ꠁꠘ꠆ꠎꠤꠟ ২১: ১-ꠙꠤꠔꠞ 1:2 - Siloṭi Asmani Kitab (Nagri lipi)

² ꠉꠣꠁꠛꠤ ꠛꠣꠚ ꠀꠟ꠆ꠟꠣꠄ ꠔꠣꠘ ꠝꠥꠘꠡꠣꠄ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠂꠘ ꠀꠞ ꠙꠣꠇ ꠞꠥꠢꠦ ꠙꠛꠤꠔ꠆ꠞ ꠇꠞꠍꠂꠘ। ꠄꠞ ꠃꠖ꠆ꠖꠦꠡ꠆ꠡ ꠅꠁꠟ, ꠔꠥꠝꠞꠣ ꠎꠣꠔꠦ ꠁꠍꠣ ꠀꠟ-ꠝꠍꠤꠞ ꠛꠣꠁꠖ꠆ꠖ ꠅꠅ ꠀꠞ ꠔꠣꠘ ꠟꠃ ꠍꠤꠐꠣꠁꠀ ꠔꠥꠝꠞꠣꠞꠦ ꠙꠣꠇ-ꠍꠣꠚ ꠇꠞꠣ ꠅꠄ। ꠀꠟ꠆ꠟꠣꠄ ꠔꠥꠝꠞꠣꠞꠦ ꠛꠦꠡ ꠇꠞꠤ ꠞꠢꠝꠔ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

ছিলটি আছমানি কিতাব (বাংলা লিপি)

² গাইবি বাফ আল্লায় তান মুনশায় তুমরারে পছন্দ করছইন আর পাক রুহে পবিত্র করছইন। এর উদ্দেশ্য অইলো, তুমরা যাতে ইছা আল-মসীর বাইধ্য অও আর তান লউ ছিটাইয়া তুমরারে পাক-ছাফ করা অয়। আল্লায় তুমরারে বেশ করি রহমত আর শান্তি দান করউক্কা।

Siloṭi Asmani Kitab (Latin lipi)

² Gaibi baf Allae tan munshae tumrare fosond ḳorsoin ar Pak Ruhe fobitro ḳorsoin. Er uddesho oilo, tumra zate Isa al-Mosir baiddo o ar tan lou siṭaia tumrare fak-saf ḳora oy. Allae tumrare besh ḳori rohomot ar shanti dan ḳoroukka.

ꠁꠘ꠆ꠎꠤꠟ ২১: ১-ꠙꠤꠔꠞ 1:2 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 1:5

ꠛꠣꠖꠦ ꠝꠣꠛꠥꠖꠞ ꠍꠣꠝꠘꠦ ꠅꠃ ꠛꠤꠍꠣꠟꠞꠦ ꠢꠦ ꠎꠛ ꠇꠞꠛ। ꠀꠞ ꠁꠝꠣꠝ ꠢꠣꠞꠥꠘꠞ ꠎꠦ ꠙꠥꠀꠂꠘ꠆ꠔꠦ ꠁꠝꠣꠝꠔꠤ ꠇꠞꠂꠘ, ꠔꠣꠞꠣ ꠅꠃ ꠛꠤꠍꠣꠟꠞ ꠟꠃ ꠘꠤꠀ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠍꠣꠝꠘꠞ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠛꠣ।

ꠁꠘ꠆ꠎꠤꠟ ১: ꠝꠕꠤ 24:22

ꠝꠣꠛꠥꠖꠦ ꠎꠥꠖꠤ ꠁ ꠡꠝꠄꠞꠦ ꠇꠝꠣꠁꠀ ꠘꠣ ꠖꠤꠔꠣ, ꠔꠦ ꠇꠦꠃ ꠎꠤꠘ꠆ꠖꠣ ꠞꠁꠟ ꠘꠣ ꠅꠘꠦ। ꠅꠁꠟꠦ ꠀꠟ꠆ꠟꠣꠄ ꠔꠣꠘ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞ ꠟꠣꠉꠤ ꠁ ꠡꠝꠄ ꠇꠝꠣꠁꠀ ꠖꠤꠛꠣ।

ꠁꠘ꠆ꠎꠤꠟ ১: ꠝꠕꠤ 24:24

ꠇꠣꠞꠘ ꠀꠟ-ꠝꠍꠤ ꠘꠣꠝ ꠟꠁꠀ ꠛꠃꠔ ꠜꠘ꠆ꠒ ꠀꠁꠛꠣ, ꠘꠛꠤ ꠢꠣꠎꠤꠀꠅ ꠛꠃꠔ ꠜꠘ꠆ꠒ ꠀꠁꠛꠣ। ꠁꠔꠣꠄ ꠛꠃꠔ ꠛꠠ ꠛꠠ ꠀꠌꠣꠘꠇ ꠇꠦꠞꠣꠝꠔꠤ ꠇꠣꠝ ꠖꠦꠈꠣꠁꠛꠣ। ꠔꠣꠞꠣ ꠌꠣꠁꠛꠣ, ꠡꠥꠎꠥꠉ ꠙꠣꠁꠟꠦ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣꠞꠦ ꠗꠥꠇꠣ ꠖꠤꠀ ꠛꠦ-ꠙꠕꠦ ꠘꠤꠔꠣꠉꠤ।

