ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 1:1 - Siloṭi Asmani Kitab (Latin lipi)

^1-2 Hozrot Daud nobir tin siṛi age amir oḳlor hukumotor amolo, Ehuda desho Ali Malik name eḳ beṭa asla, tan bibir nam Noyomi, Moholun ar Kilion namor tarar dui fua asla. Ou shomoy desho kub bezuita nidan deḳa dilo. Nidanor ṭelae Betelham gaur Ifrata gusṭir ou Ali Malike tan bibi ar fuainre loia Muab desho gelagi.

Siloṭi Asmani Kitab (Nagri lipi)

^1-2 ꠢꠎꠞꠔ ꠖꠣꠃꠖ ꠘꠛꠤꠞ ꠔꠤꠘ ꠍꠤꠠꠤ ꠀꠉꠦ ꠀꠝꠤꠞ ꠅꠇꠟꠞ ꠢꠥꠇꠥꠝꠔꠞ ꠀꠝꠟꠅ, ꠄꠢꠥꠖꠣ ꠖꠦꠡꠅ ꠀꠟꠤ ꠝꠣꠟꠤꠇ ꠘꠣꠝꠦ ꠄꠇ ꠛꠦꠐꠣ ꠀꠍꠟꠣ, ꠔꠣꠘ ꠛꠤꠛꠤꠞ ꠘꠣꠝ ꠘꠄꠅꠝꠤ, ꠝꠢꠟꠥꠘ ꠀꠞ ꠇꠤꠟꠤꠅꠘ ꠘꠣꠝꠞ ꠔꠣꠞꠣꠞ ꠖꠥꠁ ꠙꠥꠀ ꠀꠍꠟꠣ। ꠅꠃ ꠡꠝꠄ ꠖꠦꠡꠅ ꠈꠥꠛ ꠛꠦꠎꠥꠁꠔꠣ ꠘꠤꠖꠣꠘ ꠖꠦꠈꠣ ꠖꠤꠟ। ꠘꠤꠖꠣꠘꠞ ꠑꠦꠟꠣꠄ ꠛꠦꠕꠦꠟꠢꠣꠝ ꠉꠣꠃꠞ ꠁꠚ꠆ꠞꠣꠕꠣ ꠉꠥꠡ꠆ꠐꠤꠞ ꠅꠃ ꠀꠟꠤ ꠝꠣꠟꠤꠇꠦ ꠔꠣꠘ ꠛꠤꠛꠤ ꠀꠞ ꠙꠥꠀꠂꠘꠞꠦ ꠟꠁꠀ ꠝꠥꠀꠛ ꠖꠦꠡꠅ ꠉꠦꠟꠣꠉꠤ।

ছিলটি আছমানি কিতাব (বাংলা লিপি)

^1-2 হজরত দাউদ নবীর তিন ছিড়ি আগে আমির অকলর হুকুমতর আমলো, এহুদা দেশো আলী মালিক নামে এক বেটা আছলা, তান বিবির নাম নয়মী, মহলোন আর কিলিয়ন নামর তারার দুই পুয়া আছলা। অউ সময় দেশো খুব বেজুইতা নিদান দেখা দিলো। নিদানর ঠেলায় বেথেলহাম গাউর ইফ্রাথা গুষ্টির অউ আলী মালিকে তান বিবি আর পুয়াইনরে লইয়া মোয়াব দেশো গেলাগি।

ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 1:1 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 12:10

I shomoy Kenan desho nidan deḳa dilo. I nidan kub ḳoṭin oae, Abrame musafir oia Mishor desho gelagi.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 26:1

Ibrahimor zomanar laḳan ifira-o desho hirbar eḳ nidan deḳa dilo. Teu Isʼhak Gerar ṭauno Filistini oḳlor bashsha Abimalikor gese gelagi.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 43:1

Kenan deshor aḳalor dosha aro behal oilo.

ꠔꠃꠞꠣꠔ ৩: ꠟꠦꠛꠤꠀꠘ 26:19

Ami tumrar bol-shoktir beṭagiri bangia surmar ḳorilimu. Tumrar matar ufror asmanre luar laḳan, ar faor tolor maṭire tamar laḳan shokto ḳormu.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:38

“Tumra ḳet ḳorbae bout, oile foshol faibae tuṛa, ḳaron fongofale ḳailiba.