ꠔꠃꠞꠣꠔ ৪: ꠡꠥꠝꠣꠞꠤ 9:14 - Siloṭi Asmani Kitab (Latin lipi)

¹⁴ “Boni Israilor maze boshot ḳorra bideshi kunu manshe zudi Mabudor name Azadi Id adae ḳorto sae, te ḳorto farbo. Oile ou idor niom-ḳanun mania adae ḳorte oibo. Boni Israil ba bin-deshi hoḳole-u eḳoi niom mante oibo.”

Siloṭi Asmani Kitab (Nagri lipi)

¹⁴ “ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠛꠡꠔ ꠇꠞꠞꠣ ꠛꠤꠖꠦꠡꠤ ꠇꠥꠘꠥ ꠝꠣꠘꠡꠦ ꠎꠥꠖꠤ ꠝꠣꠛꠥꠖꠞ ꠘꠣꠝꠦ ꠀꠎꠣꠖꠤ ꠁꠖ ꠀꠖꠣꠄ ꠇꠞꠔ ꠌꠣꠄ, ꠔꠦ ꠇꠞꠔ ꠙꠣꠞꠛ। ꠅꠁꠟꠦ ꠅꠃ ꠁꠖꠞ ꠘꠤꠅꠝ-ꠇꠣꠘꠥꠘ ꠝꠣꠘꠤꠀ ꠀꠖꠣꠄ ꠇꠞꠔꠦ ꠅꠁꠛ। ꠛꠘꠤ ꠁꠍꠞꠣꠁꠟ ꠛꠣ ꠜꠤꠘ-ꠖꠦꠡꠤ ꠢꠇꠟꠦꠃ ꠄꠇꠁ ꠘꠤꠅꠝ ꠝꠣꠘꠔꠦ ꠅꠁꠛ।”

ছিলটি আছমানি কিতাব (বাংলা লিপি)

¹⁴ “বনি ইছরাইলর মাজে বসত কররা বিদেশি কুনু মানষে যুদি মাবুদর নামে আজাদি ইদ আদায় করতো চায়, তে করতো পারবো। অইলে অউ ইদর নিয়ম-কানুন মানিয়া আদায় করতে অইবো। বনি ইছরাইল বা ভিন-দেশি হকলেউ একই নিয়ম মানতে অইবো।”

ꠔꠃꠞꠣꠔ ৪: ꠡꠥꠝꠣꠞꠤ 9:14 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 12:43

Mabude Musa ar Harunre ḳoila, “Azadi Idor kurbanir niom-ḳanun ami tumrare hikai diar. Huno, oinno kunu zatir manshore er gust ḳaite dibae na.

ꠔꠃꠞꠣꠔ ২: ꠢꠤꠎꠞꠔ 12:47

Tamam Boni Israile ou id adae ḳorbae.

ꠔꠃꠞꠣꠔ ৩: ꠟꠦꠛꠤꠀꠘ 19:10

Angur ḳetor angur faṛibar ḳalo, tole falail angur tubaia tulio na, ar hoḳol angur saf ḳori faṛia nio na. Shomazor gorib-duki ar bideshi musafiror lagi ita kisu toia zaio. Ami Alla-u to tumrar Mabud.

ꠔꠃꠞꠣꠔ ৩: ꠟꠦꠛꠤꠀꠘ 22:25

Bin zatir kunu manshor ges taki olaḳan foshu ania tumrar Allar name kurbani dio na. Itar gotro kut taḳae itadi kurbani dile tumrar kunu fayda oito nae.”

ꠔꠃꠞꠣꠔ ৩: ꠟꠦꠛꠤꠀꠘ 24:22

Boni Israil ba tumrar loge boshot ḳorra bin zatir manshor lagi ou eḳoi ain zari roibo. Mono rakio, ami Alla-u tumrar Mabud.”

ꠔꠃꠞꠣꠔ ৩: ꠟꠦꠛꠤꠀꠘ 25:15

Zomi korid ḳorar shomoy ḳorid-biki korra duio zone kial raḳbae, firot aoar hou foinchash bosor bade ḳotodin gesegi, ar samnor foinchash bosor furte ḳotodin baki ase, oḳan hishab ḳoria zominor dordam ṭik korbae.

ꠔꠃꠞꠣꠔ ৪: ꠡꠥꠝꠣꠞꠤ 15:15

Oarishor for oarish dori ou niom zari roibo. Tumrar shomazor hoḳlor lagi ou niom salu roibo, ita tumra o ba tumrar loge boshot ḳorra bin-deshi oile-o, hoḳlor lagi-u oarishor for oarish dori ou eḳoi niom zari roibo. I befare ami Mabudor gese tumra zela, bin-deshi oḳol-o oula, hoḳol homan.

ꠔꠃꠞꠣꠔ ৪: ꠡꠥꠝꠣꠞꠤ 15:16

Tumrar lagi ar tumrar maze boshot ḳorra bin-deshi oḳlor lagi eḳlaḳan hukum-ahkam ar eḳoi shoriot salu roibo.”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 29:11

Tumrar loge oia tumrar bou, fua-fuṛin, ar bin zatir hou manush oḳol zetae tumrar daru faṛoin ar fani boia anoin tara-o aisoin.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 31:12

Beṭain, beṭin, huruttain, ar tumrar loge boshot ḳorra gau ba ṭaunor bin zatir hoḳol manshore eḳ zagat dola ḳoria ita hunaio, ita hunia tara tumrar Mabud Allare ḍoraiba, ar ou shoriotor hoḳol hukum-ahkam zoton ḳori amol ḳorba.