ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 4:11 - Siloṭi Asmani Kitab (Latin lipi)

¹¹ Teu mozlisor hoḳole ḳoila, “Oy, amra itar shakki roilam.” Oḳan ḳoia-u tara dua ḳorla, “Ou ze ḳoinare afne kobul ḳorla, Mabude Iakub nobir dui bibi Rahela ar Lea, ze duizone asta Boni Israil zatire goṛia tulche, erar laḳan-u i koinare uzila ḳoroukka. Asta Betelham gaut afnar shunam baṛouk, Ifrata gusṭir maze Allae afnare doni-samani banauk.

Siloṭi Asmani Kitab (Nagri lipi)

¹¹ ꠔꠦꠃ ꠝꠎꠟꠤꠍꠞ ꠢꠇꠟꠦ ꠇꠁꠟꠣ, “ꠅꠄ, ꠀꠝꠞꠣ ꠁꠔꠣꠞ ꠡꠣꠇ꠆ꠇꠤ ꠞꠁꠟꠣꠝ।” ꠅꠈꠣꠘ ꠇꠁꠀꠃ ꠔꠣꠞꠣ ꠖꠥꠀ ꠇꠞꠟꠣ, “ꠅꠃ ꠎꠦ ꠇꠁꠘꠣꠞꠦ ꠀꠙꠘꠦ ꠇꠛꠥꠟ ꠇꠞꠟꠣ, ꠝꠣꠛꠥꠖꠦ ꠁꠀꠇꠥꠛ ꠘꠛꠤꠞ ꠖꠥꠁ ꠛꠤꠛꠤ ꠞꠣꠢꠦꠟꠣ ꠀꠞ ꠟꠦꠀ, ꠎꠦ ꠖꠥꠁꠎꠘꠦ ꠀꠡ꠆ꠔꠣ ꠛꠘꠤ ꠁꠍꠞꠣꠁꠟ ꠎꠣꠔꠤꠞꠦ ꠉꠠꠤꠀ ꠔꠥꠟꠍꠦ, ꠄꠞꠣꠞ ꠟꠣꠈꠣꠘꠃ ꠁ ꠇꠁꠘꠣꠞꠦ ꠃꠎꠤꠟꠣ ꠇꠞꠃꠇ꠆ꠇꠣ। ꠀꠡ꠆ꠔꠣ ꠛꠦꠕꠦꠟꠢꠣꠝ ꠉꠣꠃꠔ ꠀꠙꠘꠣꠞ ꠡꠥꠘꠣꠝ ꠛꠣꠠꠃꠇ, ꠁꠚ꠆ꠞꠣꠕꠣ ꠉꠥꠡ꠆ꠐꠤꠞ ꠝꠣꠎꠦ ꠀꠟ꠆ꠟꠣꠄ ꠀꠙꠘꠣꠞꠦ ꠗꠘꠤ-ꠍꠣꠝꠘꠤ ꠛꠣꠘꠣꠃꠇ।

ছিলটি আছমানি কিতাব (বাংলা লিপি)

¹¹ তেউ মজলিছর হকলে কইলা, “অয়, আমরা ইতার সাক্ষি রইলাম।” অখান কইয়াউ তারা দোয়া করলা, “অউ যে কইনারে আপনে কবুল করলা, মাবুদে ইয়াকুব নবীর দুই বিবি রাহেলা আর লেয়া, যে দুইজনে আস্তা বনি ইছরাইল জাতিরে গড়িয়া তুলছে, এরার লাখানউ ই কইনারে উজিলা করউক্কা। আস্তা বেথেলহাম গাউত আপনার সুনাম বাড়উক, ইফ্রাথা গুষ্টির মাজে আল্লায় আপনারে ধনি-ছামানি বানাউক।

ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 4:11 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 23:10

Aro Hiṭṭi oḳlor loge i shomoy Ifrun-o hono boat asla. Ibrahimor mator zuafe hou Hiṭṭi oḳlor samne Ifrune ḳoila,

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 24:60

Ar Rebekare dua ḳoria ḳoila, “Boin go, tumi laḳ laḳ aolador ma o. Tumar aolade dushmon oḳolre gail ḳorouk.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 29:16

Labonor duiṭa fuṛi asil. Boṛogur nam Lea ar hurugur nam Rahela.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 29:25

Oile biane uṭia deḳoin, ein to Lea. Teu Iakube Labonre ḳoila, “Afne amar loge ita kun zator ḳam ḳorla? Oto din ami Rahelar lagi afnar gulami korsi nae ni? Te amare duka dila ḳene?”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 29:32

Ar Lear goro eḳ fua oilo. Tain fuar nam raḳla Ruben [mani, fuare deḳo]. Tain ḳoila, “Mabude amar duk deḳsoin, oḳon nichchoy amar zamaie amare maya ḳorba.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 35:23

Iakubor barozon fua asla, Lear torofa tan boṛo fua Ruben, bade Shimion, Lebi, Ehuda, Isaḳor ar Sobulon.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 35:24

Rahelar torofa Iusuf ar Bin-Iamin.

ꠁꠘ꠆ꠎꠤꠟ ১: ꠝꠕꠤ 2:6

O Ehudia zilar Betelham, Ehudiar nami-dami zagar maze tumi kunumonte-u huru nae, tumar maz taki-u to ola eḳzon bashsha foyda oiba, zein amar Israil zatire salaiba.”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 25:7

Oile tair deore zudi taire bia ḳorto razi na oy, te tai hou gau ba ṭaunor fainchaitor gese gia honor murobbi oḳolre ḳoibo, amar deore amare bia ḳorto razi nae, he tar mora bair nam Boni Israilor maze zinda raḳto sae na. Amar befare tar ufre bortail day-dayitto adae ḳorer na.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 25:9

ou ṛaṛi beṭie hou murobbi oḳlor samne, tar ḳasat gia tar faor ekkan zuta nize kulia nibogi, ar tar muko sef falaia ḳoibo, afon bair bongsho zegie basaito sae na, ogur dosha ola ouk.