ꠁꠘ꠆ꠎꠤꠟ ১: ꠝꠕꠤ 24:31

ꠅꠃ ꠡꠝꠄ ꠎꠥꠞꠦ ꠎꠥꠞꠦ ꠡꠤꠋꠉꠣꠞ ꠀꠅꠀꠎ ꠅꠁꠛ, ꠄꠞ ꠟꠉꠦ ꠟꠉꠦꠃ ꠖꠥꠘꠤꠀꠞ ꠄꠇ ꠝꠣꠕꠣ ꠕꠣꠇꠤ ꠀꠞꠇ ꠝꠣꠕꠣꠔ ꠔꠣꠁꠘ ꠚꠤꠞꠤꠡ꠆ꠔꠣ ꠅꠇꠟꠞꠦ ꠙꠣꠑꠣꠁꠛꠣ, ꠄꠞꠣ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦ ꠌꠣꠁꠞꠅꠛꠣꠄ ꠕꠘꠦ ꠖꠟꠣ ꠇꠞꠛꠣ।

Injil 2: Markus 13:20

ꠝꠣꠛꠥꠖꠦ ꠎꠥꠖꠤ ꠁ ꠡꠝꠄꠞꠦ ꠇꠝꠣꠁꠀ ꠘꠣ ꠖꠤꠔꠣ, ꠔꠦ ꠇꠦꠃ ꠎꠤꠘ꠆ꠖꠣ ꠞꠁꠟ ꠘꠣ ꠅꠘꠦ। ꠅꠁꠟꠦ ꠀꠟ꠆ꠟꠣꠄ ꠔꠣꠘ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞ ꠟꠣꠉꠤ ꠁ ꠡꠝꠄ ꠇꠝꠣꠁ ꠖꠤꠍꠂꠘ।

Injil 2: Markus 13:22

ꠇꠣꠞꠘ ꠛꠃꠔ ꠜꠘ꠆ꠒꠄ ꠀꠁꠀ ꠇꠁꠛ, ꠀꠝꠤꠃ ꠀꠟ-ꠝꠍꠤ, ꠀꠞ ꠛꠃꠔ ꠜꠘ꠆ꠒ ꠘꠛꠤꠅ ꠀꠁꠛꠣ। ꠡꠝ꠆ꠛꠛ ꠅꠁꠟꠦ ꠔꠣꠞꠣ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦꠅ ꠗꠥꠇꠣ ꠖꠤꠀ ꠛꠦ-ꠙꠕꠦ ꠘꠤꠔꠣ ꠇꠞꠤ ꠛꠃꠔ ꠇꠦꠞꠣꠝꠔꠤ-ꠝꠥꠎꠦꠎꠣ ꠖꠦꠈꠣꠁꠛꠣ।

Injil 2: Markus 13:27

ꠔꠣꠁꠘ ꠚꠤꠞꠤꠡ꠆ꠔꠣ ꠅꠇꠟꠞꠦ ꠖꠥꠘꠤꠀꠞ ꠄꠇ ꠝꠣꠕꠣ ꠕꠣꠇꠤ ꠀꠞꠇ ꠝꠣꠕꠣꠔ ꠙꠣꠑꠣꠁꠀ, ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦ ꠌꠣꠁꠞꠅꠛꠣꠄ ꠕꠘꠦ ꠖꠟꠣ ꠇꠞꠛꠣ।

Injil 3: Luk 18:7

ꠔꠦ ꠎꠦꠞꠣ ꠢꠣꠝꠦꠡꠣ ꠖꠤꠘꠦ-ꠞꠣꠁꠔꠦ ꠀꠟ꠆ꠟꠣꠞ ꠉꠦꠍꠦ ꠇꠣꠘ꠆ꠖꠦ, ꠀꠟ꠆ꠟꠣꠄ ꠇꠤꠔꠣ ꠔꠣꠘ ꠁ ꠝꠣꠄꠀꠞ ꠛꠘ꠆ꠖꠣ ꠅꠇꠟꠞ ꠢꠇ ꠚꠞꠤꠀꠖ ꠢꠥꠘꠔꠣ ꠘꠣꠄ ꠘꠤ? ꠔꠣꠁꠘ ꠢꠥꠘꠔꠦ ꠇꠥꠘꠥ ꠀꠞ ꠖꠦꠞꠤ ꠇꠞꠛꠣ ꠘꠤ?

Injil 5: Sahabi Nama 15:18

ꠁꠔꠣ ꠛꠃꠔ ꠖꠤꠘ ꠀꠉ ꠕꠣꠇꠤꠃ ꠔꠣꠘ ꠝꠣꠟꠥꠝ ꠀꠍꠤꠟ।”

Injil 5: Sahabi Nama 2:23

ꠀꠟ꠆ꠟꠣ, ꠎꠦꠁꠘ ꠀꠉꠦꠃ ꠎꠣꠘꠂꠘ ꠀꠞ ꠚꠄꠍꠣꠟꠣꠅ ꠇꠞꠤꠀ ꠞꠣꠈꠍꠂꠘ, ꠁꠍꠣꠞꠦ ꠀꠙꠘꠣꠁꠘ꠆ꠔꠞ ꠀꠔꠅ ꠡꠙꠤꠛꠣ। ꠀꠞ ꠀꠙꠘꠣꠞꠣ ꠛꠦ-ꠖꠤꠘ ꠅꠇꠟꠞ ꠀꠔꠣꠘꠦ ꠔꠣꠘꠞꠦ ꠖꠥꠈ-ꠇꠡ꠆ꠐꠞ ꠍꠟꠤꠛꠅ ꠖꠤꠀ ꠎꠣꠘꠦ ꠝꠣꠞꠍꠂꠘ।

