ꠔꠃꠞꠣꠔ ৪: ꠡꠥꠝꠣꠞꠤ 7:84 - Siloṭi Asmani Kitab (Latin lipi)

⁸⁴ Te fobitro tel dia kurbani kanare boail ḳorar shomoy Boni Israilor shordar oḳole zeta dan ḳorsla ita oilo, baro ḳan rufar tal, baroṭa rufar gamla ar baroṭa shunar baṭi.

Siloṭi Asmani Kitab (Nagri lipi)

⁸⁴ ꠔꠦ ꠙꠛꠤꠔ꠆ꠞ ꠔꠦꠟ ꠖꠤꠀ ꠇꠥꠞꠛꠣꠘꠤ ꠈꠣꠘꠣꠞꠦ ꠛꠅꠀꠁꠟ ꠇꠞꠣꠞ ꠡꠝꠄ ꠛꠘꠤ ꠁꠍꠞꠣꠁꠟꠞ ꠡꠞ꠆ꠖꠣꠞ ꠅꠇꠟꠦ ꠎꠦꠔꠣ ꠖꠣꠘ ꠇꠞꠍꠟꠣ ꠁꠔꠣ ꠅꠁꠟ, ꠛꠣꠞꠅ ꠈꠣꠘ ꠞꠥꠙꠣꠞ ꠕꠣꠟ, ꠛꠣꠞꠅꠐꠣ ꠞꠥꠙꠣꠞ ꠉꠣꠝꠟꠣ ꠀꠞ ꠛꠣꠞꠅꠐꠣ ꠡꠥꠘꠣꠞ ꠛꠣꠐꠤ।

ছিলটি আছমানি কিতাব (বাংলা লিপি)

⁸⁴ তে পবিত্র তেল দিয়া কুরবানি খানারে বওয়াল করার সময় বনি ইছরাইলর সর্দার অকলে যেতা দান করছলা ইতা অইলো, বারো খান রুপার থাল, বারোটা রুপার গামলা আর বারোটা সোনার বাটি।

ꠔꠃꠞꠣꠔ ৪: ꠡꠥꠝꠣꠞꠤ 7:84 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 25:29

Ṭebulor ufror tal-bashon, Allar name ḍalia dibar shorbot-fanir sodgar zog ar mog, hoḳolta ḳaṭi shunadi banani lagbo.

ꠔꠃꠞꠣꠔ ৪: ꠡꠥꠝꠣꠞꠤ 7:1

Hozrot Musae Allar gor bananir ḳam shesh ḳoria hari, fobitro tel siṭaia gorre fak-fobitro ḳorla. Ar goror hoḳol mal-samana, kurbani kana ar er logor tal-bashon hokkolta fak-fobitro ḳorla.

ꠔꠃꠞꠣꠔ ৪: ꠡꠥꠝꠣꠞꠤ 7:10

Kurbani kanat fobitro tel siṭanir shomoy, ikanre boail ḳorar niote shordar oḳole zarzir boḳshish loia aila. Ania kurbani kanar samne toila.

ꠔꠃꠞꠣꠔ ৪: ꠡꠥꠝꠣꠞꠤ 7:83

salamoti kurbanir lagi dugu goru, fasgu meṛa, fasgu sagol ar eḳ bosor boyoshi fasgu meṛa-baichcha anla. Ota asil Inanor fua Ahiror ufohar.

ꠔꠃꠞꠣꠔ ৪: ꠡꠥꠝꠣꠞꠤ 7:85

Ebadot ḳanar mafe forteḳ rufar talor uzon asil eḳ-sho tish tola ar gamlar uzon asil shottoir tola. Rufar hoḳol tal-bashonor muṭ uzon asil dui azar sair-sho tola.

Injil 19: Ibrani 13:10

Amrar to ekkan kurbani kana ase, ikanor kunta ḳaibar eḳtiar Musa nobir ebadot-tambur imam oḳlor nai.

Injil 27: Zaira Kalam 21:14

I ṭaunor oalor baroṭa filar asil, itar ufre meṛa-baichchar barozon sahabir baroḳan nam leḳa.