

ꠀꠞ ꠅꠃ ꠁꠝꠣꠘꠦ ꠎꠦꠞꠣ ꠎꠤꠘ꠆ꠖꠦꠉꠤ ꠇꠣꠐꠣꠄ, ꠝꠣꠘꠤ ꠈꠣꠐꠤ ꠀꠟ꠆ꠟꠣꠞ ꠛꠘ꠆ꠖꠣꠞꠦ, ꠔꠣꠁꠘ ꠞꠢꠝ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

Injil 10: Ifisia 1:17

ꠀꠝꠤ ꠀꠟ꠆ꠟꠣꠞ ꠖꠞꠛꠣꠞꠅ ꠀꠞꠎ ꠇꠞꠤ, ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠀꠟ꠆ꠟꠣꠄ, ꠎꠣꠟꠣꠟ ꠀꠞ ꠡꠣꠘ ꠀꠟꠣ ꠉꠣꠁꠛꠤ ꠛꠣꠚꠦ ꠀꠙꠘꠣꠁꠘ꠆ꠔꠞꠦ ꠞꠥꠢꠣꠘꠤ ꠀꠈꠟ ꠀꠞ ꠛꠥꠎꠣꠞ ꠈꠦꠝꠔꠣ ꠖꠦꠃꠇ꠆ꠇꠣ। ꠔꠦꠃ ꠀꠙꠘꠣꠞꠣ ꠀꠞꠅ ꠜꠣꠟꠣꠝꠘ꠆ꠔꠦ ꠔꠣꠘꠞꠦ ꠌꠤꠘꠛꠣ।

Injil 10: Ifisia 1:3

ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠅꠃꠇ, ꠔꠣꠁꠘꠃ ꠁꠍꠣ ꠀꠟ-ꠝꠍꠤꠞ ꠀꠟ꠆ꠟꠣ ꠀꠞ ꠔꠣꠘ ꠉꠣꠁꠛꠤ ꠛꠣꠚ, ꠀꠞ ꠅꠃ ꠢꠎꠞꠔ ꠁꠍꠣꠃ ꠀꠝꠞꠣꠞ ꠝꠣꠟꠤꠇ। ꠀꠟ꠆ꠟꠣ ꠙꠣꠇꠦ ꠔ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠍꠝꠣꠘꠞ ꠙꠞꠔꠦꠇ ꠘꠝꠥꠘꠣꠞ ꠞꠥꠢꠣꠘꠤ ꠞꠢꠝꠔ ꠀꠝꠞꠣꠞꠦ ꠖꠣꠘ ꠇꠞꠍꠂꠘ।

Injil 10: Ifisia 1:7

ꠀꠟ-ꠝꠍꠤꠞ ꠙꠛꠤꠔ꠆ꠞ ꠇꠥꠞꠛꠣꠘꠤꠞ ꠃꠍꠤꠟ꠆ꠟꠣꠄ ꠔꠣꠘ ꠟꠃꠞ ꠛꠖꠟꠣ ꠀꠝꠞꠣ ꠉꠥꠘꠣꠞ ꠡꠣꠎꠣ ꠕꠣꠇꠤ ꠈꠣꠟꠣꠍ ꠙꠣꠁꠍꠤ, ꠀꠝꠞꠣ ꠅꠃ ꠝꠣꠚꠤ ꠙꠣꠁꠍꠤ, ꠁꠔꠣ ꠔ ꠀꠟ꠆ꠟꠣ ꠙꠣꠇꠞ ꠈꠣꠍ ꠞꠢꠝꠔ।

