ꠔꠃꠞꠣꠔ ৪: ꠡꠥꠝꠣꠞꠤ 5:9 - Siloṭi Asmani Kitab (Latin lipi)

⁹ Boni Israile fak-fobitro zoto zinish imamor gese loia aiba, ita hokkolta-u imame faiba.

Siloṭi Asmani Kitab (Nagri lipi)

⁹ ꠛꠘꠤ ꠁꠍꠞꠣꠁꠟꠦ ꠙꠣꠇ-ꠙꠛꠤꠔ꠆ꠞ ꠎꠔ ꠎꠤꠘꠤꠡ ꠁꠝꠣꠝꠞ ꠉꠦꠍꠦ ꠟꠁꠀ ꠀꠁꠛꠣ, ꠁꠔꠣ ꠢꠇ꠆ꠇꠟꠔꠣꠃ ꠁꠝꠣꠝꠦ ꠙꠣꠁꠛꠣ।

ছিলটি আছমানি কিতাব (বাংলা লিপি)

⁹ বনি ইছরাইলে পাক-পবিত্র যত জিনিস ইমামর গেছে লইয়া আইবা, ইতা হক্কলতাউ ইমামে পাইবা।

ꠔꠃꠞꠣꠔ ৪: ꠡꠥꠝꠣꠞꠤ 5:9 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 29:28

Ou laḳan Boni Israilor deoa ou kurbanir ṭukrain hor-hamesha Harun ar tar fuainte faiba. Ita oibo Mabudor name Boni Israilor deoa salamoti kurbanir eḳṭa ongsho.

ꠔꠃꠞꠣꠔ ৩: ꠟꠦꠛꠤꠀꠘ 10:13

Tumra fobitro Kaba goror shimanar bitre ota ḳaio. Mabudor name agunit deoa kurbanir ou ongsho to tumar ar tumar fuaintor faona. Mabude amare ola hukum disoin.

ꠔꠃꠞꠣꠔ ৩: ꠟꠦꠛꠤꠀꠘ 10:14

Oile Mabudor name dulona kurbanir sina ar ranor gust tumra ar tumrar fua-fuṛinte-o ḳaitae farbae. Zekunu fak-saf zagat boia tumra ita ḳaio. Boni Israilor hoḳol salamoti kurbanir gustor ou ongsho tumrare ar tumrar fua-fuṛintore deoa oise.

ꠔꠃꠞꠣꠔ ৩: ꠟꠦꠛꠤꠀꠘ 10:15

Ou kurbanir foshur sorbi zebla ana oibo, ou shomoy dulona kurbanir lagi sina ar ranor gust-o ana lagbo. Mabudor hukum mafik ou ran ar sinar gust tumi ar tumar fua-fuṛintor siroḳalin faona.”

ꠔꠃꠞꠣꠔ ৩: ꠟꠦꠛꠤꠀꠘ 6:26

Ze imame ou kurbani adae ḳorba, ein ou gust ḳaiba. Milon-tambur uṭano fobitro zagat ou gust ḳaite oibo.

ꠔꠃꠞꠣꠔ ৩: ꠟꠦꠛꠤꠀꠘ 7:32

Salamoti kurbanir foshur ḍainor ranor gust imam sabre dilaibae.

ꠔꠃꠞꠣꠔ ৩: ꠟꠦꠛꠤꠀꠘ 7:34

Boni Israilor deoa hoḳol salamoti kurbanir gust taki dulona kurbanir sina ar ḍainor ranor gust ami imam Harun ar tar fuaintore dilam. Boni Israilor deoa kurbanir i ongsho oilo tarar hameshakur faona hok.”

ꠔꠃꠞꠣꠔ ৪: ꠡꠥꠝꠣꠞꠤ 18:19

Mabudor name Boni Israilor kurbani kora hoḳol fobitro zinish tumar faona babot ami tumare ar tumar aolad oḳolre siroḳalor lagi dilailam. Ita oilo Mabudor loge tumi ar tumar oarishor lagi siroḳalin chukti, er kunu rod-bodol oito nae.”

ꠔꠃꠞꠣꠔ ৪: ꠡꠥꠝꠣꠞꠤ 31:41

Mabude Musa nobire zela hukum disla, tain Mabudor faona baṭ nia imam Ali-Azoror ato ola shomzai dila.

ꠔꠃꠞꠣꠔ ৪: ꠡꠥꠝꠣꠞꠤ 5:8

Ḳeti-furon neoar zuka manush zudi na roin ar tar kunu afon zon na taḳoin, te ita Mabudor faona oibo. Ou ḳeti-furon ar gunar koforar kurbanir meṛaṭa imam sabe faiba.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:26

“Mabudor fosond ḳora zagat tumrar fak-fobitro zinish ar mannotor zinish loia zaio.