ꠁꠘ꠆ꠎꠤꠟ ২১: ১-ꠙꠤꠔꠞ 1:12 - Siloṭi Asmani Kitab (Nagri lipi)

¹² ꠅꠁꠟꠦ ꠀꠟ꠆ꠟꠣꠄ ꠔꠣꠞꠣꠞꠦ ꠖꠦꠈꠣꠁꠀ ꠖꠤꠍꠂꠘ, ꠔꠣꠞꠣ ꠎꠦꠔꠣ ꠛꠣꠔꠣꠁꠞꠣ ꠁꠔꠣ ꠖꠤꠀ ꠔꠣꠞꠣꠞ ꠘꠤꠎꠞ ꠈꠦꠎꠝꠔ ꠘꠣ ꠇꠞꠤꠀ, ꠔꠥꠝꠞꠣꠞ ꠈꠦꠎꠝꠔ ꠇꠞꠞꠣ। ꠀꠍꠝꠣꠘ ꠕꠣꠇꠤ ꠙꠣꠑꠣꠁꠟ ꠙꠣꠇ ꠞꠥꠢꠥ ꠖꠤꠀ, ꠎꠦꠞꠣ ꠔꠥꠝꠞꠣꠞ ꠉꠦꠍꠦ ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠍꠂꠘ, ꠔꠣꠞꠣ ꠔꠥꠝꠞꠣꠞꠦ ꠘꠛꠤ ꠅꠇꠟꠞ ꠇꠕꠣꠃ ꠎꠣꠘꠣꠁꠍꠂꠘ। ꠚꠤꠞꠤꠡ꠆ꠔꠣ ꠅꠇꠟꠦꠅ ꠁꠔꠣ ꠛꠦꠙꠣꠞ ꠎꠣꠘꠣꠞ ꠟꠣꠉꠤ ꠈꠤꠀꠟꠤ।

ছিলটি আছমানি কিতাব (বাংলা লিপি)

¹² অইলে আল্লায় তারারে দেখাইয়া দিছইন, তারা যেতা বাতাইরা ইতা দিয়া তারার নিজর খেজমত না করিয়া, তুমরার খেজমত কররা। আছমান থাকি পাঠাইল পাক রুহ দিয়া, যেরা তুমরার গেছে আল-মসীর বেয়াপারে খুশ-খবরি তবলিগ করছইন, তারা তুমরারে নবী অকলর কথাউ জানাইছইন। ফিরিস্তা অকলেও ইতা বেয়াপার জানার লাগি খিয়ালি।

Siloṭi Asmani Kitab (Latin lipi)

¹² Oile Allae tarare deḳaia disoin, tara zeta bataira ita dia tarar nizor kezmot na ḳoria, tumrar kezmot ḳorra. Asman taki faṭail Pak Ruhu dia, zera tumrar gese al-Mosir befare kush-ḳobri toblig korsoin, tara tumrare nobi oḳlor ḳota-u zanaisoin. Firista oḳole-o ita befar zanar lagi kiali.

ꠁꠘ꠆ꠎꠤꠟ ২১: ১-ꠙꠤꠔꠞ 1:12 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 25:20

ꠄꠞ ꠒꠣꠈꠘꠣ ꠖꠥꠁꠅꠈꠣꠘ ꠃꠙꠞꠦꠖꠤ ꠝꠦꠟꠣꠁꠟ ꠞꠁꠛ, ꠀꠞ ꠄꠞ ꠍꠣꠄꠀꠞ ꠔꠟꠦ ꠕꠣꠇꠛ ꠡꠘ꠆ꠖꠥꠇꠞ ꠓꠣꠇꠘꠣ। ꠖꠥꠁꠅ ꠇꠣꠞꠥꠛꠤ ꠝꠥꠈꠣꠝꠥꠈꠤ ꠃꠛꠣ ꠕꠣꠇꠛ, ꠀꠞ ꠔꠣꠞꠣꠞ ꠌꠃꠈ ꠞꠁꠛ ꠓꠣꠇꠘꠣꠞ ꠛꠣꠄ।