Injil 10: Ifisia 2:4

ꠅꠁꠟꠦ ꠀꠟ꠆ꠟꠣ ꠙꠣꠇ ꠔ ꠞꠢꠝꠔꠞ ꠜꠣꠘ꠆ꠒꠣꠞ; ꠔꠣꠁꠘ ꠀꠝꠞꠣꠞꠦ ꠈꠥꠛ ꠛꠦꠡꠤ ꠝꠣꠄꠀ-ꠝꠢꠛ꠆ꠛꠔ ꠇꠞꠂꠘ।

Injil 10: Ifisia 3:20

ꠀꠍꠟꠦ ꠀꠟ꠆ꠟꠣꠞ ꠎꠦ ꠇꠥꠖꠞꠔꠤ ꠛꠟꠦ ꠀꠝꠞꠣꠞ ꠖꠤꠟꠞ ꠝꠣꠎꠦ ꠇꠣꠝ ꠇꠞꠦ, ꠢꠃ ꠛꠟꠞ ꠃꠍꠤꠟ꠆ꠟꠣꠄ ꠀꠝꠞꠣꠞ ꠌꠤꠘ꠆ꠔꠣ-ꠜꠣꠛꠘꠣ ꠛꠣ ꠌꠣꠅꠀ-ꠙꠣꠅꠀ ꠕꠣꠇꠤ ꠀꠞꠅ ꠛꠃꠔ ꠛꠦꠡꠤ ꠇꠣꠝ ꠔꠣꠁꠘ ꠇꠞꠔꠣ ꠙꠣꠞꠂꠘ।

Injil 12: Kolosia 1:23

ꠔꠦ ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠕꠣꠇꠤ ꠎꠦ ꠘꠤꠌ꠆ꠌꠤꠔ ꠀꠡꠣ ꠔꠥꠝꠞꠣ ꠙꠣꠁꠍ, ꠈꠣꠟꠤ ꠅꠃ ꠀꠡꠣꠞ ꠃꠙꠞꠦ ꠁꠝꠣꠘꠦ ꠕꠤꠞ ꠞꠁꠅ, ꠁꠘ ꠕꠣꠇꠤ ꠟꠠꠤꠅ ꠘꠣ। ꠔꠥꠝꠞꠣ ꠔ ꠎꠣꠘ, ꠁ ꠈꠥꠡ-ꠈꠛꠞꠤ ꠢꠣꠞꠣ ꠖꠥꠘꠤꠀꠔ ꠔꠛꠟꠤꠉ ꠇꠞꠣ ꠅꠁꠍꠦ, ꠀꠝꠤ ꠙꠣꠃꠟꠥꠍꠅ ꠅꠃ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠈꠣꠖꠤꠝ ꠅꠁꠍꠤ।

Injil 12: Kolosia 1:27

ꠀꠟ꠆ꠟꠣꠄ ꠌꠣꠁꠍꠂꠘ, ꠜꠤꠘ ꠎꠣꠔꠤ ꠅꠇꠟꠞ ꠉꠦꠍꠦꠅ ꠔꠣꠘ ꠛꠣꠔꠥꠘꠤ ꠝꠥꠘꠡꠣꠞ ꠉꠃꠞꠛ ꠎꠦ ꠇꠤꠔꠣ, ꠁꠔꠣ ꠎꠦꠘꠥ ꠔꠣꠘ ꠢꠇꠟ ꠛꠘ꠆ꠖꠣ ꠅꠇꠟꠦ ꠎꠣꠘꠔꠣ ꠙꠣꠞꠂꠘ। ꠀꠍꠟꠦ ꠀꠟ-ꠝꠍꠤ ꠔꠥꠝꠞꠣꠞ ꠖꠤꠟꠅ ꠀꠍꠂꠘ, ꠉꠔꠤꠇꠦ ꠔꠥꠝꠞꠣ ꠉꠃꠞꠛ ꠙꠣꠅꠀꠞ ꠀꠡꠣ ꠙꠣꠁꠍ।

ইঞ্জিল ১৩: ১-থিষল: 1:3

ꠁꠝꠣꠘꠞ ꠟꠣꠉꠤ ꠔꠥꠝꠞꠣ ꠎꠦ ꠇꠣꠝ ꠇꠞꠞꠣꠄ, ꠝꠢꠛ꠆ꠛꠔꠞ ꠟꠣꠉꠤ ꠔꠥꠝꠞꠣ ꠎꠦ ꠝꠦꠘꠔ ꠇꠞꠞꠣꠄ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠀꠡꠣ-ꠜꠞꠡꠣ ꠇꠞꠤꠀ ꠔꠥꠝꠞꠣ ꠎꠦ ꠍꠛꠞ ꠇꠞꠞꠣꠄ, ꠁꠔꠣ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠖꠞꠛꠣꠞꠅ ꠖꠥꠀ ꠇꠞꠣꠞ ꠡꠝꠄ ꠢꠣꠝꠦꠡꠣ ꠝꠘꠅ ꠇꠞꠤ।