Injil 5: Sahabi Nama 20:32

ꠅꠈꠘ ꠀꠟ꠆ꠟꠣ ꠀꠞ ꠔꠣꠘ ꠞꠢꠝꠔꠞ ꠇꠣꠟꠣꠝꠞ ꠎꠤꠝ꠆ꠝꠣꠄ ꠀꠝꠤ ꠀꠙꠘꠣꠞꠣꠞꠦ ꠡꠙꠤꠟꠣꠝ। ꠀꠟ꠆ꠟꠣꠞ ꠁ ꠇꠣꠟꠣꠝꠦ ꠀꠙꠘꠣꠞꠣꠞꠦ ꠉꠠꠤꠀ ꠔꠥꠟꠛ ꠀꠞ ꠔꠣꠘ ꠙꠣꠇ ꠛꠘ꠆ꠖꠣ ꠅꠇꠟꠞ ꠟꠣꠉꠤ ꠅꠀꠖꠣ ꠇꠞꠣ ꠛꠦꠢꠦꠡ꠆ꠔꠤ ꠝꠘ꠆ꠎꠤꠟꠅ ꠙꠃꠍꠣꠁ ꠖꠤꠛ।

Injil 6: Ruman 1:5

ꠔꠣꠘ ꠘꠣꠝ ꠃꠎꠤꠟꠣ ꠇꠞꠣꠞ ꠟꠣꠉꠤ, ꠔꠣꠘ ꠝꠣꠎꠖꠤꠃ ꠀꠝꠞꠣ ꠀꠟ꠆ꠟꠣꠞ ꠘꠤꠀꠝꠔ ꠀꠞ ꠍꠣꠢꠣꠛꠤ ꠙꠖ ꠙꠣꠁꠍꠤ, ꠎꠣꠔꠦ ꠢꠇꠟ ꠎꠣꠔꠤꠞ ꠝꠣꠘꠡꠦ ꠁꠝꠣꠘ ꠀꠘꠤꠀ ꠀꠟ꠆ꠟꠣꠞ ꠛꠣꠁꠖ꠆ꠖ ꠅꠁꠀ ꠌꠟꠦ।

Injil 6: Ruman 1:7

ꠔꠦ ꠅꠃ ꠞꠥꠝ ꠐꠣꠃꠘꠅ ꠀꠟ꠆ꠟꠣꠞ ꠎꠔ ꠝꠣꠄꠀꠞ ꠛꠘ꠆ꠖꠣ ꠅꠇꠟ ꠀꠍꠂꠘ, ꠀꠟ꠆ꠟꠣꠄ ꠔꠣꠘ ꠙꠣꠇ ꠛꠘ꠆ꠖꠣ ꠅꠀꠞ ꠟꠣꠉꠤ ꠎꠦꠞꠣꠞꠦ ꠖꠣꠅꠔ ꠇꠞꠤꠀ ꠀꠘꠍꠂꠘ, ꠔꠥꠝꠞꠣ ꠢꠇꠟꠞ ꠉꠦꠍꠦ ꠀꠝꠤ ꠅꠃ ꠌꠤꠑꠤꠈꠣꠘ ꠟꠦꠈꠞꠣꠝ। ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔꠥꠝꠞꠣꠞꠦ ꠞꠢꠝꠔ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

Injil 6: Ruman 11:2

ꠀꠟ꠆ꠟꠣꠄ ꠙꠄꠟꠣ ꠕꠣꠇꠤ ꠔꠣꠘ ꠎꠦ ꠙ꠆ꠞꠎꠣꠞꠦ ꠙꠍꠘ꠆ꠖ ꠇꠞꠤꠀ ꠀꠟꠉ ꠇꠞꠍꠤꠟꠣ, ꠔꠣꠁꠘ ꠔ ꠄꠞꠣꠞ ꠟꠉ ꠍꠣꠠꠍꠂꠘ ꠘꠣ। ꠢꠎꠞꠔ ꠁꠟꠤꠀꠍ ꠘꠛꠤꠞ ꠛꠦꠙꠣꠞꠦ ꠀꠟ꠆ꠟꠣꠞ ꠇꠣꠟꠣꠝꠅ ꠇꠤꠔꠣ ꠀꠍꠦ, ꠁꠔꠣ ꠔꠥꠝꠞꠣ ꠎꠣꠘ ꠘꠣ ꠘꠤ? ꠔꠣꠁꠘ ꠔ ꠛꠘꠤ ꠁꠍꠞꠣꠁꠟꠞ ꠛꠤꠞꠥꠖ꠆ꠖꠦ ꠀꠟ꠆ꠟꠣꠞ ꠖꠞꠛꠣꠞꠅ ꠅꠃ ꠘꠣꠟꠤꠡ ꠖꠤꠍꠟꠣ,

Injil 6: Ruman 11:28

ꠢꠥꠘꠅ, ꠔꠥꠝꠞꠣꠞ ꠜꠣꠟꠣꠁꠞ ꠟꠣꠉꠤ ꠈꠥꠡ-ꠈꠛꠞꠤꠞ ꠛꠦꠙꠣꠞꠦ ꠔꠣꠞꠣ ꠔ ꠅꠈꠘ ꠀꠟ꠆ꠟꠣꠞ ꠖꠥꠡꠝꠘ, ꠅꠁꠟꠦ ꠀꠟ꠆ꠟꠣꠁ ꠙꠍꠘ꠆ꠖꠞ ꠛꠦꠙꠣꠞꠦ ꠛꠣꠚ-ꠖꠣꠖꠣꠞ ꠍꠤꠟꠍꠤꠟꠣꠄ ꠔꠣꠞꠣ ꠅꠁꠟꠣ ꠀꠟ꠆ꠟꠣꠞ ꠝꠢꠛ꠆ꠛꠔꠞ ꠝꠣꠘꠥꠡ।