ꠁꠘ꠆ꠎꠤꠟ ১: ꠝꠕꠤ 11:25

ꠄꠞꠛꠣꠖꠦ ꠁꠍꠣꠄ ꠇꠁꠟꠣ, “ꠅ ꠀꠝꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ, ꠔꠥꠝꠤ ꠔ ꠀꠍꠝꠣꠘ-ꠎꠝꠤꠘꠞ ꠝꠣꠟꠤꠇ। ꠀꠝꠤ ꠔꠥꠝꠣꠞ ꠡꠥꠇꠞꠤꠀ ꠎꠣꠘꠣꠁꠞꠣꠝ, ꠇꠣꠞꠘ ꠔꠥꠝꠤ ꠀꠈꠟꠖꠣꠞ ꠀꠞ ꠛꠥꠖ꠆ꠖꠤꠝꠣꠘ ꠅꠇꠟꠞ ꠉꠦꠍꠦ ꠁꠔꠣ ꠎꠣꠁꠞ ꠘꠣ ꠇꠞꠤꠀ, ꠛꠦꠛꠥꠎ-ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠝꠣꠘꠡꠞ ꠉꠦꠍꠦ ꠎꠣꠁꠞ ꠇꠞꠍ।

ꠁꠘ꠆ꠎꠤꠟ ১: ꠝꠕꠤ 11:27

“ꠀꠝꠣꠞ ꠉꠣꠁꠛꠤ ꠛꠣꠛꠣꠄ ꠢꠇꠟꠔꠣꠃ ꠀꠝꠣꠞ ꠀꠔꠅ ꠡꠙꠤ ꠖꠤꠍꠂꠘ। ꠛꠣꠚ ꠍꠣꠠꠣ ꠖꠥꠍꠞꠣ ꠇꠦꠃ ꠅꠃ ꠙꠥꠔꠞꠦ ꠌꠤꠘꠦ ꠘꠣ, ꠀꠞ ꠙꠥꠔ ꠍꠣꠠꠣ ꠖꠥꠍꠞꠣ ꠇꠦꠃ ꠅꠃ ꠛꠣꠚꠞꠦ ꠌꠤꠘꠦ ꠘꠣ। ꠙꠥꠔꠦ ꠛꠣꠚꠞꠦ ꠎꠣꠞ ꠉꠦꠍꠦ ꠎꠣꠁꠞ ꠇꠞꠣꠞ ꠈꠤꠀꠟ ꠅꠄ, ꠈꠣꠟꠤ ꠢꠦ-ꠃ ꠛꠣꠚꠞ ꠙꠞꠤꠌꠄ ꠙꠣꠄ।

ꠁꠘ꠆ꠎꠤꠟ ১: ꠝꠕꠤ 16:17

ꠁꠍꠣꠄ ꠇꠁꠟꠣ, “ꠅ ꠍꠣꠁꠝꠘ ꠛꠤꠘ ꠁꠃꠘꠥꠍ, ꠔꠥꠝꠤ ꠛꠠ ꠘꠦꠇ-ꠇꠙꠣꠟꠤ, ꠇꠣꠞꠘ, ꠖꠥꠘꠤꠀꠞ ꠇꠥꠘꠥ ꠝꠣꠘꠡꠦ ꠔꠥꠝꠣꠞꠦ ꠁꠔꠣ ꠎꠣꠘꠣꠁꠍꠦ ꠘꠣ, ꠅꠁꠟꠦ ꠀꠝꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣꠄꠃ ꠎꠣꠘꠣꠁ ꠖꠤꠍꠂꠘ।

Injil 2: Markus 16:15

ꠀꠞ ꠅꠃ ꠍꠣꠢꠣꠛꠤ ꠅꠇꠟꠞꠦ ꠇꠁꠟꠣ, “ꠔꠥꠝꠞꠣ ꠖꠥꠘꠤꠀꠞ ꠔꠣꠝꠣꠝ ꠎꠣꠉꠣꠔ ꠎꠣꠅ, ꠉꠤꠀ ꠢꠇꠟ ꠝꠣꠘꠡꠞ ꠉꠦꠍꠦ ꠀꠟ꠆ꠟꠣꠞ ꠛꠣꠔꠣꠁꠟ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠅ।

Injil 3: Luk 15:10

ꠀꠝꠤ ꠀꠙꠘꠣꠞꠣꠞꠦ ꠇꠁꠞꠣꠝ, ꠄꠇ꠆ꠇꠦꠞꠦ ꠅꠃ ꠟꠣꠈꠣꠘꠃ, ꠄꠇꠎꠘ ꠉꠥꠘꠣꠉꠣꠞ ꠝꠣꠘꠡꠦ ꠝꠘ ꠛꠖꠟꠣꠁꠀ ꠔꠃꠛꠣ ꠇꠞꠟꠦ, ꠀꠟ꠆ꠟꠣꠞ ꠚꠤꠞꠤꠡ꠆ꠔꠣ ꠅꠇꠟꠦ ꠅꠃꠟꠣ ꠈꠥꠡꠤ ꠇꠞꠂꠘ।”