ইঞ্জিল ১৩: ১-থিষল: 4:13

ꠅ ꠜꠣꠁ ꠅꠇꠟ, ꠢꠥꠘꠅ, ꠝꠥꠞ꠆ꠖꠣ ꠅꠇꠟꠞ ꠇꠥꠘ ꠢꠣꠟꠔ ꠅꠁꠛ, ꠀꠝꠞꠣ ꠌꠣꠁꠞꠣꠝ ꠁꠔꠣ ꠔꠥꠝꠞꠣ ꠎꠣꠘ, ꠎꠣꠔꠦ ꠝꠞꠘ ꠛꠣꠖꠦ ꠇꠤꠔꠣ ꠅꠁꠛ ꠁꠈꠣꠘ ꠘꠣ ꠎꠣꠘꠣꠄ ꠎꠦꠞꠣ ꠘꠤꠞꠣꠡ ꠅꠁꠎꠣꠄ, ꠔꠥꠝꠞꠣꠞ ꠝꠘ ꠎꠣꠘꠥ ꠁꠟꠣꠈꠣꠘ ꠘꠣ ꠅꠄ।

ইঞ্জিল ১৪: ২-থিষল: 2:16

ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠦ ꠀꠞ ꠡ꠆ꠛꠄꠅꠋ ꠁꠍꠣ ꠀꠟ-ꠝꠍꠤꠄ ꠔꠥꠝꠞꠣꠞ ꠖꠤꠟꠅ ꠘꠦꠇ ꠃꠔꠡꠣꠢ ꠖꠣꠘ ꠇꠞꠃꠇ꠆ꠇꠣ, ꠢꠇꠟ ꠘꠝꠥꠘꠣꠞ ꠘꠦꠇ ꠇꠣꠝ ꠀꠞ ꠝꠣꠔ-ꠇꠕꠣꠞ ꠝꠣꠎꠦ ꠕꠤꠞ ꠞꠣꠈꠃꠇ꠆ꠇꠣ। ꠔꠣꠁꠘꠃ ꠀꠝꠞꠣꠞꠦ ꠝꠢꠛ꠆ꠛꠔ ꠇꠞꠍꠂꠘ, ꠔꠣꠁꠘ ꠞꠢꠝ ꠇꠞꠤꠀ ꠌꠤꠞꠇꠣꠟꠤꠘ ꠃꠔꠡꠣꠢ ꠀꠞ ꠈꠥꠡꠤ-ꠛꠣꠡꠤꠞ ꠀꠡꠣ ꠖꠣꠘ ꠇꠞꠍꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:14

ꠀꠝꠞꠣꠞ ꠝꠥꠘꠤꠛꠦ ꠀꠝꠣꠞꠦ ꠇꠔ ꠛꠠ ꠝꠦꠢꠦꠞꠛꠣꠘꠤ ꠇꠞꠍꠂꠘ, ꠁꠍꠣ ꠀꠟ-ꠝꠍꠤꠞ ꠔꠞꠤꠇꠣ ꠇꠛꠥꠟ ꠇꠞꠟꠦ ꠎꠦ ꠁꠝꠣꠘ ꠀꠞ ꠝꠢꠛ꠆ꠛꠔ ꠙꠄꠖꠣ ꠅꠄ, ꠁꠔꠣ ꠔ ꠀꠝꠣꠞꠦ ꠙꠥꠞꠣꠙꠥꠞ ꠖꠣꠘ ꠇꠞꠍꠂꠘ।

Injil 17: Titas 2:13

ꠄꠞꠟꠉꠦ ꠀꠝꠞꠣꠞ ꠖꠤꠟꠞ ꠙꠞꠝ ꠀꠡꠣ ꠙꠥꠞꠘꠞ ꠟꠣꠉꠤ ꠛꠣꠞ ꠌꠣꠁ, ꠀꠟ꠆ꠟꠣꠔꠣꠟꠣ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠡꠣꠘ-ꠝꠢꠤꠝꠣ ꠎꠣꠁꠞ ꠅꠀꠞ ꠈꠥꠡꠤ-ꠛꠣꠡꠤ ꠙꠥꠞꠘꠞ ꠟꠣꠉꠤ ꠛꠣꠞ ꠌꠣꠁ।