Injil 6: Ruman 15:16

ꠁꠍꠣ ꠀꠟ-ꠝꠍꠤꠞ ꠈꠣꠖꠤꠝ ꠢꠤꠡꠣꠛꠦ ꠀꠟ꠆ꠟꠣꠄ ꠀꠝꠣꠞꠦ ꠔꠥꠝꠞꠣꠞ ꠟꠣꠈꠣꠘ ꠜꠤꠘ ꠎꠣꠔꠤ ꠅꠇꠟꠞ ꠉꠦꠍꠦ ꠙꠣꠑꠣꠁꠍꠂꠘ। ꠄꠞꠟꠣꠉꠤꠃ ꠔꠣꠘ ꠖꠦꠅꠀ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠝꠣꠎꠖꠤ ꠀꠝꠤ ꠁꠝꠣꠝꠔꠤꠞ ꠇꠣꠝ ꠇꠞꠤꠀꠞ, ꠎꠣꠔꠦ ꠅꠃ ꠜꠤꠘ ꠎꠣꠔꠤ ꠅꠇꠟ ꠀꠟ꠆ꠟꠣꠞ ꠙꠣꠇ ꠞꠥꠢꠦ ꠙꠛꠤꠔ꠆ꠞ ꠅꠁꠀ ꠔꠣꠘ ꠖꠞꠛꠣꠞꠅ ꠇꠛꠥꠟ ꠅꠀꠞ ꠎꠥꠇꠣ ꠇꠥꠞꠛꠣꠘꠤ ꠅꠁꠘ।

Injil 6: Ruman 16:19

ꠀꠞ ꠔꠥꠝꠞꠣ ꠎꠦꠘ ꠀꠟ꠆ꠟꠣꠞ ꠢꠥꠇꠥꠝ ꠝꠣꠚꠤꠇ ꠌꠟꠞꠣꠄ, ꠁꠔꠣ ꠔ ꠢꠇꠟꠦꠃ ꠎꠣꠘꠦ, ꠁ ꠈꠛꠞ ꠢꠥꠘꠤꠀ ꠀꠝꠤꠅ ꠈꠥꠛ ꠈꠥꠡꠤ ꠅꠁꠍꠤ। ꠔꠦ ꠀꠝꠤ ꠌꠣꠁꠞꠣꠝ, ꠔꠥꠝꠞꠣ ꠘꠦꠇ ꠙꠕꠦ ꠇꠣꠝꠤꠟ ꠅꠅ, ꠛꠖ ꠙꠕ ꠕꠣꠇꠤ ꠛꠣꠌꠤꠀ ꠞꠅ।

Injil 6: Ruman 16:26

ꠅꠁꠟꠦ ꠅꠈꠘ ꠁꠔꠣ ꠖꠥꠘꠤꠀꠞ ꠢꠇꠟ ꠎꠣꠔꠤꠞ ꠉꠦꠍꠦ ꠎꠣꠁꠞ ꠅꠞ। ꠌꠤꠞꠇꠣꠟꠤꠘ ꠎꠤꠘ꠆ꠖꠣ ꠀꠟ꠆ꠟꠣꠞ ꠢꠥꠇꠥꠝꠦ, ꠀꠉꠞ ꠎꠝꠣꠘꠣꠞ ꠘꠛꠤ ꠅꠇꠟꠦ ꠎꠦꠔꠣ ꠟꠦꠈꠤꠀ ꠞꠣꠈꠍꠤꠟꠣ, ꠅꠔꠣ ꠎꠣꠁꠞ ꠅꠞ, ꠎꠣꠔꠦ ꠔꠣꠞꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠤꠀ ꠀꠟ꠆ꠟꠣ ꠙꠣꠇꠞ ꠛꠣꠁꠖ꠆ꠖ ꠅꠁꠘ। ꠄꠞꠟꠣꠉꠤ ꠅꠃ ꠈꠥꠡ-ꠈꠛꠞꠤ ꠅꠈꠘ ꠔꠛꠟꠤꠉ ꠇꠞꠣ ꠅꠞ।

Injil 6: Ruman 8:13

ꠅꠈꠘ ꠡꠞꠤꠟꠞ ꠛꠖ ꠈꠣꠁꠡꠞ ꠀꠅꠔꠣꠄ ꠌꠟꠟꠦ ꠔ ꠔꠥꠝꠞꠣ ꠌꠤꠞꠇꠣꠟꠞ ꠟꠣꠉꠤ ꠝꠞꠛꠣꠄ, ꠅꠁꠟꠦ ꠙꠣꠇ ꠞꠥꠢꠥꠞ ꠛꠟꠦ ꠡꠞꠤꠟꠞ ꠢꠇꠟ ꠘꠣꠚꠞꠝꠣꠘꠤꠞꠦ ꠛꠤꠘꠣꠡ ꠇꠞꠤꠟ꠆ꠟꠦ ꠌꠤꠞꠇꠣꠟ ꠎꠤꠘ꠆ꠖꠣ ꠞꠁꠛꠣꠄ।

Injil 6: Ruman 8:33

ꠀꠞ ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠟꠣꠉꠤ ꠎꠦꠞꠣꠞꠦ ꠙꠍꠘ꠆ꠖ ꠇꠞꠍꠂꠘ, ꠄꠞꠣꠞ ꠛꠤꠞꠥꠖ꠆ꠖꠦ ꠘꠣꠟꠤꠡ ꠖꠤꠛꠣꠞ ꠡꠣꠁꠖ꠆ꠖ ꠇꠣꠞ? ꠀꠟ꠆ꠟꠣꠄ ꠘꠤꠎꠦꠃ ꠔꠣꠞꠣꠞꠦ ꠛꠦ-ꠇꠍꠥꠞ ꠈꠣꠟꠣꠍ ꠇꠁꠀ ꠉꠁꠘ꠆ꠘ ꠇꠞꠍꠂꠘ।