Injil 3: Luk 2:26

ꠙꠣꠇ ꠞꠥꠢꠥ ꠔꠣꠘ ꠟꠉꠦ ꠀꠍꠟꠣ, ꠅꠃ ꠞꠥꠢꠦ ꠔꠣꠘꠞꠦ ꠛꠣꠔꠣꠁꠍꠟꠣ, ꠔꠣꠘ ꠝꠃꠔꠞ ꠀꠉꠦꠃ ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠀꠟ-ꠝꠍꠤꠞꠦ ꠔꠣꠁꠘ ꠖꠦꠈꠛꠣ।

Injil 3: Luk 9:6

ꠍꠣꠢꠣꠛꠤ ꠅꠇꠟ ꠞꠅꠀꠘꠣ ꠅꠁꠀ ꠉꠣꠃꠄ ꠉꠣꠃꠄ ꠉꠤꠀ, ꠀꠟ꠆ꠟꠣꠞ ꠈꠥꠡ-ꠈꠛꠞꠤ ꠔꠛꠟꠤꠉ ꠀꠞ ꠛꠦꠝꠣꠞꠤꠘ꠆ꠔꠞꠦ ꠡꠤꠚꠣ ꠇꠞꠣꠔ ꠟꠣꠉꠟꠣ।

Injil 4: Hannan 15:26

“ꠀꠝꠤ ꠀꠝꠣꠞ ꠉꠣꠁꠛꠤ ꠛꠣꠚꠞ ꠉꠦꠍ ꠕꠣꠇꠤ ꠎꠦ ꠡꠣꠁꠎ꠆ꠎꠉꠤꠞ ꠞꠥꠢꠥꠞꠦ ꠔꠥꠝꠞꠣꠞ ꠉꠦꠍꠦ ꠙꠣꠑꠣꠁꠝꠥ, ꠔꠣꠁꠘ ꠀꠁꠀ ꠀꠝꠣꠞ ꠛꠦꠙꠣꠞꠦ ꠡꠣꠇ꠆ꠇꠤ ꠖꠤꠛꠣ। ꠔꠣꠁꠘ ꠅꠁꠟꠣ ꠢꠇ ꠞꠥꠢꠥ, ꠔꠣꠁꠘ ꠉꠣꠁꠛꠤ ꠛꠣꠚꠞ ꠉꠦꠍ ꠕꠣꠇꠤ ꠀꠁꠛꠣ।

Injil 5: Sahabi Nama 10:44

ꠙꠤꠔꠞꠦ ꠛꠄꠀꠘ ꠇꠞꠞꠣ, ꠁ ꠡꠝꠄ ꠎꠦꠞꠣ ꠔꠣꠘ ꠛꠄꠀꠘ ꠢꠥꠘꠣꠔ ꠀꠍꠤꠟ, ꠔꠣꠞꠣ ꠢꠇꠟꠞ ꠃꠙꠞꠦ ꠀꠟ꠆ꠟꠣꠁ ꠙꠣꠇ ꠞꠥꠢꠥ ꠘꠣꠎꠤꠟ ꠅꠁꠟ।

Injil 5: Sahabi Nama 16:10

ꠔꠣꠁꠘ ꠁ ꠀꠟꠣꠝꠔ ꠖꠦꠈꠣꠞ ꠛꠣꠖꠦꠃ ꠀꠝꠞꠣ ꠝꠣꠇꠤꠖꠘꠤꠀꠔ ꠎꠣꠅꠀꠞ ꠟꠣꠉꠤ ꠔꠤꠀꠞ ꠅꠁꠟꠣꠝ, ꠀꠝꠞꠣ ꠛꠥꠎꠟꠣꠝ, ꠝꠣꠇꠤꠖꠘꠤꠀꠞ ꠝꠣꠘꠡꠞ ꠉꠦꠍꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠞ ꠟꠣꠉꠤ ꠀꠟ꠆ꠟꠣꠄ ꠀꠝꠞꠣꠞꠦ ꠙꠣꠑꠣꠁꠞꠣ।