Injil 19: Ibrani 3:6

ꠅꠁꠟꠦ ꠀꠟ-ꠝꠍꠤ ꠔ ꠀꠟ꠆ꠟꠣꠞ ꠊꠞ-ꠡꠋꠡꠣꠞꠞ ꠎꠤꠝ꠆ꠝꠣꠖꠣꠞ ꠢꠤꠡꠣꠛꠦ ꠘꠤꠞꠜꠞ ꠇꠞꠣꠞ ꠎꠥꠇꠣ ꠙꠥꠔꠞ ꠟꠣꠈꠣꠘ ꠀꠍꠟꠣ। ꠅꠈꠘ ꠀꠝꠞꠣꠅ ꠎꠥꠖꠤ ꠎꠣꠞꠎꠤꠞ ꠖꠤꠟꠞ ꠀꠡꠣ ꠀꠞ ꠢꠤꠝ꠆ꠝꠔ ꠞꠣꠈꠤꠀ ꠝꠃꠔ ꠙꠞ꠆ꠎꠘ꠆ꠔ ꠇꠣꠁꠝ ꠞꠁ, ꠔꠦ ꠖꠦꠈꠣ ꠎꠣꠁꠛ ꠎꠦꠘ, ꠀꠝꠞꠣꠅ ꠀꠟ꠆ꠟꠣꠞ ꠊꠞ-ꠡꠋꠡꠣꠞꠞ ꠜꠣꠉꠤ ꠅꠁꠍꠤ।

Injil 20: Iakub 1:18

ꠔꠣꠁꠘ ꠘꠤꠎꠞ ꠈꠥꠡꠤꠄ ꠀꠝꠞꠣꠞꠦ ꠢꠇ ꠇꠣꠟꠣꠝ ꠖꠤꠀ ꠔꠣꠘ ꠛꠘ꠆ꠖꠣ ꠛꠣꠘꠣꠁꠍꠂꠘ, ꠀꠝꠞꠣ ꠎꠣꠘꠥ ꠀꠡꠞꠣꠚꠥꠟ ꠝꠈꠟꠥꠇꠣꠔ, ꠡ꠆ꠞꠤꠡ꠆ꠐꠤꠞ ꠡꠦꠞꠣ ꠝꠣꠘꠥꠡ ꠅꠁ।

ꠁꠘ꠆ꠎꠤꠟ ২১: ১-ꠙꠤꠔꠞ 1:13

ꠄꠞꠟꠣꠉꠤ ꠔꠥꠝꠞꠣꠞ ꠝꠘꠞꠦ ꠢꠎꠣꠉ ꠇꠞꠅ ꠀꠞ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠅ। ꠀꠟ-ꠝꠍꠤ ꠎꠣꠁꠞ ꠅꠀꠞ ꠛꠣꠖꠦ ꠎꠦ ꠞꠢꠝꠔ ꠔꠥꠝꠞꠣ ꠙꠣꠁꠛꠣꠄ, ꠅꠃ ꠞꠢꠝꠔꠤ ꠘꠣꠎꠣꠔ ꠙꠣꠅꠀꠞ ꠟꠣꠉꠤ ꠙꠥꠞꠣꠙꠥꠞ ꠀꠡꠣ ꠟꠁꠀ ꠔꠥꠝꠞꠣ ꠛꠣꠞ ꠌꠣꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 1:21

ꠀꠟ꠆ꠟꠣꠄ ꠄꠘꠞꠦ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠇꠞꠤ ꠔꠥꠟꠤꠀ ꠝꠢꠤꠝꠣ ꠖꠣꠘ ꠇꠞꠍꠂꠘ ꠀꠞ ꠔꠣꠘ ꠝꠣꠎꠖꠤ ꠔꠥꠝꠞꠣ ꠀꠟ꠆ꠟꠣꠞ ꠃꠙꠞꠦ ꠁꠝꠣꠘ ꠀꠘꠍ। ꠄꠞꠟꠣꠉꠤꠃ ꠔꠥꠝꠞꠣꠞ ꠁꠝꠣꠘ ꠀꠞ ꠀꠡꠣ ꠀꠟ꠆ꠟꠣꠞ ꠃꠙꠞꠦꠃ ꠀꠍꠦ।

