ꠁꠘ꠆ꠎꠤꠟ ২১: ১-ꠙꠤꠔꠞ 1:11 - Siloṭi Asmani Kitab (Nagri lipi)

¹¹ ꠔꠣꠞꠣꠞ ꠖꠤꠟꠅ ꠀꠟ-ꠝꠍꠤꠞ ꠞꠥꠢꠦ ꠀꠉꠦꠃ ꠡꠣꠇ꠆ꠇꠤ ꠖꠤꠀ ꠇꠁꠍꠂꠘ, ꠔꠣꠘꠞꠦ ꠇꠡ꠆ꠐ ꠇꠞꠔꠦ ꠅꠁꠛ ꠀꠞ ꠛꠣꠖꠦ ꠔꠣꠁꠘ ꠝꠢꠤꠝꠣ ꠙꠣꠁꠛꠣ। ꠘꠛꠤ ꠅꠇꠟꠦ ꠎꠣꠘꠔꠣ ꠌꠣꠁꠍꠟꠣ, ꠀꠟ-ꠝꠍꠤꠞ ꠅꠃ ꠞꠥꠢꠦ ꠇꠥꠘ ꠡꠝꠄꠇꠥꠞ ꠀꠞ ꠇꠥꠘ ꠢꠣꠟꠔꠞ ꠇꠕꠣ ꠔꠣꠞꠣꠞꠦ ꠎꠣꠘꠣꠁꠞꠣ।

ছিলটি আছমানি কিতাব (বাংলা লিপি)

¹¹ তারার দিলো আল-মসীর রুহে আগেউ সাক্ষি দিয়া কইছইন, তানরে কষ্ট করতে অইবো আর বাদে তাইন মহিমা পাইবা। নবী অকলে জানতা চাইছলা, আল-মসীর অউ রুহে কুন সময়কুর আর কুন হালতর কথা তারারে জানাইরা।

Siloṭi Asmani Kitab (Latin lipi)

¹¹ Tarar dilo al-Mosir ruhe age-u shakki dia ḳoisoin, tanre ḳoshṭo ḳorte oibo ar bade tain mohima faiba. Nobi oḳole zanta saisla, al-Mosir ou ruhe kun shomoykur ar kun halotor ḳota tarare zanaira.

ꠁꠘ꠆ꠎꠤꠟ ২১: ১-ꠙꠤꠔꠞ 1:11 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 3:15

ꠀꠝꠤ ꠔꠥꠝꠣꠞ ꠀꠞ ꠛꠦꠐꠤꠞ ꠝꠣꠎꠦ, ꠔꠥꠝꠣꠞ ꠛꠋꠡ ꠀꠞ ꠛꠦꠐꠤ ꠝꠣꠘꠡꠞ ꠛꠋꠡꠞ ꠝꠣꠎꠦ ꠖꠥꠡꠝꠘꠤ ꠙꠄꠖꠣ ꠇꠞꠝꠥ। ꠢꠤ ꠛꠋꠡꠦ ꠔꠥꠝꠣꠞ ꠇꠟ꠆ꠟꠣ ꠉꠥꠠꠣ ꠇꠞꠛ, ꠀꠞ ꠔꠥꠝꠤ ꠔꠣꠞ ꠙꠣꠅꠞ ꠝꠥꠞꠣꠔ ꠇꠣꠝꠠꠣꠁꠛꠣꠄ।”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 49:10

ꠄꠢꠥꠖꠣꠞ ꠀꠔ ꠕꠘꠦ ꠔ ꠞꠣꠎ-ꠟꠣꠑꠤ ꠢꠞꠔ ꠘꠣꠄ; ꠔꠣꠞ ꠖꠥꠁꠅ ꠙꠣꠅꠞ ꠝꠣꠎ ꠕꠘꠦ ꠛꠤꠌꠣꠞꠞ ꠉꠖꠣ ꠎꠣꠁꠔ ꠘꠣꠄ; ꠎꠔꠖꠤꠘ ꠡꠤꠟꠅ ꠘꠣ ꠀꠁꠛꠣ, ꠀꠞ ꠢꠇꠟ ꠎꠣꠔꠤ ꠔꠣꠘ ꠢꠥꠇꠥꠝꠦ ꠌꠟꠛꠣ।