Injil 5: Sahabi Nama 2:33

ꠀꠟ꠆ꠟꠣꠞ ꠒꠣꠁꠘꠞ ꠔꠈ꠆ꠔꠅ ꠛꠁꠛꠣꠞ ꠔꠣꠇ꠆ꠇꠔ ꠔꠣꠘꠞꠦꠃ ꠖꠦꠅꠀ ꠅꠁꠍꠦ, ꠉꠣꠁꠛꠤ ꠛꠣꠚꠞ ꠅꠀꠖꠣ ꠇꠞꠣ ꠙꠣꠇ ꠞꠥꠢꠥ ꠔꠣꠁꠘꠃ ꠙꠣꠁꠍꠟꠣ, ꠀꠞ ꠅꠈꠘ ꠀꠙꠘꠣꠞꠣ ꠎꠦꠔꠣ ꠖꠦꠈꠞꠣ ꠀꠞ ꠢꠥꠘꠞꠣ ꠁꠔꠣ ꠔꠣꠁꠘꠃ ꠇꠞꠍꠂꠘ।

Injil 5: Sahabi Nama 4:31

ꠔꠣꠞꠣꠞ ꠖꠥꠀ ꠇꠞꠣꠞ ꠛꠣꠖꠦ ꠎꠦ ꠎꠣꠉꠣꠔ ꠔꠣꠞꠣ ꠖꠟꠣ ꠅꠁꠍꠟꠣ, ꠢꠤ ꠎꠣꠉꠣ ꠇꠣꠙꠤꠀ ꠃꠑꠟ। ꠀꠞ ꠔꠣꠞꠣ ꠢꠇꠟꠦ ꠙꠣꠇ ꠞꠥꠢꠦ ꠇꠣꠝꠤꠟ ꠅꠁꠀ ꠡꠣꠅꠡ ꠇꠞꠤꠀ ꠀꠟ꠆ꠟꠣꠞ ꠇꠣꠟꠣꠝ ꠔꠛꠟꠤꠉ ꠇꠞꠣꠔ ꠞꠁꠟꠣ।

Injil 5: Sahabi Nama 4:8

ꠔꠦꠃ ꠙꠤꠔꠞꠦ ꠙꠣꠇ ꠞꠥꠢꠦ ꠇꠣꠝꠤꠟ ꠅꠁꠀ ꠔꠣꠞꠣꠞꠦ ꠇꠁꠟꠣ, “ꠅ ꠝꠥꠞꠛ꠆ꠛꠤ ꠍꠣꠄꠛꠣꠁꠘ ꠀꠞ ꠖꠦꠡꠞ ꠛꠥꠎꠥꠞ꠆ꠉ ꠅꠇꠟ,

Injil 5: Sahabi Nama 8:25

ꠛꠣꠖꠦ ꠙꠤꠔꠞ ꠀꠞ ꠢꠣꠘ꠆ꠘꠣꠘꠦ ꠝꠣꠟꠤꠇꠞ ꠇꠣꠟꠣꠝ ꠔꠛꠟꠤꠉ ꠇꠞꠤꠀ ꠎꠦꠞꠥꠎꠣꠟꠦꠝꠅ ꠚꠤꠞꠔ ꠎꠣꠅꠀꠞ ꠙꠕꠅ, ꠡꠝꠞꠤꠀꠞ ꠛꠃꠔ ꠉꠣꠃꠔ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤ ꠇꠞꠤ ꠉꠦꠟꠣ।

Injil 6: Ruman 1:15

ꠄꠞꠟꠣꠉꠤ ꠔꠥꠝꠞꠣ ꠎꠦꠞꠣ ꠞꠥꠝ ꠐꠣꠃꠘꠅ ꠛꠡꠔ ꠇꠞꠞꠣꠄ, ꠀꠝꠤ ꠀꠝꠣꠞ ꠡꠣꠁꠖ꠆ꠖ ꠝꠣꠚꠤꠇ ꠔꠥꠝꠞꠣꠞ ꠉꠦꠍꠦꠅ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠞ ꠟꠣꠉꠤ ꠈꠤꠀꠟꠤ।

Injil 6: Ruman 1:17

ꠅꠃ ꠈꠥꠡ-ꠈꠛꠞꠤꠞ ꠝꠣꠎꠦꠃ ꠔ ꠛꠣꠔꠣꠁꠟ ꠅꠁꠍꠦ, ꠀꠟ꠆ꠟꠣꠄ ꠇꠤꠟꠣ ꠝꠣꠘꠡꠞꠦ ꠛꠦ-ꠇꠍꠥꠞ ꠈꠣꠟꠣꠍ ꠢꠤꠡꠣꠛꠦ ꠇꠛꠥꠟ ꠇꠞꠂꠘ। ꠈꠣꠟꠤ ꠁꠝꠣꠘꠞ ꠝꠣꠎꠖꠤꠃ ꠝꠣꠘꠡꠞꠦ ꠀꠃꠀꠟ ꠕꠣꠇꠤ ꠀꠈꠦꠞ ꠙꠞ꠆ꠎꠘ꠆ꠔ ꠛꠦ-ꠇꠍꠥꠞ ꠈꠣꠟꠣꠍ ꠇꠁꠀ ꠉꠁꠘ꠆ꠘ ꠇꠞꠣ ꠅꠄ। ꠎꠦꠟꠣ ꠇꠤꠔꠣꠛꠅ ꠟꠦꠈꠣ ꠀꠍꠦ, “ꠁꠝꠣꠘꠞ ꠛꠟꠦꠃ ꠛꠦ-ꠇꠍꠥꠞ ꠈꠣꠟꠣꠍ ꠅꠀ ꠎꠘꠞ ꠎꠣꠘ ꠛꠣꠌꠤꠛ।”