ꠁꠘ꠆ꠎꠤꠟ ২১: ১-ꠙꠤꠔꠞ 1:23

ꠎꠦ ꠛꠤꠌ ꠘꠡ꠆ꠐ ꠅꠁꠎꠣꠄ, ꠔꠥꠝꠞꠣꠞ ꠎꠘꠝ ꠔ ꠁꠟꠣ ꠛꠤꠌꠞ ꠘꠣꠄ। ꠛꠞꠋ ꠎꠦꠔꠣ ꠘꠡ꠆ꠐ ꠅꠄ ꠘꠣ, ꠅꠔꠣ ꠕꠣꠇꠤꠃ ꠔꠥꠝꠞꠣꠞ ꠘꠄꠀ ꠎꠘꠝ ꠅꠁꠍꠦ। ꠅꠃ ꠛꠤꠌ ꠅꠁꠟ ꠀꠟ꠆ꠟꠣꠞ ꠌꠤꠞꠇꠣꠟꠤꠘ ꠎꠤꠘ꠆ꠖꠣ ꠇꠣꠟꠣꠝ।

ꠁꠘ꠆ꠎꠤꠟ ২১: ১-ꠙꠤꠔꠞ 2:2

ꠉꠦꠖꠣ ꠢꠥꠞꠥꠔ꠆ꠔꠣꠁꠘ꠆ꠔꠞ ꠖꠥꠗꠞ ꠙꠤꠀꠍꠞ ꠟꠣꠈꠣꠘ ꠔꠥꠝꠞꠣ ꠈꠣꠐꠤ ꠞꠥꠢꠣꠘꠤ ꠖꠥꠗꠞ ꠈꠤꠀꠟꠤ ꠅꠅ, ꠀꠞ ꠅꠃ ꠖꠥꠗ ꠈꠣꠁꠀ ꠈꠣꠁꠀ ꠎꠣꠘꠥ ꠔꠥꠝꠞꠣ ꠛꠠ ꠅꠁꠀ ꠘꠣꠎꠣꠔ ꠙꠣꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 3:15

ꠛꠞꠋ ꠀꠟ-ꠝꠍꠤꠞꠦ ꠘꠤꠎꠞ ꠖꠤꠟꠅ ꠝꠣꠟꠤꠇ ꠢꠤꠡꠣꠛꠦ ꠇꠛꠥꠟ ꠇꠞꠅ। ꠔꠥꠝꠞꠣꠞ ꠀꠡꠣ-ꠜꠞꠡꠣ ꠎꠥꠖꠤ ꠇꠦꠃ ꠎꠣꠘꠔ ꠌꠣꠄ, ꠔꠦ ꠔꠣꠞ ꠎꠥꠀꠙ ꠖꠤꠛꠣꠞ ꠟꠣꠉꠤ ꠢꠣꠝꠦꠡꠣ ꠎꠥꠁꠔ ꠞꠁꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 3:21

ꠁ ꠙꠣꠘꠤ ꠅꠁꠟ ꠀꠟ-ꠝꠍꠤꠞ ꠘꠣꠝꠦ ꠔꠞꠤꠇꠣꠛꠘ꠆ꠖꠤꠞ ꠄꠇꠐꠣ ꠘꠤꠡꠣꠘꠣ, ꠎꠦꠔꠣꠄ ꠅꠈꠘ ꠔꠥꠝꠞꠣꠞ ꠎꠣꠘ ꠛꠣꠌꠦ। ꠔꠞꠤꠇꠣꠛꠘ꠆ꠖꠤꠄ ꠔꠥꠝꠞꠣꠞ ꠡꠞꠤꠟꠞ ꠝꠄꠟꠣ ꠍꠣꠚ ꠅꠄ ꠘꠣ, ꠈꠣꠟꠤ ꠀꠟ꠆ꠟꠣꠞ ꠖꠞꠛꠣꠞꠅ ꠍꠣꠚ ꠖꠤꠟꠞ ꠡꠣꠄ ꠖꠦꠄ। ꠢꠎꠞꠔ ꠁꠍꠣ ꠀꠟ-ꠝꠍꠤ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠅꠁꠀ ꠃꠑꠣꠄ ꠔꠥꠝꠞꠣꠞ ꠎꠣꠘ ꠛꠣꠌꠦ,

