ꠔꠃꠞꠣꠔ ৪: ꠡꠥꠝꠣꠞꠤ 5:3 - Siloṭi Asmani Kitab (Latin lipi)

³ Beṭa ba beṭi ouk, ogure kemp taki bar ḳori dibae. Boni Israilor kemp zate era nafak na banae, ou niote otare bar ḳori dibae, zano to, shoyong ami Boni Israilor maze boshot ḳori.”

Siloṭi Asmani Kitab (Nagri lipi)

³ ꠛꠦꠐꠣ ꠛꠣ ꠛꠦꠐꠤ ꠅꠃꠇ, ꠅꠉꠥꠞꠦ ꠇꠦꠝ꠆ꠙ ꠕꠣꠇꠤ ꠛꠣꠞ ꠇꠞꠤ ꠖꠤꠛꠣꠄ। ꠛꠘꠤ ꠁꠍꠞꠣꠁꠟꠞ ꠇꠦꠝ꠆ꠙ ꠎꠣꠔꠦ ꠄꠞꠣ ꠘꠣꠙꠣꠇ ꠘꠣ ꠛꠣꠘꠣꠄ, ꠅꠃ ꠘꠤꠅꠔꠦ ꠅꠔꠣꠞꠦ ꠛꠣꠞ ꠇꠞꠤ ꠖꠤꠛꠣꠄ, ꠎꠣꠘ ꠔ, ꠡ꠆ꠛꠄꠅꠋ ꠀꠝꠤ ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠛꠡꠔ ꠇꠞꠤ।”

ছিলটি আছমানি কিতাব (বাংলা লিপি)

³ বেটা বা বেটি অউক, অগুরে কেম্প থাকি বার করি দিবায়। বনি ইছরাইলর কেম্প যাতে এরা নাপাক না বানায়, অউ নিয়তে অতারে বার করি দিবায়, জানো তো, স্বয়ং আমি বনি ইছরাইলর মাজে বসত করি।”

ꠔꠃꠞꠣꠔ ৪: ꠡꠥꠝꠣꠞꠤ 5:3 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 25:8

“Amar roar lagi tumi Boni Israil oḳolredi fak-fobitro ekkan zaga toiar ḳoraibae. Teu ami tarar loge boshot ḳormu.

ꠔꠃꠞꠣꠔ ২: ꠢꠤꠎꠞꠔ 29:45

Ami Boni Israilor Mabud oia tarar maze boshot ḳormu.

ꠔꠃꠞꠣꠔ ৩: ꠟꠦꠛꠤꠀꠘ 14:8

Ar fak-saf bonra ou bemarie tar ḳafoṛ-sufoṛ doibo, tar gotror ar matar hoḳol sul-rum ḳamaia hari fani dia naite oibo, teu he fak-saf bonbo. Erbade he aia Boni Israilor kempor bitre hamaito farbo, oile tar nizor tambur bare shat din roite oibo.

ꠔꠃꠞꠣꠔ ৩: ꠟꠦꠛꠤꠀꠘ 15:31

“O Musa ar Harun, ou nomunae tumra Boni Israil shomazre hoḳol nomunar nafaki taki basaio, arnae tarar maze roa amar fobitro boshot ḳanare zudi tara nafak banain, te ou nafakir dae to tarar moron oibo.”

ꠔꠃꠞꠣꠔ ৪: ꠡꠥꠝꠣꠞꠤ 16:3

Oia tara dol bandia Musa ar Harunre ḳoila, “Tumra to kub beshi baṛabaṛi korrae. Asta Boni Israilor forteḳ manush-u zebla fak-fobitro, Mabud-o tarar loge asoin. Te tumra Mabudor bonda oḳlor ufre ustadi korrae ḳene?”

ꠔꠃꠞꠣꠔ ৪: ꠡꠥꠝꠣꠞꠤ 19:22

Nafak halote i zone zotota soibo, ita hoḳolta nafak oizibo, tar soa kunu zinish zegie soibo, he-o hainja forzonto nafak roibo.”

ꠔꠃꠞꠣꠔ ৪: ꠡꠥꠝꠣꠞꠤ 35:34

Ar tumra ze desho roibae ami-o to hono roimu, erlagi i deshre nafak banaio na. Ḳaron ami Mabud Boni Israilor maze boshot ḳori.”

ꠔꠃꠞꠣꠔ ৪: ꠡꠥꠝꠣꠞꠤ 5:4

Teu Boni Israile ola ḳorla. Mabude Musare zela hukum disla, tara ṭik oula-u ḳorla. Tara nafak hoḳol manshore kemp taki bar ḳori dila.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 23:14

Kial rakio, tumrare basanir lagi, ar dushmonre tumrar ato shofibar kiale tumrar Mabud Alla tumrar kempor bitre gura-fira ḳoroin. Erlagi tumrar kempre fak-fobitro rakio, arnae tumrar nafaki dekia Mabude tumrar ufre taki muk firailiba.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 23:15

“Kunu manshor kina gulam bagia aia zudi tumrar gese asroy loy, te tare tar malikor gese firai dio na.

ইঞ্জিল ১৪: ২-থিষল: 3:6

Bai oḳol, amrar Hozrot Isa al-Mosir name ou hukum diram, tumrar zomator kunu imandar baie zudi kuṛiami kore ar amra zeta talim disi, ita na mane, te tar loge sola-fira bad dilao.

Injil 17: Titas 3:10

Ze manshe doladoli lagae, tare foyla eḳbar, bade dusrabaro hushiar ḳorio, itae zudi he na bodle, te tar loge sola-fira ekkere bad dilaio.

Injil 27: Zaira Kalam 21:27

Nafak kunu siz, haramkur ba misa matra kunu manush, kunudin-o ino hamaito farto nae. Ḳali meṛa-baichchar zindegi kaṭar maze zerar nam leḳa ase, tara-u hamaiba.

Injil 27: Zaira Kalam 21:3

Bade ami hunlam, hou behestor toḳto taki eḳzone zure zure ḳoira, “Oḳon manshor maze roar lagi Alla Pakor zaga oise. Tain manshor loge boshot ḳorba, ar tara oiba tan bonda. Tain shoyong tarar loge roiba, tarar Alla oiba.