Injil 7: 1-Korintia 1:30

ꠀꠞ ꠔꠥꠝꠞꠣ ꠎꠦꠞꠣ ꠁꠍꠣ ꠀꠟ-ꠝꠍꠤꠞ ꠀꠙꠘ ꠎꠘ ꠛꠘꠍ, ꠁꠔꠣ ꠔ ꠀꠟ꠆ꠟꠣ ꠕꠣꠇꠤꠃ ꠅꠁꠍꠦ। ꠀꠟ-ꠝꠍꠤꠃ ꠅꠁꠟꠣ ꠀꠝꠞꠣꠞ ꠉꠦꠍꠦ ꠀꠟ꠆ꠟꠣꠞ ꠖꠦꠅꠀ ꠀꠈꠟ, ꠙꠣꠇ-ꠙꠞꠦꠎꠉꠣꠞꠤ, ꠙꠛꠤꠔ꠆ꠞꠔꠣ ꠀꠞ ꠀꠎꠣꠖꠤꠞ ꠈꠥꠐꠤ।

Injil 7: 1-Korintia 6:11

ꠔꠥꠝꠞꠣꠞ ꠝꠣꠎꠞ ꠇꠥꠘꠥ ꠇꠥꠘꠥ ꠎꠘꠅ ꠀꠉꠦ ꠅꠟꠣ ꠀꠍꠟꠣꠄ, ꠅꠁꠟꠦ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠞ ꠀꠝꠞꠣꠞ ꠀꠟ꠆ꠟꠣꠞ ꠞꠥꠢꠦ ꠔꠥꠝꠞꠣꠞꠦ ꠗꠁꠀ ꠍꠣꠚ ꠇꠞꠍꠦ, ꠔꠥꠝꠞꠣꠞꠦ ꠙꠛꠤꠔ꠆ꠞ ꠇꠞꠣ ꠅꠁꠍꠦ ꠀꠞ ꠛꠦ-ꠇꠍꠥꠞ ꠈꠣꠟꠣꠍ ꠇꠁꠀ ꠉꠁꠘ꠆ꠘ ꠇꠞꠣ ꠅꠁꠍꠦ।

Injil 8: 2-Korintia 10:5

ꠀꠝꠞꠣꠞ ꠅꠡꠔ꠆ꠞꠖꠤ ꠝꠣꠘꠡꠞ ꠛꠣꠘꠥꠀꠐ ꠎꠥꠇ꠆ꠔꠤ ꠛꠤꠘꠣꠡ ꠇꠞꠤ, ꠀꠞ ꠀꠟ꠆ꠟꠣꠞꠦ ꠌꠤꠘꠣꠞ ꠙꠕꠦ ꠎꠔ ꠟꠣꠈꠣꠘ ꠛꠣꠗꠣ-ꠛꠤꠊꠘꠄ ꠖꠤꠟꠞꠦ ꠀꠐꠇꠣꠁꠀ ꠞꠣꠈꠦ, ꠁꠔꠣꠞꠦꠅ ꠛꠤꠘꠣꠡ ꠇꠞꠤ। ꠝꠣꠘꠡꠞ ꠝꠘꠞ ꠢꠇꠟ ꠇꠥ-ꠌꠤꠘ꠆ꠔꠣꠞꠦ ꠈꠦꠖꠣꠁꠀ ꠢꠣꠞꠤ ꠀꠟ-ꠝꠍꠤꠞ ꠔꠟꠦ ꠀꠘꠤ।

Injil 8: 2-Korintia 13:14

ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠞꠢꠝꠔ, ꠀꠟ꠆ꠟꠣ ꠙꠣꠇꠞ ꠝꠢꠛ꠆ꠛꠔ, ꠀꠞ ꠙꠣꠇ ꠞꠥꠢꠥꠞ ꠈꠣꠔꠤꠞ-ꠎꠔꠘ ꠔꠥꠝꠞꠣ ꠢꠇꠟꠞ ꠖꠤꠟꠅ ꠞꠃꠇ। ꠀꠝꠤꠘ॥

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 7:6

ꠝꠘꠅ ꠞꠣꠈꠤꠅ, ꠔꠥꠝꠞꠣꠃ ꠅꠁꠟꠣꠄ ꠀꠟ꠆ꠟꠣ ꠝꠣꠛꠥꠖꠞ ꠙꠛꠤꠔ꠆ꠞ ꠙ꠆ꠞꠎꠣ। ꠖꠥꠘꠤꠀꠞ ꠢꠇꠟ ꠎꠣꠔꠤꠞ ꠝꠣꠎ ꠕꠣꠇꠤ ꠔꠣꠁꠘꠃ ꠔꠥꠝꠞꠣꠞꠦ ꠘꠤꠎꠞ ꠙ꠆ꠞꠎꠣ ꠀꠞ ꠈꠣꠍ ꠡꠝ꠆ꠙꠖ ꠢꠤꠡꠣꠛꠦ ꠀꠟꠉ ꠇꠞꠍꠂꠘ।