Injil 6: Ruman 10:15

ꠀꠞ ꠔꠛꠟꠤꠉꠅ ꠇꠦꠃ ꠘꠣ ꠙꠣꠑꠣꠁꠟꠦ, ꠔꠣꠞꠣ ꠇꠤꠟꠣ ꠔꠛꠟꠤꠉꠅ ꠎꠣꠁꠛ? ꠎꠦꠟꠣ ꠀꠟ꠆ꠟꠣꠞ ꠇꠣꠟꠣꠝꠅ ꠛꠣꠔꠣꠁꠟ ꠅꠁꠍꠦ, “ꠗꠁꠘ꠆ꠘ ꠔꠣꠞꠣꠞ ꠙꠣꠅ ꠈꠣꠘꠣꠁꠘ, ꠎꠦꠞꠣ ꠀꠐꠤ ꠀꠐꠤ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠂꠘ।”

Injil 6: Ruman 15:19

ꠇꠦꠞꠣꠝꠔꠤ-ꠝꠥꠎꠦꠎꠣ ꠀꠞ ꠀꠟ꠆ꠟꠣꠁ ꠙꠣꠇ ꠞꠥꠢꠥꠞ ꠇꠥꠖꠞꠔꠤ ꠛꠟꠦ ꠜꠤꠘ ꠎꠣꠔꠤ ꠅꠇꠟꠞꠦꠖꠤ ꠀꠟ꠆ꠟꠣꠞ ꠉꠥꠟꠣꠝꠤ ꠇꠞꠣꠁꠍꠂꠘ। ꠄꠞꠟꠣꠉꠤꠃ ꠀꠝꠤ ꠀꠟ-ꠝꠍꠤꠞ ꠈꠥꠡ-ꠈꠛꠞꠤꠞꠦ ꠎꠦꠞꠥꠎꠣꠟꠦꠝ ꠕꠣꠇꠤ ꠁꠟꠥꠞꠤꠇꠣ ꠙꠞ꠆ꠎꠘ꠆ꠔ ꠢꠇꠟ ꠎꠣꠉꠣꠞ ꠝꠣꠎꠦ ꠙꠥꠞꠣꠙꠥꠞ ꠔꠛꠟꠤꠉ ꠇꠞꠍꠤ।

Injil 7: 1-Korintia 2:10

ꠁꠔꠣ ꠅꠈꠘ ꠔꠣꠘ ꠙꠣꠇ ꠞꠥꠢꠥꠞ ꠝꠣꠎꠖꠤ ꠀꠝꠞꠣꠞ ꠉꠦꠍꠦ ꠎꠣꠁꠞ ꠇꠞꠍꠂꠘ। ꠙꠣꠇ ꠞꠥꠢꠥꠞ ꠅꠎꠣꠘꠣ ꠇꠥꠘ꠆ꠔꠣꠃ ꠘꠣꠁ, ꠔꠣꠁꠘ ꠀꠟ꠆ꠟꠣꠞ ꠢꠇꠟ ꠛꠣꠔꠥꠘꠤ ꠛꠦꠙꠣꠞꠅ ꠎꠣꠘꠂꠘ।

Injil 8: 2-Korintia 1:22

ꠔꠣꠘ ꠘꠤꠎꠞ ꠗꠘ ꠢꠤꠡꠣꠛꠦ ꠀꠝꠞꠣꠞꠦ ꠡꠤꠟ-ꠌꠣꠙ꠆ꠙꠠ ꠝꠣꠞꠤꠀ ꠞꠣꠈꠍꠂꠘ, ꠀꠞ ꠔꠣꠁꠘ ꠎꠦꠔꠣ ꠀꠝꠞꠣꠞꠦ ꠖꠤꠛꠣꠞ ꠅꠀꠖꠣ ꠇꠞꠍꠂꠘ, ꠁꠔꠣꠞ ꠙꠄꠟꠣ ꠇꠤꠡ꠆ꠔꠤ ꠢꠤꠡꠣꠛꠦ ꠀꠝꠞꠣꠞ ꠖꠤꠟꠞ ꠝꠣꠎꠦ ꠀꠟ꠆ꠟꠣꠁ ꠙꠣꠇ ꠞꠥꠢꠥ ꠖꠣꠘ ꠇꠞꠍꠂꠘ।