ꠁꠘ꠆ꠎꠤꠟ ২১: ১-ꠙꠤꠔꠞ 3:5

ꠑꠤꠇ ꠅꠟꠣꠈꠣꠘ ꠀꠉꠞ ꠎꠝꠣꠘꠣꠞ ꠀꠟ꠆ꠟꠣꠅꠀꠟꠣ ꠛꠦꠐꠤꠘ꠆ꠔꠦ, ꠀꠟ꠆ꠟꠣꠞ ꠃꠙꠞꠦ ꠜꠞꠡꠣ ꠇꠞꠤꠀ ꠎꠣꠝꠣꠁꠞ ꠛꠣꠁꠖ꠆ꠖ ꠞꠁꠀ ꠘꠤꠎꠞꠦ ꠢꠣꠎꠣꠁꠔꠣ।

Injil 23: 1-Hannan 2:29

ꠀꠞ ꠔꠥꠝꠞꠣ ꠎꠦꠛꠟꠣ ꠄꠇꠤꠘ ꠇꠞꠅ ꠔꠣꠁꠘ ꠡꠥꠟ꠆ꠟꠀꠘꠣ ꠙꠣꠇ-ꠙꠞꠦꠎꠉꠣꠞ, ꠔꠦ ꠄꠅꠈꠣꠘꠅ ꠄꠇꠤꠘ ꠇꠞꠤꠅ, ꠎꠦ ꠛꠘ꠆ꠖꠣ ꠘꠦꠇ ꠇꠣꠝꠞ ꠀꠡꠤꠇ, ꠔꠣꠞ ꠎꠘꠝ ꠔ ꠡ꠆ꠛꠄꠅꠋ ꠀꠟ꠆ꠟꠣꠞ ꠘꠥꠞ ꠕꠣꠇꠤ।

Injil 23: 1-Hannan 3:3

ꠀꠞ ꠎꠔ ꠝꠣꠘꠡꠦ ꠀꠟ-ꠝꠍꠤꠞ ꠃꠙꠞꠦ ꠁꠟꠣ ꠀꠡꠣ ꠇꠞꠦ, ꠔꠣꠞꠣ ꠘꠤꠎꠞꠦ ꠀꠟ-ꠝꠍꠤꠞ ꠟꠣꠈꠣꠘ ꠈꠣꠐꠤ ꠛꠣꠘꠣꠘꠤꠔ ꠞꠄ।

Injil 23: 1-Hannan 3:9

ꠔꠦ ꠎꠦ ꠛꠘ꠆ꠖꠣꠞ ꠎꠘꠝ ꠅꠁꠍꠦ ꠀꠟ꠆ꠟꠣꠞ ꠘꠥꠞ ꠕꠣꠇꠤ, ꠔꠣꠞ ꠜꠤꠔꠞꠦ ꠀꠟ꠆ꠟꠣꠞ ꠘꠥꠞꠞ ꠛꠤꠌ ꠛꠡꠔ ꠇꠞꠦ, ꠄꠞꠟꠣꠉꠤ ꠢꠦ ꠉꠥꠘꠣꠞ ꠉꠣꠔꠅ ꠙꠠꠤ ꠞꠄ ꠘꠣ। ꠀꠟ꠆ꠟꠣꠁ ꠘꠥꠞ ꠕꠣꠇꠤ ꠎꠘꠝ ꠅꠁꠍꠦ ꠇꠞꠤ, ꠢꠦ ꠉꠥꠘꠣꠞ ꠇꠣꠝꠅ ꠙꠠꠤ ꠞꠁꠔ ꠙꠣꠞꠦ ꠘꠣ।