Injil 12: Kolosia 3:12

ꠔꠦ ꠀꠟ꠆ꠟꠣꠄ ꠎꠣꠞꠣꠞꠦ ꠙꠍꠘ꠆ꠖ ꠇꠞꠤꠀ ꠔꠣꠘ ꠘꠤꠎꠞ ꠟꠣꠉꠤ ꠀꠟꠉ ꠇꠞꠍꠂꠘ, ꠔꠣꠘ ꠢꠃ ꠝꠣꠄꠀꠞ ꠛꠘ꠆ꠖꠣ ꠢꠤꠡꠣꠛꠦ ꠔꠥꠝꠞꠣꠞ ꠖꠤꠟꠞ ꠝꠣꠄꠀ-ꠝꠝꠔꠣ, ꠖꠄꠀ, ꠘꠞꠝ ꠛꠦꠛꠢꠣꠞ, ꠘꠞꠝ ꠡ꠆ꠛꠜꠣꠛ ꠀꠞ ꠍꠛꠞ ꠖꠤꠀ ꠘꠤꠎꠞꠦ ꠢꠣꠎꠣꠅ।

ইঞ্জিল ১৪: ২-থিষল: 2:13

ꠅ ꠜꠣꠁ ꠅꠇꠟ, ꠅ ꠝꠣꠟꠤꠇ ꠁꠍꠣꠞ ꠝꠣꠄꠀꠞ ꠎꠘ ꠅꠇꠟ, ꠔꠥꠝꠞꠣꠞ ꠟꠣꠉꠤ ꠀꠝꠞꠣ ꠢꠣꠝꠦꠡꠣ ꠀꠟ꠆ꠟꠣꠞ ꠖꠞꠛꠣꠞꠅ ꠡꠥꠇꠞꠤꠀ ꠀꠖꠣꠄ ꠇꠞꠣ ꠖꠞꠇꠣꠞ, ꠀꠟ꠆ꠟꠣꠄ ꠔ ꠔꠥꠝꠞꠣꠞꠦ ꠙꠄꠟꠣ ꠕꠣꠇꠤꠃ ꠛꠣꠍꠤꠀ ꠀꠟꠉ ꠇꠞꠍꠂꠘ ꠘꠣꠎꠣꠔ ꠙꠣꠅꠀꠞ ꠟꠣꠉꠤ। ꠙꠣꠇ ꠞꠥꠢꠥ ꠖꠤꠀ ꠔꠥꠝꠞꠣꠞꠦ ꠙꠛꠤꠔ꠆ꠞ ꠇꠞꠣꠞ ꠝꠣꠎꠖꠤ, ꠀꠞ ꠀꠟ꠆ꠟꠣꠁ ꠈꠥꠡ-ꠈꠛꠞꠤꠞ ꠢꠇꠞ ꠃꠙꠞꠦ ꠁꠝꠣꠘ ꠀꠘꠤꠀ ꠔꠥꠝꠞꠣ ꠘꠣꠎꠣꠔ ꠙꠣꠁꠍ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:10

ꠀꠟ꠆ꠟꠣꠄ ꠎꠦꠞꠣꠞꠦ ꠙꠍꠘ꠆ꠖ ꠇꠞꠤꠀ ꠀꠟꠉ ꠇꠞꠍꠂꠘ, ꠔꠣꠞꠣꠞ ꠟꠣꠉꠤ ꠀꠝꠤ ꠢꠇ꠆ꠇꠟꠔꠣ ꠡꠁꠎ꠆ꠎ ꠇꠞꠤꠀꠞ, ꠎꠣꠔꠦ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠔꠣꠞꠣ ꠘꠣꠎꠣꠔ ꠙꠣꠁꠘ, ꠟꠉꠦ ꠌꠤꠞꠇꠣꠟꠤꠘ ꠉꠃꠞꠛ-ꠝꠢꠤꠝꠣꠅ ꠙꠣꠁꠘ।

Injil 17: Titas 1:1

ꠀꠝꠤ ꠙꠣꠃꠟꠥꠍ ꠔ ꠀꠟ꠆ꠟꠣ ꠙꠣꠇꠞ ꠉꠥꠟꠣꠝ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠍꠣꠢꠣꠛꠤ। ꠀꠝꠣꠞ ꠖꠣꠄꠁꠔ꠆ꠔ ꠅꠁꠟ, ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦ ꠁꠝꠣꠘꠞ ꠙꠕꠦ ꠀꠘꠣ, ꠀꠞ ꠀꠟ꠆ꠟꠣꠞꠦ ꠝꠣꠘꠤꠀ ꠌꠟꠣꠞ ꠝꠣꠎꠦ ꠎꠦ ꠢꠇꠤꠇꠔ ꠀꠍꠦ, ꠅꠃ ꠢꠇꠤꠇꠔꠞꠦ ꠌꠤꠘꠣꠁ ꠖꠦꠅꠀ।

Injil 19: Ibrani 10:22

ꠄꠞꠟꠣꠉꠤ ꠀꠅ, ꠁꠝꠣꠘꠞ ꠝꠣꠎꠖꠤ ꠀꠝꠞꠣ ꠙꠥꠞꠣꠙꠥꠞ ꠘꠤꠌ꠆ꠌꠤꠔ ꠛꠘꠤꠀ ꠈꠣꠐꠤ ꠖꠤꠟꠦ ꠀꠟ꠆ꠟꠣꠞ ꠖꠞꠛꠣꠞꠅ ꠀꠎꠤꠞ ꠅꠁ; ꠇꠣꠞꠘ ꠖꠥꠡꠤ ꠛꠤꠛꠦꠇꠞ ꠀꠔ ꠕꠣꠇꠤ ꠀꠝꠞꠣꠞ ꠖꠤꠟꠞꠦ ꠀꠟ-ꠝꠍꠤꠞ ꠟꠃꠄ ꠙꠣꠇ-ꠍꠣꠚ ꠛꠣꠘꠣꠁꠍꠦ, ꠀꠞ ꠙꠞꠤꠡ꠆ꠇꠣꠞ ꠙꠣꠘꠤ ꠖꠤꠀ ꠀꠝꠞꠣꠞꠦ ꠘꠣꠅꠀꠁꠟ ꠅꠁꠍꠦ।