Injil 8: 2-Korintia 6:6

ꠁꠔꠣ ꠍꠣꠠꠣ ꠀꠝꠞꠣꠞ ꠙꠣꠇ-ꠙꠞꠦꠎꠉꠣꠞ ꠎꠤꠘ꠆ꠖꠦꠉꠤ, ꠀꠈꠟ-ꠛꠥꠖ꠆ꠖꠤ, ꠍꠛꠞꠉꠣꠞꠤ, ꠖꠄꠀ-ꠝꠣꠄꠀ, ꠖꠤꠟꠞ ꠙꠣꠇ ꠞꠥꠢꠥ, ꠈꠣꠐꠤ ꠝꠢꠛ꠆ꠛꠔ,

Injil 9: Galatia 1:12

ꠀꠝꠤ ꠁꠔꠣ ꠇꠥꠘꠥ ꠝꠣꠘꠡꠞ ꠉꠦꠍ ꠕꠣꠇꠤ ꠙꠣꠁꠍꠤ ꠘꠣ, ꠇꠦꠃ ꠀꠝꠣꠞꠦ ꠁꠔꠣ ꠢꠤꠇꠣꠁꠍꠦꠅ ꠘꠣ। ꠈꠣꠟꠤ ꠁꠍꠣ ꠀꠟ-ꠝꠍꠤꠄ ꠘꠤꠎꠦ ꠀꠝꠣꠞ ꠉꠦꠍꠦ ꠁꠔꠣ ꠎꠣꠁꠞ ꠇꠞꠍꠂꠘ।

Injil 9: Galatia 1:16

ꠀꠝꠤ ꠔꠣꠘ ꠈꠣꠍ ꠝꠣꠄꠀꠞ ꠎꠘꠞ ꠖꠤꠖꠣꠞ ꠙꠣꠁꠀ, ꠅꠁꠘ꠆ꠘꠣꠁꠘ꠆ꠘ ꠎꠣꠔꠤꠞ ꠉꠦꠍꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤ। ꠔꠦ ꠅꠃ ꠖꠤꠖꠣꠞ ꠙꠣꠁꠀꠅ ꠀꠝꠤ ꠇꠥꠘꠥ ꠀꠖꠝ ꠎꠣꠔꠞ ꠟꠉꠦ ꠙꠞꠣꠝꠤꠡ ꠇꠞꠍꠤ ꠘꠣ।

Injil 10: Ifisia 3:10

ꠔꠣꠁꠘ ꠁꠔꠣ ꠛꠣꠔꠥꠘꠤ ꠞꠣꠈꠣꠞ ꠇꠣꠞꠘ ꠅꠁꠟ, ꠀꠍꠝꠣꠘꠞ ꠢꠇꠟ ꠞꠣꠎꠣ ꠀꠞ ꠈꠦꠝꠔꠣꠀꠟꠣ ꠢꠇꠟꠞ ꠉꠦꠍꠦ, ꠀꠟ꠆ꠟꠣꠞ ꠘꠣꠘꠣꠘ ꠘꠝꠥꠘꠣꠞ ꠀꠈꠟ-ꠢꠦꠇꠝꠔ ꠀꠟ-ꠝꠍꠤꠞ ꠎꠝꠣꠔꠞ ꠝꠣꠎꠖꠤ ꠅꠈꠘ ꠈꠥꠟꠣ-ꠝꠦꠟꠣ ꠅꠄ।

ইঞ্জিল ১৩: ১-থিষল: 2:9

ꠜꠣꠁꠀꠁꠘꠞꠦ, ꠀꠍꠟꠦ ꠔ ꠀꠝꠞꠣꠞ ꠝꠦꠘꠔ ꠀꠞ ꠀꠐꠘꠤ-ꠈꠣꠐꠘꠤꠞ ꠇꠕꠣ, ꠘꠤꠌ꠆ꠌꠄ ꠔꠥꠝꠞꠣꠞ ꠝꠘꠅ ꠀꠍꠦ। ꠀꠟ꠆ꠟꠣꠁ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠚꠣꠇꠦ ꠚꠣꠇꠦ ꠀꠝꠞꠣ ꠖꠤꠘꠦ-ꠞꠣꠁꠔꠦ ꠞꠥꠎꠤ-ꠞꠥꠎꠉꠣꠞ ꠇꠞꠍꠤ, ꠎꠣꠔꠦ ꠀꠝꠞꠣꠞ ꠈꠞꠌꠣ-ꠙꠣꠔꠤ ꠔꠥꠝꠞꠣ ꠇꠦꠃꠞꠞ ꠟꠣꠉꠤ ꠛꠥꠏꠣ ꠘꠣ ꠅꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:16

