ꠔꠃꠞꠣꠔ ৪: ꠡꠥꠝꠣꠞꠤ 6:20 - Siloṭi Asmani Kitab (Latin lipi)

²⁰ Bade imame ota nia Mabudor samne usa ḳori dulaiba. Ita to fak-fobitro zinish, ita hokkolta imamor faona. Dulaia toa sinar ou gust ar kurbanir foshur ran-o imamor faona. Ita hoḳolta ḳorar bade Naziria etekaf ḳorra ou zone anguror shorbot ḳaita farba.

Siloṭi Asmani Kitab (Nagri lipi)

²⁰ ꠛꠣꠖꠦ ꠁꠝꠣꠝꠦ ꠅꠔꠣ ꠘꠤꠀ ꠝꠣꠛꠥꠖꠞ ꠍꠣꠝꠘꠦ ꠃꠌꠣ ꠇꠞꠤ ꠖꠥꠟꠣꠁꠛꠣ। ꠁꠔꠣ ꠔ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡ, ꠁꠔꠣ ꠢꠇ꠆ꠇꠟꠔꠣ ꠁꠝꠣꠝꠞ ꠙꠣꠅꠘꠣ। ꠖꠥꠟꠣꠁꠀ ꠕꠅꠀ ꠍꠤꠘꠣꠞ ꠅꠃ ꠉꠥꠡ꠆ꠔ ꠀꠞ ꠇꠥꠞꠛꠣꠘꠤꠞ ꠙꠡꠥꠞ ꠞꠣꠘꠅ ꠁꠝꠣꠝꠞ ꠙꠣꠅꠘꠣ। ꠁꠔꠣ ꠢꠇꠟꠔꠣ ꠇꠞꠣꠞ ꠛꠣꠖꠦ ꠘꠣꠎꠤꠞꠤꠀ ꠄꠔꠦꠇꠣꠚ ꠇꠞꠞꠣ ꠅꠃ ꠎꠘꠦ ꠀꠋꠉꠥꠞꠞ ꠡꠞꠛꠔ ꠈꠣꠁꠔꠣ ꠙꠣꠞꠛꠣ।

ছিলটি আছমানি কিতাব (বাংলা লিপি)

²⁰ বাদে ইমামে অতা নিয়া মাবুদর ছামনে উচা করি দুলাইবা। ইতা তো পাক-পবিত্র জিনিস, ইতা হক্কলতা ইমামর পাওনা। দুলাইয়া থওয়া ছিনার অউ গোস্ত আর কুরবানির পশুর রানও ইমামর পাওনা। ইতা হকলতা করার বাদে নাজিরিয়া এতেকাফ কররা অউ জনে আংগুরর শরবত খাইতা পারবা।

ꠔꠃꠞꠣꠔ ৪: ꠡꠥꠝꠣꠞꠤ 6:20 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 10:15

Ou kurbanir foshur sorbi zebla ana oibo, ou shomoy dulona kurbanir lagi sina ar ranor gust-o ana lagbo. Mabudor hukum mafik ou ran ar sinar gust tumi ar tumar fua-fuṛintor siroḳalin faona.”

ꠔꠃꠞꠣꠔ ৩: ꠟꠦꠛꠤꠀꠘ 23:11

Gele imame ou muiṭ nia Mabudor samne dulaiba. Zummabaror bador din tain ikan dulaiba, teu Mabud tumrar ufre kushi oiba.

ꠔꠃꠞꠣꠔ ৩: ꠟꠦꠛꠤꠀꠘ 7:30

Mabudor name agunit deoa kurbanir ou ongsho, mani sina ar sinar ufror sorbi he nizor ate ania imam sabre dibo. Imame itare usa ḳoria Mabudor samne dulaiba.

ꠔꠃꠞꠣꠔ ৩: ꠟꠦꠛꠤꠀꠘ 7:31

Bade tain sorbire kurbani kanar ufre zalailiba, oile ou sinar gust imam Harun ar tan fuainte faiba.

ꠔꠃꠞꠣꠔ ৩: ꠟꠦꠛꠤꠀꠘ 7:32

Salamoti kurbanir foshur ḍainor ranor gust imam sabre dilaibae.

ꠔꠃꠞꠣꠔ ৩: ꠟꠦꠛꠤꠀꠘ 7:34

Boni Israilor deoa hoḳol salamoti kurbanir gust taki dulona kurbanir sina ar ḍainor ranor gust ami imam Harun ar tar fuaintore dilam. Boni Israilor deoa kurbanir i ongsho oilo tarar hameshakur faona hok.”

ꠔꠃꠞꠣꠔ ৩: ꠟꠦꠛꠤꠀꠘ 9:21

Musa nobir hukum mafik Harune bade kurbanir foshur sina ar ḍainor ran nia Mabudor samne dulona kurbani hishabe dulaila.

ꠔꠃꠞꠣꠔ ৪: ꠡꠥꠝꠣꠞꠤ 18:18

Dulona ḳorail sina ar ḍainor ranor gustor laḳan, oguintor gust-o tumi faibae.

ꠔꠃꠞꠣꠔ ৪: ꠡꠥꠝꠣꠞꠤ 5:25

Imame foyla ou beṭir at taki shondoyor sodgar moyda nia Mabudor samne dulaia kurbani kanat loia zaiba.

ꠔꠃꠞꠣꠔ ৪: ꠡꠥꠝꠣꠞꠤ 6:21

“Ita to Naziria etekaf ḳorra zonor lagi ain. Mabudor name alada roia Naziria etekafor niom mafik, ota hoḳolta kurbani dite oibo. Ar zudi tarar shaiddo mafik aro kunta ḳorar niot ḳore, te ota-o ḳorte oibo. Mabudor name alada roar mannot mafik etekafor zoruri hokkolta era adae ḳorbo.”

ꠁꠘ꠆ꠎꠤꠟ ১: ꠝꠕꠤ 26:29

Ami hasa ḳota ḳoiar, ami amar gaibi bafor bashshait dakil oia hari, tumrare loge loia zotodin noya halote anguror shorbot na ḳaisi, oto din i shorbot ar ḳaitam nae.”

Injil 2: Markus 14:25

Ami hasa ḳota ḳoiram, zei forzonto Allar bashshait dakil oia ami anguror shorbot na ḳaisi, oto din i laḳan shorbot ar ḳaitam nae.”

Injil 4: Hannan 19:30

I shorbot ḳaia harle tain ḳoila, “Shesh oigese.” Oḳan ḳoia, tain mata nuaia aḳeri dom falaila.