Injil 19: Ibrani 11:28

ꠁꠝꠣꠘꠞ ꠛꠟꠦꠃ ꠔꠣꠁꠘ ꠀꠎꠣꠖꠤ ꠁꠖ ꠀꠞ ꠟꠃ ꠍꠤꠐꠣꠁꠀ ꠖꠦꠅꠀꠞ ꠘꠤꠅꠝ ꠝꠣꠘꠟꠣ, ꠎꠣꠔꠦ ꠀꠎꠞꠣꠁꠟ ꠚꠤꠞꠤꠡ꠆ꠔꠣꠄ ꠛꠘꠤ ꠁꠍꠞꠣꠁꠟꠞ ꠙꠄꠟꠣ ꠙꠥꠀꠂꠘ꠆ꠔꠞꠦ ꠘꠣ ꠍꠁꠘ।

Injil 19: Ibrani 12:24

ꠎꠦ ꠁꠍꠣ ꠀꠟ꠆ꠟꠣꠞ ꠟꠉꠦ ꠝꠤꠟꠘꠞ ꠘꠄꠀ ꠃꠍꠤꠟ꠆ꠟꠣꠞ ꠎꠤꠝ꠆ꠝꠣꠖꠣꠞ, ꠢꠃ ꠁꠍꠣꠞ ꠉꠦꠍꠦ ꠀꠁꠍ। ꠢꠣꠛꠤꠟꠞ ꠟꠃ ꠕꠣꠇꠤ ꠀꠞꠅ ꠝꠞꠔꠥꠛꠣꠀꠟꠣ ꠎꠦ ꠟꠃ, ꠔꠥꠝꠞꠣ ꠍꠤꠐꠣꠁꠟ ꠢꠃ ꠟꠃꠞ ꠇꠣꠍꠣꠔ ꠀꠁꠍ।

Injil 19: Ibrani 5:9

ꠀꠞ ꠅꠃ ꠟꠣꠈꠣꠘ ꠞꠁꠀ ꠔꠣꠁꠘ ꠎꠦꠛꠟꠣ ꠙꠥꠞꠣꠙꠥꠞ ꠇꠣꠝꠤꠟ ꠛꠘꠤꠉꠦꠟꠣ, ꠀꠟ꠆ꠟꠣꠄ ꠔꠣꠘꠞꠦ ꠝꠣꠟꠇꠤ-ꠍꠤꠖ꠆ꠖꠤꠇꠞ ꠘꠝꠥꠘꠣꠄ ꠙꠞꠗꠣꠘ ꠁꠝꠣꠝꠞ ꠈꠦꠔꠣꠛ ꠖꠤꠟꠣ, ꠅꠃ ꠘꠝꠥꠘꠣꠄ ꠔꠣꠘ ꠛꠣꠁꠖ꠆ꠖ ꠃꠝ꠆ꠝꠔ ꠅꠇꠟꠞ ꠟꠣꠉꠤ ꠀꠟ꠆ꠟꠣꠁ ꠘꠣꠎꠣꠔꠞ ꠙꠕ ꠈꠥꠟꠤꠀ ꠖꠤꠍꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 1:14

ꠔꠥꠝꠞꠣꠞ ꠀꠉꠞ ꠅꠛꠥꠎ ꠢꠣꠟꠔꠞ ꠈꠣꠞꠣꠙ ꠇꠣꠝ-ꠇꠣꠎ ꠝꠣꠚꠤꠇ ꠎꠤꠘ꠆ꠖꠦꠉꠤ ꠇꠣꠐꠣꠁꠅ ꠘꠣ, ꠛꠞꠋ ꠀꠟ꠆ꠟꠣꠞ ꠢꠥꠇꠥꠝ ꠝꠣꠘꠞꠣ ꠀꠅꠟꠣꠖ ꠢꠤꠡꠣꠛꠦ ꠖꠤꠘ ꠇꠣꠐꠣꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 1:19

ꠛꠞꠋ ꠔꠥꠝꠞꠣꠞꠦ ꠀꠎꠣꠖ ꠇꠞꠣ ꠅꠁꠍꠦ, ꠀꠟ-ꠝꠍꠤꠞ ꠝꠢꠣ ꠖꠣꠝꠤ ꠟꠃ ꠖꠤꠀ, ꠘꠤꠈꠥꠔ-ꠘꠤꠡ꠆ꠇꠟꠋꠇ ꠝꠦꠠꠣ-ꠛꠣꠁꠌ꠆ꠌꠣꠞ ꠟꠃ ꠖꠤꠀ।

ꠁꠘ꠆ꠎꠤꠟ ২১: ১-ꠙꠤꠔꠞ 1:20

ꠖꠥꠘꠤꠀ ꠙꠄꠖꠣ ꠅꠀꠞ ꠀꠉꠦꠃ ꠀꠟ꠆ꠟꠣꠄ ꠔꠣꠘꠞꠦ ꠑꠤꠇ ꠇꠞꠤ ꠞꠣꠈꠍꠂꠘ, ꠅꠁꠟꠦ ꠅꠃ ꠢꠦꠡ-ꠝꠦꠡ ꠡꠝꠄ ꠔꠣꠁꠘ ꠔꠥꠝꠞꠣꠞ ꠟꠣꠉꠤꠃ ꠎꠣꠁꠞ ꠅꠁꠍꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 1:22