ꠁꠘ꠆ꠎꠤꠟ ১: ꠝꠕꠤ 26:24

ꠀꠝꠤ ꠛꠤꠘ-ꠀꠖꠝꠞ ꠝꠃꠔꠞ ꠛꠦꠙꠣꠞꠦ ꠀꠍꠝꠣꠘꠤ ꠇꠤꠔꠣꠛꠅ ꠎꠦꠟꠣ ꠟꠦꠈꠣ ꠀꠍꠦ, ꠀꠝꠣꠞ ꠝꠃꠔ ꠔ ꠅꠃꠟꠣꠃ ꠅꠁꠛ। ꠅꠁꠟꠦ ꠀꠚꠍꠥꠍ ꠢꠃ ꠎꠘꠞ ꠟꠣꠉꠤ, ꠎꠦꠉꠤꠄ ꠀꠝꠣꠞꠦ ꠗꠞꠣꠁꠀ ꠖꠤꠛ। ꠖꠥꠘꠤꠀꠔ ꠔꠣꠞ ꠎꠘꠝ ꠘꠣ ꠅꠀꠃ, ꠔꠣꠞ ꠟꠣꠉꠤ ꠛꠃꠔ ꠜꠣꠟꠣ ꠀꠍꠤꠟ।”

Injil 3: Luk 24:44

ꠈꠣꠁꠀ ꠄꠞꠣꠞꠦ ꠇꠁꠟꠣ, “ꠀꠝꠤ ꠎꠦꠛꠟꠣ ꠔꠥꠝꠞꠣꠞ ꠟꠉꠦ ꠀꠍꠟꠣꠝ, ꠢꠃ ꠡꠝꠄ ꠔꠥꠝꠞꠣꠞꠦ ꠇꠁꠍꠟꠣꠝ ꠘꠣ ꠘꠤ, ꠝꠥꠍꠣ ꠘꠛꠤꠞ ꠔꠃꠞꠣꠔ ꠡꠞꠤꠚ, ꠘꠛꠤ ꠅꠇꠟꠞ ꠍꠢꠤꠚꠣ, ꠀꠞ ꠎꠛꠥꠞ ꠡꠞꠤꠚꠞ ꠝꠣꠎꠦ ꠎꠦꠔꠣ ꠟꠦꠈꠣ ꠀꠍꠦ, ꠁꠔꠣ ꠢꠇꠟꠔꠣ ꠘꠤꠌ꠆ꠌꠤꠔ ꠚꠟꠤꠛ।”

Injil 4: Hannan 12:41

ꠁꠡꠣꠄꠀ ꠘꠛꠤꠄ ꠁꠍꠣꠞ ꠝꠢꠤꠝꠣ ꠖꠦꠈꠍꠟꠣ ꠉꠔꠤꠇꠦ, ꠔꠣꠘ ꠛꠦꠙꠣꠞꠦ ꠅꠃ ꠇꠕꠣ ꠇꠁꠍꠟꠣ।

Injil 5: Sahabi Nama 16:7

ꠉꠤꠀ ꠝꠥꠡꠤꠀꠞ ꠡꠤꠝꠣꠘꠣꠔ ꠀꠁꠀ ꠢꠣꠞꠟꠦ ꠛꠤꠕꠥꠘꠤꠀ ꠖꠦꠡꠅ ꠎꠣꠁꠔꠣ ꠌꠣꠁꠟꠣ, ꠅꠁꠟꠦ ꠁꠍꠣꠞ ꠞꠥꠢꠦ ꠔꠣꠞꠣꠞꠦ ꠢꠤꠈꠣꠘꠅ ꠎꠣꠁꠔꠦ ꠖꠤꠟꠣ ꠘꠣ,

Injil 6: Ruman 8:9

ꠅꠁꠟꠦ ꠔꠥꠝꠞꠣꠞ ꠖꠤꠟꠅ ꠎꠦꠛꠟꠣ ꠀꠟ꠆ꠟꠣꠞ ꠞꠥꠢꠥ ꠛꠡꠔ ꠇꠞꠂꠘ, ꠔꠦ ꠔꠥꠝꠞꠣ ꠔ ꠡꠞꠤꠟꠞ ꠛꠖ ꠈꠣꠁꠡꠞ ꠀꠅꠔꠣꠄ ꠘꠣꠄ, ꠛꠞꠋ ꠙꠣꠇ ꠞꠥꠢꠥꠞ ꠀꠅꠔꠣꠄ। ꠀꠍꠟ ꠇꠕꠣ ꠅꠁꠟ, ꠀꠟ-ꠝꠍꠤꠞ ꠞꠥꠢꠥ ꠎꠣꠞ ꠝꠣꠎꠦ ꠘꠣꠁ, ꠢꠦ ꠀꠟ-ꠝꠍꠤꠞ ꠘꠣꠄ।