ꠁꠍꠣꠄꠁ ꠁꠝꠣꠘꠞ ꠝꠣꠞꠤꠚꠔꠤ ꠇꠔ ꠝꠢꠣꠘ, ꠁꠔꠣ ꠔ ꠅꠡ꠆ꠛꠤꠇꠣꠞ ꠇꠞꠣ ꠎꠣꠄ ꠘꠣ। ꠅꠃ ꠝꠣꠞꠤꠚꠔꠤ ꠅꠃꠟꠣ ꠎꠣꠁꠞ ꠅꠁꠟ, ꠔꠣꠁꠘ ꠝꠣꠘꠥꠡ ꠍꠥꠞꠔꠦ ꠎꠣꠁꠞ ꠅꠁꠟꠣ, ꠙꠣꠇ ꠞꠥꠢꠦ ꠙꠞꠝꠣꠘ ꠅꠁꠟꠣ ꠛꠦ-ꠇꠍꠥꠞ, ꠚꠤꠞꠤꠡ꠆ꠔꠣ ꠅꠇꠟꠦ ꠔꠣꠘ ꠖꠞꠡꠘ ꠙꠣꠁꠟꠣ। ꠔꠣꠘ ꠛꠦꠙꠣꠞꠦ ꠢꠇ꠆ꠇꠟ ꠎꠣꠔꠤꠞ ꠉꠦꠍꠦ ꠔꠛꠟꠤꠉ ꠇꠞꠣ ꠅꠁꠟ, ꠀꠡ꠆ꠔꠣ ꠖꠥꠘꠤꠀꠞ ꠝꠣꠘꠡꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠟꠣ, ꠉꠃꠞꠛ-ꠝꠢꠤꠝꠣꠄ ꠔꠣꠘꠞꠦ ꠃꠙꠞꠦ ꠔꠥꠟꠤ ꠘꠦꠅꠀ ꠅꠁꠟ।

Injil 19: Ibrani 11:13

ꠝꠎꠛꠥꠔ ꠁꠝꠣꠘꠦ ꠎꠤꠘ꠆ꠖꠦꠉꠤ ꠇꠣꠐꠣꠁꠀ ꠄꠞꠣ ꠢꠇꠟꠞ ꠝꠃꠔ ꠅꠁꠍꠦ, ꠄꠞꠣ ꠇꠦꠃ ꠢꠤ ꠅꠀꠖꠣꠞ ꠚꠟ ꠜꠥꠉ ꠇꠞꠔꠣ ꠙꠣꠞꠍꠂꠘ ꠘꠣ, ꠈꠣꠟꠤ ꠖꠥꠞꠁ ꠕꠣꠇꠤ ꠁꠔꠣ ꠖꠦꠈꠤꠀ ꠢꠣꠞꠤ ꠈꠥꠡꠤ ꠅꠁꠍꠂꠘ। ꠁ ꠖꠥꠘꠤꠀꠔ ꠔꠣꠞꠣ ꠝꠥꠍꠣꠚꠤꠞꠤꠔ ꠀꠁꠍꠂꠘ, ꠁꠈꠣꠘ ꠔꠣꠞꠣꠞ ꠘꠤꠎꠞ ꠛꠡꠔ ꠈꠣꠘꠣ ꠘꠣꠄ, ꠁꠔꠣ ꠔ ꠔꠣꠞꠣ ꠝꠣꠘꠍꠂꠘ।

