ꠎꠛꠥꠞ ꠡꠞꠤꠚ 3:3 - Siloṭi Asmani Kitab (Latin lipi)

³ Oile O Mabud, ḳoror dushmon taki tumi-u amar roikkaḳari, tumi-u amar shan-boṛai, bifodor maze amare shaosh dirae.

Siloṭi Asmani Kitab (Nagri lipi)

³ ꠅꠁꠟꠦ ꠅ ꠝꠣꠛꠥꠖ, ꠈꠞꠞ ꠖꠥꠡꠝꠘ ꠕꠣꠇꠤ ꠔꠥꠝꠤꠃ ꠀꠝꠣꠞ ꠞꠁꠇ꠆ꠇꠣꠇꠣꠞꠤ, ꠔꠥꠝꠤꠃ ꠀꠝꠣꠞ ꠡꠣꠘ-ꠛꠠꠣꠁ, ꠛꠤꠙꠖꠞ ꠝꠣꠎꠦ ꠀꠝꠣꠞꠦ ꠡꠣꠅꠡ ꠖꠤꠞꠣꠄ।

ছিলটি আছমানি কিতাব (বাংলা লিপি)

³ অইলে ও মাবুদ, খরর দুশমন থাকি তুমিউ আমার রইক্ষাকারি, তুমিউ আমার শান-বড়াই, বিপদর মাজে আমারে সাওস দিরায়।

ꠎꠛꠥꠞ ꠡꠞꠤꠚ 3:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 15:1

Ota goṭona oḳlor bade ohir maze Mabudor kalam Abramor gese nazil oilo. Tain ḳoila, “O Abram, ḍoraio na, ami-u tumar hefazotkari, tumar bout boṛo furuskar.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 40:13

Ou tin dinor maze Feraune afnare bar ḳoria hirbar agor ḳamo lagaiba. Afne hirbar agor laḳan Feraunor ato fiala tuli diba.

ꠎꠛꠥꠞ ꠡꠞꠤꠚ 18:2

Alla-u amar nirafod minar, amar zan basanir malik, amar Mabud, amar faṛ, tan sayat asroy loisi. Zuddor moydano tain-u amar ḍal, zan basanir bol-takkot, amar asroy mukam.

ꠎꠛꠥꠞ ꠡꠞꠤꠚ 27:6

Ou shomoy more beria raḳse zeta dushmone, amar ijjot baṛibo ota zonor ufre. Kushir suṭe zure zure gozol gaimu ami, tan goro dan ḳormu lilla-kurbani, baznar tale tale tan name gaimu ami, usa golae gaimu ami gozol-ḳaoali.

ꠎꠛꠥꠞ ꠡꠞꠤꠚ 28:7

Mabud amar bol-shokti, zan basanir atiar, tan ufre borosha ḳore dil-zan amar, tan shaijjo faia hari kushie borse mor dil, amar golae shukria zanai ḳori tan zikir.

ꠎꠛꠥꠞ ꠡꠞꠤꠚ 4:3

Mono rakio, Mabude tan ashik bondare nizor lagi alog korsoin, te ami ḍaḳle-u tain hunoin.

Injil 3: Luk 2:32

Tumar ḳas proza Boni Israilor gourob to ein-u, bad-baki tamam zatire-o fot deḳanir nur.”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:29

O Boni Israil, mubarok aolad tumi! Tumi oilae Mabud Allar azad ḳora zati. Shoyong Mabud oila tumar zan basanir ḍal, tain-u oila tumar joyor darail toluar. Dushmon tumar samne aile tor-toraia ḳafe, tumi tarar bukur ufre maṛa dibae ne.

Injil 27: Zaira Kalam 21:11

I ṭaunor rong kub dami moni-muktar laḳan soḳsoḳa, foṭikor golashor nomunae dami hirar laḳan.

Injil 27: Zaira Kalam 21:23

I ṭaunre for ḳorar lagi kunu san-shuruzor zorur nai. Allar nuror mohimae for dey, ar meṛa-baichcha-u oila inor batti.