Injil 9: Galatia 4:6

ꠄꠞꠖꠣꠄ ꠔꠥꠝꠞꠣ ꠀꠟ꠆ꠟꠣꠞ ꠀꠅꠟꠣꠖ ꠛꠘꠤꠎꠣꠅꠀꠄ ꠔꠥꠝꠞꠣꠞ ꠖꠤꠟꠅ ꠛꠡꠔ ꠇꠞꠣꠞ ꠟꠣꠉꠤ, ꠀꠟ꠆ꠟꠣꠄ ꠔꠣꠘ ꠈꠣꠍ ꠝꠣꠄꠀꠞ ꠎꠘꠞ ꠞꠥꠢꠥꠞꠦ ꠛꠦꠎꠤꠍꠂꠘ। ꠔꠥꠝꠞꠣꠞ ꠖꠤꠟꠞ ꠅꠃ ꠞꠥꠢꠦ ꠔ ꠀꠟ꠆ꠟꠣ ꠙꠣꠇꠞꠦ ꠀꠛ꠆ꠛꠣ ꠇꠁꠀ ꠒꠣꠇꠂꠘ।

ꠁꠘ꠆ꠎꠤꠟ ২২: ২-ꠙꠤꠔꠞ 1:21

ꠇꠣꠞꠘ ꠘꠛꠤ ꠅꠇꠟꠦ ꠔꠣꠞꠣꠞ ꠁꠌ꠆ꠍꠣꠝꠔ ꠇꠥꠘꠥ ꠇꠕꠣ ꠇꠁꠍꠂꠘ ꠘꠣ, ꠈꠣꠟꠤ ꠙꠣꠇ ꠞꠥꠢꠥꠞ ꠛꠟꠦ ꠀꠟ꠆ꠟꠣꠞ ꠖꠦꠅꠀ ꠛꠥꠟꠤ ꠛꠣꠔꠣꠁꠍꠂꠘ।

Injil 27: Zaira Kalam 19:10

ꠔꠦꠃ ꠀꠝꠤ ꠅꠃ ꠚꠤꠞꠤꠡ꠆ꠔꠣꠞꠦ ꠍꠁꠎꠖꠣ ꠇꠞꠣꠞ ꠘꠤꠅꠔꠦ ꠔꠣꠘ ꠙꠣꠅ-ꠅ ꠙꠠꠟꠣꠝ, ꠅꠁꠟꠦ ꠔꠣꠁꠘ ꠀꠝꠣꠞꠦ ꠇꠁꠟꠣ, “ꠢꠣꠄ, ꠢꠣꠄ! ꠁꠔꠣ ꠇꠤꠔꠣ ꠇꠞꠞꠣꠄ, ꠀꠝꠤꠅ ꠔ ꠔꠥꠝꠣꠞ ꠟꠣꠈꠣꠘ ꠉꠥꠟꠣꠝ, ꠀꠞ ꠔꠥꠝꠣꠞ ꠎꠦ ꠝꠥꠝꠤꠘ ꠜꠣꠁ ꠅꠇꠟꠦ ꠢꠎꠞꠔ ꠁꠍꠣꠞ ꠙꠇ꠆ꠇꠦ ꠎꠛꠣꠘꠛꠘ꠆ꠖꠤ ꠖꠦꠅꠀꠔ ꠞꠄ, ꠀꠝꠤ ꠔꠣꠞꠣꠞ ꠟꠣꠈꠣꠘꠅ ꠉꠥꠟꠣꠝ। ꠔꠦ ꠈꠣꠟꠤ ꠀꠟ꠆ꠟꠣꠞꠦ ꠍꠁꠎꠖꠣ ꠇꠞꠅ। ꠅꠃ ꠁꠍꠣꠞ ꠎꠛꠣꠘꠛꠘ꠆ꠖꠤꠃ ꠅꠁꠟ, ꠘꠛꠤ-ꠞꠍꠥꠟ ꠅꠇꠟꠞ ꠎꠛꠣꠘꠛꠘ꠆ꠖꠤꠞ ꠝꠥꠟ ꠈꠥꠐꠤ।”