Injil 19: Ibrani 2:4

ꠄꠞꠣꠞ ꠟꠉꠦ ꠀꠟ꠆ꠟꠣꠄ ꠘꠤꠎꠦꠅ ꠘꠣꠘꠣꠘ ꠇꠤꠍꠤꠝꠞ ꠇꠥꠖꠞꠔꠤ ꠀꠟꠣꠝꠔ, ꠇꠦꠞꠣꠝꠔꠤꠞ ꠛꠟ-ꠔꠣꠇ꠆ꠇꠔꠖꠤ ꠅꠃ ꠘꠣꠎꠣꠔꠞ ꠙꠇ꠆ꠇꠦ ꠡꠣꠇ꠆ꠇꠤ ꠖꠤꠍꠂꠘ। ꠀꠞ ꠘꠤꠎꠞ ꠝꠞ꠆ꠎꠤꠄ ꠙꠣꠇ ꠞꠥꠢꠥꠞ ꠖꠦꠅꠀ ꠘꠣꠘꠣꠘ ꠘꠤꠀꠝꠔ ꠛꠤꠟꠣꠁ ꠖꠤꠀꠅ ꠡꠣꠇ꠆ꠇꠤ ꠖꠤꠍꠂꠘ।

Injil 19: Ibrani 4:2

ꠀꠝꠞꠣꠞ ꠉꠦꠍꠦ ꠎꠦꠟꠣ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣ ꠅꠁꠍꠦ, ꠛꠘꠤ ꠁꠍꠞꠣꠁꠟꠞ ꠉꠦꠍꠦꠅ ꠅꠃꠟꠣ ꠔꠛꠟꠤꠉ ꠇꠞꠣ ꠅꠁꠍꠤꠟ, ꠁ ꠈꠥꠡ-ꠈꠛꠞꠤ ꠢꠥꠘꠤꠀ ꠔꠣꠞꠣꠞ ꠇꠥꠘꠥ ꠚꠣꠄꠖꠣ ꠅꠁꠍꠦ ꠘꠣ, ꠇꠣꠞꠘ ꠔꠣꠞꠣ ꠁꠔꠣ ꠢꠥꠘꠟꠦꠅ ꠁꠝꠣꠘ ꠀꠘꠍꠦ ꠘꠣ।

ꠁꠘ꠆ꠎꠤꠟ ২১: ১-ꠙꠤꠔꠞ 1:25

ꠈꠣꠟꠤ ꠀꠟ꠆ꠟꠣꠞ ꠇꠣꠟꠣꠝ ꠞꠄ ꠌꠤꠞꠇꠣꠟ। ꠀꠞ ꠅꠃ ꠇꠣꠟꠣꠝꠃ ꠅꠁꠟ ꠈꠥꠡ-ꠈꠛꠞꠤ, ꠎꠦꠔꠣ ꠔꠥꠝꠞꠣꠞ ꠉꠦꠍꠦ ꠔꠛꠟꠤꠉ ꠇꠞꠣ ꠅꠁꠍꠦ।

ꠁꠘ꠆ꠎꠤꠟ ২১: ১-ꠙꠤꠔꠞ 4:6

ꠄꠞꠟꠣꠉꠤꠃ ꠝꠥꠞ꠆ꠖꠣ ꠅꠇꠟꠞ ꠉꠦꠍꠦꠅ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣ ꠅꠁꠍꠤꠟ, ꠎꠣꠔꠦ ꠝꠣꠘꠥꠡ ꠢꠤꠡꠣꠛꠦ ꠔꠣꠞꠣꠞ ꠡꠞꠤꠟꠤ ꠛꠤꠌꠣꠞ ꠅꠁꠟꠦꠅ, ꠞꠥꠢꠣꠘꠤ ꠎꠉꠔꠅ ꠔꠣꠞꠣ ꠀꠟ꠆ꠟꠣꠞ ꠟꠣꠈꠣꠘ ꠎꠤꠘ꠆ꠖꠣ ꠞꠂꠘ।

Injil 27: Zaira Kalam 5:11

ꠛꠣꠖꠦ ꠀꠝꠤ ꠌꠣꠁꠟꠣꠝ, ꠀꠞ ꠢꠃ ꠔꠈ꠆ꠔ, ꠌꠣꠁꠞꠅ ꠎꠣꠘꠖꠣꠞ ꠀꠞ ꠝꠥꠞꠛ꠆ꠛꠤ ꠘꠦꠔꠣ ꠅꠇꠟꠞ ꠌꠣꠁꠞꠅꠛꠣꠄ ꠛꠃꠔ ꠚꠤꠞꠤꠡ꠆ꠔꠣ ꠅꠇꠟꠞ ꠀꠅꠀꠎ ꠢꠥꠘꠟꠣꠝ। ꠁꠘꠅ ꠢꠣꠎꠣꠞꠦ ꠢꠣꠎꠣꠞ, ꠇꠥꠐꠤ ꠇꠥꠐꠤ ꠚꠤꠞꠤꠡ꠆ꠔꠣ ꠀꠍꠟꠣ।