Injil 23: 1-Hannan 4:7

ꠅ ꠡꠥꠘꠣ ꠅꠇꠟ, ꠀꠟ꠆ꠟꠣꠞ ꠖꠦꠅꠀ ꠖꠣꠘ ꠅꠁꠟ ꠝꠢꠛ꠆ꠛꠔ, ꠄꠞꠟꠣꠉꠤ ꠀꠝꠞꠣ ꠎꠣꠘꠥ ꠄꠇꠦ-ꠅꠁꠘ꠆ꠘꠦ ꠝꠢꠛ꠆ꠛꠔ ꠇꠞꠤ। ꠎꠦ ꠛꠘ꠆ꠖꠣꠞ ꠖꠤꠟꠅ ꠝꠢꠛ꠆ꠛꠔ ꠀꠍꠦ, ꠔꠣꠞ ꠎꠘꠝ ꠅꠁꠍꠦ ꠀꠟ꠆ꠟꠣꠞ ꠘꠥꠞ ꠕꠣꠇꠤ, ꠢꠦ ꠀꠟ꠆ꠟꠣ ꠙꠣꠇꠞꠦ ꠌꠤꠘꠦ।

Injil 23: 1-Hannan 5:1

ꠢꠎꠞꠔ ꠁꠍꠣꠃ ꠅꠁꠟꠣ ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠢꠃ ꠀꠟ-ꠝꠍꠤ, ꠁꠈꠣꠘ ꠎꠦꠞꠣ ꠄꠇꠤꠘ ꠇꠞꠦ, ꠔꠣꠞꠣꠞ ꠎꠘꠝ ꠅꠁꠍꠦ ꠀꠟ꠆ꠟꠣꠞ ꠘꠥꠞ ꠕꠣꠇꠤ। ꠎꠣꠘ ꠘꠤ, ꠎꠦ ꠝꠣꠘꠡꠦ ꠇꠥꠘꠥ ꠝꠣ-ꠛꠣꠚꠞꠦ ꠝꠢꠛ꠆ꠛꠔ ꠇꠞꠦ, ꠢꠦ ꠄꠞꠣꠞ ꠀꠅꠟꠣꠖꠞꠦꠅ ꠝꠢꠛ꠆ꠛꠔ ꠇꠞꠛ।

Injil 23: 1-Hannan 5:18

ꠀꠝꠞꠣ ꠎꠣꠘꠤ, ꠀꠟ꠆ꠟꠣꠞ ꠘꠥꠞ ꠕꠣꠇꠤ ꠎꠦ ꠛꠘ꠆ꠖꠣ ꠅꠇꠟꠞ ꠎꠘꠝ ꠅꠁꠍꠦ, ꠄꠞꠣ ꠉꠥꠘꠣꠞ ꠇꠣꠝꠅ ꠛꠘ꠆ꠖꠤ ꠞꠄ ꠘꠣ। ꠛꠞꠋ ꠀꠟ꠆ꠟꠣꠞ ꠘꠥꠞꠦ ꠎꠘꠝ ꠟꠅꠀ ꠢꠃ ꠈꠣꠍ ꠝꠣꠄꠀꠞ ꠎꠘꠦ ꠔꠣꠞꠣꠞ ꠎꠣꠘꠞ ꠢꠦꠚꠣꠎꠔ ꠇꠞꠂꠘ, ꠁꠛꠟꠤꠍꠦ ꠔꠣꠞꠣꠞꠦ ꠇꠛꠎꠣ ꠇꠞꠔ ꠙꠣꠞꠦ ꠘꠣ।

Injil 23: 1-Hannan 5:4

ꠇꠣꠞꠘ ꠀꠟ꠆ꠟꠣꠞ ꠘꠥꠞꠞ ꠀꠅꠟꠣꠖ ꠅꠇꠟ ꠁ ꠎꠉꠔꠞ ꠃꠙꠞꠦ ꠎꠄꠁ ꠅꠁꠘ, ꠀꠞ ꠎꠉꠔꠞ ꠟꠣꠠꠣꠁꠔ ꠎꠦ ꠎꠤꠘꠤꠡꠞ ꠛꠟꠦ ꠎꠄꠁ ꠅꠁꠍꠤ, ꠁꠇꠐꠣ ꠅꠁꠟ ꠀꠝꠞꠣꠞ ꠁꠝꠣꠘ।