ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 3:10 - Siloṭi Asmani Kitab (Latin lipi)

¹⁰ Buaze zuaf dila, “Boinre, Allae tumare rohom ḳoroukka, tumi foyla taki-u zela horir bishashi aslae, tair balair lagi aiz aro beshi bishashi zair ḳorlae, tumi to doni-gorib kunu zuan beṭar loge zaoar lagi sinta ḳorso na.

Siloṭi Asmani Kitab (Nagri lipi)

¹⁰ ꠛꠥꠀꠎꠦ ꠎꠥꠀꠙ ꠖꠤꠟꠣ, “ꠛꠁꠘꠞꠦ, ꠀꠟ꠆ꠟꠣꠄ ꠔꠥꠝꠣꠞꠦ ꠞꠢꠝ ꠇꠞꠃꠇ꠆ꠇꠣ, ꠔꠥꠝꠤ ꠙꠄꠟꠣ ꠕꠣꠇꠤꠃ ꠎꠦꠟꠣ ꠢꠞꠤꠞ ꠛꠤꠡ꠆ꠛꠣꠡꠤ ꠀꠍꠟꠣꠄ, ꠔꠣꠁꠞ ꠜꠣꠟꠣꠁꠞ ꠟꠣꠉꠤ ꠀꠁꠎ ꠀꠞꠅ ꠛꠦꠡꠤ ꠛꠤꠡ꠆ꠛꠣꠡꠤ ꠎꠣꠁꠞ ꠇꠞꠟꠣꠄ, ꠔꠥꠝꠤ ꠔ ꠗꠘꠤ-ꠉꠞꠤꠛ ꠇꠥꠘꠥ ꠎꠥꠀꠘ ꠛꠦꠐꠣꠞ ꠟꠉꠦ ꠎꠣꠅꠀꠞ ꠟꠣꠉꠤ ꠌꠤꠘ꠆ꠔꠣ ꠇꠞꠍ ꠘꠣ।

ছিলটি আছমানি কিতাব (বাংলা লিপি)

¹⁰ বোয়াজে জুয়াপ দিলা, “বইনরে, আল্লায় তুমারে রহম করউক্কা, তুমি পয়লা থাকিউ যেলা হরির বিশ্বাসি আছলায়, তাইর ভালাইর লাগি আইজ আরো বেশি বিশ্বাসি জাইর করলায়, তুমি তো ধনি-গরিব কুনু জুয়ান বেটার লগে যাওয়ার লাগি চিন্তা করছো না।

ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 3:10 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 24:31

Labone tanre ḳoila, “O Mabudor rohomotor manush, aukka. Bare ubai roisoin ḳene? Ami afnarar lagi gor, ar uṭor lagi zaga zuit ḳoria aisi.”

ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 1:8

Foto bar oia Bibi Noyomie tan fuar bouainre ḳoila, “O beṭin, tumitain tumartanor maʼr gese zaogi, hono gele tumra shuk faibae. Ma-bafe tumrare bia-shadi diba, tumra noya gor-shongshar ḳorbae. Ar mai oḳolre, amar foribaror loge tumra zela bala bebohar ḳorso, Allae-o tumrar oula balai koroukka,

ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 2:11

Teu Buaze zuaf dila, “Tumi ṛaṛi beṭi oia-o tumar hoṛir lagi zeta ḳorrae ita hoḳolta-u ami hunchi, tumar ma-baf ar zonom-maṭi saṛia i osin zagat aiso.

ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 2:20

Ikan hunia Noyomie ḳoila, “Tamam zinda ar murdar ufre hok insaf ḳoroneala Mabude ere rohomot deukka. Ein to tumar houror korib manush. Amrar foribarre deḳa-huna ar ḳalas ḳorar eḳtiar zerar ase, ein oila erar mazor eḳzon.”

ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 2:4

ou shomoy aḳta-u ḳetor malik Buaz Betelham gau taki aia ḳoila, “Assalamu alaikum, kita ba tumra bala aso ni?” Salamor alek loia tara ḳoila, “Ji oy sab, bala asi.”