ꠅꠈꠘ ꠢꠇ-ꠢꠣꠟꠣꠟꠤ ꠝꠣꠘꠤꠀ, ꠔꠥꠝꠞꠣꠞ ꠖꠤꠟꠞꠦ ꠙꠣꠇ-ꠍꠣꠚ ꠇꠞꠍ ꠀꠞ ꠁꠝꠣꠘꠖꠣꠞ ꠜꠣꠁ ꠅꠇꠟ ꠎꠦꠛꠟꠣ ꠔꠥꠝꠞꠣꠞ ꠉꠦꠍꠦ ꠝꠣꠄꠀꠞ ꠝꠣꠘꠥꠡ ꠅꠁꠍꠂꠘ, ꠔꠦ ꠀꠝꠤ ꠇꠁꠞꠣꠝ, ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞꠦ ꠖꠤꠟꠦ-ꠎꠣꠘꠦ ꠝꠣꠄꠀ ꠇꠞꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 2:9

ꠅꠁꠟꠦ ꠔꠥꠝꠞꠣ ꠔ ꠁꠟꠣ ꠘꠣꠄ, ꠔꠥꠝꠞꠣ ꠅꠁꠟꠣꠄ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠈꠣꠘ꠆ꠖꠣꠘ, ꠛꠣꠖꠡꠣꠁ ꠁꠝꠣꠝꠞ ꠖꠟ, ꠙꠛꠤꠔ꠆ꠞ ꠎꠣꠔꠤ, ꠔꠣꠘ ꠀꠙꠘ ꠙ꠆ꠞꠎꠣ। ꠔꠣꠁꠘ ꠔꠥꠝꠞꠣꠞꠦ ꠀꠘ꠆ꠖꠣꠁꠞ ꠕꠣꠇꠤ ꠘꠤꠎꠞ ꠘꠥꠞꠞ ꠚꠞꠅ ꠖꠣꠅꠔ ꠇꠞꠤ ꠀꠘꠍꠂꠘ, ꠔꠣꠘ ꠉꠥꠘꠉꠣꠘ ꠇꠞꠣꠞ ꠟꠣꠉꠤ।

ꠁꠘ꠆ꠎꠤꠟ ২২: ২-ꠙꠤꠔꠞ 1:2

ꠀꠟ꠆ꠟꠣ ꠙꠣꠇ ꠀꠞ ꠀꠝꠞꠣꠞ ꠝꠣꠟꠤꠇ ꠢꠎꠞꠔ ꠁꠍꠣꠞꠦ ꠙꠥꠞꠣꠙꠥꠞ ꠌꠤꠘꠣꠞ ꠝꠣꠎꠖꠤ, ꠔꠥꠝꠞꠣꠞ ꠃꠙꠞꠦ ꠛꠦꠡ ꠇꠞꠤ ꠞꠢꠝꠔ ꠀꠞ ꠡꠣꠘ꠆ꠔꠤ ꠘꠣꠎꠤꠟ ꠅꠃꠇ।

Injil 24: 2-Hannan 1:1

ꠀꠝꠤ ꠢꠃ ꠝꠥꠞꠛ꠆ꠛꠤꠄ ꠁꠔꠣ ꠟꠦꠈꠞꠣꠝ, ꠀꠟ꠆ꠟꠣꠞ ꠙꠍꠘ꠆ꠖꠞ ꠢꠃ ꠛꠦꠉꠝ ꠍꠣꠄꠛꠣꠘꠤ ꠀꠞ ꠔꠣꠘ ꠀꠅꠟꠣꠖ ꠅꠇꠟꠞ ꠉꠦꠍꠦ। ꠀꠟ꠆ꠟꠣꠁ ꠢꠇꠞ ꠈꠣꠔꠤꠞꠦ ꠀꠝꠤ ꠎꠣꠞꠣꠞꠦ ꠝꠢꠛ꠆ꠛꠔ ꠇꠞꠤ, ꠈꠣꠟꠤ ꠀꠝꠤ ꠘꠣꠄ, ꠀꠞꠅ ꠎꠔ ꠝꠣꠘꠡꠦ ꠀꠟ꠆ꠟꠣꠁ ꠢꠇ ꠎꠣꠘꠍꠂꠘ ꠔꠣꠞꠣ ꠢꠇꠟꠦ ꠎꠣꠞꠦ ꠝꠢꠛ꠆ꠛꠔ ꠇꠞꠂꠘ, ꠅꠃ ꠔꠥꠝꠞꠣꠞ ꠉꠦꠍꠦ ꠟꠦꠈꠞꠣꠝ।

Injil 24: 2-Hannan 1:13

ꠀꠙꠘꠣꠞ ꠎꠦ ꠛꠁꠘꠞꠦ ꠀꠟ꠆ꠟꠣꠄ ꠙꠍꠘ꠆ꠖ ꠇꠞꠍꠂꠘ, ꠔꠣꠘ ꠀꠅꠟꠣꠖ ꠅꠇꠟꠦ ꠀꠙꠘꠣꠞꠦ ꠍꠣꠟꠣꠝ ꠎꠣꠘꠣꠁꠞꠣ। ꠀꠝꠤꠘ॥

Injil 26: Ehuda 1:2

ꠔꠥꠝꠞꠣꠞ ꠃꠙꠞꠦ ꠛꠦꠡ ꠇꠞꠤ ꠝꠦꠢꠦꠞꠛꠣꠘꠤ, ꠡꠣꠘ꠆ꠔꠤ ꠀꠞ ꠝꠢꠛ꠆ꠛꠔ ꠎꠣꠞꠤ ꠞꠃꠇ।